مبروووووووك يا مصر
أول دولة تلفظ الأسلاميين
بطلوا عدم الشغلة والتأويل والفلسفة وشوفوا حالكم المايل أول دولة (عربية مسلمة) تخرج علانية على الأسلاميين ووتزيحهم نهاراً جهاراً وكل مكابر وكل من ألف قصة من خياله حاله (حال الكديس الما لقا اللبن قال عفن) .. خليكم فى ديمقراطية الخج والبنات تلعب الكورة فى الحوش ورئيسكم الرقاص المطلوب فى المحكة الدولية وعمايل قوش ونافع وتحليل المسيار وحوش بانقا فى كافورى البيتو من قزاز ما يطقع بالحجار .. طبقوا الديمقراطية بعدين أتفلسفوا على غيركم |
لا فض فوك يا رأفت ميلاد...
إن مبالغة المناضلين الإسفيريين السودانيين حول الشأن المصري هي اسقاط لحالتنا المتردية والتي عجزنا جميعاً عن التحرك بها نحو نهاية النفق... |
رأفت ميلاد
سلام عليكم تلفظ دي أكثر من كتيرة ، لو حصلت عن طريق صندوق كان صدقتك لكنها حصلت بغير ذلك وما ستكشفه الأيام أعظم. بالنسبة للحالة السودانية إنت وغيرك خاتين يدينكم في الموية الباردة ودايرين غيركم يخوضوا النار ويسقطوا ليكم الحكومة، ولا دا السودان الشقيق الما ليكم فيهو نفقة ، ما تخلونا بالله مناضلو الأسافير بجدارة هم أنتم افعلوا شيئاً ثم قولوا للآخرين ماذا فعلتم. أما مرسي أقصد الرئيس مرسي فعائد عائد كما عاد النميري من قبل. |
اقتباس:
حال المنبر بقى حال (الناس فى شنو والمسيرية فى شنو) .. لنا جعفر فتحت بوست الموسم عن حدث ما ليهو سبق. (الأخوان المسلمين) لأول مرة أصبحوا فى الشارع بإرادة شعب موش بأمر حاكم دكتاتور .. سقط عنهم الحجاب وقعت ورقة التوت ب(لا) ضخمة الناس سابت ده كلو وأصبحت معركة ضد الشيوعيين عشان لنا الفتحت البوست .. ياخ ده ضيق أفق شديد .. وظهر كلام غريب شديد عن الشرعية وآلية سلطة الأنتخاب .. صار مرسى مفترض يكمل ولايته عشان الشرعية تتم .. يعنى يقعد يكسر فى تاريخ شعب وحضارته والناس تسكت عشان الشرعية تتم ثم ثانياً من قال أن الأسلاميين سيتنازلوا عن السلطة بأخوى وأخوك .. ديل ناس شموليين ويدّعون أنهم يملكون حكم الله .. فكيف سيقبلون تسليم السلطة بالأنتخاب .. الى متى نخدع أنفسنا ونزين الفشل بنصر وهمى قلتها من قبل (حفر المصريين قبرهم بأياديهم) .. وأقول الآن (حقق المصريون المعجزة وخرجوا أحياء من القبر) |
اقتباس:
(تلفظ) ليست كبيرة فهى بحجم الجموع التى نزلت الشارع .. صندوق الأقتراع يوازى سحب الثقة وكلاهما يصنعهم الشعب ليست كبيرة .. ما فعله الأسلاميون من هلع فى العالم لم يخرج شعب مسلم بهذه الحشود يستنكره .. هذه هى الغيرة على الدين ورفض تشويهه وليست الأشارات الخجلة والمستحية التى لم تلفظ هؤلاء علانية فى يوم وصارت سمعة الدين معلقة بأفعالهم بدون صوت آخر ينفى ذلك .. وهذا ما حدث فى مصر الآن وعن مسرحية (مناضلو الكيى بورد) و(مناضلوا الأنترنت) لقد كًشق النقاب عنها وأصبحت لا تغنى عن جوع .. الأنترنت لغة العصر وثورة الأتصال خارج يد الظالم ورقابته .. ما تقوله عن اليد المغموسة فى الماء البارد ذلك لا يقًال لنا نحن .. فنحن لا ننتظر الثورة طمعاً فى منصب أو جاه أو مكسب .. ربما نستفيد بأن نًدفن فى أرضنا وأضحكتنى والله بعودة مرسى كما عودة نميرى .. أن أنت نسيت فلن ينسى التاريخ .. يلتقى مرسى ونميرى فى لقب (الرئيس المخلوع) وأنت الصادق |
رأفت مشتاقين
ما عهدناه هنا في هذا المنبر الكلام عن الحال السوداني غير مقرؤ ولا احد يتداخل إلا من رحم ربي وكأن الامر لا يعنينا . اعتاد الاعضاء على ذلك . راجع كل المواضيع السياسية الخاصة بالسودان والغريبة انو المنبر اسمو سودانيات ؟؟؟ يعني يفترض ان نهتم بالشأن الداخلي في السودان .. الان رمضان في اوله .. غلاء وضيق معيشه وانقطاع كهرباء ... نيالا احداث يوميه قتل ونهب .. انبوب البترول من الجنوب الي الشمال أقفل يا عوض الجاز وافتح يا عوض وكأن الامر لا يعنينا .... لكن افتح بوست عن اي وضع سياسي في اي بلد البرازيل مصر سوريا سبحان الله يمشي الحال .. |
