اقتباس:
مؤلفات نقد : "قضايا الديمقراطية في السودان" "حوار حول النزعات المادية في الفلسفة العربية الإسلامية" "علاقات الأرض في السودان: هوامش على وثائق تمليك الأرض" "علاقات الرق في المجتمع السوداني" "حوار حول الدولة المدنية |
اقتباس:
أنا ممكن أكون سطحي في نظرك بس أنا أصلا ماشايفك وسطحيتي حقتي بس ما فهم منقول ذي فهمك أبوالجندب ده أمشي أنقل ساي لأنك أصلا فارغ من فكرة توصلة لحد |
اقتباس:
|
اقتباس:
يكفي نقد عفته واحترامه لنفسه ولم نسمع عنه يوما ما يسيء لمواطن سوداني ولم نسمع عنه انه مفسدا ولا سارقا..اتي للدنيا وذهب منها يحمل حب الكثيرين.. شكرا لنقد...حرصت علي تشييعك مع انني لا انتمي لحزبك..لكني احببت فيك سودانيتك الفاخرة والجميلة..ارون جنة تيرا فيام يا وو محمد - دا الكلام الجادي الوحيد الكتبته في البوست دا |
اقتباس:
يعني هسّع ماجد بالرغم من إنو المنتدي بدأ يتوضّأ، برضو خايف من الشيوعيين!! |
اقتباس:
طبعاً ياماجد وحسب بنية وعيك التناسلية انت متخيل انه انا واحدة مسكينة مكسورة جناح وح اتجرس ليك شديييييييييييد واخجل من حتة الشطور دي ياعلمات جيلي ومهند....وانه ح اقوم جااااارية واتحنكش ليك تخيل انا ما الكائن ده؟؟؟:D وهات اضانك النقولك...مااااابخجل والله ...:D سمح؟؟ اها بمناسبة مثلك المريض الضربتو بالست العواسة..... ارضي فضولي طيب ووريني انت البقعدك للعواسات شنو؟؟ عشان تجيب لينا شطورن وفدعتن وضيق خلقن ؟؟ انت هنا مزنوق ومزرور وبس فسيب الأستظراف وجاوب ولو ماجاوبتا خليك عارف انه انا بي ردي ماقاصداك انا قاصدة عزيزي المتابع ده هيم سيلف . طيب ياخ عاين انا (لااثدائي) كبيرة ولا عجوز.... تكون عامل تورية للحزب الشيوعي ياربي؟؟. (طبعا انت اشاراتك اشارة زوغة في الحتة دي وقصدت تكون ملتبس) يا جنابو الذكي جداً يللا أدهشني شنو في ردك... انا كتبت ليك كلام نضيف جداً مافيهو ولا لفظ خارج... جيت سعادتك مطرزن بي ضعة وأثداء وضالة... عرفتا الفرق بين التقدميين والطلايعيين وبينك وبين خطابك المنهار؟؟ يامسلم يامتدين يامتعلم يامتنور يابتاع المدارس؟؟:D (التعبير مستلفاهو من سعيد صالح في مسريحة العيال كبرت) موش قالو ليك في حصة الدين زمان انه ليس المسلم بالطعّان ولا اللعّان ولا الفاحش ولا البذئ؟؟؟ وماقالو ليك المسلم من سلم المسلمون من لسانه ويده؟؟؟ دي واحدة... التانية واسمعا مني كويييييس... الضِعة ياماجد تاج بتكون لمن تسك الناس في بوستاتا عشان تشتما وتحقرا وتقلل من شأنها... وبتكون الضِعة لمن تطعن في زول بلا هدى ولا كتاب منير وبناء ع انطباعك العمرو يوم...وده بس من باب انك عايز تظهر وتلفت الانتباه... والضِعة بتكون لمن تجي تفتح ليك بوست بي خاص زول لابيعرفك ولابيعرف خاصك ولا مهتم بيهو... الضِعة في التحرش يا ماجد.....