راجل المرة حلو حلا
فى زيارتى للخرطوم التى عدت منها للتو : كنت أسوق عربتى بشارع ا لانقاذ بحرى ,, حينما تخطتنى حافلة .. ألتفت الي كل من بها و هم يهتفون بالغناء ... "راجل المرة حلو حلا" .. و يجب ان أذكر هنا ان كل من كان بالحافلة هم من الرجال :confused:
زيارتى الى السودان التى امتدت لاكثر من شهر و نصف تركتنى فى حيرة و حسرة كبيرين .. أو ربما قد اكون قد سقطت من الثقافة العامة (Popular Culture) بحكم عامل الغياب ( أو عامل آخر (: هل وصلت النساء فى بلادى لهذه الدرجة من اليأس ؟؟ ............................ غايتو عمر البشير العملا فينا .. الله يستر ح تودينا لى وين .......................................... |
عزيزتي ندى راجل المره بقه يغنيها نساء ويرقصن طربا عليها يعني راضيات بلحاصل والجاي أعظم
|
نرجو معرفة الشاعر
و الملحن لو سمحتي !!! |
الأخت/ ندي
سمعتها قبل يومين رسل ليه صديقي من لندن ايه رايك الاغنية بغنيها ولد في سي دي وواحد برقص غايتو قصة عجيبه انا عجبتني الموسيقي ما انتبهته للاغنية في النهايه انتبهته للاغنيه غايتو كارثه تاريخيه اي حاجه بنوها اهلنا زمان هديناها بسرعه رهيبه جدا كانو عايزين نتخلص من الموروث الجميل بتاعن وعايزين نتنكر ليهم وولطريق الزرعوهو لينا انا شخصيا ما بستغرب اي حاجة ممكن تحصل زمان الواحد بندهش لكن الان اي شئ ممكن ما دام ما عندك واعظ ديني يردعك اعمل اي شئ مع تحياتي |
اقتباس:
|
ندي عبد المنعم في السودان ولأكتر من شهر وكمان رجعت بلاد الله البعيييييييييده ديك تاني ؟؟!!!!!!!!!!!!!!!!!!!!!!!!!!!!!
حاجه غريبه يا الملكه مش كده ؟؟!!!!!!!!!!!!!!!!!!!! ده نقول عليهو شنو ده ؟؟ إستغني ولا إستغني ولا إستغني ولا يمكن يكون ......... إستغني ؟؟؟!!!! وبعدين ما ندي براها .... كتااااااااااااااااااااااااااااااااار السمعنا إنهم دخلوا ومرقوا من غير لا إحم ولا دستور ... ولا يهمك يا الملكه ...... مرة الراجل دي شينه شناة مكعبره كعبره شينه شناة ملقوسه جدا شينه شناة ملخبطه خالص شينه شناة ومرة الراجل دي شينه شناة بث كده علي وزن راجل المره أها تاني تجي المولد يا ندي ؟؟ |
الاعزاء
: زهرة الحياة محمد إبراهيم قرض نزار حسن على ملكة سبأ ناصر يوسف شكرا للمداخلة و التعليق .. الغا ليين : ملكة سبأ و ناصر يوسف ,, معلييييش .. ليس إستغناءا و الله (و أنا أطول) .. بس و الله الشديد القوى ... العودة الى السودان بعد غياب طويل له أثر "الصدمة" على الانسان ... مررت بظروف مرضية صعبة بداية و صولى ,, ثم أنشدهت فى الجرى و راء المجاملات (خاصة العزاءات) التى تراكمت بغيابى .. تمنيت ان أتواصل مع كل الاحباب بسودانيات بالوطن .. و لكننى و ددت ان تقابلونى فى ظروف أحسن من التى كانت .. أعدكم بزيارة خاصة المرة القادمة و التى اتمنى الا تكون بعد غياب طويل يجعلنى أشعر بأنعدام الوزن كالذى عانيت منه هذه المرة.............. -- ------ الاخ العزيز قرض : و الله ما عارفة الشاعر و الملحن و لكنها أغنية تغنى ببيوت الاعراس (شفت قوة العين) و يتغنى بها المغنيين من الجنسين .. أتمنى ان يكون لدى أحدهم الاغنية و يقوم بأنزالها .. سأحاول أنا كذلك ... بعض الطفلات (شفت المصيبة) من أفراد الاسرة كنا يتغنين بتلك الكلمات (التى قمن بتلقينها لابنتى ذات التسع أعوام): ترة .. شمار و توم و كسبرة ... راجل المرة ده حلو حلا .. مرتو القديمة لا حنة لا دخان مرتو الجديدة حنة و دهب ودخان بالمناسبة : قمت بصياغة أغنية موازية ,, (كيتا فى عين العدو ) و لقنتها لا بنتى: راحة .... موز .. و منقة .. و تفاحة مرة الراجل دى سمحة سماحة رأيك شنو يا ناصر ..... |
يا ناس وقت ما لقن عرس ما تخلوهم يغنن\وا
وزى ما قلتى عمر البشير وصل الناس لى مثل ده الغناء ما احسن من الما ممكن نقولوا لكن البنات والاولاد بيعملوة !!! ندى لك الود والسودان جميل بناسوا وطيبتهم ........... ................................هنداوى .................................... |
اقتباس:
حمد الله على السلامة بالله ديل كانوا رجال؟؟ يبدو إنهم رجال نسوان. أو ناويين المثنى و ثلاث و رباع.و كانوا يسوقون أنفسهم :D :D selling themselves ..دعاية مجانية يعني في حافلة ثقافة العلاقة بين المرأة و الرجل إختلفت إختلافآ جذريآ منذ أن أتي هؤلاء.. و من أين أتي هؤلاء؟؟ أتوا من مجتمع واضح إنه هش..بدليل تراجعه بسرعة الصاروخ للوراء..بالذات فيما يخص المرأة فالتغييرات من 1989م و حتى الآن...يعجز أي إنسان أن يستوعبها و قد محت أي إستنارة سبقتها.. لكن ..ألوم نساء بلادي للوقوع في الشرك المعد لهن بعناية يا أخواتي..تزوجن من الأجانب الذين إمتلأ بهم السودان,فقد قابلت الكثيرات المتزوجات من إنجليز و هولنديين و غيرهم..و يعيشون في تفاهم و إحترام و مودة وهو أفضل الخيارات من((راجل المرة الما حلو دة)) و يا ندي عافية منك إنك قلبتي كلمات الغنية لبنتك..و هو سلاح قوي بالمناسبة تحياتي |
العزيزة ندى..
بركة بسلامة الوصول إلى مقرك و بيتك و مطرحك...كان نفسي أقابلك لكن بتكوني سمعتي بالحاصل :rolleyes: إنشالله نتلاقى في ساعة خير... ... يا ستي أثبتت معظم الدراسات الأنثروبولوجية أن أغاني البنات مرآة لما يحدث في المجتمع ..تماماً كما تعكس النكات السياسية حالة الكبت و القمع. كنت قد كتبت بوست طويل عريض بخصوص الموضوع ده...خليني أتفرغ يوم للبحث عنه... بالنسبة لراجل المرا...فقد أدعى بعضهم/ن أن المقصود به هو رئيسنا المصون خصوصاً في المقطع القائل شينة مرتو الكبيرة... حلوة مرتو الصغيرة... و... الكبيرة مسكتها الغيرة... -------------------- تعالوا شوفوا فِلانة... الوش ممسح بالديانا.. و .. الوش حالتو تعبانة... و كان الجميع يتحدث عن حسرة الكبيرة عندما أصبحت الصغيرة هي سيدة المراسم و المؤتمرات لجمالها و حسبها و نسبها...و قيل لذات الدين....شُلٌت يداك...!! المهم يا ستي...في كل الأحوال تعكس الأغنية ما يحدث في المجتمع من ظواهر و حالات ...إيجابية كانت أم سلبية... كفانا الله و إياكن...شر الغيرة و الديانا ...و الحالة التعبانة... :D |
الأخت ندي حمد ألله علي سلامة الوصول
بالمناسبة أتصل بي العم عبد المنعم بخصوص الوصية وأن شاء ألله نذهب لهم قريبا يسديك العافية |
العزيزة ندى
سلام وكلام . الله أمانة ما مات راجِل مَرَة ! طيب أنا لو رجعت السودان لمُدة اسبوع ، بعد أكثر من عشرة سنوات .. حتلاحقوني .. : لا حِس لا خبر ؟ والمشكلة الكبيرة أكون زرتَ السودان ، ولا من شاف ولا من دري .. حتى أخي جمال لم يعرف . يالا أنا مُستعِد ( للبُطان ) بُطان دي لى ناس خالد ولى فوق :D |
الاخ هنداوى::
لا ما نع لدينا حينما كان الغناء للرجل يقول كهذا: "يا ما شى لى باريس جيب لى معاك عريس شرطا يكون لبيس ..من هيئة التدريس" التوق للشريك لا يعيبه شئ .. لكن اللجؤ لتشويه صورة" القديمة" لزوم "الاحلال" لا يقبله منطق و خلق سليمين و لا شنو ؟ |
Mohammed
غاية الشكر لك لانزال الاغنية ...إن شاء الله ما نعدمك .. بس ما قلت لي أنت رأيك شنو ؟:) |
العزيزة ممكونة...
سلاااام ... الكلام دة بخصنا عديل كدة يا "دفعة" .... :p غايتو أنا كان كنت مستقرة فى السودان و راجلى بسمع الكلام دة كل يوم .. كان ح أصور لى قتيل.... لكن يبدو انه أعصابكم بقت حديد ما شاء الله.. ما زينا ... تخلعنا كلمة "صغيروونة".... أتعاطف مع زوجة عمر البشير "القديمة" ........ما تستاهل جنس شيل الحال دة .. سمعت انه شرطة الاداب العامة (او شئ من هذا القبيل) منعت رسميا التغنى بهذه الاغنية .. يكون عمر البشير خايف من "الفتنة الداخلية" ... :) :) |
| الساعة الآن 08:58 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.