بسمك اللهم اخونا ناصر سلامات يا زول صباح الخير حميد ... كوديق حميد في الشعر السوداني وسيع وعميق جدا ، يتسع للسودان كله . حميد ثقف العامية السودانية حيث خرجت من ثقافة منطقة منحنى النيل ليعرفها اهل السودان جميعا ، ويتغنوا بها . وحميد استفاد من شعراء المنطقة أمثال حاج الماحي حسونة وحدربي وغيرهم . لكن حسب اعتقادى حميد تفوق عليهم جميعا وكانت مدرسة حميد الشعرية التي نتحدث عنها ، وحقيقة الجماعة الهنا ناس نغم ، طيبان ، وماريل ، أحمد طه .. الخ مشكورين دلجولنا التقاة عشان نجي نشارك ... ونأخذ من قصيدة حميد بما يقربنا من رؤية حميد الشعرية .. يلا نمش لي قدام معز أحمد |
اقتباس:
ولا قدااااااااااااااااااااااااااااااام نتش عين الضلام بالضؤ شكرا(معز)غنى زخيرتك المعرفية بأشعار وأفكار (حميد) تجعلنى فى تمام الزهو والانتشاء بحضورك هنا... كن بخير ولك الود يسبقه الاحترام |
اقتباس:
بنتي نغم ( وبنتي فقط لإختيارك إسم إحدي بناتي) تحية واحترام ومالو ،،، أكتبي وأشطحي ويجي غيرك يصحح البتسميه إنتي شطحي ده وبـــــــس يا نغم البوست ده بوست محتاج لأقلامكم كلها علي قول ست البوست العزيزة ماريل وأنا وغيري محتاجين لمزيد من المعرفة والحفر في شعر حميد الكنا شايفنو ( مُرمز ترميز كثيف ،،، خصوصاً المفردات الموغلة في العامية ) فشنو ،،، ما تبخلوا علينا ينوبك ثواب من ربنا ياخ ليتني أري عودة قلمك عبر هذا المفترع التريان |
اقتباس:
يلا يا شباب عليكم الله تاني ما ترجعونا أي جركة لي ورا ،،، أنا عن نفسي ما حأجي هني تاني إلا عشان أقرأ الإضافات الجاية منكم يلا لا قِدام |
ست الدار صوت
بسمك اللهم
ملف صوتي لنص ست الدار القديم ( ملف صغير الحجم وصوت واضح ) [rams]http://sudanyat.org/vb/uploaded/2703_1348132137.mp3[/rams] معز |
اقتباس:
|
اقتباس:
أنا مع رأي أحمد وماريل في انو الشرّار هو نفسو الطبطاب ،ناس الضفّة الشرقية بيقولوا الطبطاب ، والغربية شائع عندهم اسم الشرّار . التدرج زي ماذكر الاخوان حسب الأقل سمكا بكون الفطير-الشرّار (الطبطاب) - القرّاصة .. القرّاصة سمكها خشم بيوت برضو .:) .. ثقافة المنطقة الغذائية تعتمد على طحين القمح ( لأن القمح يزرع في البلد ،لوجود الطقس المناسب له وهو الشتاء القارس على عكس مناطق السودان الأخرى بخلاف الشمالية ) ، هناك تسود زراعة الذرة ،وتكون هي المكوّن الغذائي الأساسي . الذرة يزرع في الشمالية برضو ، في الصيف ، ويسمّى (الصيف) كذلك .. دقيق الذرة اسمو المريق almaraig .. وردت في شعر حمّيد في مصابيح السمي التامني ..وطشيش ..في مقطع (نصيرة بت الجبل ) .. طبق الدهب بي مد دقيق.. بي مد دقيق ..وإن كان مريق .. دقيق الذرة أو المريق يكون في الغداء عادة - قبل هجوم الرغيف على هذه الوجبة -..ولا تقدّم كسرة الذرة أو العصيدة في وجبة الإفطار ..ولا وجبة العشاء ..وتقديمها في هذه الوجبات يشير لعسر في حال صاحب البيت ..غالبا .. أرجو من عكود /الزوول/أحمد سليمان تصحيحي في هذه المعلومة .. _ آسف يا ستّي مرات بحس إنّي لابس توب مصحّح ،في حين إنّي برضو بدقّش وهناك الكثير الغايب عليّ .أهو نتشايل ..تحياتي .. * في فروقات بسيطة في اللهجة بين مختلف مناطق الشايقية ،أكيد ناسنا هناك ملاحظنها ،عشت في البركل لفترة طويلة وأتذكر كنت بقول بعض الكلمات من لهجتنا الفي نوري كانوا بيستغربوا ليها ولاد البركل وأنا برضو كنت شايف بعض كلماتهم غريبة خصوصا في مسميات الأشياء .داير أقول انّو دلالات الكلمات في الشعر الشايقي ممكن تتفهم بطرق مختلفة حتى في المنطقة ذاتا . |
سلام يا طيبان،
كلامك صاح فيما عدا شيوع إسم الشرار عند أهل المنطقة الغربية. في القرير (منطقة غربية) لا نقول الشرار، بل الطبطاب، والبعض يقول فطير المُلاح. أول مرة أسمع بالشرار، في قصيد حميد. نفس الإختلاف في كلمة دندهوب الوردت في قصيد حميد برضو بمعنى الراكوبة العالية لحفظ أثاث البيوت والعدّة من مياه الفيضان؛ ودي نحن بنقولّها الروشان. الدندهوب عندنا هو التلّة الصغيرة، أو المكان المرتفع قليلاً، من التراب. برضو أول مرة أسمع إستخدامها بمعنى راكوبة حفظ الأثاث والعدّة من الفيضان، في قصيد حميد. شكراً لأزهري سيف الدين الوضّح المعنى، مدعّم بالصورة في صفحات سابقة من هذا البوست، ممكن ترجع ليها؛ إذا بتريد :). كلامك صاح، في اختلاف في بعض المسميّات بين كل منطقة وأخرى، وعندي أمثلة أخرى، بس ما عندها علاقة بالبوست ومفردات حميد. تسلم، وبرضو راجي رقم تلفونك. |
سلام يا ماريل وجمعتك مباركة.
