برضو عشان الناس تعرف رأي ال البيت في (منظومة )ال البيت المفتراة :مقتطفات من كتاب العلامة حسين الموسوي ،،، ياريت تحاول تقراهو عشان تشوف الامانة العلمية والدقة والموضوعية والورع الذي يتحلى به هذا الرجل ،،، نسأل الله ان يجمعنا معه وكل طالب حق في دار كرامته

الحقيقة في انتساب الشيعة لأهل البيت
إن من الشائع عندنا معاشر الشيعة ، اختصاصنا بأهل البيت ، فالمذهب الشيعي كله قائم على محبة أهل البيت - حسب رأينا - إذ الولاء والبراء مع العامة - وهم أهل السنة - بسبب أهل البيت ، والبراءة من الصحابة وفي مقدمتهم الخلفاء الثلاثة وعائشة بنت أبي بكر بسبب الموقف من أهل البيت ، والراسخ في عقول الشيعة جميعاً صغيرهم وكبيرهم ، عالمهم وجاهلهم ، ذكرهم وأنثاهم ، أن الصحابة ظلموا أهل البيت ، وسفكوا دماءهم ، واستباحوا حُرُماِتِهم .
وأن أهل السنة ناصبوا أهل البيت العداء ، ولذلك لا يتردد أحدنا في تسميتهم بالنواصب ، ونستذكر دائماً دم الحسين الشهيد عليه السلام ، ولكن كتبنا المعتبرة عندنا تبين لنا الحقيقة ، إذ تذكر لنا تَذَمُّرَ أهل البيت صلوات الله عليهم من شيعتهم ، وتذكر لنا ما فعله الشيعة الأوائل بأهل البيت ، وتذكر لنا مَن الذي سفك دماء أهل البيت عليهم السلام ومن الذي تسبب في مقتلهم واستباحة حرماتهم .

قال أمير المؤمنين عليه السلام :
( لو مَيَّزْتُ شيعتي لما وجدتهم إلا واصفة ، ولو امتحنتُهم لما وجدتهم إلا مرتدين ، ولو تَمَحَّصْتهُم لما خلص من الألف واحد ) ( الكافي/ الروضة 8/338 ) .

وقال أمير المؤمنين عليه السلام :
( يا أشباه الرجال ولا رجال ، حُلوم الأطفال ، وعقول رَبَّات الحِجال ، لوددت أني لم أركم ولم أعرفكم معرفة حزت والله ندماً ، وأعتبت صدماً ... قاتلكم الله لقد ملأتم قلبي قيحاً ، وشحنتم صدري غيظاً ، وجَرَّعْتُموني نغب التهام أنفاسنا ، وأفسدتم عَلَيّ رأيي بالعصيان والخذلان ، حتى لقد قالت قريش : إن ابن أبي طالب رجل شجاع ، ولكن لا علم له بالحرب ، ولكن لا رأي لمن لا يُطاع ) نهج البلاغة 75 ، 71 .

وقال لهم مُوَبِّخا : مُنِيتُ بكم بثلاث ، واثنتين :
( صُم ذَوو أسماعِ ، وبُكْمٌ ذَوو كلام ، وعُمْي ذوو أبصار ، لا أحرارَ وصِدْقَ عند اللقاء ، ولا إِخوانَ ثقةٍ عند البلاء ... قد انفرجتم عن ابن أبي طالب انفَراجَ المرأة عن قُبُلِها ) نهج البلاغة ص 142 .
قال لهم ذلك بسبب تَخَاذُلِهِم وغَدرِهم بأمير المؤمنين عليه السلام ، وله فيهم كلام كثير .

وقال الإمام الحسين عليه السلام في دعائه على شيعته :
( اللهم إن مَتَّعْتَهم إلى حين فَفَرِّقْهم فِرَقاً ، واجعلهم طرائق قدَداً ، ولا تُرْضِ الوُلاةَ عنهم أبداً ، فإنهم دَعَوْنا لِينصرونا ، ثم عَدَوا علينا فقتلونا ) الإرشاد للمفيد ص 241 .
وقد خاطبهم مرة أخرى ودعا عليهم ، فكان مما قال : ( لكنكم استسرعتم إلي بيعتنا كطيرة الدباء ، وتهافَتُّم كتَهَافُت الفرش ، ثم نقضتموها ، سفَهاً وبُعداً وسُحقاً لطواغيت هذه الأمة ، وبقية الأحزاب ، وَنَبَذة الكتاب ، ثم أنتم هؤلاء تتخاذلون عنا ، وتقتلوننا ، ألا لعنة الله على الظالمين ) الاحتجاج 24/2 .

----------------------------------

ملحوظة : الكلام ده من كتب علماء (منظومة) اهل البيت

سلام يا عبدالله و لعلك بخير ياخي
ما عارفك عرفت كيف اني من برج الحمل ... لكن أطمئنك برج الحمل برئ براءة ذئب بن يعقوب مما أقول !! :biggrin::biggrin::biggrin:
كلامك ده في تقديري ما صحيح أبدا... و تشبيه موقف سيدنا علي بموقف سيدنا هارون نبي الله ما صحيح و ما منطقي من جملة وجوه :

- أول حاجة تفسير الاية ( يا ابن أم لا تأخذ بلحيتي ولا برأسي إني خشيت أن تقول فرقت بين بني إسرائيل ولم ترقب قولي ) في بن كثير كالتالي :

يعني بالعربي كدا ... سيدنا هارون كان بتعذر لسيدنا موسى إنو ما جاء كلمو إنو بني إسرائيل كفرو لانو خاف يمشي و يخليهم براهم و ما يراعي امرو ليه إنو إستخلفو فيهم !!
بينما أنتم تزعمون إنو الرسول صلى الله عليه و سلم أوصى لسيدنا علي بخلافتو ...و كل العملو سيدنا على إنو حرد 6 شهور و بعداك خالف أمر رسول الله - بزعمكم - و بايع شخص آخر غير من أوصى له الرسول ... فان لم يكن هذا قدحا في سيدنا علي ... فماذا يكون !!

- مافي وجه شبه بين موقفي هارون و علي .... سيدنا موسى لم يوصي سيدنا هارون بقتال المرتدين من بني إسرئيل عشان يكون سيدنا هارون خالفو في امرو ... سيدنا موسى زعل من سيدنا هارون إنو ما كلمو إنو بني إسرائيل إرتدو ... بينما انتم تزعمون أن الرسول صلى الله عليه و سلم أوصى لسيدنا علي ...و تحدثنا كل الصحاح بلا إستثناء إنو سيدنا علي لم يطع الله و رسوله - بزعمكم - و قبل خلافة من لم يوصى الله و رسوله لهم ...بل زوجهم بناته كمان !!!!

- من ناحية تانية ... تعلم يا عبدالله انو كل المسلمين بدء من السابقين الأولين من المهاجرين و الأنصار الفي الآية ديك... و حتى يقبض الله روح آخر مسلم عند قيام الساعة ملزمين بالسمع و الطاعة لله و رسوله ... ده كلام obvious و ما أظن في عليه أي خلاف .... لمن الرسول صلى الله عليه و سلم يدي أمر زي أمر وصية لخلافتو ... الأمر ده أساسا ما منو لانو "لا ينطق عن الهوى إن هو إلا وحي يوحى" و امرو كلو خير ... الموصى له هنا محدد بالاسم بزعمكم... و الأمر الالهي واضح ... هل الله تعالى لم يكن يعلم إنو الحكمة تقتضي الا يوصي رسول الله لعلي ؟!! لو الرسول - بالامر الألهي وصى لسيدنا علي - ليه ما خلى ليه مخرج إنو لو عايز تبقى خليفتي أنت أحق الناس بها... و لو ما عايز لك ذلك ؟!! ربنا ما كان عارف الكركبة الجايه ...و إنو سيدنا علي لن يطيع الأمر ؟!!

