عكود والنور حكم!!!
غايتو ديمقراطيتك دي، أخير منها جرجير رأفت المضروب:D:D
ديمقراطية النور وعكود في موضوع زي دا، أخير منّها ديكتاتورية تماضر حمزة:D

الرشيد يا ضلنا ...............
حقو تعرف إنك حقيقى بتمثل المعنى المعنوى للضل لكثيرين, هنا وبنرتاح تحت ظلال حرفك وبتدخلنا فى الأعماق وبتكون إتكأة حميمة فى بيت قلبك الأليف ... كتاباتك بتشبهك وما بتشبه غيرك .........معقول يا الرشيد !!!!كل كل جملة وعبارة مشهد متكامل وسيناريو صامت لذكريات ضاجّة جواك ما بنملك إلا نسرح معاه ونكون هناك ........
بس ما عارفة كيف كنت محتمل كمية الحنين والمرارة ولهيب المشاعر المجتاحاك دى .......وحقيقى حسيت إنك كنت محتاج تتكلم و نتعلم ..........

الرشيد .. هوووووي ... عووووووك !!
 

اقتباس:
المشاركة الأصلية كتبت بواسطة مواهب عبد العزيز نقد الله http://sudanyat.org/vb/images/buttons/viewpost.gif
الرشيد يا ضلنا ...............
حقو تعرف إنك حقيقى بتمثل المعنى المعنوى للضل لكثيرين, هنا وبنرتاح تحت ظلال حرفك وبتدخلنا فى الأعماق وبتكون إتكأة حميمة فى بيت قلبك الأليف ... كتاباتك بتشبهك وما بتشبه غيرك .........معقول يا الرشيد !!!!كل كل جملة وعبارة مشهد متكامل وسيناريو صامت لذكريات ضاجّة جواك ما بنملك إلا نسرح معاه ونكون هناك ........
بس ما عارفة كيف كنت محتمل كمية الحنين والمرارة ولهيب المشاعر المجتاحاك دى .......وحقيقى حسيت إنك كنت محتاج تتكلم و نتعلم ..........

معقولة بث يا الرشيد الدخلة الظريفة دي تطنشها يومين تلاتة وماترد عليها !!.. يا أخي ما تحرجني عليك الله .. مواهب .. صبرك عليه شوية .. أكيد بيرد علينا .. يبرد حشاء والديك يا .. ود أمي .. ننتظر .. زغت من نيالا .. قلنا ماشي .. بعد ده عمك يا الفيتو يا .. الفيثري !!.. بيخاترك يا با .. تتشششااااووو !!!!:cool:

سلامات يا مواهب،، ياخي شكراً علي حسن الظن.
الحكي عن الأمكنة ما أظنو صعب، لكن الصعوبة بـ تكمن في تبعات ذلك، ما ينتج عن سيلان الكلام من حُرقة وأسي خاصة في حالة مكان زي نيالا، أو دارفورعموماً ومآلات السلوك اللا إنساني من حرائق لم تقتصر علي المنازل والبيوت، بل امتدّت حتي شملت الانسان وذاكرته. الحكي عن نيالا، دايماً قاعد أقارنو بقول الشاعر امل دنقل:
"الكلماتُ أقداحٌ مكسّرة الحوافِ
إذا لثمناها تجرّحتِ الرُّؤي
والصمتُ قضبانٌ محمّاةٌ علي وهجِ البكاءْ"

الناس بتنقِّص أساميها، وإنتي بتزيدي!!:D

تحيّاتي

إنت لسّع ما إتعلمتَ الاقتباس؟!:D:D
يا فردة، الشبكة الهلكانة والمشغوليات هي الباعدت بيني وبين الدَخلة الظريفة، ما زُغت ولا حاجة، لكن خلاص؛ الفيني اتعرفت. أها ضيفنا القادم منو؟

دخول الحمام يختلف عن خروجه يا معلم ..
 