عندي إقتراح؛ بعد تفكيك قصيدة ست الدار وكل زول يقول كلامو فيها، تبدي بقصيدة تانية تفتحيلها بوست منفصل، وبعد الفراغ منّها (القصيدة التالية) نقوم بدمج البوست الجديد للبوست ده، يعني "نصاورو/نحقنو هنا" وتفتحي بوست تاني بقصيدة جديدة، وهكذا. في النهاية، حيكون البوست ده بمثابة ملف كامل للقصائد الإتناقشت. رايك شنو؟ |
اقتباس:
ودا حميد بيلقي في القصيدة في مكان تاني ..لاحظ بعض الفروقات في النص . [rams]http://www.gulfup.com/G.png[/rams] |
اقتباس:
النخفور عافصلو حمارة : الجملة مختصرة ، وهي في الأصل (عافصلو بول حمارة)، وعندنا في البلد الناس بيعتقدو إنو الزول إذا عفصلو بول حمارة بتقوملو حاجة زي (عين السمكة) في بطن كراعو و تخليهو يضلع . أها النخفور دا يعتب فشان عافصلو بول حمارةlooool |
اقتباس:
قبل كم يوم طرحت الفكرة دى على اسامة معاوية لانو كده السيطرة على البوست بقت صعبة وماقدرت امشى فى فكرتى الاساسية فقلت ليهو حقو افتح بوست تانى نتناول فيهو القصايد بالتفكيك والتشريح .... اسامة طبعا لانو زول محبط قال لى: (شوفى المناسب واعمليهوا انا اصلا تانى هنا ما جاى وهناك ما جاى):mad::mad: (الله يجازى الكان السبب) يبدو انو فكرتك دى بتخلى المسالة تمشى بسهولة ونظام اكتر...كدى نجرب بعد (ست الدار نمشى على الضؤ كان المسالة سلكت خير وبركة وكان اتكوجنت نفتح بوست لكل قصيدة براها والله يعين) تخريمة: يا عمدة بعد الزول داك اتخارج من هنا أظن تانى مافى كوجان بيحصل والامور بتظبط بس الله يستر ما يتوب عن توبتوا ويجينا شايت ضفاريهواlooool |
اقتباس:
زي الشطحت كدة في شرحك ..:) عمنا علي النخفور دا في البلد حلبي معروف - اسعل منو عبد الغفار- والحلب ناس تجارة حمير زي ماك عارف ، الأصل إنو الحمارة هي التعفص الزول ، لكن الزول يعفصا معناها مشدوه شدهة شديدي خلاص ، ودا بالضبط حال ناس البلد لما جوا الخواجات ، راجع المقطع في سياق القصيدة وأدّني رايك . انت النخفور يعتب دي جبتها من وين ؟؟ __ معقول في دوليقك دا مالاقاك كلامي عن النخفور ، قاعد تدولق في الضلمّة ؟؟ :D |
اقتباس:
اقتباس:
انو بابكر عباس ما عندو التكتح عشان يتقاش خليهو كمان يبحت و يمسك معنى و وتكون له القدرة على تفنيده عرفت ده من وين؟ من مجموع مداخلاته فى بوستات يفك ليهو جملة - و ما يقدر حتى يواصل فى الردود و الخللا عادتو. تقل سعادتو نغم دى ما جات البوست ده الا فى اول مداهلة و اقتباس لبابكر(دى عشانن تكون معلومة للكل) قاال شنو (نحن) - عملت تكويدى بالاحمر ليها عشان ادقق في ما يعنيه و ح اكون كده وده نذرا على يا بابكر اجيك محل ما بتعرف تقول ذاتو ومش كان مسكتا السرارة او السريه ما بتصل لشئ لانك (مصلفق) ع قول حميدنا فى قصيدة ست الدار وبى غباء يقول طردونى - امر مضحك بل كارثى ع وزن اللغة التى تعجب بها و احير نشوف لينا شغلة تانيه و تكون واهم لو عايز نحرد ليك وما اطنك عارف سودانيات بكل اقسامها هى توثقيه لمثل كتاباتك ال..... زول مدمن تخريب بوستات مفيدة للناس و لكم التحايات و جمعة مباركه |
اقتباس:
ليه ما يكون النخفور عفص الحمارة كده، ما كلو ودار يومية، كان هو كان ود الخير: اقتباس:
|
| الساعة الآن 05:57 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.