*ثم انو العمل الخيري*
رسالة للادارة الجديدة
كترت عليكم الرسائل عارفين والله واكيد انكم بتتحسسوا طريقكم ويادوبكم بتتخطوا في الاشواك والحفر والمطابات رسالتي تقييم تجربة العمل الخيري بسودانيات الناجح منها والمتعثر والمعلق جرد حساب ماذا قدمنا وما الذي تقاصرنا او تقاعسنا عن القيام به تجربة افطار طالب والحماس الصاحبا والمبالغ الاندفعت والاقتراحات الكان ممكن تدفع التجربة ولم يتم التعامل معها بالجدية اللازمة شخصيا اعطيت صوتي لمرشح وضع في برنامجه المسألة بصورة واضحة فهل نأمل ان يتبني المجلس الجديد هذه الرؤية ويضعها نصب اعينه؟ |
ثم إنو البوست دا يكون عون للإدارة ..
ليس محاسبة .. لكن أرجو أن تنزل التقارير هنا و تقييم التجربة يكون من المشاركين فيها نجاحاتهم مشاكل واجهتهم التزام العضوية بالدفع ( و دا عصب العمل الخيرى) مقترحاتهم .. و من هنا الادارة تكون متنورة .. شكرا يا آمال لأنك ما عاوزة تقيفى بعيد و تحاسبي .. |
اقتباس:
وكسودانيين تجاربنا بنفوت فيها ساااي لا بنوثقا لا بنقيما شان كدا لا بنستفيد من اخطاءنا لا بنمشي خطوة ودايما سايقنا الحماس والهوشة وشايلانا الهاشمية خليك قريب وخلينا نسمع من الفاعلين في الجانب دا حتي الحردانيين بسببو شليل نموزجن:) ابقي طيب |
اقتباس:
_________ تحياتى امال |
اقتباس:
بمشاركة فاعلة من العضوية ولكن اخفقت في دفع مسيرة مشروع افطار طالب انا واحد من الذين يتحملوا مسئولية هذا الاخفاق بوصفي عضوا في مجلس الادارة السابق وواحد من القائمين على الامر من بورداب الداخل ومستعد للحساب والمساءلة من واقع هذه المسئولية توصيتي للادارة الحالية: توزيع الادوار والتكليف والاشراف المباشر على التنفيذ نسيت احييك يا امال على البوست ده واشكرك جدا ونسيت اسلم عليك ياخ في البداية فعذرا تحياتي يا بت الشيخ |
شكرا يا آمال
اقتباس:
اقتباس:
معاكم قلبا وقالبا |
اقتباس:
سلام جيلي وعامك سعيد منتظرين مساهمتك في الخيط دا وربنا يرحم خالد تسلم |
اقتباس:
سلام دكتور وعامك سعيد واحييكم انا برضو علي المجهود فعلتو مابوسعكم ياحبيب في ظروف السودان التي يعلمها الجميع ولستم ملامين ابدا ولكم مننا كل الشكر ولسة مافات شي توصيتك للمجلس يجب الاخذ بها وبتمني ناس المجلس الجديد يفوضو زول يجينا بجاي ويورونا رؤيتهم حول العمل دا ويتم اشراك اعضاء خارج المجلس والاهم توثيق التجربة وتقييما والخروج بتوصيات وتحديد اسباب الفشل ومواطن الخلل مشروع افطار يادكتور دا حازي في نفسي شديد وخلاني احس بالاحباط قدمت ليكم مقترحات عملية جدا لم يتم حتي نقاشها ومانورتونا المبالغ الاندفعت مصيرا شنو؟ شكرا ليك |
اقتباس:
حسب رؤيتي الخاصة كنت اخشى التوقف بتوقف الدعم فيتحول الموضوع من نعمة على هؤلاء التلاميذ الى نغمة المبالغ الاندفعت مرصودة كلها وموجودة لطرف الاخت نبراس اتمنى تجي تكتب التفاصيل |
اقتباس:
ومساء الخير ضيوفك الكرام ادناه تفاصيل المبلغ المعاي بالضبط وهي موجوده في البنك 8500 ج تفاصيلها كالاتي: اشتراك 5 شهور من عضوين كل واحد 1000ج اشتراك 4 شهور من احدى العضوات 800ج و200ج منها نثريه للحركه تبرع من صديقة حبيبه للكل ب 1000ج مساهمه من احد الاعضاء 200ج ومن عضو اخر 90ج اشتراك شهر من احد الاعضاء 200ج مساهمه من احدى العضوات 730ج مساهمه من سيدات من المملكه العربيه السعوديه ارسلت بواسطة العضو شهاب 3500ج __________________ عن نفسي حيكون واحد من مشاريعي خلال تواجدي في مجلس الاداره انجاح مشروع افطار طالب وبث الروح فيه من جديد وجاهزه للمحاسبه في اي وقت ملحوظه: المبالغ دي اتحولت كلها باسمي ما عدا ال 730 سلمني ليها ناصر يوسف عن طريق خال فاطنه |
