لمحة عن بعض شعراء الأغنية السودانية
المطربين أكثر شهرة من الشعراء والشعراء كانت حقوقهم مهضومة نعرف الكثير عن المطرب وعن الأغنية ولا نعير إهتماما ً بالشاعر هنا في هذا البوست سنحاول جميعنا إلقاء مزيد من الضوء على بعض من شعرائنا الأفذاذ الذين أثروا الساحة بالكثير من الروائع ... نتمنى أن نجد المتعة في هذا البوست وحتى لا يكون رتيبا ً فسنطعمه بالصور وبعض المسابقات ... سيكون تقديم الشعراء بدون أي ترتيب مقصود ولكني إرتأيت أن يكون الشاعر الأول مقصودا ً لأسباب ً ستدركونها في حينها الشاعر الأول : صاحب الصورة أدناه ... فمن هو ؟ |
الناس ديل مالهم بقو يخافو من المسابقات..؟؟:confused:
التقول فيها رسوم دخول...:rolleyes: * شباارقه يا حبيب واصل و متابعين معااك |
سلام يا شبارقة..
شاعر أغنية "وجه القمر سافر".. علي ما أظن. |
شبارقة بوست جميل..جدير بالمتابعة..
في بخرة في بوست تاني :D:D |
اقتباس:
|
مرحب بيك شبارقة
ومشكور على المجهود المقدر والله ياخي الشاعر صاحب الصورة والله أول ما شوفته قولتا الزول ده فيهو ريحة عم فتحي "أظنو الراحل المقيم مسعد حنفي" |
اقتباس:
مرحبا ً بالرشيد نعم هو شاعر (وجه القمر سافر) وهو الشاعر المرحوم مسعد حنفي. |
اقتباس:
سلام يا مي البخرة أنا نزلتها بهناك عشان عمنا فتحي يطلع من حردتو ورسلتها ليهو في رسالة كمان ... ما أشتغل بي الشغلة :) |
اقتباس:
اقتباس:
اقتباس:
هلا بالشباب (ود عثمان وعثمان) إجاباتكم صحيحة وخليكم قريب |
ماذا قال أخونا وزميلنا مجدي مسعد حنفي عن والده : اقتباس:
|
مناجاة للشاعر الكبير مسعد حنفى ***** هل تذكري نزهتنا في المقرن سوى وسط الزهور نتساقى كاسات الهوى هل تذكري النيلين عناقم كيف بدا زي احتضان الورده لي بلل الندى الموجه تابعه الموجه جاريه تطارده تهدر تثور في صوت يزيد عنفه الصدى هل تذكري القمري الشدا كيف كان يغرد منشدا الحان غرامنا يرددا وحوله الطيور مااسعدا هل تذكري انا ليك فدا كيف كنت هانيه ومسعده الوجنتين متورده والابتسامه تساوي كونا وماحوى هل تذكري كيف كنا في غاية الصفا رقت حواسنا والمناظر ترهفا الماء أمامنا يداعب العشب الطفا نثر الرذاذ فوق لي وجوهنا يلاطفا بدت الزهور ما اظرفا ألوان عديده مصنفه الخضره معناها الوفا والصفره عنوان الجفا اما البياض لون الشفا رمز السلام والمعرفه والحمره شوقنا المانطفى نار تستعر تحرق قلوبنا في الهوى هل تذكري شمس الضحى المتألقه كيف اختفت لامن بديتي مشرقه ليك تنحني الاشجار رؤسها مطرقه غارت عليك نشرت غصونه المورقه ما احلا ساعات اللقا نزهتنا كانت شيقه بدت الحديقه منسقه اكمام وروده مفتقه أطياره فوق متعلقه جوه القلوب ثمر الهوى طاب وأستوى هل تذكري كيف كنت فاتنة مدللة جذابه رايعة مكملة من غير طلا نور إبتسامتك يملا جنبات الفلا روعة وجمال زي الزهور وسط الكلا رقّ النسيم والجو حلا غاب العزول والبال خلا ياغاليه ياست الملا انت الرخاء بعد الغلا والشدّه ياكافي البلا جمبك تكون ما أجمله روحنا تتشابى للعلا يلاّك سوى ابداً املنا ما انطوى |
وجه القمر سافِر كلمات الشاعر: مسعد حنفي وجه القمر سافِر يضوى شعاع ونور وافر يا بدر سألك جاوب ليش أخوك نافر من حيو السباع تنتر ومن رمشو السهم طافر ريم يسحبلى سيف لحظو وآخر بالسلاح غافر يادمع ادفق ودع يا قلب سافر شوقي لي ضامر هل بى نظرتك اظفر يا من بى القلوب ظافر كاحل طرفك الناعس والجيد بالاسيس غامر مجدولات ايديك صدرك رجح طبق الضامر زيدنى من تيهك طائع ليك يا آمر زهرة السامر رفقا بمجنونك يا ليلة بنى عامر اعلم لولا ما طرفك للبيض الرقاق شاهر إنسان عيني كاد يغرق في ماء خدك الزاهر ونورك يتوقد لي عيون الخلوق جاهر ظلمي شئ ظاهر وإشراق الفجر يشهد على طرفي العليل ساهر في دولة صباك تايه يا الفى عشقي ماك فاكر أصبح مسكنك قلبي الفى كل ثانيه ليك ذاكر لو رأيت محيك يا البى نظرتك ماكر ليك أكون شاكر وأم الأفق بيك تقنع لا تولد شمس باكر تنظر بانه تتمايل في ثياب لو قدم خاتر وتنظر كيف صدير يقلع تفاحو وردف ناتر وبين ناعساتو يضوى الصارم الباتر اللحاظ فاتر لامعه سيوفو تتبارق من كسراتو يا ساتر عاشق محيك الضاوى وعاشق حسنك النادر تقبل لحظك يمرضني وانت على شفاى قادر في هواك قابل تنفيذ أمرك الصادر لي ليه غادر حلمك جود وأتعطف سارع بى لقاي بادر وحيات طرفك الناعس وحيات حاجبك الداير وحيات خدك المجلى ومنظوم ثغرك الناير بى لقاك تسمح لو كان في المنام زاير فكرى فيك حاير كل ساعة جيش حبك يهجم في الصدر غاير |
الناعسات عيونن كلمات الشاعر: مسعد حنفي الناعسات عيونن نور جبينن هلّ مابين تبر صافي واخضراني اللون دار العزّه يا عبدالعزيز إتجلّ بي نور الخدود المنّه زينة الكون الغانيات جمالن من الحور اجلّ ولي اقمار وجوهن في فؤادي سكون لي ليمن تكاد درر النجوم تدلّ البي نار غرامن قلبي صار ممكون مسحور من طريفن وسحرهن لي دلّ وين ماهبّ طيبن تلقى قلبي يكون من انوار جمالن ياخي عقلي اختلّ توجد في صفاهن العفاف والصون بين فدعة يديهن واللدن والتله بين رمان صدورن الجمال محصون البدور تسعالن والملوك تتعلاّ لو تلقاله نظره من الصفا المكنون بين مفصود خديدن وساده زايده العلّه صاروا لي زي ليلى وصرت انا المجنون ياقاسم معاك نجم السعود ما ذلّ دمت قدرك عالي ودام عدوك مغبون لي عزولك ديمه الإنكسار والذلّه والنحاس مابوازن لي دهب شيبون من نظرة جمالن راح منامي وولّى عقلي شاغله غرامن واعترتني شجون السرور ياقاسم عرشه قوم اتولّى بين تهاني البانه وميلة العرجون |
اقتباس:
وقال الرشيد قال على ما أظن ......... ماحريف |
عمل الشاعر مسعد حنفي في عدة مصالح حكومية وتنقل في العديد من المدن السودانية قام الزملاء فتحي ومجدي مسعد حنفي بكتابة الكثير عن البوستات عن والدهما وقاما كذلك بنشر مذكراته في بعض المنتديات بما فيها سودانيات.... |
اقتباس:
ياخي شكرا كتير لانك اخترت الوالد عشان تفتتح بيهو البوست الجميل دا وياريت تكمل المشوار بنفس روح البدايه وماتعمل زي بعض الاخوان يبدوا البوست ويعلقوا الناس بيهو وبعد شويه تلفاهم شويه شويه ينسوا البوست واليوم الفتحوا فيهو البوست :D عندي شوية ملاحظات صغيرونه على النص في بعض الكلمات وانت بعيد عن الموضوع لانك نقلتو زي مابيتغنى وانا قصدت الفايده للمتابعين ليس إلاّ 1/ المذهب ..يضوي شعاعه نور وافر 2/ كلمة ضامر في الكوبليه الاول خطأ والصحيح شوقي لي ضافر لان حتى كلمة ضامر لا تستقيم مع قافية الكوبليه ولا شنو رأيك 3/ ياليلة بني عامر .. الصحيح ياليلى بني عامر 4/ في ثياب لو قدم خاتر .. الاصل بيقول قامة البنفدع خاتر ويمكن ابو صلاح حب يكون ليهو بصمه على النص الاصلي الله اعلم دي بعض الملاحظات اتمنى اني اكون اتوفقت فيها ويستفيد منها المتابعين |
اقتباس:
اقتباس:
شكرا ً جزيلا ً للأخ مجدي (الشاعر بن الشاعر) على التصويب وهو فعلا ً تصويب في محله ولا خلاف عليه ... لا نفتي ومالك في المدينة. قمت بعمل التصحيح باللون الأحمر في المقتبس أعلاه |
اقتباس:
شكرا ً يا باشمهندس ... ويا ريت تجيب لينا أغنية وجه القمر سافر (ولو كانت حقيبة يكون أجمل) ولو ما لقيتا حقيبة جيبا لينا بأي صوت فهي جميلة كيفما وحيثما تـُـغـُني بها |
اقتباس:
التحية ليك ياشبارقة على افتراع هذا الخيط فشعراء الأغنية السودانية الأوائل هم من شكلوا وجدان الشعب السوداني بمنتوجهم الذي ما انفك يطربنا ولايزال وسيظل .. !! رحم الله الشاعر الانسان مسعد حنفي والتحية لأساتذتنا الزملاء فتحي ومجدي سنكون حضورا بين يدي هذا الجمال وجه القمر بصوت كمال ترباس وعاصم البنا :) http://www.youtube.com/watch?v=6lTeHYmH5SA |
اقتباس:
الغريبه كنت بفكر انزل اغنيه صلاح مصطفى لكن برضو بنجيبها ان شاء الله.. تسلم.. |
اقتباس:
اقتباس:
شكرا ً جزيلا ً لكما ... وراجيك يا ود عثمان قبل ما ننتقل لشاعر آخر. |
إنتقل الشاعر مسعد حنفي إلى الرفيق الأعلى في 12-10-1996م يرحمه الله ويحسن إليه ويجعل البركة في أولاده وأحفاده وذريته. |
اقتباس:
صلاااح مصطفى [rams]http://www.sudanesehost.com/uploads/user_uploads/vipmohdosman2f56/mnaga.mp3[/rams] مناجاة..لينك للحفظ |
الشاعر الثاني : صاحب الصورتين أدناه فمن هو ؟
|
اقتباس:
تسلم يا باشمهندس وماك مقصـِّر تب |
اقتباس:
مش قلت ليك الذاكره بدات تخرب...:o |
اقتباس:
هو فعلا ً واحد من الإتنين ... لكن شاعرنا هو من كتب القصيدة التالية (لي نية في قمر السما) مقاصدى آه ما أجسما لي نية في قمر السما مقاصدي آه ما أجسما أبني الفكرة وأهدما والعين تسيل دمع الدما والدمعة مرات أعدما لحبيبى روحي اقدما يا ليته يرضى يخدما حواسي مالها كلما هبت نسيمة تألما روح يانسيم ليها كلما لو جاهله كنت تعلما حن المعذب لـ اللما عجبا ملاك ساكن حما في حماية الحيا احتما منعوا الدلال يظهر حما هلك النفوس أبا يرحما ومن هجرو يا حامي الحما بديها روحى تقسما بدل الزهور فى مواسما مهما النفوس قدرن سما الفى القلوب ممضى اسما كم من محاسن وأعظما فيك خايلة خلقة منظمة زي معنى شاعر ناظما صفاء بهجتك ما أعظما شوفتك ظمأ وتروي الظما حي المسالمة ومسلما ذكراها أنسي وقلما الذكرى دايما مؤلمة لله أموري أسلما القمرا مالقيت سلما لي نية في قمر السما |
اقتباس:
و دى كماان... [rams]http://www.sudanyat.org/upload/uploads/gaid_al_astoal.mp3[/rams] |
اقتباس:
تسلم يا ودعثمان نعم هو سيد عبد العزيز ... ولد بحى العرب بأمدرمان عام 1900م ذلك الحى الذى كان يعج بالشعر والفن والأدب فقد كان به عبيد عبد الرحمن وعبد الرحمن الريح وأحمد عبد الرحيم العمرى ، وسيد عبد العزيز صاحب مدرسة متميزة فى الشعر الجزل الرقيق فقد قال الشعر صبياً وأكمل تعليمه الأولى ثم عمل فى البيع والشراء بزريبة البهائم ، ثم هجر الزريبة وسوق العرب وتعلم صنعة الحديد حتى أًصبح ميكانيكاً ماهراً وكان يستقل دراجته ليتعلم اللغة الانجليزية فى المساء مما أهله ليشق طريقه فى مصلحة النقل الميكانيكي بنجاح وأقتدار وكان يغشى مجالس العلم واللغة العربية فى حلقات المعهد العلمي وكان كثير الإطلاع وحاد الذكاء فجاء شعره لوحات بارعة من الإتقان اللفظى والمعنوى ... ومن إطلاعه علم أن ملكة جمال اليونان فى ذلك الزمان كان أسمها ماتريد فصاغ رائعته : سيدة وجمالا فريد خلقوها زى ما تريد |
ولأن سيد عبد العزيز كان مطبوع الشاعرية فقد كان خفيف الظل سريع البديهة فقد روى بصوته في حلقة مع مبارك ابراهيم – رحمهما الله- أنه وصديقه الشاعر أحمد عبد الرحيم العمرى قد قاما بزيارة بعض أقرباء من جيرانهم بالحى ولفت نظره منظر فتاة نائمة وهى مفتوحة العينين وأتفقا على أن ذلك شىء مألوف ويعرف بنوم الغزلان وقال على الفور : يجلى النظر يا صاحي منظر الانسان الطرفو نائم وصاحى ... صاحى كالنعسان وبرغم أن سيد عبد العزيز كان فى الجناح المناوىء لصالح عبد السيد عندما أنقسم شعراء وفنانو الحقيبة الى معسكرين إلا أن شعر سيد عبد العزيز هو الأقرب الى شعر صالح عبد السيد غزارة فى الإنتاج وجودة فى الصنعة وروعة فى التعبير. |
(قائد الأسطول - كلمات سيد عبد العزيز) لحن وغناء سرور .. غناها أيضا فنانون أخرون .. هذه الأغاني التى تترك انطباعاً أدبياً حاداً كثيفا لدى السامع لها .. فهى ملتزمة ما لا يلزم من القوافى .. بجانب انها مشطرة فى مقاطع ست تتماشى وروح العصر.. غير أنها كانت فى حينها نقطة تحول جادة للاغنية السودانية فهى رمزية اتخذت ستاراً لتوصيل شحنات سياسية علت الذهنية السودانية من جراء الاستعمار الإنجليزيى فكانت خطاباً مباشراً للسلطة.. وأسئلة.. إنها العلة والمعلول بكل مضامينه.. وفوق كل شىء إنها اغنية متميزة.. وشاءت أحداثها الغنائية أن تميزها فى عصرنا فكانت السلم الذى خطا عليه الفنان ( بادى محمد الطيب) : يا قائد الأسطول تخضع لك الفرسان ياذو الفخار والطول أرحم بنى الإنسان مين لسماك يطول ما يطولك اللمسان معناك شرحو يطول والله يا إنسان أصدق كفانا مطول ياذو الحسن إحسان أنا عقلى بيك مختول والناس عقول ولسان ما بنكر المعقول آمنت بالأيمان بالطلسم المصقول بدل لخوفى أمان بالنور سحرت عقول كانت صميمة زمان يا من تحق القول قتل النفوس حرمان وما الجندى والمكتول و طالب الغفران من أيدو راح منتول وأتوهد النيران فاقد الصواب مبتول مما رأى حيران أصبح زهر مشتول وفاح ملا الجيران يا علة المعلول كم أومى ليك بنان كم من أسير مغلول مالاقى فى لحظة حنان يرى وعدك المحلول زى حجة الوسنان والكان سكونو تلول ما ببدلهم بجنان يا حبيبي كون ممهول وليكون ماكان الفى غد مجهول والماضى أسمه الكان نفديك شباب وكهول ونبقى ليك أركان فى حبك المأهول ونخدم السكان يالفى سماك مفصول تنشاف عيان وبيان ما عرفنا ليك وصول وما دنيت أحيان إنت الخطاك أصول يعلم الديان مثلت فينا فصول ما بدرسها النسيان |
أخ شبارقة لك التحيّة البوست ده جميل جداً واصل فيه رحم الله الشاعر مسعد حنفي والتحية للعم فتحي وكل أفراد الأسرة |
اقتباس:
الأخت قمر دورين لك التحية وشكرا ً على الدعم المعنوي ... وح نواصل بإذن الله . قالوا الشاعر سيد عبد العزيز كان ماشي (ومعه أحد الشعراء) في الطريق وفي أثناء ما هم ماشيين فتحت واحدة من البنات باب الشارع حقهم وكانت تظن أن الشارع خاليا ً من المارة .. وفجاة شافت الشاعر وصاحبو ..فقامت قفلت الباب بسرعة وإدسـّت وراهو .. خجلانة لأن أحد غريبا نظر اليها (الزمن داك البنات كانن بيخجلن من الرجال:)) ... أها عمنا سيد عبد العزيز وصاحبو أتاريهم شافوها (بالرغم من حرصها الشديد على ألا يشوفوها) ... أها طوالي عمنا سيد قال لصاحبو : حاول يخفي نفسو.. قام صاحبو قال ليهو : وهل يخفى القمر في سماهو ؟... عمنا سيد قال ليهو : أبدا ً وطبعا ً لا .. شفناهو شفناهو ..... وكانت بداية القصيدة التي أكملها عمك سيد في نفس اليوم ... وقام الفنان سرور بتلحينها وغنائها . حاول يخفي نفسو وهل يخفى القمر في سماهو أبداً وطبعاً لا شفناهو شفناهو ******* حاول يخفي نفسو وغير اتجاهو سطع النور في أفقو وكل إنسان رآهو خلنا البدر أشرق كامل في علاهو وخلنا الزهر فتح من أنفاس شذاهو ****** جذاب حسنو رايع لادن خلقو مايع رقص البان مشيهو تحب تنظر وشيهو عيونك تختشيهو من قوة ضياهو ومن شدة حياهو ******* مرة إذا نظرتو ونظرو ليك رناهو قلبك ينشرحلو وترتاح لي لقاهو دون تشعر تحبو وتلهج في ثناهو ******** كل وصف تراهو أقل من مستواهو مترفع عظيم عالي بعيد مداهو ملأ العين جمالو الزاهي رشح نداهو يلالي والكواكب تتناثر حداهو فيه الحسن أودع ما ملكت يداهو ***** مفرح وشوفتو تفرح بتلقاك باسم كالزهر المنسق في زمن المواسم تشوف في مقلتيهو حياة دلالو وتيهو واللحظ البجرح والوجد المبرح أنا من دون أصرِّح قلبي اصطفاهو وهسه هناك معاهو |
ابو البنات
وجيب لي الطيب من جناين اسيا وانعش روحي بوست منعش وعبقو يفوح |
اقتباس:
أووووو بت الشيخ ... بت ملوك النيل معانا بي جاي ... بت ملوك النيل (كلمات سيد عبد العزيز) أغنية نسيم الروض كتب كلماتها الشاعر / عمر البنا في 1936م (كان في بيروت) وكان يشعر ويحس بنار البعد والغربة وشوق لأهلو والصحبة والمحبوبة (آسيا) يا نسيم الروض زورنى في الماسيه وجــيب لي الطيب من جناين آســيا وأنعــــش روحي من الـــم البين حنكمل القصيدة والقصة إن شاء الله لمن نجي للشاعر الكبير/ عمر البنا شكرا ً يا بت الشيخ. |
من حور الجنان - كلمات سيد عبد العزيز من حور الجنان أم أنت إنسان الكمال هل أنت الملاك جيت تورى الناس الجمال سبحان من نشاك حسنه وفى غاية الكمال يهواك الجنوب وإليك ينقاد الشمال وما أظن يحصوا حسنك لو يحصوا عدد الرمال بى إيه يقدروك يا ملك ملوك عصر الجمال سلطان بهجتك محروس بجيوش الجلال ويغار من صفا حسنك صفا ماء الزلال فى مراية خدودك أشوف تأكيد سحر الحلال وأشوف فى سما حسنك كل يوم يسطع هلال صفا ماء الجمال فى مجال جمالك راق وجال زى ماء الحياء فى عيون ربات الحجال ما فعل السلاح تفعل عيناك النجال مكسور الطريف كسر قلوب الرجال يا خلاصة المعانى الصار معناك موضع مثال فوق المحسنات حايز لطف وكرم خصال آلهة الجمال اعترفوا ليك ما ليك مثال وتتمنى البدور تقبيل يداك بى امتثال يا طايل الوريد يا أهيف يا اللى خصمه زال فيك منظر يحنن وفيك منظر فارس النزال ليك من الغزالة جبين وقاد وعيون غزال الحور من مناصبها لى قدرك تكتب نزال يا الغصن الرطيب عاجبنى فيك الإنهدال اللادن قوامك من ملبن وذو اعتدال جوهر حسنك الصافى وسيرك طاهرات عدال آيات بينات ما فيهن للكافر جدال شاركت الغمام والموج مناظر وارتحال شاركت الظباء فى نفرتن والإكتحال شاركت القلوب فى موضعن وعلى كل حال نفداك بالنفوس وفداء النفوس كان المحال |
يا بت ملوك النيل - كلام/ سيد عبد العزيز يا بت ملوك النيل يا أخت البدور مين لى علاك ينيل فى البدو والحضور الجبرة فيك بتخيل محمية الحما الما حام حداه دخيل ما كان أبوكى بخيل بت عز الرجال أهل الدروع والخيل الهنا... والسرور يا السامية ست الجيل طرفك من حياء فى عصر السفور خجيل حسنك وضع تسجيل فى صحف الدهور يتلوه جيل عن جيل لى يوم النشور الهيفا يا الخنتيل حروف آيات محاسنك أرتلن ترتيل يعجبنى فيك تمثيل أخلاق الملاك فى سطوة القتيل الفارس الجسور غصنك رطيب وعديل شعرك ليل جبينك يخجل القنديل النور عليكى سديل يا معنى الجمال الما أتوجدلو عديل فى ناس ولا حور فقتى الكانوا قبيل ما خدات فى الجمال جائزة نوبيل حيرتى كل نبيل عيناك سحرهن يسحر سحر أبابيل يخترق الصدور يا صاحبة الأكليل ما أظن النهار العين تدورلو دليل محياك نورو جليل كنت أقول شمس لو ما الزمان كان ليل أن عليك نور لا زلت ليك أميل يا رمز السعادة الما أتوجدلو زميل يا آية التكميل يا مراية الجمال الفيكى كل جميل ريحانة العصور [youtube]http://www.youtube.com/watch?v=rcTFkSfY0kM[/youtube] |
يا أنة المجروح - كلام / سيد عبد العزيز يا أنة المجروح يالروح حياتك روح الحب فيك يا جميل معنى الجمال مشروح للحب زناد فى الجوف زى الزناد مقدوح منه الجبابرة تلين لصوت بلابل الدوح وتصاحب النسمات تفضل معاها تروح بين نغمة الأشواق ومحاسن الممدوح الناس تحب رؤياك بالخاطر المشروح يا ملفت الأنظار يابسمة المفروح وانا أهدى ليك الحب حب من فؤاد مجروح حب الشحيح للمال حب الجبان للروح سورية فى السودان بحبى ليكى أبوح عنب جناين الشام أتمنى منه صبوح وانشد فؤادى الضال بين الرياض مذبوح وأرى الهلال فى ظلال تلك الخميلة يلوح أنا لو ضمنت رضاك أكون سعيد ممنوح يا من تسر رؤياك تفرح وتنسى النوح تكسى النهار بجمال خديك جمال ووضوح منه الغزالة تقيف فى موقف المفضوح من الوله للقاك دمعى الغزير مسفوح ناقم على الأيام مع أنه طبعى صفوح انا والخيال فى جدال وانت بنداك منفوح كل ما النسيم يغشاك زى الحديقة تفوح رايق كحيل نعسان انسان رقيق وجموح ساحر العيون بجمال فى سواك ما ملموح ان كان تميس بنميس ان كان تموج بنموح عدل الطبية جعل جور الحبيب مسموح [youtube]http://www.youtube.com/watch?v=Qpr-But799k[/youtube] |
قلنا الشاعر / سيد عبد العزيز كان شغال في النقل الميكانيكي بالخرطوم ... أها الخواجات قاموا نقلوهو إلى مدينة الأبيض (غربة عديل كده في الزمن داك) ... أها قام الشاعر الفذ / عبيد عبد الرحمن (نديد سيد عبد العزيز وتؤام روحو وصديقو) شعر بفقد وغياب سيد فقام كتب قصيدة خاصة لسيد هي (رسائل *) المشهورة بحبيبي أكتب لي وأنا أكتب ليك بالحاصل بي والحاصل بيك التي تغنى بها المبدع / إبراهيم الكاشف. * معظم الناس وأنا منهم كانو فاكرنها مكتوبة في محبوبة ... طلعت لراجل :) |
قبل ما نواصل حديثنا عن الشاعر سيد عبد العزيز وإلقاء بعض الضوء على بعض قصائده ... دعونا ناخد إستراحة صغيرونة ونديكم مسابقة بسيطة عن الشعراء (البفوز فيها يختار هديتو براهو) .... الشاعر المرحوم صاحب الصورة النادرة أدناه ... من هو ؟ |
| الساعة الآن 04:07 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.