اقتباس:
حكمة و الله و حكاية بعدين أخواتك ديل ريسينهم مليانة...و يا ريت كنت معانا عشان تعرف الفهم كيف حاجة تفرح تقول لي صور؟؟ الجيلي... عليك الله أدي صاحبك دة راسو يوم بيعوق ليهو زول :rolleyes: |
الأخ نبيل
تحياتي نعم ما قلته صحيح أذكر في المرات التي سبقت هذه الزيارة و أخواننا الحمالين يأخذونني للسوق الحر سألت الرجل أول زياة لي..عن ماذا يريد رد علي..أديني أجري علبة لبن فورموست لأولادي صراحة..بديت أبكي و دموعي تسيل من غير أشعر... هزني طلبه بصورة شديدة و خاصة إنه الوقت كان قبل وقفة عيد رمضان بيوم واحد تخيلت أبناءه الجياع مستنين بس علبة اللبن دي البتنقذ جوعهم و كرهت الدنيا عند خروجي من المطارقال لي أحد الأقارب...غشاك و أخد أكتر مما يستحق..إنتي قايلة أولاده فعلآ جعانين دة حيمشي يبيعها للتجار بتاعين السوق و يكسب منها. .و كان ذلك قبل فتح السوق علي آخره الآن رديت عليه...قدم ما ندم يا أخي, الدنيا عيد ما مهم ياخد كم يا نبيل..لكن الطريقة هي المهمة..يعني يخطف الشنط خطف من إيدي و أنا أقعد أسك في عفشي دي الما مقبولة... أتمني إنه إبنتك وجدت حاجات تانية أجمل في السودان تنسيها هذه الحادثة لكن برضو صدقني..المصريين صعبييييييييييين يا أخي تحياتي لكل أفراد أسرتكم |
اقتباس:
الأخت زهرة المنتدي كان بودي أقابلك..لكن الوقت كان قصير جدآ..و ذاد الطين بلة (غتاتة الود معتصم) خيرها بغيرها و أهو شفناك المرة الفاتت علي جنب ما زلت أحتفظ بصوركم من السنة الفاتت لو ما عندك مانع ننزل ليك صورتك قلتي شنو؟ |
ما شاء الله يا حنينة ونعم الحال والله
كنت مشتاق أشوف صورة ناصر يوسف ودكتور سيد وبيني وبينك ناصر طلع حنكوش وتوقعاتي تجاهو كانت مختلفة خالص. مايم دي أول صورة واضحة ليهو أشوفها. أما الجكس فأنا عارف الحاصل طبعآ خشيت الفلم ده قبل كده كم مرة والحمد لله في الأضان الشفناها :D |
أبو الزمل خالد
اقتباس:
عشان كدة قالوا العاقل من إتعظ بغيره لو أي واحدة غيرت رأيها و رسلت لي بالوافقة..طوالي أنزل لكن غير كدة...فنحنا أدينا كلمة صورة جماعية http://sudaniyat.net/vb/images/uploa...71310de6ea.gif |
اقتباس:
أنا ما مستعجلة يا حنينة...ورانا إيه؟ أخدي راحتك...انا مستمتعة بالصور... خلي الحكاوي في الآخر..عشان يكون ختامه...مسك و عنبر.. ;) |
حنينة ,,
حمد لله على السلامة تاااانى ,, نحن ما بنخش الا بعد الصور تنزل .. شفتى الغتاتة دى ؟ أوعى يا حنينة تكونى مع المضربات من انزال صورهن ؟ .. عايزين صور جماعية لو أمكن ,, عشان نشعر بروح اللمة . |
