بطن بطرانى
احببت ان ابدا البوست بهذه الكلمات المستفة
لمحمد الحسن سالم حميد: قول للزنوجة النوبوية دم العرب كيف البجاوية واريحية الحلب لى كل خلاصات النسب من بطن سودانية جد بطرانى اى بالحيل نعم ما سادنا دون سودانا سيد طول الزمن شانك خدم ليك يا وطن جمعا عبيد لا لليسو ده عريبى اشو بلويت بجم جلابى مندكرو انقهم تلك النعوت الماها فيك والماهو فيك لا تشيلو هم......... ......................... |
نحن اهل السودان
ما يميزنا عن جميع شعوب العالم ذلك النسيج الاجتماعى الفريد والذى يحوى اعراق وانساب تختلف نوبة زنوج عرب لكننا حرمنا انفسنا من متعة هذا الزخم المتفرد من الاعراق والثقافات وقلبناها نغمة ينعت بعض بعضه الاخر بنعوت هى ليست جميلة اطلاقا فنحن اما: حلب او عبيد او عرب والعرب انفسهم اما: عرب جزيرة عرب خلا عرب شمال وكلنا لانرضى بكلنا فمتى ننعتق من هذى القيود ونحترم بعض ونعشق اختلافاتنا |
ماريل
سلام اولا : هل انت ماريل 58 ثانيا هذا موضوع فيك كثير من ( الغلاط) .. و معاك .. ويا ريت يجينا هنا محسن .. |
اقتباس:
ثانيا انا ما ماريل 58 ثالثا مرورك اكيد ليه طعم ولو انك اختصرت كلامك شديد واصبحت مداخلتك فى كلمة(معاك)فقط ورابعا يا ريت يجى محسن بى هنا فى دى انا (معاك):D:D |
ماريل سلام وأمس القريب حينما أنتصر السودان وتأهل لمرحلة دورى الثمانية خرجت علينا بعض المواقع الرياضية العربية بعناوين مستفزة مثل موقع يلا كوررة ساحل العاج تهدى السودان التأهل !!!أى أن تأهلنا هدية من ساحل العاج وكأنك يا كاريكا ما غزيت !!! نفس هذا الموقع مدح خروج ليبيا وفسرة بأنة خروج مشرف للكرة العربية وكأننا ليس دولة عربية !!! هولا يصنفون السودان من الدول ألافريقية والمدهش !!! أن الدول الافريقية تعتبرنا عرب !!! ماريل مابين هذا وذاك فلنتمسك بهذة السودانية البحتة التى خلقها هذا المزيج حلبا كنا اوعرب او زنوج
|
سلامات ياماريل
كم جميل هذا التنوع وكم هو مصدر ثراء لهذه الأرض.. ولكننا للأسف واقعون في فخ خلل إجتماعي أظنه أكثر ما يؤخرنا في وعينا ونهوضنا مع شعوب الأرض.. إننا ولأسباب عدة إختلف المثقفون على إرجاعها نقف عند نقطة تجاوزها العالم.. مسألة اللون والسحنة وغيرها.. روح القبيلة - في شقها السالب - مازالت تحكمنا والكثير من العنصرية والتعصب وكلٌ يرى الآخر دونه.. وتضيع سودانويتنا تحت هذه السخف ما يؤسفني حقا ياماريل أن جيلنا هذا عاد بهذه الفكرة الى الوراء في بدايات تفتح هذا الشعب وثقافته وتعليمه بدأ يناهض هذه الأفكار ويصف التحدث بها وإستبطانها تخلفاً وعدم وعي وهاهو جيلنا اليوم يباهي فيه الفرد بلونه وقبيلته.. رغم انني لست ضد فكرة الإنتماء والتشرب من ثقافة كل جنس وتفرده و كم سيكون ذلك جميلا كتنوع .. والله ياماريل لا أخشى هل هذا الوطن من العسكر والشموليين بقدر ما أخشى عليه من عنصريته المستشرية هذه التي تباعد بين أفراد شعب في أمس الحاجة لأن يتحد.. والله هذا حديث مؤلم وأكثر مافيه إيلاما ..إستعصاء التخلص منه لأنه يندرج تحت ما يسمى بالتغيير الإجتماعي وهو أصعب أنواع التغيير وأبطأه نحن بحوجة الى جيل يرفض هذا الغثاء لمدرسة وشارع يعلمنا اننا نتفوق على بعضنا بأعمالنا وليس ألواننا وبأن فاطمة وحفصة صديقتان وبأن عوض الكريم يتزوج مريم ورهيد خُطِّبت لأبكر وأنا وآدم نسكن في نفس الدار... هذه النخلة لنا جميعا وهذا الصمغ مفخرة لنا وهذا البحر سوف يغسل يوما ما أحزاننا... محبتي |
