اقتباس:
الاخ كمال تحيات بقدر الفرح بعودتك الى عالم سودانيات الرحب وفرحى يتزايد بدخولك عالمنا ...عالم مدمنى ومحبى القامة ابو داؤود ... وبلا شك ستكون اضافه حقيقية لنثر البعض من حياة هذا الرائع المليئة بالدهشة والجمال اكرر التحية لك ، مع العشم بالمواصلة ... ويدك معانا |
سلامات ناس الطرب الأصيل
الزوول جاكم :):):) بعد أيام من المتابعة المستمرة لهذا البوست 52 صفحة من الجمال من الطرب الغنائي والطرب البلاغي والطرب الكروي تابعنا معكم آهات علي المك وهو ينعى صديق عمره عبدالعزيز اسلوب السهل الممتنع الذي أتحفنا به د. محمد عبدالله الريح في (غير الحياة غير ليمك) استمتعنا وخبأنا لأيام نحسات قادمات ما اتحفنا به الرجل المدهش ود عثمان ثم فيصل سعد ابتسمنا وضحكنا لمناكفات سمراء وطارق ، وقفشات أباذر ونبراس وسارة وشيخنا الجيلي ، معتصم الحارث ، طارق كانديك ، مبر ، قمر دورين والخواجه فتحي عشنا مع الحزن والفرح وتابعنا نتائج كأس العالم من خلال نزيف الحزن والفرح التي طرقتها أصابع الكيبورد كل الشكر لمفترعة البوست سمراء ولكل من شاركها نثر هذا الجمال ..... |
دعونا نبدأ
اختلف الناس في الفنان الذي حاول تقليد العملاق أبو داوؤد وكان أكثر المقلدين توفيقاً هو صديقي الأستاذ الجيلي عبد الماجد بداية ... أنا أومن تماماً أن هنالك أصواتاً لا يمكن تقليدها وأضع على راس هذه القائمة عبدالعزيز داوؤد والفنان محمد وردي (القديم) وقلت مرة (لفردتنا) الفنان عاصم البنا انه أخطأ خطأ كبيراً حينما حاول أداء أغنية لعبد العزيز فالناس لا شعورياً سيضعون صوته في مقارنة مع صوت عبدالعزيز المتفرد وهذا إن حدث فهو خاسر لا محالة معركة خاسرة كان يجب عليه تجنبها ولم يرضه تعليقي :):) ... نعود لأخونا الجيلي الحقيقة أدهشني جداً تمكنه الى حد كبير من مضاهاة صوت أبو داوؤد وأذكر تماماً حينما كنا وعندما يزورنا في صيدلية الإسعاف ونتشوق لصوت أبو داوؤد كنا نقفل علينا الصيدلية ونستعين بكبريتة د.اسماعيل (الفتيل) كي تؤدي للجيلي دور الاوركسترا فالرجل مغرم بأبوداوؤد الى درجة العشق ويحاول تمثيله في أدق تفاصيله يقلد حتى تقطيبات وجهه وابتسامة الغناء المعهودة .... هذا مثال لتقليده ... والحكم لكم .... [media]http://www.sudanyat.org/upload/uploads/Jaily_Loemoho.mp3[/media] .... |
لم اندهش دخول (الزووول ) الجميل فى رحاب هذا المنتجع الروحى ... فالطيور على اشكالها ( ترك ) .... وماركه ساى !! ركها بى حقها والله الدكتور ، والله حبابك ...وحبابك كما تشاء من عدد وحباب ما اجبتو صاريهو فى يدك الجيلى من اقرب الناس القلدو ابو داؤود ، وبالجد بستمتع ليهو جدا وشكلنا موعودين ...وبالجميل منك شرفتنا |
أووووووه الزوول الظريف،