- سيدنا علي عذرو شنو بعدم طاعة الله و رسوله ؟!! موضوع مافيهو منطقة رمادية و سوء فهم و ما إليه ... الرسول صلى الله عليه و سلم كلفك بأمر ... ما عندك خيار غير تنفيذ التكليف بغض النظر عن النتائج ...لانو الآمر الله ...سيدنا علي لو أوصي له كما تزعمون ... ينفذ و بس ...و ده ما كلامي أنا و لا وجهة نظري ... ده كلام الايه اللي جبتها ليك و إنت حتى ما علقت عليها !!!
ياخي إذا كان سيدنا ابوبكر قال : (( والله لو منعوني عقال بعير كانوا يؤدونه لرسول الله لقاتلتهم عليه)) .. كيف سيدنا علي ما ينفذ أمر وصية موجهة ليه باسمو و رسمو كما تزعمون ؟!!
ياخي والله الذي لا إله إلا هو... أنا الذي لا اسوى حبة رمل علقت بشعث أبي تراب... كان الرسول صلى الله عليه و سلم جاني صحوة أو مناما و قال لي يا أمين اطلب الرئاسة فأنت أحق الناس بها ... لامضيت حياتي كلها اسعى في طلبها ...و لا ما بايعت أحدا عليها ...إما أدركها أو أموت فيعذرني الله ...فكيف بأمير المؤمنين و بن عم رسول الله و زوج ابنته و من كان يتقدم حين يتأخر الناس في القتال ؟!!


- كلامك عن الحكمة و الدبلوماسية لا مكان له هنا ... الله تعالى يقول (( وما كان لمؤمن ولا مؤمنة إذا قضى الله ورسوله أمرا أن تكون لهم الخيرة من أمرهم)) ...قلتو الرسول وصى ليه معناتها (( قضى الله ورسوله أمرا)) *... بعداك ما عندو خيار ... الناس تتقاتل ... المجتمع يتفكك ... القيامة تقوم ... ده ما شغل سيدنا علي ...لانو بنفذ في أمر إلاهي ...و هو غير مسؤل عن نتائج الأوامر الالهية !!

- بعدين يا عبدالله ...في تعليقك على كلامي تقول لي *((دة منطقك إنته البتقول فيو دة، لا منطق أبو تراب، لا منطق حكماء، لا منطق حديث، لا منطق قرآن، بالذات ما ما منطق قرآن)) و أنا كل العملتو إنو جبت ليك آية من القران برابط لشرحها من بن كثير إنو لمن الله و رسولو يدو أوامر ...تاني ما على كيفك ما لم تكون في الضلال المبين ...ده منطق الاية ما منطقي ...و لو في شرح تاني ليها مخالف للكلام ده جيبو ... و لو في آية ناسخة ليها جيبو ... إنت خليتها كلو كلو و مشيت لحكمة و دبلوماسية سيدنا هارون في موضوع ما عندو علاقة و لا وجه شبه زي ما بينت ليك فوق !!
ال bottom line حقي يا عبدالله ..إنو الرسول صلى الله عليه و سلم لم يوص لسيدنا علي ... لا في نص قراني فيهو الوصية دي ...لا في حديث صحيح واضح فيه الوصية دي ...لا موقف سيدنا علي بعد وفاتو صلى الله عليه و سلم بيؤيد مزاعمكم دي !!
أسأل الله صدقا أن يهدينا جميعا لما يحب و يرضى...

______________
الخط تحت الكلام البين العلامتين * ده ما قدرت أزحو و لا لقيت وقت أشوف السبب فعذرا !!

يابروف

دا شنو الكلام الغريب بتاع أنتم

الرجل قال قال أنه ليس بشيعى

فلماذا هذا الخطاب الغريب؟

------

وبعدين حتى لو كان الزول المحاور شيعى
هل فى داعى لإغراق البوست؟


يااخى أبدآ ماعجبتنى النبرة بتاعت أنتم
بينما محاورك يتحدث عن فكرته هو !

مرحبا أمين
وكلام واضح كتير .. ويؤكد على منهج الإسلام السياسي الذي فوض المسلمين بإمارتهم في ديمقراطية لا لبس فيها بنص آية الشورى .. وقد التزم بهذا التفويض الرسول صلى الله عليه وسلم فلم يوصي بخلافته وتركها لشورى المسلمين .. وسار على ذلك من بعده الإمام علي كرم الله وجهه حين سئل عن تولية الحسن بعد أن أحس الناس بدنو أجله بعد طعنة الشقي أبي ملجم .. فوردت منه بيضاء نقية وهي والله من عطاءه العظيم للإسلام حيث قال: (ما آمركم ولا أنهاكم) ابن الأثير ط/ دار صادر 1965م ج 2 ص 391 .

رأفت و أبا جعفر ...برجع ليكم الصباح كان الله مد في العمر ... جابني الجيلي و " نبراتو" الفي وجناتو :biggrin::biggrin: يا الجيلي ياخي ... موضوع شيعية عبدالله من عدمها أنا كاتب فيها 3 مداخلات ... واحدة منهم ليك إنت محمرة و مشمرة :biggrin::biggrin: ... ما عارفك ما قريتم ولا ما وقعو ليك رغم أني فيهم كلهم كررت اني ما بفتكر إنو عبدالله شيعي و جبت مبررات كلامي ده ذاتو... و الراجل رد لي و فهم كلامي كويس !!
مداخلتي الأخيرة دي في نقطة محددة و هي موضوع وصية سيدنا علي ...و اللي رأي عبدالله فيها مطابق لرأي الشيعة ...يبقى الضمير في "انتم" راجع لعبدالله و لكل من يزعم إنو الرسول صلى الله عليه و سلم أوصى لسيدنا علي بالخلافة لو كانو شيعة أو شيوعيين :biggrin: !!

رأفت يا حبيبنا ...سلام ياخي و لعلك و المعاك طيبين ...على خلاف مع كلامك دا من جهة اساسية و هي إنو النقاش هنا ما تاريخي ...الأمر أمر دين !!
أعلم إنو جزء من الخلاف الديني دا ذاتو جاي من النقل التأريخي للاحداث ...لكن الحتة الفيها نقاشنا في البوست دا و هي مسألة وصية الرسول صلى الله عليه و سلم لسيدنا علي ما فيها خلاف تاريخي ...بمعنى إنو الطرفين البقولو الوصية حصلت أو لم تحصل ما مختلفين في الأحداث و لا السياق التأريخي لها ... على الأقل في بوستنا هذا .
نقطتك بتاعة ((أول الخلافات كانت بين أحقية الأنصار أو المهاجرين لها)) جميلة جدا و قد تكون بعد إنو سيدنا علي نفسو بايع الخلفاء الثلاثة ... أقوى دليل على إنو الرسول صلى الله عليه و سلم لم يوص له ... شنو البخلي الصحابة مهاجريهم و انصارهم يختلفو في أحقية الخلافة إذا كان الأمر محسوم بوصية رسول الله لسيدنا علي ؟!!
تعرف يا رأفت ... ما عايز أدخل في حتت تانية في النقاش لانو ممكن نطلع في الكدرو ... لكن نقطتك بتاعة قراءة التاريخ بعيون هادئة دي is well taken في عموميتها .
كن بخير يا صديق .

