نمط التفكير الملتوي (بابكر عباس و الجيلي أحمد نموذجان)
إغتصاب الفنانة صفية إسحق أحدث ردود أفعال متباينة منها ما هو شرس لا يقبل الإغتصاب و إهانة الجسد من إي كان و يعتبر أن للجسد كرامة يجب أن لا تهان تحت اي مسوغ أو شريعة , و من المواقف ما هو متواطئ يحاول أن يوجد مخرج لجهاز الأمن و السلطة و ذلك بالتشكيك في صحة رواية صفية , أو السخرية و التندر علي شكل صفية و زميلاتها اللائي تعرضن الي هذا الفعل المشابه باعتبار أن أجسادهن غير مغرية للإغتصاب ,,, و بين هذين الموقفين هنالك مواقف أكثر رمادية و غتامة .... في هذا البوست لست بصدد مناقشة ردود الأفعال تجاه قضية الإغتصاب و لكن هي فقط مدخل لمناقشة فكرة الديمقراطية و إحترام الأخر .... فهنالك رأي قوي جداً يقوده الجيلي أحمد و بابكر عباس يري أن الحرية للكل ...فهذا القول نظرياً سليم و لا غضاضة به و لكن عملياً يجانب الحقيقة و الفطرة السوية ... قد تم اختيار الجيلي و بابكر عباس كمدخل لمناقشة قضايا الحريات و إحترام الأخر لعدة أسباب منها:
أولاً: موقفهم الواضح من قضايا الحريات و إيمانهم العميق بقيم الليبرالية و حقوق الإنسان... ثانياً: موقفهم الواضح من السلطة القائمة و كل الحكومات التي تقوم علي أساس ديني أو جهوي.... ثالثاً: إصرارهم العنيد ان لا يتحول المنبر الي منبر (و شكراً علي مرورك الجميل) ... أي أن يظل و يرتقي منبراً للحوار يطرح فيه الرأي و الرأي المضاد بكل جراءة و قوة دون إعتبار لكائن من كان.... يتبع |
للأسباب المذكورة أعلاه كان هؤلاء مدخلي لمناقشة قضايا الحريات و إحترام الرأي الأخر مهما كانت درجة الخلاف , و كما أسلفت هذا القول نظرياً لا يختلف حول صحته إثنان و كما لا يحتاج الي أي زكاء للتأكد من صحته و لكن يظل المحك التطبيق العملي ... فهؤلاء تحت مسوغ حرياتهم المزعومة من حين يدرون أو لا يدرون يحمون مجرم ذو جريمة مكتملة الأركان و أكثر من هذا يجعلون منه إنسان سوي يجب حواره و قد يتطور الأمر الي محبته و التعامل معه كبشر عادي ....و ساورد بعض مداخلاتهم لتدعيم هذا القول , حيث تجلي بابكر عباس في قمة التواثه في بوست سلمي الناير الداعي لطرد محمد فرح حين يرد قائلاً:
اقتباس:
اليس الطرد أحد هذه الوسائل؟ اليس السجن أحد الوسائل المدنية التي تنظم حياة البشر؟ اليس مقاطعة إنسان أو المناداة بمقاطعته وسيلة من وسائلك الديمقراطية يا بابكر؟ كما ذكرت هنا خلط مفاهيمي واضح يعاني منه بابكر عباس , حيث الديمقراطية في رأسه إفلاطونية تسير علي بساط من حرير و هذا القول يدحضه الواقع فديمقراطية شيلي 1973 و سذاجة الليندي نموزج , هتلر صاحب أبشع الجرائم التي شهدتها البشرية أتي عبر صناديق الإقتراع , فيا صديق النوايا الطيبة وحدها لا تكفي...... يتبع |
و يتواصل إلتواث بابكر و الجيلي حين يكتب الأول في بوست سلمي الناير قائلاً:
[QUOTE=قوانين اللعبة هنا يا حافظ هي لوائح المنتدى و لو محمد فرح جا هنا و تجاوزها بنوقفوا طوالي. وجود زي محمد فرح في الحوار مهم، لانوبظهر قوة حجتنا في مقابل ضعف حجتهم ودا هدفنا يعني نحن المستفيدين من وجودهم.... [/QUOTE] و يتساوي معه الجيلي إلتواثياً حين يرد قائلاً في نفس البوست المذكور: [QUOTE=هوى ياناس بطلو حراق الروح البتسوو فيهو دا.. وأمشو شوفو فى الصفحة الأولى فاتحين ليكم كم بوست عن محمد فرح؟ وشوف كمية الطاقة المهدرنها فى المسألة , وكمان رسائل داخلية ومحاولة تشكيل لوبى!!!!! التفتو لى قضاياكم الحقيقية الله يرضى عليكم اللائحة بس هى الممكن تطرد أى زول هنا.. ودى لعبة الديمقراطية ياحافظ.. أمشو جيبو كل الشتائم الكتبا هنا, وامشو أرفعوها للادارة وقدموا شكوى رسمية .. وحسب اللائحة سيعاقب من يتعدى بنودها , ونحن جميعآ سواسية أما المؤسسية وقوانينها.. وأنا أساعدكم عنوان البوست بتاعو (الساقطين ) دى يمكن تقدم بيها شكوى وجوة البوست ذاتو فى سباب ونبذ وكمية من الغثاء الذى تعاقب عليه اللائحة ... وعقاب اللائحة قد لايعنى التوقيف فذلك أمر تقرره الادارة حسب رؤيتها للشكوى المقدمة.. [/QUOTE] الأثنان أتفقا أن الحكم و الفيصل في أي قضية هي لوائح المنتدي و لا أملك إلا أن أسجل كامل الإتفاق مع كليهما فيما يختص بهذا الأمر و لكن أرجع و أقول بنفس قيم الديمقراطية التي يناديان بها أن ما يمارسه الأعضاء هنا فيما يختص بهذه القضية هو قمة الديمقراطية ... فاللائحة نتاج مجهود بشري أي لم يأتي به إله أو نبي كي تقدس ... و بما أنها منتوج بشري مناقشة الأعضاء و إثارتهم لتلكم القضية ربما تكون أنسب مدخل لتغيير اللائحة ... و يتساوي الإثنان (الجيلي + بابكر) في أن وجود إنسان بذئي, طعان , و لعان يعتبر مصدر قوة لنا لانه يكشف مدي قوة حجتنا و بؤس تفكيرهم .... لعمري هذا قمة البؤس .... فكيف لي أن أظهر قوتي بناء علي ضعف أخر؟ هل إحترامي لذاتي و للأخرين لا يظهر إلا إذا كان هنالك بالجوار شخص غير محترم؟ و في تقديري أن هذه أحد أزمات المعارضة المستفحلة , المعارضة الشغالة برزق اليوم ... معارضة تبني كل خطها السياسي و خطابها اليومي بناء علي ردود أفعال النظام.... |
اقتباس:
اقتباس: و لعمري ما هي الوسائل الديمقراطية التي ينادي بها بابكر عباس غير التي ذكرتها سلمي ؟... اليس الطرد أحد هذه الوسائل؟ اليس السجن أحد الوسائل المدنية التي تنظم حياة البشر؟ اليس مقاطعة إنسان أو المناداة بمقاطعته وسيلة من وسائلك الديمقراطية يا بابكر؟ يتبع اقتباس:
نتابع حتى تنتهي " يتبع " * |
و يتواصل التدحرج نحو القاع داوياً حين يرد بابكر علي سلمي فيما يختص بمكان الجريمة:
محمد فرح تجاوز اللأئحة بهناك في سودانيزأون لاين و السقف بتاع المنتدى داك مفتوح مثلا تراجي مصطفى من الجانب الآخر بتقول كلام بنفس مستوى كلام محمد فرح دا، ما أظنها لو جات كتبت معانا هنا و أحترمت اللوائح ح تطالب بالتوقيع لطردها أقول ليك حاجة: سلمى الناير و طارق الحسن و عباس الشريف هم من تجاوز اللائحة هنا يقر بابكر عباس بشكل صريح دون أي مواربة أن الجريمة دالة في المكان و لعمري هذا قمة الإسفاف , لو تراجي مصطفي أو أي كائن من كان له سوابق عنصرية واضحة و جريمة مكتملة الأركان إرتكبها في أي مكان يجب أن يحاسب و ليس فقط في مكان الجريمة فالجريمة يا عباس ليست دالة في المكان , و الا كان ليس ضرورة للفيش و التشبيه و شهادات حسن السير و السلوك..... و يدافع بابكر عن وجود محمد فرح بأن هنالك أخرون إخترقوا اللائحة و لم يحاسبوا و يورد أمثلة عباس الشريف , طارق الحسن و سلمي الناير... السؤال الذي يقفز الي الذهن ما هو دورك في تطبيق اللائحة علي من إخترقوها؟ أو أن منطقك أن هنالك من أجرم سابقاً و لم يحاسب فإذا لا غضاضة في إرتكاب مزيد من الجرائم في الحاضر و المستقبل؟ أورد جرائم المذكورين أعلاه و نقيسها بفعل محمد فرح , هل القياس في هذه الحالة ممكن؟ يتبع |
و يتباكي الجيلي علي الحريات و هو أول من يحجرها... ففي بوست معاوية العبيد الداعي لمقاطعة محمد فرح يلقمه الجيلي حجراً حين يرد قائلاً:
[QUOTE= شوف يامعاوية أخوى عايز تقاطع أى حاجة فى الدنيا دى تمشى تقاطعا وتصم خشمك لو عايز.. فكرة المقاطعة دى فكرة سخيفة جدآ وبالذات بالشكل بتاع الوصاية دا .. ياااخى أمشى أفتح ليك بوست عن القضية دى بشكل موضوعى بدل ماتشوت فى قون الحريات وانت لاعب دفاع !! [/QUOTE] هنا الجيلي يرفض و يحجر علي معاوية نداء الأخرين للمقاطعة ....... اليس من أبجديات الديمقراطية أن يدعو الانسان و يؤلب الأخرين علي فكرته بكافة الوسائل مشروعة ؟ و في تقديري معاوية إستخدم كامل حقه الديمقراطي في الدعوة لفكرته فيما يختص بالمقاطعة التي يراها الجيلي سخيفة.... سؤال للجيلي من أين أتيت بفكرة أن المقاطعة دوماً سخيفة؟ لنا تجربة في جامعة الخرطوم من 94 – 1999 وكل من عاصر جامعة الخرطوم في تلكم الفترة سوف يكون متذكر المقاطعة الإجتماعية للكيزان و صدقني كان لها Impact قوي جداً بدليل أن الكيزان كانوا بخجلوا حول إعلان كوزنتهم .... لكن لك أن تري هنا الكيزان ما بخجلوا من أعلان كوزنتهم فقط و لكن بتبجحوا بجرائهم التي يقترفونها بدم بارد |
معتصم الطاهر سلام يا خي
و تشكر علي المرور سلامي و تحياتي للأسرة مستني الناس ديل يجوا |
بسم الله الرحمن الرحيم
الدنيا دي مالها موازينها انقلبت؟؟ السليم بقى مريض والمستقيم بقى ملتوي والديمقراطي بقى ظالم الحكاية شنو يا حسين؟ بابكر والجيلي من الناس اللي بفكران بعمق ووعي تجي تقول ملتويان التفكير!! زعلتني زعل ما له حدود ازيك انت كويس؟ |
في فرق يا حسين
بين الشخص الذي يناقش القضية بقلبه وبين الشخص الذي تحكمه عواطفه |
حافظ ياخي سلامات
أعتقد أن الفرق بين التعامل مع الديمقراطية كـ (لعبة) يعني إنك يمكنك استخدامها بشكل فيه الكثير من الخبث والتحايل والتعامل معها كـ (قيمة) وهنا بيحتمل الكثير من المثالية تماما كرؤية المفكر الشهيد محمود محمد طه حين قال ... الحجاب ليس أصلا في الإسلام ... أي أن المسلم يجب أن تكون المرأة دون حجاب أمامه لكن قيمة غض البصر داخله أكبر من نظره بابكر رائد استخدام الديمقراطية كلعبة الجيلي رائد استخدامها كقيمة هذا والله أعلم |
اقتباس:
المشاركة الأصلية كتبت بواسطة بدور التركي http://sudanyat.org/vb/images/buttons/viewpost.gif بسم الله الرحمن الرحيم الدنيا دي مالها موازينها انقلبت؟؟ السليم بقى مريض والمستقيم بقى ملتوي والديمقراطي بقى ظالم الحكاية شنو يا حسين؟ بابكر والجيلي من الناس اللي بفكران بعمق ووعي تجي تقول ملتويان التفكير!! زعلتني زعل ما له حدود ازيك انت كويس؟ الاخت بدور ...... سلامات اختلاف وجهات نظر بين الاعزاء حافظ بابكر عباس الجيلي في طرح العزيز معاوية عبيد بما يثبت من خلال التحاور دون المس بجوهر القضية المتفق عليها بينهما وهي التي سبب خلاف الاطروحات . المسألة ما جابت ليها مرض وإلتواء وظلم وزعل ... مافي داعي للمديدة حرقتني |
اقتباس:
الدنيا أبداً ما اتقلبت و دي الدنيا من يوم وضع حجر أساس الإنسان فيها ... في سليم ببقي مريض و مريض ببقي سليم ... و كمان في ملتوي بقي عديل و العكس سليم ... يا بدور لو ملاحظة انا اصلاً ما نفيت عن بابكر و الجيلي صفة التفكير بعمق لكن في تقديري تناولهم لقضية حساسة زي قضايا الحريات و إحترام الأخر جانبهم الصواب و عشان كدا أنا فتحت البوست .... و يكون لعلمك أنا وقت أخترت بابكر و الجيلي أخترتهم بعناية فائقة و أتخيل لي أنا كتبت أسباب الاختيار و لا غضاضة ممكن انقلها تاني هنا: أولاً: موقفهم الواضح من قضايا الحريات و إيمانهم العميق بقيم الليبرالية و حقوق الإنسان... ثانياً: موقفهم الواضح من السلطة القائمة و كل الحكومات التي تقوم علي أساس ديني أو جهوي.... ثالثاً: إصرارهم العنيد ان لا يتحول المنبر الي منبر (و شكراً علي مرورك الجميل) ... أي أن يظل و يرتقي منبراً للحوار يطرح فيه الرأي و الرأي المضاد بكل جراءة و قوة دون إعتبار لكائن من كان.... يا بدور ما في اي زعل فقط هو حوار و السلام انا كويس يا بدور إنت كيف؟ |
اقتباس:
|
اقتباس:
يا حبيب خليني أختلف معاك شوية في أنه الجيلي و بابكر بتعاملوا مع الديمقراطية كقيمة مثالية جداً ... ديمقراطية فيها يسرح الحمل جنب الضبع |
اقتباس:
بدور التركي يا عباس طرحت أسئلة مشروعة جداً و ما أتخيل لي في اي مديدة حارة هنا ... تشكر انت و بدور |
غايتو ( إلتواث ) دي كيفتني ليك جِنِس كيييييييييييف كيفتني في حناني ظاتو ياخ
عباس والجيلي يا ملتوثييييييييييييييين سنه ياااااااا الإلتواث حافظ حسين يبدو إنو حليب رأفت ده ماهو شبه حليبنا هني ألحق يا مُبِر هههههههه :p :p أكتب يا حافظ رؤيتك متكاملة ونحن نتابع نهاية الخيط بدخول الجيلي وبابكر الملتوثين ديل ونشوف وبرضو دي ديمقراطية حقة في بث وجهات النظر ورؤاكم مجتمعه ومنكم نقرأ لنتعلم أكثر فائدة |
اقتباس:
لا أنا اقصد انو بابكر ميال لللائحة والمادة الكم ودا بمعناهو الشكلي اهتمام بلعبة الديمقراطية يعني مثلا يقول ليك اسي الكلام دا ماقالو اسامة مالكم ما قتو فيهو حاجة ؟ عشان جا قالو حافظ تقومو تقولو لائحة ؟ طيب انت وكت قالو اسامة مالك ما قت ؟ دا مش تحايل ؟ |
اقتباس:
طول ما أنت كويس أنا كويسة لكن يا حسين التعبير المفيد يعني تحديد الهوية يعني لازم يكون بالضرورة هو نفسه اقصد الرمز او الشي او الاسم نفسه يعني الاسد لازم يكون اسد والحمار حمار يعني ما ممن ينقلب الاسد لحمار بطريقة سحرية لذا يحب قولنا ان يقبل الإثبات او النفي حسي عايزة اثبت ليك ان الجيلي والبابكر سليمان التفكير يمارسان الديمقراطية بتفكير سليم غير ملتوي من منظور منطقي عقلاني سليم |
اقتباس:
أسمح لي أولا أستفسر من وسامة دا و بعدين بجيك... أسامة كدي علم الله دا خليهو، حسب علمك انت أشرح لي كيف أنا رائد في اللعب بالديمقراطية؟ |
اقتباس:
أنا لم أقل رائد في اللعب بالديمقراطية ... قت(( بابكر رائد استخدام الديمقراطية كلعبة)) وهو ماشرحته لاحقا بقولي ((( يعني مثلا يقول ليك اسي الكلام دا ماقالو اسامة مالكم ما قتو فيهو حاجة ؟ عشان جا قالو حافظ تقومو تقولو لائحة ؟ طيب انت وكت قالو اسامة مالك ما قت ؟ دا مش تحايل ؟))) انتهى بعدين ياخي ازيك ومشتاقين .... انت شكلك كدا قايل كلامي دا كعب :D |
اقتباس:
حافظ يا أخوي أوعة تكون مفتكر انو الصاح المطلق معاك؟ كدي عليك الله قول لي الجريمة العملها محمد فرح و خلينا نقارن (نلعب) كلامو مع كلام طارق الحسن و سلمى الناير و عباس الشريف و معاوية قبل تجيني عليك الله سجل زيارة لقوقل و شوف ليك تعريف ل "تحقير الإنسان" حسب الفطرة السليمة بتاعتك و قيس عليهو كلام الجماعة الفوق ديل أسامة معاوية يا زول لعبة في مقابل قيمة جهجهتني، لكن ما في عوجة نحن متفقين و الله أعلم |
اقتباس:
و بعدين أبداً انا ما قلت سلمي , طارق, و عباس الشريف عملوا جرائم عشان أجي أعمل مقارنة .... إنت يا بابكر و بعضمة كيبوردك قلت الاخترقوا اللائحة يا هم طارق , سلمي , و عباس صح؟ يلا بقي هنا إنت المطالب تجيب خروقات الشباب ديل عشان نقيسها مع خروقات محمد فرح؟ |
ناصر يوسف سلام يا مان و أخبارك و الوليد
معاوية هي 8 ساعات ما عشرة عشان كدا كبابي الحليب حتكون 16 بدل 20 :D:D |
اقتباس:
تشكري |
اقتباس:
ياسلفى , شكرآ ياصاحب على التفكير بصوت عالى .. سأعود لردود مفصلة , مساء اليوم أو صباح الغد.. وللوكت داك عايز أسألك سؤال.. لو فى زول ارتكب جريمة فى الخرطوم (سرقة مثلآ ) واتعاقب فى الخرطوم , ومشا جوبا , هل دا معناهو انو القانون فى جوبا يقوم يعاقبو تانى؟ |
اقتباس:
اقتباس:
الناس المشوا مع الدفاع الشعبي للجنوب من أجل سحق الكفرة، ديل كانوا برضوا شايفين انهم هم الصاح و هم الحقيقة و الفطرة السوية القوانين و اللوائح يا حافظ معمولة عشان تشكم العاطفة تخريمة: ظهور صفية أمام الرأي العام يا حافظ أقوى من موقف بوعزيز في تونس... صفية دفعت ثمن مرتين و نحن محتاجين نقيف معاها وقفة حقيقية أمام القضاء و الرأي العام المحلي و الدولي و نصعد القضية لاقصى ما يمكن و ليس بالكلام الفاحش لامثال محمد فرح..... ممكن نقود قضيتنا من غير إساءة أو إقصاء أو تجاوز للنهج الذي إرتضيناه |
اقتباس:
ممكن تدينا معنى الديمقراطية ما هي الديمقراطية في نظرك؟ |
اقتباس:
|
اقتباس:
كونوا يا بابكر عباس أقول كلامي حقيقة علي الإطلاق ما بمعني إني صاح مطلق ,,, فقط بعني أن الكلام الانا بقوله دا بالنسبة لي حقيقة في الزمن المحدد و بناء علي المعطيات و الحقائق المحددة ... و اي تغيير يحدث في أي من variables الأنا ذكرتها دي طبيعي جدا ممكن يطلع ما حقيقة و يطلع كلام خارم بارم ساي ... فيما يخص تخريمتك بتفق معاك مية في المية في حجم الأذي الوجدته صفية ... و فعلاً نحن محتاجين نقيف معاها لحد ما نرجع إعتبار لأنفسنا قبلها هي .... لكن في إطار الوقوف دا أول حاجة ممكن نعملها يكون عندنا موقفنا الواضح تجاه المؤسسة الفعلت الفعل دا ... و ذي ما إنت عارف أي مؤسسة الهيومن رسورس أهم حاجة فيها ... و مؤسسة الجبهة الاسلامية الهيومن رسورس بتاعها ناس فرح ديل ... يعني ما ممكن تقول لي نقيف مع صفية و نحاور ناس فرح الكلام دا أنا أصلاً ما قادر يركب رأسي.... |
اقتباس:
المشاركة الأصلية كتبت بواسطة الجيلى أحمد http://www.sudanyat.org/vb/images/buttons/viewpost.gif :D:D:D ياسلفى , شكرآ ياصاحب على التفكير بصوت عالى .. سأعود لردود مفصلة , مساء اليوم أو صباح الغد.. وللوكت داك عايز أسألك سؤال.. لو فى زول ارتكب جريمة فى الخرطوم (سرقة مثلآ ) واتعاقب فى الخرطوم , ومشا جوبا , هل دا معناهو انو القانون فى جوبا يقوم يعاقبو تانى؟ هههههههههه ياتو قانون يا جيلى يااااخ ما تجى ذاتو بكره تجى لشنو وفى شان شنو... بكره دى جنوب كردفان مولعه موت احمر وتجار السلاح رابحنين هنوك والنيل الازرق رفعت لافتاتها عز النهار وجوه الاستاد وعمك جا طاير الخرتوم لقى الدستور دخل الكندشه شوف اوشيك و امنه و خديجه فى كسلا شن بسوا وقولن شنو الدستور ودارفور اخجل ان اكتب عنها بس لمشاهداتى الشئ دستور يا جبلى دستور ...دستور يا أهلنا هوى و الجماعة اتحركوا شويه كده بمقدار زحه يعنى وقالو ما فبش حكومه ولا وزارت قبل الدستور وشبابك تشابك قال سرقه فى الخرتوم ابو اليشا تحياتى نكشه و يا حافظ ما ليك حق تفتح بوست وتمسك الاثنين ديل بس بقت عليهم هم الاتنين هههههههههه يا حليلهم تعرفو هو مترصد يشغلكم عن فتح بوستات - يعنى داير يسجنكم ما هو اصلو مسجون - و مضلم كمان اوصيكم كبوا الزوغه عشان بكره بس و البوست براهو بنزل والله ما عندى موضع ...عديل كده جنس ربربه واحده |
اقتباس:
المشكلة التلاتة ديل..حافظ..الجيلي...بابكر.. احنا عارفنهم التلاتة معادين للنظام..تقدري تفهميني هسة هم مختلفين فوق كم..اللائحة مش كدا:confused::confused: احنا بنكتب الدايرنو ونقول الدايرنو وخليهم يطبقو علينا اللائحة لكن ما يجي زول يفهمنا اللائحة بتقول شنو عشان احنا عندنا عيون وعقل وشايفين الهم شايفنو ودايرين نخالف مع سبق الاصرار والترصد وعندنا استعداد نتعرض للمسائلة والعقاب بس من أولي الأمر مش من صحبانا..عارفة ليه يامنال:confused::confused: عشان أنا مكتف ما بقدر أسيئ للجيلي أو لي بابكر وبالع لساني وساكت وجواي نار بتحرق في جوفي..ودا كلو بي سبب اللائحة.. عفوا ياخال اسمح لي أن أستعير قولك: الشكية لي الله.. أب ايدن قوية.. شفتي محمد فرح عمل فينا شنو:confused: |
اقتباس:
طوّالي بالو للكعب.. كعب العدم.. ـــ يا سلفي.. مداخلة الجيلي حقت السرقة في الخرطوم ديك مداخلة زي العبوات الناسفة.. قطعت راسك مش..؟؟ شايفك عملت منها رايح. قلنا ليكم لمّا تركزو علي الهجوم أعملو حساب ما تتقدّ ورا. غايتو كان باني فكرتك علي حكاية العقوبة الفي مكان تاني.. احسن تقفل وتشوف درب الحليب وين.. تخريمة: فكرة البوست جيدة..واصلو النقاش. |
اقتباس:
المشاركة الأصلية كتبت بواسطة فتحي مسعد حنفي http://www.sudanyat.org/vb/images/buttons/viewpost.gif ..تقدري تفهميني هسة هم مختلفين فوق كم..اللائحة مش كدا:confused::confused: احنا بنكتب الدايرنو ونقول الدايرنو وخليهم يطبقو علينا اللائحة لكن ما يجي زول يفهمنا اللائحة بتقول شنو اوووووووو يابا ازيك و كيفنو حالك ما بتقدر تقول فى الجيلى خلينى اقول انا ( منتظرة الطقيع )لكن بفتح لى ههههههههه الجيلى حاصل ليهو الالتباس فى حته ما وهسه تطرح اللائحة للتعديل بقول رأيهو لكن هو المشكلة زى ما قلت ليهو ياتو قانون؟ يعنى زى حال وطنا هنا فى حالة المنتدى فى (لائحة ح تطرح للتعديل ) و ضوابط كتابة يلا ابحثو منو البطبق اللائحة عشان الحاجات تمشى كويسه مع العض على مبدأ العدالة وكدى النسعلك هى اللائحه دى تطبق على ناس يتعدوا على اصابع اليد بس خلاص و التنانين كيف... الحاصل شنو ده العندى رغبه اعرفو بس تبقى مصيبه لو نجحوا فى ان يشغلوهم عن قضيتهم غايتو ناس الخرتوم عندهم حراق روح ...و نشاق ريق ...و مادين بوزهم ناس برا ديل يا اما تن يكتبوا يخففوا علينا الوجع يا يجبوا غنا (الجيلى نموذجن) يا يحكوا لينا زى بابكر و اسامه معاويه اما حافظ ده بكره هتاف واحد فى الخرتوم بفش غبينتو - قربت شيل الصبر وفتحى مسعد بركب الطايره و يجى شايل العلم من المطار |
اقتباس:
انت يالرشيد برضو بتصلح ساعات:confused::confused: حماية زول عمل حاجة في مدني وجا الخرطوم قالا في الأساس رأفت ويبدو انو الناس ما فهمتو وأنا بفسرا ليك زي ما رأفت قاصد.. لو زول ارتكب جريمة في مدني وهرب جا الخرطوم هل ما نسألو؟دا كلام رأفت وما قال لو اتحكم في مدني.. محمد فرح جا نزل بوست هنا بي اسمو ونفس البوست نزلو في الراكوبة ولما اتهمتو بالسرقة اعترف انو هو الزول البكتب في الراكوبة بي اسم تاني عشان الادارة رفضت تسجيلو كمحمد فرح.. أها تفتكر ادارة الراكوبة رفضت ليه ولما رفضت جا وقدم بي اسم تاني ليه لو ما عندو مهمة وهدف معين لحساب جهة معينة..طيب احنا الجابرنا شنو نخلي زول زي دا وسطنا:confused::confused:تصور شوف الغباء لي وين..أخونا بكل بساطة اعترف هنا انو دخل بي اسم غير اسمو وأنا شلت كلامو نزلتو في الراكوبة وفي نفس اليوم تم فصلو..يللا ياشباب شوفو ليكم موضوع غير دا اتكلمو فيهو.. |
اقتباس:
لكن يا صاحب بالجد بتأثرني أجاباتك و تساؤلاتك الذكية و الليله رجعتني لليالي النخيل بعد غياب طويل..... بس يا الجيلي تساؤلك ذكي جداً لكن محدود أسمح لي أقول ليك: بالتأكيد يا جيلي زول ارتكب جريمة في الخرطوم و إتعاقب في الخرطوم ما ممكن يمشي يتعاقب في جوبا.... قطع شك متفق معاك في الجزئية لكن بالتأكيد هنا أنا ما بقصد الجرائم الجنائية فقط و العقوبات الحسية .... نحن في عالم أسافير عالم جديد بالنسبة لينا كلنا ... محتاجين نبتدر قوانينه وفق تجاربنا و تجارب غيرنا اليومية ..... فالعقوبة هنا عقوبة إجتماعية في تقديري اكثر من أنها حدية (حدية دي ما جميلة لكن ما لقيت كلمة تانية و العنده كلمة يجدعني بيها يا معشر القانونيون)... فمثلاً يا الجيلي خت عندك زول إرتكب جريمة في واحدة من دول الإتحاد الأوربي و الدولة لا قدر الله رجعته السودان صدقني تاني مشيه لكل دول الإتحاد الأوربي صعب .... خت في بالك الزول دا أرتكب الجريمة دي في دولة محددة ما في كل الدولة الأوربية .... باقي الدول بتتصرف كدا عشان تحمي نفسها .... و ما نمشي بعيد يا الرشيد البتتكشم دا (هههههههههههه) .... نحن كلنا أولاد منظمات و أتخيل بتعرف كويس شنو code of conduct يعني لو حصل اتفصلت من منظمة بكود أوف كوندكت تاني ما حتدقها في أي منظمة محترمة في حين أن الكود أوف كندكت حصل في منظمة محددة ما في كل المنظمات ليه بحصل كدا تقدر تجاوب لي يا صديق؟..... بحكي لي صديق كيني أن قبائل الماساي عندها نظام إجتماعي صارم جداً في السابق فمثلاً إذا إرتكب عضو القبيلة جريمة و صنفت علي أنها جريمة حسب العرف القبلي ... مرتكب الجريمة بطرد من القبيلة للأبد و ما في قبيلة بتقبل به إلا قبيلة بتعتبر نفسها أقل من قبيلة المطرود ..... كل ما ذكرته دا عقوبات إجتماعية أو معنوية.... طيب ليه ما نفكر أن الانسان البرتكب مخالفة في منبر محدد و خاصة إذا كان المنبر دا أهدافه قريبة مننا ليه عقوبته في المنبر داك ما تجي معاه لمنبرنا .... ليه طوالي نحن متلقينه بالأحضان و التراحيب؟ أتمني أن يكون في تنسيق زي دا بين المنابر ذات الحد الأدني من الإتفاق .... و الا أنا ممكن أعمل السبعة و زمتها في سوداينات و بدم بارد أمشي سودانيز أون لاين و أمثل رب الأخلاق ..... خلاصة كلامي مفروض نقود حملة تحت شعار الأخلاق لا تتجزأ ما إرتكبته في سودانيز لا شئ يمنع في أن ترتكبه في سودانيات |
اقتباس:
و الله تصدق يا جيلي بعد ما فتحت البوست دا حسيت بشوق جارف اليك ... و هشر خمسة أنا أتي اليك لو منال قبلت بي عشان نجي الاتنين .... ينعل أبو الحليب ذاتو |
اقتباس:
صلاة شنو و عدمها البتتكلم عنها دي يا عمي فتحي؟ و بعدين فرح دا مين الشغال بيه قدر دا؟ و محمد فرح فقط كان مدخل و مطية لحوار في تقديري ممكن يكون مثمر جداً ... و يا عمي فتحي الحوار عمره ما ضر لو ما نفع .... بعدين هنا ما في أي جهل سياسي أيوا نحن التلاتة متفقين علي حكومة السجم دي لكن قطع شك نحن التلاتة ما حاجة واحدة ....و الزول البيفتكر أن كل المعارضة كتلة واحدة بالتأكيد في قضايا رايحة ليه ... يا عمي فتحي نحن متفقين في معارضة الكيزان لكن ممكن نكون مختلفين في الوسائل و المداخل و عشان كدا جاء البوست دا.... و بكرر للمرة الكتيرة انو الائحة دي منتوج نحن و بنغير فيها متي ما أردنا ... و رحمك الله يا مزمل عندما تقول اللايحة التلجة السايحة |
اقتباس:
الخشونة القانونية يا رشيد بتخلي الكلام واضح مع ناس أسامة و ناصر الحساسين ديل |
أها يا حافظ بعد تعدل اللأئحة ح تطرد محمد فرح لانو قام بتحقير صفية...
بتعمل شنو مع نوع التوقيع دا: http://www.sudanyat.org/upload/uploads/basir.jpg |
اقتباس:
|
| الساعة الآن 09:40 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.