اقتباس:
موجودة بطرفي |
اقتباس:
معتصم صباحاتك ياباش حاضرين ياسيدي بس امهلنا حبة وكلامك ع العين وياريت البوست يكون للأفكار والدفع بي اتجاه تحقيقا وكل فكرة ح تكون بمثابة بذرة محتاجة عناية ورعاية وتفهم نوعدك خير يامعتصم ---- كل سنة وانت بخير معتصم وسنة حلوة عليك ومحققة فيها كل احلامك ومفتقدنك .... تحايا ومحبة لي احمد زين ومولي ونيبو وجوجو وكل سنة والجميع بخيييير وتامين ولامين |
اقتباس:
المشاركة الأصلية كتبت بواسطة لنا جعفر http://sudanyat.org/vb/images/buttons/viewpost.gif اقتباس:
سلام لنا و مجلس الادارة .. شعارى معكم و مع الأعضاء من لا يقدم لا يحاسِب .. يعنى ما ممكن كل النقدمو لمجلس الادارة انتخابهم .. نحن نقترح و لو ضعت اقتراحاتنا فى برنامجهم نحاسبهم .. لو كلفونا و ما نجح البرنامج ( نحن الأعضاء) جزء من الفشل و النجاح للجميع و الفشل مسئولية الجميع أيضا مجلس الادارة عليه التخطيط فقط و رسم الخطط .. |
اقتباس:
اقتباس:
بدون حساسيات .. سنردمكم مقترحات .. و تطلعات و أحلام .. انتو جيتو بالهينة .. دى "جيتة السجم و الرماد"* يالنا العزيزة ومجلس الادارة .. لن نتوقع منكم برنامج قبل شهرين .. لذا دعةنا نساعدكم بالمقترحات .. و ما عندنا جهة نقدم لها هذا المقترح إلا أنتم .. * ولادة السجم والرماد .. هي كما المخاض بالمرور تحت الناقة .. |
اقتباس:
واهلا بيك وجميل انك دخلت من الباب دا سودانيات عندها تجربة ثرة جدا في العمل الانساني وانجزت الكتير وقدامنا الكتير رميت بياضك ياحبيب ودقيت سدرك زيك وزي كل اهل سودانيات خليك متابع وابقي قريب |
اقتباس:
مانا شفقانين علي القروش الاتلمت وعارفنها في الحفظ والصون البوست دا لوضع خطة العامين في المجال دا ودايرين ننور المجلس بدل ينورونا والغرض هو المفاكرة وتجويد التجربة حتي لايحدث مانبهت اليه ياعزيزي ابقي قريب |
مساء الخير
الميزانيه المتوفره دي بحسابات بسيطه ممكن تمشي المشروع دا لعام دراسي كامل تقريبا قد تنقص في آخر شهر او شهرين فشنو نحن هنا في الخرطوم نقعد ونحسب حساباتنا من تاني ونبدا المشروع مع اول يوم دراسي في العام الجديد لانو حاليا العام على اعتاب نهايات المدارس بتقفل الشهر الجاي فبراير لانو امتحانات تامنه شهر 3 والشهاده السودانيه نفس الشيء يا ريت لو الاعضاء جميعا يساعدونا في مقترحات لاعضاء لجنه تقوم بالاشراف على العمل دا |
اقتباس:
برنامج واضح ومحدد وبمتابعة صارمة ويتم اشراك اكبر عدد من العضوية شكرا ياهميمة وسعيدة بوجودك انتي وباقي العقد في المجلس وراجين منكم الكتير ونحن وراكم وتحت الاشارة ارجعي لمقترحاتي بخصوص تسليم الشغل لجهة متخصصة في عمل الاكل |
تحيّاتي آمال
عجبت لموضوع مثل هذا وليس معلقاً في أعلى المنبر! سودانيات ليست منتدى شلة، وإنما منتدى قومي ذو شخصية تنويرية مجتمعية، فيجب بناءً على ذلك أن تكون للمواضيع من على هذه الشاكلة الأولوية في الرفع والتسويق، ثم إن المجاملة ملحوقة يا أهل المجاملة! |
يا ريت تكتر المقترحات وكل زول ياخد راحتو فى تصوره .. ولامن الناس تفتر من النقة .. يتبرع لينا زول بتلخيص كامل (توثيقى ومستقبلى) ..