والأتيان ع سير البشر بلا مسوغات عاقلة وواعية.... انت ممكن تكون مسيراك غريزة كره الشيوعية...لكن دي ياخ مابيعالجوها بي سك سير الشيوعيين والظهور بالمظهر المحزن الظهرت بيهو ده.. بيعالجوها بي انك تقرا وتنتقد نقد علمي مؤسس... عشان ما تستهلك زمنا بي عواسة زي البتعمل فيها دي... انا كان عندي ليك كمية من الزنقات ...لكن واضح لي انك مابتجاوب ولا على اي سؤال...بتنتقي وترد او تكرفس الزول في انه كلامك ما بيستحق الرد ودي حيلة لمداراة العجز عن الأجابة... جاوب هسا سؤال البروف ده.... ليه ماجاوبت مهند ولا جاوبتني ولا جاوبت جيلي ولا اي زول هنا بوستك ده تنقصه الدلائل وهو انقلب عليك.. بتفتح بوستات بدون دلائل ليه؟؟ ومابترد ع الاسئلة الحااارقة وبتزوغ منها ليه؟؟ قايل الحركة بتاعتك دي فايتة على فطنة المتابع؟؟ لو عايز تناقش الطليعيين إنكرب للقراية والمنافحة وبطل الشخصنة وسك الناس بالبوستات ومحاولة ارهاب الناس بطل تحرش وراعي حقوق غيرك ووريني انت مالك ومال اسمي جايبو هنا؟؟ لو عايز تناقش شي بيتعلق بي وساوسك وهواجسك انا اسمي المتعلق بي وساوسك اسمو رئيس مجلس الإدارة... لكن تكتب اسمي بجيك بي لنا وانا ك لنا جعفر عضو عادي ولي حقوق وعلي واجبات....وبرد عليك بما اراه مناسب وبينا لائحة كعضوية هنا.. على فكرة انت ليه متناقض في حتة الالتجاء للائحة ولا عايز تشتكي وما يشتكوك؟؟؟ اللائحة دي ع الكل ياجنابو....وزي ما انت بتشتكي الناس وبتحتكم للائحة فمافي شي يمنعني ليها... متذكر جرستك في حتة اللائحة؟؟ ------- عارف؟؟؟ كرهك للحزب خلاني احبو تااااني :D لانه مزازي بيك وبي صف زيك كده ومخليكم مامرتاحين وانا بصراحة بحب سهر الجداد شديد ياسعادتو.. ------- ماتزوغ بي كلمة رديح من الأجابة عن الاسئلة.. واجه واركز وانكرب وجاوب..انت ماجاوبت ولا زول انت بتفتح بوست وبتهرب منو بي فرعيات وبتضيع لو عايز فايدتك وفايدة الناس جاوب لينا... او قول ماعارف...من قال لا أعلم فقد افتى.. أنا فاهماك وعارفة فاتح بوست فيهو اسمي ليه.. امشي أنت افهم سؤال امين البروف وكلام بوبا وسخريتو ياخ:D وجاوب الناس وماتعمل رايح.... ثم ماتفتح بوست بي اسم عضوين وتجي في نهاية البوست تقول الطليعيين ... انت ما جيتنا كطليعيين...انت بديت بوستك في التدخل في خاص لنا ومهند ويمكن آخرين.. لمن تتزنق تقول طليعيين ويرجى منهم؟؟ هو نحن عشان طليعيين ومتقدمين نقبل استفزازك وتجاربك المخبرية الما بتمل منها دي؟؟؟ كل يوم خاتي ليك زول تحت مجهر ومشغل مشارطك؟؟؟ نشوف بيقبل استفزاز لي ياتو حتة؟؟ ونعرضو لي كم واط شتايم وكيف ح يرد؟؟ انت قايل نفسك رئيس جلسة معاينة في مؤسسة عسكرية ولا كيف؟؟ قايل انت اننا جينا هنا عشان نرفع كاسات في مسابقة رئيس مجلس الادارة والأمين العام البتحملو شطط كارهيهم ومتصيديهم؟؟؟ انت ماليك دخل في الافراد...قول الحزب الشيوعي كيت وكيت وكيت التقدمية كيت وكيت وكيت... لكن ما ممكن تفتح بوست عشان تسألني من خياري العقدي والسياسي ده ما حقك....حدك الشيوعية يا رعاك الله... ده حقك؟؟؟تتدخل في الشخصي تبعي؟؟؟جاوب ده حقك تختبرني وتستفزني ؟؟؟ جاوب بتسكني ليه؟؟؟ جاوب مستقصدني عشان شنو؟ ----- انت ليه احتجيت على امنجي ونسيت باقي القايمة؟؟؟ موافق بي الباقيين؟؟:D وبيفيدني شنو انك تقول ع نفسك سيرة ذاتية تناهض بيها الكيزان؟؟؟ ما اهو انت بتمارس في نفس عسفهم واتهاماتهم وتمييزهم واحتكارهم للدين وافكار الحق ... ليه زعلتا لمن قلت ليك مابيهمني انك تكون كوز ولا امنجي ولا انقاذي ولا طالباني؟؟.... انت قايل الأتهامات دي عملوها ليك براك؟؟ شايل سلاح وحايم تصنف في الناس وتضايرهم وتفتش في الضماير انت قايل روحك مستثنى؟؟؟ بيتم اتهامك برضو وبتقع في نسجك زماااان لمن قلت انه ماجد تاج مستقصدني بشكل شخصي في ناس هنا ماصدقتني ان شاء الله يكون وضح الاستقصاد والاستهداف.. وانه شخصي ومجاني وبدون حق ولا دليل |
اقتباس:
تصور انا نفس الشعور ياعمك بس شكلك داير تدفعني تمن المحبة دا غالي ياماجد:o ومسكتني من يدي البتوجعني عديل وداير تحيدني وتشتري سكوتي باسم المحبة ودي الاختك مابتقدر عليها معقولة ياماجد بس يلا شوف براك الدرس دا اهو طلع في الشيوعيين في ناس بتريدهم لله وفي الله كدا;) شفتا دا مش كلام لنا زاتو والحزب دا بطنو بطرانة:p والشيوعيين بطنم غريييقة loooolاهو جاك اعتراف تاني مدردق;) يلا ياماجد البينك وبين الاعضاء ديل كلهم ما مطلوب فيه المحبة ولا الكراهية او اي مشاعر خاص البينك وبينهم احترام الاخر وقبولو ولائحة سودانيات دي البتقبل الشيوعي والماشيوعي فياماجد سؤال جادي من وين ليك الحق في تصنيف الناس وتوزيع بطاقات الحزب وقراءة تعابير الوشوش ومعرفة سرهم قبال جهرهم وبالنسبة لي هجرة الشيوعيين ما ملاحظ ياماجد انك مركب مكنة وزير داخلية وشئون هجرة وسؤال تاني بالله حدد لينا بالضبط المزعلك من لنا ومهند انهم شيوعيين ولا اداريين ولا الاتنين مع بعض عشان نفرز بس اقتباس:
غايتو ياقمر دخلتني في مفاتيح كيبوردي الشيوعيين ديل ماسكم الفقر القنوع ياعملات حبوبة بروليتاريا ساي وشرزمة وكمان شذاذ افاق شوف عيني مهند دا كان خاتي توقيع كبييير قال هو شاذ:D هسي لنا ومهند الكادر السري;) كانوا وظفوا تعبهم ومجهودم دا في خدمة الجهاد الالكتروني ماكان ارتاحوا من نقة ماجد وطبنجتو الساكيهم بيها ومهنضبم من بوست لي بوست وكواريكو البتجيب الرايح شيوعي هانز اب :D انا لله ياخ |
اقتباس:
اقتباس:
يبقي التساؤل ابتداءً ما ليهو علاقة بنيّة المعرفة، بل بتأبُّط الاستقصاد الشخصي لمآرب أخري وعدائية مبيّتة لا يهمها فشل الموسم الزراعي من نجاحه، بل محض عداء لمجموعة محدّدة سلفاً، وما التساؤل سوي محاولة لمداراة العداء تحسيناً لصورة المتسائل في نظر الآخرين. يا ماجد إنت قبل كدة قلت إنو مفروض الناس تركِّز علي الكتابة دون الكاتب، أها وين موقع كلامك داك من إعراب الرّاهن؟!، بتخيّل لي لو قاصد مهند ولنا، تعال ليهم عديل دون التستر خلف إنتماءهم (أيّاً كان)، أو كمان تقبل تتناقش مع أيّ زول ينتمي افتراضاً لمذهبهم (برضو أيّاً كان)، لكن حكاية تعنون البوست بالشيوعيين وتبدا تمارس في انتقاء شخصي لمن تود إقحامهم في الحركة دي، اعتماداً علي عاطفة الوداد وبحبّك في الله وما عارف، دي بتبقي حركة في شكل عنكوليب ساي منّك. مداخلتك الاقتبستها آمال فوق دي، في رأيي فضحت إنّك بتلف وتدور لأجل أشياء شخصية، والناس المنتظرين منّك أدلة ديل (وانا ما منهم) حينتظروا بلا طائل، لأنو مافي دليل، لا علي شيوعية مهنّد (السريّة) ولا علي إنك داير تمرق بشي مفيد بالنسبة للناس البتتابع في البوست دة. المهم: سودانيات ما محتاجة "لشركة الهدف"، ولا لماجد تاج أو الرشيد ليدافع عنها، سودانيات محتاجة من الجميع الالتزام باللائحة والاحتكام إليها، أمينا عاماً ومجلس إدارة وأعضاء، فذلك فقط ما يبقيها مضاءة. البوست دة بالنسبة لي، صورة مكبّرة ونمطية وإجابة للسؤال الفاضح القائل بـ لماذا لا يتقدّم السودان؟ في رأيي الإجابة هي: لأنّ السودانيين لا يتقدّمون. عموماً بالنسبة لي البوست دة خالي موضوع ومحض عداء مغلف بالتساؤل، وهو أبعد ما يكون. ورغم ذلك يبقي الود والتواصل. تحياتي |
اقتباس:
:L |
اقتباس:
إتخيل كل بوست شايل إبريقو ومتوهط في تبروقتو |
اقتباس:
كويس انك جيت هنا ياخ لأني لا أشك في فهمك للامور أدناه التساؤل والتقرير ال قررته أنا وريني كيف أنا اتهمت مهند بأنو شيوعي ؟ اقتباس:
اقتباس:
|
اقتباس:
كنا متوقعين البلد تنجب رجال يغيروا الحال وسمعنا الشيوعيين من واحنا صغار بيغنوا ـ ركز على بيغنوا دي ح نبنيه ح نبنيه البنحلم بيه يوماتي وطن شامخ وطن عاتي وصدقناهم حتى أبكونا ونحن ننتفخ عزة وسمو ونحن ننتظر ذلك اليوم الذي سيبني فيه الرفاق الوطن الشامخ العاتي بعدين شوية شوية اكتشفنا أنو القصة كلها ما فايتة حد الغنا يا قمر ياخوي طيب الانقاذ واحنا من البداية عرفنا أنها حتى ما عايزه تغشنا وبس لا دي عايزة تهلك تلتينا شان يعيش تلت بكرامة وصنفتنا بمنتهى البساطة كلنا في خانة الزايد المضر والذي يجب التخلص منه حتى بلغ بيهم الحال مرحلة أن يصرحو بأحلامهم بتهجير كل العقول والكفاءات والخبرات من البلد الشيوعيين .. مصرين ليه على خداعنا ياخ مصرين ليه على حصر النضال في ابيات الشعر وسب الدين والدفاع عن حريات بعينها لفئات بعينها حتى بلغ بيهم الحال كمان يتحسرو على الرقيص بحرقة تخيل يتحسرو لأنهم ـ مين ما عارف ـ قد حجروا عليهم الرقيص كمان وما نقول البغلة في الابريق ؟ اتمقرع براحتك يا قمر وتأكد .. ح أظل أخدكم بطريقتي الخاصة فقط ما بردود أفعال يا حبيب ـ |