حنيييييييييييييييييييييييييييييييييييييييييييييينه
كدهما كويس قلنا ليك نزلي صورتنا الما خايفين عليها لكن بي شرط والشرطإنك تنزليآخر صوره ليكمعانا هنا وده ما حصل حتي الصورةالجماعيه نزلتيها مقطوعه من الجانب الإنت فيه وتااااااااااانقولليك نزلي صورتك ولا حأحول الأمر للسلطات (الجهنميه) حمدي جقجق وجمال تاج السر أها قلتي شنو؟؟ ــــــــــــــــــــــــــــــــــــــــــ لكن يا ود الحاج ...... قلت لي شنو ؟؟ ح ن ك و ش؟؟ أصبر لي جاييك برواقه أهاومصيبتك الخاتيها لي لسه ما نجضت ولا شنو ؟؟ |
اقتباس:
عمكم ناصر دا كان ماقعدتهو فى الكرسى كان وقع ليكم فى الواطه.. :eek: |
الاخت حنينه
حمدا لله علي السلامه ناسف جاءت متاخره ما سودانيه,ابدا ليس كذلك بس شغلانه دنىا فلك العتبي حتي ترضي , عجبتنا طلتك للبلد وبركه القيتي الاهل طيبين, الظاهر انك اسم علي مسمي حنينه خالص والظاهر انك طولتي من السودان لانه الشي دا ماهو من اليلي ولا امس,الشئ داماشي حز حز ليه زمن وقالوا يااختي اليده فى المويه ماذي اليده فى النار, اهنيك باانك كاتبه بارعه جد العنوان يشد اي قارئ فجد شداني العنوان و شوفه الصور فلا تخزيلينا بت بامسيكا |
.
اقتباس:
اقتباس:
|
اقتباس:
بستناك في الصيوان :D |
العزيزة ندي
و الله ألبومات أب جقادو خوفتني عديييييييييييل..فخفنا من صورنا الشينة تنزل و يتشال حسنا في السايبر إسبيس عن سفرك للسودان و كل ما كتبتيه... لا أخفيك..رغم كل ما حكيته و انطباعاتي لكن ما تتخيلي كيف أنا إنبسطت من زيارتي القصيرة شديد دي و لا يهمك...شدي الحيل و أمشي و ليك علي تنبسطي علي الآخر و ما عندي مانع لو رسلتي لي تذكرة علي حسابك أمشي معاك..كحارس علي الأقل سأمنع الجماعة من أخذ العفش بالقوة للترولي أصلي بقيت خبرة :D :rolleyes: تسلمي |
اقتباس:
المقطوعة صورتها دي بنت النيل اقتباس:
مش يكفي أن الأستاذ أبو جقادو بي عضمة لسانه قال بيخمخم في الصور؟؟ بعدين تعال.. أب جقادو و جمال تاج السر ليهم أكثر من 3 أسابيع ما زاروا منتدي الكمبيوتر يا ربي يكونوا أخذوا إجازة تفرُّغ لي صورنا :D برضو جايز :rolleyes: |
بت بامسيكا
تحيات سودانية و بما إنها سودانية..يبقي يا أختي ما إتأخرتي...لسة بدرررررررررررري اقتباس:
و نذيد ليك....الجمرة بتحرق الواطيها اقتباس:
|
اقتباس:
على ضمانتي.... :cool: اقتباس:
اقتباس:
بستناك في .... ... .... ....السودان .. ;) |
حمد لله على السلامة
السودان ده مبردين ناره الأهل يا حنينه يا ختى |
بطن بيتي ده ما بيطلِع إلا شربات...و سكرو زايد زيادة كمان...
