اقتباس:
اخى النور يوسف اسف لعدم المتابعة ندعو الله ان يرحم اخينا محمد عبدالجبار ويغفر له...كان كما ذكرت ذو حضور وعلاقات اجتماعية عالية..كان محبوبا من الجميع درسنا معا فى بورتسودان الثانوية..كان يجيد العزف على العود ويردد اغانى الكابلى باداء رفيع المستوى كما كان شغوفا بالعسكرية وتولى قيادة فرقة الكديت فى المدرسة... يرحمه الله ويدخله الجنة |
الساعة 4 صباحا وأنا في القسم الشرقي (حسي شايفة تبع للقيادة العامة للديش، مثل كل الباقي من السودان) سمعنا صوت طلقات،، قال ليا شاويش السلاح؛ يا سعادتهو أحسن نجمع بنادقنا ماركة 4 دي، لأنه دآ صوت كاشن ونسلم لي آي زول يجينا..
هم نان مهلونا... ررررررررر ررررررررر وصوت يقول: الحيّ يسلم نفسه.. هي حصلت كدي :eek:.. إتلفت عليا الشاويش ظاااتهو وقال: يا سعادتهو (لاحظت انه ديما بينقال تعظيم للرتبة كأنه لشخص ثالث، جنابهو ومعاليهو،، غايتهو عزتنا السودانيين لمن شترآ) أملص الأزبيلطآ،، هو خليتهو كمل الكلمة بالله الاتنين في لمح البصر كانن في جيوبي الإتنين (بتذكر طريقتي ديك كانت ذي الكاوبويات مع المسدسات).. الجماعة إستلموا القسم وبيقنا لغااااية 5 بعد العصر وعلى المغارب،، جآت دبابة من بتاعت النميري رمت القسم بوابل غير منقطع من القذائف (كان حررت سرت من تقلها) وقدرنا نتحرك،، ركبتا عربية "هنتر" بقيادة وكيل من الأمن وبرفقتي ملازم أول من الشرطة (بالله الواحد خلاااااااااث ونسى الأسماء) ما قلتا أمشي الوزارة أرفع تقرير وأجيب سبل نقل أنقل بيها ممن كانو في القسم لأنه غير مؤهل للبقاء فيه.. قدام الهاتف يا العربية بقدرة قادر وعشان يوم الإتنين ديك،، أقيفي دت.. مطر شنهو ولا طير أبابيل مرت فوقنا سحابة وإستشهد الإتنين سابقي الذكر... عرفت لاحقا أنهم كانو من جماعة الكيزآن (الله يحاسبهم على أرواح أولائك بقدر قسوتهم فهو ما عزيز عليه النفس التي حرم إلا بالحق).. منهم غازي صلاح الدين.... إتذكرتهم، الملازم أول شرطة قسم الله ووكيل أمن وراق (من ناس توتي) عليهما الرحمة |
يا جماعة البواليص دى خلاس خلسوا من ذكرياتهم الوردية .. دايرين نقلب عليهم ;)
|
اقتباس:
مقلوب رأس على عقب بجمبة دي بالجمبة ديك كله على كله منك عديل:eek: |
صفارة التمام ضربت،،
تووووووووووووت أجمع يا دفعة،،، كمندان الحتة..... ما تشمتوا فينا المدنين:mad::mad: |
اقتباس:
|
أتحداك يا النور .. ديل منو في الدفعة 45 ؟؟ و يا عفاف .. راحت علينا ، زمننا فات و غناينا مات :) |
بسم الله الرحمن الرحيم العمدة .. يعلم الله مستفين شوق .. ناس 45 لو نسيناهم تبقى عوجة يا مان .. الوجيه سعادة اللواء السر عباس ( الشايقى المتمر بالغنا ) زول أصيل وود بلد و( غتيت ) إن دعت الضرورة .. إستضافنى فى آخر زيارة فى مكتبه برئاسة شرطة الخرطوم وأطلعت معه على جهوده لترقية غرفة العمليات وكان معه الأرباب ناصر ود الكباشى .. والزول البتونس معاك ده سعادة ( الوزير ) محمد سعيد .. ومالو ( محمر ) ليك كده :) الظاهر بتونس معاك وبتذكر فى خربشاتك وفاولاتك .. والله صورة فاقده صلاح وراق بس .. زمن والله .. ياخى مالو كبر كده .. 45 دى دايره الزول (يبرى ) ليها قلمو شوية .. ما تقول لى دى الرحلة القابلته فيها آدم البلالى ... |
مش قلت ليك ح تودّر .. !!
