ميــ(3-6)ـــــــلاد سودانيات: خمس سنين ودرب الريد معاك أخضر
[frame="7 80"]بعد غد الأربعاء الثالث من يونيو يؤقد منتدى سودانيات شمعته السادسة ..
كل عام والجميع بخير .. كل عام والمحبة بيننا أكبر وأعمق .. كل سنة وسودانيات أرحب بكل ابناء الوطن كل عام وخالد الحاج فى حدق العيون ونبض الفؤاد .. يا من جمعتنا هنا لنتفق ونختلف فى ود واحترام كل عام وأنا أحبكم جميعاً[/frame] |
[frame="7 80"]خمسة سنين معاك يا زينة الأيام
يا نوّارة الحلوين مرّت حِلوة زي أنسام وزي أحلام صبيّة نديّة، زي ياسمين وزي لهفة بعيد مشتاق يلاقي أحبّته الغايبن خمسة سنين ودرب الريد معاك أخضر خمسة سنين، بريدك كل يوم أكتر أحاول مرّة بس أنساك عشان يا غالية أتذّكر أجي وألقاك، ديمة معاي وألقى هواك ملك دنياي وفي أعماقي إتحكّّر[/frame] |
[media]http://sudanyat.org/agani2/sham3a-kabli.wma[/media]
|
[frame="7 80"]بسم الذي خلق الكون جميلا
ثم سوانا شعوبآ ... و قبيلا و تعارفنا على الحرف .. على الرسم على قيم أصيلة ***** رغم أن الدار وهم في الأثير غير أن الحرف أضحى وطنآ .. بيتآ كبير يلتقى فيه دعاة الحـق و الخير على الدرب نسير لنضيء الفجر بالأفراح لما طال فينا الانتظار لمساحات النهار **** عامنا الأول فكرة و فتاة الحرف بكرة طفلها ما زال شوقآ و تمني غير أن الوعد مني باسم أهلي .. باسم ربان السفينة باسم خالد و حنينة و جميع الناس منا .. و جميع الناس فينا .. قد تعاهدنا على خير الوطن من أتى باللغة الفصحى و من منا رطـن لن نخون الله و الحرف .. و أحلام الصغار لن يضيع الوطن الثاني بأخطاء الكبار لك منا أيها القاريء عهدا و كلام مثل حد السيف وعدا لن يضيع الوطن الثاني على درب الخلاف لن يضيع الوطن الثاني على درب الخلاف التوقيع: الطيب بشير التاريخ: 2-6-2005 المصدر: ارشيف سودانيات [/frame] |
[frame="7 80"]كتب: عصمت العالم
التاريخ: 2-6-2005م المصدر: ارشيف سودانيات هذه الشمعة الاولى لسودانياات الديار والوطن...التى حققت الفة ربط غير مسبوق.بحميمية الانتماء الوثيق..والوشائج العميقة التى جمعت كل هذاالكم الهائل من رفيع العلاقات وشفيف التواصل..كله بصلة الحروف..التى شكلت كل هذه الابعاد..وكملت مسيرة ربط ازلى .. هذه واحدة من فيوض سودانيات..غير الارتقاء الادبى والفنى والثقافى..والتميز الواضح فى التناول لعدة مواضيع بمستوى يؤكد رسالة سودانيات الرائدة...فى مجال رحب واسع ووممتد.. نتمنى لها امتدادا وحضورا دائما..ووثيق عرى لنصبح اسرة واحدة فى مشارق الارض ومغاربها..لنستطيع انجاز الرسالة..وتنفيذها[/frame] |
[frame="7 80"]كل عام والجميع شموع مضاءة وكل عام والجميع زهور تنثر أريجها شذا وعطرا
أحبكم جميعا وأحملكم رمزا وإعزازا أنا بكم ألامس الثريا علوا وزهوا إنه عام وكان بالنسبة لى كنزا من العلائق لا تعد سنينة أنتم أهلى وأحبائى أفاخر بكم العالم أحبكم عبدالعزيز خطاب 3-6-2005م ارشيف سودانيات[/frame] |
[frame="7 80"]بحق منا.. وفينا
كالضوء ..ضد العتمه ألفه..ضد البعد فرح ضد الحزن لي البني ادم صافي النيه وكل عام سودانيات قويه.. نقيه تحياتي لك ..اخي فقد قلت بمحبه وقوه كل شي تسلم التوقيع: غيداء ارشيف سودانيات [/frame] |
[frame="7 80"]وفى مثل هذا اليوم فى العام 2005م كتب العزيز الطيب بشير:
قبل عام من الآن بدأ البث المباشر لسودانيات.. كانت الأحلام كبيرة و التفاؤل سيد الموقف قبل أن نعرف شيئآ اسمه الهاكر .. انزعجنا أول الأمر لغرابته ، لكن كانت الضارة نافعة و أظهرت الفاجعة معادن الناس .. الدهب المجمر كان أكتر و كان عيار أربعة و عشرين .. طغا على التراب و البرادة اللاصقة بالدهب المجمر .. و انتهى الأمر بعودة سودانيات فوق مستوى الاشراق . كثير من النجاحات و بعض الاخفاقات قال كولن باول لمذيع (وهـو يحاوره) I fail every day أعجبني جدآ اعتراف الديبلوماسي الأشهر في العالم و بالفعل .. من يجرؤ على الاقدام هو المعرض للفشل و ليس من يبقى بداره منتظرآ ليستمتع بتبخيس العمل بادئآ قوله بـ : المفروض الناس تعمل ..... جاءت بعض الأعمال في سودانيات أقل توفيقآ .. فقدنا بعض الأقلام بنيران صديقة .. يصاب البورد بالركود في بعض منتدياته .. لكن شيئآ من هذا ما كان ليفت في عضد القائمين على الادارة و الاشراف .. كانت الثقة في الأعضاء و القراء، و لا تزال ، كافية لدفع العمل و رفع الروح .. مع بداية العام الجديد .. نتطلع لعودة الأقلام الكسلى و متابعة المقلين لا نزعم أننا دائمآ ننجح لكنا لا و لم و لن نقبل بغير الأفضل من أجل القاريء و الوطن التوقيع: الطيب بشير التاريخ 2-6-2005م ارشيف سودانيات[/frame] |
[frame="7 80"]العزيز خالد الحاج يرد على العزيز الطيب بشير فى احتفال سودانيات بالشمعة الأولى
http://sudaniyat.net/forum/Upload/khalidp.jpg كل سنة وإنت طيب يا طيب.. وتسلم يا صديقي الجميل ونعم ماقلت التوقيع: خالد الحاج التاريخ 3-6-2005م [/frame] |
الى سودانيات الام الحبيبة الصديقة
كل يوم وانتى حبيبتى كل عام وانا حبيبك كل عام والجميع بخير امير تسلم يا جميل |
[frame="7 80"]وكتب ايضا : العزيز خضرعطا المنان معقب على العزيز الطيب بشير
(عبرك تحيات اجلال واعزاز وتقدير لبيتـنا الأنيق الذي بنيناه معا في فضاءات المنافي .. الى ( سودانيات ) الوطن الذي غمرنا جميعا بدفء طالما افتقدناه في وطن مختطف منذ سنين.. والى كل تلك الكوكبة الوضيئة ا لمضئية التي كانت أ ول من أشعل الشمعة الأولى لهذا ( الموقع الأهل ) .. وحتى لا أبخس الناس أشياءها فأنني لا أريد أن أذكر أسماءا بعينها .. ولكني أستميحكم ياسيدي عذرا هنا بأن أ شير فقط لانسانين كانا هم من فتحا لنا نوافذ نطل عبرها الى شرفات حوالم تنام وتصحو على هذا المحيط الانساني الجامع : أنهما : ( خالد الحاج ) ابن عمي الحبوب .. ود القبايل والأصول .. ساكب دموع المحبة على دروب الروائع ( بكاي يعني بالبلدي كدي !!!) .. ورفيقته بنائه الشاهق انسانة المنفى الجميلة .. صاحبة القلب الكبير .. غيمة الدرب الهجير : فاضلتنا حنينة .. ولكل حبة في عنقود سودانيات المتلألئ ـ ودون استثناء ـ أ حنى هامتي وأرفع قبعتي لأقول اليهم جميعا : تعظييييييييييييييييييييييييييييييييييييييييييييييي ييييييييييييييييييم سلاااااااااااااااااااااااااااااااااااااااااام ). http://sudaniyat.net/forum/Upload/Khidir12.jpg التوقيع: خضرعطا المنان التاريخ:3-6-2005م ارشيف سودانيات [/frame] |
اقتباس:
|
[frame="7 80"]http://moslema2allah.jeeran.com/files/150592.jpg[/frame]
|
العزيز أمير الشعراني
لك التحية الصادقة ونحن نستشرف العام السادس من عمر سودانيات كل سنة وإنت طيب يا صديقي.. |
امير!
بوست من الأمس كان اخضر زرعي لونو .... ابوريم تاريخ التسجيل 12 يونيو 2004 |
اقتباس:
وكل سنة سودانيات سودانيات وكل سنة ونحن ندين لك بالحب والخير والجمال [/frame] |
[media]http://sudanyat.org/hageeba/sudanyat.org.ss046.wma[/media]
|
اقتباس:
|
[frame="7 80"]بسم الله الرحمن الرحيم
الاخ خالدالحاج والاخوة الاداريين بحمدالله تعالى ازدادت المشاركات في المنبر ( اللهم زد وبارك) وبالتالي اصبحت سعة الصفحة الاولى صغيرة ( الواحد يكتب بوست يمشي يشرب شاي يجي يلقاه يدحرج للصفحة التالتة) فياريت لو تخلي سعة الصفحة 90 بوست حتى ياخذ كل بوست حظه من المرور والتعليق لمن احب ولك صادق الود التوقيع: Dr. Mohammed Hassan 14-9-2005م أرشيف سودانيات [/frame] |
[frame="7 80"]بالحيل هي سودانيات
تعدل الحال.. تهدي البال حليلكم انتو يا السمحين حباب أخواتي وأخواني ألليهم دوام طارين حبابو وجيهنا ود الزين يقالدني ويسالمني ويسائلني "عساكم طيبة يا الحبان" يطيب عملك.. يطيب خاطرك ود الزين ألاقي حنينه شايلة الهم تطايبني وتهديني ونجر النم اقالد عصمت أخو الأخوان سندنا... دليلنا يا خلان حليل ممكونة... بي ضحكاتا حليل المجدلية .. وكت تسوى النم... تكشف الغم حليل الخال. بستر الحال عكود ومطرنا والأخوان كل ناس فريقنا بلا كيمان ود الحاج.... ده حقوا برا سيد الحوش... خاتي القول نجيه زعلانين.. يهدينا نخالفوا الراي... ويسمعنا معاه حنينه بنت بطني تساند فيه بي همة تتابع جد.. هي مهتمة يهدوها الحنان"بشويش والله بتتلم" قليبها على كتاباتهم ما خاتي من قال صلاتي على النبي من وليداتكم أخوي تنقو ألما بفارقني اقبل جاي.. ألاقي حداي يشاغلني ويكاويني بركة الله ورسول الله يجيب منبركم العمران يجيه تمبس مع عمران يجينا صلاح .. يجينا ود بشير نقابلو مبتسمين بلا تكشير أريد مودتكم.... حلاتا لمتكم تطمني وتريحني شكيتو على الله الداير يفرقنا قلق نومنا... فرق كومنا قوموا عليه يا الحبان أكشفوهو.. وعر وهو إن كان ده حالوا... وحات الله بلدوا ما السودان ولا بعرف لمتنا في امدرمان ده ما من رحما ولد نعمة ولا من بيتا عرف لمه ما قروه كيفن وكت الناس تجيها حرابة .. تتحزم وتتلزم... تصد الغاشم الوهمان... تصد الاتحرم ما شربوهو.. حنان بجيكم صاده يا الحبان أعدلوا الحال وهدو البال قبل ما يوصلوا الخلان (التوقيع أم سهى on 26-02-2005, 02:40 ص)[/frame] |
[frame="7 80"]العزيز خالد الحاج
لا اجد ما اعبر به وانا ادلف الى هذا المنبر الجديد الذى سيكون بلا شك اضافة معتبرة للوجدان السودانى الذى تكاد تمزقه الياسبورا كل يوم عزاءنا ان نجد هذه المنابر الحيه لتحفظ لنا ما تبقى من سودانويه تقا تل من اجل البقاء فى عالم لا يعترف بالخصوصيات لك كل الود وانت تهدبنا هذه المساحة القيمة.. التوقيع: حسب ربه 6-6-2004م ارشيف سودانيات (مجلوبة من العرضة جنوب)[/frame] |
[frame="7 80"]اشكرك يا بن عمي لهذه المفاجا ة السارة
مباركة دياركم الجديدة وارجو ا لها ان تكون عامرة بالمعارف وذاخرة بالآداب0 تحياتي لك ولكل الاعضاء في هذا المنتدى التوقيع :اسامة عبد الجليل 6-6-2004م Iowa city, Iowa, USA[/frame] |
[frame="7 80"]احبتي التهنئة الحارة لكم بهذا الانجاز،وهذه الواحة التي ستشرق بفنكم وابداعاتكم وحواراتكم،رافدا جديدا قويا ،سيسهم دون شك في ترسيخ قيم التحاور والتثاقف، لكم التحية مجددا ونتمني ان نوفق في تواصل مستمر معكم. والتحية لكل من يقف خلف هذا الجهد المقدر.
التوقيع: أحمد المك 7-6-2004م[/frame] |
[frame="7 80"]بسم الله وداخلين بالإيد اليمين
مباركين وسايقين التهاني لينا قبال اهل البيت وانشاء الله دار مرحبة بينا وهي أكيد كدا ، وحسيت بكدا لمن بديت اتصفح وشفت وجوه الخير والفال الطلت هنا تعظيم سلام وسلام كبيييير ولقدام ايد على ايد التوقيع: ملكة سبأ 5-6-2004م [/frame] |
[frame="7 80"]الأصدقاء والصديقات في منتدى سودانيات
التشكرات أولاً على قبولي وجهاً جديداً بينكم آملاً أنْ يكون الـتـواصل إمتداداً لمساحاتٍ من الإلفة والسجالات الموضوعية التي لا تـُـفْـسِـدُ الود. نـفـاجـاً آخراً تقومون بإقامته لنعبر به، ويعبر به الجميع، إلى وطنٍ فسيفسائي نرتاده شوقـاً عبر الكلمات والهموم والحُـلم الذي نأمل أنْ يتحقق. ما تقومون به هو أحد وسائل تحقيق هذا الحُـلم. شكرٌ خاص جداً للرائع(ة) الذين قاموا بإختيار لون الصفحات الهاديء pale blue فترتاح أوتار الأعصاب وتـتهيـأ لإستقبال (دوزات) كلامية بلون وسعة السماء. فلنبدأ بتحقيق حُلمنا النبيل والمسيرة الجديدة بنفس هدوء لون صفحات المنتدى وجاذبيته. مع عميق شكري إسماعيل التاج 6-6-2004م [/frame] |
[frame="7 80"]أولن بالتبادي و قبل المباركة لي خالد الحاج و حنينة و أنور كينق
يا ود قاسم {أقترح} عليك بشدة الإبتعاد عن موضوعات العرس التاني و التالت....ما في داعي تخرب علينا {تدريب} سبعة سنة!...كل أصحاب الطيب تتم فلترتهم أول بأول و من لم يتضح موقفه من الزواج أبو ضلفتين يتم شطبو...هسي مثلن مثلن يعني خالد الحاج دة لسع صاحب نص كلتش...ليه؟ لأنو ما أفرد بوست يدين فيهو التدبيل أما أنت فعاوزة لي زيارة عديييييل للسعودية لمناقشة سلطاتك العليا و فرض قانون {النشر} في بيتكم. *عزيزي القاريء ...كنتم مع سياحة فكرية مع ود قاسم تتمة الحلقة في نيفاشا التوقيع: أسماء المقدم 6-6-2004م أرشيف سودانيات[/frame] |
[frame="7 80"]بسم الله .. و على بركته ..
التحية و التقدير على القائمين على أمر هذا الموقع الذي كما هو واضح أنه قد وُلِد عملاقا و سيترعرع في كنف عمالقة من الكتاب و الشعراء و الأدباء. في السودان .. عندما تدشن بيتا جديدا .. يتم الذبح عرفانا و تقربا و شكرا لله ( كصدقة و كرامة ) .. هنا .. نريد أن نذبح كل خلاف .. كل حقد .. كل سجال لا طائل منه .. كل كراهية .. كل شيء يبتعد بالإنسان من إنسانيته و كرامته .. نذبح كل هذا و ذاك .. و نتخطى دمه و جسده لندلف إلى هذا الحوش الجديد ،، لنقدم للسودان و أبناءه و بناته خلاصة ما يكتبه هنا مفكرونا و أدباؤنا و شعراؤنا و باحثونا ،، جنبا إلى جنب مع بقية المنابر السودانية العملاقة التي ساهمت و تسهم في ربط أهل الشتات بالوطن الأم . نحلم أيها الإخوة و الأخوات بأن تحكمنا هذه الأحكام و هذه الضوابط حتى تسير قافلتنا على خط مستقيم و يعرف كل أحد ما له و ما عليه : 1 : تتم عملية إختيار الأعضاء في المقام الأساسي عن طريق الترشيح من قِبل الإدارة و الأمناء. 2: في حالة ترشيح أحد الإعضاء الجدد من عضو مشترِك ، فلا بد من تزكيته من عضوين آخرين. 3: العضو الذي يستعمل ألفاظا و عبارات غير لائقة تمس الشرف و تخدش الحياء العام ، يمنح فرصة و إنذار واحد ، يتم بعدها فصله بصورة لا رجعة فيها و لا تقبل شفاعة أو وساطة. 4: في حالة إنزال صورة أو أغنية مخلة بالأدب ، فإنه يتم تطبيق الفقرة السابقة . 5 : مراعاة ذِكر المصدر المنقول عنه الخبر أو الموضوع و إسم الكاتب . 6: إستعمال المنابر المخصصة للتهنئة و البحث و المواضيع الإجتماعية و ترك منبر الحوار للغرض الذي أُسس من أجله. و الرأى لكم أولا و أخيرا التوقيع: أبو جهينة 5-6-2004م أرشيف سودانيات[/frame] |
[frame="7 80"](1)
باسم الله .. باسم الواحد الصمد من كل شيطان مارد .. أو جن ترصّد .. وباسم البلد .. باسمكم .. نبدأ ونتحد .. (2) مدخل .. في يومنا هذا .. في عامنا الأول .. شمعة مضيئة أمل .. وتهنئة بعبق الصندل .. (3) ويا لفخرنا .. في دارنا .. في قصرنا .. في شرفة أنوارنا .. بين عطرنا وأزهارنا .. (4) طفلنا وأمنية وليدة .. فكرا وقصيدة .. شعاعا يخترق الظلام .. ننتظم .. كالحلم .. كقافية النسيم .. (5) ثم أهلا .. وسهلا .. بنا .. بكم .. في قافلة النور .. بخالد البحر .. بحنينة .. إذ يترجل القمر .. بوادي عبقر .. ألف تهنئة وعلى بركة الله .. التوقيع: صلاح / شتات 5-6-2004م ارشيف سودانيات [/frame] |
[frame="7 80"]سلام عليكم أهل البيت الجديد
ما ناديتونا للكرامة ، يظهر خروفكم كان صغيّر ، وما حاق على الحبّان ، والله لو أديتونا خبر كنا جينا بي خروفنا ، وكان جبنا معانا شوال فحم ، وجردل سكر ،، لكن بسيطة ، الما لحق على العرس يلحق على الولادة ، بس في الولادة أدونا خبر من الشهر السابع عشان نكون جاهزين ، مش تنادونا يوم السماية وتفاجئونا بيها ، خلّوا بالكم كويس ،، الخال ما ساهل وما برضى بالشوية ، وما تقولوا خالكم عجّز وللا كبر ، والله اللسان فلقة والكي بورد فلقتين ،، واسمعوني كويس عشان داير أقول ليكم كلام جد جد ، إنتو ياكم ذاتكم ناس المنابر التانية ، واتعاد الناس اللي عندهم عضوية في أكتر من منبر أن يقوموا بعملية الكت آند بيست لمواضيعهم وإنزالها في كل المنابر دون أي إضافة أو تعديل ،، يا أخوانا لو حا نعمل كده يبقى ما في داعي لمنبر جديد ، وما في داعي نشتت القراء بين المنابر ، ، ما عايزين منبركم يكون صورة من أي منبر ، عايزينو يكزن إضافة وليس نسخة من منبر آخر ، إذا كان حا تلتزموا بالكتابة التي تجعل منبركم متفردا فإنكم لا محالة ناجحون ، أما إذا كنتم ستكررون ما تكتبون في المنابر الأخرى أو الصحف السيارة فإن هذا الأمر سيقودكم إلى الفشل ،، وآمل أن تسعى الإدارة إلى إيجاد كتاب من خارج الكتاب المعروفين في المنابر السودانية الأخرى ، ففي السودان خامات عديدة وأشخاص عديدين يمكن أن يكونوا مشاريع لكتّاب وشعراء وسياسيين ومفكرين ،، وحواء السودانية والدة ، فلا تتوقفوا أبدا عند محاولة استقطاب المسجلين بالمنابر الأخرى ،، اصنعوا كتابكم وشجعوا الجدد على الكتابة ،، حتى لا تصبح الصحافة هي الأيام ، والأيام هي الصحافة ،، سيهجركم قراؤكم وكتابكم إن أصبحتم نسخة مكررة من أي منبر آخر ،، ابتعدوا عن الكت آند بيست ، واتجهوا للجديد الذي يجلب لكم قراء جدد وكتابا متجددين ،، فهمتوني ؟؟ التوقيع: ود قاسم 6-6-2004م ارشيف سودانيات [/frame] |
[frame="7 80"]http://photos-f.ak.fbcdn.net/photos-...93_5524392.jpg[/frame]
|
[frame="7 80"]الاعزاء رواد منتدي : اصدقاء الكتاب ...
نهئنكم ونهنئي انفسنا بهذه المساحة الممكنه التي نتمني ان تكون خطوة جديدة نحو فضاء جديد نتمكن من خلاله ان نتواصل فيما بيننا ونتبادل المعرفة ، وان يكون الانترنيت عامل مساعد في نشر ثقافة الكتاب التي نؤمن بها وبقدسيتها في دواخلنا . هذه المساحة ( المنتدي الادبي : اصدقاء الكتاب هي مساحة لكل محب لرائحة الحبر والورق ) نتمكن من خلالها التواصل وتبادل الافكار وتبادل الاراء واثراء النقاش حول كل انواع الاصدارات في جميع انحاء العالم . جديدها وقديمها . و هنا تجربة مقدمة لكم من الواقع الفعلي وهي جمعية اصدقاء الكتاب بالمنطقة الشرقية. ونتمنى أن تحذو كل التجمعات السودانية في المهجر هذا الحذو وحتى تعم الفائدة بين الجميع . من هم أصدقاء الكتاب في المنطقة الشرقية بالسعودية. ؟ مجموعة من الأعضاء النشطاء الذين يربطهم هم المعرفة والثقافة والأدب وتمتين العلاقات الاجتماعية في أرض المهجر، وانتشال ألأعضاء من دوامة الحياة وهموم الاغتراب التي أصبح الفرد فيها ترس يدور في لا نهائية، هذه الدوامة التي تبعده شيئا فشيئا عن نشاطات محببة وأولها الكتاب وما تعنية هذه الكلمة ( الاسم ) في الدواخل بكل أبعادها . وهي كيان تطوعي ثقافي، اجتماعي و إبداعي مستقل لا يتبع لأي جهة كانت سواء في السودان أو في خارج السودان. واهم أهدافها نشر المعرفة بين الأعضاء وترويج مفهوم ثقافة الكتاب و توفير الكتاب للأعضاء بأقل تكلفة ممكنة وتعميق الرباط الوجداني بين الأعضاء والوطن و خلق وتمتين الروابط الاجتماعية بين الأعضاء و بين أسر الأعضاء . واهم النشاطات التي تقوم بها هذه الجمعية حاليا توفير و نسخ و توزيع وبيع الكتب والمطبوعات فيما بين الاعضاء وعقد الندوات وجلسات الاستماع والمحاضرات الدورية و الاحتفال بالمناسبات القومية و إقامة المعارض ، كما تركز الجمعية علي الطفل باعتباره المستقبل المشرق والذي هو بكل حوجة للرعاية وتمليكة المعلومة المفيدة عن الوطن واحاطتة بجو اسري سوداني .. وغرس حب المعرفة والاطلاع بين الاطفال . ودائما كان للطفل حصة كبيرة من خلال نشاطات الجمعية .. من خلال المسابقات او الدراسات التي تقدم . كثير من الأعضاء الذين سنري مساهماتهم هنا هم من المنتمين الي جمعية اصدقاء الكتاب بالمنطقة الشرقية ، ونتمني ان نري حوارا يربط به هذه الجمعية وجمعيات او افراد يحملون نفس الهم ، وان يكون حوارا جيدا بين الاعضاء فيما بينهم وبين الاعضاء والمبدعين ( المؤلف ) متي ما كان ذلك ممكنا . كما لا يفوتنا ان نتقدم بجزيل الشكر للأعزاء حنينة وخالد الحاج الذين افسحوا لنا مجالا في هذه المساحة. ولكم الود خالد تنقو 16-6-2004م _________________ كل ما اتسعت الرؤيا ضاقت العبارة الأمام النفري [/frame] |
[media]http://sudanyat.org/agani2/al_wood.wma[/media]
|
[frame="7 80"]http://www.geocities.com/kitawab/Images/calendar.jpg
ارشيف سودانيات : Sentimental 2004م[/frame] |
[align=justify]أمير الشعراني إزيك يا أخوي وكل سنه وإنت طيب وكل سنه وسودانيات بألف خير
وعموم أهلها القداااااااااااااااام والهسسسسسسسسسي وبرضو كمان الجاييييييييييييييين كلهم جت عليهم نعلهم بألف ألف خير وحلوة مقتطفاتك من الإرشيف وإن كان نسبة 99% من الأسماء الإقتطعت مداخلاتهم من الإرشيف دلوقت هموا غياااااااااااااااااااااب يلا تعالوا نفتش عنهم وعبر هذا البوست بناشدهم يجونا ناطين هني ورحم الله أختي الحبيبه غيداء رحمة واسعة بارك الله فيك يا أخوي[/align] ملهووووزة (علي قول الطيب بشير أخوي): إنت غاتس وييييييييين يا أخوي تراك في خرتوم السجم والرماد دي وما بنتلاقي نعلو المانع خير ؟؟؟ :D:D |
اقتباس:
تعال لينا فى سودانيات فرع حكايات بالخرطوم شارع على عبد اللطيف شرق السفارة الأمريكية تعال ومعاك اخرون . |
اقتباس:
أصلو حكايتكم ظااااااااااااتها بقت حكاياااااااااااااات :p:p:p لأ لكن دي باااااااالغتو فيها دي .. الود مررررره واحده كده ؟؟؟ لااااااااااااااااااااااااااااااااااااا إله إلا الله محمد رسول الله يا أخوي إن ما رسلت لينا لينك الحفظ وحاااة الله ورسوله الصفحة دي ماني مارق منها تب [align=center]زمان كنا بنشيل الود أعيشها معاك لو تعرف دموع البهجه والأفراح واتأسف علي الماضي الـ وليّ وراح علي الفرقة زمانها طويل علي الصبر العشناه مع طول الألم والليل زمان كُنّا بنشيل الود ندي الود وفي عينينا كان يكبر حناناً ذاد وفات الحد زمان ما عشنا في غربة وقاسينا نتوحد وهسي رحنا نتوجع نعيد في الحسره نتأسف علي الماضي اللما بيرجع علي الفرقة الزمانها طويل علي الصبر العشناه علي طول الألم والليل صحيح إنو الزمن غلاب لكن أنحن عشناه ومشينا علي عذاب وعذاب دروبنا تتوه ونحن نتوه ونفتح للأمل أبواب أحبك أحبك لا الزمن حولني عن حبك ولا الحسره وخوفي عليك يمنعني وطول الإلفه والعشرة وشوقي الليكا طول لسه معاي وشوقي اللسه طول ولي بكره لسه معاي أحيييييييييييييييييييييييييييييييييييييييييييا أنا يا أمير الشعراني مالك توجع قلبي بهذا الغناء هذا غناء لو تدري يا صديقي وقد خرج من ثنايا أرواحهم ليدخل في مسامنا هو غناء يبكي الروح كثييييييييييراً [/align] [/align] |
اقتباس:
تسلم يالحبيب |
اقتباس:
http://sudanyat.org/vb/image.php?u=8...ine=1229083579 الاجابة عند اتنين خالد الحاج وبابكر مخير من يجاوب..؟[/frame] |
[frame="1 80"][align=center]ولك نغنى ..ايتها الحبيبه .سودانيات..
أنرت الزمان.. واشعلت برقا أنار وغطى وشاح بهاك.. وسرى وتمادى وانت انيقة.. بحسن البهاء ترفلين .. وبهرج نورك اضاء عتمة ظلام الاماكن. ونور تمدد الى كل ساكن.. وحسنك تبعثر..وتناثر جوهر..من لألى..فلؤلؤ بهاك ضياء تكسر.... وحبك اشعل لهيب إشتياق.. ستظلين أنت نداء المعارف.. و ديارا تلم فى حضن دفئها.من يملكون سحر القوافى.. ورسم الجمال..وخلق الرؤى..ويثرون أحساس الزمان بروعة حدث.. وبليغ تشكيل..وفرح وطرب..وجهد إنفعال..وكل المحال.. وسحر الامانى...وتلك الاغانى...ودفء الحنين...وعبق السنين. وعطر التلاقى..ويكملون .سر الرسالة..ويدركون ألأشارة.. ويحسنون التواصل.. و يعشقون التداخل.. إليك.. لهن.. إليهم.. عميق ألتهانى.. عصمت العالم عبد الرحمن 15/10/2005[/align][/frame] [align=center]سودانيات ، نبض التواصل و الحب و المودة جيلا بعد جيل ...[/align] |
[frame="7 80"]http://sudaniyat.org/archive2/images...43bc863b1d.jpg
والى حنينة الحنينة تحية اجلال وتقدير وامانى ودعوات بالنجاح والتوفيق فاليوم (3-6) مكانة خاصة لديها وفرحة خالدة فى قلبها الأبيض الكبير كل سنة وحنينة حنينة وكل سنة وسودان رأى فى مصاف المواقع السودانية باذن الله ..[/frame] |
| الساعة الآن 02:45 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.