غايتو يا أمين مضمون كلامك (نحن ده دينا أطلع منها أنت) ما شغالة معاى :biggrin::biggrin: كان ملاحظ أنا دخلت هنا واسطة خير فى النفس الحار ما فى الخلاف وما قاطعت زول غيرك وتاريخياً متوسم فيك الخير لكن طلعت وهابى :biggrin::biggrin:

لكن أقول ليك كلامك الأخير:

كلام مقنع جداً ونقطة قوية أخير من الفاتت .. أنا متأكد من الخلاف ده ولم يتم التصعيد فيهو وبفتشو ليك

مرحبا أمين
أعتقد أن أنعكاس الدين على التاريخ، وبالتالي الكشف عن مسار التدين من خلال التاريخ يجب أن يكون واضحاً في الإسلام، لأن الإسلام حوى تعاليم ومفاهيم لها بصمات واضحة على المجتمعات وتاريخها.

سلام يا أبا جعفر و ياخي اعفي لي تأخير الرد ...بديتو مرتين و كل مرة تحصل حاجة تشغلني كلامك صاح يا أبا جعفر لكنو باقي لي ناقص لانو الخليفة الراشد أبابكر الصديق أوصى للخليفة الراشد عمر ...و في تقديري إنو الخيارات دي كلها إتوجدت عشان يتراضى الناس على نظام حكم بغض النظر عن ماهيتو ... يعني لو مثلا تراضى السودانيون على إنو يحكمهم آل المهدي ما شايف - من ناحية إسلامية - ما يمنع ...عشان كدا ما قدرت أفهم حتة إنو الاسلام فيهو "ديمقراطية لا لبس فيها" ما لم تكون بتقصد حاجة غير البتبادر لاذهاننا عند سماعنا لكلمة ديمقراطية !!

قريت تعليقك ده امبارح في الشغل ...ضحكت بصوت عالي لمن إتحرجت من الناس الحواليني !! :biggrin::biggrin::biggrin:

تعرف يا رأفت عندي أصحاب كتار جدا ما مسلمين بتعامل معاهم بحساسية شديدة جدا في قصة الدين دي ...إلا إنت ...لاني أصلا ما شايفك ما مسلم فما عندي الحساسية دي معاك ... و ده البخليك قريب للناس الهنا و الحوالينك ...هسي الله يسألك في مسيحي بخش مع ناس مجانين زينا في نقاش عن شيعة و سنة و تأريخ إسلامي !! :biggrin::biggrin::biggrin:

من يوم ما عرفتك في الاسافير و نظرتي ليك انك علماني ...عمري ما نظرت ليك من زاوية دينك لانو طرحك كلو علماني مافيهو فرق من طرح الجيلي و لنا و بني علمان الباقيين هنا !!
الغريبة رجعت قريت كلامي و لقيتو فعلا بعني فهمك الفهمتو ...لكن شهد الله ده ما قصدي ...و ده كان مضمون ردي للجيلي ...إنو النقاش ما تاريخي ...الأمر أمر دين له تبعات دينية ...بل هسي أكبر مشكلة مفرقة المسلمين ياها قصة الشيعة و السنة دي .

خليني أجيب كلام أبو جعفر لانو قريب من كلامك في حتة التاريخ دي ...و أوضح مقصدي من قصة الدين و التأريخ شنو ... ده كلام أبوجعفر:
و ده كلام ما ممكن اختلف معاه لانو بتكلم عن تأثير الاسلام على تأريخ المجتمعات .
الانا قصدتو بانو الأمر أمر دين ما تأريخ ... إنو أنا مركز في خلافي مع عبدالله في مسألة الوصية على الجزو الديني الما فيه خلاف بينا ... على القران و صحاح الاحاديث ...لانو كان دخلنا في موضوع التاريخ في هذه المسألة فروايات التأريخ ذاتو فيها العجب العجاب ... الشيعة مثلا عندهم تاريخ يختلف كلية عن التاريخ المروي لينا نحن كسنة و بالتالي الحوارات بتكون زي حوار الطرشان ...ما حبيت أدخل التأريخ في المسألة و حبيت أحصرو في الدين فقط .

مرحبا أمين
والذي رفع السماء بلا عمد هي - إمارة المسلمين - في زماننا هذا ديمقراطية لبرالية بالباب، ولو توافق فيها الناس على أن يحكمهم حجر لوجبت طاعته، وذلك ما أكدته وتؤكده الآية الفارضة.. قال تعالى في الآية 38 من سورة الشورى: {وأمرهم شورى بينهم} وتعني إمارتهم شورى بينهم.. فهل ترى في الآية أي قيد أو شرط أو ثوابت .. ووالله لقد أعطت هذه الآية للمسلمين من التفويض الذي فرطوا فيه، ما لم يعطه القرآن الكريم للرسول صلى الله عليه وسلم الذي جعل على شريعة من الأمر وأمر بأن يتبعها. وأيضاً ما لم يٌعطى لبني إسرائيل حيث آوتوا بينات من الأمر ..

وبالنسبة للديمقراطية الحديثة كأحسن وسيلة لتطبيق الشورى في زماننا كتب نواف القديمي بحثاً قيماً سماه (أشواق الحرية مقارباً فيه بشدة الموقف السلفي من الديمقراطي) (وما لا يتم الواجب إلا به فهو واجب) قاعدة فقهية متفق عليها..... وتجد مقدمة ونقاش عن الكتاب وكذلك رابط تنزيله في هذه الصفحة: http://alasr.ws/articles/view/10744/

أما عن أبا بكر رضي الله عنه فلم يصدر فرمان ليتولى من خلاله عمر رضي الله عنه إمارة المسلمين من بعده ... وإنما أستشار الناس وجاء في كتاب الشورى في إدارة المجتمع المسلم وسياسته:
".. وفي تولي أمير المؤمنين عمر بن الخطاب رضي الله عنه أورد ابن الأثير ج2 ص426 ط دار صادر 1965م".. وكان أبو بكر أشرف على الناس وقال: أترضون بمن استخلفت عليكم ؟ فإني ما استخلفت عليكم ذا قرابة. وإني قد استخلفت عليكم عمر، فأسمعوا وأطيعوا إني والله ما آلوت من جهد الرأي. فقالوا: سمعنا وأطعنا". وحاشا لخليفة رسول الله صلى الله عليه وسلم أن يقوم بفرض خليفة له على المسلمين مخالفاً لفرض المولى سبحانه وتعالى، وإنما هو ترشيح وتزيين من جانبه ورضا وقبول من جانب المسلمين.. ولعل العلة في هذه الانتخابات المبكرة دقة الموقف، فالمسلمون وقتها كانوا خارجين من حروب الردة وداخلين في حروب التأمين ضد أقوى دولتين في العالم – فارس والروم – ووجود فراغ في الإمارة العامة له خطورته."

هناك كتاب حول موضوع الإمامة الإسلامية جمعته من ثلاث كتاب منهم نواف عبد الرحمن القديمي.. لو تحب أرسله لك عبر البريد الألكتروني.

