اقتباس:
ماك غلطان ياهو زاتووووووووووووووووووو ده الكلام الحبيت اقولو يلا بعد ده اجدعو عصاية المداح دى وادخلوا الى قلب الموضوع حصحصوهو حصحيص واطلعوا لينا بالمفيد حافظ ياخى يحفظك الله من لسان ناس مهند ود خطيب:D:D:D كن بخير |
العزيز معتصم صباح النور
يا خي في تصوير شوية غير مبلوع , و أتخيل لي مغلوط و غير علمي, و هو تصوير أن ما حاق بكل أهل الشمال سببه ناس غرب السودان , حيث دعمت تصويرك هذا بإستيسسات قاتلة جداً, ففي البداية تساءلت و إجبت في نفس السطر, كما سيرد أدناه: اقتباس:
ثانياً: قصة إنتحار الجعليات لرفض الإغتصاب ... في تقديري هو موقف مشرف جداً و فخر لكل نساء السودان, لكن في أي توثيق و تحقيق تم في الموضوع دا ... لاني بالجد الجزئية دي مهمة جداً بالنسبة لي, لأنه عندي شغل في مثل هكذا قضايا ... يا ريت تمدني بأي مرجع ممكن أرجع ليه. و يتواصل تصويرك يا معتصم أن محن الشمال دي كلها جات من تحت راس ناس الغرب أ اقتباس:
و أخيراً في إطار الدعوة لقراءة التاريخ و إنت خير من يدري أن المكتوب في النت ليس كله صحيح علي عواهنه ... يعني في إطار دفاعك عن سودانويتك أوردت مقال طويل عريض من النت و بمصدره , لكن يا عزيزي هذا المقال فيه معلومات مغلوطة بتنفي كامل علميته و الأخذ بما جاء بمتنه, حيث في المقتبس إدناه من المقال اقتباس:
الابيض عاصمة لمملكة المسبعات , و حتى دخول الدفتردار و معركة بارا الشهيرة 1821 كان ملك المسبعات هو المقدوم مسلم الذي ليس له ادني علاقة بالفور. يعني يا صديق مقال بهذه المعلومة البديهية القاتلة لا يمكن الأخذ به. |
اقتباس:
بالنسبه لمداخلتك دي يا باش قلت استهل بيه في البوست ده لانو امنا ماما سعاد ابراهيم احمد قالت كلام بخصوص انتساب معظم القبايل السودانين للعباس وجعفر اعمام الرسول صلى عليه وسلم ولاحفاده الحسن والحسين رضي الله عنهم جميعا يعني الناس الهديين الرضيين وقالت ابو جهل وابو لهب ديل ما في زول بينتسب ليهم ليه؟ مش قريشيين برضو اما بخصوص البوست في عضمه مافي نقاء عرقي لاي قبيله سودانيه على الاطلاق وكل القبائل امتزجت باجناس وقبائل اخرى باستثناء الجنوبيين وبالتالي ما المفروض اي قبيله تتعالى على الاخرى. للاسف العنصريه موجوده في السودان شئنا ام ابينا وبكميات مبالغ فيها وما علينا الا تحسس انسانيتنا ومحاربة هذا المرض البغيض. |
اقتباس:
أن ما داير أأثر في رأيكم فقط فالتعلموا أن السيد فلان قتل كلبه بوحشية قبل عام (السيد فلان هذا هو منافس من يؤيده توم هانكس) بات واضحا من هزيمة السيد فلان أن أصوات الزنوج ذهبت في الإتجاه الآخر بفضل تأثير توم هانكس ويا صديق هل مداخلتك هنا بنفس أسلوب توم هانكس ولا حقا كما قلت إنو دة ما فهمته من البوست؟ |
اسي يا حافظ يعني انت جيت انقذت ماريل من تهمة ورجغتها الفارغة دي؟
آها الكواهلة في فيافي البطانة الغرابة ما وصلوهم والدناقلة في عتامير الشمال الغرابة ما هبشوهم والحلفاويين سلموا من هجمة محمود ود احمد والبني عامر نجوا بقائدهم من ظلم عبدالله التعايشي اها ديل كلهم وغيرهم شايفين الغرابة والجنوبيين عبيد يلا شوفوا لينا اداوات تفرتكوا بيها بيت عنصرية القبائل اعلاه |
اقتباس:
اقتباس:
اقتباس:
شوفى يا ماريل .. ما تقعدى تعتذرى وتلطفى فى الأجواء .. رؤيتك واضحة .. بس مهابشة الأشياء دى دايرة صلابة .. عموماً معتصم ومهند يمكن مناطحتم .. أما أسلوب عبدو الجاب ليهو حرائر وطعونات تأليبية .. فطيهو تماماً .. ويا عبدو الحقائق التاريخية تفضل حقائق .. والسبى فى الحروب ليس طعن فى الشرف .. هو أغتصاب حقير كما الحرب .. مهما كانت مسمياتها .. وبالمناسبة تعبير (الحرائر) يحمل فى طياته كل العنصرية الحقيرة .. لإن ما يقابلها هو (الآمات) والعبودية |
اقتباس:
|
اقتباس:
|
اقتباس:
وبناء على ذلك يبقى الجعليين ديل يخلوا عنصريتهم الفارغة دي اها النوبيين ديل ما لحم راس وهم اشد الناس عنصرية وهم سيد البيت في العنصرية , يلا تعالوا فككوا بيتهم بادوات سيدهم لو اصلن التطرق للعنصرية بكون بالباب دا بس ساكت مشيلين الجعليين وش القباحة |
اقتباس:
يكون لعلمك يا وجدي انا ما الزول البيأخدوا الناس بالجملة (يعني اخدهم قبيلة كاملة و أشتغل عليهم), علي الإطلاق ما حيجي يوم تلقاني بكتب القبيلة الفلانية عنصرية.. لانو لو في واحد بس من القبيلة المحددة دي ما عنصري أنا بكون ظلمته و بالتالي ما حأسامح نفسي ليوم الدين.... و في كل كلامي بكون حذر جداً ما أنزلق في دمغ جهة كاملة بالعنصرية لانو بالصورة دي العنصري أنا ما هم... عشان كدا فيما يختص بإتهامك للنوبيين أنهم عنصريين أنا ما مطالب بالرد عليه أو تفكيكه لانه إتهام بخصك إنت ما انا. |
اقتباس:
وانت جيت دعمتها بالتفصيل دا اقتباس:
ان بتفق معاك انو التعميم مخل دايما لكن دايما لمن نرجع لي حاجات زي العنصرية لا نملك الا ان نعمم |
اقتباس:
انا ورجغت طيب ده احتمال قايم لكن انت ما تكون انصرافى وتوجه مداخلتك لى ورجغتى الفارغة دى القضية الاهم مسالة العنصرية دى يلا شوف لينا حل |
اقتباس:
اقتباس:
كلام جميل يا حفظ بس ( جمعة سبت أحد ..دا ترتيب عادى و ليس بالقلبة ) .. اقتباس: اقتباس:
انتبه .. يا حافظ لقول حق تأتي من صديق .. تعرفه اقتباس: اقتباس:
اقرأ جيدا .. يا صديق .. |
اقتباس:
الناس تتكابع وتتكابع لمن تفش غلها دا كلو ويسيل الدم لمن يطمم البطن بس على شرط يكون الصراع بين قوتين متساويتين وما يكون في انتصار واحد علي التاني ساعتها بس الحال ح ينصلح وحتزول العنصرية ومافي زول ح يكون حاقط للتاني بالضبط كدة زي ما حصل في امريكا آبان حربها الاهلية بين عدة اجناس مختلفة |
اقتباس:
ولو انو الاعتزار كمبدا مافيهو اى مشكلة بالنسبة لى عندما ادرك كنه الخطا الذى ارتكبته بس انا فى كلامى الجبتو انت هسه ده انطلقت من نقطة واحدة وهى انو الجماعة الاتداخلو ديل معظمهم ما فهموا ما اعنيه انا بالضبط يبقى هناك احد تفسرين الاول انهم بلدا عشان كده ما فهموا والتانى انى ما وفقت فى اختيار الاسلوب والعبارات وربما المداخل التى تسوقهم الى ما ارمى فاستبعدت الاول تماما فهو يبعد ملايين السنيين الضؤئية عن الواقع واعترفت بالثانى اها المشكلة شنو فى كلامى ده |
اقتباس:
اقتباس:
أوكي الجعليين قول بفتكروا أنهم من سلالة النبي... طيب في جعلي أكس بفتكر كونه هو من سلالة النبي دي بتديه أفضلية علي باقي الخلق, جعلي تاني y اي هو عارف و مقتنع أن من سلالة النبي لكن الموضوع دا ما بضيف ليه أي حاجة, و صدقني x & Y ديل ممكن يكونوا الإتنين في قبيلة الجعليين ... لكن هل دا بديني الحق أقول عن القبيلة دي عنصريين؟ بالتأكيد لا |
اقتباس:
|
تعرف يا حافظ