اقتباس:
ممكونة أنا بشرب بالمحلي الصناعي فقط..نظام ريجيم طمنتيني يا ممكونة يا أختي سأرجع لكم بموضوع حدث لي و لزميل سوداني أمس أثر علينا كثيرآ بجيك في بوست آخر بالموضوع عشان بس نعرف كيف أطفالنا في السودان مظلومين يا ممكونة خليك علي الخط |
اقتباس:
نعم كلام صحيح و الله و أضيف الأصدقاء الحقيقيين و اهل سودانيات لقيت منهم حفاوة صادقة و مقابلة تشرح القلب و الله هناك الكثير من المثالب يا أسماء ..و نحن لا ننكر الموجب إن وجدناه نواصل |
اقتباس:
لا حلوة وملعوبة يا خال قلت لي الحمد لله في الأضان الشفناها مش كدة بالله :D :D :D [/align] |
حنون
بختك بالله كنتي في السودان؟؟ عندي سؤال بسيييييييييييط انتي جبتي صور الناس كلهم وشلتي حس بنات سودانيات قلتي قالو ما يجيبو صورهم السؤال:- طيب وينها صورتك انتي؟ (وجه غامز) :D |
اقتباس:
و.... كده كيف؟؟؟؟ مبااااااااااااالغة... :p :p :p :p ممكونة بت :cool: :cool: :cool: |
اقتباس:
ــــــــــــــــــــــــــــــــــ بالله ؟ عليك الله ؟ قتي كدي ؟؟ سمح جقجق أخوي قال جاي عليك بالإلبوم الماااااااااااااا خمج .... قالو أشوف فيك يوم وأشوف صورتك الخايف عليها معلقه في (معلاق شعلاق سودانيات) ياااا رب |
اقتباس:
ــــــــــــــــــــــــــــــــــــــــــــــــــ ـــــــــــ والله صدقت آآ الجيل آآآآ خوي دحين والنعمنو كدي الواحد من قومة دقش الرحمن قبل الفجريه وعوعوي الديك صحيان وهاك يا دفسيبه وجري فوق لقمة العيش ... وعليك أمان الله من بطن بيتي لي بكان شغلي تمااااااااااااااانين كيلو وبمشها فوق ساعة ونص ماشي وساعه ونص راجع لي عيالي أها يوم الصوره دي عليك أمان الله الشغل كان متلتل والعوينات حمرن متل التقول سيدهن ضاربلو شغلانيات جقجق ديلك ... علا في شان الحبان كلو بيهون .. وفي شان حنينه الحنينه أها في شان شيتن تااااااااااااااااني القعده الفوق الكرسي آآآآآآآآآ خوي الكريشه مي كبييييييييييييره وإن وقفت .... ياهي الظهرت وخربت الصوره ويمكن ترميني وأقعلكم من طولي ههههههههههههههههههههههه |
اقتباس:
عفيت منك يا ست الناس وأثني وأكررررررررررررررررررررر السؤال الغااااااااامز من ممكوووووووووونه ويني صورتك إنتي (الخايفه عليها ) وصورتك الخايف عليها ونحن مااا خايف علينا هاك بالتذكار أشيلها وأشيل معاها الفي ......... |
اقتباس:
أها الرد في السؤال......بنات سودانيــــــــات و أنا منهم :p قلنا يا ناس أحسن نقابلكم (وجهالوجه) فليس من رأي كمن سمع مش؟ تحياتي لزهير |
اقتباس:
|
اقتباس:
الننتظر ..و نجيب المحامي من هسي |
نبدأ من مدخل ثاني
شئ غريب لاحظته هذه المرة أكثر من قبلها الطائرة إمتلأت كما قلت بالأجانب... من أين و لماذا أتي هؤلاء؟؟ سؤال وجيه سألته في نفسي شخصيآ مقتنعة إقتناع تام..مع كثير من الهنود Where you find Indians, there is sooo much money and hidden Agendas طبعآ الهنود نفسهم و من ملبسهم تلاحظ إنهم خشوم بيوت.. فيبدو التباين واضحآ في الSocial and occupational status لديهم....من درجة عامل لدرجة رئيس مجلس إدارة.. هناك تخصص شبه واضح..السوريين و بعض الأتراك و المصريين..