اقتباس:
جاك الموت ياتارك الصلاة:D |
اقتباس:
يا أخي فيبي دي، هي فتاة أحلام كل الرجال. |
اقتباس:
أرش السيرة الذاتيه و لا كان بدري عليك gap |
حجة آمنة عندي ليك تاني سؤال .. تلاتة اسئلة الحقيقة هن !
ماهي الاسئلة الثلاثة المفضلة لديك ؟ وماهي اجاباتها؟ عليك النبي ماريحتك :) ياخي احكي لينا قصص ياخ .. قصص كتييرة سيبك من الاسئلة والحاجات دي :) |
اقتباس:
و بالسوداني كدا الجميلة و عبيطة gap لالا يااخوي يفتح الله بري جني و جن سماحة جمال الطين ديgap |
اقتباس:
ذكرتني قصة الولد الممتحن أدبي، قام حفظ مقالة(سياسة بسمارك الداخلية) قامو جابو ليهم (سياسة بسمارك الخارجية) قام كتب: دعنا من سياسة بسمارك الخارجية و لنتحدث عن سياسته الداخلية!!! gap حسع النكته القديمة دي ما نوع من انواع المعط المؤسس؟!:D |
gap
|
اقتباس:
gap بعرف المنظر المخيف دة كويس جدا كاتبتي المفضلة السيدة آمنة حسين عندي شغف أعرف سيرتك الذاتية يا أستاذة gap والله ياأمونة وبكة فيبي دي أحلى زولة فعلا.. أنا مكسرة في أغنيتها بتاعت (سيلي كااات..سيلي كااااات..:D ) love u girl :cool: |
اقتباس:
|
اقتباس:
الله يعلم قلتي لي كاتبتك المفضلة؟! أحي انا موت بي غيظك يا بابكر عباااااااااس gap السيرة الذاتية خلاس حردتها زاتو، لكين مداخلة مداخلتين برااااي بحنس رقبتي و بجيبها gap |
اقتباس:
مجبتنا العارفاها:o |
اقتباس:
جناقير, ومفردها جنقور :p حاجة تانية خالص للتقريب هي أحد الخيارين الخليتيهم لي هناك. ______ بتخلوها تسرح فيكم كده ساااااي ليه البت دي البورد ده يا كافي البلا لا فيهو غرّابة, ولا مَن جاورهم يوماً :D ______ قلت ليك حرقت أصابعي, ما تخليني أضطر أجي أكتب ليك تاني بالليل ده موفرة الطاقة لكم سؤال لاحق لو لقيت لي فرقة فيك:p |
اقتباس:
|
مبالغة
الضيفة حجوج:p غايتو موعودين بقرقرات كتيرة ولذيذة:cool: |
اقتباس:
والله كل مرة بسمع ان يور فيس دي في الشكلات والمكاويات يادووبك فهمتها:D أنا بثني بشدة وكان جا تقويم جديد لغيرك بطالب بارجاعو ليك تاني ياخ سؤالي: عليك الله احكي لينا موقف العقد سؤال ولّا ماسؤال؟ دا ماسؤال أسي؟ |
لقيتك رادة على سؤالي قبال صفحتين:D:D
|
و الله لكن يا بروف لقيتك عزّال و قاري مزاج البورد كويس. ما الذي أضافته الغربة لمسيرة حجوج الشعرية؟ ماهو رأي حجوج في شعر التفعيلة؟ ماذا ينقص القصيدة إذا كتب الشاعر عن حالة أو إحساس لم يعشه؟ هل حاولت حجوج كتابة الأجناس الأدبية الأخرى/ قصة / رواية؟ |
اقتباس:
عارفاها و الله ... عارفاها gap |
اقتباس:
الجنقور هو:الثياب الرثة القديمة يعني بالسوداني كدا الدلاااااقين حي انا gap يختي عمك قوقل دا قايلاهو في إجااااازة ولا مصبر في قزازة؟!:rolleyes: بعدين عملتك ما ظريفة و حركتك جبانة؛ لانك عااااارفاني اليومين ديل قاشرة بي قصة أم-جنقر قمتي جبتي الجناقير ديل و عارفاني حااجي من هنااااك منبهله بي قصتي، خير يا وهاد خير gap ثما إنو يا الجيلي فلاحتك فيني انا، لا ياحكم ، خليو يا حكم حكمك دا ختاها لي لمن قربت أتعوق ياخ، لكين أريد الله المانسيب زول؛ لحقت روحي في اللقطة الاخيرةgap |