اقتباس:
المشاركة الأصلية كتبت بواسطة الرشيد اسماعيل محمود http://sudanyat.org/vb/images/buttons/viewpost.gif
إنت لسّع ما إتعلمتَ الاقتباس؟!:D:D
يا فردة، الشبكة الهلكانة والمشغوليات هي الباعدت بيني وبين الدَخلة الظريفة، ما زُغت ولا حاجة، لكن خلاص؛ الفيني اتعرفت. أها ضيفنا القادم منو؟


على هامان يا.. فرعون .. يا أخوي كان ما مصرناك مصرة كاربة وطلعنا كل المستخبي ما بنفكك .. بعدين تعال هني .. تمشى وين لو ما جو قضاة الديموقراطية والعدالة الناجذة ناس مولانا النور ومولانا عكود وقالوا نفكك ولا نخليك .. جهز روحك ساااكت وخليك إستاند باي .. أسع بتجيك هجمة مرتدة من أبو يوسف .. وأبو ذر .. أعمل إحماء..تشششاااووو قال الفيني إتعرفت عاوز تبيع المية في حارة السقايين يا ود حسين؟ تاني تشاو:cool:

اقتباس:
المشاركة الأصلية كتبت بواسطة أبو أماني http://sudanyat.org/vb/images/buttons/viewpost.gif
اقتباس:
المشاركة الأصلية كتبت بواسطة الرشيد اسماعيل محمود http://sudanyat.org/vb/images/buttons/viewpost.gif
إنت لسّع ما إتعلمتَ الاقتباس؟!:D:D
يا فردة، الشبكة الهلكانة والمشغوليات هي الباعدت بيني وبين الدَخلة الظريفة، ما زُغت ولا حاجة، لكن خلاص؛ الفيني اتعرفت. أها ضيفنا القادم منو؟


على هامان يا.. فرعون .. يا أخوي كان ما مصرناك مصرة كاربة وطلعنا كل المستخبي ما بنفكك .. بعدين تعال هني .. تمشى وين لو ما جو قضاة الديموقراطية والعدالة الناجذة ناس مولانا النور ومولانا عكود وقالوا نفكك ولا نخليك .. جهز روحك ساااكت وخليك إستاند باي .. أسع بتجيك هجمة مرتدة من أبو يوسف .. وأبو ذر .. أعمل إحماء..تشششاااووو قال الفيني إتعرفت عاوز تبيع المية في حارة السقايين يا ود حسين؟ تاني تشاو:cool:

حقيقي غيبتكم طالت .. والضيف من حقه يأخد غفوة ولا يكب الزوغة عديييييل كدي .. بري من حالكم! :cool: :cool: :cool:

سؤال خاص وشخصى للغاية .. يا رشيد
 

وضيفنا قد أعلن عن تمرده علينا وأبدى إستعداده للهروب من مائدتنا العامرة .. مطالبا بتحديد البديل أو من يحل بعده والإخوة المتداخلين الأعزاء صاروا كلاعبي المريخ .. لا يحسنوا التهديف أو التصويب .. يعز عليا أن أطلق سراح ضيفنا العزيز وهو فلتة لا ولن تتكرر حسب ظني فيه عليه أفرج عنه هنا إفراجا مشروط ربما عقب إجابته على سؤالي أدناه ..!.

العزيز الرشيد حسب يقيني .. هو كشكول شامل من المعرفية.. وشاب نادر المثال ذو ثقافة عالية علو ناطحات السحاب.. كما له عدة هبات ربانية وملكات مهولة في مجال الأدب والعلم والفنون وربما الجنون!:D تمنيت عند إستضافتي له أن يلاقي مداخلات ومناوشات من الأعضاء الكرام ترمي هذه الشجرة الباسقة بحجارة ومقذوفات صائبة تجعلها كالنخل يجود علينا بالثمر اللذيذ الرطب الذي يبخل علينا به الرشيد , تحسرت وأنا أتابع تجاهل الزملاء لسانحة لا تقدر بثمن ولا تعوض .. عليه يأتي الإفراج عن:-
الضيف الظريف بشرط إجابة السؤال التالي :-

* الرشيد بلا شك إنك تعرف قدر نفسك جيدا أرجو منك شاكرا أن تنبذ تواضع السودانيين هذا وتحدثنا بصراحة وقلب مفتوح عن ما حباك به الله من ملكات إن كانت أدبا أو شعرا أو ثقافة عامة .. أو خلافه،حبذا لو ذكرت لنا نموذحا أثيرا لديك كما أتمنى عقب الإجابة أن تحدد لنا هوية الضيف الذي يليك .. (وهو طلب إختياري) الكرة بملعبك الآن .. ولك خالص معزتي وتقديري :cool:

أولا يا فردة، أنا ما كاتب بالمعني المفهوم للكاتب، المعني البستلزم مداومة واجتهاد وحرفية عالية ومقدرة السيطرة علي زمان الكتابة وكيفية ذلك. أنا بكتب ما عشان أنا داير أكتب، بل عشان مفروض أكتب، والفرضية دي بتعني إنو الكتابة هي المسيطرة وليس الكاتب.
علاقة الكاتب بالنص هي علاقة صياد وصيدة، الكتابة دائماً في حالة من كونها طريدة، لكن في حالتي، أنا علي الدوام طريدة لصائدة لا أعلم متي تصوب سهامها ناحيتي. عشان كدا، لا يمكن لقارئ ما التعويل عليّ ككاتب، لأنني أعوز سلطة الكاتب.
كان مفروض أكون شاعر في اللحظة دي:D، لغاية عام 99 كنت بكتب شعر وبمشي منتديات (خرطوم جنوب، الاثنين الثقافي بطلعت فريد، القوافي، المثلث امدرمان)، كنت معروف نوعاً ما بأني شاعر، مجموعة من الشباب كوّنا رابطة القوافي الادبية وعندنا منتدي اسبوعي في المركز الثقافي العراقي بحري، كان منتدي أدبي اتواصل لفترة طويلة، الشباب الواصلوا المسيرة، هسع من الشعراء المميزين في الساحة الشعرية، منهم ابوبكر الجنيد، وصاحبنا الجميل الشايقي محمّد سفلة، نصر الله، هيثم مامان وعلي صالح طمبل.
المنتدي كان فيهو حركة متميّزة، من ضمن المداومين علي حضوره، عاطف خيري، اسماعيل الاعيسر، عبد المنعم الكتيابي (عضو البورد) وآخرين.
في الزمن داك، كنت من أكتر المعجبين بالكاتب الصحفي "جمال علي حسن"، بيكتب عمود "جنة الشوك" في أخيرة الوفاق، يمتلك لغة سلسة ومفردة راقية مقارنة بجيل الشباب، وطريقتو في الكتابة بتشبه الكتابات الأنا بحبها، بديت أكتب مقالات وأرسلها عشان تتنشر في عمود "جنّة الشوك"، وافق جمال حسن علي الفكرة، وبدا ينشر لي بشكل مستمر ويكتب تحت المقال "الرشيد إسماعيل بشار" (بشار جدي التاني).
أوّل مقال إتنشر لي بعنوان "إنها الأناقة يا صديقي" كان بتكلم عن جمالية استخدام المفردات الواصفة، كنت داير أوصل فكرة إنو الانسان مفروض يرتقي باللغة حتي حين يصف القبح!!
حسيت ممكن أبقي كاتب صحفي، خصوصاً وشقيقي الأكبر صحفي محترف في جريدة الصحافة، بديت أنشر مقالات في الصحف المختلفة، لغاية ما كتبت دراسة تشريحية متكاملة في قصايد أمل دنقل، ونشرتها في صحيفة الشارع السياسي، الدراسة لاقت رواج، وبتذكر أُفردت ليها صفحتي الوسط، من اللحظة ديك حسيت إنو مفروض أمسك درب الكتابة النقدية وأخلي الشعر، بديت أقرا في النقد الادبي بشكل مكثف، بديت أميل للقصص والروايات، شكل الإهتمام إختلف تماماً، الشعر أضيق في الحركة من النصوص الأخري، بيحتاج لموهبة من نوع خاص، التداعي النصوصي بيتيح للكاتب مساحة حركة وبراح أفضل.
واصلت في الكتابة للصحف لفترة من الزمن، اتوقفت لأسباب أنا ذاتي ما عارفها بشكل دقيق، فكّرت حينها أمتحن القيد الصحفي لكن جلّيت الفكرة لاحقاً، وبقيت أكتب كتابات ليست للنشر.

