دي عشان خاطرك يامرافئ
لانك غيرتي رأيك من عنوان البوست وقلتي تعالوا دافعوا عن الحزب الشيوعي اها جبنا ليك شهادة إسلامي يادابا طالعة من الفرن :smile: اقتباس:
|
اقتباس:
كاتب هذا المقال لم يقرأ التاريخ السياسي للحزب الشيوعي وبرنامجه الماركسي المعلن عبر البيان الختامي لمؤتمره الأخير .. وخير مثال كفاحه ضد عبود وهو شيء مشرف, ولكن بعدها ظهر على حقيقته عبر تبنيه الشرعية الثورية الباطلة وأنقلابات مايو 69 ويوليو 71 حيث دمر الدولة وتعمد مجازر الغبش الذين أدعى الدفاع عن مصالحهم. على أي حال لا أستغرب أي تمجيد للشيوعي من إسلامي فالإثنين وجهي عملة واحدة إسمها الفساد السياسي وجاء في الحوار المتمدن : سلطة الزمرة ـ الفرد في المدرسة الفكرية للشيوعية والقومية والإسلاموية أن التسلط الفردي أو الزمروي، هي صفة مشتركة تطبع بطابعها، المدارس الفكرية الثلاث، الشيوعية والقومية والاسلاموية, فزمرة لا تتعدى عدد أصابع اليد، هي الكل في الكل في الحزب، مسيطرة سيطرة مطلقة وعلى مدى زمني يمتد طويلا على قيادات هذه الاحزاب، وعلى القاعدة الحزبية ابداء آيات الطاعة والولاء لها. وتشترك جميع احزاب هذه التيارات الثلاث، وأن على درجات متفاوتة، بثقافة النفاق السياسي، سواء على صعيد علاقاتها الداخلية مع أعضاؤها, أو على صعيد علاقات بعضها بالبعض الاخر, فهي جميعا تستخدم لغة منافقة، بالادعاء بحق الاعضاء في المساهمة في رسم سياسة الحزب، وممارسة الديمقراطية الحزبية الداخلية, لكنها في واقع الحال تمارس سلطة الزمرة ـ الزعيم مع اختلاف التسمية (مكتب سياسي ـ قيادة قطرية او قومية ـ مجلس شورى اومجلس جماعة)، سلطة قمعية رافضة لاي دور حقيقي للاعضاء في تحديد برنامج الحزب، وليس أمام العضو الا طريق واحد، هو طريق نفذ ثم ناقش الموصل الى نتيجة واحدة (الاستشهاد) ذلك الرصيد البنكي الدموي لهذه الزمرة. فكانت الانشقاقات السبيل الوحيد امام اصحاب الرأي الاخر للتعبير عن رأيهم, فمسحة سريعة لاحزاب هذه التيارات الثلاث |
اقتباس:
ياخ نحن ما ناس كر علينا ماشين ماشين :biggrin::biggrin: الخلا على الجيل المشرد ده .. إذا قالوا بغم يضربوهم بالنار زى كتل الكلاب الضالة زمان .. وتعدى القصة زى الما حصل حاجة .. جيل منتهك شديد ياخ .. ومن منو!! من أتفه خلق الله غايتو أنا شاحت ربى أشوف فيهم يوم قبال ما أتكل |
اقتباس:
فلم نرى له مشاركة من بعدها...!!!! |
اقتباس:
:like2: :like2: والادهى والامر انه صار هناك تخبط في القرار الديني وكل اصحاب مذهب يكفرون اصحاب المذاهب الاخرى اقتباس:
ما ظللته بالاحمر نتمناه رغم استحالته..!!!! ليتنا لو وضعنا الوطن في طليعة همومنا...!!! |
اقتباس:
اقتباس:
أنا لم أغير شيئاً... بدأت البوست بهذا التساؤل عاليه تداخل البعض واجابوا بنعم !!! لذلك اردت سماع صوت شيوعي للاجابة تكون مغايرة عن ما كتب هذا كل الموضوع يا ستي..!!! شهادة اسلامي !!!! اذن قد بدأ التوافق...:biggrin: وهذا ما تمنيته مودتي.. |
اقتباس:
الطالب فتحي مسعد حنفي قال.. ضرب الجرس وقالوا الدرس حصة حساب.. قعدنا واستنينا ما سمعنا غير جدول ضرب.. ضرب عصي وضرب عكاكيز وبمبان بيحرق في الشباب.. ما أصلو درسنا انتهي وبدل القميص لبسنا باب.. باب لامن تفتحو بتشوف وراهو صور سراب.. ياهو دا الدرس الأدونا لي ضربونا زي ضرب الكلاب.. ياخوي تعال نزعل شديييد ومعانا واقفين الصحاب.. ديل برضو لامن قالول لأ ورموا الكراريس والكتاب.. وشافوا الحصل عرفوا العذاب.. يايمة أصرخي في القبر ولدك متفن في التراب.. ما تقولي تاني ولدي كان زينتا الشباب.. أصل الحكاية خلاص صفرجت واللعبة فورتا انقلاب.. |
اقتباس:
وشكراً لك أن افترعت هذا الموضوع الهام الذي كشف عن الغطاء الاجتماعي الذي يتدثر به بعض اليساريين والسلفيين لتحسين صورتهم وكسباً للوجاهة الاجتماعية .. علماً بأنهم لم يعتقوا في تجاربهم المرة حتى أخوانهم في العصابات التي تجنوا بها على الخلق... وما تسمعي كلام عمك رأفت في قوله بقبول الشيوعي له .. ففي مايو تم تأميم البص السريع .. وشركة باتا وأصحابها غير مسلمين .. نحن اليوم نحتاج إلى وعي جمعي يعلم من هو العدو وهم العدو. أما عن اختلاف الفرق في الإسلام فالإسلام وضع مرجعية ديمقراطية لإمارة المسلمين ولكن تم ضرب هذه المرجعية . أما ما يحدث في أمريكا فهذه من بركات الديمقراطية وكيف لا تكون في الديمقراطية بركة وهي فريضة من عند الله مباركة ... وسبحان الله سمعت في الأخبار قبل شوية أن شركة أبل أخترعت نظام مراقبة مرورية خفض الحوادث في الولايات التي طبق فيها في أمريكا بنسبة 80% واليوم تتجه التجربة إلى فرنسا وغداً تعم العالم. |
اقتباس:
وشايف رأفت جر رجلك إلى ساحة التجاني |
الشيوعي (السوداني) يامرافيء زول عادي زيي وزييك وزي ناس كتيرين
يمشي في الاسواق ويتزوج النساء وياكل ويشرب لمن يشبع ماشايف اي توجه (في شيوعية السودان) معادي للإسلام او ينكره والاهم انهم في الحكم - مثلما قلت أولاً - سيان مع الاسلاميين في كل شيء نفس السوء والخاتمة والاغراض اقول قولي هذا واستغفرالله لي.................... |
اقتباس:
دا كلام صح 100% ليتهم يفهمون.:like2::like2: |
اقتباس:
أهلا بيك أبو جعفر. رأفت ما جر رجلي بس أنا من ريدتي ليهو بخش معاهو النار ذاتا:biggrin: فرق كبير بين تعرف رأفت من كتابتو في النت وبين تعرفو من معرفتو ونقاشو وجها لوجه..الزول دا من نوع نادر قرب ينقرض عشان كدا براحة عليهو.. |
اقتباس:
معظم أقباط السودان عملة إنسانية نادرة ومدرسة في الاجتماع والتصالح الديني حتى أن يوسف قباني عمل برنامج كامل لتعايشهم في المجتمع الأمدرماني وكيف إن بعضهم يصوم يخرج بصينيته في رمضان وبعضهم يذبح في عيد الأضحى .. وعندي صديق منهم كان يحضر حصص الدين الإسلامي، ويقول الدين ثقافة وعلم بجانب العقيدة. وهم بحكم الخبرة الكنسية يمثلون مدرسة فريدة في كشف استغلال الدين للمآرب الدنيوية ... والحمد لله حفظ الله القرآن من التحريف وإلا للحقنا أمات طه ونحن نهلل للقتلة. |
اقتباس:
|
اقتباس:
ياخي والله قدر ماحاولت افهم كلامك ده ماقدرت ، فياريت تساعدنا شوية فماذا تقصد بكلامك انك (ماشايف اي توجه (في شيوعية السودان) معادي للإسلام او ينكره) ..؟ فماذا تقصد بعبارة معادي للاسلام وينكره ..؟ وماذا يجب ان يفعل اي انسان حتى يعتبر معادي للاسلام ...؟ |