المصايب الإتنين البيتونسو ديل الذ ناس الدفعة ياخ .. المواجهنا اب صرران ده هو صاحبك اللواء أحمد باهي :) . زول نصيبه و صاحب مواقف غاية في الطرافة ، و ساخر سخرية الدنيا و العالمين . أما المشمر ضراعو فهو أخونا اللواء أحمد السيد مكاوي . برضو مصيبة من مصايب القفشة الحلوة و الضحكة المن القلب . و مع ذلك فهؤلاء الناس ديل بعد حسهم الإنساني العالي ، فهم من خيرة ضباط الشرطة - ما عشان اصحابي - لكن لأنهم هم كده .. أحمد باهي كان مدير شرطة بحري ، و أحمد السيد مدير شرطة الولاية الشمالية . و بالضبط .. دي الرحلة الإتعملت عند الشيخ الكدرو في جناين الكدرو و لمت معظم الدفعة بما فيهم صلاح وراق و صلاح ميرغني و محمد حسب الرسول .. و غيرهم من الذين أحب . و الفيها برضو لاقيت حاج آدم و موسى الشاخص و عمر كركون و عبدالله راحات و كبوش و علي النديم و ابراهيم عثمان و حيدر و و و وو غيرهم من خلايق الله الجميلة . ناس تغيب عنهم قرابة العشرين سنة و لما ترجع يفتشوك و يحتفوا بيك ، فكأن الزمان ما برح ميادين كلية الشرطة و الداخليات التي شهدت التوادد و المحبات و الحوبية الجد جد ....... هسه اقلع منك شنو نظير عدم معرفتك الإجابة :D |
اقتباس:
موش هو " النور" ؟ :D والله ياعمدة الف حمدلله على سلامة " الباسورد" الجابك ..منور والله معسكركم الميمون مع بقية قبيلة بنى كاكى الخضراء .. جيتك دى تستاهل ليها ضبيحة بى شوايتها !بس الله غالب طبعا معروف انك زول غتيت وبخيل ..بالحروف ياخ ماتتهجم ساى ! اها ف شنو تقوم تكسر لينا الانطباع ده وتتبحبح شوية .. ____ بالجمبة كدى : حيدر الزكرتو ده اسمو حيدر عجيب دحين ؟؟ |
اقتباس:
والله يا عمدة بس مافى زول بغالطوه فى روحو .. :D لكن والله لو ده الباهى بس أمشى المغربى اليلة دى وأغير النضارة .. الباهى طبعاً كان مشكل مع الشيخ خلف الله أجمل ثنائى فى الدنيا .. غايتو اليوم بدخل ليك ناس 45 كلهم البوست ده .. بينى وبينك ما مقتنع حتى الآن .. كدى خلى يحكم بينا ضابط بالعدل ....:) |
https://fbcdn-sphotos-a.akamaihd.net...14884167_n.jpg
اها .. و ديل منو ؟ ........ الليلة النور ده يا عفاف ح اجهجه ليك باكاتو .. و يا سعادتك ، زهايمرك جا مبكر شوية .. كما كنت ياخ |
اقتباس:
ياخى ديل ناس بلتونى لزم .... عوض الكريم عبد القادر ( كستر ) :) الفاتح المقبول الحريف الخطر .. موسى الشاخص ... تعال هنا .. الزول الماسك الكمرة ده أعور .. كل اللقطات جنباوية زى بروفايل د. الأغبش مالن .. إنا لله . بعدين ساعتك اللابسة دى إستلفتها من أحمد سيد مكاوى يعنى :D |
اقتباس:
كان همت من وقعتها في يدك ما تفوتها ليهو الساعه دي ياخي والله دا بوست طاعم و سمح بس مهند ما يسمعنا |
اقتباس:
اتو العسكرية دى غيروها ولا شنو ؟ ماقلنا ليكم تجو تتمو هنا يا عسس |
اقتباس:
|
اقتباس:
تمام بعد 3 سنين وكمين يوم.. سبب الغياب: متضمن في أورنيك مرضي وسبب المرض وجع الضرس المتاور ديمة... تحت عنوان: (حل وإنضباط) بتذكر وأنا في فترة الستة شهور والبي قدرت قادر إتغلصت لي تلاتة شهور في كلية الشرطة ولباس الطلبة (عراقي دمورية وسروال وجزمة باتا مع الإعفاء من حلاقة الصلعة). كنت أشكو من عدم القدرة على إستعمال المرحاض البلدي، دخلت على عميد الكلية (حينها كان سعادة العميد عثمان الشفيع "برضه حينها") وطلبت منه تقدير أمري،، بأدبه الجم ولطفه الزايد قال ليا: يا مخير في الكلية دي كلها ما في مرحاض جلوس إلا الفي مكتبي، يعني أديك مفتاح مكتبي ولا شنهو... بس برضه قدر لي ظرفي وهو الرجل المتفهم والراقي وإقترح عليا وبما أني كنت أسكن مع الوالد في شارع الجمهورية وقريب، ممكن يديني إذن مرتين في اليوم لمدة 1/2 ساعة،، الأول قبل تمام الصباح والتاني قبل دوام المساء... ... ... |
