يباس .. نص شعري قديم
[align=center]يباس *[/align]
[align=center] [rams]http://sudaniyat.net/up/uploading/ybas.ra[/rams][/align] [poem=font="Simplified Arabic,5,blue,normal,normal" bkcolor="transparent" bkimage="" border="solid,2,deeppink" type=0 line=0 align=center use=ex num="0,black"] كان صوتي بحّــاهو العذاب = أو هدّ حيلو إنطارشي ياعامري في الزمن الخراب= مسكونة بي تعب المشي مشورتَ فيك نزف الجراح= قيلت بك ساعة العشي وقـُت لِك صباحك بعض ليل= ينعل قفاهو الشين وشي قُـت لك جفا الأطفال شليل =والهم طمح فوق كل شي قُتّي لي داخلاك بالهديل =خايفك معاي تنطرطشي *** وأنا دارة للحزن الطويل =بالآهة تسكر تنتشي أنا دنيا كلها زيف وخوف= إنساني يسرق يرتشي وأنا دوحة هاجراها الطيور= ليه فوقي دايري تعشعشي وأنا لاني ليلية حنين =لاحضرة شان تندروشي *** يبّست شتل الأغنيات= ماب يحيا حد ماترشرشي وقبلك دهتني الأمنيات= بي طفلة نايري منعوشي رحلت ولا اعتذر الزمان= لا انضاري مكسوف مختشي قبلك رميت الريد وراي= ودفنتو ليه دار تنبشي ؟ *** مشّطت بدري سبيب أساي= لمّيتو أوعك تنكشي طعّمت بالأحزان غناي =هبّرتو لاتجي تنهشي لوّنت بي أسفي الدروب =إن تمشي فيها تطشّشي شن جابرك إنت علي الركوب= فوق خيل ضلامي تدقّشي إن تنجي من وحل الذنوب =حجر المواجع تدقشي *** يانادهي حسّك كان قريب =لكن في دنيا مطنِّشي وهجك شلع ضوّا الدريب =صادف بصيرتي مدعمشي خليني بين أمواج بكاي =إحساسي وان ماتعرشي من حزني أترسي قيف هواك =بستان عواطفك حوّشي *** وإن جاك هواي من أي باب= فوق ضلّّو صبرك حرّشي أنا قلبي مصلاية عذاب= فوقا الزمن بيّن وشي قبلك وعدت بكل شي= لكني ما أوفيت بشي[/poem] ___ * مايو 1996 |
اقتباس:
ده شنو يا طيبان ده النص ده إن لمً فيهو ود النصري بيترجم " اليباس " ده لشكل تاني.. ماعندي تعليق على النص إلا اقتباس:
شايف إنو إذا كانت " قُت لي" ببتسق مع الجرس الموسيقى للنص وإحتمال أكون قريتا غلط. ممتن للنص التريان. |
اقتباس:
حبابك .. واشكرك علي لطفك الكثير .. بالنسبة للكلمة القريتا ..كدي حاول اقراها بكسر اللام في قتّي لِي أي بالشكل دا gottili dakhlak كنت داير اكتبا( قلتيلِي) ..خشيت تتقري بي نطق تاني ..وأهوبرضو وقعت في المحظور .. عندي طبعا قناعة انو الشعر يتقري ..مايتكتب عشان كدة متجنب اكتب قصايدي القديمة (اخوك خلي الدرب دا طوّل).. اقدر مرورك جدا ..وياريت لو اي ملاحظات تانية كمان _____ تحياتي |
طيبان
دا نص كارب يا زول نول فى شعر قديم كمان |
طيبان ... دا كلام دا ؟
يعني نعرف انك شاعر هنا ؟ الله لا كسب الكان السبب قتّيلي وااااقعة يا الفاتح ... بس هي كلمة غتيتة شوية ما بتقري صاح من اول مرة [bdr][/bdr] طعّمـت بالأحـزان غنـاي هبّرتـو لاتجـي تنهـشـي يانادهي حسّك كـان قريـب لكـن فـي دنيـا مطنِّشـي وإن جاك هواي من أي باب فوق ضلّّو صبـرك حرّشـي باريت درب حميد ... وقدرت ... يبدو انو نوري دي مصيبة بس البيت التالت دا يبقالي النص الأول صبرك دي ما كانت فيهو ... بقيت تخاف النقد كمان واللا شنو ؟ |
