أجمل الحلوين - أغنية خُطّابها كُتــااااار
[media]http://www.nilelove.org/userfiles/siddig_7.mp3[/media]
[align=justify]الشاعر: صدّيق حسن الدابي رغم إنّه نجل عرّاب الشعر الشايقي وشقيق حاتم الذي سار في طريق أبيه وطرح إنتاجاً غزيراً يشابه شعر والده .. إلا أن أغنية "أجمل الحلوين" تكاد تكون القصيدة الوحيدة المعروفة لصدّيق. الملحّن: محمد محمد الحسن "ود المساعيد"، وهو غني عن التعريف لأبناء المنطقة. برع في التلحين والغناء الآسر. المغنّين: أجمل الحلوين نالت حظاً وافراً من عدد المغنين. وقد أدّوها بمختلف طرق الأداء المصاحب لآلات مختلفة، مع المحافظة على اللحن، فقد أدّاها: ود المساعيد، صدّيق أحمد، خالد محجوب، ثنائي العامراب، جيلاني الواثق وفرقة البالمبو. قال أنس العاقب عن لحنها أنّه يرقى لمصاف العالميّة، فما رأيكم دام فضلكم؟ http://www.nilelove.org/userfiles/siddig_7.mp3 عكـــود[/align] |
عكـــــــــــــــود
شدة ماني مبسوط من وجودك في المنتدي الأيام دي... أكاد أحتفل... الأغنية ما عادية حقيقي وأنا شخصيآ تعجبني عند ثنائي العامراب كنت معلق فيها وطبعآ أخوك يعاني من بوادر دروشة أعلق ليك في أغنية وما بكون حافظ مرات غير مطلع الأغنية بس.. والمسألة دي شخصيآ لا تزعجني ولكنها تزعج من حولي وبيني وبينك معاهم ألف حق :o :o ويا ريت لو الصوت كان سمح :D تشكر علي ترطيب أجواءنا ... أخوك مضيوف والضيوف ضاربين النوم دي فرصة أعمل لي كم رد تاني ما بلقاها باكر نبدأ الحوامة :p |
اقتباس:
تبدو الكلام سمممممح وتخربوهو في الآخر :mad: |
غايتو نقول:
إن شاء الله عامر دايماً سلّم عليهم جتتتتتتتتتتتت أنا والله ذاتي متكيّف من نفسي بالتواصل رغم إني لم أفوّت أي حرف كُتِب |
[align=center]ما كنت بتكتب لى
ما كنت عارف البى ولعت جمرى الحى خليت قليبى حزين.. اجمل الحلوووين وين عهودك وين لو انت ناسى الناااس نحن ما ناااسين الرائع عكود.... ربنا يديك العااافية.... شغل تمااام التماام.. تحياااتى...[/align] |
ولعت جمرى الحى
|
عكود يا أجمل البورداب ليك مليون سلام يا عمدة
ودائما تقدم لينا التحف والنادر من الدرر ودمت مع معزتى ......................لكم . ..........................هنداوى |
[align=center]إن شاء الله يا بسام
تتحقق الأحلام تظهر نتايج العام تكون من الناجحين[/align] العزيز ود عثمان، مرورك يمنح الأغنية شهادة أخرى. تسلم |
[align=center]أسأل الله يجود
يتحقق المقصود أنا وانت تاني نعود تتشابك الإيدين[/align] معتصم، جمرك ديمي ملهلب ماهو دايرلو مهبّب |
هنداوي العزيز،
يسعد الله صباحاتك بكل الخير والسعد ما كان ينقص يومي غير طلّتك في ديارنا لأتفاءل بالويك إند، يا أجمل الحلوين، |
عكود
(ولو إنت ناسي الناس أنحنا ما ناسين يا... أجمل الحلوين)! وبصوت صديق محمد أحمد بس! |
إن شاء الله يا بسام
تتحقق الأحلام تظهر نتايج العام تكون من الناجحين عكود الطائي ليكم الف سلا م وتحية وشكرا كتير على الحاجات الولعت في ناس وورت واهديها لمنى واحلام لانو منى داخلة وحلا خلصت الامتحانات وليك الحلاوة بس قولو امين و تحيات غزار للحلوين كلهم ودي |
ننساااك
هو إنت .. إنت بتتنسي؟ ما إنت عالم والله عالم صديق أحمد أضاف كثيراً للأغنية بس يا ريتك لو سمعتها من ثنائي العامراب أو سمعت منّهم "يا رمال حلّتنا زولاً كان بعزّك يا حليلو" وهي من الأغنيات ال خطّابها كتار برضو |
[align=center]إن شاء الله يا بسام
تتحقق الأحلام تنجح منى وأحلام ونكون من الشاكرين يا أجمل الحلوين[/align] قوتـــــة، إن شاء الله ينجحوا ويجوكم ويفسدوا عليكم رومانسية الإنفراد تحياتي ليك ولزميلك، |
الكامل ...أيها الكامل أه لو سمعتها من حنان النيل لما سمعتها من غيرها ....! |
لاااااا
عندي صوت صديق لا يعلو عليه |
قلتي كدي يا إشـــراق؟
حنان النيل أبدعت في أداء الأغاني الشايقية وساعدها سيد أحمد عبد الحميد كثيراً بمناغمته للطنبور مع صوتها عندي ليها شريطين دائمين في مسجّل العربية زمان في دور السينما بتكون الأفلام غالباً من الأحد إلى الأربعاء أنا شريطيني ديل في المسجّل من الأحد إلى الأحد. أمّا أجمل الحلوين .. فيا ثنائي العامراب يا صدّيق |
الملكـــة،
بقيتي تغيبييييييي وتطلّي زي القمرة صوت صدّيق فعلاً لا يُعلى عليه مع إستثناء ود كرم الله أجمل الحلوين إشتهرت بصدّيق لكن الثنائي والله ما قصّروا فيها كما لم يقصّروا في رمال حلّتنا |
اقتباس:
أنا سائل الله يجود ينتما ليهو عكود في الدنيا كل مقصود :D :D [/align] |
اقتباس:
يا أجمل الحلوين جيتك تفرح الفوق الفراش يتملاّ يا ود الطاهر، |
رمال حلتكم (البوحِّل ده) يا عكود حنسمعها كيف يعني إذا ما نزلتوه في البوست؟
وحنان النيل دي ذاتها وين حنانها هنا في البوست ده! (الحنديك دة هنا ما بينفع) يا تنزلوا الأغنية ونشارككم السماع والرأي، يا تسكتوا بغناكم السمح دة وما تشحتفوا روحنا! مفهوم يا... ... ... يا أجمل الحلوين؟ |
[media]http://sudaniyat.net/songs/modules/topMusic/tracks/Yomahoy.mp3[/media]
[align=center]أجمل الحلوين عندي... بصوت حنان وبصوت ثنائي العامراب.. وكمان بي صوت ندي وحنينة :D :D :D بس دايرة شغل إتصبروا بي دي حنان+ثنائي العامراب... وبجي راجع ... والله بجي[/align] |
اقتباس:
ينزل على الطيبين الفي الشمال ساكنين بى جيتو فرحانين ضبحوا الخروف في الحين :D :D ............. :D :D [/align] |
اقتباس:
ود الحاج .... يمَّه كان الهم شقاكي وبى جِنِس زي ديل بلاكي مرة ملفحة مرة كاكي دااابو إتودَّر جَنَاكِي :mad: :mad: :mad: [/align] |
http://sudaniyat.net/songs/modules/t...ks/Yomahoy.mp3
عالمنا، خالد سترني معاك .. مؤقتاً يسترو الله دحين بنتصبّر بي دي نبكي نضحك بالتساوي لو حِرد واحد عشاهو يحردوا الباقين ينوموا البوست ده بنحردو لو ما أوفى خالد بالثنائي وحنان والجوز إيّاه |
اقتباس:
:D أبقى راجع يا خال وخلّيك حريص |
اقتباس:
بنمرق لنا بي غنية بس النص المن تالاي بيكون متل التمرة الشاهباها نار الوغش والعويش من صفحتها |
عكود يا أجمل الحلوين
|
نــــزار كروم،
يا إبن الكوّه البار مرحب بيك بك يزداد الطنبور وتراً سادساً مكمّلاً لِ "الحنينة"* * الحنينة: إسم أحد أوتار الطنبور |
أجمل الحلوين وين بلودك وين
عليك جن عكود واتجهجهوا الباقين سلام يا عجائز قالوا الغنا سمح في خشم سيدو لكن غايتو في دي صديق أحمد ما بتلحق وكأنه ود المساعيد لما لحنها لحنها ليهو . . ولكم التحية أبو قصي |
العزيز عكود...
ما نا شوايقه...لكن منتسبين.....ولا خلاها..ذى نكتة ابو داؤد الشهيره..مع العسكرى.والمحقق ..والقاضى...!!!.!! حلوه دى.. اللحن يسكر شجون المساء..ويعربد بخلايا دفق الحس..وينقلنا الى براح متفرد..فيه كل غنج الدل الدلال... ونسبح على ضياءات صفاء متسق..ومتسع.وفضفاض... يا للروعه ...ويا للجمال... ولعل تفرد انسجام الحس يلتقى مع كل نغم وريف ولحن منغم.وصوت غريد.. يا اجمل الحلوين.. وانت تغازل بحار العيون .مع توهان اجمل الحلوين.. عكود .. ما تسرح مع الخيال..انت فى كثير من الاحيان .بتتكلم.. فى النوم... ومن هنا تاتى المساله..والمعصره..!! فاهم..يا قبيله...؟ |
[media]http://sudaniyat.net/songs/modules/topMusic/tracks/Moudabeek.mp3[/media]
ود الطاهر.. أها النسوي ليكم حسادة الشايقية.. والوعد قائم.. والغنية بنزلها بعد (أسل روحكم) :D عكود... برضو تصبيرة موعودة بيك.... :) :) |
العكود
تحياتي أجمل الحلوين بـأي صوت جميلة بالله عليكم الله أسمعواالكلمات تاني و تأملوا أما عن الفيديو كليب (الليلنا) تدفعوا كم حق النشر :cool: :cool: ؟ |
تعرفوا الأحلى من الأغنية شنو؟؟؟؟؟؟؟؟؟ لمتكم الحلوة دي... تناغموا فوق بعض...وتتجادعوا بي الكلامات السمحة دي... زي الكأنكم قاعدين ليكم في عناقريب هبابية تحت شجرتين ضليلات... والأرض مرشوشة والهوا هاااااااااابي... وريحة القهوة ضاربة... سودانيات دي زاتها ياها الشجرتين الضليلات... يللا منتظرين كليب الحنينة وندى بس أريتن يجننا بي رقيصن وشبابيلن... |
اقتباس:
خاصة لو كان سمع ومشاهدة .. طريقة أداؤه وتعابير إنفعالات وجهه تخلّيك تحلف حرام الأغنية دي ما يغنّيها زول غيرو، يا سلاااام عليهو ياخي اقتباس:
|
اقتباس:
فاهمك يا رفيق المعاناة والسهاد كدي إنت أسمع وقش دمعك وزي ما قالت حنان النيل: يمّه كان الليل طواكي قشّي دمعك بي نجومو |
اقتباس:
بس لو يصدق نًصّو دحين إنت سوّي العليك الباقي مقدور عليهو |
اقتباس:
واحدة من أهداف البوست الغير معلنة إستقطابك وباقي الحلوين وكلامك يشجّع على إنزال بوستات مشابهة الفيديو كليب بنشوفوا من النُسخ المتسرّبة ومن غير حقوق طبع وما طبع بس أبعدوا من عثمان حمد ما يهوّب ناحية الأفلام دي ده زول خطير وطالِق |
اقتباس:
دخلتك علينا بي شبشب وتوب جارات دحين جرّي لك بنبر واقعدي أسمعي النغم الحلو ده وخليك قريبة دايماً |
اجمل الحلوين معانا وفى قلوبنا
بهديها لى ود جيرانا اسعد البرير واقول ليه من لقى احبابو نسى اصحابو ومشتاقين كيتر اظهر وبان عليك الامان |
| الساعة الآن 12:19 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.