بعضهم تهون عليهم القيم فيخرج القول بذيئاً __ عباس الشريف مثالاً
سكتنا علي أمل ان نلقي ما يرضينا توقعت ان تعطي الادارة كل ذي حق حقه او بوست اعتذار من العضو عباس شريف عن ما بدر منه من قول يخدش الحياء فللادارة رؤيتها ولا نلومها في ذلك .. اذ انها تعتمد علي دستور وقوانين موضوعة اما حقنا في الاعتذار بما انه لم يكن وكنا قد انتظرنا ذلك .. توجب علينا التوجيه وعباس الشريف اعني .... ما ذهبت اليه بقولك في بوست ... سودانيات منتدي حبكانات ... كلامي انا ما كلام صاحب عابد عقيد البوست كموضوع لا يهمني بشئ .. بما انك اوردته للحوار لتوضيح وجهة نظر مُعينة نحترمها كلنا ونناقشها في اطار الادب والاحترام .. وما يحرزه البوست من نتيجة قد تفيدنا .. او قد لا نقنع بذلك .. واعلم انك تعنيني بذلك ورديت عليك بشكل مؤدب دون ان تُثير في نفسي اي شئ لا تحبذه ردك علي جانيت كانت فيه بعض الكلمات لم احبذها .. كتبت ليك في الخاص كصديق ... عدلت المُشاركة لكنك اتيت بما هو اقبح منها .. ورغم ذلك اوردت رسالتي الخاصة اليك في عام المنتدي لتبرهن شئ ما .... فشلت تماماً في ادارة حوار يستفيد منه القاري .. وتجردت تماماً من احترامك لنفسك اولاً وللقاري والاعضاء وانسلخ عنك شيطان اكثر قُبحاً ووقاحة ... قد يكون الشيطان نفسه اخف واهون علينا اذ انه قد ينصرف بذكر الله ... ولكن الله يمهل من عباده الظالمين ........ القول البزئ يُحسب علي صاحبه ... واهلنا قالو الكلمة الشينة بترجع لي سيدا فالذي اوردته في حق العضوة جيجي بكل وقاحته وبوضوحه الذي توهمت انك اخفيت معناه فكان لك ان تحترم فكرنا وعقلنا فيه فلسنا بهذا الغباء يا رجل لا يسعني الاقتباس من ذاك البوست بما ان الادارة اغلقته فلها احترامها لكن لو كانت اختك يا عباس او زوجتك ... واتي آخر وقال لها نفس الذي قلت فيها وماذا لو قرأت ردك علي عبداللطيف النقر ... والذي تقبله منك برضا واحسب ان القبول في مثل هذه الاشياء وعدم ردعها ايضاً وقاحة في حد ذاتها مثل مداخلاتك يا عباس لا تصدر الا من اثنين الاول : غير سوي التربية وبالتالي نتاج أصل نتن الثاني : من نفس مريضة استرخصت المعاني والقيم وهانت عليها واتمني الا تكون منهم اشد ما ضايقني في الامر اني رفعت مقامك فوق ما يجب وراهنت عليك وحسبتك صديق خسارة الرجال يا سيدي اكثر اذية ... وانت لمجرد حوار لم تستطع ادارته رخصت قيمتنا ولم تراعي حق الزمالة واحترامنا لك هذا المنتدي مفتوح علي مصرعيه في بيتنا ... يقراءون ويتابعون ويكاد يعرفون اغلب الاعضاء فيه فكيف بالله تذهب بنا لتسألني زوجة اخي اليوم عن هذا الاسلوب الرخيص الذي ادرت به ذاك البوست بالله عليك كيف يكون احساسك لما اقول ليك زول من ناس بيتكم .. دي شنو الوقاحة الفي منتداكم دي عليك الله مش بتألم جد جد ... مش حاجة محرجة ... لم استطع اجابتها ... فهل لي ان اسألك احترام نفسك واحترامنا وعود نفسك علي الكلام المقبول والمُستلذ ... حتي ان قسوت فيه ما عشانة نحن بس عشان الناس البفتحوا المنتدي بنفس مُطمئنة عشان تقراء ما لذ وطاب من الحديث ....