محلات الأكل و المخابز الأتراك....تقريبآ إنفردوا بالأثاثات و الستائر حتي الصوماليين..يجوبون شوارع الخرطوم و يمتلكون محال الإنترنت و صرف العملة من المقيمين بالخارج الهنود..قطاع البترول و ال IT أما الخواجات فإما يتبعون لمنظمات الأمم المتحدة أو بعض المنظمات الأخري التي تعمل( و الله أعلم) تحت أستار أخري. أو يعملون في قطاع البترول و ما يتبعه من اعمال Subcontracting رهيبة جدآ حتي مطعم أمواج الشهير علي شارع أفريقيا بالقرب من شارع 15 بالعمارات علمت إنه ملكية أجنبي بالنص. يا ناس معقول بس؟؟ بلدنا بقت ملك حر للأجنبي قبل السوداني..؟ سألت عن السبب. .و جاءتني الإجابة حامية جمرآ يتلظي.... -يا أختي الأجانب لهم تسهيلات و إعفاءات أكبر بكثير من أولاد البلد..و الشغل فيه إنَّ و أتاوات للبعض( و أشارت الإتهامات لبعض المسئولين و السيدات زوجاتهم) و علمت أن بعض هذه المحال يشارك فيها بالنصيب الأعظم مسئولين من الحكومة و المؤتمر و توابعهم و الأجنبي مجرد غطاء و ساتر فقط ( و يا ستار أستر) البلد في حالة غريبة...غريبة جد لاحظوا أنني لم أمكث سوي مدة بسيطة جدآ جدآ لم تصل حتي للعشرة أيام..لم أقطع فيها سوي كوبري واحد من كباري العاصمة تري ماذا كنت سأري لو كانت مدة زيارتي أكبر؟ و مشيت شفت أكتر من كدة؟؟ نواصل |
اقتباس:
حمد لله علي سلامتك يا حنـــــــــــــــــــــــــينة . هسع في ناس كدة يا حنينة تلقاها قالت : الحمد لله القطعت وشها مننا قبل ما تقطع باقي الكباري . تحـــــــــــــــــــيـاتي ود النــــــــــــــــــــور |
اقتباس:
الله يسلمك أخي ربما قالوها هذه المرة.. لكن حيكون في تاني و تالت و رابع حنقطع فيها كل الكباري المرة الجاية..بما فيها الكباري خارج العاصمة نواصل بعد الفاصل |
بوست كلو رجال حلوين
واضنين .. وكل بنات المنبر تشمل ( فضولى ) ذاتو .. |
أقتباس من حنينة
و جاءتني الإجابة حامية جمرآ يتلظي.... -يا أختي الأجانب لهم تسهيلات و إعفاءات أكبر بكثير من أولاد البلد..و الشغل فيه إنَّ و أتاوات للبعض( و أشارت الإتهامات لبعض المسئولين و السيدات زوجاتهم) و علمت أن بعض هذه المحال يشارك فيها بالنصيب الأعظم مسئولين من الحكومة و المؤتمر و توابعهم و الأجنبي مجرد غطاء و ساتر فقط ( و يا ستار أستر) ؟؟ البلد في حالة غريبة...غريبة جد لاحظوا أنني لم أمكث سوي مدة بسيطة جدآ جدآ لم تصل حتي للعشرة أيام..لم أقطع فيها سوي كوبري واحد من كباري العاصمة تري ماذا كنت سأري لو كانت مدة زيارتي أكبر؟ و مشيت شفت أكتر من كدة؟؟ الأجابة طبعا ناقصة كتير عشان في ناس بفتكروا أنو السودان بقي جنة الفردوس والخرطوم هي سدرة المنتهي ولكن حنينة الحنينة هل توجد أستقلالية في التفكير دون حرية فكر وكيف توجد حرية فكر بدون تعبير وهم يريدون أن نقول قولا لا يوقظ نائما ولا يزعج مستيقظا ولا يريدون منا ان نفتح فمنا ألا عند الدنتست وبلقيس أسلمت مع سليمان لله رب العالمين فهل يريدون منا أن نسلم للأنقاذ أم نسلم للوطن والساكت عن الحق شيطان أخرس لو رأينا فيك أعوجاجا لقومناك بسيفنا هذا صدقت أمرأة وأخطأ عمر ومع ذلك فهنالك أهل :: التبرير والتخدير والتزييف نتمني في زيارتك القادمة للوطن ، أن يكون المطار الجديد قد أكتمل بالشفافية والشفافية والشفافية يديك العافية يديك العافية |
