عليّ الطـــــلاق !!!
:mad: :mad: :mad:
كنا في جلسة عامرة .. تضم كباراً و صغاراً ، و كما هي عادة الكبار و تقليدية المواضيع المطروحة للونسة والجدل والشكل (( السياسة والبلد - التربية والأولاد و التعليم - المعيشة والإجتماعيات - وزمان وأيام زمان )) المهم .. في وسط الجلسة و من غير مقدمات .. قاموا اتنين و ركبو راسهم في موضوع معين .. الأول : علي الطــــلاق ................. التاني : انا علي الطــلاق بالتلاتة انو ...........كزا كزا كزا الأول : انت قايل حليفتك بتغلب حليفتي .. ما تطلق كان طلقت .. التاني : اقسم بالله العظيم .... ........نقط نقط نقط ... انا اندهشت :eek: صلوا على النبي .. الموضوع لا يستحق كل هذا الجدل وكل هذا العناد.. لماذا كل هذا التعصب و الحليفة بأغلظ الإيمان حتى لو كان يستحق..!!!! سؤالي هو : 1) إلى رجال سودانيات : هل يهون على الرجل أن يتلفظ بأبغض الحلال بكل هذه البساطة ... وفي البستاهل و ما بستاهل ؟؟؟!!!! أم هو اسلوب ارهاب و تخويف ؟؟؟؟ 2) إلى نساء سودانيات : هل تتقبلينها من زوجك عندما يجعلك في مهب الريح و في مرمى أعصابه .. وهو يحلف بعلي الطلاق حقتو دي ؟؟؟؟ وهل بيفرق معاكي ازا حلف بعلي الطلاق أم بلفظ الجلالة ؟؟؟ امممم ... 1) لا أدري ان تم تداول الفكرة أم لا .. 2) اتطلع لمشاركتكم عشان ما اكون كدة :mad: كتير دمتم في سعادة |
قمر الزمان
على بالـ ........................أنا من يوم إتزوجت ما حلفت بالـ....................... . شفتي أنا كيف خايف ما قادر أجيب حتى إسمه على لساني :D :D :D اقتباس:
من المفهوم الديني أو الشرعي للقسم نجد أن في مفهوم البعض أن القسم ( بأعز ما يملك ) للدلالة على الصدق . . وقد تجدي البعض يحلف بقوله ( وحات جناي ) أو ( التأخد جناي وعشاي ) . . فهذه كلها ألفاظ يقصد قائلها بها التأكيد المغلظ على صدق كلامه . . |
اقتباس:
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ يا زول هه علي الطلاق كلامهم كلوووووووووووووووووووووو عوج حَرَم آزول كلامهم عوج وعلي بالحلف الجنيات ديل ما عندهن راس عدييييييل كدي يحلفولك بالطلاق ؟؟!! أفو أنا أخوك آآ فاطنه حَرَم ماني حالف بالطلاق أيا قمر زماننا الجميل سلام من القلب تعرف حليفة الطلاق بقت زي صلاة السوق وطلاق السوق الواحد يحلفلك بالطلاق علي بضاعته إنو (علي بالطلاق بتخسر معانا) وهو عارفها ما بتخسر وصلاة السوق تلقي الواحد بيصلي وعيونه في فرجه علي المارين من أمامه يقولون : لو حلفت بالطلاق (لفظ ) وما كنت قاصده (معني) فهو طلاق غير واقع وإذا كنت تضع أمر الطلاق (كفعل ) عند لفظك إياه يكون الطلاق حينها واقعا والله أعلم وياخي أقولك قوله علي بالطلاق بالتلاته أنا ما قاعد أحلف بالطلاق هههههههههههههههههههههههه |
اقتباس:
[align=center] :D :p :D :p :mad: :D :p :D :p :mad: :D :p :D :p :mad: [/align] |
اقتباس:
لوووووووووووووووووووووول!!! :) ;) :D صدقنااااااااااااااااك يا ود تاج السر.... عشان المتزوجين الحلافين بالطلاق ديل سااااااااااااكت!!! لكم جميعاً من المودة والمحبة أحلاها وأعذبها... أبو الحســــــــــــين... |
اقتباس:
اقتباس:
لأن أي قسم بدون ذكر الله -عزوجل - غير جائز .. و ما بنفكر في وزر القسم .. وكلامك صح في الحتة دي (( في مفهوم البعض أن القسم ( بأعز ما يملك ) للدلالة على الصدق . )) و هو ما عندو أغلى من جناهو عشان يحلف بحياتو.. أسعدتني مداخلتك ... شكرا جزيلا |
اقتباس:
من طرائف العرب قال ليك : (( كان هناك رجل كثير الحلف بالطلاق في كل بيع وشراء ، وأثناء جلوسه أو وجوده في الأسواق والشارع وجاء من يعاتبه ويقول له : نراك كثير الحلف بالطلاق و ما هذا بطيب .. فقال لمن عاتبه: أحضروها - يقصد زوجته - فإن كانت تصلح لشيء غير الطلاق .. فاقتلوني..)) لكن حناخد بالاعتبار انو عمنا دة جادّي و مبيت النية لكن انتو لأ :) تحيــــــاتي أستازي |
اقتباس:
جمال :eek: حتى انت يا بروتوس :mad: |
اقتباس:
ولك مثلها بالمناسبة : انت الوحيد الدخلتا و ما قلتا علي الطلاق ! شكرا ليك . |
اقتباس:
هي نان أُم الحسين دي هيني لامِن يحلفو بي طلاقها ونحن لسع ما لمينا فيها؟؟؟!!! :rolleyes: ;) بس الله يلمنا فيها بعدين والله لاب نحلف بيها ولا حاجة... نختها في العوينات من جوة.. بس يااااااااااااارب تلمنا فيها... لك من المودة والمحبة أحلاها وأعذبها... أبو الحســــــــــين... |
[align=right]إذا حلفت فلتحلف بالله أو لتصمت
تعرفي ياقمر زمنها الهنا الناس للأسف الشديد الواحد لو حلفت ليهو بالله مايصدقك لكن لو قلت ليهو على الطلاق يصدقك لدرجة الغش سبحان الله زمن والله زمن بس لو راجلك (بعدين يعني) طلع حلاف حاتعملي شنو[/align] |
:D تحياتي قمر ..
موضوع جميل وملاحظة مهمة .. في السودان بسموها (حليفه تجار ) او ( حليفة جزارين ) لو مشيتي سوق اللحمة تلقي الجزار يقطع ويطق اللحمة في الميزان عشان ينزل لي تحت شوية ويحلف ليك بالطلاق انو العجل دا كانو برضعو بي بزة ويحلف ليك بالطلاق انو الخروف دا كان باكلو كريم كراميل :p طبعا عادة وكلمة غير لائقة بالمرة . مرة جماعة قاعدين معاي وبنجهز في العشاء ... واحد صديقنا اتصل وقال لينا ( علي الطلاق كان ما جيتو اتعشيتو معاي ما اتعشي ) طبعا اقنعت الجماعة ان نخليهو ينوم بدون عشاء او يطلق مرتو ايهما اسهل ليهو عشان تاني ما يكررها .. طبعا بكون نام بدون عشاء عشان المدام لازالت موجودة معه ... :D :D احلي حليفة طلاق سمعتها ( اذا صح التعبير ) واحد كان بحضر في كورة وجابو فيهم قون صاحبنا نبز حارس المرمي وقال لينا : علي الطلام كان بتي واقفة في محل الحارس دا ما يجي فيها قون... :D . |
???
|
اقتباس:
دي نقطتي انا زاتي .. هي هيني ولاّ هيني ( على قولك ) عشان يخلو كل حاجة ويحلفو بطلاقا !!!! ربنا يحقق ليك كل اللي في بالك يا رب ويديك كل البتتمناهو ... قادر يا كريــــــــــــــم.. |
اقتباس:
بنستخدم كتير في الدارجي ألفاظ كتيرة خطأ في القسم ..زي عليك النبي .. عليك الرسول .. وحياة الله ...... الخ أو راس أمي .. وراس الكعبة .. ودي أكتر هنا عند ناس الخليج وللأسف ما صاح .. وزي ما قلت حضرتك ( إذا حلفت فلتحلف بالله أو لتصمت ) أما بالنسبة لسؤالك .. هو اذا كان انسان صادق ..وأنا واثقة منو.. لا أعتقد ساعتها سيلجأ الى الحلف الكتير لأنه سيقنعني و سأصدقه.. أما اذا كان غير كدة .. فدي العوجة زاتا.. فأحاول التوجيه والإصلاح والله المستعان .. تحياتـــــــــي |
اقتباس:
أضحكتني مداخلتك .. وبالزات قصة صاحبك لكن ما قلتا لي: هل نفع رفضكم للعزومة في اصلاح صاحبك؟ يعني هل لسة بستخدم علي الطلاق و لا بطلّها عشان ما تكونو ضيعتوا على روحكم عشوة ساي ؟؟؟ :p لأنو ما أعتقد يومها استغنى عن الاتنين .. لا العشاء و لا مرتو .. :D ربنا يسعدهم دايما يا رب تحياتـــــــي |
اقتباس:
وانا من زمان منتظرة وحدة فيكم تجيني .. عشان الموضوع مزعلني فبفتكر انو ممكن يزعل اي وحدة من بنات حواء معاي ... اقتباس:
و ما حقدر ازيد على كلامك حاجة.. عشان انت كفيتي و وفيتي.. وانا معاك في اني ما ممكن اتقبلها ..عشان ما حلوة في حق المرأة لو جد بيحترمها .. شكرا على مشاركتك الجميلة ... جميلة كل الــــــــود |
علي الطلاق يا قمر الزمان لو كان كلو حليفة بتاعت طلاق بتقع .. كان البلد بقى كلو عذبات....
لكن الحمد لله كلو كضب في كضب.. وجعجعة..... نحن كسودانيين الحليفة بالطلاق بنمارسها من باب العرف .... وما اظنها من باب الدين... عشان كده لمن نرجع لنية الشخص الحالف بالطلاق اعتقد انو النية بتاعتو ما قاصد فيها الطلاق ... سواء كان الخبر المحلوف عليه صادق ام كاذب... والحليفة بالطلاق برضو بنمارسها في حياتنا الاجتماعية لاقناع الطرف الآخر بأمر ما .. عزومة حل مشكلة .. اثبات واقعة معينة ...ووووو وغيرها من الاشياء .... ولكنها في اغلب الاحيان بحسن نية .. بعدين في نسوان قالوا بحلفن بالطلاق ... وبسفن التمباك وبشربن السجاير (وحاجات تانية حا مياني) يعني المواضيع كلها بقت مشتركة .. الحليفة ما قاصرة على الرجال بس.. ونصيحة ليك يا قمر الزمان خلي العصمة معاك ............................. علي الطلاق احسن تبطلوا الحليفة بالطلاق وإلا ................... |
اقتباس:
تعرف يا قمر الزمان .. علي الطلاق البحلف بالطلاق ده ما عندو راس تب .. كونو يخت حياتو الزوجية في مهب الريح ...؟ ده كلام أعوج تب .... المسكينة تكون قاعدة في البيت لا إيدها لا كراعها ... وهو يلعب بيها بى برا ..؟ .... ( لا يؤاخذكم الله باللغو في أيمانكم ...... ) قالوا دي حكاية الحلف الكتير المن غير نية يعني زول كلامو دايما بالحليفي .. والله ما سويت كدي والله .... والله .... و علي الطلاق .... وعلي الحرام ... وهلمجرا ... لكن انا بشوف الزول الحليفتو كتيييرة ده ... والبيعلي صوتو في النقاش ... دايما بكون عاوز يقنع الطرف الآخر بفكرة ضعيفة أساساً .. يمكن يكون هو زاتو ما مقتنع بيها عشان كدا عاوز يدَّعمها بالحلف والصوت العالي والله اعلم |
قمور الحلوة
