******رحـــلة بين طيـــات السحـــــاب..لندن الخرطوم و بالعكس..توجد صور******
أشتاقكم أحبتي
قبل إسبوعين...قررت السفر فجأة للخرطوم لمناسبة عائلية لم تكن مخطط لها دربكة و تسوُّق علي عجل غشوة للسفارة السودانية و مكاتب الطيران وووووووووو أخيرآ هدأت نفسي بعد إستقلالي للطائرة نترك كل تفاصيل الرحلة لوقت آخر أو ربما في يومياتي وصول الخرطوم وقت المغرب..كتّاحة ليها ضل (ربنا ستر أن لم تتأخر الطائرة) كمية من الأجانب..هنود..صينيون..أوربيون...قليل من العرب و السودانيين نظرة نارية من موظفي الجوازات لإحدي الأوربيات التي أتت و هي تلبس جينز ضيق و بلوزة عارية بحمالات و طبعآ أولاد الذين الذين بشعوا بالبنات و مرمطوهن علي أبواب الجامعات و الشوارع و مداخل المستشفيات.لن يستطيعوا أن يفتحوا(قداديمهم) أمام هذه الخواجية التي بادلتهم النظرات بأجمر( من جمر) منها . عالم تخاف ما تختشي :( .خاصة أن بعض موظفي الأمن و الجوازات كانوا يتخطون الصف مع بعض الجوازات و الأجانب من ذوي المعرفة و الصداقة و الذي منه العفش و الإنتظار في السير الوحيد الذي إمتلأ عن آخره بالعفش من كل الرحلات القادمة و حتي الكارقو ...غسالات؛ تلاجات و حاجات تانية مشحونة و بها علامة الدي إتش إل (أول مرة أعرف إن رحلات الكارقو بتنزل عفشها سوا سوا مع رحلات المسافرين العادية....عجبي يا سودان :eek: ) سير عفش آخر بالقرب متعطلآ يعلوه الغبار بعد حراق روح و إنتظار ساعتين خرجنا من المطار لأجد الكثير من الأهل بإنتظاري و بعد السلام و العناق توجهنا لمنزلنا و قد كانت لنا مناسبة عائلية في اليوم التالي و البيت يمتلئ عن آخره بالأهل و الأحباب و ما أجمل لقاء الأهل و الأحباب نواصل........... |
اقتباس:
دة السودان يا حنينة ما تنسى اى شئ ماشى بالغلط والعكس .. وما من حق زول يقول لييييييه ؟؟؟؟؟؟ تسجيل حضور ومتابعة .... قلبى على وطنى ... وقلب البشير زى الحجر :mad: |
الغالية حنينه حمد لله علي سلامتك ياست البنات .ورحلة سعيدة ان شاءالله ..الحمد لله شفتي الاهل وقابلتي الاصحاب والاصدقاء واسعدنا الله بسماع صوتك ...حقيقة كنت سعيد جدا جدا بلقاكم .. عودا حميدا ياستي وان شاءالله السفرة الجاية تكون مجيهة وعدييييييييييييييييلة ...وتنزل بيك الطايرة في المطار الجديد( دي امنية يعني ) السودان خليه ساكت ياحنينه ..تشوفي العجب العجيب ..ربنا يستر علينا بس |
اقتباس:
و الله صدقت..تعرف رغم كل شئ و قصر المدة إستمتعت بزيارتي أيما إستمتاع أما عن ليييييه..فقد قلتها كذا مرة..و الناس مستغربين يا أخوي لأنه الناس بطلت تقول ليييه يعني They just have to get and live on with it و بس و لسة جاياك بالباقي خليك متابع تحياتي لخنساء و الشباب |
اقتباس:
كان إتصالك بردآ و سلامآ علينا و سعدت بسماع صوتك اقتباس:
اقتباس:
|
من ملاحظاتي بالمطار
رغم وجود أحد أقربائي من العاملين بالمطار أصر أحد الحمالة و هو يجر عربة علي وضع عفشي قسرآ..بل إختطف الشنطة إختطافآ من يدي ليضعها علي الترولي و لم يأخذ رأيي أو يعبرني حتي و لقيت عفشي يسبقني و أنا أجري وراءه في محاولة للحاق به قريبي (الخبرة) لم يعترض و ترك الرجل يفعل ما يشاء مهرولآ بالعفش عادة أقوم بالتصرف في عفشي لوحدي و أحب أن أغشي السوق الحر مشترية ..متفرجة أو فضولية أقرأ تواريخ إنتهاء المأكولات والمشروبات:rolleyes: :D ََََََ عند خروجنا من المطار مد قريبي بكل برود للرجل ورقة نقدية بقيمة 2 ألف جنيه قلبها الرجل ممتعضآ من ضآلتها بحركة تطابق تمامآ ما نراه في الأفلام والمسلسلات المصرية. :) في طريقي للخروج لاحظت إنه صاحبتنا التي ترتدي البلوزة أم حمالات تمتطي إحدي عربات الأمم المتحدة مع البوي فريند الذي يرافقها :rolleyes: ( أطلقت عليها خواجية وهي أقرب شكلآ للبرازيليات وتحمل جواز قرأت إسم رومانيا عليه... و رومانيا أصبحت من الإتحاد الأوربي منذ قرابة العامين) عرفت إنني في بلدآ تاني غير الذي أعرفه و كدت أن أردد مع أمين ...يا ربي أنا وين و لكن..برضو بلدي نواصل |
الحنينة
سلامات وحظك كنت في السودان عودا حميدا غيداء |
العزيزة / حنينة . .
حمداً لله على سلامتك . . . حقيقة السودان بلد العجائب والغرائب . . لا يوجد قواعد أو نظم لسير الحياة ( مركب على الله ) لا يوجد شئ إسمه المفروض كده أو ليه . . وهذه المفردات أصبحت عند الناس سمة تميز القادمين من خارج السودان لأن من داخل السودان زي ما بيقولوا متوقعين كل حاجة عشان كده ما بيقولوا المفروض يحصل كده ولا ليييييييييييييه . . في إجازتي الأخيرة قبل شهر وشوية قررت في يوم ما أن أذهب وأشترى حاجيات البيت من سوق الخضار رغم رفض الوالدة لذهابي ولكن أصررت على الذهاب ( شلاقة بس كدي ) وعند أول بتاع خضار قلت ليه الرجلة بي كم فقال 3 ربطة بـ 1000 جنيه . . أنا لا أعرف الأسعار حقيقة ولكن لساني نطقها لا إرداياً وقلت ليهو ( لييييييييييييييييييه ) . . فقال لي بس كده وعشان المغتربين الوهم الزي كده . . وبعدها أداني محاضرة طويلة ملخصها إن عجبك . . . وإن ما عجبك أشرب من البحر . . وحقيقة هذا هو المنطق الذي يتعامل به الجميع حالياً . . من مرافق دولة أو قطاع خاص أو عام لا قواعد لا قوانين ولا هم يحزنون . . ربنا يستر . . شترة ( على قول حمدي ) وين الصور ؟؟ أول مره بورداب الخرطوم يعملوا جلسه وما فيها صور . . وإنت كمان تعشمينا في عنوان البوست بي صور وندخل ولا نلقي حاجه ( ليييييييييييييييييييييييييييييييه ) ؟؟ |
اقتباس:
أولاً.. حمداً لله على سلامتك... وبركة الشفتي الأهل وشافوكي ورجعتي بخير وعافية... والحاجة التانية شيل الحال عليك الله لزومو شنو ؟؟؟(أقضوا زياراتكم بالكتمان!!! :) :mad: :p :mad: :) :mad: :p أها عاد لا وين؟؟؟ لك الود كله بلا حدود... وإجازة سعيدة... أبو الحســـــــــــين.... |
حنينة حمد لله علي السلامه ذهاب وعودة ..
وانا اقول السودان مالو كان منور كدا :D :D منتظرين وبنعاين لباقي التفاصيل .. |
أهلين الحـنينة
بركـة المشيتي و مبروك الفرحات بركة الجيتي برضــو دايرين صـور الخرتوم صـورتك تحديدآ تكون كبيييييرة بإهداء لمعتصم الطاهر مكرر قرض سي سي الطيب بشير :rolleyes: و بعد داك نشوف |
العزيزة أستاذتنا حنينة
ربنا يديم الأفراح الليل العديل .. والزين . غِنوة وما أحلاها ، على شفاه المُحبين اليتامى . كانت الدنيا أرحب عند رؤية الأحباء يتقاطرون من أطراف الدنيا .. يعبون الأفراح مع الذين جملتهم أحزان الوطن .. سمعنا صوت سيدتنا في التلفنة ... قال الشاعر محمود أبو بكر : قالوا ليهو القطر تقدم و كافرة نيرانو زي جهنم كلموهو .. ألموهو .. علموهو الانفعال أرخى سمعو ..وأجرى دمعو .. البرِق سَمعو كال و هال .كم تألم ..ما تكلم .. إلا تمتم في المقال . أهلاً بكِ في الموطن الثالث هُنا ولنا عودة |
اقتباس:
تسلمي و الحمد لله فعلآ محظوظة بشوفة أهلي و حباني و بالأكتر أعضاء سودانيات |
العزيز أبومناهل
تحياتي فعلآ كل زول هناك بيتصرف بي منطقه هو أو هي لا ضابط لا رابط لا قوانين أما عن المواعيد فحدث و لا حرج يديك الزول مواعيد الساعة 8 صباحآ يجيك الساعة 2 بالضهر ولا إعتذار و كأنه دة الشئ الطبيعي تصدق حتي الفنانة مواعيدها الساعة واحدة بالضهر حضرت الساعة 4 بعد مطاردتها بالموبايل بتاع السيد زوجها عازف الكي بورد علمت إن تلاقيط الرزق هناك كدة...لو حتي عندك إرتباط ما تقول لأ أنا مرتبط تقول جدآ و بجيكم في الوقت و تاخد العربون عادي و تمشي تقضي شغلتك و بالدور و كان ما كفاك اليوم خليهو لليوم البعده أو بعد بعده أو حتي ما تجي خالص..ما مهم دة ينطبق علي 99.9% بالمائة من العاملين من نجارين حدادين مكوجية سماسرة أو أي عمل خاص آخر و حتي الحنانات مافي أي إحترام للمواعيد و للأسف دي السمة السائدة إذا إعترضت إذن إنت أكيد مغترب و ما فاهم اللعب ماشي كيف في البلد موضوع المواعيد دة أنا موجوعة منه شديد, صحيح كتير في البلد..لكن وحياتك حتي برة البلد عن الصور شيل الصبر جاياك لما نصل لي لقاء سودانيات و من هنا أناشد من له إعتراض علي إنزال صورته/ا إعلامي عن طريق الإيميل أو الميسينجر |
أبو الحسين
اقتباس:
اقتباس:
|
| الساعة الآن 02:46 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.