معقولة بس! بدري الياس ليهو يومين بالمنتدى، ولا بوستاي واحد للترحيب بيهو!
بالنسبة لينا نحن ناس ثقافة الوسط والمقيمين بالإمارات، يعتبر الأستاذ بدري الياس، لا يقل شاعرية عن المرحوم حميد. ولو ما خائف ينكسروا فيني ناس الزين ود حامد وست الدار، كنت قلت: بدري الياس، يلامس مشاعرنا أفضل من حميد بدون "ترجمة"*.
مرحب بالشاعر الرقيق بدري الياس، وعليك الله، يا بدري، راقب لينا أسامة وطيبان ديل، في قرايتم لحميد، وخليك أمين زي أحمد طه، باقي لي الناس ديل، مرات كدا، منحازين للبيئة. * الحقوق لجي جي أبوبكر عباس |
و الله الف مرحب بالشاعر بدري
لكن كونك ترحب بيه انت ما في صالحه بدري خش برجلك الشمال رغم أن الترحيب جاي من بابكر |
اقتباس:
انتبه !! الترحيب جاي من ابوبكر بابكر الليلة نايم وجاء بالانابة عنه ابوبكر gap |
اقتباس:
بدرى الياس حبابك والله لكن الزول دا بعد ترحيبو بيك, شايفو استأسد علينا |
اهلا وسهلا بدرى الياس والله سودانيات نورت
حبابك الف والبيت بيتك شكرا بابكر :cool: |
مرحب والله و ألف مرحب ببدري الياس ، الزول الحبوب أخو الأخوان
وأنا بعتبر شهادتي في بدري مجروحة بحكم الخوّة القديمة البيناتنا ، أماني يا سودانيات ما جاكي ولد !! |
يا ألف مرحب
|
اقتباس:
مرحب يا صديقنا بدري الياس ،، بالله أحسم لينا هرجلة بابكر دي ، نحن ملحوقين ..:) __ اقعد نخّس كدي لامن تلقى بدري واقف في صف ناس البيئة ، وتاكلك على حيطة ، تاني إلا تمشي تستنجد بي محمّد حسبو .. :D |
اقتباس:
كل أبواب مدينتنا مشرعة.. فمرحبا بك |
اقتباس:
طبيعي ان لا يلامس حميد مشاعرك لان مشروع حميد الثقافي والانساني والسياسي مضاد لمشروعك الذي مرجعيته الجبهة الاسلامية وغازي صلاح الدين والفراغ العريض دا طبيعي جدا ... وخايف كمان بدري الياس ذاتو يكون زي حميد في التعبير عن قضايا الوطن والانسانية لحظتها هنيئا لك بالاستاذ مختار الصحاح ... |
اقتباس:
اقتباس:
والثورة "زالت" مستمرة! |
اقتباس:
اما وانه ليس كذلك فانا موجود هنا فوق قلبك ، واعرف كيف اقراك صاح وتفقد اعصابك وتفط كل المداخلات وترد عليَّ ... والشيء المتاكد منو انك لا تفهم حميد ولاغيره فامكانياتك ضعيفة وقسمتك كدة وحقو ترضى بيها ، ولان طموحك اعلى من امكانياتك فتظل تكرر نفسك بديماجوجية تحسد عليها فهذه المداخلة صورة بالكربون لعشرات من ردودك لي يا لك من ضعيف ! |
أهلين يا عريس
|
غايتو يا بدري الياس الدنيا حظوظ
ناس يستقبلوهم ناس شئون العضوية ( سموحة ) وكدا الشقي يعتر ليهو أبو بكر عباس :D |
العريس الشنو كدا داك
حبابك في البيت التاني بث زي ما قالوا ليك السبقوني جيت خاشي قاردن سيتي بكرور:p |
مرحبا و سهلا بك ود الياس
