نافذة على بعض ما نجهل عن بعض من نحب..!
[B]رمضان كريم يا شباب سودانيات ..
أحاول جاهدا ربط أواصر الألفة والمعرفة بأناس احببتهم كثيرا وجهلت عنهم الكثير .. أدعوكم للتعاون معي في هذا البوستر لتوثيق أواصر الإلفة والمحبة والمعرفة بالتقرب أكثر ممن نحب .. وليتناول كل منا شخصية محددة يتحدث عنها بكل أريحية ويقول ما يراه فيها حسب منظوره الشخصي وتحليله لهذه الشخصية من خلال المعرفة الأثيرية التي جمعته بهذه الشخصية أو من خلال لقاء عابر عبر الهاتف أو الأسافير أو لقاء مادي لفترة وجيزة والإنطباع الذي خرج به .. بدايتي لكم بالحديث .. عن شخصية التقيتها الشهر المنصرم .. وكانت لها بصمات واضحة في وجدان كل من التقاها وبصورة مضاعفة أنا..التقيت بالأعزاء أحمد محمد زين ومحمد أبو عاقلة ومنال وسمية آدم ورشا حاتم ومدام أماني زوجة الحبيب خالد وتحفتيها .. وسارة (سرورة*) وناصر يوسف ونادر وحرمه المصون السيدة الفضلى سلمى ومهند الرباطابي والحبيب جمال همد ودكتور الأغبش ودكتور حزيفة (طيبان وحرمه المصون) والضحكة التي تمشي على قدمين الضجة فتحي مسعد وكان لكل منهم بصمة شفافة وضعها في وجدان الآخرين .. فكانت فكرة هذا البوستر وكانت ضربة البداية مني عن أكثر بنات حواء ضجة ورونق سودانيات الساحرة:- السيدة أمينة الشهيرة بسارة وفي رواية أخرى .. [align=center](سرورة*) وعن سرورة بقول لكم .. * * * [/align] عندما التقينا أول مرة كذبت عيناي ومن قبلهما أذناي .. إذ سمعت عنها إنها أما لولدين في المراحل التعليمية الثانوية فما فوق .. وكان تصوري لها إنها من فصيلة البلدوزرات التي تزخر بأثارها شوارع حياتنا الزوجية نيفا من الزمن .. وكانت المفاجاءة أن إستقبلتني بكل بشاشة وترحاب شابة يانعة الشباب ممشوقة القوام شحيحة الدسم! (إستايل يعني!) لو قيل لك أنها ممتحنة الجامعة هذا العام لما ترددت من أن تدعوا لها بالنجاح ..وكمان من شدة عنطزتها وفنطازيتها كانت لابسة تي شيرت ومنطلون جينز يجبر مدير القومسيون الطبي على أن يمنحها شهادة تقدير العمر فوق العشرين بست سبع سنوات مع الإعتذار لها شفويا .. وده كلو كوم والكوم الكبير .. أسلوبها وطريقة حديثها وتطرقها للمواضيع برشاقة فراشة حيرى بين حفنة أزهار يمثلها .. الفقير لله تعالى والشاب الرائع أحمد الزين والشابة التي تفوقه روعة منال .. زانت جلستنا التاريخية تلك بمنزلهم العامر بحي البوستة بأمدرمان سارة بخفة روحها ودمها المعطون في خلية نحل .. وأمها التي تعطر الجلسة بضحكات حميمة على قفشات الحضور وكانت سارة شمولية التناول بكل براعة في كل المواضيع .. بل كانت موسوعة علمية تخوض معك بكل إمكانية وتفوق في كل مجال .. وكان واضحا شخصيتها المرحة (النزقة) وأطوارها المتقلبة ( ماتفهموني غلط ) تتقلب أطوارها حسب مجريات الأحداث .. فهي ذات قدرة فائقة في التنوع والتنقل حسب مقتضيات كل حادث وحديث .. بمعنى .. لو مثلا كانت جالسة معك في مكان عام .. تتحدث معك بكل رقة وشفافية وأنوثة وعذوبة .. وفجاءة إكتشفت إن احد المتطفلين قد أعتدى مثلا على زميل لها .. أنا شخصيا لا أستبعد أبدا أن تكون ردة الفعل الفورية لدي عزيزتنا سارة .. أن تقفز عليه بطريقة الكاراتيه وترقعه علقة جامدة ثم تصفق كلتا يديها وتعود إلى المجلس بكل هدوء لتواصل ما أنقطع من حديث ناعم كما لو أن شيئا لم يكن !!!. وبعد هذه هي سارة حسب وجهة نظري وإنطباعي الذي أخذته عنها في اللحظات البسيطة التي جمعتني بها لحسن حظي قبل حوالي الشهر من الآن .. تتقلب أطوارها وأطوارنا معها في كل فينة وأخرى .. تفاعلا معها وتأثرا بها فهي تملك ملكة نادرة في التأثير على كل من حولها وخطف الأنظار إليها دون أن تتعمد ذلك .. حقا أقول .. عندما أستضفنا مقدمها الكريم في مكان متواضع بعد عجزنا