إنتَ في 2 الديناري ولا في ظاكرتك ياخ
أها عليك امان الله حق الشكابة دحين ما اتسيدتو فيك ؟؟

ههههههههه

انا جيت و
طرقت الباب حتى كل متني
ولما كل متني كلمتني

قالت لي لا عزاء للسيدات
واللمة للرجال فقط
فاضت دموعي وعدت أدراجي أحمل قلباً مجروحاً :frown:

لقلبك السلامه .. بيد ان من العرف لدينا


الرجال في الصالون والعويييييين في التكل ترا :tongue: :tongue:


ثم قيل ايضا في الاثر


فليسلم مثل هذا القلب الكريم المحب في الله ولأجل الله
العارف ببواطن التواصل والمحبة




ليكي مني عيزومة كااااااربة حتقودها رحيق ناصر يوسف وام رحيق كمان

طبعا المسألة يعلم الله ما فيها اي تفرقة ما بين ذكر او انثي
المسألة جات كده والله ..
لمة اخوان بكنوا لاخواتهم كامل ووافر الاحترام

ثم إنو الست ام رحيق حرمنا الجميله ما كانت في البيت والله
فكنا شيبا وشبابا من الجنس الخشن

شئ نقاش موجب لأجل سودانيات
وشئ ونسة لله والرسول الوااااحده دي
وشئ كوشتينه
ودكتور احمد محمد زين عمل لينا الحله مساء الخميس وصباح الجمعة بمساعدة العمدة عكود وووو


وبس

كوني علي اتصال وليكي علي عيزومه كاااااااربه

حددي المكان والزمان ورحيق ناصر حتكون هي العازماك

اها شنو ليك


هههههههه

ربي يكرمك ابو رحيق

شايفاك اتخذت الامر بجدية شديدة :smile:

وانا من جانبي مجرد مشاغلة اخي العزيز

دامت ايامكم تواصل و محبة ولقاء

سلام للناس السمحة واللمة الأسمح..

----
دو الينارى دا مرق من منو؟
لو من ناصر بيبقى عيب!
معقولة يااخى.. ناس ضيوف عندك وتفك ليك دو:smile:

يا ابشلاليف
كيفن اخوي الذي ببلاد التنكليييييز ياخ

مشتاقين يا حبوب

دو الديناري صاحبك كانديك جر بيه واحد اخينا تلااااااته مرات وراء بعض والمره الرابعه .. نزل بيهو ساي ياخ

لكن انا بقصر ؟؟ عفو .. جننت ليك كانديك جن ياخ واتسديت بتاعات الشكابه :tongue: :tongue:

الصور دي في واحدات عند اشرف السر
والتانيات في الكاميرا والكاميرا ما عارف اشرف شاله معاه ولا خلاها في البيت
انا متخيلو شال الكاميرا معاه وطالما انو ما نزل الصور فيبقي يكون خلي الكاميرا في البيت ...
لما ارجع اليوم حاشوفها ختاها وين الشقي ده

شكرا ليك يا اسامه الكاشف ياخ ونتمناك معانا قريب ياخ

http://www.sudanyat.org/vb/uploaded/350_1417675207.jpg

محمد علي يضحك علي احمد زين ،، صحي التلفون والكوشتينه ما بتلمو ياخ ،، عشان كده دو الديناري 3 مرات ههههه

http://www.sudanyat.org/vb/uploaded/350_1417675234.jpg
ابراهيم فرح لأحمد زين ،،، والله مش لو ختيت التلفون ،،، كانديك جاريك تاني يعني جاريك وإنشاء الله بدو ديناري كمان هههههههه

http://www.sudanyat.org/vb/uploaded/350_1417675344.jpg

أشرف السِر لأحمد زين ،،، عيني في عينك كده حترمي دو الديناري تاني ؟؟؟ غايتو أهو كانديك قافل ليك هههه

http://www.sudanyat.org/vb/uploaded/350_1417675434.jpg

احمد زين ،،، نسوي شنو عاد ،،، الواحد يتوكل ويشرب الدواء ياخ هههههههه

http://www.sudanyat.org/vb/uploaded/350_1417675148.jpg

ابرا ،، أشرف السر ،،، أحلي ناس

http://www.sudanyat.org/vb/uploaded/350_1417675214.jpg

الورق معصلج

http://www.sudanyat.org/vb/uploaded/350_1417675260.jpg

وناس وااااااارَه معاهم :wink:

http://www.sudanyat.org/vb/uploaded/350_1417675313.jpg

لكِن الله ده ما في ياخ ،،، أها يا كانديك أبقي لي مارق بس ،،، حتي أسألوا ابرا ده ياخ :tongue:

http://www.sudanyat.org/vb/uploaded/350_1417675449.jpg

ومحمد علي برضو شاااااااهِد :075:

http://www.sudanyat.org/vb/uploaded/350_1417675486.jpg

وعكود بعد نزولو ده ،، برضو شاهد :tongue: :tongue:

http://www.sudanyat.org/vb/uploaded/350_1417675403.jpg

وبعد الفتوح العظيم ،،، الخمسين رقم كم كده ما عارفها ،،، غايتو خليت طارق كانديك يمشي يفتش علي ( ظاكرنو ) هههههههههههههه

http://www.sudanyat.org/vb/uploaded/350_1417675467.jpg

لا يا طارق ياخ ،،، ناصر ده ما كان تخليه لي ،،، قافل ليه جِنِس قفله .. هههههههه

http://www.sudanyat.org/vb/uploaded/350_1417675362.jpg

الزول السًمِح الجميل ،، ناصر البهدير

زول لما تلاقيه وتقعد تتوانس معاه ،،، بتقول يت ريت لو الزمن يتوقف كتير واللحطات الجمعتك بيه ما تخلص ،،،

شكراً ناصر البهدير أخوي ،،، وأعفي لينا ياخ ،،،

لقيت العواجيز ديل متلمين مع الشباب في الكوشتينة وإنتَ ماك زولها

شكراً ليك اخوي وإنتَ برغم من إنك مسافر فجر السبت ،،، وخميسك كان مزجوم شديد ،،، وكان عندك مناسبة زواج زوله قريبتك شديييييد بت خالتك ولا عمك ما متذكر في يوم الخميس ذاتو
مشيت وريت وشك ليهم وجيت حصلت ابراهيم فرح وبقية الشباب ووصلت بيتك في قري ،،، وده صنيع ما حأنساه ليك مطلقاً ما حييت

شكراً لبهاء حضورك الكريم يا ناصر