طب مقاما هنا أطيب المني بابكر عباس |
هل هو بدري إلياس الخليفة صاحب هذه الكلمات :
وكانت في رجاكَ الرُّوح وكتَّ مسيحْ نَهارَات العَشَمْ واللّيل يئِن مجروح عصافير الهوى النَّامَنْ علي فرع الغنا المحْلان بَكَنْ باكر بِحُرْقة نَايْ يِبِسْ في حَلْقُو نَبْض البُوح وطار شقّيش حمام فَرَحَكْ أيا قلبي المَحَانِنْ وليش قَدُرْ ما أفْتَحَكْ القَاكَ خامِّي نَدَامْتَكْ القَدْريش مسَرْسِفْ بالدّموع والنّوح حبِيبَكْ وين؟ .. ووين جَهْرَةْ مُنَاكَ على الجّبِينْ والعين ووين مَعْنَاكَ في بَسْمَةْ رِضَاهُو ورَعْشَةْ الإيدين وكِت تَلْقَاهُو يدِلقْ حِنُّو في جدول ظَمَاكَ هِنَاكَ كانْ لاوين بِتِتسَامَى - كما الغنوات – مَقَامَات العِشِقْ فِيكَا وبِتَعْلَى صُروح ولو دَمْعَكْ هَبَرْ من عين وَفَاكْ الوَاحدِي لي وين دارْ يَعَدِّي يَرُوح وياتْ مِن كَان سَقِيتُو دِمَاكَ خَلّفْلَكْ عَدَارْ ذِكْرَاهُو وانْتَنَى مُنْجَلَكْ جُوّاكَ لا فقّشْ جُرَابْ ريدَكْ ولا كان طُول رَجَاكَ لَقُوح أقيف طيِّب خواطرْ اللّيل وغَنْ لي كَاسَكْ المَلْيَانْ ولى أصْحابَكْ الفِي غُرْبة حَدْ قَطْمَةْ رِضَاهُنْ خايْنَاهُن هِنا الوَاطه وباركَابُن هناك الخيل وغَنْ ... ولا تِهْتَمّ للبِيَسِبْ ولا البِيَهِبْ غُناك نَار خُوفُو يَحَدِرْلَك ولا القَنَّبْ وراكَ يَشِيلْ وغَنْ ... لا القَمْرة غُصَّةْ خَيْبَة لا ليلَكْ تُرَعْ دَمّ الحَيَا الفاسِد ولا أَنْجُم سَمَاكَ قُرُوح ياتُو حَبِيب هُو ما كانْ "كانْ"؟ وياتو مكان وما آويتلُو مِنْطَامِن مَقَدِّم خَيْرَتَكْ والفَال وما ظَلّطْ مَفَاصِل شُوفَكْ الإنسان وطَقّ نَديبْ غِنِيواتَكْ نَوِيح وأحزَانْ وياتُو عِشِقْ هو ما مَرَقَنْ ورا نَعْشُو النجيمات شيَّعَنّو وبقّة في الغنوات وضوح؟ وقوم لا فوقْ كأنَّك في زفاف شَتلةْ حَقِيقةْ تغنِّي مِنَّكْ وليكْ وفِرْ وادِيكْ قَدُرْ ظَنَّاً يَخِيبْ في حبيبةْ وانفُضْ إديكَ من كَنْدَاكَةْ المُو ليكَ خُتُّو وَرَاكَ ضُلْ نَدَمَكْ أَكَنَّكْ ورُوح عوالِمْ دَهْشَتَكْ في رُؤَاكْ غمّد فيكا شَان تَلْقَاكْ عامر كالحَفِيفْ والضَّوْ وصامِدْ كالشَّجَرْ في ضَرَاكْ مِتْلَقِّيكْ نَسِيمْ وَعْدَكْ وحِلْمَكْ كالنَّهار مَطروح ... غريبة ... ؟يا بابكر يا اخي اهو انتي زول كويس مرحبا الشاعر بدري الياس الخليفة |
سلامٌ ومحبة
ضوءٌ باهِرٌ شاسِعٌ .... يلّون صفحات سودانيات وبه تزدان... بك مرحباً يا بدري شكراً يا باك تحياتي واحترامي |
حبابو المن طرف بكور
وكونو شاعر وديك كلماتو معناها ننضف الاضنين ونبقى قرااااب |
مرحب بود الياس بيناتنا
قلم جدير بالإحترام بس البيقنع بابكر عباس وعبد المنعم ديل بإنو ده ما محلو منو ياخ ;) ;) ;) |
اقتباس:
|
اقتباس:
وشكرا تاني ودائما يا أستاذ |
اقتباس:
وعموماً يا دكتور ،،، أنا هُنا أعتذر لك وللأخ عبد المنعم ، إن كان لمداخلتي السابقة بعداً سيئاً في نفوسكم ،،، فوالله لأكثر ما يزعجني أن أُعكر صفو أي إنسانٍ ما في الدنيا ( دون قصدٍ بائن ) أو أن يتم فهمي خطأ ،،، فالعذر والعذر والعذر ثُمَ العُذرُ لي يا صاحب ،،، أبقي عافية ياخ |
اقتباس:
حيرت افكاري معاك.. تعرف، من قبل ما أقرر أجي هنا كنت بتساءل: بابكر عباس ده منو القاعد في دبي وانا ما بعرفو؟ أي نعم انا معرفتي بالناس ما على قدر كده، لكن زول مناكف ودين حجر زي الشفتو هنا ده مفروض اكون بعرفو.. المهم يا زول عجزت تب وقررت إني الزول ده انا ما بعرفو، وما داير أعرفو زاتو.. تصدق؟ وكانت دهشتي الكبيرة لمن دخلت متلبد وكنت فاكر إنو غير الآدمن وانا مافي زول عارف خبري.. لكن لقيت سرك باتع، أو انا جهلي أبتع منو.. ، عموماً يا سيدي، والله متأسف إني ما قابلت تحيتك بأحسن منها.. وإني ما زرت الخيط المعمول عشاني إلا بعد شهر أو أكتر.. وده والله لا إجحاف لا عدم تقدير لكن .. غايتو.. اهو ربك طلق الخطوة، وفتح سكة الكيبورد.. أيوااااا، ما قلت ليك، بعد تعب وملاواة شديدة خلاص وبدون الاستعانة بأي صديق -وحياة الاصدقا- قدرت أعرف منو بابكر عباس ده.. وبيني وبينك والناس، والله اتفاجأت كتير.. ياخ اتاري عادي الزول ممكن يتضلل.. اتاريك لا رب الطيبة ولا حاجة. واتاريك تستاهل أوحِّل عربيتي في الرملة وافوِّت عليك جلسة "حسن موسى" ذات نفسو، والكانت وين؟ في بيتك ذات نفسو.. عليك الله دي بتتعمل بالساهل؟ ، ويا ضيوف بابكر، والله متأسف شديد، وما أكتر من أسفي إلا شكري ليكم علي كلامكم الطيب وترحيبكم بي.. وبجيكم واحد واحد.. وياااا ربي تعدل الخطوة.. ، ، |
اقتباس:
وربي يجازي مِحَنَك.. والله بيني وبينك ولا يسمعنا زول، ترحيبو ده ختاني في امراً ضيِّق.. وأهو سمعت وصيتك وخشّيت بي كراعي الشمال، مع انو كِرْعَي الاتنين لفت.. ، تسلم ، |
اقتباس:
وجزيل شكري على الحفاوة.. وحقيقة ما عرفت شنو البخلي بابكر يستأسد عليكم والظاهر في حاجات فايته علي هنا.. اديني فترة شوية واقدر اقرا الحاصل صاح.. محبتي ليكم إنت وبابكر.. ، سلام |
اقتباس:
وسودانيات منووِّرة بيك وبي الزيِّك.. وشكري الجزيل علي الحفاوة والترحاب.. غايتو الله يقدرني أرد ديونكم دي.. الواحد بقى حاسي انو مديون من قولة تيت.. الله يجازيك يا بابكر.. ، |
اقتباس:
علي الأيمان وكِت ما أشوف إسمك أو أطراك -ويا حُبَّمَا يحصل- بلقى نفسي مبتسم، كيف ووين ما كان الموقف.. ياخي المحبّة دي سرها والله غريق خلاس.. والله يا ود طه ديك الخُوّة لولاها لكُنّا رضينا بالقسمة وبالغياب وبالأسى أيِّ حاجة.. دمتم لي يا حبايب.. ، وشهادتك في حقي والله تاج.. يحسُدُني عليه عظماء وأباطرة.. ، |
اقتباس:
شكراً يا نبيل، ومرحب بيك إنت برضو والله.. وياخي توقيعك يحيي الأسى والشجن والله.. دام من مضى وترك شمعةً تهدي وراءه.. ، تسلم ولك المحبة |
اقتباس:
تحيّاتي |
بدري العريس
يا مرحب ياخي ويا بختها سودانيات كل سنة وانت طيب يا حبيب .. |
اقتباس:
طيبان يا حبيبي، يا صاحب القلب الكبير، والله انت قلبك شايل أكتر مما يحتمل قلب الآدمي -ود المره والراجل- الـ الله خلقو ده. تعرف يا حبيب، جابني للمحل ده -وحات الخوّة- كونكم هنا إنت وأسامة معاوية.. وجيت عشان أشوف آخر بابكر عباس.. وعشان أشوف آخر هرجلتو دي شنو؟ بس تصدق، الهرجلة دي وقبل ما أقول يا "ساتر" لقيت الوراها زول وحاتك ما أعزو عليك.. ولا أعزك عليهو.. ياخي الاسافير دي بتعمل جنس حاجات.. لكن يمكن تكون عارف أخوك.. لاب ينافق لاب يجامل.. ، المهم يا حبيب، كدي خلينا نمشي لا قدام.. ، |
اقتباس:
ياخ انا لي كل الشرف اني اكون من ضمن مدينتكم دي.. وترحيبك والله تاج، وما حا يكون علي غير اني احافظ عليهو.. ، كل التقدير.. ، |
اقتباس:
شايف والله أعلم حدة في تداخلك.. ولأنني حديث عهد بالمكان فلن احاججك.. خاصة والمقام مقام ترحيب بشخصي الذي ربما لا يستحق حتى ما نريقه أنا وأنت من لحظات.. ولكن إن يكن مشروع حميد الإنساني والثقافي والـ والـ، يضاد أي مشروع لهذا البابكر، فحينها على وجودنا نفسه السلام.. ولأنني كما قلت سابقاً اُعتبر جديداً هنا، فدعني أبعد عن كل شقاق حالياً حتى تستبين لي الخطوط.. كن بخير يا رجل.. ولامن نتلاقى.. ، ، |
اقتباس:
ليك مني ألف تحية.. وياخ العرس بباركو بي خشم البيت طالما إنك متابع.. .. تسلم اخوي ، |
اقتباس:
أها يا همس الشوق، دي قسمتي وانا رضيت اسوي شنو عاد؟ اللهم بارك لي فيما قسمته علي.. ، تحاياي ، |
اقتباس:
حلالي بي بيتاً تكون إنت المباشرني فيهو وعلي الحلف عشان لماتكن اجي بالعابر زاتو... يورينا الله ، تسلم يا رجل.. ، |
الحبيب بدري الياس
جرحك غوير من الكلمات الجابهو من قولك، بانت ملامحه وقدرك "عوير" القدمك هنانا "الروايعي" بي مساخته... ;) يا زول مرحب بيك والف حباب وأصله "الهبوت" تحته النار ومن كتر "الحنضل" بيطعم اللسان عسل وأهو حال الدنيا كدآ! البعض مرات تخلي "بابكير" يطلع إشراقات :cool: |
اقتباس:
اقتباس:
اقتباس:
عليك الله، يا بدري، كان تغير فكرتك عن مسكنتي، يا أخي، وحات سيدي الحسن، لسع الغنماية تأكل عشاي. |
اقتباس:
ومن كان في مجلسكم فلا شك محظوظ ومقامو طايب.. ، ونتلاقي.. ، |
| الساعة الآن 02:51 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.