اقتباس:
|
اقتباس:
الإجابة بالقطع...لا و ألف..لا تعرف المخوفني شنو يا دكتور؟ نحنا بنتكلم دلوقت و بتناقش هنا أخواتنا بيدافعوا عن المكتسبات بالداخل في السودان نحنا بننتقد من نظرة موضوعية من الواقع( وجهة نظري) لغاية كدة كويس الما كويس... أنا أظن ( و إن بعض الظن إثم) إنني في سفرتي القادمة لن أجد السودان الذي أعرفه و تعرفونه دي النقطة الدايرة أقولها... هناك تخدير شبه تام للإنسان بالداخل...بحيث لا يشعر بما هو آتٍ و هذه لمستها من الكثيرين ممن إلتقيتهم من الأهل و الصحاب الإنسان مشغول باللهث وراء لقمة العيش غير دريان السودان سيتفتت إلي دويلات يا ناس ألحقووووووووووووه و بكرة تقولوا كان لنا هنا سودان و حينها لن ينفع البكاء و العويل |
سلام يا حنينة
الف حمدالله على السلامة.ز بوستك سمح شديد.. تعرفي انا لما امشي السودان.ز اهم حاجة عندي الناس.. بمشي الاذاعة اقعد تحت النيمة.. بلاقية الامة كلها.. نقعد نضحك من القلب. تعرفي بحس انه الضحك من القلب عابز تدريب بعد الغربة لاني لما اضحك بشوف نجم..من عدم الضحك القلبي في المنافي.. بعداك بمشي التلفزوين اقعد في العريشة.. اها يجي زول واحد يشتغل مس كولات ولا مسج واحدة يلا تحصل اللمة..واكون ساعتها اسعد الناس في الدنيا.. هنا في لفح الحر مع اناس احبهم اودهم وهم بالمثل.. وامشي دار عزة الاقي عدد من الناس ما عارفة بحس اني ذي هبلة عندها ام فريحانة.. اضحك واكثر من الابتسام..واحب حاجة عندي لما اركب حافلة وتدور فيها شكلة بكون متكيفة انه دي الحاية الحقيقة وما عداها زيف وبهتان... حلمي ان ارجع مرة تاني للسودان على قدمين وليس صندوق لاعيش الى الابد.. ممكونة لونت عطلتي الاخيرة وضمختها واسع بقت من الناس الما ارحل بشتاق ليهم.. متمنية شهر 6 يجي عشان ارجع... الله يا بلادي يا بلادي يا بلادي.. محبة ليكم كدي لما اجي تكلفتوني لكن في زول هنا اتلوم رفض يقابلني وجا قابلك شايفين الخيار والفقوس؟ الزول دا اولو غاندي ولد ام غاندي... المرة دي متمنية نتلاقى انا والملكة ساكنين قريبين لبعض.. مودتي لكم جميعا.. |
أتيتكم أسترق من الزمن سانحة للبوح
وأتلصص أثار إنتمائى لصحبة كما الكواكب يخلبون الأبصار بريقأ أيتها الحنينة مازلت أفكر .... فيك...... وفى كل تلك الأبواب التى تركتيها مشرعة.... وبرغم كل ذلك العنت ..... الوجوهة المتهجمة ...... النظرات النارية من وراء الجرائد الخاوية ........... المكاتب الفارغة ............... وساعات الإنتظار ....لناقل جماعى ...لأن الميزانية دائما عاجزة عن إستئجار أمجاد أو .....رقشة برغم كل هذا وذاك أحب هذا الوطن ............... ستات الشاى ................... بائعات الكسرة ................ وأطفال الشمس على أرصفة العمارات التى نبتت فجأة فى شوارع الخرطوم .......... أحب تلك المدن الوداعة على ضفاف النيل ........... والقرى المستجيرة من ضوضاء المدن بأطراف البوادى ............... أحب الذين يعرفون ( سمير ) ولم يسمعوا بـ ( أنفلونزا الطيور )............. والذين يرابطون فى دروب الصبر يحملون وطن يتمنوه ويصرون على أن يكون ............. وأحب آل سودانيات هولاء ..... منابع الفرح لكم الود ...........جميعكم بنت النيل |
