هل الجعليين هم اكثر قبائل السودان يتصفون بالذكاء
كنت اشاهد برنامج تم بثه فى قناة النيل الازرق وقد استضيف فيه احد المختصين
بمقاييس الذكاء فى مجمل حديثه ذكر بانه من خلال الدراسات الميدانية التى اجروها فى مدارس الموهوبين المنتشرة فى العاصمة وجد ان غالبية التلاميذ الذين حققوا درجات عالية فى احراز درجات عالية حسب مقاييس الذكاء العالمى ترجع اصولهم الى قبيلة الجعليين الامر الذى حمسهم الى ارسال بعثات ميدانية الى مناطق الجعليين كجبل ام على وشندى والمحمية لاجراء ورصد وعمل بحوث لسكان هذه المناطق حسب المقاييس العالمية |
اقتباس:
اولا مشتاقون وجدا تانيا ياخ يا تو اساس علمى استندو عليه !!؟؟ يعنى انحنا فى السودان خلاص اصبحت عندنا مراكز بحث علمى ووصلت لدرجة قياس الذكاء بين القبائل ؟؟؟؟ لاحظ انه دا كلام زول شايقى :D مودتى يا جميل |
الاخ طارق مشتاقين والله
البرنامج هو كان مساء جديد والحقيقة الضيف توسع فى الموضوع عن ذكاء الجعليين اظن انه استاذ فى جامعة الخرطوم اما كلامك ده كلام شايقى بقران ساهى :( :( بعد شوية ما تغلط فيهم انا جدتى عن طريق الام جعلية يعنى عندى فى الجعليين عود مرة |
عمر صديق يا قريبي
سلام هنالك صراع قديم بين مدرستين، فيما يختص بالسـلوك، و هما: 1/ البيئة 2/ الوراثة الذين تبنوا أهمية الوراثة في تشكيل سلوك الفرد كانوا عنصريين بغيضين..قالوا بسيادة الجنس الأبيض و أن الألمان و البولنديين "مثلآ" أفضل سلوكآ من السود لأنهم ألمان و بولنديون!! ناس البيئة بيفتكروا انو لو تمت تنشئة سليمة لطفل أسود فسيتفوق على أبيض نشأ في بيئة مجوبكة..و بالتالي البيئة المحيطة بالناشيء هي المسؤولة بالأساس عن سلوكه.. و على ذلك نقيس أمر الذكاء..لأنه من الممكن تنميته، و هذا أمر البيئة قرأت عن هذا البحث بالقرية الأخرى..و لم أشأ التعليق لحساسية الأمر..هنا في بيتنا سودانيات أستطيع أن أقول إن دراسة سمجة كهذي تورث البغضاء و تكرس لسخف لا حد له.. هل وقف الباحث على العوامل الأخرى؟.. تأثيرها؟ لماذا لم يتم التحدث عنها؟ أقول قولي هذا و أنا نصف جعلي!:mad: خلاااااص يعني عدمنا المواضيع عشان الزول دة يجتهد لتوضيح أحقية الجعليين بالسيادة..يعني هسع عمر البشير دة (ختري)؟:eek: سلام يا عمر صديق . |
اقتباس:
يا الحبيب أهلنا الجعليين وحسب درايتنا المحدودة بهم!!!! رجالتهم مشهودة وأنا لو سألوني شايف الشوايقة أشطر والمحس أنبه والهدندوة أعرق نسبا وناس تلس أجمل نساءً والدينكا أكثر طولاً والزغاوة أكبر ثراء والدناقلة أقدم في الترحال والرباطاب سريعي بديهة والزيادية أنا منهم وبيهم:D وأهلنا الأقباط أكثر تنظيما وكل زول عندو ميزته لكن قالو البي يدو القلم ما بيكتب نفسو شقي وأهلنا الجعليين حاكميين وخليهم يقولو ذي ما دايرين يقولو |
كانوا يدخلوا البشير عشان نشوف اشطر ناس ولا لا:D :D
|
الأخ/بابكر...برضك ما عدلت في تقدير ذكاء الآخرين ، واللي في إيدو القلم ما بيكتب نفسه شقي.
مع ودي. |
نظرية خاطئه الذكاء موهبه شخصيه وليست موهبه قبليه
طيب ماحاول يمشي ليه القبائل الاخري عشان يثبت نظريتو دي ؟ |
الأخت/ يسرا .. الحكاية كلها في عقدة انتماؤنا لهذا السودان الافريقي الذي نستمتع بأرضه ونيله.مع ودي،،
|
بعضنا يقول انهم لحمنا ودمنا وبعضنا يصفهم بالعوارة ودا كلام رباطاب-
|
اقتباس:
سلامات لا ارى فى تناول الامر اى محاذير ولا ارى ان الامر يورث البغضاء انا من المؤمنين بوحدة هذا السودان واكره النظرة الاستعلائية هو مجرد بحث قد يقبل الخطا والصواب وعندما اعرض موضوع من اجل التعرف على صفات القبائل ولا وحدة الا فى ظل تنوع بالاضافة الى ذلك نجد ان قبيلة الجعليين قبيلة قومية اما ان عمر البشير خترى وعندما ما نتكلم عن الجعليين ليس بالضرورة المعنى عمر البشير وليس هو رمز لهم او بمثلهمهم فانا مثلا اكره الجاز وعلى عثمان هل معنى ذلك اكره قبيلة الشايقية |
الاخ بابكر مخير
تحياتى فعلا اى قبيلة بتمتاز ببعض الصفات فيقال مثلا عن النوير شجعان ومقدامين فى الحروب اما عمر االبشير فانا اراه مجرد واجهة للجبهة فبقائه فى الحكم كل هذه المدة ليس ذكائه انما بالقهر الذى مارسه هو وحزبه مع خالص تحياتى واحترامى |
اقتباس:
|
الاخت يسرا
والله نتمنى ذلك |
اقتباس:
وهذا خاطى |
| الساعة الآن 07:32 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.