انا مؤمن تماما انو لو حق لجنس بشري يتعنصر ويفتخر ويتعالى علي باقي الاجناس البشرية فهو من حق الجنس الاسرائيلي الناس ديل من حقهم يتعنصروا ويطنقعوا ويشوفوا نفسهم ما عدا ذلك فليس من حق اي جنس بشري انو يرفع قرن علي جنس تاني بعدين عاين انت هنا بدل تقعد تناقر في بابكر ياخ سخر علمك دا وكتابتك بت ستين كلب في انك تشرح العنصرية زي ما هي موجودة في العلم وتعمل ليها Apply علي واقعنا السوداني دا |
حافظ
دعنا لا نتغالط .. فنجن ندعو لهدف واحد لكن نختلف فى الاسلوب والاسلوب مهم ..مهم .. مهم .. فلو لم يقنعنى اسلوبك ..راين فى هدف هدفا مخفى .. لكن حقيقة .. [QUOTEا]لمقدوم مسلم والي كردفان الذي عينه السلطان محمد الفضل وهوسلطان دارفور الذي ضم كردفان إلى مملكته وعين محمد الفضل حاكما على كردفان تحت سلطانه وعقبهم في كردفان يسمون بالمسبعات،[/QUOTE] هذه معلومة مهمة لكن الابيض ولا بارا عاصمة الفور بل كانت فرع .. |
فقط شيى واحد
أنا قلت الدفتردار أنى من غرب السودان و ليس معه قبائل من غرب السودان لكن عونه كان ( الكبابيش ) الدعم اللوجستى .. و الكبابيش ديل عندى ليهم ونسة فى البوست دا .. مش قبلية لكن فى مسألة تاريخية أيضا .. طيب جيش محمد على مكون من منو ؟ اقتباس:
|
الأخت ماريل اسعد الله نهارك نحن لا نحتاج الى الطعن في أنساب الآخرين لنقرر سوء وانحطاط خلفياتهم التاريخية وبالتالي ندعوهم الى نبذ العنصرية .. هذا المدخل الأساس ساق البوست بعيدا عن الرؤية التي يمكن أن يفيد فيها الجميع .. !! ان القول بذلك -في ظني- لايقود إلا الى مزيد من التفتيت ولايخدم فكرة التعايش السلمي الواحد للسودانيين .. !! تظل العنصرية والعنصرية المضادة فعلان بغيضان غض النظر عن صفاء عرق او ( لخبته) .. !! (الشعوب العظيمة تبدع أفكاراً عظيمة، لكن الأفكار العظيمة لا تبدع شعوباً عظيمة) جبران خليل جبران |
زكرتونى الصحفى الذى كتب عن بعضنا
الذى يكرم ضيفونه من الرجال(بالعزبه) وهى المراءة المطلقة.... فما كان منهم(بعضنا ديلك) الا ان ذبحوه من الاظان لى الاظان وجدعو راسوا فى مكان وباقى جتتو فى بكان وانتهى الموضوع بالنسبة ليهم على كده ونحن ما زلنا لا نعرف ما كتبه صحيح ام هو اخطا فى حقهم لانهم اكتفوا بذبحه دون الرد الموضوعى على ما حكاه وانا ارى ان نصل سكاكينكم قد دنى من وريدى فيا سماح وليداتى امانة فى ضومتكloooolloooollooool |
اقتباس:
|
اقتباس:
المتمة بتاعة الجعليين دي؟ إسمها متمة هاشم وهاشم دا فوراوي والسلطان خميس الإتحالف مع بادي لهزيمة الاحباش فوراوي مستعجل بجي لمداخلاتك الهبوب الفوق ديك |
ماريل سلامات فكرة البوست ممتازة وتتحدث عن مشكلة كبيرة جداً تواجه الشعب السوداني لكنك عندما اردتي ان تدعمي الفكرة وجهتي اساءة الى الجعليين والشايقية. اقتباس:
معني كلامك ده انو في جزء من الجعليين اولاد حرام اقتباس:
وحسب كلامك ده يجب على الجعليين ان يصبحوا سودانيين فقط لانهم عديمي الشرف وينتمون الى قبيلة نسبها مشكوك فيه اقتباس:
وهنا وصفتي الشايقية بالخونة اقتباس:
وهل تملكي دليل على هذا الكلام |
شكرن اسمر على مداختلك
اما بخصوص ملاحظاتك فقد رديت عليها عبر ردودى على المتداخلين قبلك تشكر تانى وتالت |
سلامات ياماريل والجميع
ياستي العوجة مابتجيك وأكملي ما بدأتِ من حوار وجميل إدراكنا أن بعض الطرق لا توصلنا الى غاياتنا هنا ليست مقصلة للشخوص بل للأفكار حينما تنحرف عن وجهة الحقيقة فياسيدتي الآخر لا يعرف النوايا..بل يعرف الطرح واللغة، وهأنت خذلتك المداخل واعتذرتي عنها..فلا عليك ..أمنّي على الحقيقة اينما أنارت درب وعيك.. _________ العزيز حافظ هذه العبارة تحديدا اقتباس:
ما الفرق بيني وبين العنصري حينما أحاربه بأسلحته؟! عندما أستخدم تقييمه لتدريج الناس وتصنيفهم وحط قدرهم ورفعه؟! هذا فخ أوقعتكم فيه رغبتكم لضحد هذه العنصرية البغيضة، الحقيقة الإنسانية أكبر من هذه التفاصيل، ومتابعتها وتتبعها.. أعتقد اننا جميعا نرفض العنصرية لكن مدخل ماريل لتفنيدها أعتبره غير موفق..وأرى انها قد تراجعت عنه حين اتضح لها قصوره فـ من كان يريد أن يراجع التاريخ لأغراض اخرى كالهوية وغيرها فليفعل وسلام للجميع ما تخافي أولادك وأبوهم في رقبتي :D looool |
اقتباس:
انتى بس ابقى عشرة على الوليدات غايتو عالم اتهازية تنتظر الفرص :cool: |
غايتو يا صحبتى اكتشفت ليك انو الناس ديل انصرافيين جدا
خلوا القضية المهمة وطبقوا لى فى زمارة رقبتى عشان قلت جعليين وشوايقة مافى زول لا هسه جاب المفيد يعنى بوست زى ده يمرق بلا فايدة غايتو الله فى |
نواصل تاريخ الأعراق ..
أو أسئلتها .. متى دخل الأقباط السودان و هل دخلوا مع المستعمر لكن ليس فيهم ( عسكرى ) واحد و كلهم تجار ؟ و مسالمون .. فى السودان أكثر قوم مسالمون و يأتون فى المرتبة الأولى و لكن الأقباط أنفسهم منقسمون سرا .. و لهم تأريخ مع عبد الله التعايشى و مع بقية حكام العسكر .. |
ليس دفاعا عن ماريل ومع كامل الإحترام لكل المداخلات لكن حقيقي في تقديري ليس هنالك من مبرر للهجوم علي ماريل بهذه الضراوة. و بالمناسبة ... و أرجو ان تتسع الصدور لحديثي ... نحن بنستهلك طاقة كبيرة جدا في الهجوم علي بعض بدلا من توجيه هذه الطاقة لتداول النقاش في إتجاه مثمر. بعدين نحن عندنا قابلية عالية جدا للإستفزازالسلبي. ده لو سلمنا جدلا بإنو كلام ماريل مستفز. رغم إنو الاستفزاز ممكن لو طولنا نفسنا يكون طاقة إيجابية لإعادة التفكير في القناعات و المسلمات. و أنا هنا بالطبع بفرق تماما بين الإستفزاز القصدي الذي يحتمل الإساءة فهذا بالتأكيد مرفوض. و بين الإستفزاز العَرضي أو الذي قد يفهم من سياق الحديث و لو لم يكن مقصودا من قبل المتحدث. و لا أظن بأي حال أن ماريل تقصد أن تمارس علينا إستفزازا قصديا في ذاته بقدر ما تحاول استخدامه كآلية لشحذ النقاش ما أود قوله هو نحن هنا لسنا في معرض صراع أو حرب بقدر ما أننا بصدد نقاش و حوار. فلماذا لا نحيل الإستفزاز (إن وجد) الي العَرضي غير المقصود لمصلحة الحوار و النقاش الهادف. رجاءا دعونا نوجه و نركز جهدنا فيما يقال ... لا في من يقول حتي لا ينحرف البوست من الموضوعي ... إلي الذاتي. |
اقتباس:
العجب شلة المستثقف الطبلي مايلحق واحد يتداخل منهم براي الا والتطبيل يقع بنفس الايقاع بدون اي توان ولا صوت يعلو على ايقاع الصديق حتى وان كان نشازا او على راس احد الكلام عن الشلة لايعني شلة معينة ولا يعني هذا البوست وانما اتى هنا بناءا على مداخلة الاخ خالد |
اما اذا تداخل boss الشلة فانت لا محالة هالك بكل انواع الاسلحة ولا مجال لتصنبف الاسلحة حين ذاك:mad:
|
حين حل الاسلام بهذه الأرض وجدها بلا قومية ، كارتلات أسرية متفرقة بلا أفضلية ظاهرة لبسط حكمها خارج حدود الأسرة ن وجدت هذه الكارتلات منفذا للحكم والتعالي في مناهج الحاكمية في الاسلام والتي هي الأخرى تحمل بين جنبات موقمات التضاد والاختلاف ..
