أهو دا زول من الزمن الجميل .. أحضان ..
اقتباس:
المشاركة الأصلية كتبت بواسطة الجيلى أحمد http://sudanyat.org/vb/images/buttons/viewpost.gif أبو أمانى سلام يازولآ سمح.. ياأخى مسعول من الخير, وين عمنا وصديقنا الجميل هاشم طه الجيلي كيفنك والله مشتاق ليك مووووت ولكل دخلاتك المتميزة ديك .. زمن يا جميل بل سنين عدت دون لقاء أو سؤال .. حتى عمك وصديقك هاشم طه فتح لينا وبائن فتح للعالم كله .. يا أخي عندك عزوه لديه حسب ظني هلا تستحثه يلحق بركبنا ؟..حقيقي من غيره المنتدى بلا طعم .. همتك يا بطل وبالله وضح لي كلامك القبل الفوق ده .. الرشيد ده ما ياهو ؟؟ يكونش هوط مييل ؟؟؟؟ تحياتي .. المهم ..عليك بيو :cool: |
سلام يا أبا أماني الزين،
سعيد والله بشوفة حرفك يمشي بيننا بكل رشاقة. العزيز هاشم طه، يا جيلي، رجل أصيل وبيننا إتصال وتواصل. آخر محادثة معه، قبل أسبوع تقريباً، حمّلني فيها السلام لكل الأحباب في سودانيات. ربّنا يمتّعه بالصحة والسعادة الدائمة إن شاء الله. |
أبو النسب الأصيل .. أحب الناس
اقتباس:
المشاركة الأصلية كتبت بواسطة عكــود http://sudanyat.org/vb/images/buttons/viewpost.gif سلام يا أبا أماني الزين، سعيد والله بشوفة حرفك يمشي بيننا بكل رشاقة. العزيز هاشم طه، يا جيلي، رجل أصيل وبيننا إتصال وتواصل. آخر محادثة معه، قبل أسبوع تقريباً، حمّلني فيها السلام لكل الأحباب في سودانيات. ربّنا يمتّعه بالصحة والسعادة الدائمة إن شاء الله. سلام يا الذ زول .. والله شوقنا ليك بحر .. أولن كيف اللهل كلهم عساهم بخير .. وتانيا صحتك كيف يا الحبيب .. وثالثا .. والله مشتاق ليك وللنور وبابكر وكل الأخوة الصعايدة بتوع الزمن الجميل .. أرجو العودة الحميدة العاجلة .. وبالله سوق دلالك على هشومة أتا وبابكر والنور والجيلي خلوه يرجع لينا بإبداعاته تااااني .. رجاء يا عكود تصحح لي ضيف البوست ده بدلا لجنابو .. حتى يستمر الضيف الجديد وإسمه .. ولك خالص تقديري:cool: |
حااااضر يا الزين،
بس أديني إسم الضيف الجديد. وإن كان شايف أخونا قرقاش فتح بوست مشابه قبل فترة قصيرة. تسلم يا الزين وسأبلّغ هاشم نداءاتك ورجاءاتك إن شاء الله. |
ياأباذر
فى واحدة من ترتيبات وتصريفات الأمانى التى تشتهيها الايام وتنحب خلفها, قالبلته برفقة أبو امانى, ذات نهار أمدرمانى, ثلاثتنا يجلس علينا هم ثقيل, وتحادثنا حينآ, حديث ملئ بأوجاع البلاد التى تكاد أن تخرج من جلدها وتفر.. فعليه السلام ذلك الرجل المتدفق كما النيل.. |
أأأأخ أ،ا منك .. يا أصلي ...