اقتباس:
ناس كسلا بيقولو في الحالة دي كلمة واحدة بس يا محمد بو كأنما غير أي كتاب منها شكل الحياه على أرض الوطن ما زالت الملاريا تطحن الغلابة والمهشين وما زالت الانقاذ تنهش الوطن وتمص ضرع أم أمه بينما الشيوعيين ما زالو ينبهون بعضهم البعض لمراعاة النواحي التأمينية ما زالو يرددون في أغاني وردي .. وأشعار حميد .. ويتفرغون لأعمال الحزب ما زالو تحت الارض .. يا محمد علي : قول للرفاق أن الوطن قد أهلكته الانقاذ وأن الازهري وعبود ونميري قد ماتوا ... ـ |
اقتباس:
وزيدي على كدا الجيلي .. برضو بحبو في الله .. ويمكن اتنين تلاتة لو تبين لي لقدام أنهم شيوعيين ظلمتيني بحتة السكوت والتحييد دي يا أمال لو النقاش عقلاني كنت ح أرحب بيك لكن انتي شايفة الدرك النزل ليه مهند ومنحدرة نحوه لنا ولا واحد فيهم حتى اللحظة فهم أنا عايز أقول شنو ومع ذلك سنو الرماح الطوال لو حبيتي تنتظري شوية أفضل .. وفي كل الاحوال رصيد محبتك ما بينقصه تداخلك يا ستي .. تحياتي ـ |
اقتباس:
يا رشيد أنا لا أعرف عن الاتنين الا ما هو مطروح هنا في المنتدى ولسه ما طلعت من العام للخاص ولا شخصنت لو تفكيرك انساق مع المجموع الاستهدى بمداخلة كانديك فخليني أصحح ليك الفهم أنا سألت عن مخالفة اللائحة فيما سأطرحه قلت لو جبت مداخلات للاخت والاخ من البورد دا طبعاً واستندت فيها على الخلفية السياسية شان أثبت فرضية البوست الاساسية وهي أن الشيوعيين افتكرو أنو المنتدى بيمثل ليهم وطن بديل وساحة جديدة محررة ممكن تختلف معاي هنا زي ما عملو الناس المركزين سألت هل بكون خالفت اللائحة ؟ لا قررت شيوعية مهند ولا شيوعية لنا .. عايز أثبت فرضيتي استناداً على اقتباسات شفت فيها الكلام دا سألت ( لو عملت كدا ببقى خالفت اللائحة ) وعينك ما تشوف الا النور .. على كل البوست برضو زي ما قلت انت بكشف عمق الازمة البتعرض ايها الوطن كل واحد قرأ من زاويته الخاصة ورد على حاجات في ذهنه ماجد تاج ما قالها ... ـ اقتباس:
هنا راجع ردي لأمال فوق حبيت أنها تطلع من الجو الغايم دا ، وما ترمي فيه بحجر ما في محله مش انتقاء مطلق أنا عارف اني واقف على مسطبة غير الواقفة فيها أمال .. لكن ما غايب عني أننا في ذات الصف .. ولا يخفى عليك يا رشيد أنو محبتي ليها دي محبة أسفيرية صرفة .. محبة لأمال التي أراها من خلال حروفها تحياتي ـ |
| الساعة الآن 03:06 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.