اقتباس:
يا إلاهي |
متابعة و استمتاع لأبعد الحدود
شكراً أسامة و طيبان على الجهد و المادة الدسمة |
اقتباس:
ياخي الله يرضى عليك تجوا تمسكوا حميد دا مني !!! |
اقتباس:
غايتو سوّوا مروّتكم كلها في البوست دا و نحن من خلفكم و نشد من أزركم و نتداخل معكم كلما كان ذلك مفيداً و مثمراً ربي يخدّر عود ضرعاتكم |
انتو حكاية الثنائية اليومين ديل شنو :D
بوست رائع والله |
اقتباس:
متابعة لصيقة لهذا البوست الساقية، كل مشاركة فيه (قادوس) يغرف من (بحر) حمّيد المتّصل بغمامات الدهشة عبر (كركّي) المتعة! هذا مقطع (كركّاوي) في سياق آخر، يشرح نفسه بنفسه: شاخن قرى وباخن مدن داخ الأديم فتحت جراحو كركّي من كُتر النزيف والكركّية إذا أردنا شرحها رياضياً؛ فهي ال (Infinte) أو الما لا نهاية، أي اللا محدود كما وصفها حمّيد حينما قال: وانت كركّي لا محدود .. |
ذاك استغراق عجيب يا اسامة في عاطفة حميد، استغراق يجعل الذي يقرأ لك تغشاه ذات ( اللوثة المحببة) من الحنين.
على ذات السياق، ذكر لي أحد الأصدقاء منذ مدة، كيف أن حميّد حين ماتت (نخلةٌ) له ، أخذ أغراضه وتوجه صوب مكانها ليتقبل العزاء فيها.. ! فهل وجدتم لهذا القول أثراً؟ وان كان ذاك كذلك أعتقد أنه يفتح باب آخر لعلاقته بالنخيل يسمح بأن يصبح أحمد طه أساسي معكما بدل ( خلفية شد الأزر دي:)) لكم احترامي أجمعين. |
اقتباس:
الحتة بتاعت الاسم والرسم دي ماقادرة افوتها قريتها بكم طريقة وحاولت ادس اهم قراية وماقدرت ودا هو نفس النزاع القريته في المعنى لككن بعد يا الهي دي قلت الا اخليك تذكر عديل بي قراتي الاولى شوف اول الممازجة العجيبة بين الحرس والهوس السببته الحاجات الاتنين ديل وانعكاسهم وتكريرهم اقتباس:
ياخ دي مابتشبه الا منازعة الروح ودي اجمل حتة في المودة وروحها عديل ودا مكمن النبض والاحتكاك البخلق شرارة المحبة في كل ثانيه او قل هو الوله ثم ياخ شوف كيف هو اعقب الاستكانة والطمانينة بالهوس كأنك لاتستقر لحظة في كلا الحالين ثم قام بعكسهم ليقول ان الذي كان سببا في طمانينتك هونفسه الذي سبب الهوس فماتلبث ان تطئن لاحداهما حتى يصيبك هوسه بالازيز ثم ان التكرار يسبب قومة النفس ياخ ويهز اركان الروح فلا ارض حمتك ولا اصطفاك سماء والحتة الوصفها حميد دي اجمل واعذب واهم شعورفي المحبة وبتكون مشعلقة بالروح موضع الحلقوم تماما وهي بالتالي اما ان تكون حميدة ومانعة للاكسدة ومجددة للحياة في كل لحظاتها ودا في حال ان طرفك التاني يكون متفهم حتة المنازعة او قل شهيق الروح وزفيرها وحينها يعلق الوله في لامنتاه ..او لا فيحدث خروج الروح عن حلقومها ياخ فترت ونفسي قام |
مني متعشم طلوعك ..
