إذا أحب الله عبدا .. حبب عباده فيه ...
هذا العنوان أعلاه ينطبق عليك يا جنابو تمام الإنطباق .. فأنا قد عجبت والحق لهذا الزخم من الحب الذي حباك الله به من كل حدب وصوب .. حتى البوستر بسم الله ما شاء الله صار قبلة الأنظار .. وحطمت وفي فترة وجيزة الرقم القياسي للمشاركات والمداخلات .. ها ..زول ها .. إت الله ده مو سيدك؟ مرحي مرحي يا ابو الطب .. عزيزا على قلوبنا جميعا .. ومتربعا فيها .. لك كل الود وفوق البيعة سوعالين :-
(1) بلا شك إن وضعك المهني والوظيفي قد جعلك في قائمة النظام أو بصورة أوضح (سدنته)! فأنت تمثله شخصيا وقانونيا !.. وبلا شك أيضا إن الروح القومية والوطنية تدفعانك للإنحياز لجانب السواد الأعظم من هذا الشعب الأبي ..كسوداني أصيل وود بلد .. بخاصة مواضيع الغلاء الطاحن .. والجباية القسرية .. وحقوق المواطنة المهدورة على عينك يا تاجر .. ألخ .. الخ.. الأمر الذي يخلق بداخلك نزاعا وصراعا وتضاربا لا قبل لك به فبربك يا جنابو .. أن تسلط لنا الضوء على هذه الجزئية .. بشفافيتك المعهودة فيك! (2) أراك قد ركزت .. بل ركز الكثيرون من المتداخلين على عدة جوانب هامة من مسيرتك ولكنهم تناسوا أو تجاهلوا جانبا يضج إشراقا في حياتك .. ربما إستحياء! .. قصدي جانب الصباء ومرحلة الشباب وما واكبها من مواقف وطرف لا أظن إنك تتعمد حرماننا من الخوض فيها .. فهلا .. أفصحت .. أوضحت .. أبنت .. وإلا حتكون ليلة مش فايتة يا .. قدع!؟ قبل الختام .. صدقا يا جنابو كلما قرأت لك أو شهدت صورتك الرائعة كلما دار بخلدي خيال المرحوم خضر بشير وهو يردد رائعته الفريدة بطريقته الفريدة .... الأوصوفوووووووووك! * البين قوسين دي ما بتنطبق عليك لذلك ما تسوق فيها ..يا جنابو ... يلا تشششاااووو ولنا هجمة مرتدة على طريقة التيمان أو عجوز غابرين .. طبعا عارفهم ُمش؟ :Dبالنور .. أو (عكود) .. أو بالنار .. هم .. ما أنصفوك .. كوكب منزه في علوك .. أدبك هبه (حسنك ظباء) وفيك موهبة وطبع الملوك ياااااا زول ! |
ألف أهلآ أبو أماني سيد البيت..البوست
و ألف شكرآ لك يا صديقي على الكلام الحلو محبة الناس يا عزيزي هي ذخرنا و بنكنوتنا الذي نفاخر به بيل غيتس أما سؤال البوليص..فأنا خدمت في إعلام الشرطة (ساهرون) و كنت أقوم بتمجيد البواليس المجتهدين و أحاول تقريب الشقة بينهم و بين المواطن...فلم يحدث أن تم نقلي خارج رئاسة الشرطة...مكرفونات ساااااي... لكن الإخوة في رئاسة الشرطة حافظين لي بلنتات كتيرة...مرة في تخريج الدفعة 63 و كنت قد إشتهرت معلـّـقآ....جاءني عقيد جبهجي متملق معروف، و أنا كنت ملازم أول حديث الولادة، و قال لي بصوت جهوري (أسمع....لآاااازم تقول الله أكبر ...الله أكبر بعد كل تعليق)...فقلت له هامسآ و تعمدت أن يكون المايك فاتح (أقول الله أكبر أنا أذان؟)...و تعالت الضحكات حتى في المنصـّـة فوووووق..