اقتباس:
ــــــــــــــــــــــــــــــــــــــــــــــ [color=#FF0000]آآآآآي الصور الصور أيوه كده يا جقجق عاوزين الصور ومن غير (فرز) ولا الحكايه فيها ......[/color] |
ناصر يوسف يالحبيب سلامات والله ياغالي
وصباحك فل ان شا الله انا غايتو يانصوور بديك وبديهم اربعه وعشرين ساعه .. الصوّر نزلت بي اخوي واخوك فبها اما غير كده يبقي الناس دي ماتلوم الا نفسها :D ;) وهاك يانصور دي اول وحده :p :D [align=center]http://sudaniyat.net/vb/images/uploa...d3ac33698b.jpg[/align] |
ههههههههههههههههههههه
الصوره دي أكيد ملطوشه من الوجيه يا وجيهنا سلامات وأشواق ويا سعادة السفير الواحد إلا يرحل ويسكن جواركم عدييييل كده عشان الشوفه تبيقي يوماتي ويا بختك إنت ود. سيد يوماتي نتلاقين إلا بس يا جقجق سؤال ليه البت ما بترضي ينشروا صورتها عبر النيت ؟؟ والرجل تنشر صورتو ؟؟ وما بين الجندر والأعراف تكمن بعض الأسئلة المشروعة ولا مو كدي يا حنيه وأخواتها ؟ تسلم يا جقجق |
عاينا للصور
سؤال لناصر نان نحنا بكانات الفنادق الخمسة نجوم القاعدين فيها إنت و السفير دي مالنا ما شفناها؟ :rolleyes: :D :D :D :D أب جقادو خلي بالك يا زول هوي و الله بعوقوك |
كتبت د. بيان :
اقتباس:
جارتنا وبت حارتنا وبنريييييييييدا |
اقتباس:
واتمني بعدين تقيف معاي وقفة (رجل شجاع) لانو ردي علي سؤالك حيكون منطقي جدا (وفي ناس هنا جنها وجن المنطق):D اولا . البنت زي مابقولو اهلنا زي القزازه وانت براك عارف الناس بتشيل الصوّر المنشوره ببراءة وبتعمل فيها شنو ؟؟ ولا كيف يامعتصم الطاهر ؟:D ثانيا .. وربنا اعلم طبعا (الشناة ) بعيد عنك وبعيد عن السامعين والشايفات :p ;) ثالثا . وبكل جديه انا احب جدا البنت التي تررفض نشر صورتها عبر النت او عبر اي ميديا تانيه :cool: ناصر ياحبوب Please مافي داعي للمشاكل لاني افضلهن كما يلي :D [align=center]http://www.lahaonline.com/media/imag...aopinion/6.jpg[/align] |
[QUOTE=haneena][color=#0000FF][size=4]عاينا للصور
[mark=#FF99CC]سؤال لناصر نان نحنا بكانات الفنادق الخمسة نجوم القاعدين فيها إنت و السفير دي مالنا ما شفناها؟[/mark] :rolleyes: :D :D :D :D والله وحاتك ماها خمسه ولا تلاته نجوم عليك أمان الله دي كافتيريا سااااااااااااااااااي كافتيريا الله والرسول أها بلدنا دي ياما فوقها سماحة حتات أسكتي خليها سااااااااااي وهو أنتي نان أديتينا فرصه في شان نفسحك ونوديك الخمس نجوم ؟؟ سوق الناقه / ونشربلنا شاهي مغيرب حدا أبوروف ونمش علي سوق العناقريب والطواقي في أمرمان عليك أمان الله كان فرحناكي بالحييييييييييييييل علا بس سويتيلنا سواة عنوان بوست بلقيس الملكه (كفتك) وقمتي فاره لي بلاد التنكليز المره الجايه كلمينا من بدري بتلاقينا قدامك في المطار نشيل ليك الشنط بدل (العمال).. ههههههههههههههههه وهسي قرض لي يوم الليله ما ظهر ولا عرفنالو بكان ... |