أرشح نغم أو شبارقة .. عشان يكون فى إلتزام مباشر نُحاسب عليه وما بوست عابر شكراً آمال |
اقتباس:
وحتى آخر مداخلة لم يحدث ما طلبه من حافظ ونبراس لتوضيح ما تم التوصل اليه في أمر الخطة.!!! _____ أولا: بحسب حساب نبراس ود. احمد, الموجود الآن 11,960 جنيه. قيمتها في السنة الجديدة أبداً لن تساوي 11,960 جنيه !!! فهل هناك إنتباه لتناقص القيمة المادية للمبلغ؟ ثانياً: المفروض انه تنادي من أجل عمل خيري, والمتبرعين دفعوا لأجله وليس من أجل إدخار قروشهم, فلو كانت بطرفهم لهذه الفترة ربما كانوا دفعوها مضاعفة .. ما الذي كان يمنع ان تُدفع لأي مشروع يخدم إفطار الطلاب في أي مكان بأي جهة ما دام هو مشروع قائم وواصلٌ خيره. العمل الخيري خيري يا ناس سواء تحت لافتة سودانيات او غيرها او بدون لافتات بالأساس, والأجر واصل لو الهم هو المساعدة.. سنة دراسية كاملة إنقضت, كم من الطلاب كان بالإمكان إفادتهم بـ 11,960 جنيه؟؟؟؟ عديد من الأفكار ممكنة لكنها تحتاج لجسم يمنحها مشروعيتها ويسهل عملها وتطبيقه, حتى ذلك الوقت لا تحرموا طالب من عون في سبيل إنتظار قد يطول أمده. |
اقتباس:
مابقدر اتفق معك في حتة المجاملة دي بس حقيقي الموضوع مهم وتسويقو وتسويق سودانيات زاتا بستلزمو رفعوا في البنار دمتا يامبر |
اقتباس:
نقة شنو ياعمك:D ارجو الراجيكم قبقبة شديدة وسهر الجداد ولا نومو |
اقتباس:
والله مادايرة اعدد السلبيات حماس الناس الفتر بسبب تجميد المبالغ دي وعدم تنوريهم بالحاصل الا لما تحصل لكدات زي دي بالاضافة لاننا قدمنا مقترحين عمليات جدا واحد انو يتم توكيل العمل دا لبوفيه المدرسة ويتم متابعتو ودا ماعمل صعب مقارنة بالقيام بالعمل كاملا التاني قدمتو انا اتعهدت بتوصيلهم بجهة متخصصة تنفذ عمل الوجبة وتوصلها بسعر التكلفة ومافي حد ورانا رايو |
اقتباس:
مفروض نعدد, ومفروض نقول تاني وتالت ورابع كمان.. عارفة ليه؟ بحسب كلام نبراس في 4,500 جنيه من أصل الـ 11,960 جنيه مقدمة كتبرعات من أفاضل من خارج البورد.. يعني ناس قرت او عرفت انه في عمل خير لصالح طلاب, فساهمت.!!! نحنا في سودانيات ملزمين تجاه أصحاب الأموال دي انها تصل للصالح الإتبرعوا عشانه. أعضاء البورد العايز يعفي حقه او ينتظر بتبرعه السنة الدراسية الجاية او اللي بعدها, هو حر. بس الناس المن خارج البورد قرت وصدّقت وساهمت, معقول مساهمتهم تفضل معلقة في رقبة السلبيات ؟!!!! بصراحة, في حق البورد ده شئ مُخزي إن لم يكن له تبرير منطقي ومعقول. اقتباس:
المبلغ في روحه بي تمامه, قاعد يتناقص !!! |
تحياتي آمال و ضيوفها :
مازلت أعتقد بأنو أي عمل خيري ينبثق من سودانيات يجب في البداية أن يعين له منسق من أعضاء مجلس الإدارة ولهذا المنسق كامل الصلاحية للإستعانة بأعضاء آخرين , ولكنه في النهاية هو المسئول أمام الاعضاء عن نجاح أو فشل المشروع . وعليه تقديم تنوير منتظم و دوري للأعضاء بما تم . تعثر تنفيذ مشروع إفطار طالب حصل لعدم وجود هذه الجهة المنتخبة المسئولة . |