برج الحمل مندفع يا أمين و كتير جداً بتصرف بدون تفكير، ما تزعل، أرجع لي بوست ذيل الطاووس لماً عائد النصب قال اني أنا شيعي لأني أذم معاوية و أبو هريرة رديت عليه جئت حضرتك متحمس قلت " أنا كل ما اقراء كلامك اشوفك أقرب للشيعة ألخ..أنا جاي أفند كلامك الفوق دة كله" إلى الآن لم تأتي لتفنيديه لأنه دة كلام متواتر تماماً في أمهات كتب السنه!!! لسة إذا عندك نية تفند كلامي داك الباب مفتوح اتفضل. دة بقودنا لي مشكلة انك أيضاً يا أمين و كثير من الاخوة يقفزون في هكذا نقاش بمشاعر غيرة و عدائية غير مبررة، ناس عاطفيين ساي دة بظهر لينا عندما نجد أنهم مقطوعين من السياق تماماً، في غياب سياق مخيف يا أمين عندك تحديداً. مثلاً تقول: "دة كلام زول السياق في بلد و هو في بلد صراحة أنا ما عارف إذا اتنه أصلاً كلفت نفسك بالإطلاع على التاريخ الاسلامي بالذات في حياة الرسول، ماذا تعرف عن الصحابة و مفهوم الصحبة والصحابة يا أمين ؟ هل تعرف ايات ذم الصحابة في القرآن ؟ هل تعتقد أن الصحابة كلهم عدول ؟ الا تعلم أن هنالك من أرتد من الصحابة والمتهم بالنفاق في حياه الرسول ؟ و أن فيهم من تبرأ منه مشايخ أهل السنه ؟ كيف نقول في صحابة زوروا كلام رسول الله من أجل المال والسلطة ؟ ماذا تقول في من ظلموا الناس و جاروا عليهم ؟ ما رأيك في صحابة صنعوا ديناً جديداً أصلاً! كلام يفتقر للسياق يا أمين all over. و أنا ما قاعد أحكه معاك فيو لأني عارف العاطفة دي، لكن يا أخوي نصيحة لملم سيقاتك شوية قليل من البحث في التاريخ الإسلامي لا يضر خصوصاً إنه دة دينك ما مسألة لعب يعني عشان نأخذه من أول الرجال.

طيب


بالنسبة لي تفسيرك للأية أولاً جئتنا بتفسير واحد ليه ؟ و من قال أن تفسير إبن كثير يحتج به، أنا أخرجت مصائب في تفسير إبن كثير في بوست "السنه قاضية" تكفي تماماً أن نتعامل معه بحرص شديد و تخوف.

لكن حتى تفسير إبن كثير هذا هنا أقرب لكلامي من كلامك يا سييد.

ركز.

معنى كلامي أنه هارون موسى فعل ما فعل "بغض النظر عن ما فعل" لكي لا تفترق بني إسرائيل، و واضح إنه موسى قبل العذر دة لأنه بعدها وجه كلامه للساميري، هل دي فيها خلاف ؟

نشوف تفسير إبن كثير، أخر جملة فيه تؤكد مقصدي يا سييد بالحرف:

"وما راعيت ما أمرتك به حيث استخلفتك فيهم"

أن تقول ببساطة أن علي إبن أبي طالب يبقى كافر إذا ما طبق وصية النبي بالحرف! أهو هارون ما طبقة و ما كفر حسب تفسير إبن كثير.

مسألة إنه بالعربي قال أنا خايف أطلع اتركهم و مش عارف إيه مع إنه ليست ذات أهمية, هذه شبه إنفرد بيها إبن كثير، معظم التفاسير تجمع على أنه هنالك جماعة لم تضل و لم تعبد العجل و بقيت مع هارون هنا تسأل موسى إما لماذا لم تمنعهم أنت و جماعتك أو لماذا لم تخرج منهم أنت و جماعتك، في شتى الحالات هارون شاف إنه الوحدة أهم من تطبيق وصية موسى على عما و دي الحكمة لأنه رب العباد لم يطلب من يوماً أن نطفئ مصابيح عقولنا و نتبع الكلام دون تفكير.

نشوف بعض من التفاسير عشان نعرف إذا في علاقه بين الموقفيين أم لا


رأي إبن عباس في القرطبي:

"أمرتني أن أخرج معهم ، فلو خرجت لاتبعني قوم ويتخلف مع العجل قوم ؛ وربما أدى الأمر إلى سفك الدماء ؛ وخشيت إن زجرتهم أن يقع قتال فتلومني على ذلك"

في الطبري:

"حدثنا ابن حميد قال : ثنا سلمة عن ابن إسحاق عن حكيم بن جبير عن سعيد بن جبير عن ابن عباس قال : لما قال القوم ( لن نبرح عليه عاكفين حتى يرجع إلينا موسى ) أقام هارون فيمن تبعه من المسلمين ممن لم يفتتن ، وأقام من يعبد العجل على عبادة العجل ، وتخوف هارون إن سار بمن معه من المسلمين أن يقول له موسى ( فرقت بين بني إسرائيل ولم ترقب قولي ) وكان له هائبا مطيعا .
"

"حدثني يونس قال : أخبرنا ابن وهب قال ابن زيد في قول الله تعالى ( ما منعك إذ رأيتهم ضلوا ألا تتبعن أفعصيت أمري قال خشيت أن تقول فرقت بين بني إسرائيل ولم ترقب قولي ) قال : خشيت أن يتبعني بعضهم ويتخلف بعضهم .
"
"حدثنا القاسم قال : ثنا الحسين قال : ثني حجاج عن ابن جريج ( إني خشيت أن تقول فرقت بين بني إسرائيل ولم ترقب قولي ) قال : كنا نكون فرقتين فيقتل بعضنا بعضا حتى نتفانى .
"

و جمع من أهل التأويل في الطبري قالوا بهذا.

و في البغويي:

"( قال يا هارون ما منعك إذ رأيتهم ضلوا ) أشركوا . ( ألا تتبعن ) أي : أن تتبعني و " لا " صلة أي : تتبع أمري ووصيتي ، يعني : هلا قاتلتهم وقد علمت أني لو كنت فيهم لقاتلتهم على كفرهم .

وقيل : " أن لا تتبعني " أي : ما منعك من اللحوق بي وإخباري بضلالتهم ، فتكون مفارقتك إياهم زجرا لهم عما أتوه ، ( أفعصيت أمري ) أي خالفت أمري . ( قال ياابن أم لا تأخذ بلحيتي ولا برأسي ) أي بشعر رأسي وكان قد أخذ ذوائبه ، ( إني خشيت ) لو أنكرت عليهم لصاروا حزبين يقتل بعضهم بعضا ، ( أن تقول فرقت بين بني إسرائيل ) أي : خشيت إن فارقتهم واتبعتك صاروا أحزابا يتقاتلون ، فتقول أنت فرقت بين بني إسرائيل ( ولم ترقب قولي ) ولم تحفظ وصيتي حين قلت لك اخلفني في قومي ، وأصلح أي ارفق بهم ، ثم أقبل موسى على السامري ( قال فما خطبك ) ما أمرك وشأنك؟ وما الذي حملك على ما صنعت؟ ( ياسامري قال بصرت بما لم يبصروا به ) رأيت ما لم يروا وعرفت ما لم يعرفوا "

معظم التفاسير تتحدث عن فرقتين و خوف هارون من أن تصطدم الفرقتين و يتفرق الناس! كونك ذاتك تجيب بس كلام إبن كثير الذي يوحي ظاهرة أنه يتفق مع كلامك دي ذاته مشكلة و كلام إبن كثير على كل حال يعضدد كلامي.


عندك خلط مروع في "لا ينطق عن الهوى" هل عندك قناعة إنه الرسول (ص) كان روبوت ؟ أي شئ بقوله مبرمج و بجي من فوق و هو أصله الرسول دة ما عنده رأي من عنده كدة ساي ؟ هل عندك إعتقاد زي دة ؟

و مين قال ليك أنا ما مفتكر إنه ولاية علي إبن ابي طالب كانت بأمر سماوي ؟ هو قطع شك "ولايته" كانت بأمر سماوي غض النظر عن اختلافنا على معنى "الولاية والموالاة" أنا إلا الآن ما سمعته رأيك في معناها بالمناسبة ؟ إنت عندك حديث الغدير دة معناه شنو بالله عليك ؟؟؟؟؟؟؟؟


أيضاً

الأية العضيت عليها بالنواجذ دي "وما كان لمؤمن ولا مؤمنة إذا قضى الله ورسوله أمرا أن تكون لهم الخيرة من أمرهم ومن يعص الله ورسوله فقد ضل ضلالا مبينا " . معظم الروايات تقول أنها نزلت في حادثة معينة و هي خطبة زينب إبن جحش على زيد إبن حارثة! لكن على كل حال لا تصح حجية الايه أصلاً في سياقنا هذا!