فقد كانت المنصـّـة، حتى عام 1993، تضم رجالآ يمكنهم الضحك بملء إرادتهم...و صار العقيد............أضحوكة في الرئاسة لزمان ليس بالهين... الفاول بتاع زمن الصبا دة مافهمتو... و هو نحن يعني هسع مافي زمن الصبا؟ بنات حبينا...مثنى و ثلاث و رباع..شعر كتبنا..بكا بكينا.. المافي شنو زي ما قالوا.. و كان لي في بيت من بيوت أمد رمان أغنية بالدلوكة..تحكي عن ضابط شرطة و مذيع و شاعر و البنت الخدورية البتحبو..وكدة ...رغم بساط الأغنية كانت محببة لي..و هي تشبه جلسات قاع المدينة، برغم غياب الخمر عنها، لكن فيها رقص و ليل و شفاه...و لشدّة تمرّدي على مجتمعكم الهارشكم دة كنت سأتزوّج المغنية، لولا تدخـّـل سافر من صديق، و كل تفاصيل قصة الحب العنيفة هذه تجدها في قصتي القصيرة الموسومة (المغنية و المذيع)..و قد نشرتها لأول مرة في هذا الموقع في عامه الأول..و لو قام أحد أشقياء البحث بتفتيشها سيجدها ...كان عنوانها هنا (الفتاة المانحة ..نحبها بعنف و نظلمها باستمرار)..و لأن العنوان مباشر جدآ قمت بتغييره للمغنية و المذيع حين نشرت القصة كعمل فني، أو كتابة سيرة ذاتية، في موقع طابت.. أها تاني الصبا كان فيهو شــنو؟.. . |
جيناكم يا حبائب .. بعد غربة وشوق...
الحبيب الغالي أبو الطب ..
شوقنا ليك بحر .. بحر شنو؟ قول محيط .. ردودك حلوة ولا تخلو من دبلوماسية طبعا البروفيشن لاعبه دورها! .. أنا بصراحة كده ما عندي شغلانة غيرك خسوسا بعد دبستك في الكرسي الساخن ده .. الصحافي المريخي بابكر سلك وصف العجب بصباع المعجون .. كل ما تعصرو يديك .. والتشبيه عجبني وشايفو أبليكابل معاك دحين العصر راجيك .. طبعا بحكم وضعك الوظيفي سوحت في بلاد الله ما خليت شئ .. عاوزك تذكر لينا عدد البلاد التي زرتها حتى الأن وطوف بينا في عجالة مختزلة كده عن كل بلد .. أهي فرصة الواحد يترصد ويتصييد إبداعاتك اللغوية .. طبع يا جنابو كل بلد بكون عندك منها طابعة .. أو موقف لا ينسى .. يلا فذلك المواضيع وأتحفنا أتحفك الله دنيا وآخرة .. آخر طلب .. كل واحد فينا لما حباه الله بالشق الثاني من نعمة الحياة الدنيا .. بيختار أسم مولوده .. براااهو.. ومرة مرة كدي زي حالات بابكر مخير وفتحي مسعد بيكون الخيار من حق الحكومة ..أسأل الله أن لاتك يا صديقي من هذه الملة أحكي لنا يا أبو العبد .. أسماء أنجالك وما لازمها من مفارقات .. كت عاوز تسميو كده وبقت كده والأسباب .. لو أمكن .. (المرأة أصرت نسميو كده ) والمايك بطرفك .. يلا تشششاااووو:D |
صح النوم يا .. جنابو ..!!!
شنو يا فردة .. شغل الجلابة والمدنيين ده ما بيشبهك .. مالك مطنش زول كان قائل روحو ألذّ زول في سودانيات.. أسباب الصهيينة شنو يا ملك .. لازم يكون الشديد القوي وإلا .. فأنا أحتتتتتتتتج.. شرفنا يا الكلك ذوق .. ملينا الإنتظار .. يلا تشششاااووو:D
|
.