طيبان
اذكر عندما قرأت علينا هذه القصيده في لقاء بالخرطوم ... يا لها من ايام ومن يومنا داك نناشد فيك .... جيب الباقي امرق المندسي في النّوت .... كسره لا تبخل |
وأنا دوحة هاجراها الطيـور ليه فوقي دايـري تعشعشـي
وأنـا لانـي ليليـة حنـيـن لاحضـرة شـان تندروشـي والله انت الحنين البيدفع للتواصل فيك كل شيئ لك الود |
قبلـك رميـت الريـد وراي ودفنتـو ليـه دار تنبشـي ؟
مشّطت بدري سبيب أسـاي لمّيتـو أوعــك تنكـشـي طعّمـت بالأحـزان غنـاي هبّرتـو لاتجـي تنهـشـي لوّنت بـي أسفـي الـدروب إن تمشـي فيهـا تطشّشـي ما عندى اى كلام ولا كلمة ولا حرف امنت بالله رب العزة يا زول انت طيب؟؟؟؟ |
(شينية طيبان) تعرف يا طيبان ... والله وما طالبني حليفة ... قبل كدا جيت هنا مرتين ... صحيح إني ما تركت أتر ولا حتى درب سفنجتي !!!! مع إني حتّات زي بدخلا حفيان وبطلع منها بشهادة لا إله إلا الله ... دي القصيدة الخلتني (أقنص) ليك في دربٍ ما من دروب الدنيا الضيقة دي ... وقد لميت فيك ... قبل يتعلّق في (صدر) المنبر طبعن!!! مع إنها قصيدة ناهدة من حسها وتناهد بالزول ... تتسلل زي الخيط الأبيض من الأسود من الفجر ... وفجأة تلقى واطاتك صِبحت :D في نصوص كدا بتخشها من كم (فِجّة ونفّاج) وتحوووووم ... وتقوم تطلع منها زي الكديسة :D... أو قول زي الحرامي .. (تتدبّا) بأمشاطك بالرغم من كدا صحّت فيني الانسان النائم ... وانا الكنت خائف غيري يصحى ويقبضوني متلبّس بنص التقول نُص عرقي :D ما معنى إني ما كتبت حاجة يعني عدت فيني ساي !!! لا والدليل جيتي التانية وما من قطفة أولى وخلاص ... والفيها دي التالتة .. بس خت في راسك ما معنى صفرية (القاطعة من راسك ديك);) يعني صفرية في عيون الكتيرين ... أو قول صفرية في دسكشن بورد لكن صاحب الصفرية ببقى (رقم) في دواخل الناس .. وأعتقد دا جوهر التفاعل وبيت القصيد ... في حاجات كدا سبحان الله ما بتعرف بتمشي منك كيف وتمشي ليها بأي طريق ... تلقى نفسك واقف قداما وأحيانا وراك ... والمهم تهبشك . احيانا تحس إنوالعالم بقى مكان غير مناسب للكتابة .. مناكفاتو كترت .. وقضاياهو طلّعت زيت الواحد ... السياسيين والرياضيين شغلو بقية المخاليق المبدعين بقضاياهم البايظة .. وبياخدو مننا أكتر مما ناخد منهم فكرة نديها الاحساس بالحياة .. مرضونا ياخ جنس مرض!!!!!!! ولكن هل نخرج من أرض لنا وسماء ... طبعن لا .. بس ننجرف مسألة غير مقبولة ولابد من وقفة ننقي فيها الروح من دنس الحياة العاصرا علينا شديد ... حتى الناس حسها بقى باهت وبتعاين للحواس دي كأنها مطلوب القبض عليهاوتقوم تدسدسا ساي كدا بس ... كلامي دا مجرد رد فعل طبيعي واقف في حلقي من المرة الفاتت ... وقد استدعته الذاكرة الافتراضية الـ ميجا الويحيدة دي ... وفي المرة الجاية بقول ليك عِترتَ وين ... وقرايتي ليها كانت كيف ... خليني قريب .. أنا كتّفتك بى شرياني ... |
ود أبو عاقله ...
سلامات ... والشوق بحور ماليها حد ماليها قيف ... فى الإنتظار ... حتى يصل القطار ... |
اقتباس:
طبعا يا طيبان ما عاينت للاحساس الحلو بعين ناقد بقدر ما ركزت على الصور الشعرية والملكة التعبيرية ... وزي اللمحت لي كاميرا حايمة بين اتنين واحد حاول يضحي والتاني بتتعبو تضحية الأول ... حاجة كدا زي فاعِل مفاعلِك فعِلّي:D ويا حسرة الفاعل تطلع مفعول به منصوب بالشخِّيت الكتير :D هكذا حال العاطفة في بلادي .. إن خِتت ناس قالو وقلنا ما بتسلم من الظروف الكَعَبَة والحال الممكن يحرن في أيّ لحظة .. عشان كدا غنانا كلو بكا في حاجة شبه مستحيلة أو على أطلال ... على العموم دا هَمْ عام من قمنا وشكلو كدا حيستمر بالرغم من التساهيل الكتيرة الفي زمنّا دا ... ياخ أعز بني آدم عندك تلقاهو على بعد كبسة زر في موبايل وياااااا النقة أمانة ما جاك حنك راكب راسو ... بس حنك اليومين دي خلينا منو ... شي شنو !!! وشني شنو !!! وشي ياخي سيبك ... كلامك دا يا زول راااكز وموهّط وشكلك كدا نقحت فيها لمن فترت من المشي:D والقافية دي اساسا ما متوفرة بكثرة ... غايتو غير في (ست الودع ارمي الودع ولي كشكشي تاني ما لاقتني على ما اعتقد ... عشان كدا استعنت بكلمات (حبوباتية) حينيينة ورهيييفة كما عضمهن وطريقة كلامن ... عشان كدا الانكسار الفيها جهجه ثباتنا ... في حتة حتتين المزيكا فيها حببببة دقداق لى زول ما موغل في اللهجة وقد تختلف قرايتك من قرايتنا وربما بشوية مؤثرات صوتية تظبط الرتم ... والحتة القالا ليك شليل تبدو جلية بعض الشي أو قول حبة رترتة ودي مرحلة قبل التعتعة .. طيب ممكن اطلب منك طلب ؟؟؟ تقوم تجيب لينا كلام تاني من نفس الفترة الزمنية عشان نفسنا يقوم تاني وتالت ... مع إنو قايم لكن ساكتين بالوجعة !!! لكن نقول يا منو !!! |
اقتباس:
يااااااا اللخو ... دا مقص ولّ قص درب :D؟؟؟ |
نبّهني رفع القصيدة علي صدر المنبر إلي مشاركات الأحباب ..وقبلها نبّهني الأخ أسامة معاوية ..ولكني آثرت أن أتعهّدها بالإهمال ..فهي لم تعجب الناس يوم نشرتها ( علي المنتدي العام ونوافذ) أيّامها .. أو هكذا ظننت ..
قلت لعلّي ما عرفت كيف أعرض بضاعتي أو أن الجو ما كان مواتياً ..أو أن الشعر لا يحتفي به في هذه الدار ..أو .. كنت قد طرحتها لهدف واحد وقد كتبته أسفل النص بنسخة المنتدي العام ..قائلا أبحث عمّن ينتقد هذا القصيدة ..عشما في الإستفادة وربّما مراجعة تجربة تخلّيت عنها بكامل إرداتي قبل عدّة أعـوام .. شكرا لكم يا أصدقاء ..وشكرا لمن وضع القصيدة بالبانر العلوي .. سأعود إليكم فرداً فرداً كان الله هوّن ..لأنّكم تستحقون الرد أوّلا ..ولأني سأطالب بالنقد كمطالبتي به أوّل مرّة .. * أحمدك يا الله القسمت للبوست مرقة من حفرة الصفريّة ..التي بقي يرزح تحتها لما يقارب العـام ... مافي كتيرعلي الله ..;) ___ محبّتي لكم .. |
اقتباس:
|
اقتباس:
وحبابك وإن تأخّرتْ .. نطمع في فلفلة للنّص .. وأنت لا تبخل بما تعلم .. __ تحيّاتي .. |
اقتباس:
هلا بصديقي العزيز .. مباراة حمّيد يبدو إنّها قدر يا صديقي .. لكنّه لا يطال كما تعلم .. في البال ( الضو وجهجهة التساب ) تذكر طبعا .. بانت نويرات العرب .. حزناني غبشي مدعّشي .. ليت حمّيد أسرف في هذه القافية .. لنتبع طريقه .. فهو شيخ طريقة وواصل جدّا .. النص يسمع ولا يقرأ كما أظن فهو لحد ما موغل في اللهجة المحليّة .. رغم بعض لغة الوسط التي تحوم هنا وهناك ..ولا تكاد تصمد .. سأرفق ملف صوتي ..فقد يستعدل القراءة .. وربّما أرفق هامشاً يشرح بعض الكلمات .. شفت العز اللقاهو البوست دا ؟؟ قادر الله ..:) رأيك راي خبير .. وأعتز به كثيرا ..بالله فرتك النص دا كما ينبغي وبطّل اللطف الإنت فيهو دا ...;) __ تحيّاتي .. |
اقتباس:
وحاتك البيت ياهو كدي من يومو الإندقّ .. إنت بس بيّض النيّة .. الكلاب تطير .. :) |
اقتباس:
مشتاقين ياخي .. أبشر .. بنزّل الباقي إن لقيت فرقة .. أصل أسامة حمزة خلّيهو يدّيك الملف كامل ..وما تنسي تشرّبو قهوة ..أسامة قاعد يتاجر بي شعري .. عليه اللعنة ( هو وشعري :) ) يسعدني وجودك يا زول يا لذيذ.. __ تحيّاتي .. |
اقتباس:
شكرا ياخي علي كلامك الجميل.. لكن ما بعفيك من النقد .. أنقد الشي دي نقدها البلا الياخدا ..;) ممتن لوجودك هنا .. __ تحيّاتي .. |
اقتباس:
دي نوع المداخلات الما بعرف أرد عليها .. لكنّي اظل ممتن لها ..وأحتفي بها كثيراً .. ساقوم بإرفاق ملف صوتي فقد تشكل علي المتابع بعض الكلمات .. بيكم طيّب .. خالص __ تحيّاتي .. |
سلامات يا ود اب عاقلة ...
كدي أوّل شي شوف لي الملف الصوتي دا شغّال ؟؟ جنابو النور قال شغال تش .. وأنا هنا ما سامع شي .. يخربني .. وكيف يتم معالجة هكذا عصلجة ؟؟ __ نتفاهم لاحقاً .. |
اقتباس:
والميديا مقفولة ... بدّور الرجال البقسمو الفولة ... أو الذين يكسّرون العناقريب بإذنٍ من الله وتوفيق ... لا يقربهم سوء ... وأولئك ساكتين ساي ... وما كلنها في حنانم .. سَنّينَا حنكنا .. ولكنهم !!! صمٌ بكمٌ ... ما ناقشين التكتح ... وكأنهم ما جايبين خبر !!! نرجع نقول يااااا لطيف !!! جيبو خفيف ... ولا نسألك ردو ... هم قالو للسيرفر اعمل ميّت ... فعمل :D... والأحياء مثلي غشيهم زهج .. من فوقه زهج و من تحت أرجلهم زهج ... حتى ظننت أني زهج يمشي في الطرقات يشوت ما شاء من طوب الأرض فشاً وزهجا:D لما أرجع بالسلامة ... حيث سريري .. وآي بي أدرس كان هبشتها ساي بتكورك goood:D |
نص راقي وقمة الجمال..
وحنيّن..يبل يباس الجفاف العاطفي العندي ده.. يديك العافية |
اقتباس:
التجارب للفنانين بتختلف انا من واقع خبرتي اكتشفت انو النقد تخصص كثير جدا من طلاب قسم موسيقة كان تخصهم النقد ، وطبعا ياطيبان اثنان لا يتعلمان الشباب ديل كان بيتواجدو بشكل يومي في مكتبة الجامعة ، اتعلمت منهم الكثير رغم اختلاف التخصص لكن انا بقدر اتكلم في الفكره الفنية وبحكي ليك تجربة انا كان عندي فكرة قريبة لفكرتك دي .. انو اتعامل مع الشاعر مباشره ... بمعني ان يلقي عليه قصيدته واقوم بنص موازي لها( لحن موسيقي )... اعترض جميع الناس علي الفكره من ضمهم مقدمي برامج .. وقالو انو الالقاء فن .. لحظته انو مااصل معاهم إلي نتيجه وانهم لس الطرف المعني بالامر .. قمت بالاتصال إل شاعر وافق وقمنه بتسجيل العمل في شركة انهار ونست الموضوع .. بعد فترة طويل ...اتصلت علينا شركة انهار وايدو الفكره وتم بيع العمل الي تلفزيون السودان ... الغريبا يالطيبان نفس الناس الانتقدو الفكره قالو انهم كانو من اكثر الناس المعجبين بها ... عشان كده اي فكره لازم أنفزها من دون اكتراث للمعارضة واصبحت استعمل حتي الاقواس :D |
اقتباس:
شكراً ياخي علي وجودك بهذا البلد .. وقيل عودتك بعد أن قررت الرحيل ..فهذه البلاد قدر .. خلّيك قاعد بالله .. برّة ما في شي .. ما في فرق .. ( الفوق دا تحنيس بأثر رجعي ) .. ;) __ شفت ربّنا دا كريم كيف ؟؟ :) |
سلام لود البلد .. عبر المدعو ود أب عاقلة ..
__ شرّفنا .. |
اقتباس:
حبابك في هذا البكان اليابس .. وسلامتك كذلك .. البوست نوّر .. واخضرّ بوجودك .. ___ تحيّة وتحيّة .. |
اقتباس:
النقد الأنا قاصدو ما يشترط المعني الصارم لكلمة نقد .. الإنطباع الأوّلي ( الما فيهو ريحة مجاملة ) عندي ممكن ياخد المنحي النقدي ..بالذات لما يجي من زول بتاع موسيقي زيّك كدة .. بيقرا الأوزان بالحاسّة الفنيّة .. قبل يمشي علي أوزان الخليل .. كدي لو عندك عود وبتجيّه إيقاع الشايقية ( الدليب ) قزقز بالنص دا .. وورّينا الدقداق القالو ود أبوعاقلة وين ؟؟ وممكن طبعا تستعين بالملف الصوتي .. وياريت لو جبت نموذج .. أكون شاكر وممتن .. __ تحيّاتي .. |
يا محمد أبو عاقلة ..
إنت زول شفيف ياخي وقلبك رهيف .. وقيل صاحب نكسات ومصاب سابق والمصايب يجمعن المصابينا وما إلي ذلك .. ;) أها يا حبيب .. بعد سمعت النص .. مصر علي الدقداق لسّة ؟؟ وللا الدرب انطرح وبقي ردميّة ..؟؟ قبل نمشي علي نصوص تانية ..(عشان المزاج ما مستعدل اليومين ديل) ..داير رايك بعد سمعت القصيدة .. ربك رب الخير استعدل لي الريال بلاير بتاعي وبقيت أسمع زيّي وزي أي عضو .. واتطمّنت علي الوضع .. وكدة .. ____ الرسايل الخاصّة بتجيب الهوا فعلا ... :) |
| الساعة الآن 11:02 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.