اقتباس:
اقتباس:
في يوم عيد من الاعياد أدينا صلاة المغرب في جماعة وكنا ضيوف في منطقة اسمها القطينة على النيل الأبيض وإتفق الحضور -ومن بينهم الوالد- على تقديم الراحل (نقد)* هرم الحزب الشيوعي السوداني إماماً في الصلاة وكان يرتل القرآن ترتيلا والله شاهد على ما اقول. *بينه والوالد صلة قرابة ترجع الى الأصول في اقصى شمال السودان اقول قولي هذا واستغفرالله لي.................. |
اقتباس:
... نبيل عليك الله ماتزعل القصة رمزية ...بناء على بوستاتك بتاعت ناسك ديل بسسسس :biggrin: |
اقتباس:
والله بتكلم جد .. عمرنا العشناهو ده كلو ما شفنا معاداة للأسلام حتى من الأتحاد السوفيتى .. لامن ظهرت السلفية العالم كلو جضّ .. يعنى مافى زول شوه الأسلام إلا الكيزان وشيوخ النت ديل .. عداء أكتر من كدة كيف |
هسة الزول ده ما قال (المسلم من سلم الناس من لسانه)
موش قلت ليكم لسانو بقطر عسل :tongue: |
اقتباس:
عشان كده الاجابة على السؤال مهمة حتى نعرف معنى العداوة للاسلام |
غايتو أنا واحد من المتابعين باستمتاع كبير للنقاش الداير,
ومادير اكون فيهو طرف مباشر,كى يكون اكثر فائدة بإخراج الجميع لكل أوجه النقد ________ الأخ ابو جعفر لم أخرج منك بفائدة, فلقد أنتظرتك أن تاتى بما يدعم كلامك بمقتطفات من كتابة ماركس, ولكنك اكتفيت بكلام حسب الرسول, كما إكتفيت من قبل فى تدعيم حديثك فى اماكن اخرى ب الازرق كمفكر أوحد! سأزجى لك هدية وهى قول ماركس بأنه غير ماركسى! واتمنى ان ننطلق منها فى حوار مفيد, دون الحوجة للعودة لحديث من شاكلة (مأسونية, مخلب صهيونية) وغيرها.. ___________ تحياتى للمحاور الجيد عيدروس, اقتباس:
ليس على طريقة الدفاع عن فكرة ما والتعصب نحوها ولكنى أحتاج لسماع رأى مفصل ذو حجة يمكن إدارة نقاش حوله! |
اقتباس:
وصدقت فالإسلام أمرنا بعدم التدخل في عقيدة وعبادة الغير وقالها صريحة لرسوله الكريم {لَّيْسَ عَلَيْكَ هُدَاهُمْ وَلَـٰكِنَّ ٱللَّهَ يَهْدِي مَن يَشَآءُ(272)} البقرة ... وقال تعالى: {وَلَوْ شَآءَ رَبُّكَ لآمَنَ مَن فِي ٱلأَرْضِ كُلُّهُمْ جَمِيعاً أَفَأَنتَ تُكْرِهُ ٱلنَّاسَ حَتَّىٰ يَكُونُواْ مُؤْمِنِينَ(99)} يونس ... وقال تعالى: {وَقُلِ ٱلْحَقُّ مِن رَّبِّكُمْ فَمَن شَآءَ فَلْيُؤْمِن وَمَن شَآءَ فَلْيَكْفُرْ(29)} الكهف. ولكن حينما أتى إلى الإمارة والحكم أمرنا بأن ننتصر ممن يبغي علينا بالسيف أو بغيره قال تعالى واصفاً المؤمنين: {وَٱلَّذِينَ إِذَآ أَصَابَهُمُ ٱلْبَغْيُ هُمْ يَنتَصِرُونَ(39)} الشورى . وعلى هذ فعقيدة وعبادة نقد هي له وهو حر فيها ... ولكن أن يفرض علينا منهج الطغيان الماركسي فهذا هو ما نقف ضده ولا نقبله وننتصر منه. |
اقتباس:
الآن أجدك يااخ (أبوجعفر) متعريآ من الكلمات الرنانة, معى فى خندقآ واحد متململآ\ . الطغيان الماركسى دى حلوة:gap: |
اقتباس:
لو عندك أى إضافة تمشى تضيفا فى الملف. لو داير تتونس برضو الواحد بونسك, بس ونسة مفيدة.. وكلو بى مراجعو. إنت زول مهرجل ساكت ماعندك حاجة يمكن تضيفا فى طريق البحيت والتنقيب عن المعلومة |
اقتباس:
البوست يناقش لماذا لا يتصالح اليساري والسلفي سياسياً مع الآخر .. علماً بأن بعضهم متعايش اجتماعياً مع هذا الآخر.. وقد اتفقت معظم الإجابات على أن التجربة الحية أثبتت استحالة تعايش هؤلاء الطغاة المتطرفين في سلام حتى مع بعضهم البعض فضلاً عن الآخر. أما عن ماركس فأرجو أن تعلم بأن ماركس ليس أصل الإشتراكية .. بل هم أباء الكنيسة منذ 420م ثم بابوف الفرنسي وبعض فلاسفة القرن الثامن عشر.. وما فعله ماركس الذي عاش في القرن التاسع عشر هو تفصيل فتواى علمية كاذبة للمنهج الإشتراكي تقول بالتفسير المادي للتاريخ، وهذا ما استغله ويعتمد عليه الطغاة واليد الخفية التي تدفعهم لتدمير عالمنا العربي والإسلامي بمنهج كاذب ويخالف كل أسس السياسة والمنطق والأخلاق.. وذلك عبر البلطجة السياسية والسلاح، السلاح حيداً. أما د. عصمت سيف الدولة وليس حسب الرسول فهو باحث متخصص في الفكر اليساري وله تعريف طويل عريض في ويكبيديا وفي النت عموماً .. وقد عمت كتاباته الآفاق لأنه حاول أن يبتدع مذهباً موازي للماركسية. أو ماركسية عربية يمكن تنزيل كتابه (جدل الإنسان) من هذا الرابط: http://harakawahida.files.wordpress....b3d8a7d986.pdf |
اقتباس:
|
اقتباس:
واحدا واحدا أوريك إنت إنسان ماجدير بالإحترام! |
هذه الرسالة مخفية بسبب الجيلى أحمد أنه في قائمة التجاهل لديك.
|
كتبت
اقتباس:
وجيب ليك دليل إنو الشيوعيين عملو كلامك دا يا مواطن! |
اقتباس:
الجيلى أنت كده جرجرت الكلام لى متاهات ما لزوم .. وأنت البديت فى الكلام الناشف .. أبو جعفر رجل محترم ومحتاجين (نحن) أعتذار سريع |
اقتباس:
إذآ فلاعقيدة كما يروج ضعيفى الحجة قصيرى المدى التعبيرى اللغوى مايهم عندى هو أن يتحدث الأخ الذى يخاطبنى بإسمه فقط , وأن يتحدث كل من يخاطبنى بإسمه كما أحادثه |
اقتباس:
أبا جعفر اصابني البغي من " الإنقاذ" .. |
اقتباس:
الظاهر احنا وصلنا لمرحلة حوار الطرشان والبعض جاي بطريقة ونصلح ساعات كمان وبعض المنسوبين للنظام يدافعون عن الاسلام مع ان النقاش يدور حول الشيوعيين والكيزان ولا علاقة له بمسلم وكافر. هسة كان سألنا أي شافع في الشارع عن عدو توم منو طوالي حيقول ليك جيري وشي بديهي انو يكون عدو الاخوان هم الشيوعيين والعكس برضو صحيح ونجي لي ليه.. جماعة الاخوان المسلمين المنها كيزان السودان جماعة ارهابية ماسونية صهيونية وهذا شيئ لا يحتاج الي أي دليل فما يدور في العالم من قتل وترويع في مصر وفي سوريا وليبيا يكفي لاثبات ذلك..طيب لزوموا شنو يكفروا الشيوعيين أو يتهمونهم بالكفر حتي أكون أكثر دقة..وأفتكر الشعب السوداني فتح وفهم اللعبة وتاني حكاية الشيوعي بعرس أختو دي ما بتمشي واتهامهم بالكفر لن يفيد. نجي للناحية التانية وكفاية.. المؤتمر الوطني كمثال لما يسميه البعض بالجماعة الاسلامية وهذا خطأ فهي جماعة لا اسلامية فكل ما يفعلونه من سرقة وقتل وتدمير للبلد لا يمكن أن يكون اسلام..قوم ياسادة ياكرام الشيوعيين يفضحوا الكيزان والكيزان يكفروا الشيوعيين وأبو جعفر يتشبك مع الجيلي ويبتدوا يفسروا الماء بالماء أها تاني في شي؟؟ ويقوم رأفت ميلاد يعمل فيها عادل عسوم ويرتدي عمامة الأزهر...هو في شنو ياجماعة :eek: |
اقتباس:
اقتباس:
طبعا مالقينا اجابة على معنى العداوة والتعنت ضد الدين ،، فماعارف المشكلة وين عندما نتحدث عن العداوة والتعنت ضد الدين فاكيد ليس المقصود المشاعر والاحاسيس القلبية لان هذه ليس لها اي اعتبار لافي الشريعة ولا في القانون إلاّ بعد ان يتم التعبير عنها قولا ام فعلا ،،، لذلك فان موقف اي احد من تطبيق احكام الشريعة هو المعتبر في الحكم عليه بانه موافق او معادي مافي نزاع اصلا حول (تدين ) الشيوعيين كونهم بصلوا او مابصلوا ، لاننا نعرف ان هناك كثير من الشيوعيين يصلون ويصومون ويحجون ، ومنهم ايضا ملحدين ،،، ولكن جميعهم المصلي وغير المصلي يعادون الاسلام ،،، وعداوتهم تظهر في موقفهم (المجمع عليه ) بينهم من تطبيق الشريعة الاسلامية ،،، الفرق فقط هو ان بعضهم لايمانع ان نمارس عباداتنا نصوم ونصلى ونحج ونتزوج وفق الشريعة فقط |
هذا راي شيوعي في موقع شيوعي مجاور
[الشريعة الاسلامية = ليست بالشئ الحسن... و لا فائدة عندى لمن يقولون بأنها ليست كذلك ... = أقصد من يقولون بأنها جيدة ، و هؤلاء اساؤا التطبيق ... ..... بل هي عندي فاشستية من حيث ... المصدر] https://www.google.com.sa/url?sa=t&r...q86Q2fJhPl1HTA |
اقتباس:
وبعدين ياللخو منو دا الفرض عليك المنهج الماركسى؟:smile: ياأخى والله دى مسألة تحير (شيوعفوبيا) |
الأخ أبو جعفر
القاعدين يبغو عليك هم الأخوان المسلمين.. شوف معركتك وين وأمشى خوضا, بدل تفتح ليك بوست طويل عريض تستدل فيهو بحديث الأخوان المسلمين عن يهودية الشيوعيين..:smile: |
اقتباس:
اقتباس:
|
اقتباس:
[أوقع لبناء دولة علمانية ديمقراطية مؤسسة على شرعة حقوق الإنسان، ليس في قاموسها مفردات مثل الزاني و الزانية، و لا يُعتبر الجنس فيها جريمة، بل تكون الحياة الجنسية و الشخصية للأفراد مؤسسة على تفضيلاتهم و اختيارهم الطوعي، لا يجرّم فيها إلّا من أكره غيره أو اعتدى عليه] .................!!. |
اقتباس:
قبل الاسترسال دعني اوضح لك اني لا انتمي لأي من المعسكرات وعندي السودان اولاً واخيراً. طيب ياسيد اذا سلمنا جدلاً بكلامك دا حنلقى السودان كلو حسب تفسيرك معادي للإسلام اصلا كيف تطبق احكام شرعية في مجتمع انت ماوفرت ليهو ابجديات الشريعة نفسها .... وين سواسية كأسنان المشط وين لوعثرت بغلة في العراق ...الخ وين لوسرقت فاطمة بنت محمد لقطع محمد يدها وين من كان له فضل ظهرِ فليعد به على من لاظهر له وين انما المؤمنون إخوة وين المؤمن للمؤمن كالبنيان يشد بعضهم بعضاً الكلام دا كلو وين؟؟؟ طوالي رب عايزيننا نرتضي تطبيق الاحكام الشرعية في دولة غير شرعية؟؟؟ وفر لي دولة شرعية وحاكم شرعي يراعي الله في رعيته ومجتمع متآخي متماسك يشد بعضه بعضاً وبعدين اقطع يدي لوسرقت وارجمني لو زنيت واقطع رقبتي زاتو لكن قبل توفير الفوق ديل ماعندي استعداد أقبل بشريعة ناقصة ولو كان هذا يعتبر معاداة للإسلام فلتصنفني كما بدا لك لكني اؤدي فروضي وواجباتي وعلاقتي مع الكريم احسبها جيدة جداً ولا احتاج لزيادة اقول قولي هذا واستغفرالله لي...................... |
| الساعة الآن 05:30 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.