الشرطة في إذلال الشعب .. في دولة المشروع الحضاري
في دولة المشــــروع الحضاري هكذا يتم تنفيذ القانون بلا مراعاة للانسانية ولا لحقوق الافراد فأي امتهان للكرامة يفوق هذا وعندما يوكل تنفيذ القانون لهؤلاء الجهلاء من العسكر تتم مثل هذه الانتهاكات اي إذلال لهذه الفتاة ؟ وماذا جنت عشان لبست بنطلون طيب ما البنطلون دا بيلبسوه البنات في القنوات الفضائية ليه ماف واحد ســـألهم؟ [align=center][flash=http://www.youtube.com/v/xy97un3zEMo&hl=nl_nl&autoplay=1]width=500 height=450[/flash][/align] |
هل لو كانت بنت مســـؤول كبير سيتم التعامل معها بهذه الكيفية المذلة؟ مبـــدأ سيادة القانون يجب ان يســـود ويتساوى الجميع أمامه ولا يجب أن يطبق القانون بانتقائية تسبب ظلماً اجتماعيا وتولد الاحقاد بين أفـــراد المجتمع الرسول صلى الله عليه وسلم قال: والله لو أن فاطمة بنت محمد سرقت لقطعت يــدها فأرتضى الجميع حكمه ........ أين هم من هذا |
(صنفان من أهل النار لم أرهما، قوم معهم سياط كأذناب البقر يضربون بها الناس.. )
كثرة الشرط الذين يعذّبون الناس ومن علامات الساعة التي أخبر عنها النبي المصطفى الكريم صلى الله عليه وسلم وظهرت ومازالت في استمرار ـ بل في ازدياد : كثرة الشرطة، الذين يحملون بأيديهم الهراوات، يضربون بها أبشار الناس، ظلماً وعدواناً، إضافة إلى أنهم أعوان الظلمة. والله تعالى المستعان. فعن أبي أمامة رضي الله عنه، أن رسول الله صلى الله عليه وسلم قال: ( يكون في هذه الأمة في آخر الزمان ـ رجال ـ أو قال : يخرج رجالٌ من هذه الأمة في آخر الزمان معهم سياط، كأنها أذناب البقر، يغدون في سخط الله، ويروحون في غضبه).رواه أحمد والطبراني في آخرين، وصححه الحاكم وأقره الذهبي، وصححه الحافظ ابن حجر(1). والاعتداء على الناس ظلم، وإعانة الظلمة ظلم، والظلم ظلمات يوم القيامة، لا يرضى الله سبحانه وتعالى على فاعله، لذا فإنه في الدنيا يغدو في سخط الله تعالى، ويروح في غضبه ولعنته، وفي الآخرة من أصحاب النار، والعياذ بالله تعالى، إلا أن يتداركه الله تعالى بلطفه فيتوب. فعن أبي هريرة رضي الله عنه قال: قال رسول الله صلى الله عليه وسلم : ( صنفان من أهل النار لم أرهما، قوم معهم سياط كأذناب البقر يضربون بها الناس.. ) الحديث بطوله رواه مسلم. وعنه رضي الله عنه قال: قال رسول الله صلى الله عليه وسلم: (يوشك إن طالت بك مدة، أوشكت أن ترى قوماً، يغدون في سخط الله، ويروحون في لعنة الله، في أيديهم مثلُ أذناب البقر)(2)رواه مسلم. وعن هشام بن حكيم بن حزام رضي الله عنه قال: (سمعت رسول الله صلى الله عليه وسلم إن الله يعذِّب الذين يعذِّبون الناس في الدنيا )(3)رواه مسلم. فهذا جزاء الذي يعذِّب الناس في الدنيا بغير حق. ولا يدخل في ذلك من أقام القصاص أو الحدَّ أو التعزير، لأن ذلك واجب شرعاً، والله تعالى أعلم. ولهذا حثَّ صلى الله عليه وسلم المسلمين على المبادرة بالأعمال الصالحة قبل أن يكثر الشرطة التي تظلم العباد بالإضافة إلى مثيلها من الأعمال المكروهة. فعن عبس الغفاري رضي الله تعالى عنه قال: سمعت رسول الله صلى الله عليه وسلم يقول: ( بادروا بالأعمال ستاً، إمرة السفهاء، وكثرة الشُّرط، وبيع الحُكم، واستخفافاً بالدم، وقطيعة الرحم، ونشواً يتخذون القرآن مزامير، يقدِّمونه يُغنيِّهم ، وإن كان أقلَّ منهم فقهاً)(4)رواه أحمد وأبو عبيد والبزار والطبراني من طرق هو بها صحيح وله شواهد بلفظه. منقول :عن كتاب مختصر أشراط الساعة بقلم الأستاذ الدكتور خليل إبراهيم ملّا خاطر العزامي أستاذ الحديث وعلومه بجامعة طيبة بالمدينة المنورة. http://www.55a.net/firas/arabic/inde...&select_page=1 http://yomgedid.kenanaonline.com/top...99/posts/93769 |
وطالما ارتضى الشعب السوداني ذلك فسوف يأتي كل حاكم ليطبق فينا ما يحلو له من صنوف التعذيب وتاريخ السودان القريب والبعيد ملئ بمثل هذه الاشياء ، لماذا لأننا شعب طيب متسامح ننسى الاساءة ونصفح وما خروج كل السودانيين لتوديع نميري إلا دليل على ذلك فقد غدا السفاح رجل البر والتقوى برغم كل ما فعله في الشعب السوداني من بطش ولا زالت تتوالى مثل هذه الاحداث الى اليوم..
|
أمين سلامات..
لقد أسمعت إذ ناديت حيَاَ.. اليوتيوب ماظاهر عندي.. بس من كلامك عرفت جزء من الحاصل.. صاحبي مثقفاتي كبير بيحب التثاقف والمنتديات والشعر.. رجع نيالا قعد ليهو كم سنة.. لاقيتو في الخرطوم في العيد الفات ده.. كنا متواعدين نمشي مشوار مع اصدقاء.. الاصدقاء ديل كانو في جلسة استماع في مركز الخاتم عدلان للفنان طارق ابوعبيدة.. مشينا عشان نسوقم من هناك.. قالول لينا اقعدو بعد الغنا ينتهي نمرق.. قام صاحبي الكان بيحب الحاجات دي قال ليهم ولا دقيقة.. يلا نمرق.. تفسيرو انو دي ما الوسيلة الممكن ترجع الامور لنصابا.. يعني ماممكن انا في دارفور اشوف لي زول بيطلع سلاح وطاخ طاخ يقتل ليهو مية نفر..واجي هنا اغني بنحلم بيهو يوماتي.. الادوات لازم تكون اكثر مباشرة.. يازول اوع اكون شت ليك برا الخط.. |
اقتباس:
أزيك وبركة الشفته لي زول يكاكي معاي في البوست الأنتي كيزاني دا:D:D لدرجة إني بديت اشك في إني كتبته البوست دا في موقع المؤتمر الوطنيgoood المهم تجاوزات ناس الشرطة في السودان دا ما مقبولة على الاطلاق تخيل إجازتي الماضية حته عسكري مفعوص اتناقشت معاهو في مسألة تحرير مخالفة مرورية قرب يديني كف ولو ما وقفته ليهو وقفة رجال كان اكلت الكف وحاتك المشكلة من أطلق يد هؤلاء لكي يعيثوا في الأرض فساداً الحاجة التانية ما اتعودنا نحاكم حكامنا لأن القضاء في زمنهم لا يمكنه إدانتهم وبعد ما يرحلوا نقعد نقول والله كان زول طيب الظلم مش في دارفور بس في الشمال والشرق وفي كل مكان وتجاوزات يندى لها الجبين والمصيبة ماف زول بسألهم لأنهم معصومين من الخطأ بل توفر لهم حصانة لإرتكاب مثل هذه الانتهاكات تحاياي |
اقتباس:
العتب على النظر.. والله بالنضارة واحد وإتنين وحتى رقم خمسة ما شايف النزل شنهو.. "ذيي رشو كدآ" لكنك جيتني في خيتي.. بث أشوف وبجيك... |
العزيز امين بشاري
كل عام وانتم بخير .... وكل عام وهم يرزلون وشلّت اياديهم هولاء السفلة حقيقة الواحد ما قادر يشاهد الفديو من ما يحمله من هذا المشهد الما انساني او بالاحري الما سوداني .. لانو بنعرف الراجل السوداني لا يهين المرأة وهو دوما حاميها من الاذلال والمذلة لكن عشنا وشفنا في دولة العسس اللا عين رأت ولا اذن سمعت من انهيار مواثيق وموروثات المجتمع السوداني السمحة علي ايدي آفاتنا اولاد الحرام . الموضوع جدير بانو يثار حوله نقاش طويل يفضح مدي عنجهية المؤتمر الوطني فتبّت يديه مايرمي ساس .. اطنان من المودة |
يعني هسه شيلتهم ليها دي بالطريقة دي مش قلة ادب وتحرش واضح
ياخ ديل فقدواكل القيم الانسانية والمجتمعية |
الشفتو انا يا امين لو انت شفتو تضحك على الفيديو حقك ده !!
زلة ومهانة وعدم احترام لى ناس يفترض فى اعمار ابواتهم وامهاتهم بس البزعل فى الموضوع لو البسو فيهو ده حاجه عامة مالو ! لكن شغل بتاع (تشفى ) وترضيات ، وكيل بمكيالين !! لانو البشاهد الشارع بتشوف فيهو العجب العجاب من لبس وافعال وخلافه .. ماعيب انو يكون فى ضبط بالتى هى احسن ...بس يكون بعدل واحترام وتقدير موش حركات (اعصر) للعسكرى عشان يفششنى فى زول !:D |
اقتباس:
المشكلة في القانون وفي البقوم بتطبيق القانون برضو لانو القانون خاضع لمزاجية العسكري علي قولك او القاضي وحقيقة انا قبل خروجي من السودان شفت مناظر من جانب الشرطة تطمم البطن . ويخيل لي في الجانب بتاع لبس المراة السودانية مافي ضابط الا البيت والبيت السوداني اجدر به . في امان الله |
اقتباس:
سلام منتظرين عودتك بالسلامة وبعد ما تشوف حبابك 1000 |
اقتباس:
يا حليل زمن المحنة أبوي لما كانت الدنيا جنه كل زول بيعين أخوه ومافي بين الناس مظنه الرجال ماتوا في كـــررري يا ود امي:D السلطة المطلقة مفسدة مطلقه ومن امن العقوبة أساء الأدب بلا شك ياااااخ العسكري دا عندنا في السودان ليهو قيمة ما ساهلة والله يسوقك يضربك ماف زول يسألوا وقدسية شعار الدولة وما عارف شنو المهم هو الكل في الكل... التعامل أعلاه لا يليق حتى بالحيوان والله حبابك 1000 |
اقتباس:
الأخت جيجي يعني اتخيلي موقف زي ممكن يحصل مع أي زول فينا هنا في المنبر دا أو في السودان ديل عميان ومسكوه عصاية .. وعلى الدولة فعلا تحسين سجلها في مجال احترام آدمية وحقوق الانسان يا حليل القيم السافرت وما رجعت بعد المشروع الحضاري دا حبابك 1000 |
اقتباس:
ازيك يـــاااااااختي وينك أنت امبارح فــاتتك حفلة كااااااااااااااربة واللهgoood المهم يكفيني ما انا فيه من احباط يا بت انا آخر اجازة لي بتاع المرور حتة عسكري كان عايز يديني كف قال ولو ما وقفته ليهو وقفة رجال كان اكلت الكف انا من القرف لي 4 سنوات ما رجعته السودان ولا ناوي قريب شكلي كدا تطبيق القوانين بهذا الشكل وبهذه الطريقة يولد الغبائن والحقد بلد لا احترم فيها لا اعيش فيها وكفى |
اقتباس:
فتش جوة العربية لقى ليهو سندوتش قاعد طواااالى طلع لى ايصال قال لى (القيادة باهمال):D قال لى تاكلى وانت سايقه ههههههههههههههههههههههههه قلت ليهو عاين هاك السندوتش اللسة مافتحتو ده اخير ليك من ايصال ماعندك فوقو نفقة |
اقتباس:
|
هذه هى دولة مشروعهم الحضارى ....... بئس الدولة وبئس المشروع وبئس من شايعه |
[align=center]امين بشارى
سلامات لهم الله نساء بلادى الشامخات وهم يرزخون تحت نيران حيكومة الفقر الدمار حيكومة الجبهة اللاسلامية الحكومة البوليسية المتسلطة . اى مهانة وازلال هذا الذى نراهو حتما ستزول حكومة الجنرال البشير وزمرتة الذين ازلو واهانو الشعب السودانى هذا هو دولة المشروع الحضارى لكم الله جماهير شعبنا الطيبين لكم الله نساء بلادى الاماجد[/align] |
اقتباس:
قبل أشوف!! ليك قصة حادثة.. في واحدآ من إجازتي للبلد كنت صدفة في مؤسسة تعليمية وحصل هرج ومرج وكواريك وصراخ.. الحصل أنه نظام عام ولا حاجة كدآ من بتاعت ناس "صلاح، بتاعنا الهنا والوضع أساسها هاشم محمد عثمان المدير الحسي بتاع الشرطة،، البوليس يبرآ ويستبرآ من الشرطة الحسي،،" أخدت بنات الي قسم الشرطة بحجة الملابس.. عمك ويعني قال كان في البوليس وبالمفهوم الورثناها من السبقونا.. إتحمحمتا وإدمدمتا ومشيت القسم، قال يعني لمن القى الضابط الهناك واعرفه بنفسي حيكون عنده "فهم" لكن الوليد ما فاصل عديل،، لقيته مكفكف بنطلونه ولابس شبشب سفنجة وقايم على الصلالة،، قلتا نخليه لمن يرجع من صلاته، عسى قلبه يكون صفآ... إنتظرت قدام مكتبه لمن رجع.. دخل وبي عفوية كبارنا، دخلتا واره.. نادى على شرطي وسأله: دآ عايز شنهو؟؟ وأريته ما قالها.... أنا ما بزبورتيي بريطاني وعندي ملكة بتحميني وقلتا يلا نشوف.. ردحتا ولا كأني في حواري "الآلعآ" (القلعة في أم الدنيا مصر).. قلتا ليهو من ضمن ما قلتا.. يا ولدي زمان وإحنا ضباط لمن يجينا كائن ما كان ويقول ليك يا دفعة، بتفهم أنه من الشرطة، تسالمه وتطايبه وترحب بيهو،، دي كدآ "ابرتيف، مقبلات" وإن لحق قال ليك أنا الشاويش فلان،، خلاص ما دآ معناها في يوم علمك شي وصرت له عبدا.. ويومه اليقول ليك؛ ضابط معاش فلان... أهآ يومك أسود لو وقفتا وحيتهو وظنيتك تزح ليهو من الكرسي الإتا قاعد فيهو... قلتا ليهو: بآكر يا ولدي بتجي ذيي كدي في حوجة للقسم، أنا حسي جيتك عشان بنات ناس تانين، قلتو لبسهن، وأنا شايف ضابطتك دي لابسة بنطلون،، لجهله قال ليا: لكنهن لابسات بنطلون جينز ما بنطلون يونيفورم... مشيتها وقلتا ليهو يا ولدي إتذكر برضك باكر بتكبر وربنا يستر ما تجي وتضيم وتكون مشكلتك أكبر،، (قلتا أديهو من القبيح وتقيل) يعني بتك قبضوها في كشة...... قبلتا والباب جاك زولن مارق.. وصلتا المؤسسة ولدهشتي،، لقيت البنيات رجعن....... عالم تخاف ما تختشي |
| الساعة الآن 04:32 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.