اقتباس:
غايتو الباش عندو كلام كتر .. وأنا لابد مستنيهو .. الله يجيب محسن يا باش .. لكن أت ذاتك ماك هين .. ما تلاوز :D:D:D |
اقتباس:
عايزة اقول كلام بره النص انا غايتو انتصار السودان امبارح فى الكورة نهائى ما فرحنى ياخى كورة شنو انحن ما ننتصر للحق وللعدالة وللشعب دى ما ايام كورة نحن ننحدر الى هاوية عميقة سوف ننسحق فى اعماقها وتبتلع هويتنا فيجب ان نلتفت الى ماهو اهم اما عن هويتنا فالعرب لا يعتبرونا عرب ومرة رزان مغربى فى برنامج كده نسيت اسمو كان مشارك فيهو (خالد حسن)فنان سودانى قالت اول مرة اعرف انو السودان دولة عربية اما انو الافارقة ما يعتبرونا افارقة دى هجمتنى على العموم نحن ذاااااااااااتنا لا عجبننا العرب لا الافارقة نحن هويتنا سودانية وبس ودمتم بخير |
اقتباس:
نورتى البكان ده شديد يا صاحبة غايتو انا الواجعنى اكتر شئ المثقفاتية الفاهمين التقدميين ساعة الواحد فيهم يتعاطى مفردات مثل العب داك والخادم ديك التصنيف ده الجابو منو والوضعو منو والخلاهم عبيد ونحن حريين شنو ربنا خلقنا احرار ويجب ان نحرص على هذه الحرية من كافة النواحى حتى اللفظية والتغيير يبدا بالذات انا عن نفسى لى عشرة سنة لم اتعاطى مع مفردات من هذه الشاكلة بل وحررت نفسى تماما من مثل هذه الاعتقادات مش كلنا جينا من ادم؟؟ |
اقتباس:
شان يجى معاو معتصم عشان يجينا رافت بى هنا وانا منتظرة |
أحييك إنك منذ عشر سنوات غادرتي تلك المحطات فماذا عما قبلها؟
ربما يحتاج كل منا لعشر سنوات و ربما أتبعناها سبعا أو نقوم ننتظر محسن خالد سلامات |
اقتباس:
قبل عشرة سنة كنت بتعاطى مع المفردات دى ولا عزر لى ابدا لكن كنت صغيرة شوية(عمر كم تاشر سنة كده) وكانت ثفاقتى محلية شمالية بحتة وبعد دخول الجامعة وانفتاحى على مجتمع اكبر تركت تلك المحطات بلا رجعة اميرى ياخى بوستينى بحلو شديد بى جيتك مودتى |
سلامات ماريل
اهل السودان افارقة 100% احباش .. فلاتة ..نوبة ..فراعنة ديننا المسيحية مع دخول الاسلام دخلت الينا العنصرية على اساس العرب افضل خلق الله فنسبنا انفسنا اليهم فاصبحنا نلبس العمة و الجلابية و نتكلم اللغة العربية اصحاب البشرة الفاتحة عرب احرار و اصحاب البشرة السوداء عبيد عشت فى امريكا و فى اروبا وزرت اماكن كثيرة فى العالم لم اتعقد يومآ من جنسي و لم يقلل من ثقتي بنفسي ولم اشعر قط من احد يعامانى بتفرقة عنصرية بل العكس كل الذين تعرفت عليهم كانوا اصدقاء لنا نحبهم و يحبوننا يزوروننا و نزورهم ياكلون معنا و ناكل معهم يهدوا لنا ونهدى لهم عندما رجعنا السودان ودعونا و بكوا بالدمع على فراقنا |
نسأل أنقسنا ؟
كيف دخل العرب السودان ؟ رجال و نساء ؟ أم رجال فقط ؟ دعاة و تجار و غزاة ؟ و أى العوائل دخلت ؟ و فى أى عهد ؟ |
أول دخول للعرب هو من الحبشة .. فى هجرة المسلمين الأولى للحبشة .. ثم دخل عن طريق الشمال بعد هزيمة عبد الله ابن ابى السرح .. و عن طريق التجار ( شمال + شرق + الحبشة ) و عن طريق الهجرة القسرية ( هزيمة و طرد القبائل فى عهود بنى امية و السفاح و حرب الملك سعود ضد القبائل - تكوين المملكة العربية السعودية) ثم هجرات البحث عن عمل .. |
سؤال رقم (2 ) .. فى اى الهجرات أعلاه كان العرب يهاجرون مع نسائهم ..؟ |
سؤال رقم ( 3) .. أى بيوتات الأشراف ( الذين ينتمون لقبائل و بيوتات لها نسبها مع الرسول صلى الله عليه وسلم؟) .. أو بيوتات الحسب ؟ |
اقتباس:
|