اقتباس:
انتي ضاربه الرطوبه في عاصمة الضباب وبرضو ماقبلانه بالحاصل (طيب انحنا نقول شنو ؟) واااي مثلا ؟ :D :p [align=center]http://sudaniyat.net/vb/images/uploa...d7a2db43ad.jpg[/align] |
ناصر يا يوسف
بالمناسبة تذكرت أيام العمل بالخرطوم كنا ننصر و أعز صديقاتي و أصدقائي أن نترك الكافتيريا المكندشة و نمشي (نِتَّفَّنْ) في ذلك المكان الذي أسميناه سعد قشرة... يقدم فول مصلح و طعمية حاااارة.... نقعد مع الزوار و النزلاء..ضاحكين و منكتين و لاعنين سنسفيل جدودها. يجي ماري عليك نزيل مستشفي الأمراض العقلية يديك كلمتين يضحكوك و تجيك الشايلة الروشتة الما قادرة تدفعها..فتكسر قلبك و يجيك بتاع النظام العام يلقي عليك نظرة كلها ريبة( نظام متجمعين كدة..يبقي لازم في بلوة..فكل إناءٍ بما فيه ينضح) يمر عليك كل الناس..الحقيقية تحت لهيب الشمس و تحت النيمة عليك الله يا ناصر..خمسة نجوم بتاعت شنو؟؟ إياك تكون أخدتني جد أنا خمسة نجومي...بس كافتيريا سعد قشرة دي أها أحجز لينا المرة الجاي في الزييها من هسع حمدي قلت لي بتفضلهم نظام طالبان و كدة؟!! :rolleyes: http://www.lahaonline.com/media/imag...aopinion/6.jpg كيتن فيك و بمناسبة يوم المرأة العالمي حقو ننزل الصور و نعلق البوست في المشلعيب :mad: :mad: |
اقتباس:
ياريــــــــــــــــــــــــــــــــــــت تبقي قدرها وتعمليها :D |
أب جقادو
فلتقم بإقناع ( عَمَّـــتَك) أولآ :rolleyes: |
عذرآ لعصام أخ الشاعر نصار الحاج
فقد ألهانا حديث السياسة و أحوال البلاد ذكرك فعذرآ.. قابلته في مكتب إشراق تحدثت عنه إشراق بما يسر ككاتب له مكانة... هنا صورته http://sudaniyat.net/upload/uploading/isam.jpg يا إشراق..أين هو؟؟ |
اقتباس:
شوفة اضان يا كافي البلاء تسوي فيك قدر دا حنينة اوعك جقجق يدقسك؟؟؟ :D :D :D |
اقتباس:
(ان شا الله الليله من الصباح ده كمشه بتاعت استرليني) قولي امين انتي عارفه لو صورة عمتي اشراق نزلت هنا وحياتك تاني ماافتح الويب بتاع سودانيات ده لي يوم الدين (جادي انا) :D عارفه يا( عَمَّـــتَي) حنينه اي شي في الدنيا دي ولا ست الناس ( عَمَّـــتَي) اشراق دي :D ;) حنينه ياغاليه كدي خلي ( عَمَّـــتَي) اشراق علي جمب ونزلي بقية الصوّر :eek: :p :D |
اقتباس:
والله عندي ليك كلام مبنفع يتقال الا في التلفون وزي ماانت عارف المشرف ممكن يدخل الرسائل الخاصه :p :D عليه وبي سرعه جدا الحقني بي رقمك في الخاص :D |
أبجقادو
اقتباس:
نحنا إذا أدينا كلمة...كلمتنا لو نزل ملاك من السماء ما بنغيرها ,و ليس للتهديد أعلاه عرفت كيف؟؟؟ الحبيت أوصله ليك إذا ما داير صورة عمَّتك تنزل...ليه بتنق علي الناس التانية تنزل صورها؟؟ و كلام أكثر من جادي كمان اقتباس:
لأنه نحنا ما بنعمل كدة...لنفس الأسباب الخلتنا ما ننزل صور الناس في حاجة تانية عايز تسأل منها؟؟؟؟ |
اقتباس:
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ جقجق ماااااااااا قلنا حاجه غير سؤال مشروع وبرئ جدا واليوم يوم المرأة العالمي كل سنه وإنتن طيبات ورايقات ومبسوطات وبالطبع بإنبساطتكن نحن والعيال بنكون آخر إنبساطه بإنبساطتكن بس أسمح لي يا جقجق تاني أعيد السؤال (أصلي زول بتاع زرزره) وكده ليه البت ما بترضي ينشروا صورتها عبر النيت ؟؟ والرجل تنشر صورتو ؟؟ وما بين الجندر والأعراف تكمن بعض الأسئلة المشروعة ولا مو كدي يا حنيه وأخواتها ؟ وأتمني الإجابه تجي منكن وينك يا دكتوره بيان / أم سهي / ممكوووووووونه / ندي / الواحه / بت النيل / الملكه / سمريه الغيبه ووو ... كلللللللللكن وبعدين المسأله في الواقع سؤال ومحرقني وكان ما رديتن مااااااااااااااافي مشكله برضو المهم إني سألت .. ربنا يحفظكن ويعلي مقامكن ويسعدكن والما عرسن الله يعرس ليهن الزول الهدي ورضي (ومليان قريشات) والمعرسات ربنا يحفظ ليكن أسركن .. أزواجكن وعيالكن ... ياكن ستاتنا أمهاتنا وحبيباتنا وبناتنا وأخواتنا ومعلماتنا والجنة تحت أقدام الأمهات .... كل سنة وإنتن طيبات |
اقتباس:
بس ماتقولي (عما كباس):D ياعزيزه انا فقط عايز ارد علي الجزئيه بتاعت (المشرف والرسائل الخاصه) واعتقد هو ده الخلاكي تكوني جاده (جدا جدا جدا ) ... طبعا وزي ماانتي وكل الناس شايفين انا الكلام ده كتبتو وقدامو بسمه (يعني ماممكن اكون جادي ابدا) وثم ثانيا لو اصلو انا قاصد الذي كتبته اعتقد كنت سافتح له بوست خاص (ولا كيف؟؟) حنينه نرجو فقط ان لا تخطلط عليكم الامور ..والفهم الخاطي حتما سيودي الي نتائج (زعليه ) وربنا يكافينا شر الزعل فقط وددت انا اقول (الله ماشفنا بالعين ولكن عرفنا بالعقل) الجقجق |
أبجقادو قلت
اقتباس:
اقتباس:
إقرأ كلامي مرة أخري مكتوب جاد جدآ جدآ بعد كتابتك إنت و إنك جادي في مسألة إنزال الصور و عدم دخولك سودانيات يكون بعدها وجه ضاحك أو مكشر لا تنفي إنك جادي تحاشيت أنت الرد علي هذه الجزئية التي تختص بحديثك عن تنزيل الصور و فيها ما يوحي بأنني سأنزل الصور و التهديد الذي تضمنته( رغم إنه مسألة تخصك) آخذ مثل هذه الأشياء بجدية ولي القدرة الكاملة علي التفريق بين الجد و الهزل ..و بهذا توصلنا لمعرفة الله بالعقل لن أتطرق لهذا الموضوع مرة أخري علي كل حال |
جقجق : بعد السلام و التحايا نمرة واحد انا بخاف على رقم تلفوني اكتر من الكلام و الصور يعني ما بشوتوا ليك لا في خاص و لا في عام َ و كان عندك كلام رشوا هنا يا مان اما موضوع المشرفين دا ما ظبط معاك فاسناهو يا سان :p :p :p نمرة اتنين نصيحة لوجه الله زول ما بتعرفوا ما تهظر معاه لانو بهظارك ممكن تعوق ليك زول لا يدو لا كراعو ;) ;) ;) نمرة تلاتة دي بقى اسأل منها خالد الحاج :D :D :D سلام |
نستغفر الله العظيم أولآ