فلا تدعوهم للغثيان واحترم فينا النساء هنا فهم اخوات وزوجات .. وبنات ناس عفيفات شريفات وقالوا اهلنا .. لسانك حصانك كانت صنتو صانك وكانت طلقتو هانك فانظر اي هوان جلبته لنفسك وقال الله تعالى: { مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ } سورة ق الآية 18 فهو لشئ يحز في النفس ان تري طفلاً يقذف بالشتائم والمعاني القذرة ... فكيف لو كان رجلاً في كامل وعيه وادراكه واعلم يا سيدي حين تذهب من وجه البسيطة لم يبقي غير الذي قلت ... فخلي سيرتك سمحة خلاصة القول هو خيره يا عباس الشريف اسأل الله ان يهديك الله ويهدينا وان يُلهمنا الصواب ... ويحسن خاتمتنا ويعطر ذكرانا |
اقتباس:
أللهم أهدينا جميعاً هَوِن عليك يا صديقي فلا أظنه يقصد ما وصلك مع فائق إحترامي لكليكما وللجميع |
اقتباس:
ناصر يوسف صباح الخير..حسب معرفتي بمحمد مصطفي ومعرفتك به التي لا تقل عن معرفتي نعلم ان محمد مصطفي لا يصل الي هذا الحد والحدة الا اذا كان متأكدا من ما يقوله100% رغم وضعه لاحتمالات تخفيفا لكلامه وهذا أيضا دليل علي حسن أدبه.. عباس ياجماعة لا يقصد الاسائة لشخص وكل ما في الموضوع انه دخل مدرسة الخرمجة من سنة تالتة طوالي ودا ما بنفع عشان لازم يكون زي عم فتحي البدا من الخلوة ولا أبو أماني البدا من فيللا جيلدا ;):D أنا شخصيا لم أقرأ ما كتبه عباس ولكني لا أعتقد ان عباس ممكن يتعمد الاسائة الي زميلة وكل ما في الأمر بكون أساء اختيار اسلوب تعبير وزي ما قال ليهو هناي داك في حكاية الطاؤوس البقي غراب..بالمناسبة أنا قبل كدا انفعلت وأسئت لي عباس ورغم كدا الراجل دا اعتذر لي وأنا متأكد انو حيجي وحيوضح ما خفي.. |
مع محبتي للجميع
بشوف أنه كان يكون بالداخلي المخاطبة دي، هي تحمل وجهة نظر، خاصة بصاحبها لي شخص محدد.. يا إدارة مستعظم النار من مستصغر الشرر.. دآ مشروع حريقة كبييييييييييييييييييييييير.. كلام وبيجيب كلام.. أخير شوفهو ليكم، تجميد قبل ما يبقآ 6 |
محمد مصطفى
كلاامك جميل يبعث الطمأنينة وجميله أخلااقك |
اقتباس:
بسم الله الرحمن الرحيم الاخ محمد المصطفي سلامات عندما طرحت الموضوع كان بشكل عام لا يهمني ان كنت المقصود او اخر وكان النقاش مستمرا بطريقه طبيعيه اذ نظرنا الي التفلتات عند مداخلة العضوة جانيت مرفقه ادناه: المشاركة الأصلية كتبت بواسطة جانيت هسي نفهم شنو من البوست الحدادي مدادي ده انو الحب هنا طريقتو مبتزلة ول انو الحب المفروض كما ترى انت وليس من يحب انت فهمك للحب متخلف جدا في مداخلة قلت وانا مالي انشاء الله افتح المنتدى ينط اتنين بيتباوسو تعرف انو الحب هنا حرام لانو طالما في فهم في الدرك الاسفل من الحضيض كهذا يجب على كل من يحب بعفة ان يلملم اطرافه عباس الشريف انا جانيت ما حبيت ارد عليك في وقتها ولو واصلت بنفس الاسلوب الرديت علي بيهو الله اكبر علي الشر لن اضع للايام الجميلة الجمعتنا هنا اي اعتبار واظنك ادرى اني ما بسيب كلام موجه لي يمر مرور الكرام عذرا محمد لم اتعود ان اهرب من موقف موجه لي لزم ان ارد اذ نظرنا للمداخله اعلاه بغض النظر عن وقحاتي وسؤ تربيتي ونتانت اصلي ونفسي المريضه كما ذكرت في مداخلتك نجد ان هذه المداخله لا تصدر ايضا من بت ناس فهو اسلوب سوقيات اتبعته بمداخله اخري اتفك تف الكستليته وعبارات اخري تشبه ان التربية علي شاكلة بنضورة وكشفنا دوره ادبخانة السوق اللامة كل مخلوق . اعتقد ان الرسالة وصلتك بانني تعاملت بهذا الاسلوب لان المتعامل معه ان كانت جانيت او جيجي لهم نفس الصفات الت صغتها في مداخلتك واوصفتني بها بل اسؤ منها. كما يجب عليك تتسائل لماذا هذا الاسلوب مع حبيبتك وصاحبتها المنتدي به من الجنس الاخر عضوية محترمه هل انطبق تعاملي ببذيء القول مع كل العضوات الانسان يحترم نفسه والمهانة تاتي من قلة الادب والزوق لقد شعرت بانني اتعامل مع ناس هناية ديلاك. لا اود ان اقوم بتحليل مداخلات جيجي صاحبت جانيت والتي اتت بمداخلات مستفزة توضح سقوطها ليس الادبي بل الاخلاقي وعدم اتزانها العقلي في التعديلات الكثيرة علي المداخلات فهي ايضا انسانه مشهود لها بإختلالها وعدم توازنها. الاخ محمد المصطفي لقد اوردت رسالتك ايضا بعد ان قمت بحزف المداخله حسب طلبكم مما جعل المتضامنيين من الصديقات بان حزف المداخله التي بنيت علي هجومهم تراجع خوفا احتمال يكون لم اتوفق في طريقة الرد بنسخ المداخله التي ايضا سحبتها بعد تنبيه الاخت ساره واعلم بانني رغم عن مداخلتك التي في مضمونها اساءات شخصيه بطريقة حبيبتك وصاحبتها لا اكن لك اي ضغينه فاني اعلم (( البباري الجداد بودوهو الكوشه)) ومنذ ان عرفتك والحقيقه لله انسان محترم ومهذب حتي قبل لحظات من كتابة مداخلتك وربما ربنا ايضا يهديك وترجع لحالتك القديمه بعد ان تزال الغشاوة عن عينيك ووتعامل في ما انت فيه بعقليه وليس بعاطفه. فيا حبيبنا اجعل حبك في كل الاسافير منشورا ان حب الاسافير يتبعه اسكايبات وافعال اخري لك ما شئت لم اقم بطرح وجهة نظر تعتبر ثورة في عالم الاسافير للحد من تعاطي الحب علي صفحات النت او ممارسته علي ادوات التكنلوجيا الاخري واعلم ان بذيء القول ونتانة شخصي وعدم تربيتي في لغو القول علي الاسافير وونسه عاديه يمكن اي شخص يتداولها وليس افعال وابتزال الحب علي العامه سلوك يتبعه صاحب الافعال واذا ابتليتم فستترو. وربنا اهدينا واهديك للطريق المستقيم مداخلتي بصورة عامه لسع جاييك لتحليل مداخلتك يا حبيبنا |
اقتباس:
ارجو انك تعتذر فوراً للأخ محمد مصطفى + الاخوات جيجي و جانيت كلامك كعب ياعباس اتمنى تكون ماقاصد أو خانك التعبير اقول قولي هذا واستغفر الله لي ولك ياخالد الحاج.................. |
اقتباس:
|
تحياتي يا محمد مصطفى
عباس الشريف سيب المكابرة و الآن الآن تفتش تلفونات الزميلات ديل و تعتذر ليهن إعتذار من غير أي تبرير، و أحسن ليك تلحق تكتب ليك إعتذار هنا، لأنو حسب الشايفو أنا دا، إنت ماشي الخور ماشي الخور و إحتمال من غير رجعة عليك الله لو مشيت منتدى تاني سجل بإسم عباس الشريف عشان ما تتعبنا بالمقوقلا |
محمد مصطفي ... وضيوفك الكرام
لكم الود وصباحكم سعبد . . عباس الشريف ( الدسيس ) الموضوع بسيط اِعد التفكير الانفعال مُضر قليل من التروي يحل الخلاف ... لك الود |
اقتباس:
يا زول ألحق إعتذر، العسكري داك لو جا يمكن يفصل ناس مدني كلهم |
تحياتى للجميع
ارجو من الاخوة عباس ومحمد التوقف هنا وارجو كذلك ان يتوقف الجميع عن التداخل حتى يحتل هذا البوست وندى فرصة لمساعى الصلح وحقيقة اخر ما نتمناه هو خلاف مثل هذا بين اخوة واصدقاء مودتى لكم جميعا |
غايتو يا عباس انت نسفت نفسك ككاتب إسفيري كوميدي
ما عندك حل غير تقع الفيس بوك حننتي والله، ح تبقى زول مفصول في كلام شين أوكي طارق ح نقيف |
الاخ محمد مصطفي -- صباح الخير --
موقفى من البوست كان واضح -- ومثبت فى أضابيره -- يمكنك الرجوع اليه -- ولم اسكت كما قلت -- وأعلنت رفضى لكل ما قيل وناشدت الاطراف ان تتوقف -- وزدت عليها مكالمات هاتفية ورسائل --- اتمني من الجميع ان يراجعوا انفسهم -- وان يستمر الاخاء بينهم-- وان تعذر ذلك فليحترموا الاخرين على الاقل -- |
اقتباس:
ليه قاعد اكل منها عيش شايفك غيرت القميص الاصفر بي ورده يا شفيف بعد تلقي الواسطه عشان اصالحك بالله شوفو لينا عشان ما افصلونا وما بنقصر معاهو مناديل الورق في لو ما كفت بنقع عشر بضم العين عشان ما تمشي تفتح ليك بوست تقول انا بقصد حاجة تانية اعمل حسابك قالو الشفافه الشديد بتعري شايفك رامي تقلك علي البوست ده خلاس قضايا الشفافه وقفت حسب تخصصك ما شايفك بتخش بوستات مشاكل انت حنين وقلبك رهيف ما بحمل الهبباي لك مأرب اخري ما علينا ما تخاف يا ود مدني ما بتجيك حاجة انا محسوب من وكر الشيطان ...برضو ما امشي بالك بعيد اقصد بوست ام التيمان. |
اقتباس:
ياخ انت بذي القول سمة من سماتك ضحكتني والله |
بسم الله الرحمن الرحيم
الى كل المتداخلين .. أحداث البوست المغلق والذى افترعه العضو عباس الشريق قيد الدراسة ستصدر الأمانة العامة فيه قرارها قبل نهاية اليوم بإذن الله .. يرجى من الذين يعنيهم الأمر التريث حتى ذلك الوقت |
وعدنى الاخ عباس الشريف بالتوقف
عن الكتابة فى هذا البوست لذا ارجو من الجميع التوقف مودتى |
لو اللوائح كانت بتسمح
كنا يا طارق شلنا لافتاتنا و مشينا للإدارة و هتفنا: الأعضاء يطالبون بفصل عباس الشريف |
اقتباس:
ذكرتني مشاريع اتفاقات السلام بتاعات الافارقة مع القذافي |
اقتباس:
ولسنا إخوته وأصدقائه إن لم نقل له ذلك ولكن ............... هل خطأ ( عباس ) يبرر الإساءة إلى أهله . . يا حراس الفضيلة ماكتبه محمد مصطفى أعلاه هو القبح يمشي على قدمين |
عيب والله عيييييييب
( المنتدي دا ما فيهو اداره ولا شنو ؟؟؟؟؟؟؟؟؟؟؟؟؟؟ |
اقتباس:
مافهمت والله واتمنى انى محاولتى لفهم كلامك دا تكون غلط اتمنى عباس وعدنى وعد رجال وماعندى ادنى شك وماعندى شغلة بى افارقة ولا غيرهم ما يهمنى هنا اناس احبهم واحترمهم وكثيرا جدا |
اتحاشيتك يا هذا احتراما لمن يستاهل الاحترام ويراعيه ويعرف من انا
وامرت هذه المرة ان اتوقف عن التداخل معك هنا بالذات انه امر فعلا كان بالنسبة لي ولكني لا ارتضي المهانة ولن ادع غير شخصي الدفاع عن نفسي حتى ولو كان المسيئ لاقيمة له من الاساس في البدء انا بت ناس غصبا عنك وما ضروري انت تشوفني و الملئ باقذارة والسموم بيشوف الناس كلها كده حاولت اتقاضى عنك علي اساس تحترم نفسك وتتراجع لكن ما اتراجعت طبعا ما مستنية منك اعتذار لانك اوسخ واوضع مما نعرف خلال قذارتك المنثورة هنا انا رديت عليك في المداخلة الاولى بصفة عباس العضو وليس لي بك اي صلة ولا اود واعرف تمام انك تقصدني انا ومحمد مصطفى لشيئ في نفسك المريضة واعلم تماما وهو يعلم ان ما قلته لايهز فينا شيئ كلام ات من نفس جار عليها الزمن انت مريض حقيقي والحقيقة الموجعه انك فعلا استدرجت عطفي اليك اذهب الى طبيب نفسي لكي تزيل تراكمات دواخلك انت كالسرطان اتيت وانتشرت ولا علاج لك الا البتر وان لم تبتر فهو سقوط هيبة هذا المكان رحم الله ايامك يا شليل يا ابن عمي عندما واجهت تلك البداية عباس الشريف حرام الكتابة ليك وحرام نعرفك الناس بتتعامل كيف وحرام تفهم الحياة وتشوفها بمنظار نضيف كيف الله يهديك ويشفيك مما انت فيه ما قلته سابقا وما سوف تقوله لاحقا لن يمسني ابدا انا لااشبهه والكل يعلم هذا بل يشبه خيالك المريض والذي يصور ما يروغ لك اذهب ولملم كرامتك لانك لن تجد مكان هنا لن ادلل بمداخلات عن بذائتك بل اقول اذهبو الى بورفايل هذا الرجل المريض حسبي الله ونعم الوكيل فيك ليس هذا ليس ضعف مني ولكن يتولاك رب العباد في الاساءة الي والى محمد مصطفى والى اختي جيجي فيما قلت وفيما ذهب اليه خيالك انت لم تحترم احد بقولك وانا جانيت لم يصدر مني قول مثل هذا من قبل ولو عن طريق المزاح في هذه البسيطة وليس الاسافير |
اقتباس:
والي وخطابه لي كانه يعرف من انا ومن منبتي واصلي وسلوكي ولا يجمعنا سوا هذا الكيبورد الذي به اطاح بسمعة بنات واهانة وقول قبيح اهلنا بيقولو ما تغطو السما بالريش يا ابو مناهل |
اقتباس:
طبعا قافلة تلفونك ومطنشة الاسكايب ............ اوك بس كان مفروض تعمل خاطر لكلام كتبته هنا انه هذا العباس وعد بانه لن يتداخل هنا مرة اخرى وهذا يعنى انه لايمكنه الرد عليك فكيف بالله ارتضيتى ان تكتبى لشخص منع نفسه من الرد اكراما لرجاء اخوة وسمحت لنفسك ان تكتبى ما تودين وقبل هذا رجائى للجميع بعدم الخوض فى هذا الامر حتى ينتهى هذا الخلاف البغيض الى صلح نرتجيه ولو بعد حين مودتى |
قل خيرا او اصمت |
والله ما يحدث مدعاة للحزن
الاساءة غير مقبولة ومن الطرفين ترفقوا بانفسكم ولا تتبعوا اهواءكم وتسيرون خلف الغضب فانه امار بالسوء التقينا زملاء واحبة جمعنا هذا الاسفير العريض فلا تدخروا وسعاً للحفاظ على كل هذه الاواصر.. عباس يبدو انه توقف فرجاءاً جانيت ومحمد المصطفى التوقف هاهنا لو عندنا معزة عندكم رجاءاً ..ولثلاثتكم لاتجعلوا صفحات منتدى الحوار صفحات سوداء تنضح كرهاً وسباباً جانيت لكم ملاتي جنبات هذا المنتدى ضحكاً ودعابات فلا تكتبي وانتي في ساعة غضب وكوني جانيت التي عرفناها بغض النظر عن كل شيء ارجوكم الاستماع لصوت العقل وصوت الادارة حتى يقضي الله امراً كان مفعولا |
اقتباس:
او تحاول توحى للادارة بشى مودتى |
لــو يجوز لى التدخل حتى ولو بصفة.... متطفل.....
كلكم مخطىء وكلكم يلزمه اعتذار وكلكم يستحق المحاسبة ودى وجهه نظر لزولة ما عندها نظر:p:p عشان ما يجى زول ينط لى فى حلقى انا مرات ...مرات بقول ياربى متين الله يمن علينا ونبقى امة مع الامم؟؟؟؟ الظاهر الشغلانة ما ساهلة كلو كلو بس الله فى قاسى مافى |
طارق الحسن كيفنك يا أخوي معليش طلبك علي العين والراس بس لما الأشياء تفوت حدها ... فيبقي لازم الإنسان يقول قولو بكل الوضوح والشئ الحاصل هنا ده شئ مُؤلم يا طارق وما قادر أسكت عليه أرجو منك الإذن ..... محمد مصطفي عباس الشريف جيجي جانيت عادي ممكن نختلف وعادي ممكن نعادي بس الغير عادي علي الإطلاق إننا نكتب بغضب ونقع في نفس الغلط عيب عليكم إنتو الأربعة لغة حواركم مُؤلمة بحق ووجب عليكم الأربعة إنكم تعتذروا لينا نحن كقراء وعشان ما يجيني زول ويقول لي ليه جامعنا معاك ... أقول ليكم ... يا ريت لو تعتذروا لي أنا ده من الألم السببتوه لي وأنا بقرأ في مفرداتكم المؤلمة دي يا ريت ياخ أما موضوع البوست ده والآخر وغيرو ... فده متروك لإدارة إنتخبناها بكل ديمقراطية ولا تدخل في قراراتها |
ياجانيت
تحياتي كنت موجود ياجانيت وإسمي مكتوب في الكشف ودافع 50 جنيه عشان القصة ما تبقى تحديد مواقع طيب ياجانيت ما في ناس كتار إتشتمتوا أهلهم هنا كنتي وين ؟؟؟ مش ممكن أسألك السؤال ده وأسألوا لأي عضو هنا ؟؟ ليس شرطاً أن يكتب كل الأعضاء ويستنكروا سلوك محدد من أي عضو فمداخلات البعض تكفي ( لتنبيه ) من أخطأ والهدف ليس ( التشفي ) ولعلمك قلت لعباس أخطأت منذ رده على مداخلتك الأولى وقام ( مشكوراً ) بحذف الرد . . فواجب الأخوة بيني وبين عباس يحتم على نصحه بالأسلوب الذي أراه مناسباً . . من المؤسف حقاً أن يكون هذا موقفك من الإساءة إلى أهل عباس كم كنت أتمنى أن ترفضي الإساءة كمبدأ |
اقتباس:
اتفق معك تماما يا ســرورة ;) فيما لونته بالاحمر والله من قبيل أعاين في البوست وما قادر اكتب حاجة يقول سبحانه وتعالى:" وإما ينزغنك من الشيطان نزغ فاستعذ بالله انه هو السميع العليم" صدق الله العظيم فاستعيذوا بالله من الشيطان الرجيم يا رعاكم الله ولنحتفظ بادب الخلاف فليس لأهلكم ذنب فيما يحدث بينكم أتمنى أن تنقشع هذه السحابة بســـلام كامل احترامي للجميع هنا |
اقتباس:
المشاركة الأصلية كتبت بواسطة فخري الزين http://sudanyat.org/vb/images/buttons/viewpost.gif عيب والله عيييييييب ( المنتدي دا ما فيهو اداره ولا شنو ؟؟؟؟؟؟؟؟؟؟؟؟؟؟ عفوا هذه المداخله كانت علي عجل وانا اقصد تماما كلمة (عيب ) وهذه الكلمه اقصد بها كل من رد بخشونة او بحديث جارح مهما كانت الاسباب . نحن في سودانيات اخوه واخوات من المفترض ان يحترم بعضنا البعض وان تصل بنا الامور للسب والشتم هذا ما نرفضه تماما ولقد حدث هذا للاسف ومن اشخاص انا شخصيا احترمهم جدا جدا فهذا ما حز في نفسي ودفعني لكتابة كلمة (عيييييييب ) . اما بخصوص الاداره فانا وجهة نظري هي كان يمكن ان تحول مثل هذه المواضيع ل ( خاص بالاعضاء ) كاجراء اول ومن ثم ينظر في الامر من قبل الاداره بما تراه مناسبا فنحن في سودانيات نطمح لاعمال كبيره وتأسيس لمنتديات ثقافيه وعلميه و... و ... فمن باب اولي ان نرتب بيتنا اولا . فللاشراف دور كبير جدا في مثل هذه الامور فنرجو ان يكون متابعا . ولكم ودي الذي تعلمون جميعا اداره واعضاء ونسأل الله ان يهدي الجميع وانا وان تهدي النفوس والسلام |
:mad::mad::mad::mad::mad::mad:
يا سبحان الله |
أحجبوا هذا البوست رجاء الان
|
سلام
فعلاُ ياأخوانا إذا عندكم كلام أدخلوا قولوه جوه في خاص بالأعضاء .. على الأقل:( الزول ده قال ناس بيتهم كلهم بقروا سودانيات وزوجة أخوه سألته .. فبالله عليكم أوقفوا هذا العبث |
اخوتي اقدم لكم اعتذاري وانحني خجلا على مابدر مني واعتذر نيابه عن محمد مصطفى ليس من اخلاقنا ولاسلوكنا ولم نسجل اليوم تاريخ تواجدنا هنا كتابتنا تشهد بذلك
اعتذاري هذا يصل حتى الزوار فيهم اهلي واهله واستثني عباس الشريف من الاعتذار ليس اهل له |
اقتباس:
الأخ فخرى الزين .. تحياتى لا أدرى إن كنت ترى هذا العيب فى الإدارة أو فى السجال الذى يدور .. سواء هنا أو فى البوست المغلق .. علماً بأن ما بين الأقواس يمكن أن يكون شارحاً وموضحاً لما قبله .. ليس مهماً ,, دعنى أعرض عن هذا !!! أسئلة على هذا المنوال تحمل فى طياتها الكثير ولا تبعث برسالة جيده أخى .. فالإدارة خلاف أنها على مقربة منك فهى أيضاً على بعد 5 مداخلات من هذه المشاركة .. درج الناس عدم الإلتفات الى رجاءتها ومن ثم يطالبونها أن تصغى لهمساتهم وعويلهم .. الفصل فى مثل هذه السجالات ليس بالأمر الهين ويحتاج فيما يحتاج الى قراءة متأنية حتى يأتى الحكم مطمئناً له .. ولسنا مفرغين بالكلية لهذا الأمر فنحن نسرق من زمن لا نملكه ووقت ليس كله فى أيدينا . اكتب لك من داخل المكتب وكم وددت أن أستغل هذه المسارقة لكتابة الحيثيات فى القضية موضوع البحث .. ليس مهماً نقل هذا البوست الى أي موقع آخر ولن نجمل من ارتضى أن يقدم نفسه على هذا المنوال |
السيد الامين العام لسودانيات --
الاخ النور -- وفيت وكفيت فى مداخلتك وكل قراراتك -- اؤيد ما جاء فيه والذى قبله -- نرجو ان ان يكون العلاج جذريا -- بقرارات حاسمة -- لست اقصد عقوبة الاقصاء والابعاد -- ولكن عقوبة تدرأ هذا البلاء الذى يعم سودانيات -- نهائيا -- ما أن يمر يوم والانقع فى المشاكل -- وكل انسان لا يطيق الآخر -- كأن ما بين الناس مابين الشحمة والنار --- |
| الساعة الآن 03:18 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.