وننزل شعار الكلام النحيب 000
(حدائق الاندلس 000تعال وقرب 000منتزه العائلات واكلات من جميع انحاء العالم 000فقط المرجو عدم اصطحاب الاطفال 000 (الكاميرا فى المستشفى 000 عبد الاله 000فى يده بقايا كباية مكسورة 000وامه تحاول ان تأخذ من يده بقايا الكباية 000وعينه فى تفاحة ممددة على تربيزة مربعة 00تجلس على حافة السكون 0000ينظر اليها عبد الاله بشىء من الريبة 000 (فى مكان آخر 000 الدكتور وسحر ونجلاء وجمانة 000 الدكتور " ياخوات000الراجل دا بالضبط مال ؟00فى واحدة عارفة الحكاية 00 نجلاء " نحن البنسألك يا دكتور 000 د" عملنا كل البنقدر عليهو من ناحية طبية 00وفاق من الغيبوبة 00وعملنا الاشعة اللازمة 000وكلو سليم 000بقى لينا شىء واحد 000وهى الناحية النفسية 000والملاحظة المهمة الانا لاحظتها 000انو الراجل الجميل دا فاقد ارادة الحياة نهائيا 000وكأنو لفظ كل امل فى قاع الذاكرة 000وقرر ان يتوقف عن الحياة 000ودا سبب الكان فيهو من حالة غيبوبة 000وهو الحمد لله فاق الان 00بس طبعا عشان يتعالج لا بد ان نتعاون كلنا سوا 000لازم فى الاول انا افهم الحصل شنو ؟ وانتو بتبقوا ليهو شنو ؟000 سحر : والله يا دكتور نحن جاهزين عشان نعمل البنقدر عليهو 000بس انت قول لينا المفروض نعمل شنو ؟ نجلاء " (تبكى ) جمانة " نجلاء قولى بسم الله 00هسه الدكتور ما قال حاجة كعبة 000ونحن بدل ما نبكى لازم نساعدو 000 الدتور : ودى مالها ؟ سحر : والله يا دكتور 00دى القصة كلها 000اصلو هى وعبد الاله اولاد خالات 00وكانو بحبو بعض حب عنيف وجد جد 000وما بفارقو بعض نهائيا 000زى تك زتاك 00وزى الكيو واليو 000وبعدين الله يجازى الكان السبب 000وتقدم واحد مغترب واتزوج نجلاء دى 00ومنها عبد الاله دا ما بقى كويس 000كان طول الوقت ساكت 000وما بتكلم 00وفى الاخر قام طفش من الحلة وسافر اشتغل بى اقل من شهادتو وفى محطة سكة حديد 000محطة خلوية 000 الدكتور : جميل 000وبعدين 000 سحر " نجلاء طلقوها ورجعت 00وقامت كتبت جواب لى عبد الاله 000 الدكتور " نجلاء ؟ سحر " آى عادى 000ملا بت خالتو 000 الدكتور : وقلتى ليهو شنو يا نجلاء 000فى الجواب دا 000 تسكت نجلاء 000 الدكتور : هوى لازم نعرف 000الزول دا بهمك امره والا لا ؟ نجلاء " طبعا 000وانا بفديهو بى روحى 000 جمانة " عرفتى قيمتو ؟ سحر " جمانة دا ما وكتو 0000 الدكتور : اها 000كتبتى ليهو شنو فى الجواب 000 نجلاء " ساكتة 000 والجميع " اها نجلاء " ما قلت ليهو حاجة 000بس وريتو انى عرفت معنى الحب ومهو بالنسبة لى شنو ؟ 000وانو انا طلبت الطلاق لانى ما قدرت اعيش مع الراجل دا 000وانو 00000 (وتبكى نجلاء بحرقة 000) انا قايلة الجواب دا بفرحو ؟ 0 0 0 0 0 0 0 0 0 0 ونلتقى |
يا حرسم ياخي النقاط البالإنجليزي دي شيلها لينا ياخ وخليها شولات ولا نقاط عربي سغنتوته لو ضرورية ،،
سويت لينا زغللة عيون ياخ :p :p :p وبعني دي ( 00000 ) بعني لا قدام ،، الفاتن ديل خَلَّهِن أقرع الجايات ،،،، ههههههه متابع يا حرسم ،،، |
هههههههههههههه تعرف انا لما اكتب بتكون نقط عادية بس بعدما ارسل بتجينى كدا
بتتالج يا صاحبى المهم انو الفكرة ماشة كويسة وفيها ما يستحق من وجهة نظرك اقتباس: المشاركة الأصلية كتبت بواسطة ناصر يوسف http://sudanyat.org/vb/images/buttons/viewpost.gif يا حرسم ياخي النقاط البالإنجليزي دي شيلها لينا ياخ وخليها شولات ولا نقاط عربي سغنتوته لو ضرورية ،، سويت لينا زغللة عيون ياخ :p :p :p وبعني دي ( 00000 ) بعني لا قدام ،، الفاتن ديل خَلَّهِن أقرع الجايات ،،،، ههههههه متابع يا حرسم ،،، |
ونواصل .....(موسيقى حالمة .....
الوقت ساعة القيلولة .... سرير ....ومنضدة صغيرة وكباية شاى ...... تلفزيون ...... وروان تتابع بملل المسلسل اليومى ....... هى بعينها على التلفاز ..... لكنها ساهمة .... ترى مناظر تتحرك ...حينما يحتد الصراع تذهب بعيدا ...تبحث عن خيال حالم ....وعندما تأتى مشاهد رومانسية تندمج... ما الذى يقوله هؤلاء العشاق فى تلك الصنة ولحظات الهمس الطويلة ...هى تحاول ان تستبين ملامح ما يدور داخلها ..... منتصر هذا الانيق الجميل الصبوح صاحب اللسان الحلو .... هو ليس كشباب هذه الايام ....وتضحك ...ما الذى يديريك ما شباب هذه الايام ....هى لا تعرفهم الا من خلال احادث سوسن وسحر ونجلاء ...... منتصر يعرف كيف يدخل اليها ...... حين تتحدث معه لا تعى اين هى ولا من هى ...و....هى فقط تسمع .... ينتابها احينا بعض سؤال ما كان يجب ان تتيح له هذه الفرصة بهذه السهولة .....لانه سيعتقد انها لعوبة وانها تكلم اى شخص يتحدث اليها ......لكنها لا تفتأ ثم تعيد اغلاق الحوار مع ذاتها عندما يرن جرس الموبايل ....... آلو ...... منتصر ...؟ ههههههههههههه اتوقعتك ...... عارفة ..... اها .... اشتريت الكمبويتر .... بابا قال حيرسل لى اللاب توب .... خلاص عشان نتلاقى فى الماسنجر كل يوم ..... نتلاقى وين ؟ لالالالالالالا منتصر نحن اتفقنا انو انا ما بقدر اطلع معاك.... (ثم يدور همس ....ومشاعر تضج .....ومنتصر يستميت فى محاولات الخروج معها .....وهى تتشبث فى محاولاتها ان تكون بعيدة عنه ...لانها ضعيفة امام هذا الفارس حلو الكلام ....ومنتصر يعرف انها ستخرج معه ...فقط هى مسألة وقت ....وكلما قومت يفرح منتصر لانه لا يريد من البنات الاالصعبة التى تستفزه ويستعمل فى معركته كل اسلحته ....المتاحة والغير متاحة ....هى صغيرة ....وهذه هى اول تجربة حب لها ...هى ويعرف ذلك لا تعرف الحب والمشاعر الا من خلال المسلسلات.... لذا سيرمى لها الشباك من ذات الاسلوب ....الهمس الحلو ....والعبارات المثالية ....و......و..... ثم ... اوكى يلا باى باى ..... تقفل الخط ثم ترمى بالموبايل الى جانبها فى السرير...... ما الذى يمكن ان تفعله من الآن وحتى موعد الغداء ....وان وجدت ما تفعله ....ما الذى ستقوم به حتى موعد النوم ....وان نامت ما الذى ستفعله غدا .... وهكذا يدور السؤال ....ويلد السؤال سؤالا آخر .... 0. . . . . يا بت قومى تعالى ......... ونلتقى |
مشهد ليلى
داخلى بيت العزابة صالة كراسيها مبعثرة والبعض على الارض والبعض يلعب كوتشية والتلفزيون شغال بين الداخل والخارج نشرة اخبار الجزيرة (وفى تطور مفاجىء صدام حسين يدخل الكويت .. احمد جاد: ههههههههالراجل دخل ... هارون: هو قايلا فوضى عبد الرحيم : والله العرب ديل عندهم جنس محن وهم فى جوطتهم ..جرس الباب جارتهم السودانية تصيح يا عبد الرحيم الحقنى وهى منكوشة الشعر ومبهدلة ثم يذهبون معها وهى تحكى وتبكى زوجها فى حالة يرثى لها وهو يبكى ويمسك فى يده خرطوش كان يضرب به زوجته مالك ؟ ياخ فى زول يضرب مرتو الضرب دا ..مالك جنيت يا فخرى فخرى : ياخ المرة جنها نقة من صباح الله ..نقنقنقنقنق هرون : طيب ومالو ما كلهن نقناقات ..يقوم تضربا فخرى : ياخى البنى آدم دا ما داير راحة ..كل يوم ..زى الدريل تحفر تحفر وتحفر فى دماغى لامن داير ينفجر .. احمد جاد: ياخ المشكلة شنو .. فخرى : انا وقفونى من الشغل من شهرين وما ادونى حقوقى ..وبتاع البيت داير الايجار ..وديل دايرين ياكلو ..وانا اقول ليها اصبرى ..اكربى بطنك معاى زى ما عشتى معاى العز ..ساندينى لغاية ما القى لى شغل.. هارون : وما كنت عامل حساب يوم زى دا فخرى : ياخ مرة ايدها فاكا ..اقول ليها ..مافى فايدة ..شى باب شريف ..شىء حراج بس ما تلقى ريال فى يدها الا و...... صراخ وصراخ وصراح فى الشقة فى بيت العزابة ... |
مشهد اما دكان القرية
بينما شيخ مجذوب ومجموعته يتجاذبون اطراف الحديث مهرولا نحوهم سيد احمد الزين وهو يصيح سارة غرقت يا شيخ مجذوب سارة غرقت يا ناس مفزوعين يتحركون جميعا بسرعة نحو النيل شيخ مجذوب يصدر تعليماته كلم ناس حلة بابكر يعملو حاجز عشان الجثمان ما يعديهم اها كلم ناس ود ابراهيم يجينى على القيف ووودل الصول الحى فى حالة ربكة شديدة ام سارة تصيح وفى حالة قلق وهى غير مصدقة ان بنتها غرقت وهى تحكى انها كانت هنا قبل قليل وقالت ماشة ناس صليحة وجاية هوى يا ناس غرقت كيفن الوداها البحر شنو لالالالالالالا ... . . ويجيكم |
سارة عمرها 17 سنة امتحنت من الثانوى للجامعة قبل شهر وتنتظر النتيجة
جميلة حد الدهشة عليها تكالب من الحى كله ظريفة جدا يحبها الصغير والكبير تجدها فى المناسبات وكانها دوما صاحبة المناسبة اكثر الناس شغفا بها عمران ود نفيسة واحد من الشباب الذى لا يعمل ابدا حايم من ضل لى ضل لكنه يعتقد انه افضل ناس الحى ود الفكى يجرى كلما لاحت من هناك اطياف يفتش عن خبر الحى فى حالة من الستاندباى الجميع يسعى الا عمران ود نفيسة يمسك كباية الشاى فى يده تحت ضل شجرة كبيرة فى الحى قريب من الدكان لا يبتسم ولا تبدو عليه الهموم والاحزان ساتى الدلاهة يصيح يا ناس الحلة البت سرورة غرقوها والغرقها مجروح فى صدرو يا ناس الحلة النوم من الليلة محرومين منو يا ناس البيبان اتفتحت واتقفلت وبدل الطيب المرقت دخلت هموم وهموم وتانى خلاص يا هوى وحاة الشوف كان نمتو احلقونى الله حى الدائم الله والمجروح فى صدرو بكرة ببين والماسك الحيشان بكرو ببين يا حى يا قيوم يا ستار يا كاشف الاسرار شيخ مجذوب تعال يا ساتى ساتى : لالالالالا باقى الحلة دى خلاص ما عند\ى فيها قعاد شيح مجذوب :تعال ارفع ايدك نلقى الجثة ونسترها وبعدين نتحدث ساتى : انا مافى زول بسمعنى اكرمة (تمتام ) هه ااننت غغغير الالاكل عندك شنو يضحك الموجودون شيخ مجذوب: دا وكتو يا زفت ساتى : اها شفت يا شيخ مجذوب البت لسع فى علم الغيب وناس بتضحك ما قلت ليك يا شيخ مجذوب الدخلت ما بمترق غدا لنا لقاء |
حرسم وبالمقلوب ،،، مسرح
كيفنك يا رجل ،،، متابع للنص بمزاج أمس وأنا بستمع في إذاعة البيت السوداني إف إم 100 ،،، إستمعت لأجمل حوار أجرته المذيعة المتألقة لمياء متوكل مع صديقك الجميل زميلنا الفنان طارق بركه يا سيدي الرجل تحدث عن المسرح في بورتسودان سارداً تاريخه الطويل ،،، وذكرك بالخير الكتير يعلم الله ،،، وتحدث كثير خالص عن تهاشو ،،، ياخي يا ريت لو تبرنا بحديث عن تهاشو عبر بوست منفصل برضو ،،، تلك المسرحية العظيمة |
الحبيب ناصر والاصدقاء المتابعين
آسف جدا انقطاع اجبارى المرض لا يعرف الانتظار الحمدلله الآن بخير لنكمل معا وشكرا للانتظار والصبر حبيبنا ناصر بجك لى الجميل الاسمو طارق بركة دا |
| الساعة الآن 06:47 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.