أهلا بك متحكرا في السويداء أبا أحمد ...
اقتباس:
المشاركة الأصلية كتبت بواسطة أمير الأمين http://sudanyat.org/vb/images/buttons/viewpost.gif إنتو جادين ؟ الكرسى دا جلس عليهو كتاب وشعراء واشباه انبياء :D يا اح نحن ناس كواليس ومشاهدات ورصد تقاطعات looool بس ! المهم عشان خاطر الحبيب ابو امانى اللى ريط وجوده فى المنتدى بحواراته الشيقة فى الكرسى وعشان ضرورة وجوده هو...هنا نتوكل على بركة الله ونقول اللهم اجعل الاسئلة على شاكلة "كتابك المقضل...ووجبتك المفضلة ....الخ":p حقيقي غبت أيام بعد آخر بوستر نزلته مطالبا أبو أحمد بالجلوس على المائدة .. وجيت أتسحب .. خوفا من إستمرارية الطناش .. والصدمة .. ولكني فوجيئت بأريحية أهنلنا الحلوين .. وعادت رياحين غابت شهورا وسنينا عن الواحات .. ولقيت ود النور وزول الله وجيجي وناصر يوسف وحاجة آمنة .. ودبت الحياة في جسد البوستر الذي كاد أن يلفظ أنفاسه الآخيرة لولا إستجابتي لدعوة رائعة من الأديب الأروع الرشيد بإستضافة من فاق الجميع روعة .. هنيئا لنا ولسودانيات بكم أيها الأحباب وعليكم إكرام ضيفنا الحبوب ...:L |
و نستمر فى الونسة
1- ما هو مشروعك الأدبي؟ 2- ربما زاملت الطيب برير من هنا أسأل عن علاقة .. الجامعة و النشاط الأدبي و تطور و اثراء الحياة الادبية او فقرها.؟ 3- الغربة .. السبب .. الأهداف و ماذا فعلت لتحققها .؟ |
اقتباس:
المنتدى ملئ بالناس الجميلين (والشنين برضو:D) البتمنى الواحد يلتقى بيهم رغم هشاشة العلاقة الاجتماعية فى سودانيات (مقارنة بغيره)..من القلب كنت اتمنى ان احظى بلقاء المرحومين خالد الحاج واشراق ضرار.. بالنسبة للشق الثانى اعتقد فى داخل كل منا بعض سوء "تشوهات" نحجبها قسرا خلف الكى بورد .. لا نجملاَ ..و لكن يدور فى ظنى حينها ان الامر لا يستحق فقط |
اقتباس:
ان شاء الله بعد كم سنة كده..!! اها حتة قراية الاولاد انا عملت كوبى بيست بس ما نى عارف معناها ذاتىlooool الا فى حضورك لى جدة الجاى (والمنتظرنو طبعا) تقعد معاهم يشرحوه ليك |
اقتباس:
فى عامى الرابع توفى الوالد وانتقلنا من الخرطوم للعيش فى البيت الكبير فى رفاعة بيت الاسرة الممتدة ..لجدتى من حهة الوالدة عليهما الرحمة تاثير و افضال كثيرة علىَ.. ففد كانت إمراة حكيمة ذات بعد نظر سديد.. |
اقتباس:
المقيم فى السعودية الاقرب الى الانسان السودانى الاصيل مقنع الكاشفات الكريم و الشهم الشبيه بانسان الزمن الجميل و السبب بسيط انو ما اتعرض للضغوط الاقتصادية فى الغالب التى اتعرض ليها غيره فى السودان وساعده وضعه المالى المستقر عموما على الاحتفاظ "بى حاجاته الاصلية"..زيادة على ذلك المجتمع السعودى مجتمع مغلق بالكامل لا يقبل الاخر ويخافه..(عكس المجنمعات الخليجية الاخرى الاكثر انفتاحاً )..لا تاثير له عليه.. طبعا لا قاعدة للشاذ:D |
اقتباس:
مرحب يا ود حبوبتي انا طبعا حبوبتي عندهاا اصول في رفاعة عشان كدا قلت ليك بطعم حبوبتي الرفاعية مازالت الى الان تذهب لعزاءات رفاعة |
اقتباس:
اكيد انا ما قاصدة الشهامة وقنيع الكاشفات- هسه كان خليتونا من خير قنيع مش كان احسن:p مقنعنا مالكم:) اوعى تزوق بالمقنع والمغلق:p |
اقتباس:
الاحلام /الطموحات /الاماكانات اقل من مشروع بكثير ما يُكتب هنا وهناك مجرد "ونسة" او تواصل مع البعض فى دنيا الاسافير الملئ بالدهشة اقتباس:
سمعت عن قدرته الفائقة على القاء الشعر ولم احظى بجلسة استماع له. فى الجامعة اذكر حاولنا مع بعض الاصدقاء كتابة صحف حائطية فى شمبات وايضا تكوين جمعية للمسرح...محاولات لم تنجح لطغيان النشاط السياسى في الجامعة على المناشط الاخرى اقتباس:
|
اقتباس:
* الجمال طبعا المقصود looool |
الحبيب الغالي أمير .. سلامات ...
اقتباس:
الحبيب تكعيب امير سلام وشوق والذي بعده .. وكل عام وإنت بخير وعافية .. معليش عشان عاوز أغلبك معاي شوية كده .. أحب أتعرف عليك أكتر وأكتر .. لماذا ؟ لا تسألني فأنا نفسي أجهل السبب!.. المهم رغبة ملحّة في التعرف على هامة لا يستهان بها من عقولنا المهاجرة ..وما أكثرها هذه الأيام بالذات .. فهلا سمحت وفتحت لي باب بيتك أولا ثم قلبك الذي يحوي أكثر من أربعة غرف ديلوكس حسب يقيني.. وحدثتني حديثا مسهبا حميما عن نفسك والنشأة وبعض المحطات الحنينة التي مررت بها ؟؟؟. Pl. be my guest and take your time يلا.. تشششااااووو مؤقتا .. :dance: |
ابواماني
اشواقنا بلا ضفاف |
اقتباس:
سؤالك سعب (على قول الاثيوبى والحقوق لماريل) مع الذاكرة الخربة غايتو الجواب بكون بالتقسيط حسب التساهيل..فمعذرة..فى الطفولة البكر مازلت اتذكرت جارتنا المصرية جوار نادى الاسرة سابقا..وسرب البط السارح فى الحوش الضيق...رحلة العودة ليلا الى رفاعة ... حنينية الاسرة الكبيرة فى الحوش الواسع التى انستنا فجيعة فقد الوالد فى تلك السن ..اصرار الوالدة على عدم الارتباط مجددا والتفرغ لتربية اولادها الاربعة ..(لهما الرحمة).. تعرض اخى الاصغر لحادث وهو فى سن الرابعة ادى الى جرح وشق فى لسانه اورثه صوتا غليظا وهو فى تلك السن (اسميناهو البالغ) واورثنى كرها شديد للضجيج والاصوات العالية والصخب ...و ميلا للهدوء .. |
اقتباس:
[COLOR="rgb(0, 100, 0)"]أنا طبعاً اليومين ديل أكتركم سعادة بإني ملازم الزول الجميل الحُلُو أمير الأمين ده لحام ستلين بس ،،، ههههههه حقيقي زول زي النسمه ،،، سوداني أصيل وبـــــــ[/COLOR]س |
اقتباس:
بالجنبة كده يا ريت لو كل الناس فى صفاء قلبك:thank_you2: |
| الساعة الآن 11:44 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.