اقتباس:
الهم الأكبر فى الذين يتبرعون لكسر روح الثورة .. الذين يدعون الديمقراطية التى يقدموها على طبق من ذهب الى العدو المتربص مساواة فى الحقوق والكلمة .. كذب سيئ عندما يكذب على نفسه وهو يخفى جبنه وعمالته وتملقه لن تكون ثورة ومثل هؤلاء يدعون الفهم والعلم ببواطن الأمور |
عملت أزمة في حرف الواو ده ياعمك، وبرضو إنقلاب:D
اهتمام الناس بالساحة السياسية في مصر،لم ولن يلغي اهتمامهم بالشأن السوداني وأنت سيد العارفين. اقتباس:
الثورة لو قاصد الأحداث التي انتظمت مصر في الايام الفائتة تكون عصرت على الثورات كلها:D لن يجعلنا كرهنا لمنهج وسياسة الأخوان المسلمين أن ندفن رؤوسنا في الرمال حين نشهد على تغوّل العسكر على الحكم الديمقراطي، في السودان أو خارج السودان. أتفق معك في التبرم والضيق من موقف أنصار النظام السوداني الحالي المؤيد للشرعية في مصر، والمهلل لذبحها في الخرطوم. |
اقتباس:
بتعرف النجيضة؟؟؟؟ بس ياها الفوق دي كل سنة وانت طيب ياخ ورمضان كريم بإعتبارك واحد مننا وكدا:D اقول قولي هذا واستغفر الله لي............... |
مبروك حاف كدا ما بتنفع،
كشف الفرح بلغ 12 مليار دولار من السعودية، الإمارات والكويت |
اقتباس:
الثورة يصنعها المكتوون بالنار، المؤمنون بما يفعلون وبما يقولون، الثورة لا يصنعها المتوارون وراء الكيبوردات ويريدونها ثورة بالريموتات والهتافات. لنرجع بك إلى الوراء قليلاً عندما قلبت الإنقاذ الحكم كان هناك ميثاق اسمه الدفاع عن الديمقراطية وقعت عليه كل أحزاب السودان، لماذا لم يهب حزب واحد للدفاع عن تلك الديمقراطية ما في واحد يقول الإنقاذ أرهبتنا وسجنتنا وهددتنا بالويل والثبور، طبعا طبيعي أن تفعل ذلك فأين كانت الشجاعات والتضحيات والثوريات إلى أخره؟؟ فتش عن الجبن الحقيقي تجده كامناً في المعارضة السودانية المرضانة. |
اقتباس:
طبعاً أنت عارف كويس الكلام ما شاملك لكن واقع فينا (النجيضة) بتاعت زول الله لامن نجضتنا كدى أعصر شوية على نفسك وركز معاى وأدينا رأى واضح فى حديث اللواء محمد علي بلال .. وأنا ماشى أعصر عليك بنقاط أحمرا فى الحديث اقتباس:
|
اقتباس:
تعرف أكتر شيئ عاجبنى فى كانديك أعتماده على الرؤية الشخصية المجردة وما بنسحب مع الشللية .. عشان كده الأختلاف معاه ليه طعم الرقى .. والفائدة |
اقتباس:
ناسك دول متعودين على دفع الأتاوات من زمن صدام وبدلوه بالأمريكان بس يعيشوا مبروك على مصر المليارات |
اقتباس:
لييه الجيش يعطى القوى السياسية انذار ومهل؟ مادخل الجيش بعمل الساسة؟ سبب واحد يخلى العسكر يتدخلو فى العملية السياسية مافى, خليك من انو يدو انذارات ويهددو.. أى عسكرى يمشى يقعد فى ثكنتو, ويطبق عليهو سلاحو, وينأطنا بى سكاتو |
اقتباس:
اقول قولي هذا واستغفر الله لي.............. |
اقتباس:
ياح كلف نفسك وأقرأ الكلام كلو زى دة فاصبح لا يوجد سلطة تنفيذية أو سلطة قضائية لان الرئيس لا يحترم القانون أو الدستور لذا كان يجب على المؤسسة العسكرية ان تتدخل وبعدين كان تأملت دى الا انه اصم أذانه وحرض انصاره على الجهاد وروع الشعب المصري تعرف كان ده حصل وحصل صدام بين الجهتين بيحدث ما يعرف (الحرب الأهلية) يا صاح .. إذا حدث هذا سينزل الجيش فارضاً حالة الطوارى طالما هناك أشهار سلاح وده من صميم واجبه وسيضرب الجهتين المتحاربة السؤال من الذى دعا (للجهاد)؟ تحرك الجيش الآن يعنى وقف النزيف بتوقيف الطرف المتعدى الجيلى برواقة ياخ .. الجيش شريحة حقيقية من الشعب .. والأنقلابيين بيغرفوا بالمغامرين ومغامرتهم قبل الأستيلاء على السلطة يجب السيطرة على الجيش .. المهلة والتعليمات خرجت من المجلس العسكرى بقيادة القائد الأعلى للقوات المسلحة .. ما من ضابط صغير مغامر تعدى رتبته وقادته .. لا تنسى مثل هؤلاء حنثوا القسم العسكرى وعقوبتهم الأعدام فى محكمة عسكرية فى حالة فشلهم كان السلطة فى السودان ماسكنها شوية صعايك ما معناه دى المؤسسة العسكرية عشان تجى سعادتك تقول لىّ (أى عسكرى يمشى يقعد فى ثكنتو, ويطبق عليهو سلاحو, وينأطنا بى سكاتو) دى فروسية فى الفاضى .. الجيش هو سلاح الشعب وأول رصاصة فى صدرهم عشان أنت نفضل نايم فى أمان يا مان أصحى للون وما تتابع الموجة |
اقتباس:
ما فطيطتك مداخلتك دى بالذات مهمة .. سيبنا من قصة الأنترنت دى .. أى زول بكتب بأسمو وعنوانو جزء من الثورة .. المبهمين زى الدافعت ليهم ديك لا عندهم هوية ولا عنوان ديل المختبئين خلف الكى بورد ويبثون سمومهم أما عن قصة الأنقلاب الأخير وميثاق الدفاع عن الديمقراطية وأنت الصادق حقوا ترجع الى الوراء بما فيه الكفاية المسئول المثاق يدعو الى عصيان مدنى يصاحب إى عسكرية لتغوض النظام .. حكم الصادق المهدى لم يكن الشعب راضياً عليه (رغم الأنتخاب) .. عندما صدرت له مذكرة الجيش لتحسين الأوضاع لقيت أحترام من الناس .. الصادق المهدى بثعلبيته السياسية ومعاونة صهره الأفعى الترابى (قبل) المذكرة لضمان عدم تحرك الجيش وغدر بهم بعد ذلك بحركة تنقلات لمناطق شدّة ومناطق منسية وإحالات جماعية الى المعاش هذا لم يغير ترقب الشعب لإنقلاب يطيح به .. حركة عمر البشير كانت بثلاثمائة شخص فقط ووقف الشعب مترقباً .. والخدعة كانت فى البيان الأول الذى جاء على هوى الجميع ومن واقع بيان القوات المسلحة .. ولا تنسى نكران الأنقلابيين نكرانهم للكيزان سنتين وكان يردد الرئيس الكذاب أنتمائه فقط للأحضر الذى يرتديه التاريخ لن ينسى يا نقد |
سلامات رافت، فتره منذ سماع صوتك عبر الاثير، عساك طيب ورمضان كريم، موضوع مصر مهم لانها تعتبر مركز القياده العربيه، قرات تحليل منطقي بعنوان
لماذا ترفض حركة الاحتجاج المدني مشروع السيسي؟ كان مشهد عشرات الضحايا الممددين في مستشفى رابعة العدوية الميداني أو المتساقطين في الشوارع الجانبية لواجهة الحرس الجمهوري ومئات الجرحى قنبلة مروعة لكامل المسار المصري منذ ثورة 25 يناير, ومع فظاعة الاجتياح العسكري الذي فشل في إنهاء اعتصام الميادين فقد قدم أيضا صورة خطيرة لما يعنيه التصعيد المسلح الذي بدأه الفريق السيسي بزج القوات المسلحة المصرية في قلب المواجهات ومبادرته بهذا التصعيد الخطير قبل أن يقع ما يَخشى منه كل توجه وطني راشد وكل مراقب محب لمصر. " الجهة التي كان من المنتظر أن تضبط النفس هي من بدأت بتفجير المشهد عسكريا في جموع مدنية من الشباب والنساء والأطفال المصريين, مما عزز المخاوف بالانجرار إلى حالة مواجهة مسلحة " وما نعنيه هو أن القطاع العسكري الرسمي بدأ بحلقة العنف القوية في حين كان المراقب يخشى أن تتحول نتائج قمع الإسلاميين إلى انخراط في تشكيل جماعات مسلحة ورفض مشروع الحركة الإسلامية المدني كليا أو عودة الانضمام لحركة أيمن الظواهري الجهادية المصرية. وهنا المفارقة أن الجهة المنتظر أن تضبط النفس هي من بدأت بتفجير المشهد عسكريا في جموع مدنية من الشباب والنساء والأطفال المصريين, وبالتالي عزز المخاوف من انجرار المشهد المصري إلى حالة مواجهة مسلحة هيمنت على الوضع الوطني الذي تَكسّب