للاسف !! أصبحنا بنــات شـوارع !
موضوع ترددت قبل كتابته الف مرة ، حقيقه اوجعنى لانه يمس فصيلتنا كنساء ولا ادرى ماهو نظرة الاخرين له !! ظهرت فى الاونة الاخيرة ظاهرة خطيرة جدا فى نظرى ، وغير كريمة بالنسبة لى زميلاتنا واخواتنا فى مختلف الجامعات والمعاهد وكل دور العلم بمختلف اشكالها فى السودان ..والخرطوم تحديداً ، وهى جلوس الطالبات مع زملائهم خارج مبانى الجامعات المنتشرة فى مختلف ضواحى العاصمة ومركزها ، بصورة لافته جداً ومقرفة .. فنجدهم مجموعات او ثنائيات امام المتاجر والمحلات او بائعات الشاى والخيران ..والازقة !! كل يوم فى حركتى من والى العمل اشاهد هذه المناظر وانا اتحسر على التعليم ، الذى اصبح تجارة اكثر منه تربية ، وتهذيب للسلوك العام ... للاسف انهن بنات (ناس) وأسر عريقه ، ولكن للاسف بصورتهن الان اصبحن يندرجن تحت مسمى بنات الشوارع !! لجلوسهن بصورة محرجه لنا نحن كنساء فى المقام الاول ، اصبحن كلسلع البائرة يجلسن فى اوضاع والله يندى لها الجبين ، امام المارة بدون اى حياء !! ولبس لا اعتقد بانه يناسب طالبة يفترض انها قادمة لمكان علم ! والشى الاخر ، الا توجد مواعيد لتلك الجامعات !! حيث اننا نجد تواجد تلك المجموعات فى كل اوقات اليوم ، مهما كانت ظروف مرورك ، يمكن ان تجدهم بزات القعدة !! وعدم الموضوع ! فى زمان اعتقد بانه خلاء ، رغم بانه ليس ببعيد ، كنا نخاف الوقوف خارج مبنى الجامعه خوف من ان يمر بك احد يؤدى ذلك الى فهم مغلوط ، او ان تترك انطباع لدى الاخرين يتحس عليك ...حتى احترامنا لاخوانا واعمامنا وابواتنا الذين نحترم مشاعرهم ، يجعلنا نراعى مثل تلك الاشياء ، والتى هى اعتقد من صميم التربية ... الان اصبح الاباء والاخوان يمرون مرور الكرام على تلك الشواهد التى اعتبرها منقصة للفتاة ، وتقلل من احترام الاخرين لها ، وتجعلها عرضة للقيل والقال .. وتبعد عن الاخلاق والسلوك الذى تربينا عليها فى ان الفتاة مهما بلغت من تحرر يكون هنالك خيط رفيع للحفاظ فيه على كرامتها ووجودها كانثى يجب ان تحفظ فيه كيانها ولا ينتقص هذا من حريتها فى شى !! هذه وجهة نظرى الشخصية ، واعتقد بان هنالك من يختلف معى فيها ... |
اقتباس:
ابنوسة المنتدى احييك على الطرح موضوع جدير بالمناقشة يجب محاربة الظاهرة من البيت كما توجد داخليات مؤجرة من قبل طالبات فقط من غير اشراف وظواهر كثيرة تخص الموضوع يجب عدم مداراتها ومناقشتها حتى نخرج اجيالا يعتمد عليهم في المستقبل ياخ تاني بجي لو ربنا احيانا ولوممكنlooool |
اقتباس:
اما بخصوص الظاهرة فدى حقيقه بقت لافتة جدا وقبيحه على كل المستويات !! وبخصوص الداخليات فحدث ولا حرج .. طبعا انتشار الجامعات البقت فى كل شارع كلية ، ومعظمه مامعترف بيها ولا بالشهادات لكن طبعا الشغلة لانها تجارية بحته ، فبقت اكترمن مراكز الاتصالات ، وللاسف المحصلة =0 طبعا ده ادى بدورو لظاهرة الداخليات والسكنات البقوم الطلبة باستئجارها فى الاحياء .. طبعا معظم الطالبات والطلبة بكونو شهادة عربية ... قابلتنى واحده من المؤجرات فى حينا وهى بت صغيرة والله ، قالت لى انا مفترض اكون فى الداخليه العامة ...بس متعبه وماقدرته اقعد من السخانه ...عشان كده اجرنا برانا هنا !! تخيلى الاسباب !! السخانه الممكن تعرضهم لى سخانة اكبر من سخانة الجو ..! ربنا يحفظ بس |
[align=right]أختي العزيزه
سمراء صباحك زين شئ أول: بنات شوارع هذه الجملة كبيرة جداً لما وصفتيه أنتي الآن فبنات الشوارع كجملة تعارفنا عليها تعني أقبح الصفات التي تنظبق علي بنات الشوارع ( الماشات علي حل شعرهن) أو كما يقولون شئ تاني: يسوَن شنو بنات الجامعات في عدم وجود جامعات بالشكل الفعلي لكلمة ومعني جامعة .. وكما تفضلتي أنتي بأن التعليم العالي الآن وفي عهد الإنقاذ قد تحول إلا جامع للجباية ( المفهوم التجاري للتعليم) فأختفت الضوابط التربوية والتعليمية وأنتفت تماماً .. شئ تالت: خليهم يحبوا يا بت إنتي حاقصك وين ؟؟ ;) ;) عرس ومافي . .. قراية ومافي .... آباء وغاطسين في لُجِ التخدير العام كلللللللنا بقينا مُخدَرين يا بت عمي :rolleyes: :cool: أها يسَوَن شنو بناتنا عاد بعد ده كلو .. شئ رابع: ليه بس تناول أمر البنات في معزل عن أمر الأولاد ؟؟ هل البنات بيكونن قاعدات براااااهن كدي في الشوارع ولا خالطات الجِكس بتاعِهن ؟؟ إذن تساووا الإتنين أولاد وبنات في الفعل والفعل واحد حقيقي أنا بتضايق جداً في المسألة دي لكن بيبقي السؤال المهم دي مسئولية منو ؟؟ هل هي مسئولية فردية ولا مجتمعية ولا مسئولية دوله ولا مسئولية الجامعه ولا مسئولية الأسرة الغائبة في الركائب ولا مسئولية منو بالضبط ؟؟ أفرضي بإني أنا ناصر يوسف ده جيت وإتكلمت مع أي بت قاعده ليها قعده ما ياها في شااااااااارع الله ده ولابسه المُحزَق والمُضبضب داك وتضاريسها نافره وناطّة من هديماتها بتاعة ( يا ناس القُماش قَصّر) ديك :p يا ربي حأسمع شنو من كلام قبيح منها ؟؟ إنت مالك ومالي ؟؟ إنت مسئول عني ؟؟ دي أول حاجه ممن أسمعها منها قبل كِدَه كُنَا بنتكلم عن الشعوب ولما جاء حديثنا عن الإخوة المصريين نَطّ واحِد وقال: عليك أمان الله تمشي مصر دي تلقاهم ماشين عرايا في الشوارع زي نادي العُرَاة في باريس قلت ليهو كلامك ده خطأ فَرَدَ علي بقوله: يا زول هوي خطأ شنو .. ديل عالم ما بتعرف الله وكان بإنو ربنا وداهو مصر ولما جاء منها .. من المطار إتصل علي وقال لي: يا زول هوي والله أنا غيرتَ كلامي داك كلو.. نحن ديل الما بنعرف الله .. يا أخوي المرأة في الشارع المصري ملتزمه إسلامياً وأخلاقياً أكثر من شارعنا بتاع إظهار الرقم وفصل الدين عن الدوله ديل معليش للإسهاب يا بت عمنا وربك يسترها علينا كشعب إختلطت عليهو المفاهيم [/align] |
اقتباس:
بس ما قادر استوعب حكاية جلوسهم فى الخيران...ليه بقعدوا جوة الخور ؟ |
اقتباس:
ــــــ يا سمراء لو الجامعة بقت اوضتين وصالة دايراهم يقعدوا وين؟ وفروا ليهم متسع أول وبعدين لوموهم |
اقتباس:
وبحسب الفهم العام انو العبارة بالفعل راجعة لتلك البنات ، والان طبعا الفئة الذكرتها انا اصبحت للاسف تنطبق عليهن تلك العبارة ، طالما هن ساكنات سكنة فى الشارع وبالشكل القبيح ده .. اقتباس:
اقتباس:
والبحب ليهو واحده بالجد بكن حريص على شكلها العام على الاقل ! كلامك التانى ده صاح وياهو الجاب الكلام الاول ! اقتباس:
(ياريت تجى شارع كلية الهندسة بالنهار ) وتتفرج او شارع المك نمر !!تشوف العجب اما مسئولية منو دى اعتقد بانها مسئولية البت نفسها ..لانو بت وصلة مرحلة جامعية معناها ماتيور انف ومامحتاجه لى زول يقول ليها كده غلط او صاح !! وده طبعا مابمنع ادارة الجامعات انها يكون عندها الضوابط الممكن تحد بيهو من المظهر العام للكلية ، اضافه الى الاسرة المفترض انها بتشوف المناظر دى لانها اصبحت لافته واى زول بتكلم .. |
اقتباس:
بس سؤال وبامانه لو لقيت اختك قاعدة امام احد بائعات الشاى خارج نطاق الجامعه ومعها زميل وهن يجلسون فى حجارة او ماشابه ذلك ...بتقبل !! اما حكاية الخور ياريت لو تزور شارع المك والشارع البقاصد كليه المصارف وانت تشوف بعينك العجب ، وتعرف ليه انا قلت جلوس الخيران او لنقل مصارف الامطار الغير مكتملة!! احترامى اخى زين العابدين |
سمرا ء هاو آآريوك وعساك فاينة ان شاءالله
الظاهرة بصورة عامة تفشت في البلد بوضوح وما من الليلة بعدما اتغيرت مفاهيم الشارع عن بت الجيران و ودالحلة وبعدما بقت البت تطلع من البيت الصباح وترجع بالليل بدون متابعة وبعدما طلبة الشهادة العربية ينقلو العادات السيئة تحديداً من البلاد الإتربو فيها وبعدما بقت الفتاة الجامعية في عمر بت الثانوي الزمان وبدون ثقافة الثانوي الزمان وبعدما ثقافة الشارع الغربي إنتقلت لينا عبر وسائل الاعلام المجانية ولما الخريجين يشوفو السناير بتاعينهم لسه قاعدين من ضل لي ضل وبعدما البلد بي حاله بقت عبارة عن إنداية كبيرة يرتع فيها من يملك أكثر وبعدما الواحدة بقت تطلع من بيتها بدون ماتشرب شاي الصباح بعد دا كلو عايزاهن يسوون شنو ؟؟ اقول قولي هذا واستغفر الله لي ............... |
اقتباس:
يسون الانت شايفو صاح يازول الله ومقتنع بيهو !! اذا كانت دى كلها مبررات لى شكل قعادن بالطريقه دى ...!:( اقول قولي هذا واستغفر الله لي ............... |
قبل ما ارد على الموضوع المهم دا والشائك جدا
صندوقك مستف:mad: بتعملى فى شنو من وارياloooollooool |
اقتباس:
اعتقد من اول شروط التصديق لاى مؤسسة تعلمية اشتراط تطابق مواصفات البيئة الدراسية والبتنص على وجود فسحه تشمل كل انواع النشاطات !! بس نقول شنو على التلاعب بالقوانين والرشاوى البتدفع لى اعضاء اللجان بتاعت التصديق والبتمشى تعاين الموقع .... بس حتى لو ده حاصل ياياسر ، ده مامعناها الناس تقعد زى الغنم فى الضللة :mad: |
هسه عليك الله قعاد الشوارع في السودان مالو ؟.؟
امسكي عندك http://up.sudanradio.info/upradio/up...1-47863852.bmp ياخ شوفي القعاد هنا ولا بلاش :Dgoood:Dgoood |
اقتباس:
يعلم الله غير رسالتين يخربو صندوقى يابت اجرى شوفى انت بترسلى وين :D |
والشارع فاتح في قلبي :D
سمراء ازيك ...ان شاء الله طيبه ... والله كلام ناصر يوسف دا مقنع بشكل عجيب ... مع انو كان منفعل بالموضوع:D |
اقتباس:
جنس سترة قال ليك بالشماسى !! النبى دى وين الدوله المهذبة دى :D ايعب عزيز وانت قاعد فى ياتو شمسية منهن ؟ لوووووووووووووووول |
اقتباس:
دي الهند يا سمراء واجرك علي الله ... دي اسمها زي المثل السوداني البيقول (السترة والفضيحة.. والشكر لي حماد)goood ... انا كنت قاعد في العربية...:p:p وماسك كمرتي واصور في الناس |
اقتباس:
والله غايتو ماعارفه ....بس حكاية قعاد السهلة ده النصيحه ماحلو ولا انت بترضاهو لى اخواتك او بنات عمك ...انا واثقه يافطن .. بس بتحبو تتفرجو فى التانين looool |
اقتباس:
ولو كل زول سال نفسه السؤال ده ماله ........والاجابة مرة بس برضو البنات هم البيلقو نفسهم فرجة من غير ما يحسو ولا نبقى زي الهند وكل اتنين معاهم انبريلا |
موضوع جميل والله..
في فطرة ودين وعرف وتقاليد بقيدونا.. واقول:الشينة منكورة على قول المثل:D |
اقتباس:
تاني حاجة الانتخابات دي كان جلوها حيعملو شنو تاني ؟ ومن وين يعيشو المطبلاتية زي ماقال الخال بي هناك؟ طيب نجي للبنيات القاعدات ديل ياسمارة لو بتتذكري كان الوضع السياسي في السودان رهن بحركة الطلبة الجامعيين وطلبة الثانوي أقل مظاهرات كانت تدل على خلل مُعاش وتطالب بتغييره سواء قانون أو فكرة أو سياسة الحكومات في أي مكان في العالم بتعمل مليون حساب للشريحة دي لأنها عصب البلد وشبابه الواعد الحكومة - الله يكتل من أمثالها - انتبهت للحكاية دي من بدري وفكت ليهم كرت الفتوح وإنفتح كل شيء انشغل الطلبة بالحب وأقولها مرة تانية الطلبة عندنا مافاضيين لغير الحب كلهم وكلهن بحبوا وعشاق وكلهم على طريقتهم وبدون مضايقات الوضع في البيت مابختلف كتير لإنشغال الكبار بلقمة العيش البقت زي صك الغفران ناس الـ ش.ع (شهادة عربية) والثقة الزائدة من اهاليهم في بلد غريب عنهم - نسبياً - صاروا أكبر مشكلة عدم المتابعة والتحري عن الصديق/ة للأبناء والبنات مشكلة تانية دا كلو كوم وحرية السكن سواء في الداخليات النظامية أوالخاصة أو السكن الخاص كوم تاني والنتيجة بداهةً الكم الهائل من أطفال دور الرعاية والمشاكل الحاصلة - الفتاة س بقناة النيل الأزرق - نموذجاً بعد دا كلللو يرجعن البيت عشان شنو ؟ و منو ؟ اقول قولي هذا واستغفر الله لي ................ |
اقتباس:
اذا وجدت اختى و زوجها قاعدين فى حجارة او ماشابه ذلك فسوف لا اقبل. (اجبت عليك بامانة ) |
اقتباس:
|
اقتباس:
|
اقتباس:
لكن دي ما صواته دي إسمها مراقبة عدم التهرب و الزوغان (صلحنا ليك القاف يا سمرا و سحبنا الهمزة) و زين الملك بتاعها |
يا سمراء يا متخلفة
يقعدن وين يعنى ؟؟! .. بدل الإنتقاد العجوز ده وبقيتى دفعة بكور .. شوفى ليه المسكينات مرميات فى الشوارع والخيران .. وين مقاهى الطلبة ودار الطلاب الكان بلمنا .. بدال تطلعيهم (بنات شوارع) .. عارفك ما بتعنى الكلمة .. لكن ما عندها معنى تانى غير كلام ناصر .. ياخ الزمن أختلف بفعل فاعل .. وأسألى بدر والأربعين حرامى البدشنوا فى حملة القشير .. يعنى الزول هسة يمشى يكوس بته فى (الخيران) ولا يواعد جكسة عند ست الشاى!!! معليش على الكلام الجاف .. وما تنسى راس السوط لامن هبشك عملتى لينا خسة بقرش .. خلى بنات الناس فى حالم .. وبركة البقى فى شارع يلمن .. طبعاً ده مع حبى يا قلب |
اقتباس:
سادي خدمة زنقة زين من التهرب عليك الله اسحبني من تخلف سمراء دا (بالهمزة المرة دي) |
اقتباس:
كمان اجى القاها قاعدة فى حجر و بتجكس :mad::mad: . |
اقتباس:
|
اقتباس:
اولا يشهدالله كتبت مداخلتين وكل ما انتهى تتطفش المداخلة بقدرة قادر تاكدت انا عاملين لى عمل المهم اهم كلام اتقال فى نظرى كلام الزول الشين دا الجامعات والمعاهد يا سمارة بقت بيوت عادية وسط الحلة وفى الزقاقات تفتقر لاهم مقومات الجامعة دا بصرف النظر عن الجامعة زاتها بدرسوا فيها شنو ولا الفيها منو الظاهرة ما جميلة بس الاسباب اقوى واسوا من الظاهرة |
اقتباس:
|
اقتباس:
احسن اقعد فى السهلة ولا انستر داخل الكليه ويادار مادخلك شر!! بالجد المنظر مستفز جدا ومامقبول لى واحده بت ناس ...بالجد ولا الحكومة تقوم تصرف امبريلا لكل طالب looool |
اقتباس:
بس زى ماقلتى الشينه منكورة .... والرجال ديل للاسف بتعاملو بدون منطق ..يعنى الشى بكون عاجبهم لحد مايصل لحد عندهم ...بعداك بكون الراى مختلف !! |
الكريمة
سمراء الحاصل ده نتيجة تراكمات كثيرة جدا ورواسب ما ممكن نشوفو من منظور واحد وعلي الحب نلتقي |
اقتباس:
النقطة التانيه : الحب ده والعلاقات موجود من زمان فى الجامعات يازول الله ودونك الاشعار الكتيرة الظهرت فى العهود السابقه ..بس ده عمرو ماكان منقصه ولا بشتنة !! انا احترم اى علاقه داخل الجامعه اى كان مسمياته فىالنهاية دى بترجع للطلبة ، ومافى حجر عليهم وهم المسؤلين ....بس تكون فى حرم ساتر ليهم ... انا كلامى ياجماعه عن شكل عام لاخواتنا وهن قاعدات فى الشارع !!! يعنى الغاشى والماشى يعلق عليهم وهم ولا كانهم حاسين بالدنيا ، متلاصقين واخر قرقراب وقعاد شين ، والله الحق الواحده بتكون قاعدة ....استغفر الله ياخ! اقول قولي هذا واستغفر الله لي ................ |
اقتباس:
سموره ... انا طبعا ما قلت رائي في الموضوع ...لكن مقتنع بي وجهه نظر ناصر يوسف لانها منطقيه لكن اذا اتعالجت الاسباب يمكن تختفي الظاهره ...بس ما كل البنات الفي الشارع بنات شوارع اللفظ دا تحديدا كبير ويقودنا مياشره لي معناهو ... في بنات في الشارع وفي الكافتريا وفي الحدائق وفي المكاتب وجوه الجامعه وبره الجامعه وفي الحله وفي الاندايه ومحترمات جدا ... اذا جينا لي معالجه الاسباب الموضوع طويل وشائك .. دمتي بعافيه .. |
اقتباس:
وده المطلوب |
اقتباس:
ولا جاى مراقب عام البوست looool |
اقتباس:
جنو مستعدة تدي رايها بصراحة بس ما هسي عشان انا موجوعه جد بس لمن اجيك بقول ليك امبريلا شنو البتوزعها الحكومة الواحدة تعمل امبريلتها عقلها ده وتفكر لانه دي سمعتها وكمان لو ادت الجنبها شلوت يكون احسن |
اقتباس:
تانيا يار افت انت اى كلام اقولو فى الموضوع ده ماراح يقع ليك عارف ليه !! لانك بعيد وماشايف الصورة الانا بتكلم عليها دى !! لكن بوعدك الا اصورهم واجيبهم ليك بعدين ماف اى مبرر يبيح قعاد الشارع مهما كانت الاسباب !! ياجماعه انا كلامى لى شكل البت وكرامته !! مستحيل زول يرضى بتو ولا اختو تكون عرضه فى الشارع للشناف !! ياخ انا مستحيل اكون قاعدة فى ترتوار شارع زلط ومتلصقه فى زميلى وماسكين البارد وبوسوس لى فى اضانى !! ياجماعه اعقلوها ياخ الحب ماعيب ...ولا الصداقه ..ولا الزمالة ...بس كل شى محتاج ادبياتو !! ولا شنو ياروفو يا متحضر looool انتو طبعا عندكم عادى زى الزبادى |
| الساعة الآن 01:20 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.