التام عن مكان يليق بعظمة المحتفى به في نفوسنا .. كانت تجلس معنا أنا وأحمد زين ومنال في .. Area 51 cafee centre أضحكتنا سارة حتى دمعت أعيننا مرحا .. وتارة أخري حكت عن بعض ما لاقته من عنت ومعاناة فأخرج كل منا منديله ليمسح به حاجات تانية حامياني .. وهي تروي لنا العنت الذي لاقته خلال مسيرة كفاحها المرير المكلل بالنجاح بحمد الله .. خلال حوالى الساعة والنصف .. كانت سارة بيننا شخصية متغايرة فتارة نري فيها الأم والأخت والحبوبة والحبيبة ومرات كتيرة كنا نرى فيها .. هيبة الرجال ووقار الشيوخ .. هذا ما يراه بل ربع ما يراه أبو أماني في الدكتورة (مستقبلا قريبا بإذن الله) السيدة أمينة .. أو سارة .. او .. سرورة .. لله درك يا أختي العزيزة أمينة حفظك الله ورد غربتك ولنا لقاء قادم .. مع شخصية جديدة أرجو أن يسلط عليها الضوء أي منكم .. تشاوووووو!!goood [/B] |
المهم تبعد مني أو علي الأقل تستناني لغاية ما أمرق من السودان وبعد داك أكتب الدايرو عشان ما تتعوق.. نصحتك ياليث نصحي محاذرة قلت قتلت غدرا.. |
أبو أمانى يا رجل من نور
يشهد الله مررت على هذا البوست اكثر من مرة ولم أدرى بماذا أرد عليك... يعنى أعلان تفليسة ( حقوق النشر لاخونا احمد زين ) لانى لو بعث سيبويه من البلى وذويه من اهل القرون الاولى لن اجد ما يناسبك ... تشكر على كل كلمة كتبتها فى شخصى المتواضع (( أوضعتم تخاجلنا ياخ ) كل ما كتبته جميل ولو انى عتبانة عليك ( ياخ حكاية ولدين دى خربت بيها الرصة وكدا طيرت علينا الحمام يا ابو امانى الله يغفر ليكgooodgoood لكن بلاقيك فى فرقة وبلحسك المرقة:mad: قبل ان اخرج من هذا المكان اشهد الله واشهد الناس هنا وهناك واشهد ضميرى انك انسان بكل ما تحمل الكلمة من معنى تستحق المحبة وكامل الاحترام مودة يعلم الله وحده بها واظنك ايضا تعلم بها |
اقتباس:
|
المرة دي الكلام عن رجل .. من هو؟
حتى لا تملونا .. نحاول التنويع فالمرة القادمة الحديث يشمل رجل .. من رجال سودانيات ..
خبر النضال الوطني .. سنينا عددا بعضهن عجاف .. سليل بيت كبير من بيوتات البلد أيام زمان وكان سليل أماجد علما وأدبا وخلقا وحسبا ونسبا .. وكان ربيب طرق صوفية .. كانت تحل محل المنتديات الآن .. أيام شبابو .. حاجة قريبة ليها إسمها .. إندايات .. اللهم إني صائم وشوية شوية اتطورت بقت بارات .. ما في شدرة ما هباها ريح .. زولنا ده بكون له بصمات في كل مناسك الجاهلية الأولى تلك .. كما له صولات وجولات في مرابع الفكر والأدب وبيت الأرقم وغيرها من المساجلات الأدبية والمطارحات الشعرية التي كانت تنشط آنذاك بجانب نهضة سينمائية ومسرحية وإذاعية متطورة يشار إليها بالبنان .. يجيد الكتابة الجاذبة نثرا .. لبق حديثا .. حبوب منشرح الصدر دوما .. لست أدري إن كان قد قرض الشعر ولكني موقن أنه إقترض من كل دكاكين الحي شعرا !.. الشخصية التي نتناولها المرة القادمة وقريبا جدا .. هي .. (( goood )) ! سوقوا الصبر يا جماعة .. ما كده والله !!!!!!!! |
حديثي هالمرة عن شخصية عزيزة على نفوس الجميع .!
له إبتسامة .. عذبة حالما تأسر من ينظر إليها .. محياه صبوح يشئ بنفس بداخله طيبة .. وتري الطيبة تتقافز من عينيه .. حتى أسلوبه في الحديث هو هجين للجهات الاربعة.. فهو مطعم ببداوة شرقنا الحبيب .. وطلاوة غربنا الساحر وسحر جنوبنا الدافئ وروعة دليب الشمال .. كان يسرني أن استطرد لولا إن مواعيد الفطور قرررربت ..وانا لسع دي ما ساعدت أم أماني بأي حاجة .. نواصل بعد الفطور إنشاء الله .. تشاووووو مؤقتا .. goood
|
[align=center]
سلام يا ابن العم و الخالة و عساكم طيبين، بس زولك دا اهم حاجة يكون مريخابي :D:D[/align] |
اقتباس:
كيه لي العزابه |
غايتو يا ود سعد قع تولع نااااار في الصفراب ديل ..!@!
