هــــــواة الـــــرسم (لـــوحات )
[align=center]سنفرد فى هذا البوست مساحه لنوع من انواع الفنون ، الا هو فن الرسم ..
وفى السودان مجموعات مقدرة من هؤلاء الهواة ، سنفرد لهم مساحه لنشر بعض اعمالهم وايضا لبعض الاعمال العالمية ، اتمنى من المهتمين فى هذا المجال اثراء البوست [/align].. [align=center] http://sphotos.ak.fbcdn.net/hphotos-...3_610770_n.jpg اللوحة لاحد الهواة السودانين /الفنان السودانى احمد الفاتح [/align] |
[align=center]http://www.facebook.com/?sk=messages...53320748016823
الفنان السودانى احمد الفاتح [/align] |
|
اقتباس:
بتمعن فى اللوحة دى بمقدار حقبة من الزمن يساوى حنين لتلك التفاصيل ، واجزم انو اى انسان حاتمر بيهو نفس الاحاسيس بالمعايشة .. والله اكاد اشتم ريحة تلك " الطرقات " من الكسرة وهى تخرج طازة من بين يدى تلك " الام " ! تابع التفاصيل فى انعكاس ضوء الشمس من خلال " طاقة " الراكوبة مع انعكاس ضل الراكوبة والذى جعل تلك الفتاة تجلس باطمئنان لغسل الملابس !! ياااااااااااه ياخ لوحة تحكى قصة زمن جميييييييل اعتقد بانو دخل اى اسرة |
اقتباس:
مش..؟ ياخي مشهد بيعمل للزول أكولة في قلبو عديل كدة.. لاحظي للبتين الفي الحيطة.. تنية الرِجل دي بتحكي روقة بال مفقودة هسّع.. لوحة ماهلة شديد.. |
|
يا آيات..
خليك من فوتوشوب ولّا رسمة.. بيتخيّل لي المشهد دة في عطبرة.. والدليل العجلة الموقفة جمب الأوضة..:D عجبني الطقم بتاع العنقريب والبنبرين.. إبداع عجيب.. حياة بسيطة جدّاً.. لكنها فخمة. |
تحياتي يا سمراء وباقي الشباب ..
بوست جميل والله .. اللوحة الجابا الرشيد أظنها حقّت أبو الحسن مدني .. بتذكرني لوحة للفنّان الإيراني مرتضى كاتوزيان .. . |
تحياتي يا آيات .. اللوحة جميلة مافي شك .. أنا في تقديري إنّها لوحة ما صورة .. حاولت أعرف صاحبا بس ما وصلت لي حاجة .. أنا مكيفاني كباية الشاي التحت البنبر .. . |
.
|
اقتباس:
تعرف زولك ده ناقصاه (الحُقة):p مااااظن بشرب سجاير |
اقتباس:
صباحك لوحة رويانة يابت عارفة دى لو بقت رسمة ! بالجد شى موبالغه جدا انا طبعا بتوه فى اللوحة وتفاصيلة عندى شقيقى يا آيات رسام بدرجة موبالغ فيها ..بس كسلان وشكلك انت زاتك كسلانة ....صاح ؟ |
اقتباس:
روقان وبس واشارطك الموضوع كان بحكو عن عرس هناية بت جيرانهم القرب وماشفتى يادى جابو ليها شنو ؟ هى زاته شينة يعلم الله وماتستاهل العريس ده ااااى والعجب امها الصواطة ...برى برى برى ;) كدى هيى خلى القطيعة ، خطيبك مارسل ليك جواب بعد سافر؟ برى والله مشيت ، مشيت البوستى امس رميت ليهو جواب اسال منو ياحليل الجوابات :D |
اقتباس:
و خليك من كسلي ده:D شوفتي البنات ديل أول حاجة شكلهم اوحى لي .بأنو ام أحمر دي حابة اخو ديك وبتحاول تتلفت تشوفو حايم بي جاي ولاجاي.. عشان كده خلت عدة الصباح عاوزة تشوفو قبل مايطلع تاني جاني إحساس أنو ام أصفر دي ..عندها مشكلة كبيرة شديد ثم إنو .. أم أحمر دي زاتا (الخملة) الخلت عدتها وسخانة وقامت تشمشر ياها العرسها ...صاحب أزهري المكوع داك:D |
اقتباس:
تدفعى كم واثرى ليك يا سمراء ٠٠٠ :D:D سمراء ٠٠٠ الفن منك وإليك التحايا العطرة لكى :) |
اقتباس:
دايرة اقول ليك اتى البت دى بى خمالته عرسوها كيفن :D ولا ياربى الفنان ده عندو اولاد ماما واللولية ودساتير الاحمر !! ياربى تكون ياها نفس البت الخملة القاعدة تتونس بالحيطة وعدتها فى السهلة ؟ ايات رايك شنو نقوم نفتح بوست باللوحة دى ونحاول نطلع منها موضوع ؟؟؟ |
اقتباس:
انت حكاية الايرانين مع الرسم دى شنو ؟ ياخ ديل مبدعين فى الرسم بطريقة مدهشة جدا جدا !! ودونك المالكى ... ياخ بهتمو بالتفاصيل بدرجة تشكك فى انها صورة وشوف اللوحة المقاربة لى لوحة الرشيد فى الفكرة ...والتفاصيل الدقيقة جدا فيها موبااااالغه حد الدهشة والله |
اقتباس:
انت اثرى ...وانا بسرى ....:D والفورة 100000 |
|
لوحة تدّيك إحساس الطيور من غير طيور! . |
|
|
سمراء ياسمـــــــــراء تهت فى خد من صفح ليلة قمرية داعبت فيها النجوم وداعبتنى ويـــــــــــــــــا لجمال هذا التيه تمنيت ألا أعود شكراً ياأنيقة على هذا الأمتاع فقد دلفت المكان لتوى وأنوى المقام وأتعشم بالمزيد من الروائع |
| الساعة الآن 05:44 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.