سودانيات .. تواصل ومحبة - شعر المرأة .. فتنة أم عورة يا فقهاء ؟؟؟

صفحة 8 من 9

« First

عرض 40 مشاركات من هذا الموضوع لكل صفحة

سودانيات .. تواصل ومحبة (http://www.sudanyat.org/vb/index.php)

- منتـــــــــدى الحـــــوار (http://www.sudanyat.org/vb/forumdisplay.php?f=2)

- - شعر المرأة .. فتنة أم عورة يا فقهاء ؟؟؟ (http://www.sudanyat.org/vb/showthread.php?t=15943)

رأفت ميلاد

30-08-2010 09:30 PM

اقتباس:

المشاركة الأصلية كتبت بواسطة ناصر يوسف (المشاركة 270910)

شعر المرأة .. فتنة أم عورة يا فقهاء ؟؟؟

الشَعَر مو أنواع يا رأفت لكن ..

حقو السؤال يكون أكثر تحديداً ..

هل شعر المرأة الأملس الأسود النااااااااااعم والما فيهو لا دِهن كركار ولا جازولين ولا جمكسين عورة ولا لأ .؟؟؟

هِني بقول ليك آآآآآآآآآآآآآآآآآي عووووووووووووووووورة وبجنن بوبي ظاتو كمان .. looool looool

وإما ولو جاء خلافُ ذلك ياااااااا أيها الرجل الجميل ..

فكان شعر المرأة

قُرقُديييييياً ناشِفاً إلا من بقايا وَدكٍ وروائحُ الجازولين والنفلتين منبعثاتٌ منه .. وعليه بقايا قِشرةٍ وقد أصابت فروة الرأس منها وبعضُ القمل وقد تناثر بين الشِعِيرات ... فهذا ليس فيهِ من العورة يا رجل ..

رأفت مشتاقين والله ..

وتحياتي عبرك للشباب وأمهم

وأبقي طمني علي سلمي

سلامات يا ناصر

ياخ العورة حاجة بطالة .. غالباً أم قمل وجازولين ديك العورة .. أما الأولى ديك أريتو حال البنات لى حدهن ..

ياخ أجدع لى تلفونك .. بقيت زى الفكو طار ..

مشتاقين ولسة مصنصنين بعد سفرك .. تقبل سلام الجميع حتى السستر الوقعت على شلوفتا :D:D

نسايم

30-08-2010 11:21 PM

اقتباس:

المشاركة الأصلية كتبت بواسطة رأفت ميلاد (المشاركة 270986)

سلامات يا حبيبة .. ياقلب دى مقبولة بس طعميها بى عمو .. عشان ماتجرحى لى فطورى :p

الراهبات ديل والرهبان ديل ناس نذروا نفسهم للكنيسة .. بينى وبينك عندى فيها القصة قولان .. لكن ما إعتراض .. كل زول على كيفو .. حسة البربو دقونم ديل كان بقوا فى حالم .. البسألم منو ..

غايتو يا نسايم شعر المرأة ما ممكن يكون عورة بأى حال من الأحوال .. العورة كمان بختلفوا عليها إتنين ..
موضوع تغطى شعرك خوف للفتنة ده ذاتو ما شغال .. أنتى بتغطى شعرك أعلان أنك محافظة وما بتاعة كلام فاضى .. وده مفهوم مجتمعات وليس قياس دينى فى نظرى .. ظهور المرأة بمظهر لائق من طبيعتها وشئ بلا شك جميل .. حتى الحجاب صار هناك تفنن فى جمالياته ..

فتنة المرأة إذا أرادت أن تحركها وتجهجه خلق الله .. بالحجاب بتعملا .. يعنى الموضوع مختلف ..

الراهبات وغيرهن يتحجبن أمام الله للصلاة .. ليه ما تسألينى .. والله ما فاهم

عمو يا جميل
كدا كيف
الحجاب ممكن يكون شكل اجتماعي او حتي سلوك نمطي بي سبب وجودك في مجتمع متحجبات بس برضو عند البعض خاضع لمعاير اخلاقية ودينية والا كيف تفسر البنات المحجبات الحجاب الاسلامي في اوروبا دا التزام بمعيار ديني واخلاقي وعلي فكرا الاسلام جاء ليتمم مكارم الاخلاق فشان كدا الاخلاق ضرورية جدا مع التدين وكمان اشكال الفتنة البمارسوها المحجبات انا ديل مابعتبرهم محجبات انا بعتبرهم بيغطو شعرهم الحجاب ماكدا

رأفت ميلاد

31-08-2010 09:41 AM

اقتباس:

المشاركة الأصلية كتبت بواسطة نسايم (المشاركة 271079)

غايتو يا نسايم جنس غايتو .. الحجاب ده زمان بنشوفو ولا بنلتفت ليه .. لباس عربى ساكت .. وبينى وبينك .. كنا بشوية عنصرية كده بنشوفو تخلف .. رجال فاردين صدورم ونسوان مضبضبات قاعدات هناك فى الواطة ..

المحيرنى هسة ما فى أوروبا .. المحيرنى فى السودان .. زمنا كان التوب والبنات الصغار الطرحة .. والأخلاقيات والتدين وما داير أقول كلام كعب .. كانت أفضل كتير من هسة ..

غايتو أخلاقنا كانت عاجبانا

ناصر يوسف

31-08-2010 02:00 PM

اقتباس:

المشاركة الأصلية كتبت بواسطة رأفت ميلاد (المشاركة 271019)

يا أخوي والعجيبة أنا

وحتي سسترهم أمهم التي وقعت علي شلوفتها تلكم .. إني أشتاقها يا رجل ...

يا رأفت إنتو ناس بتعملوا في الزول شحتافة روح وهو بيناتكم ...

