صغيرتى تسعد صباحى بأجمل هديه فى عيد الأب ..
ليومين لم يسمح لى بدخول تلك الغرفه الصغيره فى الطابق العلوى..
عكفت طفلتى الصغيره خلال هذين اليومين بمساعدة (أم الحيران) فى إعداد مفاجأه لى.. وكان صباح اليوم أن صحوت وأمامى لوحه غاية فى الروعه.. مساحه ضخمه من الورق مليئه بالالوان والأصباغ (والشخبطات) فيها قلوب وشمس وقمر ونجوم وعربه ورجل طويل رأسه أضخم من جسده ويديه يصلان نهاية الورق بشكل عنكبوتى..لوحه مشربكه وعجيبه.. ولكنها أجمل هديه تلقيتها .. التحيه لكل الآباء فى عيدهم.. ولوالدى السلام والمحبه |
الجيلي
تحياتي نعم أعرف إنه شعور جميل جدآ عندما يحتفي بك الأبناء و كل من حولك ربنا يخلي ليك البنية السكرية وأمها إلا سؤال هو دة عيد الأب و لا الأم؟؟ :rolleyes: :rolleyes: عندنا و في أماكن كثيرة عيد الأم..عيد الأب لسة بدري عليهو جعل الله كل أيامنا أعياد |
الجيلي،
هذه من أجمل الهدايا والله .. هدية يسكب فيها الصغار كل دواخلهم من حب وتعلّق والويل لك إذا أهملتها ولم تعلّقها في مكان ظاهر للعيان لكن لا تتوقّع أن تكون الهدية دايماً رقيقة فقد ينفثّون عن غضبهم الجميل منك، أيضاً في الورق وكم إستلمت من أوراق ملوّنة غاضبة وبها كتابات، مثل "يا بابا أنا زعلانة منّك وما حأقول ليك ليه" وقد تستلم عريضة شكوى ضد الأم أو الأخ في كل الحالات يجب أخذ الأمر بكل إهتمام وإلا .. ستجد رسمة رجل معولق في ورقة مكرفسة موضوعة على مخدتك بس قلت لي الراجل المرسوم شكلو كيف؟ :D :D ربنا يحفظها ويغطيها يا جيلي، عكـــود |
الجيلي ود عمي الجميل
كل سنه وإنت طيب وما أحلاها من هدية ذات فكرة ببرائتها الجميله وما أحلاهم هموا الأطفال حينما يهتمون بك إنهم يبكونك شد البكاء ولا تملك سوي الإنزواء بعيدا عنهم لكي (تجعر عديييل كده) من الفرح وعند محياهم تصبح قبلات الدنيا جميعها لا توازيهم حقهم من الحب الحب لأطفالنا الحب لطفلتك الحلوة والحب الأخوي الصادق لك أيها الإنسان الجيلي |
اقتباس:
حسب معرفتي ده عيد الأب مش بت الجيلي قالت كده وقدّمت هديتها؟ وطيييييب ! عكــود |
حنينه
عكودنا ناصر يسعد يومكم ولكم المحبه.. حنينه بطلو حساده وأدونا يوم معاكم فى السنه.. :mad: http://www.holidays.net/father/index.htm |
اقتباس:
لكن يبقى لى ذى الشفتو فى فجة :rolleyes: انت متأكد يالجيلى بتك دى ماشافت ابوجقادو ;) |
اقتباس:
نسعل الله السلامه عتمان مشتاقين وبطل حوامه واقعد فى البيت عشان الناس لمن تتصل تلقاك قاعد.. :mad: |
كل سنة و إنت طيب يا الجيلي..ربنا يخلي ليك الأمورة و أمها...
رسومات الأطفال فيها الكثير من الصدق و العمق و الشفافية...شٌفت مرة رسوم لأطفال مصابين بالسرطان - حمانا الله و إياكم - بكيت لمن لقيت القاسم المشترك بين كل الصور هو إنو الطفل في مكان..و باقي النجوم و القمر و الناس في مكان آخر...إحساس مرير ... طفلتك رسمتك كعملاق ضخم..لأنك كذلك بالنسبة ليها...إنت حاميها و إنت حارسها و أميرها و فارسها.. ربنا يخليك ليها و يخليها ليك.. أشواقي و حبي و قبلاتي ليها.. . |
اقتباس:
[align=center] الجيلي .. ربنا يخليها ليك ويحفظها وتعقب فوقها بالوليد فشان يمسكك لى صلاة العيد عكود :- :D :D :D ...... ده إن بقى ما حاربوك .... :D :D ما أحلاهم ..... وإيه الدنيا لولا هم [/align] |
اقتباس:
سأتخطّى الجيلي هنا وصـولآ للحبيبة أليشـا أي بنيّتي لك التحايا و رسوماتك الحلوة لبابا ..أكيد عجبتو بالنسبة للرجل الضخم..يمكن بابا ما عاوز يقدّم ليك تراثنا كلّو في عمرك دة..لكن دة اسمو ودّامبعـلّـو..و هو بعّاتي به شبه كثير من الوالد القاعد قدّامك دة، لا تغضبي بنيّتي فمواجهة الحقيقة تحتاج صبر، أرسمي تاني و ركّزي على النجوم و القمر و الوالدة و صاحباتك و كدة..بتاع فـلاديفستك دة نحن ما عاوزين صورتو يا بنتي..طيّب؟ :rolleyes: عيد سعيد |
اقتباس:
دى كلها رسمات ..وياويلك لو سهيت.. هناك أيضآ واحده فى العربيه ,ربنا يكبرها وتبقى فنانه وتشكيليه .. وربنا يحفظ محمد وأخته ويغطيهم ويديهم ويديكم العافيه تحياتى .. |
الحبوب ناصر
ليك التحايا.. وربنا يحفظ ليك الأموره الصغيره |
اقتباس:
كل سنة وإنت طيبه كمان وربنا يحفظ الممكون الصغير.. تأثرت بقصة رسومات الأطفال المصابين بالسرطان .. (أم الحيران) عملت من قبل فى مركز لعلاج الأطفال (نفسيآ).. وكنت أرى كيف أن الألوان وطريقة إستخدامها عند الأطفال وطريقة الرسم تساعدهم فى الإقتراب من مشاكلهم وتحليلها.. شكرآ كتير لكلماتك الطيبه ودومى بخير |
اقتباس:
عبد العظيم سلامات ياالمك غايتو آخر فحص الإسبوع الفات قالو (بنيه).. دحين الوليد بعد دى.. |
اقتباس:
أنا بشبه ودأمبعلو يامولانا.. :mad: طييييييب ياعكود جنابو بقى إرهابى عديل كده.. K3 :D |
الاخ الجيلى كل
سنة وانت طيب واليشا بخير ارقد عافية |
اقتباس:
عندنا اسم مستوى التعليم قبل المدرسي بحسب سن الطفل يعني كي ثري بتاعتك دي تعني ان اليشا، حفظها الله، في المستوى الدراسي دة؟ لانو بشير فاتها و موحى لسع لو كلام هناي قولو في الهناي ح تفسدوا تربايتنا ياخ ;) |
اقتباس:
[]You too ,brother Omar thanx] |
يا سلالالالالالالالالالالالالالالالالالام
يا الجيلي رجعتني 16 سنة بناتي كانو بيشخبطو ويصرو يعلقوها لابوهم في مكتبو. اذكر لما كان بيفضي في مكتبو قلع كل الصور بكل حب ودخلها في ظرف.. الان البنات كبرو واحدة بتدرس فنون. طوالي بيضحكو في رسمهم.. عايزة استلف منك 5 دولارات تشتري ليك برواز وتختها فيهو وتعلقها.. ودي هديتي ليك في عيد الاب ربنا يخليك ليهم ويتربو في عزك.. والبت الجاية تسميها بيان.. وكل سنة وانت اجمل الاباء ونموذج ابوي مشرف قبلاتي للصغيرة ومودتي لك ولام الحيران |
اقتباس:
راجع عثمان محمد صالح.. :D :D |
اقتباس:
بلجك الله أيامك لحسن سوء ظني فيك انا افتكرتو التاني :mad: |
سلامات يادكتوره ماشاءالله على البنيات ربنا يحفظهم ويغطى عليهم.. غايتو أنا بنيتى دى شكلها حاتكون فنانه لأنو حتى الأستاذات فى الروضه بيقولن إنها بترسم طوال الوقت وهذا ماتفعله أغلب الأوقات فى المنزل بمساعدتى وأم الحيران بالإضافه لحب وعشق متناهى للموسيقى مصحوب بحركات يصعب أن تتأتى فى عمرها وحتى رسماتها لايمكن مقارنتها بعمرها فهى(حوالى ثلاثه سنوات) وعادة الأطفال فى هذا العمر لايستطيعون الرسم بتلك الطريقه ..بالمناسبه أستاذاتها فى الروضه أيضآ محتارات.. شكرآ لكرمك ودعواتك الطيبه وتوصل تحياتك.. وسلامى للأسره.. محبتى مخرج: قلت لى كيف ..نسميها بيان.. :rolleyes: عشان تقعد تسألنى اليوم كلوا.. يابابا طاقيتى وين?? :D بترضيها لى يابيان? :mad: بترضيها :mad: |
اقتباس:
قلت ليك الزول دا تحفه.. :D |
| الساعة الآن 02:12 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.