ومن مبادئ كقرشية الحكم لهثت أشجار النسب نحو العترة النبوية لهثا ن فعلها الجعليون ببطونهم والفور والأشرف غيرهم (وهذا الفعل التاريخي ليس حكرا على السودانيين فقط بل سبقهم اليه أقوام كالفاطميين ...تلك الارتباطية سمحت للجعلي بالتعالي على أسس متناقضة تكذب أحيانا باسم الدم النقي وأحيانا باسم أحقية جغرافية !! وعوامل عدة أدت الى قوة وارتفاع نجم الممارسات المتولدة رحم هذا الفكر كـ: أدبيات القبائل الممجدة لذاتية القبيلة ... رفض الآخر ... تواتر السنوات ... عدم وجود فعل - قومي - مضاد يهدم المفاهيم القديمة وغيرها كثير ..... كل هذا وغيره مما يضيق المجال عنه أدى الى غبن تاريخي رهيب ولدت من رحمه العنصرية المضادة وهي ببساطة عنصرية يمارسها أبناء الاثنيات (الحديث هنا عن العنصرية العرقية ) التي مورس عليها هذا الغبن لسنوات طويلة ، ورغم أن العنصرية المضادة هي وليد شرعي لهذا التواتر التاريخي فانها بشكل ما ساعدت في اذكاء أوار العنصرية ... واصبحت الساحة حلبة بين فريقين ... حلبة لعبت فيها أقذر اللعبات ..... فما الحل؟ يتبع ........ |
بوست غير موفق
|
اقتباس:
المشاركة الأصلية كتبت بواسطة ام التيمان http://sudanyat.org/vb/images/buttons/viewpost.gif اقتباس:
مداخلة كما كتب فيها |
اقتباس:
ثم راجعى مداخلاتك تجدى انها كلها كما قال معتصم وطالما انو مهند مسك الدرب ومعتصم ماسك التاريخ وبقية الشباب يبحثوا عن الية لتفكيك المعضلة بالتاكيد سنتوفق فى ترك العنصرية وهذا فقط ما اصبو اليه تحياتى يا ام التيمان الله يوفقك |
بعد نهاية مملكة مروى بدأ ما يمكن تسميته ملامح للسودان القديم
مملكة الداجو في دارفور مملكة المقرة في الشمال مملكة علوة على النيل الأزرق مملكة البجة في شرق السودان هجر. ممالك القبائل الجنوبية ( ثلاثة) .. نيليون -3 ممالك - نيليون حاميون - سودانيون . و لسه ما كان فى عرب .. |
اقتباس:
|
أمس فى برنامج مافى مشكلة ظهرت مشكلة جميلة فى نهاية الحلقة بت ( قبايل) كما قالت .. تزوجت من رجل مغترب عرفت لاحقا أن قبيلته ( مش و لابد ) .. طلبت الطلاق و حصلت عليه ..( ما عندها مشكلة مع الراجل ) .. أها مشكلتها شنو ؟؟؟ لو سألوها أو سألها العريس القادم سبب طلاقك شنو ؟ تقول شنو ؟ تحليلى كان ( تخجل أن تقول السبب الحقيقى فى زمن تنتهي فيه القبلية) ( تخجل أن تكون سكند هاند لى زول ( قبيلتو مش ولابد) و تقولو بوست غير موفق .. |
| الساعة الآن 10:15 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.