نفيسي رقدت خل
[align=right]انت يا حبوبتي دحين قبل دة ما سكرتي مع بت عريبي
- نفيسي: نان يا ولدي هو داك يوم بيتنسي - باقيلي طشمتن كله كله - وحاتك يا ولدي رقدنا خل - اصلكن لقيتنو وين - مشينا يا ولدي لي عرس بت واحدي سرنا من البركل لي مروي انا وحبوبتك بت عريبي - اها شن سويتن - لقينا النصيبة اليقولولا الزينة شادي العرقي للعرس - اي هي كانت دي شغلتها في الاعراس - اي يا ولدي عندها عرقي كافر خلاص - نان انتن اصلكن لقيتن الجر (الزير) أليل العرقي ووقعتن فيهو - والله يا ولدي انا السويت النصيبي - كيفن - قلت لي بت عريبي ونحن طالعات علي نضوق عرقي الخرابة دي قبل نمشي علي بيوتنا - اها - اهايا ولدي قعدنا جنبها وبقت تديني كوري وراء كوري ونحن نشرب ونتمطق - اصلها ما قلتلكن كفاكن - آآآبتقدر عارفاني لساني علي الحبل أليل البير - اها - وحاتك يا طارق يا ولدي وكتين اشوف في بت عريبي تشرب في الكوريي وتنزل عرقي الجن دة في حلقها وتكرمش وشها علي كروق الدوم وكتين يقدم - ههههههههههههه الله لا تكسبك كتلتيها - اها يا ولدي هي تجغم وانا اجغم .. وكتين شفنا راسنا سكرنا وبقينا نلغلغ - شن سويتن - قلتلا يا بت عريبي قوماك نمشي انا راجلي يصلي بالناس في خلوة القرونة - راجلك امام وانت تطشمي - نان يا ولدي هو كان عارفني دايري امشي اطشم في العرس هههههه - اها - قلتلك قلت لي بت عريبي نمشي من تالا التمُر لامن نصل قصاد بيوتنا ونطلع جري ننوم - اها - يا ولدي بقينا ماشين ماشين لامن رحنا - الله يقلعكن اها - قامت بت عريبي قالتلي: انت يا نفيسي نحن وين وانا قمت قلتلا: انت في نحن وين ولا نحن ذاتنا منن (من نحن)[/align] |
اقتباس:
صباحك زين حبوباتى ديل بقن مضرب مثل هسا الشعب السودانى كلو بسأل ( نحن ذاتنا منن) قالو الشايقيات قدر و المشلخات ( المرا بميه راجل الزمن العلينا ده) ياخى جيب من الحكى كتييييييييييييير |
العزيز طارق
ده سيناريو جاهز حوار راقي وذكي "لكن يا اخوي العرقي البشربوه بالكورة ده ما سمعنا بيه" حقيقي استمتعنا بالتشبيهات البليغة والدارجة السلسة |
طارق . .
سلام يا المطيميس، واصل الله لا يسيئك. نفيسي وبت عريبي ديل . . مالي متل المشبّهِن علي جوزاً عندنا! مشتاقين يا طارق. |
:D
دوك طارق سلام . انا ما فهمت كل الكلام يعنى .. لكن السرد جميل جدا استمتعت بالحوار خالص شكرا جزيلا |
طارق أزيك ياخي كيف صحتك
طارق طولنا من النقة اللذييييذة الزي دا ياخي إنت ليه بتطول علينا كدة "حرام عليك". التحية/ عثمان الطيب |
سلامات يا طارق ،
مرة عاطف خيري قال : الطريق الي الشراب أجمل من الشراب .... حبوباتنا ديل ما أظنهن قرن الكلام دا ..... مودتي التي تعلمها . |
اقتباس:
- إنتي يا نفيسي النشري دي ماله الليلي طويلي كدي؟!! - باقيلي الليلي الحلقة الأخيري |
اقتباس:
تعرفي مرة القصي دي حكاها عوض الجاز ماهو عارف نفيسي دي حبوبتي ام ابوي عدييييييييييييييل ههههههههههههههههههههههههه |
اقتباس:
باقيلي ان بقيت تميتلك باقي القصي يتلخبط عليك شيت القعدات ضُمة ضُمة هههههههههههههههههههههه |
اقتباس:
كيفنك ابوي ياخي الجوز دة في اي قرية في الشماليي في بس كيفن تباريهن انا غايتو كنت مباريهن ومتكيف منهن هههههههههههههههههههههههههه |
اقتباس:
محبتي الاكيدة |
اقتباس:
بس قول يا رب نفيسي دي والله حكاويها آآبيخلصن |
اقتباس:
باقيلي حبوباتي ديل ذاتن الختن نظرية قعدات العرقي ههههههههههههههههههههه |
الله يجازي محنك يا طارق
ضحكتني ضحك غايتو باقيللي لو اتشبكت في المخدرات كان طلعت برا الشبكه بس ربنا يستر بعد دا |
| الساعة الآن 01:21 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.