في فترة الجامعة، كلية المختبرات الطبية بتضم خمسة أقسام تخصصية، اتخصصت كيمياء سريرية وكان لي شرف تأسيس أوّل جريدة حائطية متخصصة، بعدها ظهرت جرائد للتخصصات الأخري المنافسة، الجريدة الاسستها هي إصدارة الـ CCF وهي اختصار لــ (Clinical Chemistry Family)، بعد نجاح الاصدارة الداوي، الاقسام التانية قامت بغرض المداعبة، حرّفت الاسم ليكون:
(Clinical Chemistry Females) في إشارة لعدد البنات في قسم الكيمياء مقارنة بالأولاد، ودي طبعاً حقيقة، عدد البنات في الكيمياء دائماً أكبر من الأولاد. لأنو شغل الكيمياء بيحتاج لدقة ومهارة وطولة بال، الحاجات دي بتخيّل لي متوفرة في البنات أكتر من الأولاد.
الكيمياء السريرية عموماً، مجال بيحتاج لدقة شديدة، وتركيز عالي وطولة بال. بعديها ظهرت إصدارات مميزة للأقسام التانية، ما أدّي لحراك ثقافي مهني كبير.
في الـ CCF حاولت أزاوج بين العلم والأدب، كنت بحاول أبرز الجمالي في العلم عن طريق الأدب، لأيماني بوجود الجمال في أي شئ، أيّ أداة، وسيلة، كائن، نص مكتوب.. إلخ.
العلم التطبيقي عادة بينظر إليه علي أنه مادة جامدة، خالية من الجمال، حاولت أثبت العكس، بدل عن إنو يكون واجب، ليه ما يكون هواية!! إمكانية خلق علاقة خاصّة بكلِّ شئ.
ممثلتي المفضلة شارليز تيرون في لقاء مع "ليترمان" بعد جولتها الأوروبية، قالت بتحب الطعام الاسباني ومغرمة بيهو جداً، وللتدليل لغرامها بالطعام الاسباني قالت:
If I could marry it; I would
ودي في ظني مقولة كاملة الدسم وفيها بعد جمالي غريب جدّاً، ولكن لا عجب، فهي صدرت عن شارليز تيرون، زولة ذكيّة وعندها رؤية جمالية نادرة للحياة عشان كدا بحبّها للدين، و
If I could marry her; I would
قبل سودانيات، كنت بكتب في أسافير مختلفة، نشرت فيها كتابات لاقت رواج لحد ما، في سودانيات التجربة كانت مختلفة تماماً ومشجعة لأبعد الحدود، لقيت ناس بتذوّقوا الكتابة وبيضفوا عليها جمال غريب، الحركة دي شجّعتني علي الكتابة بغرض النشر، لأني بالاساس بكتب عشان استمتع في الأوّل، بنشر الكتابة وببقي قارئ زي كل القرّاء، بكتشف النص من جديد، وللآن برجع بقرا الحاجات الكتبتها بمتعة ودهشة.
اليوم الأبدا فيهو كتابة نص، بكون فرحان فرح شديد ومستمتع، وكل ما أتذكّر إني بديت أكتب، بزداد فرح، الكتابة بالنسبة لي حاجة صعبة ونادرة، لمّا ألمّ فيها، غاية المتعة.
أبداً ما فكّرت أبقي كاتب ملتزم أو محترف، ما بقدر أكتب لمجرّد إني داير أكتب، ما بقدر أكتب تحت الطلب، مرّات بكون متشوق أكتب، لكن الكتابة عندها زمنها الخاص، أسلوبها الخاص ولكن لا مكان لها.
عموماً:
لستُ بكاتب أدبي، لأني أعوز السلطة، سلطة الكاتب علي الكتابة، مقدرة إنتاج النص بعناء أو دون ذلك، أكتب (To express my self)، والكتابة عموماً هي وسيلة للتعبير عن الذات، شأنها شأن كل المهام المختلفة في الحياة، المهن المختلفة، الرياضات المتنوعة والفنون، كلها وسائل للتعبير عن الذات، أدوات للتحقق من الحياة ولمسها كما يجب، وذلك كل شئ.

شكراً أبو أماني، وشكراً للمتداخلين كلهم، وإيماناً مني بأنو المساحة مفروض تتمدّ لناس نحن ما عارفين عنهم حاجة سوي أسمائهم وأماكن إقامتهم، برشح ليك واحد منهم، وإن شاء الله يوافق، رئيس حزب كثيفي الشَّعر البروف أمين محمد سليمان. في حال إتعلّل ليك بظروف واهية، طوّالي شوف الشاعرة تماضر التي لا تكتب إلا ما تحس به (كيتاً في البروف).


تحياتي

رشيد، قبل تمشي
من هو كاتبك المفضل بالمنتدى؟

اقتباس:
المشاركة الأصلية كتبت بواسطة بابكر عباس http://sudanyat.org/vb/images/buttons/viewpost.gif
رشيد، قبل تمشي
من هو كاتبك المفضل بالمنتدى؟

أضم صوتي لصوت الزعيم بابكر وأتمنى على الحبيب الرشيد لو تكرم بختام المسك وحبذا لو حدثنا حديثا مسهباً في هذا الموضوع إضافة لكاتبه المفضل عالميا والرواية العالمية التي نالت إعجابه .. و..تشششاااووو:cool:

دعوة للضيف رقم (18)
 

معقوووولة بث .. هيثم بدمه ولحمه ...؟؟؟
 

اقتباس:
المشاركة الأصلية كتبت بواسطة هيثم علي الشفيع http://sudanyat.org/vb/images/buttons/viewpost.gif
عمنا الغالي أبو أماني
الضيف - السابق- رشدي الدمازيني

كل الحضور الكريم

أنا طبعاً كنت غايب ...في "أورنيك مرضي"