اقتباس:
ما الحكمة يا إيمولا طبلة الهلال دي مفتاحها يكون فيها 24 س. في اليوم ؟؟! أكيد خوفا على الكأسات الجوية الكتيييييييرة ما يسرقوها ولا أنا كضاب ..؟؟ قوليها والله مابزعل ..عارف روحي كضاب في الواقعة دي .. وكيتن ليك .. عشان أوريك صفوة الصفوة وتصرفاتهم الصفوة الزول القع أشكر فيو يجي يومين تلاتة ( ويستاهل بجد ) هلالابي وبكل أسف .. ربنا يشفيه .. أمال .. أمال .. سا .. سا .. سا سومبا .. .. وكا .. كا ..كبونديي .. كي .. كي كيف ..كيف كييييييييف ؟؟؟؟!!!goood goood goood و.. رسالة خاصة للعزيزة إيمولا .. (((goood))).. عليك الله دقش ولا ما دقش؟؟ |
اقتباس:
الدخلهم هنا شنو يا وجيهة،، ما الرشاشات اغلبهم عزابة،، بعدين اول مرة اشوف لي زوله تكوي روحها :D:D انت كان الصيام غالبك ما تكرطعي ليك كوز ولا جري ليك نفس و كدا :D:D حبيبنا ابو اماني، انت بت عمنا دي بتعرفها و لا بتجي داخل توش ساي كدة يا الحبيب ، شايفك رافع الكلفة و متجدع سيد بيت :D:D و قربت تقول ليها سخني الشاي و جيبي الجبنة و املي الباقات .. و في انتظار ضيفك العزيز .. يديكم العافية .. |
[align=center]http://sudaniyat.net/up/uploading/single-brick.jpg[/align]
|
اقتباس:
كدي ر كبنا يا باش دا قالب طوب ولا كيكة ولاطربة حشيش ولا لوح شوكولاتة الظاهر الصيام خلي مخ الواحد تخينgoood |
أها قمت تجمجر ..؟؟ ماك عارفها زي جوع بطنك !
اقتباس:
ما تلف وتتدووور يا توحة .. قالب سمسمية وارد قبرص .. وإنت الساديق .. من البروكر للديلر على طول .. شفت نا س ود الطاهر بياكلوها والعة كيييف .. يا عمي ده إنت طلعت مقلب !! ود الطاهر .. أوي هووووي .. أحجز لي .. !!! في رحلى العيد ... تشاوووووو goood goood goood |
اقتباس:
اقتباس:
اقتباس:
سلامات ياخوى بعد سافرتو الطوبة دى بقت حجز فى الصفوف .. زمنكم كان فى صفين بس .. ( السينما... و 7 بيوت ) |
اقتباس:
القبالنا، كان في تالت:eek::eek: (ما بتقال لا هنا لا في الداخلي،، كان بتقال، بس في الداخليات وعلى ذمة الروآة،، اللهم،، صايمlooool:):() |
اقتباس:
ظا تـــــــــــــــــــــو منو الفى صف ( الســــــــــلمــــــــــــــــــــــا ) ؟ ؟ ؟ goood |
بوست جميل وفكرته اجمل
والله متاكد جدا وواثق من انك وصفت هذه الجميلة سارة وصف دقيق وازيدك من الشعر بيتا زولة قدامية واخت اخوان وتتلقى فى الحارة وحنينة لدرجة تقاسمك الدموع سلمت ابو امانى وسلمت لنا سارة الضارة مودتى لكم الجوز |
أهلا .. وسهلا بالحبيب للقلوب طارق ...
اقتباس:
كل ما كتبته جميل ولو انى عتبانة عليك ( ياخ حكاية ولدين) دى خربت بيها الرصة وكدا طيرت علينا الحمام يا ابو امانى الله يغفر ليك بالله عليك الله يا طارق سارة دي لو الواحد بقي أناني وعرسها ما بكون دمر ليها مستقبلها ؟؟ وأقول لها .. ما تخافي يا سرورة شتارتك دي بتجيب الجيكس تاااني راجع .. أسعليني أنا ..وكان ما جوا .. أنا رأبتي سدادة يا ست الكل .. أطلبي مهرك يابت يادوسة .. من قنيه لعشرة هوا أنا يهمني .. دي الفلوس كيتيييير والحمد لله ..ختاما خلونا من سرورة دي أكلت قرقوشة أضاننا بخفة روحها دي .. خلونا مع الوافد الجديد والبديت أنوه ليو .. في مداخلات سابقة .. ما عرفتوه؟ .. أمسكو الخشب .. شكرا طارق ,, باي سارة .. خير مدحشين مالكم يا جماعة ؟؟ خلاس بح .. تشاووووو gooodgooodgoood |
إنشاء الله يوم شكرك مايجي يمة ..!
اقتباس:
|
اقتباس:
[align=center][align=center]ماهو احمر وتحته خط وصف لابنطبق على ولا استحقه وشكرأ لك على حسن ظنك بى والذى لم بصيب خيرها فى زول تانى الجميل ابو امانى انت قاصد شطارتها ما شتارتها مش كدة ؟ انا غير دى الطلع زيتى شنو ؟[/align][/align] ب اقتباس:
|
أترى هو تواضع العلماء ..؟؟؟
عزيزي طارق ..