تحت عنوان:
(صرامة وتقديم المصلحة) عرف عن سعادة الفريق عبد الله حسن سالم الصرامة المتناهية والقمة في الإنضباط، وكان وقتها مدير عام الشرطة. أذكر أنه مرة زميلي وصديقي عبد الحميد محمد عثمان بيرم (وكتها كان ملاحظ "نقيب") يقود سيارته وما خاتي الكاب في رأسه ولسؤ حظه شافه الفريق ولسة بيرم ما وصل المختبر في بري وإلا تلفون العقيد "حينها" حاكم عبد الرحم حاكم، يرن وكان المتصل المدير العام، أرما بإيقاف الملاحظ بيرم لعدم الإنضباط... آهااااااااااااااا يوم والملاحظ بابكر مخير حايم في مكاتب الإدارة في زيارة لبعض الأحباء الإتعرفت بيهم في فترة الكلية، أصقع بالمدير العام قدااااااااااااااااام وشي.. وأنا كنت مهيص في المظهر.. القميص نص كم تفصيل من خارج إمبراطورية عابدين عوض والبنطلون "شارلستون" والكآب مستورد من مصر وزيييييييييييييييييد على كدآ،، الساعة باليمين... بعد التحية العسكرية وكل علامات الدهشة إترسمت في وشه. بعفوية وسذاجة تامة مني، صافحت الرجل،،، ماسك يدي اليمين بي يمينه ودعامها بي يده الشمال وقال ليا: إتا يا مخير بقيت مع الأنانيا (كان يميز قيادات الأنانيا وهي حركة التمرد الجنوبية الأولى، أنهم بيلبسوا الساعة في اليد اليمنى ... ما عارف السبب، يمكن شوقي يكون عنده فكرة).. المهم وانا عايش حادثة بيرم مع المدير العام ومع طراوة شارع النيل كان العرق يتصبب مني طول المسافة في طريق عودتي للمكتب.. وصلتا والحمد لله لحدي هنا. طلعت بسرعة لمكتبي في الطابق الأول هروبا من العقيد حاكم لأني كنت مزوق منه... بس كل الطابق الأول ضابطات وضباط، ضباط صف وأفراد، فراشات وفراشين مرتسمة على وجهوهم بسمة تخفي وراها شئ، ما سراني ولكن كنت أتوقع الأهون، ما هو حاكم كلمة كلمتين والأمور بتتسهل.. (العقيد عايزك ضروري) كانت دي الترجمة للبسمات.. العقيد حاكم: إتا كتا كنت وين؟؟ أنا: مشيت الوزارة العقيد: المدير شافك هناك؟ أنا والقلب جلف، نطآ فات الحلقوم وبي حشرجة كأنها جآية من جدادة مذبوحة: آآآآآآآآآآآآي. العقيد: عايزك تبلغ عنده حسي... أنا ولا ما أنا الركب سابت والرأس إنصدع... خلاصته؛ مشيت ومدير مكتبه، نط من كرسية وبي شماتة لا يعرفها إلا من زامل هاشم محمد عثمان يعرف مقدارها... قال وبي روح تفشي: أدخل بي سرعة .. دخلت لقيت مكتب المدير فيهو كمين خواجة وكميرات ودنيا.. قال ليا: ديل بيعملوا في كتاب عن الشرطة في العالم ويتناول أيضاء أزياء الشرطة وعايزهم يصوروك مثال لزي ضباط الشرطة السودانية... وإنقلبت الهجمة فرحة وصرامة الفريق عبد الله حسن سالم راحت في جنبات مصلحة عامة. وكان قد تم وضع صورتي في ذآك الكتاب وليها قصة "فوضوية" تانية... ... ... |
سمورة يما
"حباب" وأسمحي ليا أحلج ليك بوستيك (هو التقول أصلن ما حلجة بالنقة الكتيرة) المهم وهو شيتن ما مهم (تب) هاشم محمد عثمان الفريق المزعوم، المن ولا شئ بقآ فريق "برشلونة".. عينه البشير بعد ما كان مدير مكتبه التنفيذي وجازهو بمدير عام الشرطة (وتقولي ليا كآكي، يا أخي دآ يوم دآك بقآ مديره أخاف أقول،، بقآ "كآآآآآآآآآك").. اليوم جآت الأخبار أنه بقآ وزير داخلية... ما هي دي البقول عليها.. تموت الأسود في الغابات جوعا .... الي آخر البيت... يا أخونا حكاية وزير الداخلية يكون شرطي ووزير الدفاع يكون عسكردي شنهو هي؟؟ يلا يا هو دآ الله وياها دي حكمته.. بس الحمد لله... الخوف منهو يا ربي الجابهو مدير عام للشرطة.. قال: الأعور طبزوهو في عينه العضرآ.. قال هي ما أصلها خربانة.. فليكن من يكون:frown::frown::frown: فلن يكون أسو ممن كان (هاشم محمد عثمان) |
| الساعة الآن 03:01 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.