ياخي أنا كنت متحيّر غيابك من بوست زي ده! بس جيت ومُخلايتك مليانة ما شاء الله. صاحبك الجيلي أفضل من قلّد أبو داؤود، رغم إنّي حسّاس جدّاً في الإستماع لأيّها مخلوق يقلّد أبو ديفيد. كلام قالوا دكتور الدرديري في برنامج نجوم الغد تعليق على واحد من المشاركين غنّى لأبي دادؤود: صوت أبو داؤود من الصعوبة بمكان فنّان عادي يقلّدو، لأنّو بينتقل في تلاتة طبقات صوتيّة مختلفة (أو شي من هذا القبيل)، وأغلب الفنّانين بيقدروا على الإنتقال في طبقتين فقط، ودي موهبة ربّانية إختصّ بيها أبو داؤود. أظنّني، والله أعلم، جوبكت كلام دكتور الدرديري، بس كلامك القتّو لفردتك عاصم البنّا ياها الحقيقة الما بتندار. سلام يا: معتصم كمال نبراس سمراء الجيلي مُبر كانديك فيصل الباذخ و ودعثمان الغايب |
اقتباس:
المشاركة الأصلية كتبت بواسطة عكــود http://sudanyat.org/vb/images/buttons/viewpost.gif ياخي أنا كنت متحيّر غيابك من بوست زي ده! بس جيت ومُخلايتك مليانة ما شاء الله. صاحبك الجيلي أفضل من قلّد أبو داؤود، رغم إنّي حسّاس جدّاً في الإستماع لأيّها مخلوق يقلّد أبو ديفيد. اباذر زولي حبابك كدي اول حاجي الواجب محمدك الرابط الرابط .... تانياً ما دام الجيلي صاحبي عجبك اها... * العشاء شنو ؟؟؟ :):) .... * الزوول مركب مكنة ود عثمان loooolloooollooool .... مبدئياً كدي بس شدو حيلكم واقلبوا لينا الصفحة دي عندي أغنية من نوادر أبو داوؤد مفاجأة ...من اليحبو قلبك ومتأكد انو أقل من 0.001 من سميعة أبو داوؤد سمعوها قبل كدي .... |
اقتباس:
لعل أن الجيلي صاحبك هو أقرب المسافرين في دوحة ابو داوؤد الغنّاء ... !! ماااا أحوجنا الى أن ( نرمي مونة محنة ) .. !! بنساعد في قلبة الصفحة دي .. !!:) مساك الله بالجمال يا الزوول |
مساك الله بالجمال ياعمدة
|
اقتباس:
ده المخلينا نشد حيلنا ... !!:) غايتو ات عشاء العمدة بتضمنو كدي عشينا بالأغنية ... !!looool |
سيد الجمال عمدتنا وقائد ركبنا عكوووود والقادم بقوة ....دكتورنا الزووول (الزول منو يارجال الله ) واصدقاء ديوان ابو داؤود المدمنين طارق كانديك الانيق وحبيبتو نبراس وكل السميعه واحباب البوست فيصل سعد سيدا وود عثمان الغائب الحاضر والجميل معتصم الحارث كبير المدمنين وكل الجميلين فردا فردا لكم خالص الحب والتحايا |
بسسسسسسسسسسسم الله هبشك القلب الصفحة .. !!!:)
|
والتحية خاااااصة لكلك من العائد بالجمال كمال البرير .. والعزيز ابراهيم الذى امتعنا بتلك الصور النادرة لكم فائق الحب |
ولوموهو اللاهى ...فى الغرام بالله ودى اهداء خاص لى نبراس وهى زعلانه ولايمانى ياخ لوم شديد |
اقتباس:
زي ما بقولوا اهلنا اللوم عشم ما بيناتنا يا حبيبة مرحب باحباب ابو داوؤد قدامى و جدد كمال الزوول ابراهيم نتمنى لكم وجود على يقين بانه مريح للاعصاب و النفس هنا |
دي الحكاية إحلوّت أوي . .
الزوول حبابك والله، أغنيتك المُزمع إنزالها دي . . إنت متأكّد كمال البرير ما بتكون طقشت أضانو؟ طارق الحبّوب سمراء الـ (أقول لِك الحبّوبة ما بترضي) الجميلة معاكم يحلو السهر ويطيب السمر على جنب: الزوول، في بوست فتحو الخال فيهو حل مشكلة الإقتباس (المسألة وما فيها تظبّط شي في الإعدادات) أمِش أتّرو، لاومك بالحيل. |
| الساعة الآن 08:53 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.