كلي مستنيك تعودي .. ويغسل الساحات رجوعك في حشى أحراش الليالي منتظر بقة شموعك تشتلي الضو في الضهابة .. ترخي للجايعين ضروعك يرجع الطير المهاجر .. يملأ في الفجاج ربوعك حميد دا الشهادة لله ربى يرحمو محل ما تهبش حرف تلقى عاصر علينا عصرة شديدة يا قول كانديك وانتوا كمان جهجهتوا باكات صبرنا الله يرحم حميد ويغفر ليكم |
،
عصرتو علي شديد والله وما قدرت احتمل.. اصلو العوجة ان ما جاتك من الاصحاب ماب تجي من الغير.. ، أسامة طيبان... غايتو الله يسامحكن.. لكن انا مااااا أظن ، ، |
دعونى اقرأمعكم هذا:
إيدين بنيات الفريق قادرات على صد الحِدَيْ جاسرات على صقر النكد . إيدين بنيات الفريق بتهدهد الطفل الرضيع بتعدي شيخ دومة الحفير تشلخ لبق .. تسقي الخدير بتعوس وتفرك للملاح بتورِّق اللوبي وتحش تمسك مراح .. تحلب ، تخُش تغسل هموم أيامه في طشت الحلم تنفض تشر الشوق هِدِم لا يزال يأثرنى هذا المقطع مذ سمعته اول مرة وكان فرامالتى لاركان النقاش.. لا زلت اسيرة لعمق تناول حميد قدرة المرأة على قيامها بكل هذه الاعمال من هدهدة الاطفال الى مساعدة الكبار والزراعة(تشلخ لبق تسقى الخدير) ثم مباشرة مهام الطبخ(بتعوس وتفرك للملاح) وايضا لم يفوته تعامل المرأة فى ما يخص البهايم(تحلب تخش) ثم مقدرتها على تخفيف لواعج الهم و صنع الاحلام وتجميل الاشواق (تغسل هموم اياما فى طشت الحلم تنفض تشر الشوق هدم) هذه الجزئية الاخيرة بالذات اجد حميد قد ابدع فى صياغتها والاحساس بها ثم نقلها اليها بهذه البساطة قدرة المرأة على ازالة الهموم والتخفيف من عذابات الهم فى ماعون الاحلام ثم تنشر اشواقها هكذا نقية قبالة الضؤ فيالتلك البصيرة ويا لدهشتى بهذا النص.... |
فالنسترسل قليلا فى عمق الرؤى لدى حميد وغرابة الفكرة عنده:
(مقطع من قصيدة نورة والحلم المدردح) ومرة شافت في رؤاها طيرة تاكل في جناها هذه الرؤية التى تحاكى المستحيل فى غرابتها وهى ان تاكل الطيرة جناها ماذا قصد حميد بمثل هذه قراءة؟؟ حيطة تنمغى وتفلع .. في قفا الزول البناها وهنا تصوير لمنتهى الجحود هذا تصوير للجحود لم اقراه مذ وعيت مطالعة الحروف في جنينة سيدي سمعت .. تمرة تصقع للوراها الأرض لابد ترجع للتعب فوقا ورعاها ثم تصوير لسير العادلة التى تتطبق مهما طال ليل الظلم والمظالم شافت النيل موجو لاها والموج لاهى فى انتظار او ترغب حدث ما او حدوثه فعلا الخليقة بقت إلاها ثم تلبس الخلايق ثياب الالوهية وتدعى الربوبية فهل ترى من اجل هذا كان موج النيل يلاهى الشمس طبقت ضحاها وضو من الله .. رهاب مكتف في وتيد الليل معاها وهنا ضؤ من الله اشارة للضمير الذى سجن معها بفعل ظالم بين حضر بلدا وخلاها فسرت للناس رؤاها وقالوا جنت ومو براها كيف لى ان اسبح فى لج حميد ولا اغرق الهمنى الشهادة يا الله **غايتو الانا واثقة منو حميد ما كان بكتب الشعر ** |
انا دايرلي فرقة هني معاكم .. مشيت قلت -اتضرّع - في بوست ماريل جا بابكر مسّخو علي ّ .. اسامة وطيبان ، انا بحاول اعاونكم بالنصوص (صوت ) علي قدر العندي .. انتو اقبلوني بي شويتين حاجاتي دي عليكم الله .. علي الاقل عشان انا عريس وكده :):rolleyes: . |
سلامات
انقطاعة طارئة كل الناس المروا من هنا ... والاتداخلو ... البوست بوست حميد وأي مشاركة حتما ستضيف للفكرة فكونو قريبين وسأعود إليكم واحدا واحدا |
علمتني الريح اسيربك او هواك سيرّني ريح
أنهم الغيم اليطيّب خاطر الروض الجريح فقط استمعوا لها من عبدالعظيم منصور وبعدها نتونس حول المعاني الفارعة دي http://www.tawtheegonline.com/vb/showthread.php?t=3360 ياريت لو زول ينزلا عديل بدل البسوي فيهو انا دا |
| الساعة الآن 10:42 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.