سودانيات .. تواصل ومحبة - عدول رأفت ميلاد عن تجميد عضويتة والاعضاء الجدد ذي الاطرش في الزفة

سودانيات .. تواصل ومحبة (http://www.sudanyat.org/vb/index.php)

- منتـــــــــدى الحـــــوار (http://www.sudanyat.org/vb/forumdisplay.php?f=2)

اقتباس:

المشاركة الأصلية كتبت بواسطة نبراس السيد الدمرداش (المشاركة 534787)

وحاة الحسن سيد بكه
انا زعلت لما قريت البوست بتاعك دا وانك مغادر
بس الشباب ما قصروا وضحو كتير من الكنت ممكن اقولو

قبلتي دي وين ولمنو
غايتو هي دليل محبه للاخوان على كل
لا املك الا احترام رايك ورغبتك الشاركك فيها كم عضو

هنا مافي الغاز والله بس في ناس علاقاتهم تطورت واصبحت اسريه وحميمه جدا وقريبين جدا من بعض وحواراتهم قد تصبغها الدعابه بعض الاحيان نتيجة مواقف حصلت في ارض الواقع

الاستاذ / نبراس الدمرداش
شكرا على تفاعلك مع البوست وانشاء الله ما اجى اليوم التزعلى فوقو .
شاكرا لك التواصل في الموضوع ولنا لقاء معك انشاء الله في سودانيات .
احترامي وتقديري

اقتباس:

المشاركة الأصلية كتبت بواسطة مبر محمود (المشاركة 534801)

تحيّاتي يا فتح العليم،
ألف مبروك إنضمامك لـ"رابطة حرّيدي سودانيات"
غايتو رابطتكم دي، بعد إنضمام رأفت ليها، بقت تشهي الدخول!

الاستاذ / مبر محمود
تحياتي واحترامي
اقتراحك جيد لتكوين تلك الرابطة والمشكلة ما عارفين رئيسها اكون منو نبيل والله رافت ؟؟؟
شكرا لك على التواصل ونقول ضمنا لينا واسطة لتسجيلنا في منتديات الصفوة مستقبلا .
تقديري

اقتباس:

المشاركة الأصلية كتبت بواسطة عبدالمنعم الطيب حسن (المشاركة 534825)

فتح العليم دا ياجماعة ،
كان حضورا في وادي حنيفة امس ،
تونسنا كمعارف من زمان ،
ضربنا الشية ،
كان مكملا للحضور البهي العمدة النور ، والشفيف الاريب نصار الحاج ،
وعصام شبارقة ذو الذاكرة الفولاذية ، الانسان الكامل ادبا وخلقا وتهذيبا ،
والكريم اسامة الذي تابع الفكرة حتى اصبحت واقعا ،
بجوه البديع وشيته التي من النار للتيار،
حتى اننا ما خنقنا ....
فتح العليم كان هذا لقائي التاني معاه ، الاول في عزاء والد نصار ...
انساب الرجل حتى اصبح رافدا اصيلا لفكرة سودانيات عالم من التواصل والمحبة ،
ومعرفة مثله كنز ...
افتقدنا امس ود الشيخ لظروف العداد وكدة ، سنبرمج لاحقا في يوم بلا عدادات ،
ليشرفنا بحضوره الوضئ ، ويزداد الاطفال فجرا ...
وجمال عبد الناصر والعالم وبعض انوار لا شك ان حضورا القادم لقادمات السهرات سيزيدها القا وتواصلا ...
اطمئنوا فتح العليم تورط ...
لكنها توريطة لذيذة ...
المرة القادمة سيؤجل البديعة وياتي باكرا ..
ولفتح كل الود ...

الاستاذ / عبدالمنعم
شاكرا لك طيب الكلمات .

اقتباس:

المشاركة الأصلية كتبت بواسطة AMAL (المشاركة 534365)

يافتح العليم
عمك رأفت دا زي عمليتو دي الانجليز بقولو drama queen:D
ودي من علامات الشيخوخة بالمناسبة:p الزول لما يكبر ببقيattention seeker:(:p

حقيقي و جودك يضيف للمكان

اقتباس:

المشاركة الأصلية كتبت بواسطة فتح العليم الإمام (المشاركة 534779)

appreciated

appreciated شنو يا فتح العليم :eek::eek: ما شايف الأناتيم بتتصاقع كيف ;)

براك جبتتو لى روحك وشيل شيلتك :mad:

اقتباس:

المشاركة الأصلية كتبت بواسطة كيشو (المشاركة 534938)

طبعا دي من الحاجات الخلت فتح العليم يفتح البوست دا:) ياخي فوت علينا فرصة واحد يجي يشوتك ضفاري استنادا على المعلومة الطريفة بتاعت النتيجة

سلام يا كيشو وأسعد الله صباحك والجميع .
سوف نعوض من يشوت كاندي ضفاري ولكن بصورة حضارية مستقبلا ، شكرا لك على المداخلة في الموضوع .

اقتباس:

المشاركة الأصلية كتبت بواسطة رأفت ميلاد (المشاركة 535155)

appreciated شنو يا فتح العليم :eek::eek: ما شايف الأناتيم بتتصاقع كيف ;)

براك جبتتو لى روحك وشيل شيلتك :mad:

براك جبتتو لى روحك وشيل شيلتك
انت من يا يشيل الشيلة يا استاذنا وليس انا ؟؟؟؟؟
ارجع لرد كاندي الاول .
تقديري واحترامي

اقتباس:

المشاركة الأصلية كتبت بواسطة فتح العليم الإمام (المشاركة 534817)

الزميل / نبيل
في سودانيات امتلك مجموعة من كبيرة من الاصدقاء ولم اقصد جانبي ا لشخصي وانما
اردت تثبت مبادئ عامة ولو رجعت لمشاركتي الاولي سوف يتضح لك بإني ع برت الحاجز من غير تقديم من احد وكذلك ا لمشاركات اللاحقة .
كما اردت الشفافية في تناول المواضيع حيث ان سودانيات للجميع زوار واعضاء وتكريما للراحل خالد الحاج طيب الله ثراه يجب ان تكون كذلك محبة واخاء ويجب ان نترك الخاص للخاص من رسائل خاصة اوتكوين قروب خاص يجمع مجموعة من الاعضاء .
فالزوار يوميا لسودانيات اكثر من اعضائها وكذلك تحفيز الاعضاء الجدد وجذبهم حتى لايتركو سودانيات ونتفاخر باحصائيتهم فقط واجزم بإن نفر كبير منهم ترك سودانيات لذات الاسباب .
احترامي وتقديري

سلام ... يا ودالإمام

شكراً لفتحك هذا البوست ...

أخواني الباقين ..... كيفنكم ..؟؟؟