فما حضرت أي حاجة هنا
وكنت داير أقرأ حتى أجي أعلّق ...لقيت الجماعة بيقفلوا وماشين بيوتم

فقلت النلحقكم بي سلام حاااااااااااار وأشواق شرحو
حتى بعد داك أرجع أقرأ (وأستمتع قطع شك)



بالله قصرت؟؟؟؟


معقولة يا ناس أشعر شعراء بني سويدة* .. في مائدتنا ؟؟ أنا في حلم ولا علم يا إخواني؟ أهلا بيك يا هيثومة والله شرفت المنتدى ومالك يابا لا بأس عليك سحروك الما بيشبهوك .. وسلامتك وعشرين مليون جنيه كرامتك .. عموما الضيف السابق الدمازيني ما زال يداعبه بابكر عباس ودي فرصة تقحم نفسك بسرعة وتجهجو لينا .. علما بأن الضيف الجديد تحفة بجد وهو سيعطيك وقت مستقطع .. يلا همتك معانا جضم لي الجنا ده قبال يفلسع .. ولك صادق الحب ...:cool:

* بني سويدة تشبها ببني أمية .. وهي ترمز لبني السودان ..

يا أبا أماني ياخي ... أنا لاقيكم وين ؟!! :cool:
المشكلة انو معجبني كتار و ما بدوني فرقة :eek: لكن أعدك بالحضور متى ما طلبتم و بالاجابة علي كل الأسئلة !!
و إن شاء الله اجيك بالسيرة الذاتية براوقة .

يا زول تما .... ضر بتاعة قلبك ؟!!
و لعلمك الزولة دي لا شاعرة لا بتحس ذاتو !! :(
عموما نحن جاهزين جاهزين لحماية الدين ... جيبو اسئلتكم و تعالو !!
بكة و الجيلي يمتنعون بالله !! :rolleyes:

في الاسفير، من الصعب الزول يقول فلان كاتبي المفضّل، ويقرِّض علي كدا!، لكن ممكن تقول فلان من الكتّاب المفضّلين بالنسبة لي، دا في إطار حاجتك إنت كقارئ للتنوّع المعرفي، لأنو ما ممكن تلقي كاتب "معلِّم كُلُّو" يعني بكتب بحرَفية عالية في الأدب، السياسة، الفنون، الدين، الرياضة، الغناء وبصلّح سراير الحديد!
يبقي الأفضل إنو يكون "من المفضلين" وليس المفضّل، بما يتيح حرية التناوب داخل إطار التفضيل، فمن هو داخل هذا الإطار اليوم، قد يكون خارج الإطار بعد يوم.
مثلاً:
مصطفي البطل (كان) كاتب بابكر عباس المفضّل، فهل ما زال؟
عموماً:
علاقة القارئ بالكاتب، ما علاقة مقدّسة، ولكنها علاقة مستندة علي خيط رفيع من الثقة والاحترام، ثقة القارئ في الكاتب، واحترام الكاتب لعقل وذائقة القارئ، أيّ خلل في الخيط دا، بيؤدِّي إلي فشل العلاقة بين الاتنين. علي مستواي الشخصي، ممكن أديك أمثلة:
تماضر حمزة، من المفضلين عندي في فخامة الكتابة الأدبية. عبد الجليل سليمان، من الكتّاب المفضلين عندي في السرد والحكي. شليل، بالنسبة لي، من أفضل الموظِّفين للدارجة الونّاسة في الكتابة الاسفيرية..
و.. (فنجرة مني ساي) بابكر عبّاس (مؤخّراً)، من الكتاب البفضل متابعتهم في النقاشات المختلفة (طبعاً خفتَ لو ما ختيتك في اللستة الليلة تابا الأكل)

يا أبو أماني،،
أبداً ما عندي أدبياً كاتب مفضّل عالمياً أو محليّاً، مؤمن إنو أيّ كتابة لو ما أضافت للقارئ، ما حتخصم منو حاجة (علي مستوي المعرفة طبعاً)، عشان كدا، كلُّ قراية مفيدة.
رواية "الحب في زمن الكوليرا"، من أعظم الروايات في رأيي، وأفضل ما كتب ماركيز في حياته الأدبية، تحويلها لفيلم كان فيهو جناية كبيرة علي الرواية.