ستنا امالنا
القومة ليك لفتح نفاج طال مواربة ابوابه بالاتكال او شي بعيد عن تفكيرنا المهم في الامر تنظيم العمل والتخطيط والتفرغ لمن يجد انه قادرا على الاستمرار لانجاح هذا العمل او يرشح من قبل الاعضاء ان كان من خارج البورد ده بيدينا اننا نتابع تانيا اقترح انشاء اعضاء خارج العاصمة لانو الاقاليم فيها الاكثر فقرا وتتوسع الدائرة ان شاء الله لنغطي اكبر عدد ونساهم في امكانية استمرار الكثير في الدراسة يحدث تسرب من المدارس بسب اللقمة وسد الرمق ده من خلال معاصرتي لكثر ان شاء الله يكون صدقة جارية لكل من ساهم وطبعا بعد الله الفضل يرجع للخالد فينا ربنا يتقبل |
اقتباس:
|
اقتباس:
غايتو هرشتين زي بتوعك ديل المشروع دا كان مشي زي العجب كنتي وين من زمان الغريبة لبدوا ناس احمد ونبراس:p لقوني مسكينة اتمني فعلا نسمع منهم مش كلام بس بيان بالعمل ياشباب |
اقتباس:
بتفق معاك ياحسين اتمني بعد ترتيب البيت يجو يورونا فهمهم واعتقد انو دا اكتر موضوع الناس متفقة حولو ومهم جدا متابعتو بشكل جاد ومسئول من المجلس اتمني يكونو بقرونا ومنتظرين ردهم |
اقتباس:
اقاليم مرة واحدة والله بتمني زيك مشروعنا يكبر ويتمدد زي مامتمنين وقدحنا يصل لكل جيعان بس براك شايفة خلونا نشوف الاخطاء وين ونحدد المعوقات خليك قريبة دايما وماتبعدي ياهويدا بالجد وجودك بطمن وبضيف للمكان كتير وبحسسنا فعلا بالتواصل وسودانيات بيتنا الكبير خلينا نفرش ملايات الامل ونشد ستاير الخير ونطلق بخور المودة سعيدة بيك جدا |
اقتباس:
الينا بالمقترحات ... ومعا قبل بدء العام الدراسي الجديد ننجز ، هناك خطة جيدة بطرف الأعزاء نبراس وأحمد زين تحتاج لاقتراحاتكم تحديدا فيما يخص تدوير الميزانية والدعم المادي ... شكرا لك ... |
شكرا يا آمال على فتح الموضوع ده للنقاش اقتراحى انو يتم انشاء مؤسسة خيرية باسم
الخالد(خالد الحاج)وتكون الاسهامات من اعضاء سودانيات والبركل لان فى كتير عضوية مشتركة وكتير اخوانا فى البركل نادوا بقيام عمل زى ده باتعاون مع منتدى سودانيات اعتقد كده بكون باب المساهمات اوسع والهم ياهو الهم الواحد يا ستى كونى بخير يا حبيبة ولى قدام............ |
بعد الإذن :
يقرأ هذا البوست مع : تجربة النفاج : http://sudanyat.org/vb/showthread.php?t=14406&page=12 ومع : حق الفطور http://sudanyat.org/vb/showthread.php?t=23690&page=11 والبوستات الإتفرعت منو 1/ http://sudanyat.org/vb/showthread.php?t=23909 2/ http://sudanyat.org/vb/showthread.php?t=25508 الملاحظ إنو في تجربة النفاج حوالي 50 عضو أبدو إستعدادم لإنو يكونو حاضرين.. بكل أسف إنفعال الناس ده ما صمد لفترة بتاعة شهر شهرين.. لأنو بعد داك وضح إنو الناس الملتزمة شهريا ما إتجاوز 4 أشخاص هسي تجربة حق الفطور ماشه على نفس الموال بتاع النفًاج الحل في تقديري : - تعيين مسئول مالي جديد مهمتو تتمثل في إرفاق جداول مالية شهرية ، مرفق معاها صورة من التحاويل المالية - بعد مسح إسم المرسل منها - ، وإلزام المسئول المالي ده بإنو تكون أوجه الصرف ما تتعدى بند الإفطار ، وفي حالة الحوجه لتوجيه المنصرف لبند تاني ، عليه الرجوع للجمعية العمومية للتأمين على جدوى المنصرف الجديد أو رفضو. تكليف المسئول المالي لا غير بإدارج جدول إكسل شهري وبالتعاون مع الإدارة تثبيت بوست ليكون فولدر لاحقا تدرج فيهو حركة الوارد والمنصرف من يناير إلى ديسمبر. + التأكيد على إنو المسئول المالي هو المنوط بيهو إنو يفتح بوست يوضح الوارد والمنصرف ، عشان الناس ما تتجهجه ساي . سلام. |
سلام مهند
وخليك متابع ومركز معانا بالله ماريل اقتراحك وجيه رايي انك تكتبي تصور شامل وتختي لناس المجلس في تربيزتهم شليل ياخ البركة الفكت الحردة :) وخلينا نمشي خطوة في اتجاه العملي بأمن علي مقترحاتك دي ونبدأ اولا تعيين المسئول المالي رشحوا لينا ياناس الداخل ثانيا تجديد الملتزمين شهريا لالتزامهم ثالثا نبراس واحمد يطرحوا تصورهم وتتم مناقشته والموافقة عليه |
سلامات امال والبقية حسب متابعتي للبوست انو الناس عاوزة تراجع وصلت وين ووقفت وين في عدد من البرامج بس شايفة التركيز كان علي المثال (افطار طالب) هو مشروع رايع بس ليه الناس ما جابت سيرة لمقترحات تانية برضو محتاجة لمناقشة زي جمعية خالد الحاج الخيرية كانت مقترح من اكتر من سنة وين المقترحات لبرامج جديدة بقترح تكون اللجنة المتابعة للشغل دا من خارج الادارة حتى يتفرغ اعضاء الادارة لمتابعة اعمال المنتدى وتطويره حسب رؤيتهم وتتفرغ اللجنة المنتخبة لمتابعة الاعمال الخيرية والثقافية التابعة لسودانيات حتى تكون المحاسبة منفصلة حسب التقصير |
هذا بوست العام بلا منازع
شكرا آمال المؤملة |
اقتباس:
سعيدين بيك لقينا روحنا في البوست دا شغالين بطريقة الجفلن خلهن وهسي بنقرع في افطار طالب عموما العزيزة ماريل طرحت نفس الرؤية واقترحنا ان تتقدم بالفكرة بموجب دراسة لنناقشها هنا وترفع للمجلس البوست مفتوح لكل مايخص هذا العمل وكل الشكر للادارة لرفعه عاليا واتمني ان يجد الاهتمام من الجميع |
اقتباس:
ومازلنا في انتظار جودو |
شكرا ياأمال .
كل يوم يمر ولدينا مبلغ مجمد كان يمكن أن يُفطِر عدد من الطلبة الفقراء في مدرسة ما , هو دليل آخر علي فشلنا في نقل أحلامنا الوطنية الصغيرة لواقع يأثر في حياة بعض البسطاء . مازلت أعتقد بأن مسئولية تفاصيل التطبيق يجب أن يتولاها منسق من أعضاء مجلس الادارة . نحتاج لبعض الإنتصارات الصغيرة لينعدل مزاج أيامنا السودانية المليئة بالانكسارات. سارعوا! |
| الساعة الآن 04:32 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.