سودانيات .. تواصل ومحبة - نمط التفكير الملتوي (بابكر عباس و الجيلي أحمد نموذجان)

حافظ حسين / تحياتي وكل المتداخلين
غايتو يا حافظ اعصرو فيك ومرة ارخو
وكلامك كتير فيهو صاح
بس مغتغت بي حنيىة صحاب
المعني يعني يبقي الود محفوظ
بس المفروض النقاش هنا اكون مجرد من حيثيات العلاقة الشخصية
بمعني اوضح انك بتحاور فكر وليس شخص بعينه
اكون اخوك اكون ابوك اكون صاحبك .... الود محفوظ باقي
دخلت كتير هنا ومرقت بدون ما اخت لي حرف
لكن لو جردنا الاشياء تماماً مما ندثرها به
يتضح لنا جلياً الخمج البنخمج فيهو ده .. صفية .. وقدقدو .. وكلام الامنجية
شكل الكلام بقي واحد من مدة في جميع مواضيع المنتدي
حتي انو احياناً تكتفي بقراءة بوست واحد لتعرف ما تحويه بقية البوستات
اغلب الناس نست القضية الاساسية واكتفت بالكوراك والنقة والمناقرة لبعض الاشخاص
هنا تحديداً حقق محمد فرح وبدرالدين وغيرهم من كيزان الاسافير مبتغاهم
مبروك عليهم
نزلتو فيديو صفية وقبلها بعض الفيديوهات والناس هاجت وماجت ... شئ نبز واساءة
وبرضو الرابح الاكبر نفس الكيزان
اجي بدرالدين اكتب كلام او مداخلة اخشو عليهو الجماعة اساءة وكلام ما موضوعي وخارج النص
وبرضو بدرالدين هو الرابح
دحين يا ناس ده ما بحقق لينا اهدافنا ولا اهدافكم ولا بعمل تغير حتي لو علي مستوي المنبر ده هنا ناهيك عن بلد كامل
الفرق بين الكيزان وبين المعارضة
انو الكيزان جواهم ضعيف اطلاقاً ما متفقين مع بعض والله جد وظاهرهم متين يظهرون ترابطهم
اما المعارضة فلم تظهر قوتها حتي الآن لنأمل التغيير بالشكل المطلوب
نفسي ياخ ادخل لي بوست تكون اتوحدت فيه الاراء واتفقوا علي شرارة تغير حالهم
والله حقيقة اقولها ... لو نحن منتظرين التغيير بهذه النقاشات فلتأمن الانقاذ بكرسيها ابدا
تعالوا لنتفق كيف نغير امرنا للاصلح
اذا اردتم ان تغيرو لا لتثأروا فمن يحركه الحقد لا نأمنه ابداً
حقوق الذين ظلموا تأتي في المرحلة الثانية بعد التغيير ... ويبت في امرها القانون
بالله عليكم تعالو لنتفق دون اساء ولا لفظ بذئي وبكل مفهومية وعقلانية
تعالو لنعمل من أجل كيف يكون التغير وكيف نحركه ونتفق جميعاً علي رأي واحد
ووالله باستطاعتنا التغيير من هذا الكيبورد لكن بالرائ الصائب وليس بالحماقة
تحياتي حافظ
وللجميع