اقتباس:
يبدو من كلامك إنه ما زال لك أصدقاء قدامي كُثُر بالداخل هل تصدقي يا بيان إنه و لا صديق و لا صديقة من قدامي الأصدقاء حتي من أيام الإبتدائي ما زالت بالداخل؟؟ لما بمشي الخرطوم..البلد خلاااااااااا منهم أجبرتهم ظروف المعيشة و تحصيل العلم للخروج من السودان. من تجدينهم بالداخل..أكثرهم محبطون دلوقتِ يا بيان..عند ذهابك و جلوسك تحت تلك النيمة و عند بدأكم الضحك لاحظت لفلان و باينة عليه مظاهر العنت و التعب و حانت منك إلتفاتة و صديقتك المقربة تلاحظين عليها أعراض الفقر و أخري يقفز الإحباط من عينيها دون أن تنطق و آخر أخذك علي جنب يحكي لكِ جور الزمان كيف بعد دة كلو ما بتموت الضحكة في الفم؟ كيف بس؟ بتقدري كيف تغطي عيونك عشان ما تشوفي مناظر البؤس الفي وشوش الناس المسكينة وريني بس؟ أنا إنسانة تحب الحياة بالمناسبة و شعاري إن الحياة جميلة لكن ما أراه في بلدي يقطع قلبي ربما لأنني أحب أن يكون البلد في أبهي صورة و هو أبعد ما يكون مش معني كدة إني ما بشوف الجميل..بالعكس و الدليل علي كدة إني إستمتعت بالإجازة خير إستمتاع و الله كفاية شوفة أهلي ناس سودانيات..خمس ساعات مرت و كأنها دقائق اقتباس:
تعرفي يا بيان..شهر ستة الجاي دة شكلي حأجي أتلمَّ معاكم و الحجل بالرجل في الحافلات أم شكلات :D اقتباس:
الله يدينا حسن الخاتمة اقتباس:
الله يلمك في الملكة و غاندي( الهارب) و الجميع ديل ناس زينييييييين يا بيان. مودتي الصافية |
العزيزة بنت النيل
كانت لحظات لقائي بكم تسوي العالم كله تركتم إنطباعآ عندي لا يعلم بعمقه إلا الله اقتباس:
إنتي قايلة كان ما الذكرتيهم ديل نحنا كان غضبنا و زعلنا جنس الزعل دة؟ هؤلاء و أولئك القابضون/ ات علي الجمر الناس الحقيقيين يا بنتنا... الناس الحارقاهم الجمرة إ لأنه القائمين علي الأمر فضلوا إقامة الكباري و الطرق المغشوشة و البيات المضروبة و إستخسروا بضع دراهم تستر حال هؤلاء عند العجز و المرض.. هل في حياتك رأيتِ الطوابير عند دواواين الزكاة؟ شفتي التكافل الفي المستشفيات الذي يتسول المسكين عنده العلاج..أعطوه أم منعوه؟ هذا هو السوادن عندما تركته... و الآن و رغم تدفق كل هذه الأموال التي تملأ كروش البعض هؤلاء و أولئك ما زال الحال في حاله يا بنية النيل... ورانا شغل كتير يا أختي كان ناس برة و لا ناس جوة( مع تحفظي علي هذا التقسيم الهلامي) أليس هناك أرسين لوبين في السوادن؟ أرجو أن تكوني فهمتيني صديقتي و إن شاء الله بي شوفة قريب لينا كلام كتييييييييييير و محبتي الصادقة |
الصورالصورالصورالصورالصورالصورالصورالصورالصورالصور الصورالصورالصورالصورالصورالصورالصورالصورالصورالصور الصورالصورالصورالصورالصورالصورالصورالصور وين ياحنينه عشان نقدر نشوف وناخد فكره عن الSocial and occupational :Dstatus بتاعت العالم الماشفناهم ديل :D
|
| الساعة الآن 03:30 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.