إلى زهرة معبأة بالأريج : كل عام وأنت بخير
في يوم من الأيام والواطه نديانه إخضر رحم الليل نورتي يا نانا ولدوكي من غيمة من نجمة نعسانه متكيه فوق النيل والقيفه خجلانه ضحك السُقد بغته وأعلن موات الليل صفق الضلام حت وإتحك ضهر السيل وإندلى من حته آسراني فيك بالحيل مال النخل حتً كل السبيط آمن شبال وصقريه حتى النسيم ختً الحنًه وإطامن حاضنلو قمريه بتقوقي من قمت شافع صغير ساكن في بالي غنيه غنيه غنية غنيه للورده كل ماتباعد بيننا عوارض كل ما نسايم شوقك جنًي بلقى حبايب في كل حتًه نفسك طالع نازل مني لا بدًلت وراك الجتًه بس حبيت لو كنت أغنًي ـــــــــــــــــــــــــ نص قديم ..متجدد كل سنه وإنت طيبه |
أهواك أشعلتي غناي
نيران في الزمن الهش.. |
شليل كيفك ياحبه سلامات يازول ياراقي .. الأيام دي شايف الزهو صاحيه معاك .. الله يندي أيامك .. |
اقتباس:
يا سيدي كل سنة وهي بألف خير، وأنت سندها. قلت لي "صفق الضلام حتّ وإتحكّ ضهر السيل؟" يا سلام! |
يابنج ياجميل
كل سنة ونانا بخير كل سنة (ونانتك) تبعثك جميلآ كل سنة وأنتما أجمل وسعيد أسعد.. |
[QUOTE=شليل;170805][size=5][color=#00008B]
في يوم من الأيام والواطه نديانه إخضر رحم الليل نورتي يا نانا ولدوكي من غيمة من نجمة نعسانه متكيه فوق النيل والقيفه خجلانه ضحك السُقد بغته وأعلن موات الليل صفق الضلام حت وإتحك ضهر السيل وإندلى من حته آسراني فيك بالحيل مال النخل حتً كل السبيط آمن شبال وصقريه حتى النسيم ختً الحنًه وإطامن حاضنلو قمريه بتقوقي من قمت شافع صغير ساكن في بالي غنيه غنيه غنية غنيه للورده كل ماتباعد بيننا عوارض كل ما نسايم شوقك جنًي بلقى حبايب في كل حتًه نفسك طالع نازل مني لا بدًلت وراك الجتًه بس حبيت لو كنت أغنًي ـــــــــــــــــــــــــ وانت طيب يا حبيب يارائع دائماً في كل موقع وكل موقف العمر كله لك ونحن مع بعض انشاالله أملي ورجائي من الله أن يمنحني السعادة الدائمة معكِ كل ماتباعد بيننا عوارض( في شكل الدوحه) كل ما نسايم شوقك جنًي الله يخليك لي وسعيد |
الاعزاء .........
الجيلي ، عكود, ابوخليفه وانت طيبين تسلموا والله وكل سنه وانتم أجمل |
اقتباس:
قلنا نروًق شوية يا حبًه طوًلت ما ركبت مكنة رومانسي يديك العافية. |
اقتباس:
ويخلي ليك ربى وأمها وأخوانها |
اقتباس:
ربنا يخلي ليك جمال والبطوطيات العسولات وأمهم |
[QUOTE=أم سعيد;170953]
اقتباس:
طيبين.... تامين.... لامين... زايدين .. |
[QUOTE=سمورية;171044]
اقتباس:
وتامين ولامين تشكري يا سموريه. |
الحبيبه نانا
كل عام و انت الحب http://www.s3udy.net/pic/flower001_files/3.gifويبعد العوارض من طريقكم و تنعمو بدفء الحب يرد غربتو شليلنا سعيدا لدوحتو الغنا |
تســــــلمي يا حبيبه ...
وانت طيبه يا ورده سودانيات نورتينا بمرورك الجميل غاليتي |
[QUOTE=سمورية;171044]
اقتباس:
دي احلي دعوه والله انشا الله انتو كمان تامين ولامين وطيبين وزايدين شكرا سموريه... |
صديقي : الفاتح ... نانا ... والصغيرون سعيد
ياخي يسعد أيامكم ... تعرفو مسألة مبادلة العشق في الهواء الطلق دي تبقر الواحد ( السوداني ) الململم الدنيا وصاريها في طرف جبهتو وبيفتكر انو الحياة خلقت لتخنق ... بضم التاء ... وانتم تعلموننا أنها خلقت لتفرهد ياخي فرهدتو أيامنا الله يفرهد أيمانكم كل سنة وانتو طيبين وسمحين ومفرهدين ... وكل سنة وبيتكم زايد مقطع يا سلام عليكم وانا شايف حوش الغربي نضيييييييف ... والرملة الفي المدخل مرشوشة ... وشاي أم بدة يقول وا غربتي |
اقتباس:
الله يدوزن ليكم مقاطع أيامكم ويزيدكم ألق وجمال.. أيام والله يا أسامه ، .. أم بده ، والتله ، والشباب السمحين |
مشيت محلات الزهور
وجدت زهورا مقطوفة فرجعت .. أماكن الشهد والحلوى وجدتها مسيخة رجعت لدفترى تقاصر و تباقص جيت اخت طوبتى واتخارج لحدى ما ألقى لى مخارجة .. |
اقتباس:
يا سلام عليك ياسلام الصديق اسامه ذكرتنا ايام الغربي الجميله ولمه الحلوه في ذقاق أم بدة ,,, لكن هي الغربه تسلبنا كل جميل ... وانت طيب يا فرده |
[align=center]http://sudaniyat.net/up/uploading/chrysanthemum2.jpg[/align]
[align=center]يحيا الحب العمر كلو يانانا[/align] |
اقتباس:
سلامــــــات امال ..... تسلمي يا غاليه العمر كلو ليك انت في السمح انشا الله ياحبيبه |
اقتباس:
يا هندسه سلامات ... كل الزهور والحلوي والشهد لك البركه في طوبتك دي.... تســـــــــــــلم |
كل سنة وانت وهى بالف خير يارب
|
اقتباس:
:):) |
اقتباس:
وانت بخير يا سروره تسلمي يا راقيه |
اقتباس:
يديك العـــافيه وطول العمر يا عادل تســــــــــــــلم ,,, |
[align=right]
من ياتو منفذ أدخلك وكل المنافذ فيكي سدّاها النحل من ياتو شارع أوصلك من كلامك بدخلك من بين مسامك بدخلك من أي قاسم مشترك وشبهة تشابه أدخلك ونتلاقى نهرين ... من تسامي واشتها سعيد وأمو وأبوهو يا رب دايما متوالفين[/align] |
كل سنة ونت طيبة ام سعيد
وربنا يسعد ايامكم ويديم الحب صادق الامنيات |
اقتباس:
الهاشم سلامات يا سلام عليك ياذوق تسلم والله يا رب دايما متوالفين جميعاً في سودانيات يديك العمر الجميل انشا الله |
اقتباس:
وربنا يسعدك انشا الله ويحقق ليك كل الاماني شكراً يا جميله |
| الساعة الآن 03:17 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.