استقالة من الخرطوم البائسة
الخرطوم – المدينة البائسة:
صباحاً وأنت تهم بـ( كي) ملابسك، تقطع الكهرباء، تسلك طريقك إلى المكوجي راضخاً لأمر (أولى الأمر) – (ناس الرد بالسد)، تحث المكوجي على منحك شرط الزبون الأكثر رعاية، فتضطر لإغرائة (تقرأ رشوته) إن شئتم بجنيه زيادة مقابل وضع بنطالك وقميصك المكرمشين في المقدمة، بدعوى أنك شخص تقوم بعمل مهم أكثر من الآخرين. تنجح في مسعاك، تعود إلى البيت، تجد (الموية قاطعة)، وإنقطاع المياه المتواصل في الخرطوم هو الذي جعل صديقي (برشم) يعلق ذات مرة قائلاً: والله الليلة يا جماعة الموية قاطعة موية ونور!! () ولأن الكهرباء المستورد بعضها من (أثيوبيا) – أي والله- قاطعة سلفاً – فلا تستطيع تشغيل الموتور لرفع بضع قطرات – لزوم التشطيف- تلعن الحكومة وتخرج، تجابهك المواصلات، تنزل من متنها الكريم، لتطأ ثري من تراب متراكم – تراب بعض مكوناته من (بصاق – ومخاخيط - وبول) السابلة، يرتفع من أمامك بكل مكوناته المذكورة سلفاً ليضرب على وجهك بيد من حديد. تنظر إلى حذائك الذي كان لامعاً – قبل شوية – فتجد في حالة حداد، واجم ومخطوف – شعرك، مسامات جسدك. () وقبل أن تصل إلى مكتبك، تكون كل أخلاقك الحميدة وغير الحميدة تجمعت على رأس أنفك، فتسب هذا، وتسخط على ذاك، وتخرج دون أن تنجز شيئاً مفيداً. في المساء. هل يوجد مساء هنا. في الليل، هل ثمة ليل يدعو للهجود. ثم يأتي الصباح مرة أخرى. وتتذكر كل صباحاتك السالفة، فتقرر ألا تتحرك من ظهر سريرك. |
علي قولك ...
عارف بتترمي كم سفه في الطريق كل يوم ؟؟ لععععع واحد قالي التقطيبه الفي وشنا بتبدا معانا من الصياح اول ما تفتح باب الشارع تقابل الشمس في وجهك تصرو لامن تمغرب |
اقتباس:
هو الصباح قاعد يجى :cool: يخربنا ما سمعنا بالصباح وان لاح بكون العمر راح وتقوم من سريرك تمش وين مويه ماف بس خت فى بالك و اتذكر الانجاز للانقاذ عشان تكتب ولا ينكسر قلمك الفرج الفريب مودتى |
اقتباس:
سلام أيها الوسيم الفطن – تقرأ معكوسة – عارف – مرة واحد أخونا حاول يتكلم مع (سابل) تف سفة في نص الزلط، فما كان من (السابل التاف) إلا أن سفف صاحبي التراب، والقمه حجراً، حين رد عليه قائلاً: هو الحكومة دي أنا بدفع ليها ضرائب، وجباية نفايات، ما قادرة تخت سلال قمامة على جوانب الطرق، عشان الواحد المعاهو ورقة يرمي، والعايز يتخلص من سفة يتخلص، يا خي أنا ماشي مية متر برجولي، ما لقيت حتة أتف فيها. وين قروش النفايان دي. عشان كدا أنا قررت من الليلة – مش أتف ، أبول في الشارع عديك. |
اقتباس:
اقتباس:
|
اقتباس:
ثم.. كلامك صاح .. أصلو بالمنطق كدا .. لو ما في ليل، معناها ما في صباح / ولولا سواد الليل ..لما طلع الفجر. .... بس شعرت بإحباط أكبر لما نبهتيني أنو الصباح ذاتو سرقوا مننا، وانو المدينة أضحت دون (أوقات)، أوووف.. مدينة دون أوقات .. هي مدينة مربكة. ولنا ... اللاشئ . |
اقتباس:
بعدين يا باش : ما أصلو الحردة مؤشر استقالة، هو الما بحرد بستقيل ليه. |
.الصحفى الهمام عبد الجليل سليمان
فى فلاش باك.....الى نهاية ستنيات القرن الماضى.. حيث كانت الخرطوم قبلت الكل....فى ترف خيلائها تقدل فى طرقاتها .وتحس بانك تحلق باجنحة تطير بك... الشوارع نظيفه..وحركةالسير منتظمه...والمحلات التجاريه فى ارقى ابهتها.. ياتى السعوديون وسكان الخليج ووقتها عرفوا بالمحميات البريطانيه ياتون ليتفرجوا على شارع الجمهوريه والبون مارشى وكوبا كوبانا والاتنى.. وياتون ليشهدوا ليل اخرطوم الذى يخجل ضيائه وجه القمر. وان تحدثت عن الخرطوم 2 . وشارع كاترينا. وغابات الاسمنت فى الامتداد.. والفندقه فى الفندق الكبير.. والخدمات العامه البريد الذى يوزع بالدراجه الحمراء وانابيب الغاز التى تصل الى البيت فى خدمه مباشره والتاكسى الذى ياخذك بحفنه من القروش..بسهله والى اى مكان... والجاليات الاجنبيه ونواديها وانتشارها الاقتصادى فى المحال التجاريه.. كل اجناس العالم من لاتن امريكا الى اقاصى فيتنام ومستوى الخدمات فى كل المرافق الصحيه والتعليميه والاجتماعيه والثاقفيه والفنيه والحضور المتقد فى كل شىء الابن عبد الجيل سليمان.. قد تلاحظ تواجد الاجناس الان الذى هو مرادف لرؤى مختلفه فيها الخلط والتدليس..؟؟؟ لمارب اخرى وتختلف الصوره. واتفق معك..بان عذاب القبر فى الخرطوم كما سجل بروف المعز بخيت.. اعانكم الله على جهاد المعيشه والخدمات فى السودان.؟...والذى يتحدث قادته بهلامية التطبيق وهم افسق الناس واكثرهم نفاقا وغوغائيه وافسادا...وتشدقا ... كان الله فى عونكم.. |
اقتباس:
معة حق، ومع الناس حق.. هذي المدينة يا عاصم لا عاصم لها سوي .................... |
شفت عنوان البوست إتخلعت قلت الواحد يغيب من (حكايات) يوم واحد يلقاك إستقلت ياربي الولد دا يكون زاغ مع ناس(السفارة) الرحلو ولا شنو جليل دوماً تنازعني قراءاتي نحوك أجميل أنت في الكتابة الصحفية أم تكون الاجمل عندما تتقمصك الحكاية فتعود قاصاً جميل أنت في الكتابة ياصديقي |
اقتباس:
كدى اقيفى هنا السفراة رحلت وانتو ما كتبتو عن الموضوع دا ..؟؟؟؟؟؟؟؟ ولا صور ولا حاجة ديل صحفين شنو ؟؟؟ مفروض رصد يومى ..قلم وصورة .. |
اقتباس:
أنت وجليل تتدثران بثوب جمال الكتابة الصحفية... ولان (تقمصتكما) الحكاية ...تأتلقان جمالا وافتتانا! ... جليل مافتئ صوت ذاك يشنف الآذان: بلادي وان جارت عليّ عزيزة وأهلي وان ضنّوا عليّ كرام! لأن (بئست) الخرطوم في ناظريك...فكيف تكون بغداد في ناظري قُصي العراقي؟!! النيل لم يزل يجري يحمل في جوفه التأريخ والحب وال...أسماك الناس لم يفتأوا يحلفون عليك بالطلاق بأن قسما عظما لتشاطرنا ...العشاء قال العلماء: ننظر الى الأشياء عندما (ينعكس) منها الضوء الى عيوننا! ف(لنوسع) من زاوية اسقاط ذاك الضوء ياحبيب مودتي ياابن الحكيم :) وذات المودة لابنة القاش :) |
عبد الجليل
مافي داعي تخلي الخرطوم بس خلي موضوع لميع الحذاء ده وعشان اريحك خلي المكوه كمان ;) |
أوعدني اذا تم قبول استقالتك أن تدعمني عندهم لأحل محلك
اشتاق لدروب تمشي فيها آمنا هناك ومطمئن...رغم أن اشتاق ليافتات باهتة مكتوب عليها ابو عركي البخيت على مسرح قصر الشباب والاطفال يوم الجمعة الخ الخ...........رغم أن اشتاق أن تمضي برهقك فتشارك آخرين كوبا من شاي عند امرأة تحت شجرة ما ويحلي الشاي كثير من الود ومشاغبات المارة...برضو رغم أن فقط اشتاق لوطن لا يزكيه عندي الا دعاء أمي ورفقتها تبادل!!! ــــــــــــ بس متين تشرق سماء الخرطوم حبيبتنا ومتين تصفي |
السلاك عليكم
السلام عليكم الاخ عبد الجليل سليمان
الخرطوم اللعنة الحلت فوق الناس السكنت فيها ومحيرني كمان يا يمة كل الناس جارين عليها والله الخرطوم مشكلة ضوضاء الرقشات المكرهانا طرررررر طررررررررر طررررررررر تجي تحاول تنوم السخانة تطلع عيونك تقدم استقالة للولايات ترجع تعمل تجديد خدمة للخرطوم لمن اراد ان يحس بروعة الخرطوم الجمعة السبت |
فليلطف بنا الله يا عبد الجليل ....
بلاد كلما ابتسمت حط علي شفتيها الذباب ... - أو كما قال عاطف - |
ياجليل ياجميل..
الخرطوم اكلة هدوء البشر.. مدينة عصية علي التصالح.. تدخلها آمنا وتخرج منه مشلهتا اشعثا اغبرا.. تمد يديك للسماء.. ياسماااااء .. يا... فتموت في قلبك رعشة..او حلم ..سيان. اقتباس:
يااميري.. وذات اللافتات الباهتة في مكانها.. بيد انه مكتوب عليها الامبراطور احمد الصادق.. نجاة غرزة..والربع.. حتي محمود عبدالعزيز تواري خلف ضباب الايام.. تخيل... وقصر الشباب ادمن اكشي كومار وسونيل شتي وربما شاروخان.. مما ادي لعزوف الناس في تلك النواصي عن تناول الباسطة.. و.. فيلم هندي ولا ناكل باسطة؟؟؟ |
اقتباس:
السياط تنهال علي ظهره وضحكات القوم الشامتة بكيت جيدا ذاك اليوم... ولا زلت يا رشيد... فهل أتاهم أنّ محمودا منّاا... تخيل خرطوم بدون حوتة وعركي...!!!! يبقي حينها حلال علينا الباسطة وسفري كمان.. |
اقتباس:
عمو عصمت ازيك لعل بخير ما كنتا متخيلة انو الخرطوم ممكن تكون نظيفة يعني كانت ترفل في نظافة في زمن مضي كتير لما اسمع بي حكايات من عهد مضي اتمني ان اولد فيه (كان ارتحنا من الزمن الفينا دي) عبد الجليل هذه هي الخرطوم كما تشتهي :D كتير بمشي المكتب مكرفسة عااااادي منو الحيسألني مالك مكرفسة ملابس ووش كمان السد السد الرد الرد goood goood goood |
اقتباس:
ثم أما قبل .. شكراً للمداخلة .. والإطراء .. يا ربي أكون قدرو!! |
اقتباس:
|
اقتباس:
|
اقتباس:
|
اقتباس:
|
اقتباس:
الولايات أصلاً إستقالت من زمان - من مجاعة التمانينات - وإتكبت في الخرطوم، انا لن إستقيل إلا رامي قدام - إنتو قاعدين وين يا حافظ - ربنا يحفطكم!! |
اقتباس:
|
| الساعة الآن 08:37 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.