يا خالد دحين باقيلك القماري تاني بيقوقن
قولي يا الحبيب قُبال تمشي وتفوت.. قولي تاني يوم السبت من تصبح أناضم منو.. يا ود الحاج وكتين تضيق بي كنت قاعد ألقاك.. دحين يا الحبيب هسي أقبل لااااوين.. دحين ما قلتلي انا ماشي اصورلك قوقيي القماري في كروق التمُر.. باقيلك يا صديق العمر تاني بيقوقن.. شفتلك قماري بيقوقن بلا تمُر.. ما قلتلي ماشي اصورلك محَنَة البركل واجيبها لاااا عندك.. نان وكتين تمشي انت تاني أجيبلي محَني من وين.. يا خالد قولي: متذكر صبيط ((المشرِق)) وشواويل ((التمود)).. ما قلتلي الاجازي الجايي نمشي البركل.. ما قلتلي نشيلنا كوريي ألت ((بركاوي)) ونقعد في القيفي نتونس.. يا خالد شفتلك قيفي بلا بحر.. كيفن تمشي وياكا بحرنا.. الرسول آآآآخالد قولي: قَمِحنَا وبرسيمنا بيبقى بلا موييي.. نان يا حبيب قساي مو ياكا مويتنا.. كيفن تفوتنا.. هسي (المَحَنة) الزرعناها سوا دي نخليها (تيبس).. يا ود الحاج.. ما كتلك ((الإلتهاب)).. كتلوك يوم شالوك وغرسوك بعيد من ((أرضك)).. يا ود الحاج ماكا كتير علي الله.. بس جواي آآآآبتموت... رحمك الله يا صديقي تغمدك الله بواسع رحمته إنا لله وإنا إليه راجعون |
اقتباس:
وكل النبتات الحلال التي غرثها .. ما بتيبس |
اقتباس:
خالد ماهو كتير علي الله لكن فراقه صعب يعلم الله اللهم ادخله فسيح جناتك |
اقتباس:
لا حولا ولا قوة الا بالله البركة فيكم وفينا يا طارق اخوى لا حولا ولا قوة الا بالله رحل البشوش رحل النبيل |
اقتباس:
امثال خالد لا يموتون الهم وسع مدخله وارزقه جنة عرضها السماوات والأرض |
صدمة كبيرة يا طارق ولا حول ولا قوة الا بالله العلي العظيم
|
جميل الصبر ياصديقي
|
من بكاه الناس بهذا الصبر لن يذهب الا لمكان وريف لينتظرهم
|
بسم الله الرحمن الرحيم
(وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ ، الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ ، أُولَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ ) صدق الله العظيم عظم الله أجرأسرة الفقيد و كل أهله و أحبائه لفقدهم الجلل .. نسأل الله العلى القدير أن يلهمهم الصبر و السلوان و الجلد لفراق الفقيد رحمة الله عليه .. اللهم أغفر لخالد الحاج وارحمه وأعفو عنه و أكرمه .. اللهم نقه من خطاياه كما ينقى الثوب الأبيض من الدنس .. اللهم أغسله بالثلج و الماء والبرد .. اللهم وسع مدخله و ادخله الجنة بغير حساب .. اللهم يمّن كتابه و هوّن حسابه و ليّن ترابه و ثبّت أقدامه و ألهمه حسن الجواب .. اللهم طيّب ثراه و اكرم مثواه واجعل الجنة مستقره و مأواه .. اللهم نوّر مرقده و عطّر مشهده و طيّب مضجعه .. اللهم آنس وحشته و ارحم غربته وقه عذاب القبر و عذاب النار .. اللهم افسح له في قبره و اجعله روضة من رياض الجنة ولا تجعله حفرة من حفر النار .. اللهم انقله من ضيق اللحود و القبور إلى سعة الدور و القصور مع الذين أنعمت عليهم من الصديقين والشهداء والصالحين .. اللهم أبدله داراً خيراً من داره و أهلاً خيراً من أهله واسكنه فسيح جناتك في الدرجات العلى .. اللهم إن كان محسنا فزد في إحسانه و إن كان مسيئا فتجاوز عن سيئاته .. يا أكرم من سُئل و يا أوسع من جاد بالعطايا اللهم عامله بما أنت أهله ولا تعامله بما هو أهله .. اللهم اجزه عن الاحسان إحسانا وعن الأساءة عفواً وغفرانا .. اللهم رد نفسه إليك مطمئنة راضية مرضية و ادخلها فى عبادك و ادخلها جنتك .. اللهم اجعله من أصحاب اليمين و رده إليك بقلب سليم .. حسن العزاء وصادق المواساة لاسرته الكريمه وأعضاء سودانيات ومجلس ادارتها و جميع أهل و أحبة الفقيد .. إنا لله و إنا إليه راجعون .. |
اقتباس:
لا راد لقضاء الله |
اقتباس:
امثال خالد لا يعوضون صبرنا الله واياكم له الرحمة |
اقتباس:
له الرحمة والمغفرة |
اقتباس:
كان كالنجوم يضئ |
سم الله الرحمن الرحيم
(وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ ، الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ ، أُولَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ ) صدق الله العظيم |