تحياتي ماريل وضيوفك الكرام رغم اتصافنا كسودانيين بكثير من الصفات الحميدة الحقيقية لكن مسألة تصنيفنا لي بعض و تعالينا علي بعض دي في رأيي بتنسف أي صفة حميدة لينا. ما جدوي الصفات الحميدة لو ما قدرت تخلينا نحترم انسانية بعض. ياخ نحن في حقيقة الأمر شعب بيعيش حالة من الفصام الإنساني الغريب. و علي كل المستويات. متعلمين و أميين. ساسة و مثقفين. حالة من النقاء العرقي المتوهَم الذي ليس له أي مرجعية تاريخية أو علمية سوي تهويمات الوعي المشوه و الغايب في المتخيَل. |
اقتباس:
مرة واحد كادر خطابى من كوادر التنظيمات التقدمية فى قعدة حقتم براهم قال(كلام الاركان ده بنقولو ساكت بتاع حقوق المراءة وحق المساواة على اساس انسانى وليس على اساس عرقى او اثنى لكن انا غايتو قناعتى انو العب عب والمراءة مراءة) شفت الضربة دى قاضية كيف اففففففففففففففففففففففففففففف استغفر الله العظيم ياااااااااااارب تعتقنا[/COLOR] |
اقتباس:
كانوا يتركو نسائهم ويدخلوا الى بلاد النوبة كتجار ثم اختلط العرب بالنوبة سوا تزاوجو او لم يتزاجوا لكن الخلاصة ان الدماء اختلطت عرب ونوبة |
نواصل
اظن اننا شعب متخلف جدا لايوه انا قاصدة اقول شعب لان الشعب السودانى ده كلو متعصب عرقيا مع انو لا يوجد الان على مستوى العالم عرق نقى(لم يختلط) والقبايل الفالقانا بى نسبا دى ليها تاريخ ما جميل ابدا نبدا ليكم بالجعليين منو فيكم السمع بى حملات الدفتردار الانتقامية والحملات دى انتقمت كيف اغتصبت نساء الجعليين يعنى اختلطوا بالحلب يا جعليين فبالله ما تفلقونا بى قولة انا جعلى دى وخلونا سودانيين وبس |
نواصل
نمشى فوق شوية نصل الشايقية فطيت بعض القبائل عمدا لان الجعليين والشايقية هم اكثر القبائل عنصرية وياهم القايليين انهم احسن ناس فى البلد دى الشايقية برضو ليهم تاريخ ما جميل مع المستعمر(اتراك وانجليز) ما يجى واحد ناطى ويقول لى معركة كورتى ماذا حدث بعد معركة كورتى اصبح الشايقية هم اليد التى يضرب بها المستعمر باقى ابناء البلد وتجند الشايقية فى جيش المستعمر وبعد ده كلو لمن المك نمر شرد كان الجيش المطارد المك بقيادة الملك حمد ملك الشايقية فى ذلك الزمان فبالله ما تفلقونا يا شايقية وخليكم سودانيين وبس |
اقتباس:
والبطل ما زال عايش الى الان زولنا الحاحكى عنو فاهم انو ينحدر من اصول عربية وانو نسبو يصل الى العباس عم الرسول(ص) اها زولنا ده على اساس هذا النسب طارح نفسو احسن سودانى قام مشى الحج وبعد داك ذهب لزيارة قبر الرسول(ص) لمن وصل وقف عند القبر وقال(انت عباسى وانا عباسى ونسبنا وااااااااااااحد) شفت الوهم وصل الزول ده وين عشان كدى حقو نسيب الاوهام دى ونبقى سودانيين وبس |
اقتباس:
|
اقتباس:
علامات التعجب دى ما وقعت لى كلو كلو قول كلامك بوضوح عشان اقدر احدد شكل اجابتى |
ماريل;436863]نواصل نمشى فوق شوية نصل الشايقية فطيت بعض القبائل عمدا لان الجعليين والشايقية هم اكثر القبائل عنصرية وياهم القايليين انهم احسن ناس فى البلد دى الشايقية برضو ليهم تاريخ ما جميل مع المستعمر(اتراك وانجليز) ما يجى واحد ناطى ويقول لى معركة كورتى ماذا حدث بعد معركة كورتى اصبح الشايقية هم اليد التى يضرب بها المستعمر باقى ابناء البلد وتجند الشايقية فى جيش المستعمر وبعد ده كلو لمن المك نمر شرد كان الجيش المطارد المك بقيادة الملك حمد ملك الشايقية فى ذلك الزمان فبالله ما تفلقونا يا شايقية وخليكم سودانيين وبس[/QUOTE] !!!!!!!!!! !!!!!!!!
|
ماريل سلامات مابين (اغتصاب نساء الجعلين ) و(تاريخ الشوايقة الغير جميل ) أرجع بك الى مرجعية دين الاسلام بسم اللّة الرحمن الرحيم (يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ) صدق اللّة العظيم الاخ ماريل يجب أن تخرج من حالة ( الدونية ) وأن ترفع رأسك والسلام
|
ماريل
التحية تلو التحية ونرجع لبداية البوست حينما كتبت (احببت ان ابدا البوست بهذه الكلمات المستفة لمحمد الحسن سالم حميدمحمد الحسن سالم حميد) !!!! الشايقى ذااااااااتو |
[QUOTE=عبدو منصور;436871]ماريل سلامات مابين (اغتصاب نساء الجعلين ) و(تاريخ الشوايقة الغير جميل ) أرجع بك الى مرجعية دين الاسلام بسم اللّة الرحمن الرحيم (يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ) صدق اللّة العظيم الاخ ماريل يجب أن تخرج من حالة ( الدونية ) وأن ترفع رأسك والسلام[/QUO]
[COLOR="black"][SIZE="6"][FONT="Comic Sans MS"] الاخ عبدو اولا معاك الاخت ماريل ثانيا من قال انى احس بالدونية وانا رافعا راسى شديد وفوق للسحاب كمان بس حبيت اوضح للقبايل الفالقانا دى انو هم مختلطين باعراق تانية مثلا والاية الكريمة حديثى يصب فى ما معاناها ولا يختلف عن مقصد وروح الاية فان اكرمنا عن الله اتقانا واكرمنا عند الله ليس مرتبط بعرق او نسب او حسب بل بالتقوى والاخلاق فقط شكرن جيتنى عند مقصدى تماما ليس الا |
اقتباس:
ورحم الله الدكتور طه حسين حينما قال: «من أراد أن يكتب شعراً أو نثراً أو سرداً يجب أن يتلمس الترف في الأدب وأن يتأنق في ثقافته» وقديماً قيل: "من وعي التاريخ في صدره أضاف أعماراً الي عمره .." من حاول اغتصاب نساء الجعليات و جعلهن ( تحت ) قبائل غرب السودان هو عبد الله التعايشى .. و محمود و يذكر التاريخ أن حدثت معركة .. و انهزم جيش العبدلاب و انتحرت الجعليات .. أما الدفتردار فقد انتقم بجيشه الذى أتى من أين ؟ من غرب السودان .. و ليس من شماله .. الهروب التكتيكي للمك نمر اعقبه هجمات منظمة ( حرب عصابات ) بواسطة قائد محنك أجادها و تغنت له نساء السودان .. فلنقرأ التأريخ .. أ اقتباس:
ألم تسمعي بنساء شندي والمتمة في حادثة محمود ود أحمد ؟ أم تسمعي ببنات دار جعل عندما سقطن في النيل؟ ألم تسمعي بعبد الله ود سعد ؟ الم تسمع بكل ما حصل في المتمة وشندي من شرف وبطولة وكبرياء وعزة وشموخ؟ مصدر الاقتباس http://ejabat.google.com/ejabat/thre...e97a330e&pli=1 |
معتصم ود الطاهر
أمنت أن كل الكون فى قلبك |
اقتباس:
ما قال فى شعرو انو هو شايقى ولم يمجد قبيلة الشايقية او اى قبيلة اخرى بل دايما ما يتحدث عن السودان والسودانية كهوية والنص الذى شرعته بوابة ومدخل لحديثى من نصوص حميد التى تدعو الى نبذ القبلية والنعوت بالصفات ذات الجذور القبيلة وان نكون سودانيين فقط شكرن عبدو تانى برضو جيتنى فى خطى ليس الا |
نشوف حكاية سودانيتنا دى ؟
هل بعانخى سوداني ؟ شوفوا المعلومة دى و أنا لست اكيدا منها فهل من رد يا ( النوبى) .. اقتباس:
|
هل يا ماريل، إغتصاب النساء بعد الهزيمة في الحرب فيهو تحقير للقبيلة؟
أنا من ريفي المتمة وأكيد حبوباتي تعرضن للإغتصاب بعد خسارة أهلي لمعركتم مع محمود ود أحمد! أها وبعدين؟ دايراني لما ألاقيك أدنقر؟ نحن الجيل المتعلم دا، تأكد لينا علميا ضعف رواية النسب العربي للعباس، لكن الشئ الواقع وحقيقي نحن قبائل مستعرية وتدين بالإسلام ولا نعرف لغة غير اللغة العربية، جزء كبير من المكون الثقافي لينا عربي إسلامي دايرين نعرف right now مطلوب مننا شنو؟ ما في زول يجيني ويقول لي الكلام البليد بتاع هسع العرب بقبلوكم؟ إن شاء الله عنهم ما قبلونا أنا متصالح جدا مع إستعرابي دا، العندو حقوق عندي يجيني، يطرحها ومستعدين نديكم ليها ونعمل ليها مع بعض قانون |
[QUOTE=معتصم الطاهر;436880][SIZE="5"]ماريل هل هذه حقيقة تاريخية ؟؟؟
ورحم الله الدكتور طه حسين حينما قال: «من أراد أن يكتب شعراً أو نثراً أو سرداً يجب أن يتلمس الترف في الأدب وأن يتأنق في ثقافته» وقديماً قيل: "من وعي التاريخ في صدره أضاف أعماراً الي عمره .." من حاول اغتصاب نساء الجعليات و جعلهن ( تحت ) قبائل غرب السودان هو عبد الله التعايشى .. و مححمود أما الدفتردار فقد انتقم بجيشه الذى أتى من أين ؟ من غرب السودان .. و ليس من شماله . ارفق هنا ردى من مقال كتبه الاستاذ شوقى بدرى هنا فى منتدى سودانيات بعنوان (المسكوت عنه.اغتصاب واهانة المراءة) عندما ارجع الباشا اسماعيل ابن محمد علي ابنة المك شاويش معززة مكرمة بدون اغتصابها تحالف شاويش مع الباشا. وحارب معه الجعليين بعد قتل اسماعيل باشا ولكن الجيش الغازي مارس الاغتصاب لان هذا ما وعدهم به الباشا وكانوا يدفعون لهم خمشين قرشاً علي كل أذن سودانية يقطعونها بعد قتل صاحبها . بل لقد قطعوا اذان من لم يكن قد مات. وعندما انتقم محمد الدفتردار لصهره اسماعيل باشا قتلوا كل من وجدوه امامهم واغتصبوا الرجال والنساء |
اقتباس:
الموضوع عندما طرحته كان القصد منه ان نترك نحن كقبائل شمالية ما نمارسه من استعلاء اجتماعى على بقية اخوانا السودانيين فى جنوب وغرب السودان وايضا فى جبال النوبة ذلك الاستعلاء الذى نمارسه على اساس عرقنا ولوننا واحببت ان اسرد بعض التاريخ الذى يذكر ان قبائلنا الشمالية هى ايضا نتاج خليط عربى ونوبى فى البداية ثم ذكرت ما ذكره التاريخ عن حادثة الاغتصاب التى تمت فى حق قبيلة الجعليين فقط من باب دخول دماء اخرى على القبيلة سواء كانت هذه الدماء تركية او من غرب السودان لاذكرنا انا فينا من دماء من نستعلى عليهم بعض من دماء... ثم كون ان النساء تم اغتصابهن فهذا لا يجعلك تتاطئ راسك فهذا ذنب لم يرتكبنه هن بل جريمة مورست عليهن وكل ما قصدته انا ان اذكر بدخول هذه الدماء على نسب الجعليين شكرن على المداخلة مودتى الاكيدة لكل سودانى |
شنو المسكوت عنو في إغتصاب السودانيات؟
القصة ما محتاجة لشوقي بدري عشان يرصدها! معروف أي حرب المنتصر فيها بمارس إغتصاب لنساء المهزوم. وريني انتي من وين؟ وهسع دي، برصد ليك تاريخ أهلك الإغتصابي الإغتصابات التمت في المتمة بعد إنتصار محمود ود أحمد إرتدت عليهو بعد أقل من سنة في أم درمان بعد هزيمة كرري بواسطة الإنجليز وبمشاركة من الجعليين والشايقية والكبابيش واحدة من البوارج الضربن أم درمان كان إسمها المتمة |
اقتباس:
ستفهم ما قصدته انا برد نفسك شوية عشان تقدر تستوعب ما اعنيه |
اقتباس:
عرقى ده وبس صعبة دى |
| الساعة الآن 08:53 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.