اقتباس:
|
اقتباس:
اقتباس:
واللهي لمن شفت سؤالك قلت تماضر قاعد تعمل نفسسسس حركتي التافهة لمن تلقى بوست طويل بتقرا من الاخر:p اقتباس:
كان حسع شمتي فينا أمين أب صلعة، إتي تعال يا دي، مااالك ما دايره تكتبي فيو قصيدة؟! gap |
اقتباس:
الأخبار و الأخلاق؟! gap نمسك ليك واحد واحد _ ما الذي أضافته الغربة لمسيرة حجوج الشعرية؟: الغربة أضافت لي كتير و خصمت مني كتير لكن للأسف ما قدرت أترجمو لي شعر لسع، من ما إتغربت كتبت قصيدة واااحدة بس(الجرادة في السِروال) و قرضت علي كدا. أضافت لي: مساحة بتاعة خلوه مع نفسي و محاولة جرد حساب مع بتم روحي دي، ممكن تقول لي الجرد دا أفلا قعدت في بيت أبيك و أمك فنظرت أيهدى لك!! حااقوم أقول ليك أبداً ما ممكن مع كمية الحركة و الحيوات حولي:o بتكون فاهم إنو الغربة بتدي الواحد مساحة مع نفسو. خصمت مني: الضجة القلتها ليك في النقطة الفاتت، انا كنت بسرق من الحاجات الحولي الصور و القصص في كتابتي، بي دليل إني حسع فلست و بقيت أكتب في بوست واحد(رسائل إلى أمي) و البوست زاتو عبارة عن تداعيات و إسقاطات لحياتي قبل الغربة!!! عليكم الله إسقاطات و تداعيات دي كان طلعت ما مناسبة للكلام الفوق دا أعفو لي يا عملات بابكر، مرات بركب لي وش كُتاب و مثقفين حار كداgap _ ماهو رأي حجوج في شعر التفعيلة؟: أها كان عرفت أرد ليك على سؤالك دا أكون جد جد مثقفة، والله يا خال انا ما بكضب عليك، الكلام الكبار بتاع تفعيلة و وزن دا ما بفرزو شديد، انا كان بعرف قدر دا كان بتلقاني بتفاصح بي جاي؟! ثما إنو سؤال زي دا دسو لمن قيس شحاته ولا أسامة معاوية يجيكم للكرسي دا ياخ gap أها بعد الهرجلة دي، ارد ليك بالجد انا محتاجة لي قراية كتيره في الموضوع دا، لانو بعد دا حقو أبطل الحنك العاضي بتاع انا ما طارحه نفسي كشاعرة و العوارة دي، لانو الحكاية دي مسئولية ، ربنا يسهل غايتو :) _ ماذا ينقص القصيدة إذا كتب الشاعر عن حالة أو إحساس لم يعشه؟: قد ينقصها الإحساس، واخد لي بالك من قد دي، لانو الحكاية بتعتمد على الشاعر زاتو، ممكن شاعر يمر بالحالة و الإحساس زاتو و ما يقدر يخدم القصيدة او الحالة، و ممكن واحد تاني ما يكون مر بالقصة و يجضما ليك لمن القصيدة زاتا تتحير في روحا دي gap _ هل حاولت حجوج كتابة الأجناس الأدبية الأخرى/ قصة / رواية؟: لا و الله ما حاولت، و ما أظن أحاول، لاني عارفة حدي وين و قدرتي شنو، انا ممكن أكون بعرف أحكي إلى حداً ما لكن ما عندي الخيال بتاع الرواية، يعني لو كتبت إحتمال ما أقدر أتجرد من شخصيات القصة . |
اقتباس:
الجنقول اسألي سعدية الصلحي كان مغالطاني سؤالي بتلقي روحك اكتر في الشعر ولا الكتابة الساخرة ؟ تسلمي يااحلي البنات |
اقتباس:
الله يغتي على الباقيين، so far الحوادث كلها في راس وهاد !! :D:D |
اقتباس:
ياخ كمية من الجمال لمين جاتنا عشراقة بالطريقة دي كلنا بنلحق خالد غالي دششششششششششش |
الاسم ..