الانسان ذو القلب الذي وسع هذا الكم الهائل من هولاء الاخيار خالد الحاج لن نبكيه يا طارق لانه سيظل حاضرا بيننا بروحه النقيه الطاهره
|
لا نبكيك ولكننا نناضل .. ستبقي فينا ابا جعفر
|
ما لهذا الحزن يطبق علينا
|
( لا اله الا الله ) اللهم ارحم خالد واجعل الجنة مثواه وابدله دارا خير من داره واهلا خبرا من اهله واجعل قبره روض من رياض الجنه وخلده في قلوبنا ولا حول ولا قوة الا بالله
__________________ |
اقتباس:
المشاركة الأصلية كتبت بواسطة طارق جبريل http://sudanyat.org/vb/images/buttons/viewpost.gif قولي يا الحبيب قُبال تمشي وتفوت.. قولي تاني يوم السبت من تصبح أناضم منو.. يا ود الحاج وكتين تضيق بي كنت قاعد ألقاك.. دحين يا الحبيب هسي أقبل لااااوين.. دحين ما قلتلي انا ماشي اصورلك قوقيي القماري في كروق التمُر.. باقيلك يا صديق العمر تاني بيقوقن.. شفتلك قماري بيقوقن بلا تمُر.. ما قلتلي ماشي اصورلك محَنَة البركل واجيبها لاااا عندك.. نان وكتين تمشي انت تاني أجيبلي محَني من وين.. يا خالد قولي: متذكر صبيط ((المشرِق)) وشواويل ((التمود)).. ما قلتلي الاجازي الجايي نمشي البركل.. ما قلتلي نشيلنا كوريي ألت ((بركاوي)) ونقعد في القيفي نتونس.. يا خالد شفتلك قيفي بلا بحر.. كيفن تمشي وياكا بحرنا.. الرسول آآآآخالد قولي: قَمِحنَا وبرسيمنا بيبقى بلا موييي.. نان يا حبيب قساي مو ياكا مويتنا.. كيفن تفوتنا.. هسي (المَحَنة) الزرعناها سوا دي نخليها (تيبس).. يا ود الحاج.. ما كتلك ((الإلتهاب)).. كتلوك يوم شالوك وغرسوك بعيد من ((أرضك)).. يا ود الحاج ماكا كتير علي الله.. بس جواي آآآآبتموت... رحمك الله يا صديقي تغمدك الله بواسع رحمته إنا لله وإنا إليه راجعون يقوقن كيف ود جبرين ماكان خالد (عقوق الحن) مدفق جدوال محنتو تالانا ورونا شلال ولامن قت لو زيد اتلفت لقيت كوريتو مجدوعه اليلى يا طارق الدليب خنس ونقرشة طنبورو داك اترخت اوتارها حس ونخلاتو القدام نشفن و الجداد عطشن و تميراتو مسااااااااااااخ الوليدات راجين جياتو و الخيل جفلن و الجمال طفشن وقال كدى البحر شرد اليلى ما شقتو خالد ساعة صفقتن حاره و الدقه تن قام لافوق نط لافوق لامن بقاليى طويل و يشيل و يندق ...ويشيل يندق وفوق السمحه هز ...عرض وفجه الخلوق فى نادى البركل وقام طلع خطب فى البلد وزغردلنو ... ضحك تانى جا للصفاقه يضرب رجلو ويقوم تب و يقالد ديل ... و يناضم ديل لامن جا وقت السحر اتفرقو ناسو على وعدو القيبل قالو واتاريها الدنيا تقولنا خربانه ام بنايتن قش واتاريهو شالنا جواهو مغمد يا طارق عاد كيفن العيون ما تبكى مادام فى الحزن غرقانه اسكت اكتب عنو انت يابا |
اللهم أغفر
لخالد الحاج وارحمه وأعفو عنه و أكرمه .. اللهم نقه من خطاياه كما ينقى الثوب الأبيض من الدنس .. اللهم أغسله بالثلج و الماء والبرد .. اللهم وسع مدخله و ادخله الجنة بغير حساب .. اللهم يمّن كتابه و هوّن حسابه و ليّن ترابه و ثبّت أقدامه و ألهمه حسن الجواب .. اللهم طيّب ثراه و اكرم مثواه واجعل الجنة مستقره و مأواه .. اللهم نوّر مرقده و عطّر مشهده و طيّب مضجعه .. اللهم آنس وحشته و ارحم غربته وقه عذاب القبر و عذاب النار .. اللهم افسح له في قبره و اجعله روضة من رياض الجنة ولا تجعله حفرة من حفر النار .. اللهم انقله من ضيق اللحود و القبور إلى سعة الدور و القصور مع الذين أنعمت عليهم من الصديقين والشهداء والصالحين .. اللهم أبدله داراً خيراً من داره و أهلاً خيراً من أهله واسكنه فسيح جناتك في الدرجات العلى .. اللهم إن كان محسنا فزد في إحسانه و إن كان مسيئا فتجاوز عن سيئاته .. يا أكرم من سُئل و يا أوسع من جاد بالعطايا اللهم عامله بما أنت أهله ولا تعامله بما هو أهله .. اللهم اجزه عن الاحسان إحسانا وعن الأساءة عفواً وغفرانا .. اللهم رد نفسه إليك مطمئنة راضية مرضية و ادخلها فى عبادك و ادخلها جنتك .. اللهم اجعله من أصحاب اليمين و رده إليك بقلب سليم .. . |
طارق يا صديق!!