الأخ ناصر يوسف تحياتي أسئلة مشروعة و الله و الإجابة عليها هي ببساطة( من وجهة نظري) إنعدام الثقة فيمن ستقع في أياديهم هذه الصور و هذا موضوع كبير يا أخوي أتمني من الأخوات إن كان لديهن إضافة أن يفعلن و لا تنسي إنه بعض الأخوان برضو يعترضون علي نشر صورهم و ما زال الكثيرين يستعملون نيك نيمز لا يريدون لأحد أن يعرف هوياتهم الحقيقية. يا ريت برضو نعرف منهم تحياتي و تقديري |
الغالية
حنينة معليش ما قدرتا اتداخل ، مزرور زرة كلب المداح انتي ما لقيتي لي صورة غير الشينة دي (نظام الود وجيه وكده!!!! ) ;) ;) انا اسي عاوز يغيرو لي صورتي بي واحدة في (لندن ) ،، كيف ما عارف ، تتصرفوا :p :p اسي دي اول صورة يشوفا الخالـــ ..... وتكون بالشنا المُرة دي ؟؟؟؟؟؟؟ لكين قول ليهو ما تزعل برسل ليك صورة لي بعد ما ابقا وجيه شديد :D :D يلا اقول حاجة تانية يا غالية بالجد انا متمني تكتبي لينا شوية عن مسألة الـPrivacy اكيد بكون كويس عشان الناس اهتمامها بالمسألة دي ضعيف شديد بدءا من الاسرة . وراجعي الخاص برضو لو امكن |
الأخ مايم
تحياتي معليش المرة الجاية نعمل ليك صورة في إستوديو ماجيستيك :) عن الPrivacy و الله ما عرفت المقصود غايتو إنت أبدأ البوست و نحنا معاك رجل بالرجل تحياتي لكل المعاك |
نواصل....
ملاحظة اخري لاحظت إنه هناك دائمآ تشجيعآ علي صرف أموالك. إذا أردت أن تذهب للتسجيل للأجانب.( يكلف 80 ألف جنيه)...شجعوك علي بطاقة الأجانب من أصل سوداني و التي تكلفك 350 ألف جنيه بالتمام و الكمال..إجراءاتها أسهل و لكن تكلف مالآ كثيرآ قد يستعصي علي الكثيرين بالذات لو هناك أكثر من فرد في الأسرة يرافقك يعني بحسبة بسيطة..أسرة من الأم و الأب و طفل واحد تكلفهم مليون و شوية جنيه سوداني بالتمام و الكمال!! مع إنخفاض سعر صرف الدولار ...معاناة ما بعدها معاناة و لكن من فوائدها إنك لن تضطر إن تتبهدل في السفارات السودانية( لمدة 5 سنوات) ليتغيب موظف الجوازات .. وإن كنت علي عجلة..و إضطررت أن تذهب للسودان دون تأشيرة..إذا سمحت لك شركة الطيران بالسفر..ستدفع أتاوة كبيرة في مطار الخرطوم عندئذ قدرها 150 دولار!!!!! 150 دولار يا سادة يا كرام..غرامة لإنسان من أصل سوداني إضطر للسفر ربما في غالبية الأحيان..وفاة لقريب!! لا اعلم صراحة من يسن القوانين في بلدنا .. هذه القوانين التي مثل المنشار طالع ماكل. نازل ماكل. لكن الشهادة لله في قسم تسجيل الأجانب( الهم نحنا ديل) كانت المعاملة حسنة للغاية و أحسن بكثير من مقابلة موظفي الجوازات و المطار و صراحة سجلت صوت شكر للرجل المبتسم الذي تعامل معي و طالبته إن كان هناك دفتر أسجل ملاحظاتي عليه و صوت شكر فليعطيه لي لأكتب فيه.. و لكنه ضحك و قال...مافي طلبت منه أن يكون في المرة القادمة في.. فمثل هذه التعليقات المشجعة و الإمتنان ترفع من روح العاملين و تشجعهم علي مواصلة العمل الجيد..و هذه ألاحظها هنا في هذه البلاد و الإمتنان الذي نشعر به عندما يأتينا كرت شكر أو حتي كلمة شكرآ ودعته شاكرة و خرجت لأواصل... |
الحنينة اختي..