منها نظام الرئيس مبارك عبر الدعم السياسي المطلق من الغرب وعبر تبريره للقمع الأمني والاستبداد السياسي الذي عاشته مصر طوال فترته. ولا نعرف إن كانت هذه المبادأة المسلحة من الفريق السيسي لها علاقة مباشرة بخطة إستراتيجية تخلق أرضية لما بعده من الانقلاب الكامل على المشهد السياسي وكل معطيات الحياة المدنية بعد نجاح ثورة 25 يناير, لكن السيناريو التفصيلي الذي وقع بالفعل يعزز هذه المخاوف, ويعزز قاعدة ربط الدعم الغربي باستدعاء التطرف المسلح وخلق أرضيته لضمان فرض منتجات الانقلاب السياسي بمسمى مدني يُخفي من ورائه نموذجا بوليسيا قمعيا. وهنا نحتاج أن نرتب وفقا لسياق هذا المشهد ومعطياته الضخمة السؤال التالي: أين هي القضية المركزية وأين هي القضايا الأٌقل أو الثانوية؟ فلم تعد قضية الصراع مع الرئيس محمد مرسي وفقا لهذه التطورات قضية مركزية باعتبار أن الرئيس مرسي كان وفريقه وتياره الشعبي ملتزما بخيار التغيير المدني وتحييد الجيش والقبول بوسائط الانتقال السياسي, وهذا لا يُلغي أحقية الصراع مع مؤيديه سياسيا وفق هذه القواعد التي أنتجتها 25 يناير. ولقد سجل الأستاذ عبد الغفار شكر أحد قيادات اليسار التاريخية في مصر وعضو قيادي في جبهة الإنقاذ المصرية في اتصال مع قناة الجزيرة حقيقة مهمة في هذا السياق وهي قوله إن الرئيس مرسي لم يكن رئيسا دكتاتورا ولم يُسجل في عهده اعتقال رمز سياسي ولم تغلق صحيفة أو وسيلة إعلام, لكنه أعاد التذكير بخلافه مع مرسي وفشله السياسي بحسب رؤيته كمعارض. " كل مسارات الانقلاب صبت في اتجاه عودة الدولة الأمنية بوسائط الدولة العميقة لنظام الرئيس مبارك وبصورة دولة مدنية جديدة يبنيها الجيش ويهدمها غداً " هنا نعود للتأسيس إلى ترتيب القضية المركزية وهي الانقلاب على المشروع السياسي للثورة ونقل الحالة السياسية لما ذكرناه في المقدمة من التمهيد لوضعية مشابهة بصورة كبيرة لعهد الرئيس مبارك، وليس القضية هل فشل الإخوان أم لم يفشلوا، فكثير من تجارب الأحزاب السياسية تفشل ثم تعود فتنجح وتستفيد من تجربتها, ولكن الدولة المدنية قائمة بشروطها الأصلية والحرية السياسية الكبرى وضمان التصويت الشفّاف، وهو ما صنعته ثورة يناير وليس مجرد صندوق وانتخاب تدعو له الدولة العميقة، فهذا كان موجوداً في عهد الرئيس مبارك وفي ظل أقسى معاناة حقوقية سياسية عاشها المواطن المصري, الذي استيقظ بعد انتخاب أول رئيس على إعلام يشتمه ولا ينتقده فقط ويمسي على طعنه والسخرية منه, وفجأة تحول هذا الإعلام بعد الانقلاب إلى مبرر لاعتقالات سياسية ضخمة وإغلاق وسائل إعلام ومطاردة إعلاميين وقفوا ضد الانقلاب, وذات هذا الإعلام اصطف مع عملية الحرس الجمهوري في سلاحه ضد المدنيين, هنا تبرز لنا القضية المركزية التي تعيشها مصر. والإشكال الرئيسي أن كل مسارات الانقلاب صبت في هذا الاتجاه أي عودة الدولة الأمنية بوسائط الدولة العميقة لنظام الرئيس مبارك وبصورة دولة مدنية جديدة يبنيها الجيش ويهدمها غداً, إن الحملة الإعلامية والسياسية التي أُطلقت على منتسبي التيار الإسلامي ثم اعتقال قادتهم, وتشويه مواقفهم ومحاصرة حراكهم وخنقهم إعلاميا, تم عبر إطلاق الفريق السيسي لأجهزة دولة الرئيس مبارك فعليا، واستيقظ الشعب على عودة مباحث أمن الدولة خلال ساعات, بل داهمت السياسيين ومنهم منزل خيرت الشاطر في غرفة نومه وصوّرت الاعتقال برعاية مؤسسة الانقلاب, وقد أعلنت الصحافة الموالية للعسكر أن الفريق السيسي نسق بالكلية قبل إعلان الانقلاب مع الأجهزة الأمنية. ففي حين أعلن أنه لن يتدخل سياسيا صادر كامل العملية السياسية قبله وحين أعلن في بيانه أنه لا