يعني ماذا تريد أن تقول يا أمين بالعربي ؟ إنه إذا كان الرسول أوصى لعلي بالولاية إذا لا يحق لعلي أن لا يطالب بها ؟ من قال أنه لم يطالب بها مراراً و تكراراً زي ما قال ليك رأفت ؟ إذاً هو لم ينكر حقة أبداً، بيعته لأبي بكر إذا أخذنا بالرواية الشبه متفق عليها (والرواية مقطعة ستين قطعة حتى يضيع السياق و يضيع الكلام الخطير ) عند أهل السنه نجد أنها بيعه على مضض، بيعه فيها مسايسة نفسي سياسة هارون الأول سياسة عدم التفرقة الشفعت لي هارون!!! افتكر سهلة.

المشكلة الأكبر إنه القاعدة بتاعتك دي, و ضياع السياق فعلاً بظهر هنا : "

اقتباس:

جبت ليك آية من القران برابط لشرحها من بن كثير إنو لمن الله و رسولو يدو أوامر ...تاني ما على كيفك ما لم تكون في الضلال المبين

." إذا اخذناها at face value إذاً إيه الما بخلي سيدنا عثمان في ضلال مبيين ؟ هو خالف أوامر للرسول والرسول حي يرزق و بعد أن مات خالفه مرة تانية، و قائمة المخالفين طويلة! إذا أعملنا قاعتك دي ساي كدة بدون تفكر و سياق بطلع ليك مجموعة كبيرة من الصحابة في ضلال مبيين كما تقول.

دة أيضاً شكل من أشكال ضياع السياق، شايفك ما علقت على ردي على هذا الكلام ؟ إذا إنته بتبني اعتقادك إنه الشيعة ديل عندهم دين تاني خالص لأنهم يعتقدون أن القرآن محرف "نقصاً أو زيادة" أهو دي مسألة عنده أهل السنه قديمة جداً، أهل السنه ديل أيضاً عندهم دين تاني ؟

السياق السياق

طيب ماهو بتعترف انك شيعي :biggrin:
لزوم البكا والتمثيل شنو

كذاب وافاك ،،، انت تكذب على النبي ،طالبناك مرارا بالديل وانتظرناك لايام عدة ولم تاتي بدليل ،،، كل ما اتيت به هو تكرار نفس الكذبة من واحد رافضي مثلك ،،،يعني كذاب ينقل عن كذاب

عندك الفرصة ايها الكذاب لحدي بكرة عشان تثبت صحة هذا الحديث ، وبعدها تستحق بجدارة لقب الكذاب (عديم الحياء )

معقولة لكن!!! إنته فعلاً كتر عليك العصر و فقدت المنطق يا فاختة :biggrin::biggrin::biggrin:

أنا مش رديت على الكلام دة في المداخلة 120 يا كذيب عائد النصب مع سبق الاصرار ؟ المداخلة 120 هربته منها لم ترد عليها يا مسيلمة ؟ لماذا لم تعلق عليها .

أنا فعلاً محتاج أعمل Compile لقائمة الكذب لأنك كسرت الرقم القياسي :eek:


اختشي

المداخلة رقم 120
بالله عليكم مين المفروض يختشي ....!
والله كلامي فيك اصلا ماوقع واطه زي مابقولوا ،،فعلا حاطب ليل تجمع كل مايقع في يدك ،،والحطّابة وبرغم الصفات الكثيرة التي تجمعهم ،، لكن انت زدت عليهم بالمراوغة والادعاء الكاذب (عامل فيها باحث) * ،،، يقول في الاستدلال قال النبي ان عثمان له هنات ،، ويجي هنا يقول ان هذه المقولة سمعتها من عدنان ،، وعشان يبرر ويهون الكذب على النبي صلى الله عليه وسلم ،، يقوم يضيف كذبة اضافية بان عدنان شيخ سني وعلامة في الحديث ...!،،،،،مع ان الرجل من شاكلة عبدالله علي موسى ( من ضحايا السفارات الايرانية ) ،،، وهو طبيب فلسطيني وخطيب في احد المساجد الصغيرة في فيينا ،،،،،،،،،،،،،، عشان تعرفوا مصداقية عبالله على موسى ومن هو عبدالله على موسى ،،،،كذاب ينقل عن كذاب ،، ومصر على اضافة كذب اضافي على كذبه السابق

وصدق القائل ،،، ان شر البلية مايضحك

-----------------------------
* دي بالنسبة لي تعتبر قرينة اضافية وتاكيد اضافي على اثبات سرقاتك السابقة

قول الروب بفكك يا فاختة :biggrin::biggrin::biggrin:


أبداً ما خيبت ظني فيك يا كذاب يا خيبان, لماذا لم تدرج مداخلتي كاملة ؟

أدرج المداخلات كاملة.

خايب بشكل يا كذيب، هنا عندك كذب موثق و هناك عندك كذب و شايفك ما عايز تقول أحشرني مع معاوية.

قول الروب :biggrin:

برضك أفضل من ضحايا شيوخ "الورعان" بني عبدالوهاب يا فاختة

دانت طالعت زباله ياله :wink:

الان فقط انا عرفت واحد من اسباب سرعة سقوط ضحايا السفارة الايرانية ،،وعندك عبد الله على موسى اصدق مثال ،،،، (الجهل والفهم السطحي للامور )

عبالله كذب على النبي ،،، عندما ذكرناه بهذه الكذبة وطالبناه بالدليل ،قال انو اجاب في المداخلة رغم رقم (120) ،،، قمنا نسخنا موضع الشاهد من المداخلة رقم 120 وفيها قال ان سمع هذه المقولة من عدنان ابراهيم ،، طبيب فلسطيني و (واحد من المتشيعة الجدد ) باقي الكلام في المداخلة رقم 120 ماعندو علاقة بسؤالنا (المتعلق بالدليل ) ،،،

اتضح من الرد ان الموضوع برمته كذب في كذب ،، يعني كذاب ينقل عن كذاب وبدون تثبت وبقصد الخداع والتمويه بقصد الطعن في صحابي جليل

وانا هنا اكرر واتحدى كل متسولة السفارات الايرانية ومنهم الكذاب عبدالله على موسى ،،ان يأتي بالدليل على ان النبي صلى قال ذلك

من شعر الامام الشافعي في ال بيت النبي (ص)

اقتباس:

إذا في مجلس نذكر علياً وسبطيه وفاطمة الزكية يقال تجاوزوا يا قوم عنهم فهذا من حديث الرافضية برئت إلى المهيمن من أناس يرون الرفض حب الفاطمية

هذه أبيات توثق تماماً أن النصب قديم و قبيح و لم يتغير قيد أنملة، فنصب من كان يرمي الامام الشافيعي بالرفض لأنه يحب الالبيت لم يختلف كثراً اليوم هاهو امامكم في أقبح اشكاله، تدبروا أبيات الشافعي هذه و احكموا.