يعتصرنى الم الرحيل .. سبحت مع بكائيتك فوجدت دمعةً حرّى سالت على خدّى . الا رحم الله الانسان صاحب القلب الابيض خالد الحاج.. |
اقتباس:
خالد زولا ماهو هين ماهو كتير علي الله ثلاثة ايام عيوني ما جفن غير امي الله يعلم ما بكيتلي زولا زي خالد انا لله وانا اليه راجعون |
يا ود جبرين قمارى شنو اليقوقن؟؟
قمارى شنو يا ود امى الشكية لى الله يا طارق الشكية لى الله عليك الله يا طارق تشوف المحنة السواها فينا خالد الحاج يلمنا كلنا فى حشاهو يعجننا بى حبو ويشوينا بى فراقو المر قريبك ما اتلوم بالحيل آ طـــــــــــارق بالذاف آ ود جبرين |
القماري يقوقن ..!!!!!
ماااااااااااااااا ظنيتا انكتب ليها النواح والبكا شايفاها تنوح وتزيد في قلوبنا جروح الله يصبرنا يا طارق اخوي وصدقن لي كلامك والله ووالله الوجع الحاساهو ما حسيتو الا لمن مات ابوي... الله يرحمو بالمغفرة ويرحمنا بالصبر |
اقتباس:
المشاركة الأصلية كتبت بواسطة حسين يوسف مكى http://sudanyat.org/vb/images/buttons/viewpost.gif طارق يا صديق!! يعتصرنى الم الرحيل .. سبحت مع بكائيتك فوجدت دمعةً حرّى سالت على خدّى . الا رحم الله الانسان صاحب القلب الابيض خالد الحاج.. ود جبرين و كأنك موعود برحيل اصدقائك الله معاك - الصبر - الصبر [mark=#000000] اللهم أرحم عبد الواحد كمبال اللهم رد نفسه إليك مطمئنة راضية مرضية و ادخلها فى عبادك و ادخلها جنتك .. اللهم اجعله من أصحاب اليمين [/mark] البركة فينا وفيكم يا طارق اخوى لا حول ولا قوة الا بالله |
يا منال كلهم فاتوا خلوني
دحين باقيلك دي عيشي لا تقدر تناضم خالد لا تضحك مع كمبال نان الفضلي شنو يا منال انا لله وانا اليه راجعون رحمهما الله |
اقتباس:
المشاركة الأصلية كتبت بواسطة طارق جبريل http://sudanyat.org/vb/images/buttons/viewpost.gif يا منال كلهم فاتوا خلوني دحين باقيلك دي عيشي لا تقدر تناضم خالد لا تضحك مع كمبال نان الفضلي شنو يا منال انا لله وانا اليه راجعون رحمهما الله تعالو نكلم بنيات الجرف ما ظن نخيلك هز فوق سيرت عريس نازل البحر ما طالة موجك ما بيضوق لا يضوق الناس غير كدر عودنلو قشكن النشف يدغي ورويسات السعف مكسور خويطره في قحف ترغي وتسف ملح الأسف عودنلو والسنبر برق جنحاتو بالأشواق سحر قاصد جريف ود شيخ يخف لي مويته من دون البحر والليلة زي غيما رعف حين طال علي ريح السفر يا حليلو زينا ما عرف جوز القميريتين طفر يا دنيا يانا ربات كتف ا دنيا رغم الفجائع لا رجف لا قال عوارضي أبت تخف في بألو كم تاريخ سلف لوكأن يشيل في الموت زرف دمعات أسى وحرقه أسف آو بالعلي الحال يعترف كان عن رسول الله وقف كلم بنيات الجرف وكل المكاليم من طرف هي الدنيا كلها كم حرف لمن يطول فيها الأسف هي الدنيا كلها كم حرف لمن يطول فيها الأسف الله معاك يا طارق الفراق حار و كيفنو يكون متوالى علا خلولك الذكرى |
اقتباس:
ما خلوا الا الاسى و النواح و الذكرى الطيبه يا ود جبرين الليله بدون مسخوت لانو السخته زاتا باقي لي شالوها معاهم ربنا يصبرك يا اخوي و يصبرنا معاك فراق الاصحاب حار آطارق |
| الساعة الآن 03:05 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.