يستهدف التيار الإسلامي كانت مباحث أمن الدولة تعتقل النشطاء السياسيين المناوئين للانقلاب, وحين رسم قلبا على المتظاهرين في ميدان التحرير عبر الطيران الحربي ارتكبت بعدها بساعات مجزرة الحرس الجمهوري. مع كل ما تقدم فإن ما يُطرح على التيار الإسلامي والوطني الرافض للانقلاب ليس مشروعا سياسيا وفق برنامج ثورة 25 يناير، بل هو هدنة بلا ضمانات، فالذي يقدم الضمانات هو من يهدمها والكوادر السياسية الحليفة معه كتمرد والمولاة في جبهة الإنقاذ هي من تعلن مواقف مروعة لحق الإسلاميين في الحياة السياسية, فيما يشبه ردة مدنية حقوقية تورطت فيها أسماء كبيرة في مشهد الفكر الثقافي في مصر, فضلاً عن كل ما نُشر من التنسيق بين الفريق السيسي وجبهة الإنقاذ وحركة تمرد والقيادات الكنسية ونظام الرئيس مبارك. " لا بد أن تدرك كل القوى الوطنية المصرية أن مواجهة عودة نظام الرئيس مبارك والسلطات العسكرية هي من مصلحة مصر القومية والجيش وبناء الدولة المدنية " كل ذلك يعطينا مؤشرا واضحا لعدم ثقة حركة الرفض المدني في الانقلاب وعدم التجاوب مع ما يطرحه الفريق السيسي الذي انهارت فيه الثقة تماماً, فالقضية الآن ليست تصلّب حركة الرفض المدني بكل توجهاتها, لكنها في غياب أي مشروع إنقاذ وطني تقدمه جهات مؤتمنة لمن أُنقلب عليه وفُتك بأتباعه وهو صاحب الاستحقاق الانتخابي في ثلاثة مسارات رئاسية وتشريعية ودستورية لتحقيق تسوية وطنية تضمن أولاً حق إدارة الدولة ومؤسساتها دون عصى توضع في الدولاب أو يُصنع بها انقلاب جديد, أو تُستدرج حركة الرفض المدني من ميدان الاحتجاج السلمي إلى المشانق الجسدية والسياسية. إن هناك ضرورة أن تدرك كل القوى الوطنية المصرية أن مواجهة عودة نظام الرئيس مبارك والسلطات العسكرية هي من مصلحة مصر القومية والجيش وتوجهات بناء الدولة المدنية التي لو اختلفوا على مرجعيتها فإنهم يتوافقون على سلوكها مع المواطن وإن تصارعوا سياسيا, وهذا ما لا يقدمه الاعتقال الأمني للحياة السياسية. ومع رجائنا أن يتم إنجاز خيار توافقي وأن لا يُسفك المزيد من الدماء من كل الأطراف, فإن المدخل لذلك لن يكون بعودة زوار الفجر ولا رأسمالية الحزب الوطني المتوحشة, فإن العدالة الاجتماعية نقيض لمشروعهم وللهيمنة العسكرية. مارايك في وجهه نظر الكاتب؟ |
اقتباس:
سلامات يا عصام وكل سنة وأنت طيب تصوم وتفطر على خير يا عصام كتابات التراشق كثيرة .. منهم من هم على صفوف التصادم ومنهم منتفعون ومنهم منفعلون ومنهم من يبحث عن الشهرة يا عصام ما يسمى (رابعة العدوية) من صنع قناة الجزيرة .. تخصص فى التصوير والأخراج التأليبى .. لا أنفى حدوثة ولا أثق بحجمه المعروض .. وترويج الجزيرة وأنحيازها أصبح سافراً بعد أن نسبت لنفسها صنع ثورات الربيع العربى والحقيقة هى لم تصنعها ولكن تفننت فى سرقتها لصالح الأسلاميين .. وللأسف هى خدمة سياسية لصالح أمريكا ولصالح أسرائيل .. ويعلم الجميع الحكومات الأسلامية هى الأصلح لضعف الدول وتدميرها لن أفند ما ذهب له الكاتب .. ولكنه تاجر كثيراً بزج أسم مبارك وأجهزة مبارك لزرع الخوف والتشكك .. ولم يكن الجيش يوماً من أدوات مبارك أو حتى عبد الناصر القمعية .. بل الجيش نفسه كان تحت رقابة أمنية أحداث (رابعة العدوية) فيها جزء متخفى .. الجيش ليس كالشرطة فى مواجة المظاهرات .. خاصة إذا كان الطرف مسلح فالمواجهة لا ضمانات لها .. طلب التحقيق فى ضرب النار عسكرياً سهلاً جداً لأنه يتم بتعليمات واضحة .. فما هى الحلقة المفقودة فى (رابعة العدوية) على جنب .. الأسلاميين لا تنكسر شوكتهم إلا بضربة قاصمة الظهر |
اقتباس:
فضلاً لا تزوّر التاريخ القريب. الذي حدث في الأيام التي تحدثت عنها كالآتي: أواخر 88 تكونت حكومة من ثلاثة أحزاب هي : الأمة الإتحادي الجبهة. الاتحادي بإيعاز وتخطيط وتعليمات من نظام حسني مبارك لم يترك هذه الحكومة وشأنها وطفق يضع لها العراقيل وذهب الميرغني إلى أديس ليوقع مع قرنق ما عرف باتفاق الميرغني - قرنق ورفضته الحكومة لوتذكرون ممثلة في الجبهة فقط ، بينما السيد الصادق كالعادة مسك العصا من النصف، وقال قولته الشهيرة نقبلها بتوضيحاتها ،ولم يوضح توضيحاتها،حدث بعد ذلك إضراب لاتحاد العمال بقيادة محجوب محمد على - أرجو ان أكون ذكرت الاسم صحيحاً فأنا أكتب فقط من الذاكرة- وهو اتحادي، وبضغط الاتحادي وانسحابه من الحكومة اقتصرت الأخيرة على الأمة والجبهة لمدة حوالى شهر، كانت الاضطرابات والتلويح بالإضرابات سمة ذلك الشهر، بعده مباشرة وفي يناير 89 أصدر الجيش - الذي كان يعاني الإهمال - مذكرته الذي طالب فيه الصادق بتحديد موقفه الواضح ، إما حرب يدعم فيها الجيش دعماً كاملاً من الحكومة ، وإما سلام واضح هذه المذكرة هي التي أربكت السيد الصادق وأقضت مضجعه وهو الخائف دوما على منصبه حتى لو ضاع كل شيء، وفعلا حل الحكومة وأقصى الجبهة وأدخل الحزب الشيوعي بوزيرين ، وهو الحزب الذي لا يملك إلا نائبين في البرلمان، ثارت بعد ذلك ثائرة الجبهة وانتظمت في مظاهرات متواصلة أذكر أن بعضها كان يقودها على الحاج نفسه، وسمت هذه المظاهرات ثورة المصاحف لم تهدأ إلا قبيل إنفاذ إنقلاب البشير في 30/6 وكانت الاستعدادات جارية لاستقبال قرنق للتوقيع على اتفاق الميرغني قرنق يوم 4/7 لكن الانقاذ عاجلتهم بالانقلاب. هذا هو ما حدث وليس على حسب كلامك إن الصادق نقل الضباط خوفاً منهم وبالتواطؤ مع الترابي هذا غير صحيح البتة فأرجو أن تصحح معلوماتك. الناظر إلى هذه الحقبة القصيرة يرى الفوضى التي ضربت البلاد خصوصاً في الفترة الأخيرة من عمر ما يسمى بالديمقراطية الثالثة ، وأسلوب الترضيات التي اتبعها رئيس الوزراء على حساب الوطن ليبقى هو في منصبه، إذا كانت الديقراطية لا ترضي الشعب ولا تحقق طموحاته كما قلت أنت وكون الشعب غير راض عنها ، ما قيمتها ؟؟ ولمصلحة من أثور، من ثورة مع إنني لا أرى أي ثورة إن كان عندك أمارة أخبرني عنها وينوبك ثواب. هذه هي الحالة السودانية. هذا مع التحية. |
مقال آخر يوضح المؤامرة التي تعرض لها الرئيس المنتخب في مصر:
www.alquds.co.uk/?p=61787 |
اقتباس:
تزوير عديل يا سر الختم ياخ أنا أختزلت الكلام فى كيقية عدم أنصياع الشعب بكل فئاته لـ(ميثاق الدفاع عن الديمقراطية) .. أما قصة تنقل الضباط وأعفائهم من الخدمة دى معلومة عسكرية وصلتنى من جلسات مع ضباط متذمرين وذلك أبان أنقلاب الزبير الفاشل .. بالتحديد كنت فى جلسة فى سلاح النقل مع ضباط معتقلين وحراسهم يجلسون فى طاولة واحدة وفى توافف عام وقد كتبت عن ذلك من قبل .. تلك الفترة كانت فترة غزل حزب الأمة والجبهة الأسلامية وتمليكهم مقاليد مجلس الشعب عموماً تشكر على تلخيص تلك الفترة الذى يؤيد حديثى وهو عدم رضاء الشعب على تقلبات الصادق المهدى وتحالفاته المتناقضة للحفاظ على الكرسى .. أنا أحمله فشل حماية الديمقراطية أعجبنى ذكرك أجهاض الأنقاذ لأتفاقية السلام التى كادت أن تتم بمبادرة الأتحادى .. كانوا يعتبرون ذلك عمل بطولى .. وأعلنوا حرب الجهاد التى أستنزفت البلاد فى المال والأرواح وعادوا مهزومين لنفس النقطة ولكن أتفاقيتهم هذه المرة كلفت البلاد بشرخ لن يندمل |
اقتباس:
اقتباس:
القصة العجيبة أنه توفى :D:D أعتقد كاتب الموضوع ملم ببعض المعلومات وسرح فى تحليلاته أو يقصد شخص آخر الله أعلم |
اقتباس:
اذا كان الناس انشغلت بي مصر او ركزت مع وضعها صدقني مافي فرق لانو في الحالتين النتيجة ح تكون واحدة انو يبقى الوضع على ما هو عليه |
اقتباس:
اذكر ان النميرى قال بعد حركه هاشم العطا ..ان الشيوعيه تانى ماتقوم ليها قائمه لى يوم الدين ...واظنه صادق لانه لحدى يوم الدين تبعه .. (يوم قيامه كل زول يوم موته ...حسب القطاعى ..حساب الجمله غير ) ..المهم انه الشيوعيه ماقامت ليها قائمه ...وهذا هو المصير الذى يرعب الاسلاميين حيثما كانوا ..ولك ان تراجع قسوتهم فى مثل هكذا مصير يلوح لهم الافق..تامل مافعلوه فى الجزائر حين تمت المؤامره عليهم واطيح بهم وتامل مافعلوه بالقذافى ..وتامل مافعلوه فى اليمن وما يفعلونه فى سوريا ...وتذكر قريب عمنا شوقى بدرى الذى كان يقيم فى السويد واستشهد فى سوريا عليه رحمه الله ..مثال ليس الا .. الاسلاميين قساه بحق وحقيق ..خصوصا عندما يواجهون مستقبلا مجهول بالنسبه لهم ولا ادرى لماذ يعتقد الاسلاميين انهم سيموتون ان لم يحكموا .. ولاادرى لماذا لاينتبهون ... وفى مصر تحديدا .... الى ان هناك انتخاب قادمه .. تحتاج الى كثير من اظهار العقلانيه والموضوعيه والحديث عن هموم الناس حتى يتم اقناع للناس بانهم الاصلح بدلا من الالقاء بهم من اسطح العمائر كماحدث فى الاسكندريه ..فى مصر ..انتخابات قادمه للرئاسه وانتخابات للنواب ..فعلى الاسلاميين تحسين الصوره امام الناس .. عموما نعم كما قلت مبروك لمصر ..ومره تانيه اكيد مصر ولاده ..وهى دار العلم ومع ذلك وحده معاهم نهى نهى ..بالهندى .. وناى .. بالاسكندنافى ونو بالانجليزى باسويسرى كيف ؟...دمت بخير |
اقتباس:
المشاركة الأصلية كتبت بواسطة رأفت ميلاد http://sudanyat.org/vb/images/buttons/viewpost.gif أول دولة تلفظ الأسلاميين بطلوا عدم الشغلة والتأويل والفلسفة وشوفوا حالكم المايل أول دولة (عربية مسلمة) تخرج علانية على الأسلاميين ووتزيحهم نهاراً جهاراً وكل مكابر وكل من ألف قصة من خياله حاله (حال الكديس الما لقا اللبن قال عفن) .. خليكم فى ديمقراطية الخج والبنات تلعب الكورة فى الحوش ورئيسكم الرقاص المطلوب فى المحكة الدولية وعمايل قوش ونافع وتحليل المسيار وحوش بانقا فى كافورى البيتو من قزاز ما يطقع بالحجار .. طبقوا الديمقراطية بعدين أتفلسفوا على غيركم :L:L |
رأفت مساء الخير ورمضان كريم يابوس.. اعذرني ياخ انا مستهويني بوستك ده لانه امتداد لي عمقي الاستراتيجي :D ولانه بوستك ياغالي ....ولانه الموضوع شائق بس كنت على سفر مضني وما منتهي متعبة لسه من السفر لكن ح اركز على نقاط الكل زايغ منها... النقطة الاولى في زول ياشباب عارف جامعة الدول العربية قالت انه مايحدث في مصر ليس انقلاباً ليه؟؟؟ في زول عارف راي آشتون كان شنو في مايحدث في مصر؟؟؟ الكونغرس مثلاً ...ليه قال ما انقلاب؟؟ الأمم المتحدة في زول عارف رايها الفني شنو؟؟؟ ياخوانا في معايير للانقلابات...يا متحققة يا لأ البقول انقلاب يجي يقول للسبب الفلاني والفلاني والفلاني عشان نكون بنكتب بي احترافية وعلمية في موضوع جلل المسألة ما آراء ....هنا في شغل علمي يفترض تشتغلو كل البشرية تقول رأيك وتدلل عليهو عشان مانكون بنتونس والناس بتموت والشعوب بتتحرق بفتن ممكن نكون نحن مساهمين فيها النقطة التانية هل في زول عندو شك انه الحصل يوم 30 يونيو كان ثورة شعبية؟؟ في زول معترض انه الثورات عندها شرعيات بتفرضا؟؟؟وعندها مسميات؟؟ النقطة التالتة في واحد من الزملاء ضرب مثل,,,, قال انه انت اشتريت علبة تونة تاريخ صلاحيتا تلات سنوات وفتحتها لقيتا فاسدة....ح تاكلا اعتماداً على تاريخ صلاحيتا؟؟؟ ولا ح تلفظا للضرر الح تسببو ليك؟؟؟ (:D:D:D) النقطة الرابعة راي الناس هنا شنو في الوقائع اللي أدت انه سي مورسي يتفتح ليهو هو وبعض قادة مكتب الإرشاد بلاغات تخابر وتعريض الامن الوطني للخطر وتخريب الإقتصاد والفرار من السجن بمعاونة جهات بعينها ايام ثورة يناير؟؟؟ في وقائع ومستندات هنا لهواة نظرية المؤامرة :D النقطة الرابعة راي الناس برضو هنا شنو في موقف اردوغان وطواقمه السياسية؟؟ وبالمرة دور حماس وبعض رموز مادرج على تسميته بثوار سوريا؟؟ ودور اخوان ليبيا وبعض الجلاليب السودانية الما بتخجل واللي سيرت موكب للاحتجاج على ماسمته انقلاب في مصر ؟؟؟ ومسألة السلاح البدخل مصر من ليبيا وفلسطين ؟ النقطة الخامسة راي الناس شنو في العنف الساقوهو كيزان مصر عقب عزل الارادة الشعبية لمورسي بيه؟؟؟ الناس الماتت ذبحاً وبالخرطوش والشباب الرموهم من سح العمارات؟؟ راي الناس شنو في الاسلحة اللي اتمسكت في دور الحرية والعدالة؟؟ راي الناس شنو في اشتعال جبهة سيناء ؟؟ راي الناس شنو في الهجوم على الجيش؟؟؟ راي الناس شنو ياخوانا؟؟ في ناس رايهم انه كلامي كلو صح والكيزان أسوء خلق الله لكن المبادئ لاتتجزء والانقلابات مدانة كمبدأ..... ديل بنرجعهم للنقطة الاولى يردو عليها نحن بنقول ما انقلاب ....وشروط الانقلاب هنا مامتوفرة وسقنا ادلة اتمنى يجاوبو عليها والكيزان والعندهم ميول عقدية ومن لفّ لفهم حقو يقرو ويجاوبو على الكلام الفوق ده كلووو بصدق وياريت يجينا واحد يتصدى للكلام بشكل مرتب ويجاوب بصدق وتجرد على سؤال سؤال ده عربون يا رأفت وبجيك صادة ياغالي اتمناك بخير ومشتاقين كتير |
اقتباس:
ياخ دي اكبر فكة في الروح قابلتني يا لنا ياخ كل ما ورد في السايبر السوداني هي ونسة سااااااي اوعى تكونو متخيلين تضامنكم او شجبكم واستنكاركم عمل حاجة محليا خليك من الاقليمياً ياخ بتبالغوا لكن!!!! |
|
:D:D
اتاريهو عمر البشير ما براهو في حتة الكضب الكبار كبار بس عمر البشير الاول لانو ما بنكر... التلميذ دا بينكر [flash=https://fbcdn-video-a.akamaihd.net/hvideo-ak-ash4/v/1050347_10151542408211634_1198819584_n.mp4?oh=de8b 6d28959b8811b347f64f3001e54c&oe=51E3418B&__gda__=1 373847125_d927a31a30fd62b0ccc1c06638a78daa]WIDTH=350 HEIGHT=400[/flash] |
اقتباس:
اقول للحبيب اسعد .. احس دوما بانك قريب من افكارى واحيانا تنطق بها .. واظننى استعرت بعض ماقلت ... المهم ..اعتقد ان الياس من الشعب السودانى الفضل قد بلغ بك مداه ...ولكن اقراء التاريخ فستجد ان افرادا غيروه وستجد ان كلمات هزت عروش وستجد قوله تعالى اانتم تزرعونه ام نحن الزارعون ..(خد الموضوع عام وليس زراعه فقط ) وهكذا يا اخى مااظلم ليل الا واعقبه صباح .. ولرب كلمه فعلت الافاعيل فلاتبخسنا قدرنا ولاتدع الياس يتملك منك ..ابذر معنا بذور الحب للوطن واترك المولى يرعاها ويرعانا ويرعاكم اجمعين |
اقتباس:
دس كروك خليني اللنبذ بت أم كرو روفي الحبيب حمل كما شئت لكن إتا يابا ولا آآآآآآآآآآآآآآآ الرجال لا يحْملون ولكن الأقوياء يحِملون الآوزان غايتهو نقول الله غالب والله لا محبة مجردة في الرجل، إلا محبة في الصدق وكرها في أولائك الذين زيفوا التاريخ وإدعوا بطولات كنا أول أيام الانقلاب في وش المدفع وكان الامراء نيام تخاذل أول أيام؛ الشيوعيين والبعثين والنقابين وفاز بها أخيرا الكيزان كنتو ويييييييين ناس شوقي وإتا وهو وهي يابا أسترونا يستركم (الرب) |
إهداء للإسلامين والباكين على الشرعية
http://www.youtube.com/watch?v=PBPowbSzUww |
| الساعة الآن 10:00 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.