أهلين الحبيب أبو أماني.. و الله فعلآ...شديد و قوي..منعني عنك إنتهاء العمل و تسليم الكومبيوتر.. اللاب توب عاوز ليهو نفضة و اشتراك في النت..بعد يومين تلاتة ان شاء الله ع شان كدة أبدأ ليك بسؤال أسماء العيال..و نترك المدن ليوم فيه مهلة شوية.. الكبير بشير، على إسم الوالد، و قد كانت الخطة أن أسميه مطاع، مطاع ثم أمين، لكن لحظة خروجي من غرفة الولادة في مدينة ميلواكي بولاية ويسكونسين صرخت (بشيييييير...بشييييير) و قيل إن الإسم ينزل من السماء...هكذا... البنت إسمها (موحى)..و هو إسم مكان من الفعل الرباعي (أوحى)..يوحي موحى..و هو مكان نزول الوحي..و قد قمت بــ(نحتـه) وحدي..و هي ستدخل أولى سنوات تعليمها الرسمي هذا العام و قد فاقت إستعداداتها كل ما أنفته في تعليمي أنا حتى الجامعة.... كدة دي ممكن تكون تصبييرة...و بجيك راجع للباقي ان شاء الله... . |
I am waiting on hot plate dear
اقتباس:
المشاركة الأصلية كتبت بواسطة الطيب بشير http://sudanyat.org/vb/images/buttons/viewpost.gif . أهلين الحبيب أبو أماني.. و الله فعلآ...شديد و قوي..منعني عنك إنتهاء العمل و تسليم الكومبيوتر.. اللاب توب عاوز ليهو نفضة و اشتراك في النت..بعد يومين تلاتة ان شاء الله ع شان كدة أبدأ ليك بسؤال أسماء العيال..و نترك المدن ليوم فيه مهلة شوية.. الكبير بشير، على إسم الوالد، و قد كانت الخطة أن أسميه مطاع، مطاع ثم أمين، لكن لحظة خروجي من غرفة الولادة في مدينة ميلواكي بولاية ويسكونسين صرخت (بشيييييير...بشييييير) و قيل إن الإسم ينزل من السماء...هكذا... البنت إسمها (موحى)..و هو إسم مكان من الفعل الرباعي (أوحى)..يوحي موحى..و هو مكان نزول الوحي..و قد قمت بــ(نحتـه) وحدي..و هي ستدخل أولى سنوات تعليمها الرسمي هذا العام و قد فاقت إستعداداتها كل ما أنفته في تعليمي أنا حتى الجامعة.... كدة دي ممكن تكون تصبييرة...و بجيك راجع للباقي ان شاء الله... . ربنا يخليهم ليك ويحفظهم من كل شر وأمهم وأبوهم وسنسفيل أهلهم كلهم .. آمين .. عجبني تعليقك إن الأسماء تنزل من السماء وهو تورية لإقتران الإسم بالتسيير الإلهي تذكرت بحديثك هذا إسم ولدي البكر رحمه الله (رامي) .. كنت حتى قبل الزواج أنوي على تسميته بإسم الوالد (محجوب) .. وعندما سمعت سؤال السيستر عن إسمه وجدت نفس كالمسيّر أقول لها بدون تفكير مسبق .. رامي .. كذلك الحال بالنسبة لإبنتي الكبرى .. (أماني) .. تصور يا الطيب كنت من الإبتدائي مقرر أسمى بتي (جوليا) .. وكانت بطلة فيلم أمريكي شهدته في مطلع السبعينات بسينما البي إن .. إيييييييه يا زمن .. سوري .. لطشت منك منبرك هيا .. واصل حديثك العذب يا أظرف زول .. وخلينا نستمتع ببدائعك يا أبو بشير .. يلا تشششاااااووو |
القصة شن نفرها يا جنابو ...؟؟؟
اقتباس:
المشاركة الأصلية كتبت بواسطة أبو أماني http://sudanyat.org/vb/images/buttons/viewpost.gif اقتباس: المشاركة الأصلية كتبت بواسطة الطيب بشير http://sudanyat.org/vb/images/buttons/viewpost.gif . أهلين الحبيب أبو أماني.. و الله فعلآ...شديد و قوي..منعني عنك إنتهاء العمل و تسليم الكومبيوتر.. اللاب توب عاوز ليهو نفضة و اشتراك في النت..بعد يومين تلاتة ان شاء الله ع شان كدة أبدأ ليك بسؤال أسماء العيال..