فما بالك وهو بعيد عنكم ..

ياخ ....

بس ....

الله غالب علي قول حمدي أبجقادو

والتلفون جدعناهو في الخاص

تحياتي للجميع

نسايم

01-09-2010 12:54 AM

اقتباس:

المشاركة الأصلية كتبت بواسطة رأفت ميلاد (المشاركة 271349)

احي انا من زمان وايام زمان ... عارف انا مابحب اغاني الماضي والحاضر وبشوف زمان كان في الكعب يعني عاوز تفهمني انو ماكان في ناس معدومي الاخلاق وخصوصا انو لبس البنات كان في الطالع .... اكيد في لانو دي النفس البشرية المحافظة علي غرايزها من زمان رجال الكهف
حاولت اجدع ليك غنية نظره يا السمحة بث حلفت ماتمش اعرف انها واصلة بالنية

نسايم

01-09-2010 12:57 AM

اقتباس:

المشاركة الأصلية كتبت بواسطة ناصر يوسف (المشاركة 271522)

غايتو ... جنس تلج وكسير تلج

فتحي مسعد حنفي

01-09-2010 12:59 AM

اقتباس:

المشاركة الأصلية كتبت بواسطة نسايم (المشاركة 271794)

غايتو ... جنس تلج وكسير تلج

انتي حاسدة ولا بغرانة;):D

نسايم

01-09-2010 01:12 AM

اقتباس:

المشاركة الأصلية كتبت بواسطة فتحي مسعد حنفي (المشاركة 271797)

انتي حاسدة ولا بغرانة;):D

عمك كيفك .... انا بغرانة بس يكفينا الله شر الحسد

ناصر يوسف

01-09-2010 02:48 PM

اقتباس:

المشاركة الأصلية كتبت بواسطة نسايم (المشاركة 271794)

غايتو ... جنس تلج وكسير تلج

إنتي بس أركبي طيارتك وأمشي أقعدي ليكي يوم واااااااحد بس في بازل مع الحبيب رأفت ميلاد وأسرته الجميلة دي ....

وبعد داك تعالي فتشي لفيصل سعد عشان يمسح ليك مداخلتك دي ...

أها بس ما قلتي لي

حتمشي بي شعرك الحقيقي ولا بي باااااااااااروكه ؟؟

:p :p :p looool

رأفت ميلاد

02-09-2010 01:22 AM

اقتباس:

المشاركة الأصلية كتبت بواسطة نسايم (المشاركة 271794)

غايتو ... جنس تلج وكسير تلج

اقتباس:

المشاركة الأصلية كتبت بواسطة فتحي مسعد حنفي (المشاركة 271797)

انتي حاسدة ولا بغرانة;):D

اقتباس:

المشاركة الأصلية كتبت بواسطة ناصر يوسف (المشاركة 272152)

إنتي بس أركبي طيارتك وأمشي أقعدي ليكي يوم واااااااحد بس في بازل مع الحبيب رأفت ميلاد وأسرته الجميلة دي ....

:p :p :p looool

إعملى بالوصية دى .. أبيعم ليك كلهم

رأفت ميلاد

02-09-2010 01:24 AM

اقتباس:

المشاركة الأصلية كتبت بواسطة ناصر يوسف (المشاركة 272152)

أها بس ما قلتي لي
حتمشي بي شعرك الحقيقي ولا بي باااااااااااروكه ؟؟

:p :p :p looool

قوىة يا ناصر دى gooodgooodgoood

نسايم

02-09-2010 03:37 PM

اقتباس:

المشاركة الأصلية كتبت بواسطة ناصر يوسف (المشاركة 272152)

احححح انا لاكن ..... بس غايتو الزول لما يبقي بيعرف يسكت الناس يافيصل تعال وجيب معاك استيكتك

ياخي امش بي باروكة شنو قالوك انا صابرين امش بي حجابي وعبايتي ونعمل هناك حوار ادينان

نسايم

02-09-2010 03:42 PM

اقتباس:

المشاركة الأصلية كتبت بواسطة رأفت ميلاد (المشاركة 272366)

إعملى بالوصية دى .. أبيعم ليك كلهم

اها ياناصر بل تلجك دا واشرب مويتو تطري قلبك بعد الافطار روفي باع القضية وتلفونك والنتيجة واحد صفر لي صالح نسايم
انا جد احتمال اجي انشا الله في شغل بي نواحيكم هناك لو بقيت علي السفره بديك خبر واتيمنت ما انزل في فندق بيتك بس شفت كيف

منال	02-09-2010 08:05 PM

http://www.mlfat4arab.com/i/00039/8s8c2nbpgen5.jpg

http://www.mlfat4arab.com/i/00039/hir2ozavuc7p.jpg

http://www.mlfat4arab.com/i/00039/1vcu6yqt0ep0.jpg

لا تعليق
الله يقبل

عم رافت سلامات
كدى انقل بوستيك الى هنا - و نخلى الباروكه شويه

الصور صلاة جماعة فى مصر المؤمنه بى اهل الله

رأفت ميلاد

03-09-2010 08:52 PM

اقتباس:

المشاركة الأصلية كتبت بواسطة منال (المشاركة 272598)

لا تعليق
الله يقبل

عم رافت سلامات
كدى انقل بوستيك الى هنا - و نخلى الباروكه شويه

الصور صلاة جماعة فى مصر المؤمنه بى اهل الله

حاجة ظريفة يا منال .. شكلهم بصلوا عائلة عائلة .. يعنى ما إختلاط وتكسير قاعدة .. كان ملاحظة الحبوبة قاعدة فى الواطة ..

ربنا يقبل منهم

الساعة الآن 08:25 PM.

صفحة 8 من 9

« First

عرض 40 مشاركات من هذا الموضوع لكل صفحة