ملحوظة:
سؤال وجدي ما عرفتَ أجاوب عليهو، غلبتني المقارنة، لسبب بسيط، أني ما ضقت السوشي، لو كان البراونيز كنتَ جاوبت بكل إطمئنان (والحقوق لكانديك):D
يا بروف، بعد تجيب السيرة الذاتية الشاملة، بنجي نقزقز بيك:D

التحايا يالرشيد,
الحب فى زمن الكوليرا, أكبر دمشقة قصصية قام بيها ماركيز, قريتا ذى تلاتة مرات, وحلفت بدين أمها ماتقع لى.. العمل كلو عبارة عن عدة روايات, واجتهاد ماركيز فى انو يضمنها فى عمل واحد, اخلت كتير بالفكرة بتاعت السرد والتماسك.. الرواية بالنسبة لى عبارة عن متاهة لم يستطع ماركيز نفسه الامساك بها بشكل جيد..رواية متعرجة.. الابداع الفنى لماركيز يتمركز فى مقدرته على صياغة ريفليكشن للكونى الخاص, أو مايسمى بالقص الذاتى, حين حاول ادخاله فى رواية, اصبح مجمل المشهد مركب من مشاهد منفصلة يصعب استطعامها فى قالب موح..
ذات الشئ ورد فى أهمال أحلام مستغانمى, وبالذات فى (ذاكرة الجسد), لم أهضم هذا العمل برغم طربى للغة والتصاوير, فى مناقشة بالامس مع اسامة معاوية, وجدت عنده ذات الراى (أو قريبآ منه), فالهم كان مصبوب على اللغة لا على السرد,
وماركيز اهتم بزحمة المشاهد فى (الحب فى زمن الكوليرا) حتى انه قام بالغاء الدهشة بصراره:D على تركيب الوقائع..
يبقى أجمل ماكتب ماركيز عندى (عشت لأروى) وكذلك أفضل ماكتبه ادوارد سعيد (خارج المكان)
فلقد كتب كلاهما بتجرد نادر عن الذات

والله يا الجيلي سغيل سغالة !!
ياخي الملعب جاهز عشان انداح تجي تعملها لي ماركيز و كوليرا و حنك مستنيرين !!
و إنت ذاتك يا رشيد اتخارج لينا بالله ...و زي ما قال المثل (لو دامت لغيرك لما آلت إليك ) !!
حقو الواحد يحرد !! :D

آل إيه .. آل أحرد .. ! .. تحرد يا كبير ..؟؟؟
 

اقتباس:
المشاركة الأصلية كتبت بواسطة أمين محمد سليمان http://sudanyat.org/vb/images/buttons/viewpost.gif
والله يا الجيلي سغيل سغالة !!
ياخي الملعب جاهز عشان انداح تجي تعملها لي ماركيز و كوليرا و حنك مستنيرين !!
و إنت ذاتك يا رشيد اتخارج لينا بالله ...و زي ما قال المثل (لو دامت لغيرك لما آلت إليك ) !!
حقو الواحد يحرد !! :D


إسمع يا قدع إنتا .. هوا إنتا فاكر خروج الحمام زي دخوله؟؟ آل أحرد أل .. يلا بطل لكعاعة .. والحقنا بالسيرة الذاتية .. سيرة ذاتية مذدوجة يا بتاع الجنسيتين! السودانية أولا والإمريكية ثانيا .. وإلا .. والله العظيم إعمل فيك اللي عملو جدي .. رحمه الله في حبوبتي .. رحمها كمان .. عمل إيه؟؟ طب ها أوريك .. هاك الحرد ده ننتظر يا أونطجي..:D

سلام يا بروف أمين نوتات،
الرشيد سألتو سؤال ساهل وببخرتو وجيت راجع سألتو عن كاتبو المفضل بالمنتدى وكنت متخيلو بدون تفكير يقول: بكّة ثم بكّة، لكن لف ودور، معليش غلطان أنا.
سؤال من وحي تفجيرات بوسطن الأخيرة:
بصفتك مهاجر مسلم، ألا ترى معي أن إختلاف ثقافة المسلم مع الثقافة الأمريكية وصل مرحلة اللا عودة وأنكم كجيل مٌهاجر مسلم تشكلون قنابل موقوتة يجب على المجتمع الأمريكي التحوط منها؟

طبعا ممكن تجاوب على السؤال دا، بعد توري المعجبات والمعجبين السيرة الذاتية وحبك لبت الجيران وتخميس أول سجارة جنب الترعة و.....

صح لسانك يا ... بكة ..!!!!!
 