و المدن فى حياتك و لماذا فارقت مهنة الاسرة. |
اقتباس:
عمك قوقل الله لا تاجرو؛ كان صحي كلامك تكون واااااشماتتة أبله وهاد فينيgap أجيك للسؤال بتلقي روحك اكتر في الشعر ولا الكتابة الساخرة ؟: كتابة الشعر ليها ميزة؛ القصيدة أثرها أكبر لانها بتتحفظ و بتنتشر أكتر، يعني بقشر بالقصايد أكترgap لكين الكتابة الساخرة زي ما إتفضلتي بي تصنيف كتابتيgap، الحقو يا قدعااااان انا طلعت بتاعة كتابة ساخرة يا قدعاااان:p الكتابة الساخرة دي مريحة و الله، بعبر بيها بي مزاج و مساحة اللعب فيها أكبر من الشعر و من حتة تفعيلة و وزن و حركات ناس خال فاطنة ديلgap الحاجة التانية في ناس خلقة الله كدا ما عندهم شغلة بالشعر و حنك النمل العاضي دا، وجدي الأسعد الأسعد نموذجاً gap(دا إسمو إغتيال الشخصية يا وجدي، عشان نضرب ليك برستيجك قدام ام النسب:D) ف شنو، وكت الشعر إتعافن معاي، أحسن أدي نفسي فرصة في مساحة تانية. |
اقتباس:
بحيرات الملح دي كاتبنها في حماضة بتاعك ؟!! ما مكتوبه في أخوك !! :rolleyes: بالله من الخجل ما قدرت أخش البوست !! :o |
اقتباس:
السويتا رقدت قشششش بس أقعد لي لي شغل (الصفقة فووووق) دا gap |
اقتباس:
جيجي يا جميلة في هذا الزمن المنيل بي ستين الف نيلة gap ممكن يكون مطلع قصيدة الكلام دا، هييي ماشفتي اليوما داك لي شقاوتي نزلت بوست في(سودانيزاون لاين) مع إني ما بريدو، بوست عن سرقة ناس الفيس بوك لي قصيدة (الجرادة في السروال) قام واحد من ناس المصاطب الشعبية يا قول ناس سودانيز، ناس الفيس بوك البيكونو بيعلقو في البوست تحت قال لي: هيييي يا حجة امنة قصيدتك دي ما يسرقوها كان سرقوها، عامله كدا زي قصيدة الحلزونة حقة مرجان احمد مرجان، خليك من الشعر و أبقي على الحكي حكيك سمح لكن شعرك كعبgap براااااحة ضبيت ليك ضنبي و مرقت من البوست:D |
اقتباس:
اولاً بجاوي ليك موضوع مهنة الاسرة دا، بي إختصار كدا انا من بدري عارفه حد قدراتي و حسيت إني ما بنفع في المجال دا، الطب مهنة بتحتاج لي كمية من التضحيات و مجهود جبار، دا بالنسبة للزول الداير يكون دكتور جد جد:) يعني الوالد و الوالده لي حسع بيقرو!!! الطب متطور دي ما قالوها ساهيgap بعدين يا باش الزول إلا يكون عوير حتان يكرر غلطات الناس القدامو:D جاياك للاسم و توابعه gap يتبع>>>> ت ت تتددددااااااا(موسيقة تصويرية) |
السيرة الذاتية، طبعاً شلت سيرة البروف صُرة في خيت و بنيت عليهاgap
آمنة زوزانا حسين محمد آمنة زوزانا حسين... إتو الحركة الكريهة دي بتاعة الزول في الرحلات يقول إسمو مرتين لمن يجي يعرف نفسو شنو؟! حركة كرررريهة خلاصgap المهم الوالد من مدينة الدويم، الوالده من سنجة أشرقت الأرض بنور ربها بمقدمي الميمون في مستشفى سنجة في 09/10/1978 مدارس القديس سان فرانسيس الابتدائية مدارس الراهبات(سيسترزاسكول) المتوسط و الثانوي جامعة الخرطوم، كلية العلوم الرياضية تخصص إحصاء و حاسوب بعد التخرج عملت ردحاً من الزمن بالجامعة ثما كلية أبتيك في عام 2011 تزوجت ثما رحلت من الوطن فإزدانت بي المملكة المتحدةgap |
اقتباس:
لكن شتارة تمحن !! سئيلي الله ما سمعت بزول مولود في سنجة و قرأ في سيسترزاسكول غيرك !! :rolleyes: سنجة كلها ما فيها حنكوش غير د. شريف التهامي و عمك كمال جار النبي و آل نجيلة، و ديل ذاتهم عيالهم ما قرو سيسترزاسكول !! طبعا ناس الأقاليم الرجرجة - بكة و مبر و الأشياء المشابهه- بكونو قايلين سيسترزاسكول دي بقالة في العمارات !! :( |
اقتباس:
ذكرتنى خفتك وزغاريدك دى موقف يوم حنتى خلينى احكيهو ليك...وليهم ود جيرانا كان حابينى ويوم الحنة حقتى اتغاتتو وهو واصحابو قالو للفنان العريس اسمو (فواز)ده اسم ود جيرانا طبعن:confused:الفنان الطيرة يشيل يغنى (وضاااااااح المُحيا وفواز نارو حية)انا نططت ليك عيونى وقمت من الكرسى صحباتى يجرن فينى عليهن وانا شابكاهن فكونى فكونى ياخ (انا لمان اتعصب ببقى زى اندرتيكه) فكونى مشيت على الفنان قلعت المايك وبقيت اغنى لى خالد(ده العريس طبعا:cool:) والجمهور فاغر فاه الدهشة وبعض الحاقدات يهمسن (دى مالا الفرحانة دى صحى عريس لقطة لكن مافى داعى للفرحة الواضحة دى:D:D.. طبعن كلمونى الناس السمعوهن بعد انتهيت من غناى)looool امى واخواتى ملونى ليك فقر ونقة يا خفيفة يا لفيفة وهم ما فاهميين انى برسل رسالة لود الجيران واصحابو العواليق;) حجوجو ياخ انى احبك جدا يا بت(ام ضحكة سمحة وخلقة سمحة وكتابة سمحة) عليك الله اسمحى لى انزل صورة عرسك عشان اعمل دعاية لمركز التجميل القبلِك ده:cool: |
اقتباس:
طبعاً عمك كمال جار النبي دا الفيلا حقتو فاتحه في بيت ناس حبوبة، راجل خيّر والله. يا مان الحنكشة تفوت تخليني وين انا واااااااااي gap gapgap |
اقتباس:
واصحابو أتفه منو وانتي عفيت منك و الله، صحباتك و بنات جيرانكم الغبيانات ديل كانن دايراتنك تسكتي ساهي يعني ولا شنو:rolleyes: ماريلوووف ياخ عندي قصة قريب لي دي، بعد جيت هنا أصحاب حماضة عملو ليو حفلة ظريفة كدا في صالة حلوة و فنان و برنامج، انا الوكت داك بعرف الناس طشاش طشاش، من طرفي كانت سارة فضل صحبتي بس، الباقيين كلهم أصحاب محمد، اول الحفلة كنت متغمصة شخصية عروس و كداgap الفنان ضااااارب، النوع البيبدا الغنية بيقوم فجئتنلي كدا بيكتشف إنو ما حافظ باقي الكلام، يقوم يمد المكرفون لي الجمهورgap يلا انا واقفه برقص و مدياهو ضهري، كان أسمع ليك صوت حماضة المايغباني:eek: (يا غالية ياااااا، ه ههم زينة حيااااتي، ه همم مشتاق لي شوفتك لي زمن ه مممممم و انتي عااااارفة شبابي كلو وهبتو لي حبك تمن) الغنية دي أيام الخطوبة كان بيغنيها لي في الإسكايبي قمت بدون ما اشعر إتنفضت ليك: حمااااااااضة لقيتو واقف وراي و ماسك المكرفون و بيغني، بقيت أشيل و أقول ليو: حلاتو يااخواني، حلاتو حماضةgap سارة دي دخلت في مضافرينها، و تشيل و تقرص فيني، و تقول لي فضحتيناgap |
اتّو البروف امين دا ساب الكرسي لي آمنة ...واللاّ لسة قاعد فوقو:confused:
:D بالله الواحد بقا ما قادر يكتب حاجة بس ما يلقى ليهو دقيقتين الاّ وتوش جاي جاري يشوف حجة آمنة قالت شنو! :D:D وما طالبني حليفة يابروف ...غايتو القنطير عندك والشوت عند حجة آمنة سؤالي ياحجة: ماهو الفرق بين سودانيات وعكس الريح؟ مودتي |
قالو السكات علامة الرضا ...انزل الصورة يعنىlooool
|
غايتة انا خمنت الضيف القادمlooool:p
|
اقتباس:
الفرق بين سودانيات و عكس الريح؟ : حاجة كدا زي أسرع القطر ولا أحلى الرز باللبنgap مافي علاقة عكس الريح بتتفوق بالنسبة لي على كل المنتديات في إنها كانت ضربة البداية، بديت الكتابة هناك، لقيت تشجيع و دعم في البداية كان ليو أثر كبير:) دا غير الناس الإتعرفت عليهم و علاقتي بيهم لا تقدر بي تمن اما سودانيات ليها نكهة تانية، لما أكتب هنا بحس بي خوف، الله يعلم الخوف الوااااحد دا، لانو المجاملة بتخصم من قيمة العمل، للاسف في عكس الريح في مجاملة بعد مرات، لكن الحاجة الما بحبها هنا المناكفات و الشخصنة في الحوارات أحياناً، في عكس الريح كان قعدت تهبب لي الصباح عشان الكترابه تقوم ولاااااابهببو ليكgap انا حالياً متوقفه من الكتابة في عكس الريح، بقيت بكتب مراااات مرات، بدون سبب، مزاج بس مزاجية انا ياخ:o |
| الساعة الآن 05:33 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.