والله خوفتينا من مشي السودان.. يعني اضافة لي شنط الهدايا نملى شنط القروش؟ برعم انك قعدتي 10 ايام شفتي العجب العجاب ياربي (البتلنا) دا يشوف النجوم عز الظهر وللا شنو..؟ لكن شكلك كدا كنت مستعدة من هنا بي دفترك لتسجيل الحاجات دي.. :D بركة بي شوفة الاهل.. حميد.. |
العزيز محمد حميد
لا يا زول كيفن عاد لازم تمشي و تمشي كمان لمدة طويلة تقدر تفهم فيها الحاصل أكثر هذه إنطباعاتي الشخصية عن رحلة كانت قصيرة و رأيت فيها ما رأيت ربما تكون أنت أكثر حظآ و تجي تحكي لينا علي قصص زي ألف ليلة و ليلة يعني زي عيشة المواطنين الخليجيين أيام كان الخليج بي خيرو :cool: لكن حتي ذلك الوقت.. أيوة شيل معاك بُقَج ( مش واحدة)بتاعة قروش اقتباس:
الأخو برضو مزكوم :D :D :D :D |
حنينة صاحبة الانطباعات و الخواطر المسجلة شكرا للسرد الشيق.
انا ارشحك كاتبة عمود صحفي لا يشق لها غبار و كلامي دا ما ترميو واطة. اقتباس:
سلام و تقدير مربع. |
اقتباس:
وحتى السوداني أصلاً ومستنداً بيدفع حاجة بيسموها ( رسوم قدوم 10 دولار ) أي نعم إنت جاي داخل بلدك اللي ماعندك غيرها بلد لااااااااااااااااااااااااااااااااازم تدفع !!!! وهذه كانت تدفع داخل المطار قبل الخروج من المطار لداخل البلد ( عن يد وهم صاغرون ) . . بس الجماعة شكلهم خجلوا منها بقت ظاهرة كده قام حولوها بقت تدفع في جهاز المغتربين مع الضرائب . . . قلنا إنت مغادر البلد ( تدفع ) دي ( مبلوعة شوية ) لكن تدفع وإنت داخل مبالغة . |
اقتباس:
الحنينة اختي مزكوم زكمة عدوك ..والناس الانوفهم سايلة ديل قايلا العاداهم منو؟ ما انا زاتو ياني الجابلهم بتل الزكام دا.. :D بي فوق الحيطة اكورك ليك.. الخاص مليان ورسالتي ما لقت مكان تقعد فيهو ويا خسارة الكلام الكتبتو مقعّد وموزون ماهو بتل دا :D حميد.. |
اقتباس:
بصراحة قعدت أضحك و أنا متخيلة نفسي بكتب في عامود صحفي هل إنطباعاتي هذه مكانها الأعمدة.؟.غايتو إلا عمود نور :D اقتباس:
بالمناسبة نسيت أذكر إنه جوازات الأجانب أصبحت مكندشة في المبني الجديد ...بس لازم يكون عندك لياقة عشان تطلع دورين من غير أسانسير يعني الناس الكبار...يستأجروا زول زي ما في الحج الحاجة التانية توفر ساندويتشات و مرطبات و ماء بارد و هذه من المحاسن برضو نخلي الباقي لا قدام( نواصل) |
الأخ أبو مناهل
تحياتي اقتباس:
طيب خليك من إنت داخل البلد من الخارج داخل السودان في كم إتاوة بتدفعها لو إتحركت في أي طريق سريع؟؟ خلي زول يحكي ليك خليها علي الله..فإنسان البلد بقي good source for the government revenue ما كفاهم البترول و ما شابه |
اقتباس:
اقتباس:
أَعِدْ |
نواصل