اقتباس:
المشاركة الأصلية كتبت بواسطة بابكر عباس http://sudanyat.org/vb/images/buttons/viewpost.gif
سلام يا بروف أمين نوتات،
الرشيد سألتو سؤال ساهل وببخرتو وجيت راجع سألتو عن كاتبو المفضل بالمنتدى وكنت متخيلو بدون تفكير يقول: بكّة ثم بكّة، لكن لف ودور، معليش غلطان أنا.
سؤال من وحي تفجيرات بوسطن الأخيرة:
بصفتك مهاجر مسلم، ألا ترى معي أن إختلاف ثقافة المسلم مع الثقافة الأمريكية وصل مرحلة اللا عودة وأنكم كجيل مٌهاجر مسلم تشكلون قنابل موقوتة يجب على المجتمع الأمريكي التحوط منها؟

طبعا ممكن تجاوب على السؤال دا، بعد توري المعجبات والمعجبين السيرة الذاتية وحبك لبت الجيران وتخميس أول سجارة جنب الترعة و.....

أيواااااا أيا دا الكلام البيكيف!!.. بالله يا بابكر يا أخوي ما أوصيك على البروف (النيغر) ده بالله جضموا لي كيويس وجيب لي آخرو ولو إنه حويط أنا عارفه .. تب ما تقيف وبالحتة الفيها الحديدة كمان عليك الله!.. تسلم ..:cool: هو لاكين وينو هو؟؟ أوعى يكون حرد جد جد ...:D

و عليكم السلام يا بكة قلت لي الترعة ؟!!
ياخي ليست كل ما يلمع الجزيرة !! :cool:
أقول ليك من ابوروف و بيتنا فاتح علي البحر تقول لي الترعة ؟!!
بالجد ... حقو الزول يحرد !! :D
---------------
يا أبا أماني ياخي،
مبلول بالجد والله اليومين ديل ... اديك سيرة ذاتية سريعة :
أصلا من قرية صغيرة في الشمالية اسمها تولا المحس ، هاجر جدي صغيرا إلي امدرمان.
أشرقت الأرض بنور ربها بمقدمي الميمون في مستشفى امدرمان في 29/3/1967
ساكن أبوروف مما اتولدت لحدي ما مرقت من السودان الشقيق.
أبوروف الابتدائية
الأهلية المتوسطة امدرمان
الأهلية العليا امدرمان
جامعة الخرطوم، كلية الاقتصاد
في منتصف التزعينات طلعت من السودان فإزدانت بي الولايات المتحدة الامريكية، رجعت السودان و عملت به لمدة سنة من أغسطس 2006 لحدي أغسطس 2007 .
عندي تلاتة بنات و ولد :
لينا 13 سنة
ريم 12 سنة
يسر 8 سنين
أحمد 4 سنين
أقمت و عملت في : مينيسوتا، إلينوي، كانسس و الان في تكساس.
جازفت الدكتوراة ببوست في س. أونلاين و البروفسيرشيب جازفوهو لي الأخوان بهناك.
باكر إن شاء الله أجي برواقة أجاوب على بكة و سؤالو الوهمي بتاع المهاجرين المسلمين .

والله كونك طلعت اصغر منى دى مزعلانى زعلة لامن عيونى طششوا
لكن ما علينا اهو طلعت من اب روف محل الناس السمحين:cool:

من علاليل اب روف للمزالق:p:D

الحاجة سارة الضارة ... انتي كان أكبر مني العايشه ليها شنو ؟!! :p
بالجد حننتيني !! :o

يارشيدو ياخ قريت كلامك دموعي جرن:o
ويجي أمين يقول مابحس؟ ياخ أنا الاحساس ذااااتو وحاة الله بس انت ماعارف ساي:D


كدي النفتش ليك سؤال حنين زيي ونجي يا أمين..

انت يا ملكة الاحساس و اميرة المنتدى المتوجة بدل ما تضيعي زمن في تفتيش سؤال حنين !! باقي لي احسن تكتبي ليو و فيو قصيدة باذخة و جهبوزة تصلحي بيها نفسياته و كدا :D:D

سؤالنا لصديقنا البروف امين عن الفكرة الجمهورية
و بايجاز ما لها و ما عليها سياسيا و دينيا و ثقافيا و اجتماعيا ؟؟

و لكم وافر التحايا ..

