همّتكــم يا أحبــاب
ملاحظة:
خفّ إيقاع مشاركات الناس بعد الإنتقال للمنتدى الجديد، وقبل الإنتقال بأيّام.. أفهم أسباب ما قبل الإنتقال..الناس تكسل تشارك في صفحات ستغلق بعد قليل، لكن بعد الحوش الجميل الجديد.. الناس سببها شنو؟ بل هناك بعض الأقلام كانت نشطة ومداومة، قد إختفت أو شبه إختفت، يا مجدليّة طلّعي كراسِك، عكــود |
العزيز / عكــود
لك التحايا الطيِّبة ،، أتّفق معك في ملاحظتك ؛ وفي رأيِّ أنّ قِلّة المشاركات ، نابعة من " عدم التعوّد " لغالب العضوية ، مع المنتدى الجديد . في مثل هذه الحالات ، فإنّه من المتوقّع ان تزداد وتيرة المشاركات مع مرور الوقت ، ويساعد في المسألة ، تنشيط " ذاكرة المنتدين " بموضوعاتٍ سـبق وأن أبلوا فيها بالمشاركات الحَسـَـنة . مع اجمل التحايا ،،/ |
عزيزي جدا عكود
رمضان كريم مشتااااااااااااااااااااااقووووووووووووووووون يمكن الناس لسع بتتفرج على مدخل البيت السمح دة .. أها بعد داك بيقولوا بسم الله و يدخلوا بالأصبع اليمين ناقرين على الكيبورد. أها يا جماعة .. راجين شنو .. دمتم |
العزيز محمد أحمد،
رمضان كريم.. أولاً، يا سيدي بركة اللمّيت فيك عشان أقول ليك أني متابع وبإعجاب لكل ما تكتب، أتمنى أن تزداد الوتيرة ولا ننتظر طويلاً، وبالفعل، هناك بعض البوستات في المنتدى القديم من الممكن أن تعمل على شكل "خمّار"، أرجو أن تأتي الإدارة ببعضها، خاصة التي لم تنتهي فيها المداخلات بعد. لك التقدير والمودّة، عكــود |
الحبيب أبو جهينة،
يعلم الله بالأكتر، تصوم وتفطر على خير.. طباعة الكتاب لسّع ما خلصت؟ وأنا مثلك، في إنتظار نقرة الكي بورد أيضاً.. ودي ذكّرتني بود بادي وهو يقول: يا ولد..نقرات عِصيك الفي التقا عاقباها، بعد المسرة، نقرات الدليب وقد أعجبني خَمّارك الجبتو معاك "بوست زقلونا"‘ لك التحيات والمودّة، عكــود |
نحن زااااااتنا مشتااااااااقووووون
يـــا ناس |
جدآ
العزيز عكود
اقتباس:
و نحنا جاهزين تحياتي لك و أنت تسأل و تستفهم |
عم عكود والشباب
سلامات ورمضان ده ياجماعه مجهجهكم زي كده ولا كيف ؟؟؟:D ونحن نسال معك ايضا ياعكود ... ولو لاحظتو يتغيب عن المنتدي الجديد انشط ثلاثه مشاركين في المنتدي القديم (عبد الله بيكاسو ومعتصم ود العالم والموسيقار قارسيا) ولا انا غلطان ياجماعه الخير نتمني عودة الجميع قريبا ان شا الله وخصوصا انا عايز افتح لي قهوه في الركن الجنوبه من المنتدي وحنبيع فيها شيشه كمان :D شكرا عكود وياربي همتك دايما فوق في العلالي ابقو شمس مابتغيب حمدي اب جقادو [align=center]رايك شنو ياعكود تجي تضرب معانا حجر بعد الفطور الليله :D[/align][align=center]http://sudaniyat.net/vb/images/uploa...4ff68d4fa8.bmp[/align] |
الاخ العزيز عكود
سلام غايتو نحن لسه مكبسيّن في المواضيع البهناك . نتاوق بي جاي مّره مّره , أها جينا نقول سلام .. ( ونقّد عين الشيطان ) :D |
عكود
مساك الله بالخير عايز احكى ليك حاجه لكن خايفك تشيل حالى تعرف انا اربعه ايام بدخل المنتدى القديم ونسبه لضيق الوقت اقوم بكتابة ردود سريعه على مواضيع معينه دون الاطلاع على بقية المنتدى وفى كل مره لااستطيع الارسال اظن ان هنالك مشكله حتى فطنت بالصدفه الى موضوع المنتديات الجديده :eek: :eek: :eek: اها يااخوى باقى الشباب يكونو دروايش زيي كدا ولا الوان المنتدى الجديده ماعاجباهم?? |
اقتباس:
|
الاخ / عكود
والله انا مكسلنى الكيبورد شديد .. رصة الحروف مختلفة .. عن الفاتت واحتاج لفترة حتى اتعود على الجديدة .. ولا ادرى هل هناك من يعانى من الحتة دي ؟؟؟ * ملاحظتك فى مكانها تماما ... اعزى السبب انه لسا الناس ما اتعودت على اللنك الجديد .. وهى اشبه عندما ترحل لبيت جديد بتكون كاشي منو حبة .. ويصيبك شوق عارم للبيت الاول ... مع مرور الوقت سنتعود على المكان واب جقادو جاب الشيشة عوجة مافى تب :) :) |
اقتباس:
مرورك ببوست الإستنهاض...ينشّط الهمم ويحفّز الإبداع، فلنملأ المنتدى حبّاً وجمالاً وروعة، همسة: هل خفّت مشاركاتك في المنتدى الجديد..أم هكذا خُيّل لي؟ لك كل إعزاز ومودّة، عكــود |
حنينة...السنديانة الوريفة،
الله لا جاب يوم شكركم أنت وخالد.. تسلمي يا ستي على الإستجابة المعهودة، أنا عن نفسي أكون شاكراً لو رأيت البوستين ديل هنا: القصيدة القصيرة (المجادعة)، عبد الله الشقليني إعتكاف قرض وأسعد (نحن داخلين على ال 10 الأواخر) كل تقديري والمحبّة، عكــود |
اقتباس:
حاشاك الغلط والله، معتصم، مشاركاتو خجولة ويمكن إعتبارها متاوقات عصمت، مشاركاتو في إزدياد (الظاهر المكنة سخّنت) وإن كان لم يصل الفورمة المعروفة قارسيا، مشاركات شحيحة جدّاً، ما بتشبهو والسبب كما هو موضّح أدناه (لقّيط البامية إختلف بقى لقيّط قطن) الشقليني، إنقطع مرّة واحدة، يا ربي يكون إعتكف زي ناس قرض وأسعد هو كمان؟ تشكر على المرور والشيشة الكاربة، عكــود |
اقتباس:
العزيز دي مابيور، إنت الظاهر عليك راجل ولوف.. دحين خلّي الحنيّة الزايدة، وكبّس بي جاي وتاوق بي غادي، لك الود، عكــود |
اقتباس:
الجيلي والله دي ما سبقك عليها زول/ة.. يا زول دي ما دروشة بس...دي حاجة تانية أكبر ويمكن تصل مرحلة الإندراوة إنت يا شقي أصلك ما سمعت أب جقادو ده قبل الإنتقال، يجي بي أسبوعين، شايل طارو وناقرو وقال للناس المنتدى الجديد أُفتتح.. إلا الجماعة هرشوهو هرشة عدوك وقالوا لو شيل الصبر الإفتتاح يوم 15/10، حتى راق وهبط في واطة الله دي، حكايتك دي إلا نشوف أمين يفتي لنا فيها (بس هو مختفي وين؟) تحياتي، عكــود |
اقتباس:
كل سنة وأنت بألف خير ورمضان كريم... بيني وبينك لو الشيشة وصلت عثمان، ماظنّيت حجرها بيشم المعسّل تاني :rolleyes: وحيلخبط حكاويهو، وتبقى (سروال سلوى مرة معتصم وبابور حبّوبتو) و (غنماية سوسو الحبشية وتيس سعاد حمادة) لك التحية وخليك مواظب دائم يا طارق، عكــود |
صديقي عكود
والله وحاة خوتك انا زي الجيلي ماسكة ليك في القديم .. اكتب وارسل ويجيني راجع بس بقى على غنية (اعاين فيه واضحك وامشي واجيه راجع :) لمن لاقاني خالد الحاج لايصة بي هناك مسكني من يدي وجابني والله كان ما هو لقاني كنت لي اسة لايصة باقي اخيتك بتغيييب وتجي تلقى الناس فاتوها تحياتي يا رائع |
اقتباس:
إفتقدناك والله، وإسمك في بالي وأنا أكتب هذا البوست.. الله يعينك لامن تتعوّد على الكي بورد الجديد، تشبيهك في محلّو تماماً.. غير إنّك تكون كاشّي حبّة، بتحتاج وقت لغاية ما تعرف محل إحتياجاتك ويشتغل الديفولت بتاعك.. يعني أوّل يوم ده ما بتكون عارف باب البيت من ياتو إتجاه، وممكن جدّاً تخش ليك في دولاب بدل تطلع برّه.. ده غير وين البنطلون..وين القميص..وين الجزمة.. أمّا الشرّاب فأقنع منّو أول يوم ومشي حالك بدونو، تحياتي وإجتهد مع الكي بورد الجديد لامن الله يفرجها، وراجع بريدك، عكــود |
اقتباس:
أم سهى الصديقة الودودة، يا ربي ده يكون من شنو؟ يعني الجيلي ما براهو.. وأنا أقول المطبخ فاضي مالو الأيّام دي، حقّو يعملو لوحات إرشادية كبيرة وباللون الفسفوري لإرشاد التائهين والتائهات، وبرضو إنتي والجيلي كويسين، إنّكم وصلتو.. يا ربّي في كم واحد/ه متلكم كده ولسّع ربّنا ما فتح عليهم؟ لك الأمنيات الحلوة، عكــود |
اقتباس:
العزيز عكود علم وتم التنفيذ |
عكود
عرفتك حاتشيل حالى :D :D لكن...بلبت ليك فى الدره ____ حقيقه نفتقد بقية العقد... لكن انا سمعت انو امين رحل بوركينافاسو الله يكضب الشينه |
عكود ياحبوب
انت اتاريك كنت فرحان بي هرشة الجماعه لي اخوك جقجق مش ؟؟؟:D غايتو القال لو لقيت جني الشايقي وجني الدابي (اقتل جني الدابي وخلي جني الشايقي اصلو ماكضب):D هووووووي ياشوايقه قبل ماتجو تعملو لي محكمه اقرو الكلام كويس:D اقتباس:
شفت البمشي غلط ربنا بيعمل فيهو شنو (لوووووووووووووووووووول) :p عجبني ليهو (شابكني بلفاست بلفاست التقول بلفاست دي دنقلا) ابقو شمس مابتغيب حمدي اب جقادو |
اقتباس:
تشكري وإن شاء الله دايماً حاضرة.. بس سجّلي عندك أمين أول زول غايب، وما عندو عذر عدم معرفة الدرب.. تاوق وزاغ، عكــود |
اقتباس:
وده حالتو أمين لسع ما جاك.. شايف أب جقادو شمتان فيهو.. ده القلنا حيقفرو لينا، عكــود |
اقتباس:
بالله أي زول دخل البوست أداك كلمة على أجنابك، سمعت بالردوم زيدو كوم؟ مع إنّك ما تستاهل والله يا دنقل.. بس إنت الدابي خليهو..ما سمعت ب: إذا جاورت في الفردوس دنقل.................... تمّها براك، تخريمة: النعام آدم جاييك في الدرب قريب إن شاء الله، عكــود |
عزيزي الكامل " عكود " تحية اكتوبرية ، رمضانية ،، عميق تقديري ، على ما جاء بتعقيبك عن مداخلتي الاولى بهذا البوست ؛ ولا يسعني إلآ ان أقول : لوكنتُ أعلم بمتابعتك واعجابك ، لاستكثرتُ من التجويد ، ما استطعتُ .. أو كما قال ابن مسعود : لو كنتُ أعلم ، لحبَّرتَه لكَ تحبيراً ، وذلك حينما عَلِمَ من النبي " ص " ، أنّه قد مرّ ليلاً وأُعجِب بترتيله .. نُبادلكم إعجاباُ بإعجاب ، ونستفيد كثيراً من مطالعاتنا لبوستاتكم الوريفة .. فمزيداً من التوفيق ،، ودمتم ،،/ |
اقتباس:
شكيتك على البزوروه الحفايا و العرايا ....عشان تشوف الشيخ الكارب ده ... بس أوعى تقول لي ده حوض السباحة ... : :cool: :cool: تحياتي يا حلوين .. أمين |
اقتباس:
بس أبجقادو ده زول ختري ...خايفين ننقرن فيهو و يقوم يرسل لينا فايروس أو كمان يهكرنا ظاااااااااااااااااااااااااااتو ... بس تعرف يا عكود ..حمدي ده علا نلبد ليهو في زاوية كده و تكون الكهبرة مقطوعة .... :D :D تحياتي يا حلوين .. أمين |
اقتباس:
زي الكاشف أخوي (( الجيلي )) أشيل و أردم في المنتدى القديم لأنه كنا متعودين عليه لمن جا أبجقادو ده و دوش لينا راسنا زيادة بالشرح الكتير ده .... و أنا قلت ينكن خالد الحاج جمد عضويتي ....بس راجعت نفسي و لقيت أنه مافي أيي زول ينكن يشتكيني ...شكيته على البزوروه الحفايا و العرايا ... أها شوية شوية أتعودنا على البيت المضروب جير جديد ده ... ;) ;) تحياتي يا حلوين .. أمين |
اقتباس:
لمثل هذا أتابع ما تكتب وبإعجاب.. لك كل مودّة وتقدير، عكــود |
اقتباس:
ومن شابَه أخاه ما ظلم.. لايصين إنت والجيلي، الله يديكم العافية.. وما براكم، أم سهى أخدت لها لوصة برضو.. إلا مسّكوها الدرِب، أمّا، من ناحية الشكوى، إنت ما دام مرقت من الكبيرة دييييييك.. ومافي زول/ة إشتكى/ت وما حصل تجميد عضوية، تاني ما بتجيك عوجة، لا تطوّل الغيبات الله يرضى عليك، عكــود |
العزيز عكود
تحياتي لك.. ولكل الناس وكل سنة وانتم طيبون انا غبت عن المنتدى فترة ، وحاولت الدخول لكن كنت دايش ومتعود على القديم، وربنا فتح لي مخي شوية كده وقمت بالدخول للمنتدى الجديد ، أكيد يكونوا في ناس دايشين زي وابقوا عافية |
[align=justify]سلاماااااااااااااااااااااات
كيفنكن ؟؟؟ مشتاقين كتير والله ومتأسفين على الغياب وإنشاء الله حنشد الهمة معاكم وما بنقصر تب ويا نسمة كيف أحوال أهلنا وحينا ؟ أحكيلي .. عاد ما باقي طولوا مننا ؟ زي ما دوام طارنهن .. طارننا ؟ زي ما بنشيلن في القلوب .. شايلننا؟ ؟؟؟؟؟؟؟؟ كل الود ليكم قواسييييييييييييييب ولا قيسااااااااااااااااب المهم [/align] |
اقتباس:
حمد الله على السلامة.. السهّل طريقك..يسهّل طريق الدايشين الآخرين كمان، لأنو أكيد في غيرك كتير، سعدت بطلّتك هنا، عكــود |
ندى العزيزة،
غيابك طال وإفتقدناك كتيييير والله.. وشد الهمّة ما يبقى كلام والسلام.. ننتظر مشاركاتك ذات الطعم الخاص، أمّا النسمة فقد وصلت وسألت واستفسرت..وحمّلناها الرسالة التالية: يا المشتهنّك في غيابك بالنا بيك ضمّة إنشغل والنوم وراك يبقى لنا شر..فارق عيونّا خلاص رحل ضايقين متين ترجع تعود نسأل متين قطرك يصل حارسين شويفعنا البجيب لينا البشارة يجيب أمل يجري ويناهد من بعيد شايلّو شنطة وفي عجل يفرح يقول: "خليتو جايي وراي يسالم في الأهل" قواسيب من التحايا لك ولواحة (إتقسموها بطريقتكم).. وقيساب لشاعرنا السر عثمان، عكــود |
اقتباس:
تختلف المقادير والإستنهاضُ واحد.. الفكرة تلتزم مبتداها.. الغاية هي في الأصل أن فالنتواصل.. الوسيلة ربما تصعُب هنا وتسهل هناك.. وتختلف الوسائل باختلاف ظروف الزمان والمُعطيات.. لكن تبقي هي الفكرة. فكرة الإستنهاض. تحيّاتي يا عمدة.. تحيّاتي. |
| الساعة الآن 07:58 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.