ما ضرني من عدني ,,, في حبكم كالمجرم
ما ضرني مهما رمى ,,, احجاره او يرجم
كم كادكم في ليلة ,,, والحقد حوله عمي
والنار تأكل من لهب ,,, صدر الحقود وتضرم
عبثا يكفرني يدس ,,, السم كي اتسمم
وبنصله غدرا عزا ,,, في ليلة المتجهم
فرددت بالسيف عدا,,, ودحرتهم بالاسهم
قد خاب في ارهابه ,,, ظنا بانه مرغمي
فخسئت يا صنو الثرى ,,, بل يا شقيق الاشرم
ما كنت تملك مذهبي ,,, او ان تحل وتبرم

ان النواصب منتغل ,,, قلوبهم او تأثم
وجحودكم نسب الى ,,, بيت النبوة مغرم
ان طال او قصر الزمان ,,, علمت ما لم تعلم
وندمت يوما حينما ,,, قد فات للمتندم
فاجهل فان الجهل ما ,,, ياتي به المتقزم
يا نا صبية كرهكم ,,, للآل زاد تتيمي


كره النواصب لآل البيت قديم و استطاعوا نشرة بين الغافلين عن طريق فوبيا التشييع و كأنه الشيعة احتكروا حب ال البيت!!! منتهى السذاجة, لكن الخدعة القديمة هي أن الزيف يصبح كأنه حقيقة أن أكثرنا تكراره


النواصب = The enemy within = شياطين البشر

و طبعاً هذا التعتيم الرهيب لم يقتصر فقط على سيدنا علي و فاطمة الزهراء بل طال كل ما يتعلق بال البيت، إلى يومنا هذا، متى سمعتم منهم من يتحدث "دون حرج" عن الحسن والحسين و عبدالله أو أي من أبناء أو أحفاد علي إبن أبي طالب والزهراء سلام الله عليهم ؟ يصنجوك عن حشويين و محدثين ليسوا بشئ ولا أحد منهم يحدثنا عن الامام العلامة الفذ جعفر الصادق رضي الله عنه و أرضاه، جعفر الصادق إمام الأئمة عالم فقه و فيلسوف و حكيم و زاهد و عالم فلك جليل و طبيب و أديب و من أكابر علماء الكمياء في التاريخ البشري لأنه ببساطة أستاذ جابر إبن حيان فتخيل!! والله ما سمعنا عنه إلا بعد أن كبرنا! إبن تيمية والعسقلاني بعرفم من أنا طفل دون العاشرة! لماذا ؟

أين موسى الكاظم ؟ هل هؤلاء أئمة شيعة و انتهينا ؟ ما تبعنا يعني!! والله حيرتونا.

في قصة توبة بشر الحافي عند هؤلاء مثلاً يقولون أنه جاء رجل، ترك مجهولاً هكذا، جاء رجل و طرق باب بشر و سأله إن كان حراً أن عبداً! و هذا الرجل هو موسى الكاظم رضي الله عنه! لكن أكررر كل ما يتعلق بأفضال ال البيت يتم تزويره أو محوه لمصلحة من لا نعلم!

مثال لقصة بشر الحافي نسخه النواصب. "النواصب هنا هم من اسقطوا إسم موسى الكاظم من القصة"

والله انت فعلا انسان تثير الشفقة ،،، لو دي طريقة فهمك وتقييمك للامور ...!

منو النازع في حب الشافعي لال بيت النبي وهو منهم ،، منو النازع في حب الامام مالك بن انس لال بيت النبي ،، منو النازع في حب الامام ابوحنيفة لال بيت النبي منو النازع في الامام احمد بن حنبل وكل علماء وجماهير المسلمين لال بيت النبي ...؟
النزاع الان في العقائد المنحرفة التي يدعو اليها الشيعة الرافضة وينسبونها لال بيت النبي وهم براء منها ،،،، وعشان مانطول الكلام احسن ندخل في الموضوع

رأي الامام الشافعي في الشيعة الرافضة

قَالَ حَرْمَلَةُ بْنُ يَحْيَى: سَمِعْتُ الشَّافِعِيَّ يَقُولُ: لَمْ أَرَ أَحَدًا مِنْ أَصْحَابِ الأَهْوَاءِ، أَشْهَدَ بِالزُّورِ مِنَ الرَّافِضَةِ. (*)
__________
(*) -آداب الشافعي ومناقبه لابن أبي حاتم الرازي ص144



قَالَ أَبُو عَبْدِ اللَّهِ مُحَمَّدُ بْنُ إِدْرِيسَ الشَّافِعِيُّ: وَتُقْبَلُ شَهَادَةُ أَهْلِ الْأَهْوَاءِ إِلَّا الْخَطَّابِيَّةَ مِنَ الرَّافِضَةِ , لِأَنَّهُمْ يَرَوْنَ الشَّهَادَةَ بِالزُّورِ لِمُوَافِقِيهِمْ. (*)
__________
(*) -الفرق بين الفرق وبيان الفرقة الناجية لعبد القاهر البغدادي ص 351



قَالَ يُونُسَ بْنَ عَبْدِ الْأَعْلَى سَمِعْتُ الشَّافِعِيَّ يَقُولُ ":أُجِيزُ شَهَادَةَ أَهْلِ الْأَهْوَاءِ كُلِّهِمْ إِلَّا الرَّافِضَةَ , فَإِنَّهُ يَشْهَدُ بَعْضُهُمْ لِبَعْضٍ." (*)
__________
(*) -السنن الكبرى للبيهقي ج10 ص352



قَالَ حَرْمَلَةُ: سَمِعْتُ الشَّافِعِيَّ يَقُولُ: لَمْ أَرَ أَحَدًا مِنْ أَصْحَابِ الْأَهْوَاءِ أَكْذَبَ فِي الدَّعْوَى , وَلَا أَشْهَدَ بِالزُّورِ مِنَ الرَّافِضَةِ. (*)
__________
(*) - الإبانة الكبرى لابن بطة ج2 ص545



قَالَ البُوَيْطِيُّ: سَأَلْتُ الشَّافِعِيَّ: أُصَلِّي خَلْفَ الرَّافِضِيِّ؟ قَالَ: لاَ تُصَلِّ خَلْفَ الرَّافِضِيِّ، وَلاَ القَدَرِيِّ، وَلاَ المُرْجِئِ. قُلْتُ: صِفْهُمْ لَنَا. قَالَ: مَنْ قَالَ: الإِيمَانُ قَوْلٌ، فَهُوَ مُرْجِئٌ، وَمَنْ قَالَ: إِنَّ أَبَا بَكْرٍ وَعُمَرَ لَيْسَا بِإِمَامَيْنِ، فَهُوَ رَافِضِيٌّ، وَمَنْ جَعَلَ المَشِيئَةَ إِلَى نَفْسِهِ، فَهُوَ قَدَرِيٌّ. (*)
__________
(*) - ذم الكلام وأهله لأبي إسماعيل الهروي ج4 ص307 - 308


قَالَ الزَّعْفَرَانِيُّ: قَالَ الشَّافِعِيُّ: إِذَا حَضَرَ الرَّافِضِيُّ الْوَقْعَةَ وَغَنِمُوا لَمْ يُعْطَ مِنَ الْفَيْءِ شَيْئَا لِأَنَّ اللهَ ذَكَرَ آيَةَ الْفَيْءِ ثَمَّ قَالَ فِيهَا: {وَالَّذِينَ جَاءُوا مِنْ بَعْدِهِمْ يَقُولُونَ رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ وَلَا تَجْعَلْ فِي قُلُوبِنَا غِلًّا لِلَّذِينَ آمَنُوا رَبَّنَا إِنَّكَ رَءُوفٌ رَحِيمٌ}، فَمَنْ لَمْ يُقَلْ بِهَذَا لَمْ يَسْتَحِقّ. (*)
__________
(*) -تاريخ دمشق لابن عساكر ج51 ص317



- قَالَ مُحَمَّدُ بْنُ عَبْدِ الْحَكَمِ: سَمِعْتُ الشَّافِعِيَّ يَقُولُ: مَا أَرَى النَّاسَ ابْتُلُوا بِشَتْمِ أَصْحَابِ مُحَمَّدٍ رَسُولِ اللَّهِ صَلَّى اللهُ عَلَيْهِ وَسَلَّمَ إِلَّا لِيَزِيدَهُمُ اللَّهُ عَزَّ وَجَلَّ بِذَلِكَ ثَوَابًا عِنْدَ انْقِطَاعِ عَمَلِهِمْ. (*)
__________
(*) -شرح أصول اعتقاد أهل السنة والجماعة للالكائي ج 8ص1548