أنا قلت إنتى قاعدة مواظبة فى مدرسة الحب وقاعدة تسجلى فى المقررات وأنا قلت أجى ( كالعادة أصور) ألقاك وصلتى مرحلة الطلاق .... دى حالة شنو دى :D :D :D :D أتفق مع الرأى القائل أن مسألة على الطلاق دى هى مجرد إستهلاك لى كلمة متداولة دون قصد المعنى الحقيقى ( أى الطلاق) والدليل إنو كتير من الشباب السودانين غير المتزوجين بستعملوها . لكن لو رجعنا وقلنا أنو حتى لغتنا المتداولة هى تراكم لى منتوج ثقافى وإجتماعى بتبرز عدة أسئلة مثل هل الأصل فى الحليفة بالطلاق كان يقصد المعنى ودى برضو بتقود لى سؤال تانى ... التقدير لقدسية الزواج ... عشان نقدر زاته الحليفة دى كان مقصود بيها التأكيد على فعل الغرض المحلوف لأجله ولا التملص ... يعنى ياقمرنا الموضوع حصة وقصة وداير نقاش طويل ............ عن نفسى ..... إذا حلف بالطلاق فى أى وقت ولأى سبب ..... أنا سأنفذ ............. نحن يتحلف بى حياتنا ................ مش بى طلاقنا :D :D قال على الطلاق قال :mad: :mad: :mad: خالص الود بنت النيل |
ياقمر الزمان
قلنا ليك الكلام على المعزة . . وقالوا ليك الحليفة دي هترشة ساكت . . وقالوا أيضاً لغو . . وأكبر دليل على أن حليفة الطلاق دي عند السودانيين بقولوها ساكت . . حكي بس . . أكبر دليل على ذلك حليفة الـــــــريس . . حلف أمام الملاء بالطلاق ( على الجوز ) إنو القوات الدولية دي ما ح تدخل دارفور . . وأهي في السكة . . خلينا نشوف ( الجوز ) ح يعمل شنو ؟؟ |
اقتباس:
امجد أخوي .. ازيك ما كان بس البلد كلو بقى عزبات .. لكن برضو الرجال كلهم حيبقوا مفليسين من حق المؤخر..( يعني ما برانا الحنتأزي :p ) انا عندي حل تاني غير النصيحة القولتا لي عليها دي .. اني أطلب مؤخر صداق كبيييييييييير ... بعدها ما أظن انو حيهظر معاي في الحتة دي كتير تاني :p تحياتي و مودتي |
اقتباس:
دة اللفت نظري برضو .. انو مش الصراع في الحليفة بس؟؟ بل في الصوتو أعلى منو كمان فيهم ..و زي ما قلتا في البداية انو الموضوع ما بستاهل شديد .. لكن بس الناس اتعودت على كدة.. امبارح في تلفزيون السودان ..كان في برنامج اسمو ( آفاق قانونية) يعرض كل ثلاثاء.. و كان موضوع النقاش عن الطلاق .. في واحد من الضيوف ( لا يحضرني اسمه ) من ضمن الكلام وفيما معناه .. قال .. لفظ الطلاق ..يعني طا ولام و قاف .. ويقع بتلفظ صاحبه بالكلمة... قاصد أو ما قاصد... واحد من المتصلين ( من السعودية كمان .. ) قال انو بستعمل الحليفة بتاعة علي الطلاق دي كتير ..اها يا شيخ ..دة رايك فيهو شنو في الحالة دي ؟؟؟؟ الناس ضحكت .. وفالو انو نحنا فعلا بتستخدم الحليفة دي .. لكن الطلاق في الحالة دي ما واقع .. الموضوع معاهم ما انتهى عشان الطلاق في حد ذاتو موضوع مهم و قالو نكمل الكلام في الحلقة الجاية من (آفاق قانونية ) .. يوم الثلاثاء القادم. سعدت كثيرا بمداخلتك أستاذ عبدالعظيم .. شكرا ليك . |
اقتباس:
يا عزيزتي ..دة زاتوو من المقررات الحتجي في نهاية الفصل الدراسي بس نخلص الوحدة الاولى من الحب انا بس فطيت براي.. اقتباس:
شكلها أشتر خلاص !!! كلامك دايما في محلو .. و ما محتاج زيادة وصحي تعالي ..ليه ما بيحلفو بحياتنا ويحلفو بس بطلاقنا .. !!! وأنا معاك في دي :mad: أشكرك يا غالية |
اقتباس:
يشرفني حضورك الجميل أبو مناهل.. هوا اتلقي لمن فكر فيها بعدين ..لقى انو دخول القوات الدولية .. اسهل و أرحم ليهو من طلاق الجوز.. يعني نقة أمريكا في راسو و لا نقة النسوان بعدين ... :D فعلا حكي بس !!!!!!!!!! |
???
|
| الساعة الآن 04:51 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.