تحياتي أخ عبد المنعم
اقتباس:
يبقى التأكيد نحن ما حنقدر نوريك ليهو |
اقتباس:
تخلف بلادنا هو فعل حتمي لابد لبلادنا الحبيبة ان تمر به فكما تعلم انها من تقلبات أحوال الزمان وتصرفات الدهر على سبيل المثال الموقع الجغرافي قبل ألاف السنين كان موقع السودان من المواقع الاستراتيجية، ولكن تقلبات أحوال الزمان جعلت موقعه بدون أهمية... لذلك عندما هبت رياح الربيع العربي من المكيف الامريكي لم تمر ببلادنا أثاره وذلك بسبب الموقع الجغرافي.... أما فيما يختص بالقادة الأقزام، ومن منطلق (كما تكونوا يولى عليكم) لذلك نحن نستحق هؤلاء الأقزام... وبالتالي أعتقد أن جعل هؤلاء القادة الأقزام هم أحد الأسباب فهذا يدخل في باب (صناعة الشماعات)، فهؤلاء الأقزام هم صنيعة مجتمعنا وهذا المجتمع هو أنا وأنت وأبوبكر عباس والرشيد نسرين سوركتي... إذا في النهاية المشكلة الأساسية تكمن في الأفراد، والأفراد هم لبنة المجتمع... فبالتالي يمكننا القول صلاح القادة بصلاح المجتمع وصلاح المجتمع بصلاح الأفراد... لكن لا يمكننا قول صلاح الفرد بصلاح المجتمع... طبعا حديثي هذا لا يقوم على ما كان أو على ما يجب وينبغي، بل حديثي يقوم على ما يجب أن يكون الآن... على تكوين البذرة الصحيحة والانطلاق منها... |
حبيبنا زورق الألحان
اقتباس:
الآن نحن ننظر لنصف الكوب المكسور... حيث اتكسرت الكباية واتدفق الفيها، ونحن الآن تعدينا مرحلة البكاء على المسكوب وبقينا نعاين للمكسور :biggrin: أنت لفيت الدينا دي كولها وما لاقاك أجمل من السودانيين والرشيد اسماعيل الما شاف في الدنيا دي إلا الخرطوم والدمازين ما لاقاهو في السودانيين جمال إلا جمال الجكس بس... يا حبيب السودان لم يعد كما كان ولا ينبغي له أن يكون السودان كان عبارة عن مياه راكدة ودخلتو العلومة وتحركت مياهه الراكدة واثبت أن السودانيين لا يختلفون كثيرا عن بقية الاجناس أما فيما يخص الجعجاعين، فيا صاحبي دا وصف اطلقتو على عموم الأناشيد التي تردد قيم ماضية لم يعد لها مكان في الحاضر... وأي كلام ما عندو علاقة باللحظة الحاضرة على سبيل المثال (We are the world) بتاعت مايكل جاكسون أو (والله نحن مع الطيور الما بتعرف ليها خرطة) بتاعت مصطفى سيد أحمد وهكذا |
اقتباس:
|
اقتباس:
اقول قولي هذا واستغفرالله لي....................... |
اقتباس:
غايتوا شايفك سايق البوست بتصميم و عزيمة لا تلين رغم أنه البروف أمين راعي البوست لسة ما ظهر،، على كل حال واصل يا معلم احتمال بعد تتأهل تغير رأيك أو تتغير الأحوال و الظروف و كدا.. |
اقتباس:
دي الجعجعة الجد جد إذا كان العرب هم آخر الجعجاعين فبالتاكيد هم بكونوا ورثوا الجعجعة دي منكم النوبيين... حيث الآن لو لاحظنا ح نلقى أن في مضمار الجعجعة تكون المنافسة حامي وطيسها بين العرب والنوبة... منو الح يفوز دي غايتو الله أعلم |
اقتباس:
|
اقتباس:
المهم .... حبيبو ...اسديت لى حبيبنا عبد المنعم الحضيرى ( اى خلصت له حقا منى ) ..تالت ومتلت..فلقد سبق لى ان اضحكته احين قلت له ...كضاااااااااااااااااب ... وليس كذاب .... وحاشاه ان يكون مثله كاذبا ...فانا كنت اقصد ...الموضوع او الفكره ..واقصد تلك الاغانى الحماسيه والتى تجعلنا بدون اى تفكير ..نتنفخ زى البالون ويرتكوننا مشعلقين فى الهواء.. ... فى رسالتك اعلاه ..وبسبب رسالتى اليك ... ضممتنا انا وامتنا العظيمه ... النوبيين ..(نفخه ) الى قبيله الجعجاعين ...ولكن الحكايه وكل الامر كان عرضحال قدمناه شارحين سبب الاذونا .. والله ياذى الاذونا .. اما تاريخنا فهو كالاتى ...النوبيين هم .. اول من صهر الحديد بالعالم وخلينا نصلبط فى القران وناسلم الموضوع طالما اننا فى عهد الانقاذ ..ونذكر بايه.. انفخ بين الصدفتين ...وخد عندك كمان النوبييين هم اول من صنع و ساق الساقيه فى السودان ..فى الحته دى اصلبط المصريين والايطاليين كمان ماعلينا (حنملحهم لو بقت حقتهم ) ...ثم تامل فى ما ننتجه من امكم النخله ..من قفف وعناقريب وحبال وادوات منزليه من فندك وككر وقدح ووكمشه .وووو...النوبين هم من يزرع القمح فى السودان ويمتازون بقراصه بوصه ونص ...وهم المالكين الحقيقين لشعار ناكل مما نزرع .. اما بالنسبه لموضوع العمل الجماعى ..اول جمعيه تعاونيه انشئت فى السودان تمت فى ارض النوبيين فى قرى ...سورى وسالى و اوربى ...حسب كتاب الانسان والكون والذى يدرس فى المرحله الاوليه ..على فكره ..والدى من مؤسسى واحده من الجمعيات المذكوره (نفخه تانيه ) ..وهاك المدهش ..طوف بكل مدن الخليج واسال عن الجمعيات الاهليه فيها تجدها اغلبها ان لم نقل كلها هى لاهلى النوبيين وحتى نيويورك.. فى ( سكس افنيو تجد جمعيتنا )...بالله فى عمل جماعى اكتر من كده ...ومع ذلك هذه ليست جعجعه ...بل تبصير بالحقائق ليهتدى بها .... الجعجعه هى اشياء خياليه ...ومانحكيه وقائع اما المنافسه بين النوبيين والعرب ..فلقد انتهت باتفاقيه البقط ..والبقط اسم النوبى بالانداندى وهو يعنى القسمه ...فبعد ان تسلي اولادنا باحداقهم ..ووافق سيدهم باحضار 360 زجاجه خمر سنويا لملك النوبه ...انتهى الكلام وانتهت المنافسه وصفر الحكم .. نست اقولك كنا نكتب فى الحيط وعندنا احرف وعارفين علم الحساب |
اقتباس:
ياخ القانون دا فيصل حتى في الحيوانات وممكن ينظمها ويحررها من هميجيتها ويخليها حيوانات راقية وكدة قبل فترة كتبت عن القصة دي وقلت اقتباس:
والانسان بحاجة للقانون عشان ينظمه معنى كدة لا يوجد فرق بين الانسان والحيوان! |
اقتباس:
كنت كتبت لي روحي حجاب محبة واستنيت نسرين سوركتي في بوابة قناة الشروق :biggrin: |
اقتباس:
شغلتي دي بعيد عنك شغلة حراق روح وسقط وبرد ووحدة وكدة |
اقتباس:
تعرف يا عمنا عندي حلم وان شاء الله يتحقق، أني عاوز اشتغل كوميديا اسخر فيها من الأعراق السودانية دي كولها... اسخر من المستعربين البتفشخروا بأنتمائهم للعرب، مع أنهم عودهم في العروبة عود مرة وبالاضافة لي أنو العروبة في روحها داء يستحق التبريء ولا يستاهل الشرف. وأسخر من المستنوبيين البتفشخروا بأمجاد الحضارة النوبية مع أنهم خليط لأعراق مختلفة حضرت للبلاد النوبية واختلطت بأخر الرجال النوبيين. وأسخر من الغرابة البتشدقوا بي أنهم عاوزين يطردوا العرب من السودان، مع أنهم بقايا حجاج جابهم الدرب من غرب أفريقيا. واسخر من البجاويين البتشدقوا بسودانيتهم مع انهم طرش بحر. وهكذا .... وفوق دا وداك أقول ما قال عمنا العظيم جورج كارلين (مضحك جدا التفاخر بالأعراق، أن تكون نوبي دي ما مهارة بل هي مجرد حادث جيني لعين) أها يا عمنا الجعجعة هي أن تفاخر بامجاد اكل عليه الدهر والشرب، والتفاخر بانتماء عرقي يحدث بسبب تفاعل جيني لعين... |
اقتباس:
|
اقتباس:
وأنا بشوف وأؤمن قصة مسألة تصنيف الانسان أخلاقيا دي قصة موضوعها مستحمي ولكن أومن إيمان منقطع النظير أن التصنيف الصحيح للبشرية يجب أن يتم في إطار (الاتساق مع الذات)... حيث لا يهم أنت كويس أو ما كويس، المهم إنك انت متسق مع ذاتك أو لا؟! لذلك يا فردة أنا بشوف القاتل المتسق مع ذاته وعارف نفسه أنه قتل لأرضاء ذاته، هذا القاتل أفضل عندي من الانسان الذي يسعى للناس بالخير وهو قايل نفسو انه بساعد الناس لأجل الناس فقط... من دون أن يدرك ان مساعدته للناس هي فعل لأرضاء ذاته... ويا حبيبنا هذا الاتساق مع الذات لا يتم إلا بالادراك الصحيح، كل انسان يجب عليه أن يبحث في داخله ويراقب نفسه ويتأملها لكي يدرك جوهرها وحقيقتها وبالتالي يكون متسق معاها... على سبيل المثال ناشط اجتماعي، هذا الناشط الاجتماعي بذل الغالي والنفيس في خدمة مجتمعه وأمضى حياته في الدفاع عن حقوق المساكين والغلابة... وهو متخيل روحو أنه بعمل في الكلام دا لأنه يؤمن بمبدأ الانسانية في أنه عاوز يخدم ويساعد المجتمع... أها بعد فترة يكون محتاج للمجتمع يقوم المجتمع ما يشتغل بيهو الشغلة، هنا يبدأ هذا الانسان يتناقض ويقعد يلعن في المجتمع والانسانية ويندم على كل شيء قدمه لهما... مع انه كان من الأجدى بهذا الناشط الاجتماعي يدرك أن ما بذله لهذا المجتمع موش من أجل الناس بل من أجله هو، لأنه هو عاوز كدة ولو ما عمل كدة ح يتعب ويتجهجه ساااي. مشكلتنا نحن البشر تكمن في تناقضاتنا الفايتا الحد، أي نعم الانسان هو كائن متناقض، بس متناقض في أشياء مختلفة عن الندامة والحسرة على ما مضى... لذلك يا عمنا الانسان الطبيعي هو الانسان المتسق مع ذاته، وعندما يكون متسقا حينها سيلعب دوره الحقيقي الذي خُلق لأجله... لكن كونك تكون مخلوق عشان تلعب حارس مرمى وتقوم تمشي تلعب مهاجم... أكيد أنت هنا ح تبوظ اللعبة وتفسدها.. |
| الساعة الآن 05:37 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.