قَالَ يُونُسُ بْنُ عَبْدِ الْأَعْلَى: سَمِعْتُ الشَّافِعِيَّ إِذَا ذُكِرَ الرَّافِضَةُ عَابَهُمْ أَشَدَّ الْعَيْبِ، فَيَقُولُ: شَرَّ عِصَابَةٍ. (*)
__________
(*) -مناقب الشافعي للبيهقي ج1 ص 468 و ج 2 ص71



قَالَ حَرْمَلَةُ بْنُ يَحْيَى: قَالَ الشَّافِعِيُّ: مَا كَلَّمْتُ رَجُلا فِي بِدْعَةٍ، إِلا رَجُلا مُتَشَيِّعًا، إِنَّ التَّشَيُّعَ أَضَلُّ الْبِدَعِ وَأَرْدَاهَا وَهُوَ الرَّفْضُ. (*)
__________
(1) -اعتقاد الشافعي للهكاري ص31


قَالَ الشَّافِعِيُّ: خِلَافَةُ أَبِي بَكْرٍ الصِّدِّيقِ رَضِيَ اللَّهُ عَنْهُ حَقٌّ، قَضَاهَا اللَّهُ فِي سَمَائِهِ وَجَمَعَ عَلَيْهَا قُلُوبَ أَصْحَابِ نَبِيِّهِ صَلَّى اللهُ عَلَيْهِ وَسَلَّمَ. (*)
__________
(*) - إثبات صفة العلو لابن قدامة المقدسي ص 125


عَنْ أَبِي ثَوْرٍ، عَنِ الشَّافِعِيِّ أَنَّهُ قَالَ: مَا اخْتَلَفَ أَحَدٌ مِنَ الصَّحَابَةِ وَالتَّابِعِينَ فِي تفْضِيلِ أَبِي بَكْرٍ وَعُمَرَ وَتَقْدِيمِهِمَا عَلَى جَمِيعِ الصَّحَابَةِ وَإِنَّمَا اخْتَلَفَ مَنِ اخْتَلَفَ مِنْهُمْ فِي عَلِيٍّ وَعُثْمَانَ وَنَحْنُ لَا نُخَطِّئُ وَاحِدًا مِنْ أَصْحَابِ رَسُولِ اللَّهِ صَلَّى اللهُ عَلَيْهِ وَسَلَّمَ فِيمَا فَعَلُوا. (*)
__________
(*) -مناقب الشافعي للبيهقي ج1 ص434



قَالَ الرَّبِيعُ بْنُ سُلَيْمَانَ: سَمِعْتُ الشَّافِعِيَّ يَقُولُ: أَفْضَلُ النَّاسِ بَعْدَ رَسُولِ اللَّهِ صَلَّى اللهُ عَلَيْهِ وَسَلَّمَ أَبُو بَكْرٍ ثُمَّ عُمَرُ ثُمَّ عُثْمَانُ ثُمَّ عَلِيٌّ رَضِيَ اللَّهُ عَنْهُمْ. (*)
__________
(*) - حلية الأولياء لأبي نعيم ج 9 ص114




عَنْ مُحَمَّدِ بْنِ عَبْدِ اللَّهِ بْنِ عَبْدِ الْحَكَمِ قَالَ: سَمِعْتُ الشَّافِعِيَّ يَقُولُ: أَفْضَلُ النَّاسِ بَعْدَ رَسُولِ اللَّهِ صَلَّى اللهُ عَلَيْهِ وَسَلَّمَ، أَبُو بَكْرٍ ثُمَّ عُمَرُ ثُمَّ عُثْمَانُ ثُمَّ عَلِيٌّ رَضِيَ اللَّهُ عَنْهُمْ. (*)
__________
(*) -مناقب الشافعي للبيهقي ج1 ص 433



قَالَ أَبُو عَلِيٍّ الْحُسَيْنُ بْنُ هِشَامِ بْنِ عُمَرَ الْبَلَدِيُّ: هَذِهِ وَصِيَّةُ مُحَمَّدِ بْنِ إِدْرِيسَ الشَّافِعِيِّ رَضِيَ اللَّهُ عَنْهُ: أَوْصَى أنَّ خَيْرَ النَّاسِ بَعْدَ رَسُولِ اللَّهِ صَلَّى اللَّهُ عَلَيْهِ وَسَلَّمَ، أَبُو بَكْرٍ، ثُمَّ عُمَرُ، ثُمَّ َعُثْمَانُ، ثُمَّ َعَلِيُّ بْنُ أَبِي طَالِبٍ، رِضْوَانُ اللَّهِ عَلَيْهِمْ أَجْمَعِينَ. (*)
__________
(*) -وصية الشافعي ص 45 - 46
و إثبات صفة العلو لابن قدامة المقدسي ص 122
و الأمر بالاتباع والنهي عن الابتداع للسيوطي ص127



قَالَ الرَّبِيعُ بْنُ سُلَيْمَانَ: سَمِعْتُ الشَّافِعِيَّ يَقُولُ: الْخُلَفَاءُ خَمْسَةٌ، أَبُو بَكْرٍ، وَعُمَرُ، وَعُثْمَانُ، وَعلِيُّ، وَعُمَرُ بنُ عَبْدِ العَزِيْزِ. (*)
__________
(*) -مناقب الشافعي للرازي ص 137
و الكامل في التاريخ لابن الأثير ج 4 ص119
و تاريخ الخميس في أحوال أنفس النفيس للديار بكري ج2 ص316

يرفع لحين ميسرة !!

أساساً مرفوع كان يا حبيب، وين إنته غاطس :smile:

الرفعة دى وراها الوراها ...
فقد تبطأكم امين "رِفعة"...!

شكرًا على المداخلة القيمه.

بس "تبطأكم" دي قوقل عندي ما فهمه، أكون شاكر على اي شرح.

سلام يا عبدالله و لعلك بخير ما غاتس... بجي سودانيات اقرأ كل يوم ...لكن ما عاجبني الحاصل البتة فبمشي الفيسبوك و أقول أجي تاني يوم ...و تاني يوم القصة تبقى أزفت و أضل !!مشكلة النقاش في الأجواء الزيي دي بتجر لشكل و شتائم في ظل التنميط و إختلاف الرأي الحاد الحاصل ... فحا أوصل في الغتسان لحدي ما الجو يروق شوية لانو كلامي الداير أقولو ليك بطلب منك سعة صدر و حسن ظن ...أنا متأكد هسي إنت ما عندك !!

