ناس النظام العام كان جو هنا يعملو شنو؟؟؟؟
اكتب هذا البوست بعد التداعيات الكثيرة التي قجرتها قضية الصحفية لبنى احمد حسين
واعود بذاكرتي الى الوراء..حين قدومي..لدولة الامارات لاول مرة...وطبعاً والحمد لله الانسان جاي من السودان.وعينو ملآنة من الحشمة والسترة..وللحق الانسان يقولها..والله المرة السودانية بخييير..محتشمة ومستورة..وحافظة نفسها..لايمكن إمرأة سودانية ان تكون خليعة ومبتذلة والله لو.سكروها!!!يعني المظهر العام في السودان عامة هو مظهر محتشم..والمرأة السودانية ماعايزة زول يقوليها انستري..صدقاً..محتشمات فطرة... نرجع لموضوعنا..طبعاً..لما وصلت دولة الإمارت العربية..اول حاجة لفتت نظري وعملت لي صدمة حضارية قاسية ..ليس مبنى المطار الفخم..والذي لايقارن بالمطار حيث قدمت..ولكن ما سبب صدمتي الحضارية..هو التعري!!!!اي والله..التعري..يعني جيت من بلداً حريمو محجبين اجي لبلد زوارو متعريين..اولاً موظفات المطار عندهن ازمة امكن في القماش اليونيفورم ،طولو شبر..يعني الجاكت والبلوزة طول بعض!!وكانت في سفرية معانا روسية!!!جنس لحم مدفق تدي روحك العجب!!!بقيت اتلفت واقول لي روحي..(الزولة ما اهل العوض)..نسيت اولادي وشنطي..وبقيت اعاين للنسوان العاريــــــــــات كاسيات ديل واقول ..آجي ,,آجي..وامصمص شفايفي..ماقادرة اكتبها لكن ليكم تتخليوها..كل ما اعاين لواحدة اقول آجي عليك الله إنتي حسع لابسة حاجة.واستغفر الله!!ده شيتن اصلو ماشفناهو لا في الناس ولا في الريل ولا سمعنا بيهو.ما شفناهو.ولو في فلم في قناة السودان ..جنس ده .بري..الصدمة كانت قوية..بعد داك ،بعد ماقدمت كل واحدة بنظري. حتى الباب.التفت لي عفشي واولادي ومازلت امصمص في خشمي بحركة موسيقية كده..وبعد داك استعدت شوية توازني..وعندما تفسحت في البلد لقيت ليك دبي.. وماادراك ما.. دبي..لكن هو ما..جداااد!! يعني الفلبينيات والاوربيات ما مشكلة ..المشكلة في الافريقيات الملآنات شحم ومدفقات..ويتحاومن بقمصان نومن .اقصد فساتينن..من غير دراسة.. لتضاريس اجسادن الكلها تضاريس وعرة..دي!!وبروزات !! وتجي تقولو لي لبنى لبسها فاضح...والله حكم..يعني ناس النظام العام ديل لو فكوهم في دبي دي ح يسو شنو؟؟؟والله باقي لي حينزلو في الحريم جلد من الطيارة.ابتدءأً من المضيفات.. والله ح يلقوها منقبة عدييل الاستاذة لبني..لانو اساساً..مافي لبس فاضح في السودان بس يهجمو في بنات الناس ساااكت!!!! والله عايزاكم تتخيلو ناس النظام العام ديل لو فكوهم في دبي..ح يحتاجو لي كم سوط؟؟؟ |
سلام يا مرافى
إتخيلى فكوهم هنا .. http://image.dfdp.de/bild_gr/gr_4720...006_strand.jpg والله باقى لى تصرفاتهم سادية ونوع من النقص والغبن لمهانة البشر .. كان طلعوا فى دبى ولا الواق واق .. كان ما سرحوا على حل شعرهم بقعدوا زى خلق الله .. أمراض البلد هى الطالعة فيهم ما لبس النسوان .. الله يعفى عنا |
[motr1]غايتو جنس حسد[/motr1]
|
اقتباس:
قولتي لي ضاربات الطرااوة ساااي ،حكيكي لذييييذ والله. التحية/ عثمان الطيب |
اقتباس:
[align=center]والله باين لي يا أخوي رأفت كان فكون هنا.... ح.... يقهو سااااااي.... والجلد يروح ليهن تب دي مايوهات ياعم...[/align]. |
اقتباس:
الحاسد منو نحنا ولا.... ناس النظام..؟؟؟:confused: |
اقتباس:
شكراً لييك الغالي عثمان .. في الحقيقة ضاربات الكندشة ساااااي...loooollooool ومضرعات بالشحم هذا واللحم هذا... بالشوارع ساااااي!! !! |
UP
|
اقتباس:
؟؟؟؟؟؟؟؟؟؟؟؟؟؟؟؟؟؟؟؟:confused::confused: |
اقتباس:
أنا لمن قلتا اقتباس:
كان قصدي دآ اقتباس:
بالله الزول دآ، قدر ما نجهتو، غير يتنتع لي فوق، ما بعمل ليه شئ، من الأن فصاعدً؟! حأبدع في مدحو:mad: عسى واللعل،، أشوفها فيهو وأشوفو سمييييييييييين وشبعان لمن ما يقدر يتحرك:( وغنياييييييييييييان لمن يغرق في المال الحرام السرقو ويدخل السجن فيهو يرتاح ويتهنى ويلموا فيهو الناس الظلمهم، يقالدوهو بي محنتن شديييييييييييييييييدة لمن تخنقوا،، ويموت شهقان (ما غلبني أقول شهيد، أصلها ما بتليق فيهو) ويطلع فوق ويلاقوهو بالترحاب الحاااااااااااااار من لظى ويستمتع بيها شوية ويزيدهو تانية ما هو البيستاهل الكتييييييييير... قصرتا في حقو مدِّح |
اقتباس:
عاد باااااااااالغته يا عمو رأفت يجيبهم هنا وحاة الله كان ما أغمى عليهم جنس دا كان شافهو في التلفويون بغطوا عيونن وبعاينو ما بين الأصابع ياخ الواحده في السودان لو ماشه وطرحتها نازله الشارع كله بعاين ليها لما بها من خلاعة تقول لي شنو؟؟؟ تعرف زكرتني بي حادثه حصلت لي هنا ايامي الأولى في دبي جيت طبعا من السودان ياني زي ناس النظام ديل كان واحده لابس ( كط) بتلف وقول شوف بالله البت الما بتخجل دي .. المهم جيت الإمارات وأصر علي أخوي الا اقيم هنا وأشتغل .. عمل لي ( سيرة زاتيه ) ووزعها .. أها بقى كل يوم يجيني عندك مقابلة بكره خليك جاهزة .. اها في واحده من المقابلات انتهيت بدري وهو بيشغل دوام طويل يعني لحدي الساعة خمسة .. قال لي هسه الساعة ( 11) وما ممكن تمشي معاي المكتب وتقعدي لحدي الساعه خمسة حتزهجي .. عشان كدا حأوديك حته لذيذه تتفرجي فيها لحدي ما أخلص شغل وأجيك ... بصراحة انا ما حبيت الفكرة .. يعني معقول امشي لي سوق لا دكان ( طبعا على حسب الفكرة السودانية ) لحدي الساعة خمسة .. مشيت واذا به يدخل بي على سيتي سنتر ديرة - دبي .. ويوقف العربية في مدخل رقم كم ما متزكره .. ويشيل ويشرح لي .. عايني دا المدخل رقم كدا وداك السلم الكهربائي .. الساعة خمسة شوكة القاك واقفه هنا .. لانه صعب امشي اجيبك من جوه .. أختكم جديده لا موبايل ولا عرفه بالبلد ... أقوم ادخل واقول بسسسسسم الله .. ما ألاقي ليك الا اللحم الأبيض المتوسط منتشر وبكثرة في السيتي ..ز سجمي ... سجمي ... سجمي ... أنا وين ... وهسه لو جو ناس النظام العام هنا أعمل شنو؟؟؟ . بصراحة الوهلة الأولى حسيت بأني زي الما في وعيي .. كمية الجمال + كمية التعري + كمية الحرية .. حيروني ... بقيت بدل ما أستمتع بالفرجة في المحلات .. الاسكسسوارات ..... وكل الموجود في السيتي .. بقيت متابعة ليك كل واحده خليعة ( بالفهم السوداني ) وأمنطقها ليك وأشاكلها ليك في سري .. يخسي عليك .. عليك الله دي لبسه الواحده تطلع بيها .... وأقبل كدا الاقي ليك تانية .. وب علييييا دا شنو ؟؟ أسنر يا رب . وانا في غمرة الإندهاشة تظهر واحده او شله جديده .. وأروح مسيراهم ليك .. لحدي ما أشوف اخرهم شنو .... مناظر عجيييييييييبه .... واختكم أهل العوض في جنس دا .. أتاريك يا ساعة اجري جري .. ثلاثة جاءت ......... أربعة جات ......... خمسة جات ......... سته جات :eek: وانا ما بين :eek: وما بين دي بالغت ودي مالها .. وقال ليك واحده لابسه من غير هدوم .. وواقفه ليك مع واحد ... لا خجلانه لا خايفة لا مستحيه .. حسبي الله ونعم الوكيل .. ديل لو جو ناس النظام كان قطعو راسهم من غير تفاهم .. المهم انا في اللحظة ديك حسيت ليك انه عيوني وصلت حد شعري من الإندهاشه وانا في غمرة الخلعة دي اذا بي صوت مااااااااااا غريب لي ينادي بأعلى ما عنده ( اهل العوض .......... أمرقي ) اتلفت الاقيهو ليك اخوي الما يغباني وخلاص وصل مرحله ... لكن شكلي حننوا ... قال لي امرقي طيب ... خاتي انا البجيبك محلات زي دي ....goood |
الاخت مرافي ..
وهمس الشوق ...اسي عليكم الله البنات الجوكم في بيتكم اليوم داك لابسين بناطلين لو لاقهم ناس النظام كان حيجلدوهم وكدا ؟؟؟عشان كدا قلنا جينا نهائيييييييي ... وبعدين ناس النظام ديل انتو قايلين شنو عاملين (حاميها حراميها ) كلما امشي على الحدايق والبتش اتذكر حسادتهم لمن يلقوا ليهم اتنين قاعدين مع بعض طوالي (لو سمحتوا قوموووا من هنا )..او قوموا تعالوا .... واقول ياريت الواحد لو بيرجع الزمن ..... لكم محبتي |
اقتباس:
اللبس الفاضح رااااااااقد في شوارع الخرطوم في جامعات الخرطوم في حفلات الخرطوم العامة والخاصه والمرأه في الشارع المصري ملتزمه أكتر من المرأه في الشارع السوداني أسعلوني أنا عن الكاسيات العاريات الفي السودان أحييييييييييييييييييييا أنا منهن ومن مفهومية الموضات العوراء :D وده طبعاً ما بيقول بإنو لبني لبستها ديك لبسَه فااااضحه التوب السوداني الآني لبس فاضح يا أختي مرافئ فاضح جداً توب الحرير البربطوهو داك ويشف عمّا تحته تماااااااااماً من تكورات وتضاريس وفساتين فوق الرُكبه ومجدوع بحبلين علي الأكتاف ربنا يدي نساء بلادي مُخَهن:D[/align] |
والجايبن هنا .. شنو ... ؟؟
تجيهم الكشة ... !!!:D تحياتي |
اقتباس:
والله صحي خاتي هو البجيبك المحلات دي!!!:D:D نفس المرً.. بي ..صدمة حضارية نفسية صااااح..تخلي الواحد مهود وماقادر يتوازن ولا يوازن بين ماتربى واتعود عليهو وبين البقى واقع في حياتة الآنية ... لكي جميل وعاطر المنى... |
اقتباس:
ازدان البوست بمرورك البهي.. والله الجونا لابسين بناطلين ديل لوسوووها في السودان النظام بينظمن تماااام:D:D والله يختي ناس النظام ماقصدهم لبس ولا غيرو قصدهم كسر المرأة وإذلالها بقوانين هم اول ناس بيعملو ضدها زي ماقتي حاميها حراميها!!! كيف حالنا اذا حاميها حراميها ده عايز يفرد عضلاتو علينااا لكي الحب حتى تستغيثي ...[/align] |
اقتباس:
والله ظلمت الشارع السوداني يااخ والله انحنا خليناهو بي خيرو بس اسمع إنت البوديك تعاين شدييد كده شنو؟؟؟ توب الحرير وتكورات وتضاريس... عندك واحده وقصيرة ما طووووويلة كدي لما تستشف الجوه الجوه... ولاانا ما بقطف زهورك بس بعاين بعيوني!!!loooollooool |
اقتباس:
بجد اناقة ما بعدها اناقة تسلمي يا رائعة [/align] |
اقتباس:
مالكم مندهشين هو قالو الكشة الا للجماعة اياهم...الشعب كلو قاعد يتكشا ماشفتو مآسي السوق العربي مع ستات الشاي وحاجات الفول..وناس السفنجات وحتى البيعو الكتب كلو بيتكشا؟؟؟ والله مرة صادفت كشة في السوق العربي..لما بكيت!! والله واحدين مقعدين..وطبعاً ما بيقدروا يجرو زي التانين بزعل قلت لواحد .امشي اسرق ولا اشحد عشان تعيش..ما بكشوك..البلد ملآلآلآلآن حراميه مابكشوهم بكشو الغلابة البلقطو رزق اليوم ياليوم.عجبى!!!!!! اسعدني مرورك اخي طارق دمت بعافية |
اقتباس:
والشواف ربي عيالو :p:p ولا شنو ؟؟ :p:p المسأله في السودان الآن أختي مرافئ عبارة عن مرافئ بلا حدود في سفور البت السودانية الما مُعَرَسَه أمّا المتزوجات !!!!!! :D:D:D سجم السجم ظااااااااااتو إنتي بس لما تجي السودان كلميني أعزمك فُرجه متل فرجتك في مطار دبي والعجيبة جميرا بيتش ;);) وكلامي طبعاً مُش تعميم علي نساء بلادي هناك المحتشمات البيسدن عين الشمس ومنو غيرهن مخلينا متوهطين في أرض البلد حارسينهن ؟؟ ربنا يحفظهن ويحفظك ويحفظ ليك عيالك ويحفظ ليكي بعلك ما تصيبه وشوشات الأغنية الشهييييرة ديك ... !!!!!! (راجل المره ده حُلُو حَلا ) :p:p[/align] |
اقتباس:
والله باين عليك خبرة في شئون الشوف..loooollooool طبعاً مابقول مجتمعنا ملائكي فيهو السجم وفيهو السمح..وبرضو بقول السمح غالب والسجم.. شريحة بسيطة ..ولا تعميم.. ياسيدي الله يهديهن..وبعدين شريحة السجم ديل مش وراهم رجال مشاركنهن السجم ده؟؟؟؟؟ولا الرجل بريء حتى تثبت ادانتو... وبمناسبة راجل المرا .زشفت اللقيتوها يانسوان الحريم:D:D قال حلو حلا!!!!اليسالن الاولى من حلاتو..بعدين.يضوقنها منور والله البوست..بمرورك العطر ولك( رحيق )الازاهر..وعبقها..لازم تسمي عبق..كمان دمت بكل الخير |
اقتباس:
؛ لأنو المضيفات و البنات الفي دبي ( الجيت منها قبل 6 أسابيع ) و الحكيتي عنهن ديل ( أنصار سنة ) عديييييل كدة بالنسبة للبنات العندنا هنا [/align] |
سلام
اقتباس:
يابت بطلي شمارات والجلد هنا لاي زول مابيتصل وماظاهر:):):)وخلا السودان والدق في المطار مرافي وصلي الكلام ده لو البت دي ماقرتو :) بعدين النظام العام ده هنا قصه بس لانو لبني دي اصلا من جامعه الجزيره الدفعه 14يانعناعه وزي ماعارفه ناس 14 وقصص النضال نحن من دخلنا الجامعه وهم ريحتهم مافي اي دفعه تعمل حاجه صغيره طوالي يقولو اها دار تبقو زي ناس 14 يعني لا بنطلون ولا غيرو والخرطوم من تطلعي خشم الباب لمن تجي راجعه بناطلين واحدين بدون طرح يقولو حركه شعبيه يعني لبني لبستها الابساها دي محترمه جدا واليشوفو شي تاني دمتم وسأواصــــــل |
اقتباس:
عليك الله ماشفت الحالة السعبة دي بالله بس ان شاء الله تجلدت ما انجلدت:D:D سعيدة بمرورك البهي........ |
اقتباس:
الغالية سمية... طبعاً عرفت القرابة..وسعيدة بيك وبيها... ومن دربي ده اخليها تواصل عقد المحنة عشان ما :D :D :D ماتنجلد بسوط لومك سلمتي ياغالية |
سلام
اقتباس:
سعدت جدا بمعرفتك بخالتي.. وكأني أعرفك مثلها تماما سبحان الله والقلوب مجنده .....تحياتي واشواقي لك ولها خالص محبتي |
UP
|
وما اشبه الليلة بالبارحة...!!!!
والله لو جوا هنا يتنظموا نظاام ....:mad: :mad: |
| الساعة الآن 06:38 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.