و نترك المدن ليوم فيه مهلة شوية.. الكبير بشير، على إسم الوالد، و قد كانت الخطة أن أسميه مطاع، مطاع ثم أمين، لكن لحظة خروجي من غرفة الولادة في مدينة ميلواكي بولاية ويسكونسين صرخت (بشيييييير...بشييييير) و قيل إن الإسم ينزل من السماء...هكذا... البنت إسمها (موحى)..و هو إسم مكان من الفعل الرباعي (أوحى)..يوحي موحى..و هو مكان نزول الوحي..و قد قمت بــ(نحتـه) وحدي..و هي ستدخل أولى سنوات تعليمها الرسمي هذا العام و قد فاقت إستعداداتها كل ما أنفته في تعليمي أنا حتى الجامعة.... كدة دي ممكن تكون تصبييرة...و بجيك راجع للباقي ان شاء الله... . ربنا يخليهم ليك ويحفظهم من كل شر وأمهم وأبوهم وسنسفيل أهلهم كلهم .. آمين .. عجبني تعليقك إن الأسماء تنزل من السماء وهو تورية لإقتران الإسم بالتسيير الإلهي تذكرت بحديثك هذا إسم ولدي البكر رحمه الله (رامي) .. كنت حتى قبل الزواج أنوي على تسميته بإسم الوالد (محجوب) .. وعندما سمعت سؤال السيستر عن إسمه وجدت نفس كالمسيّر أقول لها بدون تفكير مسبق .. رامي .. كذلك الحال بالنسبة لإبنتي الكبرى .. (أماني) .. تصور يا الطيب كنت من الإبتدائي مقرر أسمى بتي (جوليا) .. وكانت بطلة فيلم أمريكي شهدته في مطلع السبعينات بسينما البي إن .. إيييييييه يا زمن .. سوري .. لطشت منك منبرك هيا .. واصل حديثك العذب يا أظرف زول .. وخلينا نستمتع ببدائعك يا أبو بشير .. يلا تشششاااااووو هذا وبرغم الكلام الصادق المعبر الصادر من القلب الفوق ده .. أرى جنابو وقد أدار لنا ظهره وظهر المجن!! .. لا ندري ظروفه ومشاغله ولكننا نوقن إنها ليست لهذه الدرجة .. هذا ..ومازال العشم متواصلا .. وننتظر طلته البهية .. تشششاااووو! :confused: |
اقتباس:
الناس بتلب ;) يعني إتا ختيتها وااااااااااااااضحة حكاية "الحيكومة" وجنابهو قال ليك عن حكاية "الإرث الشرطي" المسيطر عليهو... والحيكومة إحنا كشرطة بنحترمها وبنخااااااااااااااااااف منها عديييييل كدي.. أعشم قدر ما تقدر.. بث قول "الحيكومة" تأذن ;) ليك وليهو وليهو وليكآ :cool::cool::cool: |
بوكو..! خليك محضر خير يا باشا ..
اقتباس:
المشاركة الأصلية كتبت بواسطة بابكر مخير http://sudanyat.org/vb/images/buttons/viewpost.gif لمن يكون الكمساري في القمرة.. الناس بتلب ;) يعني إتا ختيتها وااااااااااااااضحة حكاية "الحيكومة" وجنابهو قال ليك عن حكاية "الإرث الشرطي" المسيطر عليهو... والحيكومة إحنا كشرطة بنحترمها وبنخااااااااااااااااااف منها عديييييل كدي.. أعشم قدر ما تقدر.. بث قول "الحيكومة" تأذن ;) ليك وليهو وليهو وليكآ :cool::cool::cool: كلامك ده قولو لزول ماإندو هديدة.. ياعمك! والله جنابو ده يوديني البحر ويجبني بصمة خشمي .. هيكومة مين يا أمك !! بس كيف يتغلب على ظروفه الشحتفت رويحتنا دي ويجي ينثر ويعطر أجواء المائدة برائع يراعه الرشيق ..وإنا لمنتظرون |
أبوأمانى والرهط العظيم
شايفكم لسه ماعصرتو على شيخ طابت .. لسه ياشباب.. أعصرو شديد .. الزول دا كنز فماتفوتو فرصة زى دى... أحكى ياطيب عن ذكريات مينسوتا الطقس , الأعاصير احساس الخوف الأمان الصيفlooool وعن ذلك الشاب اللوترابى فى بداياته .. أحكى ياصاحبى عن ولادة البشير جونير وعن افتقادك لذاكرة البوليص وتعليقك لها فى طرف الدولاب وأحكى لنا كم مرة حزمت حقائبك وأين ذهبت __________ ولو تصدق الشوق داك قاعد فى محلتو ذاتا |
الجيلي ..أيوه حرك لينا جنابو ده ..
اقتباس:
المشاركة الأصلية كتبت بواسطة الجيلى أحمد http://sudanyat.org/vb/images/buttons/viewpost.gif أبوأمانى والرهط العظيم شايفكم لسه ماعصرتو على شيخ طابت .. لسه ياشباب.. أعصرو شديد .. الزول دا كنز فماتفوتو فرصة زى دى... أحكى ياطيب عن ذكريات مينسوتا الطقس , الأعاصير احساس الخوف الأمان الصيفlooool وعن ذلك الشاب اللوترابى فى بداياته .. أحكى ياصاحبى عن ولادة البشير جونير وعن افتقادك لذاكرة البوليص وتعليقك لها فى طرف الدولاب وأحكى لنا كم مرة حزمت حقائبك وأين ذهبت __________ ولو تصدق الشوق داك قاعد فى محلتو ذاتا وينك يا الجيلي؟ والله مشتاقين .. أيوه ياخي أزرد لينا جنابو ده .. شايفو كابي الزوغة..البداية كانت داوية ومتميزة .. واسع دي شايفو نخ .. تكونش الداخلية مارست حكم القوي على الضعيف يا ربي؟ :D |
. الحبيب أبو أماني كيف حالكم ثم أنا زعلان ياخ! تسمع فيني كلام بوكو مخير و تقول الحكومة هرشتني؟ ياخ حكومة شنو أنا غير غسيل العدة و الكنس و المسح و الطبيخ بعمل شنو؟ أنا أب زرد..قال حكومة قال! و اسمح لي أرحب بالعزيز الجيلي و له ما أراد من سرد ذكريات غربتنا.. غربتنا ما هنتنا..يا حلوين و بعدين يا ابا أماني موش أنا قلت ليك في رسالة إعتذار إني كتبت ردّين في يومين و كلاهما طار!!و اعتذرت لك بجهلي التقني..موش كان تلقى لي عذر في التأخير غير حكاية الحكومة دي..ثم أنا اليوم في بداية حياتي غير العملية، أي عاطل بشهادة إعتبارآ من ساعتين مضت...حيث يعتبر الخميس الفات آخر دوام رسمي ...و اليوم أول يوم بدون عمل..و الله كريم و تحيا الأمم المتحدة.. و سأواصل في تعليقات المدن بمعدل مدينتين لكل رد..واحدة سودانية و أخرى من برة.. . |
.
كان الطريق من الأبيض لبارا يمر في (مجرى) و اللوري المعدّل لبص، حسب عبقرية أهلنا للتعايش مع الفقر كخيار أزلي، يشق عباب هذا النهر الرملي ببراعة و كان الملازم أول حديث التخرج يبحث عن مدخل يقول فيه للجميلة أنه سيحل ضيفآ على ضباط شرطة المدينة ليومين فقط، و كانت نظرات والدها التجريمية تقف حائط صد إضافي و لم يتكرم التطور التقني بخدعة الهاتف النقال حتى ذاك الزمان من أواخر 1994 .. لكن القدر كان كريمآ جدآ..جاء بص نيسان في الإتجاه المقابل و هو يمخر عباب رمل ذات المجرى و رفض كلا السائقين الخروج من المجرى و لم يضيعا كثير وقت في السباب بل قاما بالقفز للتعارك بالعصي و السكاكين و هنا قفز بينهما الضابط الشاب طارحآ كليهما أرضآ و شاهرآ مسدسه بحركة واحدة ..و من ثم قام بتعريف نفسه: ملازم أول شرطة الطيب بشير..كل واحد يرجع البص بتاعو بهدوء و عاوزين نوصل كلنا بالسلامة و بدون فتح بلاغات و تضييع زمن.. كان التعارف قد نقر أذن الجميلة التي أرسلت في المدائن حاشرين بأن (عنترآ) سيصل قسم الشرطة مساء اليوم ... في شارع النيل ببارا!! كانت كل ست شاي تجلس في حرم دوحة باذخة الخضرة من شجر اللبخ الذي زرعه المستعمر و سقاه الله مما يؤكد أن الحكومات الوطنية لم تحسن غير الجلوس في ظله لإحكام المؤامرات على مواطنيها..كان الرمل الشاهد على جمال بنات بارا مرشوشآ بمياهها التي تضمن عودة من شربها و من تكرار منظر الأشجار و رائحة دعاش الرمل المرشوش إتخذ الشارع لقبه (شارع النيل) في بلد لم يتغشى النيل حماها.. بعد رشفتين من قهوة سبقتها (القلوة) و تخللها البخور..أتاني فرد المباحث بدعوة لشاي المغرب عند أسرة في (الحلة) و حين اعتذرت عنها فتح المظروف و بدت لي (حسناء البص) و كانت أول صورة آنسة أراها بدون ماكياج..نفس ملامحها الحقيقية، و قد غاب عنها وجل مراقبة أبيها، و في عينيها توسـّـل بقبول الدعوة، و كذلك سوّلت لي نفسي، فقمت باتجاه بيت الدعوة لا ألوي على شيء.. ما أجمل بارا ..و بت بارا.. وقفت، في صبيحة اليوم التالي، أمام بوابة السجن الذي يسميه أهلنا البقارة (أب سدادتن زول)..بمعنى أن قفله هو هذا الديدبان المدجج بالقارابينا إس..و قلت لعسكري السجن بعد هياجه في تحيتي، و السجـّـانة أهل بيادة و سلاح، صفا و استرح يا أخي، و همست في أذنه بملكية صارخة بنات بارا سمحات جدآ..ضحك العسكري و لم يفلح الضبط و الربط في لجم همهمات مفادها (إنت متين جيت آآآآ الممسوخ).. شباب المنظمات و ضباط الشرطة في بارا كانوا في تحركاتهم أشبه بحلف الناتو...تظهر آثار (غاراتهم) و لا يعلنون مسؤوليتهم عن شيء..أعجبتني بارا بيت بيت و حارة حارة و زنقة زنقة..كان كل شيء فيها مجهزآ لتصبح مدينة الفن و الجمال لكن أهل التصنيف أخطأوا كتابة بارا و أعطوا اللقب لباريس . |
سلام جنابو،
دي الكتابة الماهلة بي ذاتها و صفاتها. أرجوك أكتب مداخلتك في وورد دكومنت أوّلاً، و نزّلها بشيش هنا. عشان، يا مؤمِن، ما نلدغ من حجر التكنولوجيا تلات مرّات! لا تطوّل الغيبات. |
.
شكرآ و مرحبتين حبيبي عكود و حلوة نصيحتك...أنا أصلآ المقلب بتاعي سببه الخوف من اللدغ..و هو إني بكتب من إنترنت كوفي شوب و لمرتين رفضت أن يتذكر الجهاز إسمي ..فأقوم أكتب الكتابة الكتييييرة ديك و أقوم بتزيين الخط و كدة و لما أنقر إرسال يقوم يقول لي عليك تسجيل الدخول!! أرجع بالسهم لما سبق يقوم يقول لي (ما مسحناها يا فالح).. أها الليلة قلت ليهو (ياخ إتذكـّـرني و الله كريم) يبقى الأهم إني لما أعمل خروج من هنا أتذكـّـر أعمل (sign out) ع شان ما يكون إسمي هنا و يدخل واحد بحسابي و يكتب تأييد للإنقاذ أو ينشر صورة بت لابسة ما تيسـّـر مثلآ و أكون أنا مسؤولا أمام الله و الناس مما أتى به مجهول.. ثم إنت مالك فاتح لينا؟.. . |
| الساعة الآن 07:58 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.