اقتباس:
المشاركة الأصلية كتبت بواسطة عكــود http://sudanyat.org/vb/images/buttons/viewpost.gif حااااضر يا الزين، بس أديني إسم الضيف الجديد. وإن كان شايف أخونا قرقاش فتح بوست مشابه قبل فترة قصيرة. تسلم يا الزين وسأبلّغ هاشم نداءاتك ورجاءاتك إن شاء الله. يا أخي إنتا الروعة ظااااطها .. أخونا قرقاش عنده كرسي ساخن بعيد عن الجالسين وأنا بستضيف الناس على سجيتهم واخليهم يتجدعوا ومرة مرة بهبشهم والناس بناوشهوهم .. وبوستي أسبق طبعا!! .. المهم الرشيد هو ضيفننا الجديد وقد رحب شخصيا بإستضافته وهو (الرشيد محمود إسماعيل) ... وبالله ناوشو .. يلا حركوا المسائل شايف المنتدي ما زي زمان عاوزين نعيد المضى .. في هذا الزمن الأغبر .. تشاوووو:cool: |
بالحيل الرشيد بوهّطوا ليك فوق الكرسي الماهل ده! :D
يا جيلي، هاشم طه رجل من طراز فريد. مليان أصالة ووفاء وحرص على علاقاتو بالناس. هذا الرجل يخجلني تماماً، فدائماً هو السبّاق في الإتّصال، ودائماً أنا المقصّر تجاهو. |
اقتباس:
:D:D قطع شك:) دي فرصة بتسعدنا من (هناني) لحدي روابي كندا:p ---- شكراً يا ابا أماني والتحية للجيلي والعمدة والعزيز أستاذنا هاشم طه |
اقتباس:
اقتباس:
شكراً أبو أماني، يسعدني أكون واحد من ضيوف المائدة، ورقم الاستضافة 17 رقم حبيب للنفس، لارتباطو بالزهور والغرام (حسب إفادة الاغنية)، ونحن الحاجتين ديل ما بنهظر فيهن، كان زهور كان غرام كان بنات ذاتو! المهم: الرشيد اسماعيل محمود، مواليد نيالا، بلغ من الثلاثين عتيّاً (يعني فوق التلاتين بكم سنة كدة) وما زال يصحو صباحاً علي نغمة المنبّه التساؤلية (لمتين يلازمك في هواك مُرّ الشجن)، يجيب عليها بنفس إجابة صباح الأمس، يعيد ضبط المنبِّه لصباح آخر يأتي وقد لا يأتي، ينزل من السرير من أيّ جهة تعجبه، ثمّ يبدأ يوم يشبه ما قبله. خريج مختبرات طبيّة تخصُّص كيمياء سريرية.. الحالة الاجتماعية: أهو، زي ما شايفين كلكم (إضافة لوجدي الاسعد):D |
الرشيد
قلتا لي كيف؟! دا سؤال على فكرة |
سلام يا رشيد،
سؤالي الأول لكَ: ترى لو كان نيوتن شاعراً، فمن برايك كان سيكتشف قانون الجاذبية؟ ثمّ، مثلاً مثلاً يعني، لو قررت فجأة الرحيل لضفةٍ أخرى، فما الذي ستفكر فيه أولاً، القارب، النهر، أم الضفة الأخرى؟ وأخيراً وليس أخراً: لو قُدر لكَ أن تكون مرشد سياحي في صحراء الربع الخالي، من ستصطحبه معك وتضيعه هناك، ولماذا؟ |
الرشيد فوق تنور ساخن
بجيب ليك البطانية و اجي و الله يا حليف اجي افتك بي جاي , , , , , , , , , (يا عملات الرفيق بدروف ) يا استاذ الرشبد !!! لو سمحتا الفرق بين فترة وجودك في العاصمة و الأقاليم الإضافة و الخصم؟؟؟؟؟؟؟ و شكرا المايك معاك |
الأخ الرشيد
(هب)* انك اتزوجت وكانت باكورة انتاجك في السنة الأولى ولد وفي السنة التانية ولد وفي السنة التالتة بنت وفي السنة الرابعة بنت وفي السنة الخامسة ولد. اها قام الولد بتاع السنة الأولى خشا طب**، والولد بتاع السنة التانية خشا هندسة، اها قومي يا البنت بتاعة السنة التالتة امتحنت شهادة سودانية وجابت نتيجة عالية أها لمن جيت سألتها عاوزة تخشي شنو؟! قالت ليك يا ابوي أنا عاوزة أعرس، ونفس الفيلم حصل مع البنت بتاعة السنة الرابعة. والبنتين والشهادة لله سمحات سماحة -حدثنا الراوي انه البنات طالعات لي امهن- أها أولاد الحلة كلهم مكسرين فيهن زي كسير عكود في كتابتك. أها الاسلئلة التي ستطرحها نفسها في هذا الحدث الاستثنائي*** هل ح توافق انو البنوت يتزوجن بدون ما يكملن تعلميهن؟! وما هي الآلية التي ستتبعها لزواج بنياتك ديل؟! وما هو المعيار لتقييم ازواج بناتك؟! وما هي نوع الرقصة التي سترقصها في زواج بناتك هل ح تكون (عرضة) أم (تويستي) ولا (النبق) أم (القرد)؟! * (هب) بمعنى اتخيل ساااااااي وزي ما بقولوا اهلنا خيال العقل ما كتلو غزال ** الحدث الاستثنائي لانو كونو الرشيد يتزوج ساااااي يعتبر ضرب من الخيال فما بالك انو يجيب اولاد gap ملحوظة ولدك الخامس الذي لم يرد ذكر نوع دراسته في (الهب) أعلاه نود افادتكم انه قد قام بدراسة (تربية بدنية) وأعجب بي بتنا واتزوجها، أها في قعدة جبنة تحت ضل (مظلة) حديقتنا العامرة قام قال لي يا عمي انت وابوي اتعارفتو كيف؟! قمت صنقعت أعاين في اللاشيء وأنا اجيبه (يا ولدي أنا لو بعرف ابوك قبل كدة كنت زوجتك بتي؟!)gap |
بعدين تعال هنا
82 صفحة؟! ليييه ياخ اصلو شنو؟! انت الرشيد ولاّ زهرة الغرق؟! |
اووووو الرشيد شخصياً
ياخ والله اني لـ أرى رؤوساً عديل كدا:D انها لزنقة زنقة حتى النصر ان شاءالله جاوب الفوق ديل وبجيك على اقل من مهلك بالله اقول قولي هذا واستغفر الله لي............... |
| الساعة الآن 11:44 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.