بسم الله الرحمن الرحيم

الحبيب ،،
التحايا والود كله ،،

تعجبنى ردودك ،
بخلاف ظرافتها أحس أنها تشع ذكاءً ،
وأنك من أنصار شعرة معاوية ،
وثمة تشابه فى الأسلوب بينك وبين أمال الشيخ ،،

الحوار عندك ،
هل هو محاصرة الطرف الآخر أم فتح نوافذ فى مفاهيمه ؟؟
وأيها أفضل
أن تقنع محاورك بخطأ ما يعتقده ؟ أم بصواب ما تراه أنت ؟؟


وللحديث بقية ، تحياتى ،،

المشكلة يا بكة ما إختلاف ثقافة المسلم مع الثقافة الأمريكية، الثقافة الأمريكية بتسحمل أي شئ، الناس دي عندها religious tolerance عجيب جدا، كان عبدت حجر، زول - و هنا أنا بتكلم عن المواطن الأمريكي العادي - عندو معاك مشكلة مافي.
المشكلة الخلقوها ناس بن لادن و شباب الشيشان و من سار على دربهم إنو خلت مافي ثقة في المسلمين ( طبعا ده كلام عام ) و صورتنا في عيون المواطن الأمريكي اننا قنابل موقوتة كما تفضلت، لكن لا أظن إنو المسألة وصلت مرحلة اللاعودة، و في تجربة - و إن كانت شوية مختلفة - لمن الأمريكان علفو هيروشيما بالنووي في الحرب العالمية التانية، لسنين طويلة الأمريكان كان بنظرو للامريكان من أصول يابانية بعين الشك و الريب لحدي ما القصة كلها بقت تاريخ !!

طارق يا حبيبنا الأساسي ياخي المسألة كلها بوست لا أكتر لا أقل .
لو خجلان تفتحو براك، بفتحو ليك أنا و ليك علي تاني الما بقول ليك دكتور طارق نبلو ليك حتى يستغيث !!
أقول ليك كلام، أنا بنعم عليك باللقب و بفتح ليك البوست براي . :D

عسو يا حبيبنا 7 سنين ؟!!
يا زول عمرا مديدا، لكن خليك عارف انك شغال في الزمن الضايع !! :cool:
في إنتظار أسئلتك، و سألتك بالله ما تجيني مستصحب و لا محتقب، أخوك براهو مبلول !! :p

الكلام ده تقوليه لناس ما عندها حدايد !! :rolleyes:
أحاسيسك دي كانت وين لمن بحنس فيك بالشهور تكتبي فيني قصيدة ؟!!

:L:L:L:L:L:L:L:L:L
غايتو يا أبو الفاء، مافي زول فاهمني في المنتدى ده غيرك !!! :D:D

السؤال ده إجابتو دايره ليها صفحات و صفحات، لكن باختصار أشد من شديد : في رأيي الشخصي إنو الفكرة الجمهورية فيها مجهود فكري كبير جدا و حلول نظريه آنية لبعض من الاشكالات الفقهية، مشكلتها الاساسية - فيما أرى - و يا لها من مشكلة : انها ما عندها أصل في الدين الاسلامي !!
لا الجمهورون لا غيرهم يقدرو يجيبو دليل علي إنو الرسول صلى الله عليه و سلم قال أو أشار أو نبه لرسالة تانية في الاسلام .
الجمهوريين كلهم - باستثناء قلة تحسب على أصابع اليد أو اليدين - تلاميذ الاستاذ و مفتونين بيهو في عضمو و بفتكروه مرسل من الله و معصوم زيو و زي الأنبياء !!

النور الباذخ ... سلام يا رجل و ليك وحشة ياخي أول شئ كتر خيرك على طيب كلامك في حقي.
أنا فعلا من أنصار شعرة معاوية، المشكلة يا النور إنو نحن السودانين ديل نتفنا شعرات معاوية لمن بقى صلعة زيي واحد !! :D
ما بنقدر نختلف في رأي بدون ما الخلاف يبقى شخصي، و الكلام ده علي كل المستويات، فرادى و جماعات إلا من رحم ربي.
بالنسبة للحوار، طبعا الصاح إنو الزول يحاول يفتح نوافذ فى مفاهيم المحاور عشان يقدر يشوف بيها شوفك باعتبار إنو كل زول فينا تبنى رايو لانو في فهمو إنو صحيح. لكن لانو نحن بنشخصن الحوار، الخلاف ببقى شخصي و بالتالي بنحاول محاصرة الطرف الآخر بعد ما نشيطنو و نعمل ليه قرون و نقنع رقبتنا - و نحاول نقنع الناس التانية ذاتها - إنو محاورنا ده (أوسخ جمهور :D ) على قول المصريين . بعداك المسألة ما بتبقى إقناع و صحة و خطأ مواقف و أفكار، القصة بتبقى بل :( و ده واحد من الأسباب المخليانا في قائمة الدول الما شاده حيلها !!!

يا أبو أماني ياخي ... الاسئلة دي لو واصلت صعبة كده أنا ح أحرد !!! :rolleyes: