محن سودانيه(مع الاعتذار لعمو شوقي)
اقامت وزارة الاوقاف مجسم للكعبه المشرفه
بالساحه الخضراء لتدريب الحجاج على اداء المناسك و كلف المجسم حسب ما جاء على لسان مدير هيئة الحج و العمره ولاية الخرطوم 100 الف جنيه (يعني 100 مليون بالقديم) تفتكرو كان ممكن تغطي كم تكلفة علاج ملاريا او تيفويد او كم وجبة افطار لطلاب مدرسه |
ههههه ياخ دة خبر مكسب عديل كدة بلا سعودية معاكم:D
|
مافي اي محن يا منقة
بل على العكس تماما ياخ أو الاشياء ليست كما تبدو ياخ الجماعة قاموا بعملية تمويهة للسادة الملائكة عشان يقوموا يغشوهم ويجوا ياخدوا لفة لفتين في الساحة الخضراء يمكن على اثر مقدمهم يجيبوا برميل برميلين من البترول مع انو انا لا اتفق مع هكذا حركة وطالما انه مقصدهم جلب الملائكة للخرطوم كان حرياً بهم صرف المائة مليون جنيه في عملية زواج جماعي لانو العريسان فوقهم الملايكة ، وبي كدة بنكون جبنا الملائكة بدون أي غش أو تمويه لكن على شرط يمنع حضور العروسات لانو العروسات فوقهم الشواطين ^_^ على طاريء الشواطين موشتاقين ياخ^_^ |
اقتباس:
يا زول اسي عاوزين نشوف عمرة الويك اند على قولة سموحه |
غايتوا دي لاحكت ولابقت:eek:
|
اقتباس:
ثم انو انت من زمن العروسان الفيهم ملائكه غايتو آخر عهد العرسان بالملائكه قبل عقد الجيلي شوق كميات على طاري الملائكه looool |
والله يا نبراس دى محنة تمحن محن عم شوقى كلهن
من الله خلقنا وطلقنا :p{ ما تفهمونا غلط} الناس بيمشوا الحج وفى ناس رغم ايمانهم الكامل بدينهم وبربهم لكنهم لا يحفظون الا سورة الفاتحة والاخلاص ومع ذلك تعشموا وصدقوا الرسول عليه الصلاة والسلام عندما قال الاعمال بالنيات ولكل امرىء ما نوى يعنى عمرنا دا كلو غير فى المدارس وانحنا صغار درسونا وعملنا مجسمات للكعبة والاماكن المقدسة يطرشنا ويعمى جيراننا ما سمعنا بجنس دا علا قادر الله الحى بيشوف يا نيبو يا بت امى اصلو المحن ضيفات بس بصراحة بوستيك دا انا:L شديد |
غايتو يانبراس انا ماشي أشوف لي شيخ أخليه يشوف لي فتوي بجواز الحج في الساحة الخضراء وزي ما قال أميري بلا سعودية بلا كلام فارغ..looool
|
اقتباس:
يا بتي في الحجى ما حجونا بيهو |
اقتباس:
اب احمد كيفنك:cool: ياخ والله ليك كم سنة ما قلت سمح زى الليلة دى فكرة معقولة جدا حج الساحة الخضراء اصلوا السعوديين ديل حقارين ودايرين اخر الزمن كمان يطلعونا خداديم عندهم اها تجى نحج سوا |
اقتباس:
يعني حبوباتنا و اجدادنا حجهم كان غلط ولا ما عرفو يحجو ولا الفهم شنو يعلم الله محنونني يا سرور امسيتي كيف |
اقتباس:
|
اقتباس:
انا حاجزه حج معاك رفقه مامونه وكدا |
اقتباس:
آي أقعدي في رفقة مأمونة لامن ألقي روحي في كوبر بتهمة التحرش:D:D |
اقتباس:
جيجى يا بت يا نيل والله انت عارفة بقى كلو ممكن حج الساحة الخضراء وبكرة جنة النعيم والحور العين طبعا عندنا راقدين بالكوم غايتو اللهم لا تمحننا لا تبلينا |
أنا شخصيييييييياً حأفتتح لي مركز تدريب لتدريب الناس علي مناسك الحج والعمره ...
ولي في ذلك مئارب أخري ... منها حج ويك إند ( حُمي خفيفه) علي قول سموحه ونبراس .. لناس أميري ومن لف لفهم ... وعلي قولك بلا سعودية بلا شنو داك ماني خابرو ومنها توظيف بورداب الداخل ... الرشيد إسماعيل حجزنا ليك تربيزة وكرسي في الركن اليماني وفوق لراسك حتلقي لافتة مكتوب عليها ... كان ما فااااطر ما تخاطِر .. رشيدونا للعماري الممتاز سمراء لبيع التسالي أروي البروه .. كِسرة السرووووووووووور يا يُمَه مهند الخطيب .. لبيع الإسكراتشات والذي منو حافظ حسين لبيع اللبن مع العمل بمقولة .. بعد العِشاء مااااافي إختشاء ... وساعة لربك وأخري لقلبك ... نبراس قالت عاوزه تدرب النساء... فشنووووو ... نهييييييييييييييي نهي كرتا يا بت ..تشميه قدحه ... أديناكي بوابة الدخول الإلكترونية .. بقية البورداب يقيفوا لي صف عشان ندربهم أووول شئ ومن ثمَّ نجيبهم مدربين لتدريب الناس ... أها شنوووووووووووو .... ياخي والله فكرة برضو تمرقنا من الفقر اللامي فينا ده وأهو .. كلو أجُر في أجُر حكمتو بااااااااااااااااااالغه لكن للحجز والإستعلامات نرجو الإتصال بالقمر الصناعي الذي سقط في بلاد سقط لقط |
نعمل بزنس شويه
ناس تستورد احرامات و ناس عليهم الترحيل من و الى الساحه الخضراء و ناس للسفنجات و الشمسيات و ناس عليهم حفاظات المويه و نعمل مطوفين و نجيب كراسي مدولبه للمعاقين ايوه و كشك للسندوتشات و العصاير و جماعه تبيع كتب الادعيه دا كلو باسعار رمزيه |
ورأفت ميلاد يشتغل مطوف ويسلمكم للمغتربين:D:D
|
بلا تعليق بلا تعليق يا نبراس فمن مثل هؤلاء لم يعد المرء منا يعرف ماذا يتوقع وهم مع كل شروق شمس في غيهم وطغيانهم يزيدون وننتظر اذاً ان يأتوا بمجسمٍ لجبل عرفة وربما ايضاً للمسعى أليست هذه ايضاً من شعائر الحج؟ |
اقتباس:
|
اقتباس:
كااااااااك |
دى طفلة تتسول ترى كم يكفى لتعيش معززة مكرمة
الصورة ماخوذة من الجزيرة نت http://www.aljazeera.net/mritems/ima...87275_1_63.jpg |
وانا علي اشحن دفار خرفان استراليه لزوم الهدي وكده
على الاقل نطلع مصاريف الاجازه على قول سروره لاتمحينا لا تبلينا يا ناصر نسيت البئر والجركانات حتحرسهم لي منو غايتو مع الانقاص ما تقدرش تغمض عينيك |
سبق ان نفذت الفكره (فكره تعليم الحج ) فى ايران .. وسبق للمرحوم اسامه انور عكاشه عليه الرحمه ان دعى الى مثلها فى سينا ... الفكره من حيث انها فكره لتعليم الحجاج لاارى غبار عليها ..
ولكن ان تكلف تلك الفكره الخزينه العامه ذلك المبلغ المهول فهذا هو الامر القبيح .. بعض مقاولى الحكومه يبيعون للحكومه احتياجاتها باغلى الاسعار وباسعار مبالغ فيها .. وبالمقابل فان الحكومه تبيع اقل ورقه او توقيع بالشئ الفلانى .. نعم مطلوب ثوره .. اذكر مقطع لعبد الحليم حافظ يغنيه فى فيلم ادهم الشرقاوى .. يقول ... منين اجيب ناس نعم منين نجيب ناس ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ وبالعكس تمام.. نقول كما قال... من وين اجيب ليكم حراميه .. |
التكلفة عالية جدا وكان ممكن يستعينوا بى بروجكتر وافلام مع وجود مجسم بسيط.
الفكرة جيدة جدا بالنسبة للحاج السودانى . ياجماعة فى ماسى قاعدة تحصل فى الحج بسبب امراء الحجاج وبسبب جهل الحاج بابسط مناسك الحج. |
الامراء
مهمة الامير هى ان يكون مع الحاج فى كل مراحل مناسك الحج ابتداء من طواف القدوم وحتى طواف الوادع وملزم بتوجه الحجاج وارشادهم للطرق الصحيحة المعروفة والمتبعة لاداء مناسك الحج او العمرة, ولكن تجد ان بعض الامراء يبحثون عن المنافع الشخصية مثل جمع قروش الهدى وبيع شرائح التلفونات وغيرة وهو غير متفرق لجماعته. يلجاء الامير فى اغلب الاحيان الى اقرباء الحجاج الموجودين معهم للاستعانه بهم للذهاب معهم لتادية مناسك الحج .وهولاء هم الاكثر حظا فى اداء مناسك الحج . |
في الساحة الخضراء الطواف كم شوط
|
اقتباس:
الحكاية محسوبة صآح... التدريب متضمن نوع الدعوات المستجابة.. يعني الحجاج حيدربوهم يدعو لكل الأمة السودانية بكامل العافية وتمام الصحة.. لمن الدعوة دي تستجاب.. ما بيكون في ملاريا أو تيفوئيد من أجل تمام الصحة.. والعافية في الجسد السليم بدون حوجة لإفطار "خاثتن" بتاع الدكوة مع الطماطم... وقع ليك... "أوطيعوا أولي الأمر" وبث..... :mad::mad: |
سلامات يا نبراس
الحمد لله أخيراً الله وراني فائدة لبعثة الحج البتمشي ماليزيا كل سنة وللناس الماهم عارفين درجت بعثة الحج السودانية على السفر سنوياً إلى ماليزيا على نفقة المال العام الغرض إستشراف التجربة الماليزية في الحج والعمرة والإستفادة من حسن تنظيمهم لحجاجهم الطريقة باختصار 20 فرداً مختاراً يسافرون سنوياً إلى ماليزيا في رحلة عمل وتقوم الخزينة العامة للدولة السودانية بتغطية تكاليف تذاكر الطائرة ، أجرة الفنادق ، المعيشة ، التنقل ...الخ ثم ثم مصروف جيب يومي لكل من أفراد البعثة يبلغ 350 يورو ( يورو لأننا مقاطعين دولة الاستكبار ولا نتعامل بدولارم) أذكر أن عثمان ميرغني كتب محتجاً على هذا الأمر أقصد أنه كتب محتجاً على تكراره كل عام سأحاول الحصول على المقال .... |
اقتباس:
ليه يابدر هو الناس حيحجو في طيارة سودان اير:confused::confused: |
اقتباس:
خلاص شغلو معاكم صديق منزول وحسن عطية..دي حيفهما قرقاش:p:o |
اقتباس:
يازول الحاج الماليزى قبل يصل مكة بيوم بتكون شنتطة تحت السرير. وهو قبل ما يتوجه للحج من بلده عارف ساكن وين فى المدينة ومكة. |
اقتباس:
الظاهرانك جيت متلب فى مشاركتى وما شفته اول الخيط شنو. اعد كرر.:confused: |
اقتباس:
إستحداث دورة تدريبية ملزمة لكل من ينوي الحج و أكيد الدورة دي ما حتكون ببلاش لأنها حتحتاج بالضرورة لي كادر فني و تنظيمي و ربما مدربين اجانب و كدة و بالتالي فتح باب مأكلة جديدة لهذا الشعب المسكين رفقا بهذا الشعب المسكين |
استفهامات [email protected] اقتباس:
|
ما عارف ليه اتذكرت النهر العظيم بتاع العقيد الهارب القذافي
وسعمت وقتها تعليقا عميقا من رجل بسيط قال (لكن من وين بجيبوا السمك والتماسيح ) وبرضو اقتراح عبد الحليم المتعافي بحفر قناة تحيط بام درمان من الناحية الغربية حتى لاتستطيع قوات قادمة من دارفور الدخول للعاصمة ويا متعافي اها الناس الجايين مدردقين مع النيل الازرق المندفع شن الراي فيهن... وناس مع النيل الابيض من الجنوب ديل رايك شنو فيهن وناس الخرطوم ذاتا ماهن ساهلين ... غايتو الناس في شنو والجماعة ديل في شنو ؟ |
[justify]يانيبو خليهم اليدربوهم
واصلاً هي القروش ما طايري طايري عشان كدا قولي سميناها في حاجة ممكن يستفيد منها الحاج اها المعاناة البواجهوها الحجاج كل عام وبي نفس الاخطاء بالكربون السنة دي حتكون غير موجودة السفر ، الحجز ، السكن ، الخدمات ،عدم مراعاة سن الحجاج ويكفو دعوات الحجاج عنهم؟ [/justify] |
اقتباس:
نقول تاني يابدر.. انت كتبت: التكلفة عالية جدا وكان ممكن يستعينوا بى مونتير وافلام مع وجود مجسم بسيط. الفكرة جيدة جدا بالنسبة للحاج السودانى . ياجماعة فى ماسى قاعدة تحصل فى الحج بسبب امراء الحجاج وبسبب جهل الحاج بابسط مناسك الحج. وأنا ربطت الموضوع بتعليمات السلامة في الطيارة السودانية البقو يختصروها بالعرض علي شاشات الفيديو.. افهميييييت:confused: |
اقتباس:
ماتركب التونسية وتريح نفسك من وجع القلب ده.:D |
اقتباس:
قصدك أركب التونسية وأريحك موش:confused::D أنا تونسيتي لسة وكتا ما جا.. |
| الساعة الآن 03:18 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.