البلد سوق كبير كل يبيع و يشتري أهذه محمدة أم مذمة؟ ربما الإثنان معآ كالسنة الماضية لاحظت إنتشار المحلات التجارية و المطاعم و الكافيتيريات والإنترنت كافيه و الإتصالات بدون ترتيب و تخطيط. يعني ممكن تجد 4 محلات إنترنت في شارع وواحد و بعد كدة تمشي حي كامل ما تلقي و لا واحد ( و دي شخصيآ حدثت لي) تلقي واحد إشتري رقشة..الشارع الباقي كله بيشتري رقشات..و هكذا لا يوجد إبتكار إلا عند القليلين جدآ..و سرعان ما يحاكيهم الآخرون دون التفكير ملاحظة عدم وجود دراسة جدوي و دراسة جدية لإحتياجات المستهلك من أصحاب البيزنس عند إفتتاحهم لهذا المحل أو البيزنس أو ذاك و أعتقد هي عقلية سودانية متجذرة فينا..عدم التخطيط في كل شئ و الإستعجال و بس. مثلآ..قام قريبي الصغير برمي الريموت كنترول في جردل ماء..إظنه كان يريد أن يعرف مقدرته علي العوم :D مما أدي أن يصاب بالشلل..و صاحبنا مبسوط سألت في كل المحال المجاورة..منهم محلين كبيرين يشار لهما بالبنان في الأجهزة الكهربائية بصراحة المحل كبير و جميل و مكندش و منظم و مليان و به الكتير من الaccessories سألت عن ريموت كنترول.. قالوا لا لازم تمشي شارع الحرية قلت مغتاظة..عاملين دة كله و غلبكم الريموت يا جماعة؟ طيب ما كان تتموا جميلكم لأ..إلا شارع الحرية سألت بعدها عن شرائط تسجيل للكاسيت..برضو روحي مرقت لفيت كل الشارع الكبير و ما جاوره..برضو غير موجود هذه هي عقليتنا..بقليل بس من القعاد في الواطة و التخطيط و التفكير و الإلتفات للتفاصيل ممكن يغير الكتير هذا غيض من فيض عن قلة التخطيط و قد كانت مثار حديث مع نسيبنا الذي كان يشغل منصبآ هامآ في قسم التخطيط بوزارة المالية و طبعآ هو مرجع لذلات الحكومات المتعاقبة و عدم أخذها بآرائهم في معظم الأحيان عن المحمدة فقد رأيتها بنفسي يمكنك الآن أن تقوم بمناسبة كاربة بكل مستلزماتها و بأحسن جودة لكثرة العرض في السوق يعني إستئجار لصيوان و من يقوم بعمل الأكل و الضيافة و الفنان..مستعدين في أي وقت يبقي بس أزمة الإلتزام بالمواعيد..و هذه ليس لها حل سوي أن تَسُكْ حاجاتك بنفسك نواصل |
السلام عليكم ورحمة الله :D
عمتي حنينه ;) وبقية الاخوه الشمشارين سلام :D عدت من جديد لاواصل معكم وبكم معاني هذا السرد الفرايحي عن بلدنا وصوّر بلدنا الحبيبه :p عمتي حنينه حنينه ظروف قاهره ابعدتني عن احرفكم الرنانه .. وصوّركم الشحتفتو بيها بطون خلق الله :D اها لسه مااتخذتي قرار في الانزال عشان عندنا اقتراح لي بوست بااسم اليوم العالمي للجدية في مواضيع جدية وحننزل فيهو صور ناس البرايفسي:D :D :D :D (تلاته وشوش قصرته) |
أب جقادو
سلام لك رد علي ميسينجرك الذي أرسلته لي تحياتي |
نواصل....
هل سلوكنا يُعْدِي الأجانب؟؟!!! (1) عزمني أحد الأقارب غداء في مطعم أمواج بالعمارات جاء الجرسون و به صرة وش غريبة جدآ...صرَّة تقطع الخميرة من البيت يأخذ منك الطلبات و كأن به قرف من عيشته و كل الموجودين ..أو كأنه يعطيك الطلبات من جيبه أو شحدة ما هي المعايير التي يتم بها إستخدام من هم وجه لهذه الأماكن و التي بالتأكيد يتأثر مرتاديها بالمقابلة..فالمقابلة وش و كما قال أخواننا المصريين..لاقيني و لا تغديني تبينت من لهجته إنه صعيدي مصري... سألت مضيفي..دة شنو دة كمان؟ نحنا ناقصين الناس التانية و ناس المطار؟ لما يجينا مستورد يكون بالمستوي دة؟ طبعآ قررت أن أشتكيه لمدير المحل.. و ضحك مضيفي..ما تضيعي وقتك..شكوة شنو كمان. سألت نفسي... كيف نجحنا في إلباس هذا الرجل بعض ملابسنا..أم هو خلقة صارِّي كدة؟؟ يا سلام...أصبحنا نستورد عمالة من الخارج..فهناك شركات تعمل في إستخدام العمالة الأجنبية ..أسوة بما يحدث في الخليج... فهناك الفلبينيات لأعمال البيوت..تدفع مبلغ و قدره( حوالي ال_1500-1000 دولار) مقدمآ ثم بعد ذلك بأجر شهري ما بين ال100 و ال150 دولار و توفر للخادمة غرفة بالمنزل و تلتزم هي بكل أعمال المنزل حسب الإتفاق. علمت إنه هذا نوع من البيزنيس الجديد رائج جدآ..و دخله كبير للغاية و لكن لا يخلو من تجاوزات إنسانية و أخلاقية. سبحان الله مغير الأحوال!!! نواصل.... |
هل سلوكنا و فوضانا يُعْدِي الأجانب؟؟!!!
(2) و لأعرف أكثر مدي تأثيرنا علي الوافدين علينا من عمالة و منظمات..و..,و و تأثير سلوكنا عليهم..كانت الملاحظة القادمة. إنكسرت الماسورة في شارعنا قرب مدخل المنزل.. كان المدخل و شارع الظلط في شكل بركة بل قل بحيرة كبيرة ...كانت العربات كلها تأتي مسرعة القليل منها يبطئ حتي (لا يكشح) خلق الله و العربات الواقفة علي الجانب من زوارنا.. و بما إننا قوم لا يحلو لنا الحديث حتي نبلغ خشم الباب..ثم نتذكر ما نسيناه و نبدأ من جديد بالساعات و حيث إننا كذلك..أخذت أراقب تصرف خلق الله من هذه البحيرة من يراعي من السائقين للعربات الواقفة و الناس الماشة و من يأتي بسرعة هائلة..مجلبطآ العربات و البني آدمين الفي الشارع من غير ذوق.. في الآخر أصبحت لي تسلية..فأقول لزائرنا/تنا ..زولنا الخواجة دة حيهدي أو زولنا سواق عربية المنظمة دة ال4x4حيمشي سريع أعملوا حسابكم..فيقفزون داخلين لي جوة البيت أو بتاع التاكسي الخايف علي عربيته الأصلها كاسرة ركبة دة حيهدي الست دي حتمشي بمهل و هكذا.. كتير أصدق و مرات يخذلني هؤلاء الخواجات الذين تعلموا منا عدم المراعاة مع إنهم في بلادهم المراعاة لهذه الأشياء عرف سائد..إلا من القلة (ملحق.. طبعآ بعد أيام حتي ظهر لنا من يحاول الإصلاح بعد شكوي عن طريق معارف لهم صلة بالشركة.. حفر الإخوة أمام البيت و الشارع ووضعوا لافتات لا أدري لماذا. .و بعد ان أصلحوا الماسورة تركوا كل شئ في مكانه و الرصيف و الشارع مكسَّر و لم نري وجوههم حتي سفري) ملاحظة أخري... تعلم الخواجات و الأجانب عمومآ كيفية عدم الإلتزام بالمرور و أخذ الشارع عنوة.. فما يحدث في شوارع الخرطوم ليس المقولة المعروفة..القيادة فن و ذوق بل القيادة عضل و قلة أدب موقف آخر. رأيت أيضآ خواجية تتحدث بلهجة أمريكية تسبق الصفوف في الكونيكشن في مطار دبي و قد كنت رأيتها معنا بالطائرة من الخرطوم إستأت جدآ من تصرفها و سألت باقي السودانيين ألا يسمحوا لها كعادتنا...لم يبالي أحد قلت لهم إن لم تبالوا سأتقدم أنا الصفوف و لن أسمح لها أن تتقدمني سألتها... .?..Did you ask my permission to jump the queque هل سألتيني موافقتي لتتخطيني في الصف؟ ردت.. أود أن ألحق بطائرتي و لم أسأل قلت لها ... لو كنتي في بلدك هل كنت ستتصرفين بهذا الشكل؟ أم ليس لك إحترام للناس هنا؟ طبعآ باقي السودانيين واقفين..و كأن ما يحدث لا يعنيهم في شئ :mad: ( ماتت القلوب بعيد عنكم) ردت بكل بجاحة..و كأنها تقول How dare you asking me لا لم أسأل أحدآ قلت لها.. لن تتخطيني إذن..سفريتي بعد 7 ساعات و لست علي إستعجال لكن لن تتخطيني و قد كان.. سألت نفسي..أين تعلَّمت كل هذه الفوضي؟؟ أكيد من عندينا من تصرفاتنا نحن..و من تعامل الحكومة مع هؤلاء الخواجات كأنهم آلهة و المواطن درجة عاشرة برضو نواصل |
حنــــينة ......ســـــلام مُــــربّع
وتحايا بملامح الوطـــن.. كود:
غشوة للسفارة السودانية و مكاتب الطيران وووووووووونحـــــن هنا بِــنقــيّل فـــيها ده حـــسد منى ومن الشباب الهنا رسمى كده . وبالله الكتــــــاحة ما أحسن من التلج؟ عموما ألف حمد لله على السلامة... والموضوع صراحة ممتع ..عشان كده جاى صادى وليد طه |
العزيز وليد
تحياتي وين يا زول الحي بيك؟ تعرف يا وليد أنا لا أحب الExtreme weathers بأي حال من الأحوال الجليد..بنعمل حسابنا منه( نحنا ما عندنا جليد بالمناسبة في جنوب إنجلترا السنة دي نهائي) لكن الكتاحة دي ندس منها وين؟؟ :rolleyes: سلامات كتار للمعاك و راجين الجية تاني أنا لسة عندي كلام كتير لسة ما إتقال خليك متابع..بالذات من في إيده القلم تسلم..تحياتي لكل ناس الرياض الغايبين فردآ فردآ |
[[align=justify]size=3]حنــينة تحياتى (بث مُباشر) المّرة دى :p
زى ما قلتى الكتاحة لا يمكن تجنبها فى المليون ميل مربع بس أنا إتخيل لى لو الواحد كان مُدسي من الكتاحة وقام إتكتح حقو طوالى يلبس ليهو بنطلون جنز ويمشى ياكول (بـــوش) من اى دكان حّلــه وهو قاعد فى صندوق ببسي فاضى ...وبعد كده يمشى يدافر فى المواصلات -حتى لو عندو (حديدة) ويا حبذا لو (جاط ) مع الكمسارى كمان ولو عندو وكت يركب الباص (الكان سياحى) عشان يسمع ويشوف مواقف من صميم المجتمع السودانى لا يمكن تحصل إلا فى سخانة الساعة 2 ضُهر.. ويا سلام على صينية الغدا خاصة مع التوقيت الجديد. المسا طبعاً يركب رقشة ويمشى حفلة )(ولو ضهب) فى اى نادى ويرجع قبل الحظر اهم حاجة.. دى يا حنينة لوحة سريالية لإجازة حقيقية فى السودان. تخريمة : إنتى بورداب الخرطوم ديل صادروا معتصم دفع الله ده ولا شنو؟!!! (وجوه كثيرة مُحمرة غضباً) حنـــــــــــــينة أخليك تكملى دمتى[/size][/align] |
| الساعة الآن 02:49 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.