مشيرة حسن جاية بى قطر كريمة
Musheera Hassan
Location السودان - أم درمان ليها 3 يوم ولسة ما وصلت دق ليها الدلوكة يا فيصل سعد وقول ليها بان عليك الأمان يا ناس أمدرمان |
اقتباس:
احدك مبارك يا مقدس....زولتك دى يكون قطر كريمة انقطع بيها فى ابوحمد....واحد رباطابى اداهو عين..... |
اقتباس:
صباحك فل يا أبو على .. أنا قلت مشيرة دى من أمدرمان وكاتبة إسما بالإنجليزى يا ربى تكون بت حسن فرح :biggrin::biggrin: الله يكفيها شر عين الرباطاب .. غايتو أنت وشوقى بدرى عينكم بارده :biggrin::biggrin: |
مشيرة حسن من حوش بانقا
عمر حسن كان معجب بأخته مشيرة حسن، وكانت تربطهم علاقة روحية متينة عشان كدة قرر عمر حسن بتسمية أول مولود له باسم شقيقته وكان اول مولود ولد، لذلك قام عمر حسن بتذكير الاسم وسمى ولدو مشير وكان مشير عمر حسن الرئيس السوداني الذي حاز على شهادة غينيس في الوثب هذا التوضيح وجب علينا في ادارة سودانيات اضاحه حتى لا يختلت الحابل بالنابل أسعد/رئيس لجنة التسجيل بمنتدى سودانيات |
تحياتي للجميع
رأفت ميلاد تحياتي..............
أحييكم علي المنتدي الجميل جدا:smile: وربنا يديم التواصل |
لاحولاااااااااااااا ي أسعد انتهيت مني مالقيت الا عمر البشير
امدرمان الدخلا في حوش بانقا شنو:smile: |
اقتباس:
حيث يعمل المراسل على جمع البيانات الشخصية للطلبة الجدد قبل تسجيلهم وكان التقرير يقول انك فعلا من حوش بانقا وبعد ما ولد أخوك تولى رئاسة السودان قام جابكم العاصمة، ولكن الرئيس خاف من لخبطة الكيمان ويقوموا الناس يغلطوا ويتعاملوا معاكم نظرا لتشابه الأسماء، فقام اشترى ليك فيلا في ام درمان وهو قعد في القصر الجمهوري... ونحن من طرفنا وعلى حسب هذه التقارير قمنا بالموافقة بتسجيلكم، لأننا نحن هنا منبر حر نتقبل الشيوعيين والرمتالة والكيزان وحتى أقرباء الرئيس... ما عندنا قشة مرة لكن لو البيانات دي ما صحيحة، عليه سيتم رفع عقوبة على المراسل اسامة معاوية بخصم 3 أيام وسيتم سحب العضوية منك، عليه نرجو منك تسليم الباسويرد لأدارة الموارد البشرية تاني مكتب علي يدك اليمين... أسعد/رئيس لجنة سحب العضوية |
مرحب بيك يا مشيرة
حبابك و طاب مقامك قطع شك.. |
اقتباس:
سحب العضوية ممنوع يرأسها عزابي :biggrin::biggrin: |
اقتباس:
نعم اللائحة المعدلة أجازت الكلام دا ولكن هناك بند في اللائحة اذ ينص على أي تعدل لا يتم العمل به إلا في الدورة التالية بعد التعديل... عليه سيتم العمل بهذا التعديل في الدورة القادمة أسعد/رئيس لجنة تعميد التعديلات في اللائحة |
ماتشتغلي ب اسعد دا كتير
زول عزابي مقطع ماعارف يعمل شنو وراسو جايط شديد ومافي واحدة عايزة تقبل بيهو وما رئيس اي لجنة هنا فقط رئيس لجنة غسيل الهدوم والكبابي والحلل يوم الخميس في بيت العزابة بتاعهم ف شنو مرحبمبك وحبابك عشرة كان مشيرة رتبة او إسم وادخلي لاجوه البيت بيتك تب قششششة ماتعتر ليك اقول قولي هذا واستغفرالله لي........................ |
رسونا على بر
بت الدكتور حسن فرح وال دي لخبتة الكيمان القالا أسعد مرحباً بك يا مشيرة والدار دارك بدون شك |
اقتباس:
يا باذخ الموضوع قلب و بقت: الليلة مافي امان يا دنيا مافي امان نمشي المسالمة هناك نقابل الحبان تحيتي لابروف سلام لبيت المال |
اقتباس:
ولكن على رأي المثل القائل (فوق كل مجلس ادارة يوجد لوبي) مع ناس اللوبي بكونوا عارفين أعضاء مجلس الادارة لكن اعضاء مجلس الادارة ما بكونوا عارفين أعضاء اللوبي أسعد/رئيس لجنة تسيير اللوبي |
يا جماعة البوست ده بتاع مشيرة جايا كدارى ما تلخبتوا ليها راسا
مرحب بيك يا مشيرة خشى بكراعك اليمين |
| الساعة الآن 11:58 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.