عله تواضع منك .. وعلك لم تفهم قصدي من كلمة: الأستاذ الأديب الرائع طارق الحسن فكلمة أديب لا تنحصر في مجال الكتابة والنثر والشعر وحسب .. الأدب هو علم متكامل صنو للفن .. وأنت بالفعل أديب في مداخلاتك على قلتها .. دع التواضع يا أخي .. لك خالص معزتي .. أما قصة ضياع مستقبلكما الإثنين .. فحقيقي عجبتني .. أما قصة إنك بدبلوماسية عاوز تعدل لي صفة (شتارتها) وتعملني قاصد شطارتها فغيرك كان أشطر .. صدقني يا طروقة ..مي سارة .. كلمتي قبل أكتبها بتكون نقشت عاوز أكتب شنو !! دي شيطان مصرم يا با .. عليك الله كان مافقرية جد جد .. تمشي النرويج .. ياأخي أنا في الأطلس كان قالوا لي طلعها وين .. اقول ليهم الله يديني باقي عمر .. عليكم الله ما تقولوا أبو أماني هتراش ومقدم سطر ولا فاطيو ما عارف أنا مبسوط وعاوز أشاغل وأهترش بدون تابليت .. عندكم مانع ؟؟ خلااااس نقيتو .. أها تشاووووووووو |
[align=center]البيقنع الديك منو يا جارى العزيز
شرقا ؟ ؟ ؟ ؟ ؟ شكرا على الاصرر الجميل تخريمة : تعرف المرحوم احمد محمد سعد ؟ ؟ ؟ ؟[/align] |
والله يا د. مخير ما في زول فاقسني غيرك !!
اقتباس:
والله كأنك تعلم ما بدواخلي .. تصور إنت الزول البتكلم أنا عنو في مقدمة لتقديمه؟ داير أتكلم عنك برااااااي وبوحي من خيالي الجامح .. لاني ما شفتك بس بتصوّرك وصدقني كلامي كله عنك حيكون صدق وصادق وصدوق .. لنا لقاء قريب فيس توو فيس .. فأنت الزول الفي بالي المرة الجاية .. تشاووووgoood goood goood |
اقتباس:
والله قدر ما حتقول وإتا القلتا وبالغتا عني،، بتكون كترتا زيادة في حقي.. والله أنا زول، كايس عيشة بسيطة، يقضيها وسط الناس دون يزعجها،، يحب الناس دون ما يطلب مقابل، يكفيني أن أملئ قلبي بحب الناس، عشان ما يكون فيهو فراغ للكره.. بحب عيشة ضللت الحيط، بس تكون حيط مصبوبة وما شيتن واهن يترمي فيني، يقضي عليا قبال يومي... وبيني بينك، دآ هو المستنيهو قبال ما قسوة الحياة، تقلب مفاهيمي وأبقى أعيش الواقع وأعرف أكره وأحسد.. أريتا يابا حياتن تنقفل قبال ما أعتاد الكعوبية ويرتد عليا كل سهم من الشين دآ أكون فكيتو... الحبيب الغالي.. أريتني كنتا بستاهل،، كنتا شفتا في بوستك دآ كل الجمال... وكان فرحتا.. لكنك يابا، دفقتا ليك جردل قولن سمح في صحراء جدباء.. وييييييييييييين أنا دآ، من جنس دآ.... ليك محبة مالية القلب |
الحبيب تكعيب بابكر ود مخير بدون حرف دال ..
اقتباس:
أعلاه ما طفق يقوله بابكر عن نفسه طوال الزمن الغابر دون كلل أو ملل ودون أن يمنح نفسه الأبية واحد على العشرة مما تستحق .. لست جمهوريا ولكني معجب ببعض أفكار الشيخ الشهيد الوقور محمود محمد طه فقد قال .. كما للمال سطوة .. فإن للعلم سطوة كبرى .. وأعجب أن لا تحرك سطوة العلم شعرة من مفرق صديقي الودود بابكر مخير ..فنجده دوما يضج علما وحكمة وأنأة وحلم وبعد نظر وشفافية وسماحة الأنبياء تميزه عن الباقيين .. رجل يحمل سماة الملائكة .. أو بالآحرى ملاك في سمات البشر .. ضيفنا الثالث هو العزيز بابكر ود مخير حسب رؤية الفقير لله تعالى .. له .. فأنا أراه ببصيرتي لا ببصري كمن رأه.. الكثيرون منكم .. * * * * بابكر السماه أشرف الأنبياء الصادق الأمين .. والقال ليو الرسول (صلعم) جعلناك زينة للعابدين كل ما يدخل الدار يلقاهو بيصلي ويتعبد .. فصار الصحابة ينادون أبو بكر بن الصديق بزين العابدين وكان يتقبلها منهم بحب وفخر .. فهو أسم أسبغه عليه أشرف خلف الله .. ويشرفني أن تحمل أنت نفس الإسم كما أحمل أنا الشق المرادف له (زين العابدين) أو لنقل أبو جعفرالمنصور .. والسيدة زينب سليلة الأنبياء .. وأبو كل بنات سودانيات وأبونا كلنا من المحيط للخليج ومن هجليج لي .. كلنكاكول .. إت يا يابا ماك البكوسوك .. إت البتجي براك .. وإت الوكت يلاقيك البسوي الختا .. يضرب الكوراك .. ومافي هضليما بيملاء عينو في وشيك .. ومافي سيد شينة بسويها وبيكون راجيك .. بيكون يابا من دغش شتت .. إت ما السوداني الحار المابرضى الحقارة ولا الغلب .. إت ما القرقاب ود الصلب .. حفيد سلالة علم ودين .. وأبواتك جبيل فوق العلم راصدين..ووكتين الناس راحوا يطلبوه في الصين .. لقوا أبواتك دابوم صادين إت يا يابا مالك ؟؟ هييين ولا هوين ولا مكطوع لين؟.. أسميه العراب والأب الروحي .. وتفاحة سودانيات .. أسميه حجر الزاوية ومركز الثقل .. والقندول الشنقل الريكة .. أنظرفي صورته الحبيبة المعبرة التي تقطر سماحة وإبتسامة .. فأحس أن أبي لازال عائشا .. وإنه أخا لم تلده أمي .. لست أكبر مني سنا يا بوكو .. ربما ندايد ولكني قطعا أكبرك سنا (فقط) وإنت تكبرني سنين ضوئية عددا في مجال العلم والأدب والخلق والسيرة العطرة.. تبواء مقعدك الأزلي من قلبي يا رجل فأنا أحبك لوجه الله تعالى.. حبا في الله ولله .. وإلى لقاء آخر ... gooodتشاوووgoood |
[align=center]الاخ الحبيب العزيز / ابو اماني
ادامك الله زخرا و سندا و رسولا للمحبة و الخير الانساني في هذه الديار العامرة باهلها الكرام الافاضل، و كل عام و انتم بخير ..[/align] [align=center]http://sudaniyat.net/up/uploading/wwd.jpg[/align] |
حبيبي وصديقي وجاري وإبني وكل جميل
اقتباس:
|
بعض ما نعلم وكثير ما نجهل عن أحب الناس
الشخصية التالية والتي أعدكم بالحديث عنها .. بما أعلم عنها وأحس به .. هو شخص ذكر حي الشعور والطباع .. وحيئ .. الخلق والمنبت .. عريق الأصل .. خلوق ودود دمث الخلق والأخلاق .. مهذب لدرجة أن يربكك .. لا يثور .. إلا للشديد القوي كما قال صديقي الأثير طارق كانديك .. وعندما يثور عند ذروة الإنفلات .. لا أتمنى حضوري المشهد شخصيا .. هذا الشخص تعرفونه جيدا .. ويعرفكم ويعيش بينكم .. حديثي عنه قد يبدو مشروخا لأسباب ندريها سويا .. ولكن للحق كل ما سأقوله عنه ( سوى أن كان سلبا أم إيجابا) فهو الصدق بعينه وشاهدي الله سبحانه وتعالي .. أبقوا معي لنغوص في عزيزنا .. الغالي .. (...؟؟؟...)
لنا لقاء قريب .. تشاوووووو gooodgooodgoood |
ما عرفتوه .. لكين شاكين في زول ..
عارفكم تخيلتوا منو.. بس بقول ليكم حدثكم عين الحقيقة.. فهذا الشخص .. أعرف عنه الكثير المثير الخطر .. فهو.. رجل شهم..كريم.. رائع الخصال ..أخو أخوان .. وعشاء ضيفان .. وصاحب مواقف مشهوده له صولات وجولات في دنيا الأدب والشعر والنثر.. وله خيال خصب وروح سمحة مرحة.. حازم .. صارم القسمات .. ولكنه وفي لمحة .. يفيض مرحا وحيوية ويجمع بين حكمة الشيوخ .. وعبثية الشباب في إطار .. يجبرك على إحترامه وهو في قمة .. التداعى .. طبعا استشفيتم حقيقة من أعني .. وعليه .. سوقوا الصبر حتى آتيكم بالمفيد .. أبقوا معنا .. تشاوووو gooodgooodgoood
|
اقتباس:
جاني شايل يوم ذكراهو حارة، صحيتو فجرن، الهم والحزن وتأريخو الأفرنجي... هجمني الكلام دآ.. على رحيلك مرت سنين فيها، إتا معايا يوماتي. كل صباحن فيهو بطراكا مسايا بعيشو حِلم، يطل عليا فيهو؟! محياكا... كيف أنسى، سيدي، ليها ذكراكا دآ، جرحن غوييييييييير لا بنسد لا ببرآ. كل يوم بتصعب عليا، فيهو ساعتو وإتا بي هناكا!! أعيشها حرمان عليا لقياكا وأنا البتمنى لو إتسهل لحقك هناكا وجاكا دنيايا الحبيب، من دونك لا طعم ليها لا معنى. ما كُله!! رفقة شلتو، إتا معاكا وسايبني أتهمل، أتحرق هنانا يا روحي دونك وبلآكا يابا ديما بتذكر!! كل ثانية من أيامنا الخوالي. وكيف أمي كانت ليكا حاباكا أبويا عشقا فاض، بيكا!! وذي المتيم كان هو فيِّ هواكا قسيم!! يوم رحيلك كان صعييييييييييب. يومها؟ السما فتح سيل، دفق دمعوهو، بكاكا والشمس خسفت وين نورن؟؟ يبقى بي وراكا!!! يومها!! يا شيخي!! الملايكة نزلت، وذي عريسها كانت في زفة!! ليكا سايقاكا ... وفي اليوم الصعيب دآ!؟ جاتني أمنة بتي، من لندن، عارفاني بحتاج اليشد حيلي وبالعيد قدرت برضو فرحتني.. مشينا الشارقة وقررت تقعد من ناس خالها، وأنا في طريقي، راجع... قلتا أرن الفردة أعيد عليهو.. وعارفهو بيكون ما؟؟ مني أحسن حالن.... ورنا الجرس!!! وردا.. وسألني إتآ وينك،، في دبي. يعني بتعرف دبي كويس؟؟ رديت: كييييييف ذي بطن وضهر يدي... قال: طيب أنا في فندق .. في شارع كدآ، .. مشيت ومن باب الفندق!؟!؟ إنبهل نور، إندلقت محبة، إدفقت كميييييييييييية من الريدة والشوق.. هاشم طه بي نضارتو وتفتو، والشبط لابسينو مع الشراب (سنة يا الخواجة) قلبي فحآ غبني خفا دمعي جفا جاتني فرحة.. قلتا الحمد ليك يا الله.. أديتني عيدية، تقلت قلبي،، جمعتني بأخو في يوم العيد، الكان طربي فيهو مناحة وحلاوتي فيهو مررررررررررارة.. (هو ما عيد ضحية، عشان يكون فيهو ضبيحة) الشكر لي المولى الأدآني فرصة لقاهو زولك دآ يا أبو أماني، وشكري لي هشومي زولك وزولي الخفف عليا، آلامي.. لا؟؟ وكيييييييييييييييييف؟؟؟ جآني في أبو ظبي مش عرفتو يا أبو أماني؟؟؟؟ |
اقتباس:
العيد ما عندك لكن loooolloooollooool عيدت مع ناسك بالجد gooodgoood وانا اقول انتو الاتنين مختفين مالكم اتاريكم فى حالكم و نعم الحال وربنا يدوم عليكم المحبة و جميل اللقياء و كل سنة و انتم طيبين |
هاشم يابابكر مهما وصفناهو ما بنديهو حقو فهو من جيل آخر الرجال المحترمين في زمنا الأغبر دا وبالمناسبة أبو أماني لا يقل عنه أصالة ورجولة وانت ذاتك صفحة ناصعة البياض ولا يسعنا الا أن نشكر سودانيات التي جمعتنا بكل من هو فلتة وكأن الاعلان عنها قد نزل في متحف التاريخ وعذرا للشباب:D عموما أتمني أن يكون السبوتنج بتاعك صحيح وكل سنة وانت وعائلتي مخير وبدري بخير وعافية... |
اقتباس:
والحواس الخمسة وأيام العمل في الإسبوع الخمسة (ما هنانا الجمعة وسبت إجازة وهناك، سبت وأحد إجازة) وأخوان عزيزة الخمسة (قاسم، بابكر، أحمد، علي ويوسف "ديل إحنا ولاد إبراهيم قاسم") وسنين قراية الصيدلة الخمسة.. زول ذي الزول دآ!!!!!!!!!!!!! ندر وجودو ونادر مثالو.. لكن أبو أماني لمن قال كلام دآك، ختاني في حيرة، منو فيكم يا عواجيز سودانيات ورجالها والحلويين شبابها.. بس!! لقيت؟! الكلام كلو متناسق وبيأشر على هشومي لغاية؟؟؟ اقتباس:
سهل ليا المهمة مع بعض الإضافة مني،، الزول دآ وما هاميني؟؟ إن شاء سجن ولا حتى إعدام ظااااااتو!!!! القصة يا شباب؟؟ الزول دآ، ما غير ساعتو، يعني مفروض يقدمها ساعة فرق بي السعودية والإمارات.. ما عمل كدآ... يوم سفرو إتأخر ساعة ووصل المطار "لقى"؟؟؟ الطيارة مافي. ماهو ساعة متأخر.. والله لو جابو مطآفي العالم دي كلها ما ظنيتها تطفي ثورته... (قالوا لمن السيد اللواء مدير المطآفي طلب ترفيع رتبة مدير المطآفي لرتبة فريق؛ جعفر نميري، قال: لي إتا أصلك حتطفي جهنم)... هاشم قدر المبالغة في الجمال والطيبة والكرم والظرف وكلو كلو شئ حلو... بس أختوهو وكت الحالة... محبة خالصة وصادقة وكل الشكر للمولى الآداني فرصة عظيم الشرف بمعرفة الزول دآ |
والله يا بوكو الحبيب أنا بالنسبة ليك كتاب مفتووووح!
اقتباس:
حقا يدهشني هذا الرجل المدعو بابكر مخير .. فطالما أشعر وأنا أقرأ سطوره عني كأنني أقف أمامه مجردا من كل ستر .. فهو يقرأ دواخلي ويفهم أبعد المعاني التي أرمي إليها بل أحس به أحيانا يتسلل عبر مسارب الروح فيشاطرني الفكر والرأي بأنانية مفرطة ! لله درك أبا زينب فعلا أصبت كبد الحقيقة فإنه بالحق ذلك الفارس المعتلى صهوة بنت عدنان ممسكا بيراع أو لسان ذرب كما الرسن! والذي طالما كتب فأبدع وجعلنا نترنح بين سطوره كسكارى ومانحن.. إنه:- goood هاشم طه محمد goood يحلو لي بدعوته بكنية إبنه الوحيد (مهييد) فهو فعلا وحيد بل فريد زمانه .. الكلام الأخير ده عن الإبن وليس عن الأب!..فذا الشبل من ذاك الأسد..ولم تلد النار رمادا هذه المرة بالذات! فقد شب الإبن عن الطوق ضرغاما من صلب أسد هصورا التحية لهما في غربتهما. رحبوا معي أحبتي بشخص حبيب لنفوس كل الرواد في سودانيات وما حولها .. رحبوا معي بشخص يتعلق قلبك به لمجرد ملامسة يدك يده عند السلام وأنت تشاهد إبتسامته (الوضيئة) مع الإعتذار لعادل عسوم!.. معليش يا بابكر كان ما جبت سيرة (ضرتي) دي ما برتاح ..شخص جمع بين سماحة المحيا والدواخل !@! أفخر بأن هذا الهرم الباذخ من جيلنا بل تنتفخ أوداجي فخرا وشرفا وأنا أشير لصداقة حميمة ربطتني به نيفا من الزمان لا يستهان به .. والحق لله طوال هذه السنوات شابت علاقتنا الحميمة عدة مفارقات ومقالب ونوادر وطرائف ومآسي .. غير أنه لم يحدث ولو لمرة واحدة أن شابتها قطيعة بائنة أو خافية أستمرت لأكثر من خمس دقائق لا أكثر! هاشم يحمل داخل قفصه الصدري قلبا لا ينبض إلا لحب الآخرين.. ومساحة للسماحة والتسامح بداخله تعفي الثأر البائت ..يميل للمواجهة في كل الأمور ويلجأ مغمض العينين للحسم الفوري لكل المواضيع .. ولا يكره سوى أنصاف الحلول .. أو الحال المائل.. تصدقه القول فيحترمك ويتسامح معك وإن كنت قد أجرمت في حقه ..ولكن إياك أن تداهنه كذبا .. فحينها توقع منه الويل والثبور وعظائم الأمور فهو يكره الكذب حد المبالغة.. الغريبة يا حبائبي الحلوين.. رغم علمي بكل هذا عنه .. وإنه لا يتسامح في حالة الكذب ولو مع أقرب النأس إليه غير أنني أحيانا اجد نفسي مضطرا للكذب عليه تملصا من موقف ما وعندما يزرني أتهته ..واتلجلج كتلميذ في حضرة أستاذه ويمن الله عليا بالدفاع عن نفسي بحجة إنها كذبة بيضاء ولكنه يصبغ عليها صبغة حمراء داكنة تشابه موقفه الحاد مني لوما وتقريعا .. وسرعان ما تنتشر هذه الحمرة لوجنتي الكالحتين خجلا وحياء .. فيكون منظري جوعانا بدرجة تجبره على الإبتسام والضحك أحيانا .. وعندها يسرى عنه فيسامحنى مخالفا عادته ويمد يده ليربت على كتفي في حنو أخ أكبر رغم أنني أكبره بسنة على أقل تقدير.. ثم لايلبث أن يسامحني بحجة أنني لن أعيد الكرة.. ولكن هيهات.. فلطالما أعدتها مرات ومرات .. وكان يسامح في كل!. أواه .. هاشم .. كلما طاف ذكره بخيالي .. طافت به أيضا مقولة رسولنا الكريم صلى الله عليه وسلم عندما حدثنا عن رجل .. تستحي في حضرته الملائكة ! هذا جانب قد لا تعرفونه في شخصية أخي وصديقي وحبيبي وخدين روحي .. هاشم طه .. أبو مهييد .. حفظه الله من كل شر ورد غربته سالما غانما .. وله العتبى حتى يرضي إن كنت قد تعرضت بالحديث عنه في أمور لايحب الخوض فيها .. ويدعي زورا كصديق الطرفين د. بابكر مخير .. بأنهما أقل مما يقال عنهما .. وهكذا دوما .. تواضع القمم .. لكم حبي الخالص وإلي اللقاء مع شخصية جديدة جديرة بالحديث عن خبايها .. وإن حاولت متعثرا الحديث عن هاشم وإيفائه حقه كامل وفشلت فأعلموا أن معظم ما قيل أعلاه ينطبق على معظم منتسبي سودانيات من الجنسين .. و.. و.. و.. تشاوووووووgoood goood goood |
هوا الناس دي مالها ؟..
الحكاية شنو يا هاشم .. نظام تهميش يعني ولا شنو ؟؟ معقول دخلنا على أول أكتوبر .. ومن يوم 27 /9 (البوستر .. بيت حزنا .. خاتي النمة؟؟؟) عل المانع خير يا الحبيب .. ود مخير وينك اليومين ديل ؟.. يا أخواني الرجال ديل مالهم ؟؟ يكون في جهة ما .. شادة الرسن شوية؟ على قولة الفلاتي .. اللاهو .. تألم .. تشاوووو gooodgooodgoood
|
اقتباس:
الزول دآ حسي خليهو ؟! ظنيتو في الحالة ديك:eek::eek: وأنا ياني، تراني لا بنزحا ولا شيتن بيوارني إلا الشديد القوي؟! دآآك الأحمرlooool |
اين أنت يا رجل ؟؟ بحثت عنك ووجدتك بداخلي..!
اقتباس:
مرافعتك بحق عزيز الطرفين أبو مهيد لقت مكانها عندي .. ولكن ما باله ومهما كبرت مشاغله لم يعبر أي منا إلتفاتا؟ أنا خلني .. من زمان قع يديني وأديو .. ولو إني ما بقدر معظم الأوقات لاكين المتلك إنت بتجاهلو يا أبو زنوبة .. ؟؟ الزول ده ما بمسكو مننا عيلا الشديد القوي عليك الله أتبنوا يا الحبيب .. باقي إت قريب منو أكثر .. مجازيا ومكانيا وفعليا .. لكما خالص الحب :confused: |
اقتباس:
أبونا هاشم طه لك كل المنى بالصحه و العافيه و الزنقه تفووووووووت وما يغشاك شر ابو أمانى بنادى معاك هاشم يا هاشم «®°·.¸.•°°·.¸¸.•°°·.¸.•°®»يجيبك الله«®°·.¸.•°°·.¸¸.•°°·.¸.•°®» |
والله يا منال غياب هاشم حيييرنا كلنا ...
اقتباس:
تلاحظي يا منال غيابو طال خالص وكمان عن كافة أركان ومناشط سودانيات .. شفقت جد بس كلام صديقه الودود أبوك بابكر مخير .. شوووية صبرني .. ربنا يرده لينا بالسلامة .. وإنشاء الله المانع خير.. يكون مزنوق شغل .. أصلو شغلهم يطبق طبيعة شغلك ده عشرة مرات .. وهو حسب ظني إداري (بيق شوط) تعتمد عليه الشركة إعتمادا كليا .. عليك الله شوفي أبوكي هاشم ده .. بعد الشر عليو .. والله مشتاقين يا أبو مهيد .. قول ياااااا أك .. وأرجع برضو بترد لينا روحنا .. ولا خلاااااس إتعزز الليمون ؟؟؟ تشاوووو |
تحدثت عن هاشم يوم 27/9 واليوم 12/10..!!!
عذرا صديقي الودود .. هاشم طه ..
لك التحية أولا .. والعتبى حتى ترضى ثانية .. والله أعلم بما في السرائر .. ربما كان لموقفك السلبي البائن من هذا البوستر والتجاهل التام لما حواه .. خاصة فيما يتعلق بك وعلى لسان شخص يزعم إنه صديقا حميما لك ومقربا منك وإليك ربما كان له مايبرره .. على الأقل من وجهة نظر شخصية بحتة..! وهذا الموقف قطعا عزيزي لا يملك أحدا أيا كان الحق في الإستفسار عنه..! وعليه نترك الأمر برمته وعلى علاته وإن كان لك الحق في هذا المنهج السلبي أو ما أسميه أنا (عفوا)! تهميشا .. فأعتذر غيبا على مسبباته التي اجهلها ..والتي (إن وجدت) حتما بل قسما تكون .. غير مقصودة بتاتا..!. علما بأن كل ما تواتر أعلاه لا يفسد قطعا للود قضية .. نستأذنك في إنزال ستار عليه ونواصل بكل عفوية وأريحية أهلنا الطيبين سياحتنا في بعض ما نجهله عن بعض من نحبهم.. ونحاول بمنظار أبو أماني أن نسلط القليل من الضؤ على ملامح جذابة مبهرة .. لشخصيات إزدانت بها سودانيات قبل أن يزدانوا هم بها !.. أدعوكم قريبا جدا للخوض عن طريق رؤية شخصية لي في أعماق شخصية الحبيب وحبيب الكل .. فتحي مسعد الذي لاقيته فيس توو فيس خلال أواخر هذه السنة المتلاشية .. وكانت أحلى ما خرجت به منها .. موعدي معكم الخوض في السيرة العطرة للحبيب تكعيب الحسيب النسيب .. [align=center]goood فتحي مسعد goood[/align] الشهير بأبي آلاء .. فكونوا معنا .. تشاوووو إلى حين ..! |
| الساعة الآن 07:16 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.