حياك الله اخ عكود
وانا اكرر اعتذاري هنا ايضا لك وللاخ امين ولك المتابعين عن الحدة في النقاش واسال الله اقدر اتخلص منها ،، ولكن بالنسبة لي مافي اي تنميط انا بينت لعبدالله هذا الكلام مرارا ،، فهو يتبنى ويروج في عقائد الشيعة وينقل من كتبهم ومن مواقعهم ،، انا بالنسبة لي مامحتاج لاي شي تاني اكتر من كده عشان يكون شيعي ،، بل اعتبره من انبه ضحايا السفارة الايرانية (ولد بسنونه) زي مابيقولوا ،،، اما عن التنميط فخطورته لما يكون مستند لمعتقد ،،، وحسب معتقد الرافضة فكل من لم يؤمن بمانعتقده فهو كافر زنديق ابن زنا ناصبي ،، غمز الشيطان على دبره حين ولادته ،،وكل هذا الكلام الفاجر الوضيع مسجل في كتبهم ويردده علمائهم ،،،والمؤسف ينسبونه لال بيت النبي صلى الله عليه وسلم

قطعا هى تابط واردت بها ممزاحة لتغير جو البوست

سلام يا عكود و يا صديق ...و لعلكم بخير ياخي اتفق معاك يا عكود على إنو قصة الانزواء دي ما بتحل ...لكن يبدو إنو الفيسبوك سطا على رواد المنتديات و دي ما مشكلة سودانيات و بس ... مشكلة كل المنتديات و حتى غير السودانية منها ...
و الحاصل هنا بالتأكيد يا صديق ما إنت و عبدالله ... دي منظومة متكاملة بتاعت اننا ما بنتقبل الرأي الأخر و كلنا مشاركين فيها ... و لاني عارف روحي كويس ...إذا دخلت في النقاش بطريقتو الهسي دي... eventually ببقى جزء من الحاصل و دي حاجة أنا ما دايرها...
الحاجة الغريبة إنو الأمر أمر دين ...يعني مثلا أنا بفتكر إنو عبدالله على الجانب الخطأ من القصة ...مفروض همي يكون هدايتو ( باعتبار اني شايف رقبتي على الجانب الصحيح ) و بتوقع إنو هو نفسو يكون عندو لي نفس الفهم ... الناس تتناقش و كان مافي زول أقنع التاني ( و ده بنسبة 99.99%) الزول يكون إستفاد ... و هسي كان طلعنا الشتائم و الاساءات بنلقى في علم كتير و وجهات نظر مقدرة ضاعت تحت ركام الشتائم و الاساءات !!

عموما أنا ما ماشي منزوي كلو كلو ...إن شاء الله شويه كدا النقاش يستعدل و بجي أواصل فيما إنقطع ...

غايتة آخر مرة شفته أمين عمل الحركة في بوست عادل عسوم داك و افتكر شتان.

حركة يرفع حين ميسرة غير مستساغه البتة، البوست أصلاً مرفوع و أصلاً أمين موجود في البوست, طيب ما تجي لمن الله ييسر ليك، تشاهد غداً لزومه شنو "أنا أمين نوتة جايكم" مثلاً !!

دة أنا شايف "يرفع حين ميسرة" معناها كدة و قرعتين الطبل الدرامية بتاعة "تأبطكم" تماماً في السياق دة.

شكراً على التلطيف، المرة الجاية معطر هواء بس كفاية.

لا حول ولا قوة إلا بالله !!!

طيب يا امينوف و لعلك إنته طييب ياخي،

يا أمين بقولو قلب المؤمن دليلة و عشان تطمن أنا شخصياً مستقر تماماً على انك إنسان نضيف و نواياك حسنة. قلبي بقول لي كدة و قرايتي ليك بتقول نفس الكلام دة إذاً ما عندي أي سبب أسيء فيك ظن، إلا إنته باراك تديني أسباب. لغاية الآن مافي أسباب والحمدلله.

كونك اشتر مرات دي اسمح لي لكن ح أتمسك بيها، هنا في كلام قلتة اشتر لكن ما زعلان منك فيو لكن نبهتك بدون لف و دوران. أنا إنسان يا أمين بحاول كلامي يكون واضح جداً لسبب اني بكرة تأويل كلام الناس و بكرة الناس تأول كلامي.

إذا بقيت حريص شوية في كلامك يا أمين مافي سبب يخليني أسيء فهمه، و إذا بقيت ما حريص ياهو سأرد عليك بالوضوح دة سوأن يعجبك أم لا، أفضل من ما أنافقاك و أقعد أعوج في الكلام.

مثلاً بتقول فوق لي عكود أنا شايف كلام عبدالله غلط!

ياتو كلام ؟ في كلام هنا أنا قلتة إذا إنته شايفه غلط بتطلع من المله!!

أنا اوريك أنا بقول شنو هنا و وريني الإنته شايفة غلط شنو:

1- أولاً أنا أذكر الناس هنا بأهمية حديث و حادثته الغدير، غض النظر عن معناه و أنا أعلم أن معظم الناس مثقفين و عوام لم يسمعوا بهذا الحديث في حياتهم. هنا في مشكلة و دة كان هدفي الرئيسي

2- أنا أقول أن علي إبن أبي طالب و ال البييت لهم أفضال يختصون بها دون باقي المسلمين عموماً و أذكر بهذه الأفضال التي لا يريدنا النواصب أن نذكر بها

3- سألتوني عن رأي الشخصي في الغدير "ولا واحد فيكم حتى الآن قال رأيه الشخصي هنا غيري أنا" قلتة إنه رأي الشخصي إنه علي عنده وصاية بالولاية، ده رأي أنا ما فارضة على أي إنسان ولا شايف إنه عدم الأخذ به كفر أو ضلال ولا اتوقع أن السواد الأعظم من المسلمين ممكن يصلوا للمعلومة دي إلا بعد بحث و تقصي، ما كلف الله نفساً إلا وسعها . أنا وسعي وصل الحتة دي والحمدلله .

المختلف معاه إنته شنو غير النقطة التالتة دي ؟

تحياتي

سلام تاني يا عبدالله
يا شيخنا ... أنا لمن كتبت "يرفع لحين ميسرة" ...شهد الله الذي لا إله إلا هو ...ما كتبتها إلا عشان اوريك اني متابع الحوار ...لانك آخر كلام ليك معاي اني ما رديت على كلامك الأول ...حبيت اوريك اني متابع الحاصل و جاي ... ما كتبت طوالي للسبب البينتو لاحقا : إنو الحوار بقى عبارة عن شتائم متبادلة و في نصها نقاش ...و أنا في الاول ما عايز اكتب الكلام ده لانو فيهو فوقية و شبهة وصايا على الناس ...ده غير إنو أنا ذاتي ممكن أكون آخر الناس الينصحو زول !!
قصة إنو "عبدالله غلطان" دي بتكلم عن وجهة نظرك من وجهة نظري طبعا ...و بينت الكلام ده ...لكن هل هذا يعني انك فعلا غلطان ....لا ...لاني بالطبع لا أملك الحقيقة المطلقة !!!
فهمك ل " يرفع لحين ميسرة" وراني اني موقفي من عدم النقاش معاك في الوقت الحالي سليم 100 X ال 100 ... إنت متوتر يا عبدالله و حاسي إنو في حرب عليك .. و ده شئ طبيعي لزول شايف إنو أكتر من شخص في بوستات مختلفة... مخلفين مع أراءك... وسط تنميط و إتهامات و شتائم متبادلة ...ما حبيت أخالفك الرأي وسط الجوطة الحاصلة دي ...قلت خلي الأمور تروق ... الأمور أبت تروق ... خفتك تفتكرني صرفت نظر عن النقاش معاك ...كتبت ليك " يرفع لحين ميسرة"... و دي اللازمة البستخدمها في البوستات العايز أرفعها ...إنت فهمتها عكسها تماما...و أمعنت في سوء الظن و عملتها لي ...عسوم ...و أمين نوتة جاييك و حاجات لا توجد إلا في راسك إنت ده !!
دحن يا بن موسى ...أنت عندي لم تزل من الأخيار ...اختلف معاك في قرابة ال 90% من أراءك ...لكني احترمك و احترم النقاش معاك و اتطلع لنقاش معاك طويل و هادئ في المسائل دي .... و لو بتسمع كلامي ... جلي المنتدى اسبوعين تلاتة... و تعال أبدا fresh ...

نصيحتك تأخذ في الحسبان يا فاضل. ودي بوسه تانيه فوق صلعتك الشينه دي:cool:

:biggrin::biggrin::biggrin: