الشديد ... القوي ... !!!
جال بخاطري كثيراً أن أمعن النظر في ذاك المدعو ... الشديد القوي ... الذي يعرفه الجميع ويكاد يكون بلا إستثناء أن ذلك البطل .. هو في أبسط صوره .. ظرف مانع لفعل شئ ٍ ما .. أو .. ظرف يدعوك إلى فعل شئٍ ما رغم أنفك ...!!
على المستوى العام أحداثٌ كثيرة شكلت ظرف محدد .. كان هو .. الشديد القوي .. بذاته وصفاته فلولا حاجة دول الإستكبار للنفط مثلاً لما خاضت الكثير من الحروب المفتعله والوهمية تحت وطأة هذا الشديد القوي ..! رياضياً .. أيضاً لولا الرغبة الأكيدة في الإحتكاك بالمستوى العالمي ومجاراة التطور لما تعرض منتخبنا القومي ( للتلطيش ) من المنتخب التونسي بداعي شديدنا القوي في مالي وما جاورها ..! أخلاقياَ .. لا يكاد يخلو واقعنا من جريمة اغتصاب لطفلةٍ ما أو مقتل امرأة ما وهي تحتضن جنينها والأمل منسكباً على جوانحها بدراً مكتمل .. وذاك الشديد القوي .. هو المحرك لها لتواجه العيش بانسانية لا يتركها في بلدي الجباة .. فكانت .. نادية صابون .. عنواناً للمرأة الكادحة المثابرة .. ! عاطفياً .. تداهمك .. أنثى ذات مساءٍ فجيعة .. تفتح الروح ضلفتين .. تدلف هي وتوارب الباب من خلفها بابٌ لا يعرف كيف ولجت اليه .. جبينها الوقاد يحدثك أنه متكئاً للغمام ساعة أن يحيض .. وشعرها باذخاً من فوقه يرسم من نفسه طريقاً للشفاء والعويل .. عيوناً لا قبل لك بهن سرعان ما تهزم وقارك شر هزيمة .. يقبعان ومن فوقهما حاجبين هلاليين يمنحانك من التأمل في خديها النيرين الكثير .. !! وجه مستدير بأحلامٍ ممتدة وأنفٍ شامخٍ كجبل جلعاد .. وشعرُ يضج فتنةً واباء .. ! إذ أنها أنيقةٌ كما الخيال تدعوك نظراتها الواثبات إليك في حنوٍ عجيب الى الشعور بحاجتك الماسة الى ورقةٍ بيضاءَ من غير سوءٍ ..!! تستشعر فيها ساكباً رؤاك وأحلامك متنبئاً بالوعد الجميل وأسرابٌ الحمام ...!! يبدو لي أن الأذكياء فقط هم الذين يشغلون أنفسهم بالتفاصيل وان كان شيطان المتعة أو ملاكها لا أدري يكمن فيها ( التفاصيل ) متربصاً هو بشهوة الفرح فاسحاً مجالاً رحباً للرحيق الشهي كضحكتها ذات غنجٍ في منتصف الشوق أو الشبق أو بينهما أو كلغةٍ أجنبية لا يحسن الجميع كيف يتكلمها جيداً ... !! شحبت روحي, صارت شفقا شعت غيما و سنا كالدرويش المتعلق في قدمي مولاه أنا أتمرغ في شجني .. الفيتوري .. !! بابٌ من الشجن الجميل كأن مصراعيه تلاشتا .. ليسفر عن دنيا أخرى لم آلفها من قبل .. وكم كنت أحدث نفسي ألا يانفسي ... ( البكابس بلقى يابس ) .. لكنها عنيدة موغلة في التحدى واستشراف الغيب .. !! هيا نكتب عن شديدنا القوي ... ولم الصمت يا صديقي والدنيا يكسوها الضجيج .. ضجيجاً من كل صوب .. !! الشماسة .. والفلاحون .. المعلمون والمعلمات .. وبائعات الشاي .. جميعهم يؤدون فريضة الصخب النبيل .. !! فحرك سكونك صهيلاً دافقاً أو بعض أنين !!! |
طارق صباح الخير شفته الشديد القوي ابن عمه لزم الظروف جبرتنا وبالمناسبة دي عندنا اكلة اسمها الظروف جبرتنا. في شتاء كدا عدمنا السايحة والمترايحة وفار مهند البهناك داك هرب من بيتنا ولما الجوعة قرصت بقينا نفتش ما لقينا غير باقي لقيمات(زلابية) ناشفة للاخر خلاص نعمل شاي مافي سكر ومافي شاي المهم الاخ الاصغر (علي وزن الاخ الاكبر) جاته فكرة عبقرية وشال صحن وعلي الدكان ولبتاع الفول وظبط موية الفول(زمن موية الفول كانت بالمجان) وجاء رمي فيها اللقيمات ونادي علي الجميع طبعا في البداية ابيت اكل والجماعة يلهطوا في النهاية جيت اكلت وانا اردد الظروف جبرتنا وصارت اكلة اقصد مثلا. والظروف تضامنا مع الشديد القوي جابرانا علي حاجات كتيرة لكن الناس ساكتة صابرة والله ياطارق البوست حقك دا بوست قليب مواجع ساكت.
|
اقتباس:
مسكتنى من قلبى البوجعنى .. الشديد القوى .. البخليك تبلع ريقك .. و تمطّق .. تعرف لامن تغوص فى تفاصيل خصر صبية .. تحرك جواك شبق الشوف .. لا تبدأ من أى مكان لكنك مباشرة تصل لنحناء الفستان الضيق فى وسط نابض .. كنت أظن أن جمال المرأة يتكوّم فى اماكن محددة .. بعضهم يجذبه الصدر و بعضهم الكفل .. بعضهم الآرجل .. أنا بالذات لا أرعوى عن النظر الى منطقتين .. بين مجرى الرحيق والرقبة .. تلك المنطقة التى يرقد فيها العقد .. لذا أحب العقود القصيرة على النحور .. و تعجبنى المسافة أعلى الكفل و تحت الظهر .. و بما أنها دائما تحت حجاب .. فأعمل ذهنى و يعجبنى ذلك ..( إعمال الذهن) .. ولكن هذا الاسبوع خجانى الخصر .. رجنى جيدا قبل الاستعمال .. الخصر عند منتصف اللقيا .. و على جانب الجسد .. ليس من الأمام أو الخلف وعلى الجانب الأيسر بالذات .. حينما تنثنى الصبية فى حديها ، فيتكرفس الفستان و ينشد .. و تعمل فيك الدنيا عمايلها البيضاء .. ينحنى .. و ينشد .. فتنشُد النَّفَس .. .. وأنا أسمع صوت الخصر ..وانفعالاته وخلجاته .. ضحكه و همسه .. كأنه منديل فى يد ام كلثوم .. أو كأن هذه الصبية تتأرجح فى غصن لدن .. أو كحوار كموج مع شاطئ .. تعرف فى اللحظة دى .. تكون مساحة الدنيا خصر صبي .. ياخى يمسكنى من باقى الكلام الشديد القوى .. وبجيك لشديد قوى تانى .. |
اقتباس:
ازيك التغيير المناخى - ثقب الاوزون الازمة الاقتصادية العالمية الشديد القوى الذى طرد النوم منا وقلة حيلة ساااااااااااكت نعاين ( و الخطر يحدق فى سمانا ... و لمن الفاس تقع فى ارأس نتلفت نعاين .... ووووووووووووووب علينا ) اقتباس:
صديقى طارق تعددت جرائم الاعتصاب و اخذت منحى خطير ضد الطفولة و اليافعات الصبيات و الشابات ... التحرش الجنسى ... الالفاظ المسيئة و المشينة و كارثتنا الختان بكل اشكاله و اغتصاب الاطفال دون الخامسة ويحى ربى ... ماذا فى اخلاقياتنا و سلوكنا ام الشديد القوى ندافع عن العيش الكريم لوطن معافى بجيك صادة بمهلة |
اقتباس:
شن جابا للتمنين سنة :D:D يااااخ ما تحط في عينك حصوة ملح ياااااخ.. هي وكت صبية اتّ الفاتح ليها نفسك شنو؟؟ :D:D اقتباس:
غايتو جنس غايتو..... |
اقتباس:
شوف العين ما كتلو غزال .. بس بعاين بعيونى .. قلنا كنا بنعاين و نتخيل وبس .. كمان جابت ليها غيرة |
اقتباس:
:D:D:D خلاص خليتك يااااخ بس انت حتة الصبينة دي ما كان تجيبا.. استفزيتني وايقظتني وقد كنت نائمة :D:D |
اقتباس:
صباح الفول المصلح مدفوعاً مسبقاً موية فول وزلابية ناشفة لكنها مملوحة باليقين والمودة .. هسي الكاتشب ملأ الدنيا ممسوخاً بآلامنا وأوجاعنا يا صاحبة الصبر والسكوت .. !! المواجع كتيرة تعالي اتوجعي معانا .. !! تحياتي |
اقتباس:
جاييك والله فانت قد أرهقتني صعوداً .. !! المودة |
اقتباس:
|
اقتباس:
أريد الرد من عكود شخصيا .. |
اقتباس:
باب دنياك مفتوح لامرأة ... تحبها و تستشرف اللقيا ... و تنعم برؤية العيون الساحرة فالتنعم بالجمال و صاحبته الشديدة وهنا [quote]فحرك سكونك صهيلاً دافقاً أو بعض أنين !!![/quote] |
اقتباس:
نور في نور ياذا الجلالا وخدانا بالمعه انجلال في الترنيع ماليك مثالا علمتي الغصن الرتالا شوفتك كم عاشق اتالا يانسام اوصف جمالا والقامة السيرك امالا اوصف لي اسباب كمالا وقول لي ام خد هجراني مالا النسام شال الرسالة وفي التوضيح روق رسالا ذكرني الرطب العسالا وهاج الشوق والدمعة سالا الباشا ميييييت هنا مع الرطب العسالا ... قال شوف العين قال بعد وصفك داك ... |
طارق ياصديق
الشديد القوي عندي البخلي الناس تهج وتخلي بلوداتا حزينة تفتش لي الرزق والامان في فجج تانية وياطالع من بيتك حزين تلقي الفرح عن مين شوفتا الشديد دا قوي كيف؟ |
اقتباس:
الروووووووووب ومعاهو انبراشة وجقلبة كمان تقووووووم تعمل شخيت وانا بقيف ليك بعيييييييييييييد وبعاين بعيوني :D:D |
اقتباس:
تحية اتخيلى"رشا" لشوف العين ..قالت : ( دا .. لا لا ) |
اقتباس:
|
اقتباس:
الناس رقدت قش |
أن يمسك بك شديدك القوي ذاك لعمري من المهلكات شوقا ..وأحيانا غبنا ..
كثيرةٌ هي دروب ومنعرجات هذا الباب الوسيع أخي ود صديق ...فما بين أنت السماء بدت لنا واستعصمت بالبعد عنا .. وبين العين بصيرة والإيد قصيرة .. مراتع لحسرة بطعم مزيج .. خليط من الطموح والإحباط .. تارةً نعلي هاماتنا نحو فرح بعيد تكاد لا تبلغه خيول الخيال عندنا ...وتارةً أخري في مساحات افقية نضرب فيها أكباد الحلم لبعيد تقاصرت عنه ايادينا المكبلة بشديدها القوي .. وأحسب أن ذواتنا أبدعت ايما إبداع في إبتكار هذا المسمي شديدا وقوياً ..تملأ به ذاك الفراغ بين المعقول واللا معقول .. بين الحال والخيال ..بين مأمول وموصول .. |
!!!
وما أدراكم !!! بالشديدة والقوية !!! الله لا وراكم ليها !!! |
لا شئ يعصم هذة الدموع من ذنبى
إلا الشديد .... |
اليه واليه وحده
لم يسكتنى عن الكلام الا الشديييييييد القوى طارق كانديك فى داعى تخلينا نطلع فى الجامع ونسمّع الما سامع اها اليمرقنى من هنا الا الشديد القوى بس قول لى الباش مهندس معتصم مالك يا فقير تعزم تقول مرضان ما شفت القبيل مرقت من الدخان الصادق يقول اريلا جيعان والكذاب يقول خلقت بلا مصران |
اقتباس:
المقطع ده مهداء فى هذا الصباح الى صاحب البوست مع ربطه بى بوست اخر له من هذا القبيل طارق البوست ده نازلين فيهو بالبرشوتات ... كمين قاليك اها ما تقول خربت البوست المود مخستقك |
اقتباس:
(( تنحني .. )) .. فتتشعلق الروح أو .. تصيبك كاروشة مشاعر وانفعال فوق الحجاب الحاجز أو أدنى منه بقليل .. قاتل الله الجمال .. كم يهزم وقارنا يارجل .. !! تحرحر ليك في بواطن اللهفة .. وأطراف الأنين .. أنثى .. توقف الحركة .. أو تحرك الساكن من أمانيك نصصصصص النهار .. !! تقعد .. تتاوق .. وتبلع ريقك .. ساااااي .. !! وأن تتعرق أطرافك لا يعني غير أنك على الطريق الصحيح .. !! عصرتا علينا شديد ... !! |
اقتباس:
منال ازيك برضو شديد ياهو زاااتو .. ووووب عليكم جد جد ... !! فرصة يااا بلالة .. ادفقي .. !! تحياتي |
اقتباس:
الشلاقة يا منال شليق من يومي .. وبكابس ... !! قلق شديد .. وبعض أمنيات .. بس الباشمهندس عصر علينا فوق للأوفر دوز بي حبتين ... !! الأمنيات |
اقتباس:
|
اقتباس:
صباحك شديد التوهج والإبتسام أشوف النبي أنا .. شفتا شوف .. يصهر الحديد ذو البأس الشديد .. !goood مرات تتاوق ساااي ... تجيبو ضقلوا يلوي .. !! غايتو زي ما قال خضر خليل .. الله في الوداد |
اقتباس:
بس الخواف برضو كويس بربى .. !! المودة |
اقتباس:
بس ياهو زاتو يا صديقي .. بين مأمولٍ وموصول جداً ... !! |
اقتباس:
حاسد بس والله .. يورينا ليها ياخ عشان نشوف أدراكم دي حرحارة ولا عادي .. !! ابو عاقلة .. أخوك بعد السلطة رقد تاني سلطة .. القلب الرهيف نعمل شنو ياخ .. !! |
اقتباس:
صباح الدموع لا عاصم اليوم من هذا الجمال .. !! تحياتي |
اقتباس:
سارة والله مش جيتينا هنا .. لنشاركنه الفرح الجميل ولو همساً .. اليه وحده .. والينا اليقين .. !! اها دا الكلام زاااتو البخلي الزول ... يفرد جناحينو ويطير فوق الغمام .. !! سرو باتع والله ... !! ولا كيف ... ؟ |
اقتباس:
منال شكرا للإهداء .. تااااني جبتي سيرة البحر مش كده ؟ أنزلوا ساااي .. في حديقة ... في الصقيعة .. في القلوب الشايلا ريده وتنتحب .. !! شفتي كيف .. ؟ أجمل مود خستكي طوالي .. |
الشديد القوي الاولاد لمن يفرضو علينا نعيش حياة تعيسسسسسسسسسسسسسسسسسسة بس نسكت عشانهم وصحيح قالوا الاولاد قيد هوان ومرات برضو نكسر القيد عشانهم يااخوانا المسكوت عنه كتير في مسالة الشديد القوي دي البوست دا شرك عديل كدا مالك ياطارق ياخ.
|
طارق صديق
صديقي العزيز وبرضو ح تقول لي كيف؟؟ يا اخي والله شديدك قوي عديييييل وشديد المعتصم اقوي لكن الشديد القوي ده عندي زي ما قال اخونا ابو شديدا اقوي مننا كلنا..: انا وقصبة مزالق السيل في ونسة وضحك لمن قسمنا الليل ولما النعام زوزبنبوا الخيل لا بخلت ولا جادت علي بالحيل يعني شحتفة رووح بس في شديدا اقوي من كدي ؟؟ تسلم علي هذا الجمال وتحريك شواطين الروح في هذا الجمال ود كبير بس |
اقتباس:
غايتو الايام دى فرشت و عزيت ياخى الجابنى الخرتوم ما الشديد القوى اقتباس:
بس الموضوع دايرلو دفرة |
اقتباس:
فعلا الأولاد قيد من ذهب .. تنازل عن أحلامك وأمنياتك الخاصة وتبقى جاري التريلا .. شديداً قوياً .. !! لسه تاني تعالي مودتي |
اقتباس:
صديقي ورفيق الهم والفكرة ليك وحشة وأيم الله ... !! شديد قوي جد الشافو أخوك ... !! في جلسة خاصة اتناولنا ( لا بخلت ولا جادت علي بالحيل ده ) كانو مجموعة من المتأملين والمتذوقين لهذا النوع من الشعر الشفيف .. غايتو سرحنا شديد ومشينا بعيد .. !! مودتي |
اقتباس:
دفرة أكتر من دفير معتصم الطاهر ده ... تاتي أي دفرة بنمش الخور راسنا عديييييل .. !! ادفري براك واتوكلي .. !! ماااا بلغبك .. شديدة ولضيضة .. !! مودتي |
| الساعة الآن 06:21 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.