ألف مبروك محمد مصطفي وجانيت
نتمني لانفسنا حياة زوجية سعيدة .... واولاد ما اعرفو المنابر والمنتديات
. . . سجمكم كان راجي منكم تهنئة حايمين بي كاميراتكم والفلاشات عملت لينا ضعف نظر وركبتنا مع الرشيد في سرج واحد وما شفنا ولا صووووووووووووورة لا والغريب ما شفنا بوست بتاع تهنئة زاتو :mad::mad: . سجمكم رسمي ... سجمكم الاخيرة بتاعت جانيت والاولي بتاعتي |
الشكر اجزله لكل الذين حضروا
حقيقي سعدت جداً لمشاركتكم الجميلة خالص الامنيات ان يديم الله هذا التواصل والمحبة والشكر ايضاً لكل من هاتفنا |
ناصر يوسف
ياخ انا شاكر جداً وممتن وعاجز عن اني اوفيك حقك بالكلام . . والله ما عارف اشكرك كيف لكن مبدئياً كده ... انعل ديشك بس |
محمد يا الختفتا الدرة :mad::mad:
"ألف مبروك محمد مصطفي وجانيت" ليها إتآ مبارك وهي بيك مبروكة.. وإتا ياكا الإتحظيت ودنياك إن شاء الله بيها سعيدة... إحنا "أعمامكم ما ما بقدر أقول خالاتكم لأنه بتجيب اللوم;)"!! رآجيين الأحفاد يملوا لينا سودانيات :) |
سعيدون بإندماج روحين
سعيدون حقاً سعيدون إلى الحد الذي لا يوصف أمنياتنا لكما بحياة ذاخرة بالمحبة بالنوال والعذوبة وغلبة العيال والمال وووووو جميلٌ أكثر بذلك التهنئة لنفسك لمحبوبتك يا صاحب جميل واستثنائي غبطتي ومحبتي لكما وللأتي... |
اقتباس:
ثَمِح ،،، عِلا أسمعني يا جنا النقول ليك شئ ،،، الصور صوركم إنتو ،،، صور زواجكم إنتو ،،، بجيبها ليكم علي CD ومخيرين تنزلوها ولا ما تنزلوها تِحِت تِحِت كِده السُعال التقليدي داك ،، دحين لسسسسسسسع ما سعلوكم منو يا جنا ؟؟ :p :p |
اقتباس:
و حقيقة سجمك انت و سجم جانيت فراق نسائم الحرية و دعاشها و العزوبية الباذخة و هواءها الطلق .. حليلهما و حليل ايامهما :D:D و هذا لا يمنع بتاتا ان نزف لكم اسمى آيات التهاني و التبريكات و بالرفاه و البنين .. ابقوا طيبين و تدثروا بالمودة .. |
ياخ ما تصبر الانتخابات دى تنتهى ..
أسع بوست فى الوكت دا يقولوا انصرافى .. أها تعال فى الخاص المساء . |
ماتعملوا فيها ظريفين وتنزلوا لينا الصور ياخ
وين صاحبتي خجلانة ولا شنو:p |
اقتباس:
Sana Ahmed Mursi الف مبروك حبايبي محمد مصطفى* علويه ابو زيد و ربنا يجعل ايامكم كلها افراح و يسعدكم و يهنيكم مصطفي سيد احمد _ وضاحه www.youtube.com الاسطوره مصطفي سيد احمد Like · · Unfollow Post · Share · December 1 at 12:20pm near Sydney Seen by 21 Amal Elsheikh and Mai Hashim like this. Write a comment... بصراحه سجمكم انتو الجوز و بالثلث لانو ذي بوستيك ده لا حصل ولا حيحيصل الى ان يرث الله الارض. تعش رجبا تشوف عجبا و اللهي صحي |
اقتباس:
ياخي تبريكات، وشكلو الواحد مفروض يبل راسو بعد دة. بالمناسبة:عاصم البنا اليوم داك إتقطّع عديل كدة، يا سلام ياخي، يا سلام |
يا محمّد مصطفي،،
ياخي تاني لمّا تكون داير تعرِّس، إختار ليك صالة يكون موقعها كويس، وقريبة للناس كلها:D |
اقتباس:
انا اسمي مكتووووب اهوداااك فوق :D ودايرين نرسل الموجب;) بس ماعرفناكم قاعدين ولا مسافرين بالامارة اسأل هاجر :cool: |
انا بصراحة داير اقول
اسع الخلاك تجى سودانيات شنو ..؟ قلنا ليك اقفل الموبايل تفتح النت ... |
اقتباس:
سجمكم تاني وتاني وهذا لايمنع ان اقول :L لكلامك يا باذخ ياعريس فوقك الملايكة لسة الجابك لي ناس الرشيد شنو... خلي يطبقوا ليك الحنة لزوم السفر...:D تبريكات وتهنئة واشواق ليكم الجوز حلوة الجوز دي بعدين يا فيصل ياخ ما تخليك محضر خير:D |
الصديق محمد سابقا والعريس محمد حاليا
قف نرجو ان تزودنا باخر المستجدات وان تطمننا عليك فنحن قلقون عليك يا رجل قف الف مبروك ياخ ونرجو الرد لكي نطمئن عليك وعليك بالقطة فان لم تذبحها ذبحتك واشرب بيها شاي الصباح قبل ان تتعشى بك |
اقتباس:
ياخ قول بغران ....... وقول نحن اللاحقون و الله ما فوكا حاجه. اعلن كامل تضامني معك و مع الرشيد وكل المشلهتون في الارض |
الف الف مبروك والله
بس بصراحة ناس سودانيات كعادتهم متلومين والعجب ناس الخرتوم بس عليكم ليه يعنى ما بتجيبوا لينا صور العرسان بقيتو احسد من وجدى حبيب البى:p:D |
الف مبروك جانيت
الف مبروك محمد بالرفاء والسعادة دوما |
عاد جنس خفة عليك يا عريس
هسه دا الجابك من شهر العسل ما عندك موضوع تصدق:D بالسعادة والهنا يا رب |
اقتباس:
الولد قلت ليه بضرب ليك بعد5 يوم:D ثالث يوم القي تلفوني برن ونطاي منو اسم كلكلاوي لمن نطيت انا:D:D قال لي تعالوا علي انت وكانديكlooool |
ربّي يسعد الحلوين.:cool:
|
اقتباس:
وكان ناديتك برضك تشيل حسي كدي ولا دي برآها وديك برآها.. هي مالهو "الديك" بقآ ذي "جدادة الخلآ المختلف عليها (أشرف vs الفاتح سبيل)" :( :cool: |
مبروك
ألف مليون مبروك محمد مصطفى وللعروسة .. عرفت قبل قليل من خالد عصام الدين ووالله ظروف قاهرة وأسرية مرت علي منعتني من الدخول للنت في الفترة السابقة .. عموماً سأتصل عليك .. وبيت مال وعيال ..
|
| الساعة الآن 02:10 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.